السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له. واشهد ان محمدا عبده ورسوله. وبعد فما زال حديثنا عن ارشادات السير الى الله سبحانه وتعالى. فنسأل الله سبحانه وتعالى ان يأخذ بقلوبنا وعقولنا اخذ الكرام اليه ويشرفنا اليكم بحسن الوفادة عليه ويمن علي وعليكم بقلب سليم من قواعد السير الى الله سبحانه وتعالى اننا نجعل لانفسنا خبيئة وسريرا اجعل لنفسك خبيئة وسريرا. لا يعلمها الا الله ان يكون في عمل آآ خفي بينك وبين الله سبحانه وتعالى لا يعلمه الا الله فكما ان ذنوب الخلوات مهلكات فكذلك حسنات الخلوات منجيات مهم قوي النبي صلى الله عليه وسلم بيقول لنا من استطاع منكم ان يكون له خبء من عمل صالح فليفعل كان البعض يقوم الليل وزوجته لا تعرف وانا اعرف من تصدقت بكثير من مالها بل ببعض ذهبها وزوجها لا يعرف سبحان الله وهل هي لازم تقول لزوجها لو المال مالها والحاجة حاجتها هي الخاصة فلا يشترط فلها حرية وزمة مالية خاصة بها فسبحان الله الانسان احنا بطبيعتنا بالحسنات بنحاول نظهرها للناس بتلاقي ناس كتير بتحاول تزهر حسناتها لكن بيستحي جدا ان سيئاته تتعرف السيئات تزهر آآ كانوا احيانا يثنوا على بعض الناس يقول يخفي حسناته كما يخفي سيئاته ان سبحان الله ان الواحد يستحضر هذا المعنى دائما ويضع في اه زهنه انه لن ينجي بعد توفيق الله الا مسل هذه الاشياء ولزلك عبدالله بن المبارك يقول ما رأيت ارتفع احد مثل ما لك يعني في عصرهم يقول انا ما شفتش حد زي مالك ده بيقول رغم ان هو ليس له كثير صلاة ولا صيام يعني كأنه ايه مستعجب اوي يعني بس في الاخر خالص بيقول ايه؟ الا ان تكون له سريرة. الا ان تكون له سريرة. بينه وبين ربنا سبحانه وتعالى في سر بينه وبين ربنا في اعمال لا يعلمها ولا يعرفها الا الرب جل وعلا وده سبحان الله يعني كان مشهور جدا عندهم ابن الجوزي له كلمة جميلة قوي قوي بيقول والله لقد رأيت من يكثر الصلاة والصيام والصمت ويخشع في نفسه بيقول انا شفت ناس كده صلاتها كتير صمها كتير والصمت بتاعه كتير. شوفوا من العبادات الجميلة فليقل خيرا او ليصمت. من العبادات الجميلة عند السلف الصالح عبادة الصمت انك تسكت لو ما فيش خير هتقوله انك لا تكون سرسارا كثير الكلام فبيقول انا لقد رأيت من يكثر الصلاة والصوم والصمت ويخشع في نفسه والقلوب تنبوعا اي تبتعد وقدره في النفوس ليس بذلك. تفتكروا ليه تفتكروا ايه اللي ممكن يخلي واحد هو داخل يعني يؤدي واجب الا من رحم ربي يعني طبعا في مريض سبحان الله! مرضه يلجأه ان يبكي الى الله ويدعي ربنا ربما لو هو في الصحة ما ناجى قط في حياته يحصل فيه كده يكون صلاته عالية قوي وصوموا عالي قوي وعنده عبادات وبيخشع في نفسه والقلوب تبتعد عنه. الناس مش مرتاحة ما بتحبوش وقدره في النفوس ليس ذلك ثم قال ورأيت من يلبس فاخر الثياب وليس له كثير نفل ولا تخشع والقلوب تتهافت على محبته بيقول انا شفت ناس تانية بقى عادي جدا لبسه شيك وما لوش حاجات كتير ولكن القلوب يعني تموت فيه يقول فتدبرت السر. والسبب فوجدت السريرة فمن اصلح سريرته فمن اصلح سريرته فاح عبير فضله اللي يصلح السريرة بتاعته العبير العطور بتاعته الداخلية تنتشر. فاح عبير فضله وعبقت القلوب بنشر طيبة سم يختم كلامه يقول ايه؟ فالله الله في السرائر فانه لا ينفع بفسادها صلاح ظاهر يقول لك الله يكرمك ركز ركز في الظاهر بتاعك المعنى ده مهم قوي ان الانسان يحاول يعيشه وهو نفسه اللي بيقول نزرت في الادلة على الحق على الله سبحانه وتعالى فوجدتها اكثر من الرمل ورأيت من اعجبها يعني من دلياه الى وجود الله ومن دلائل الحق سبحانه وتعالى. شوفوا الناس لما تكون راقية ونقية بتوصل ازاي في معرفة الله سبحانه وتعالى. فيقول ورأيت من اعجبها ان الانسان يخفي ما لا يرضاه الله. بيخفيه في قلبه فيزهره الله ولو بعد حين وتنطق به الالسنة وان لم يشاهده الناس. واحد مسلا بيحتقن تجاه اهل الصلاح. واحد بيكره الدين واحد عنده مشكلة مع شعائر الاسلام سبحان الله يعني يأبى الله الا ان يلبسك رداء ما في قلبك لازم اللي جوة يطلع فيقول يطلع وتنطلق به الالسنة وان لم يشاهده الناس. وربما اوقع صاحبه في افة يفضحه بها بين الخلق فيكون جوابا لكل ما اخفاه من الزنوب ليه بقى؟ بيقول لك ليعلم الناس ان هناك رب يجازي على الزلل ولا ينفع من قدره وقدرته حجاب ولا استتار مهما قفلت الابواب وغلقت الابواب. فيه باب ما بيتقفلش الا باصلاح السرائر باب السماء يقول وكذلك يخفي الانسان الطاعة. واحد كان بيتصدق على حد من الفقراء بيسد دينه. المهم بيعمل حاجة بدون ما حد ياخد باله يقول فتظهر علي. اسار الطاعة دي تظهر علي. ويتحدس الناس به ويتحدس الناس به وبه. وبها وباكثر من ذلك. حتى انهم لا يعرفون له ذنبا. ولا يذكرون الا محاسنه ليعلم ان هناك ربا لا يضيع عمل عامل وان قلوب الناس لتعرف حال الشخص وتحبه او تذمه او تمدحه وفق ما يتحقق بينه وبين الله الكلام ده نفيس اوي اوي اوي وعاوز شرح عالي اوي. بس ما فيش وقت لكن خلونا يعني اه نفهم ان يا جماعة ان الاسرار دي مهمة قوي انه يكون بينك وبين ربنا. انا مش بقول لك ان اعمالك كلها تكون كده. بس على الاقل. يبقى في عمل في رمضان لازم يكون في عمل يومي لا يعرفه الا الرب جل وعلا اللي انت اتعودت معه على الخير ده يعني مسلا انت اتعاونت مع جمعية خيرية خلاص يا جماعة بعد ازنكم ما حدش يعرف اللي انا جيت بتدي فقير او بتعمل حاجة في المسجد فالطبيعي ان في ناس هتحتك وتعرف يعني الفقير نفسه هيعرف اللي انت عملته في حاجات نادرة ما حدش هياخد باله بس الاصل ان الناس آآ ان يكون في قاعة حاجة بسيطة خالص على فكرة انت ممكن ممكن يعني انت ممكن تعمليها مع حماتك ممكن تعملها مع حماك ممكن تعملها مع صاحبك انك تدي له حاجة وما حدش عارف زوجتك ما تعرفش فين لما والدتك تعرف ويفضل في العمل الخفي ده يا جماعة انه يكون متعدي يفضل يكون متعدد لان الناس ممكن طبيعة الانسان بيحب المال والبخل والراحة يقول لك عمل سر؟ اه هقوم اصلي ركعتين ده جميل وده عمل خفي. بس انا ما انصحش انك يعني تكتفي به وبس ما تقفش عنده هو بس لا حاول يكون العمل بتاعك يكون فيه نفس اه ان في ناس تانية تستفيد من الكلام الجميل قوي ان اللسان لما بيكون صافي القلب وبيؤسر الصفاء ده على عفة اللسان بعد كده ان احد الائمة الكبار اظنه مالك كان يقول كلمة الكلمة ديت ان هقول ما تسمعوها هتقولوا فعلا احنا شفناها كتير في حياتنا بل ممكن انت تكون احد الناس اللي جرب الحاجة دي دول ايه بقى بيقول هناك اقوام كانت لهم عيوب فسكتت السنتهم عن عيوب الناس فاذهب الله عيوبهم عن السنة الناس. ما حدش بيجيب سيرته وكانت هناك اقوام ليست لهم عيوب فتكلموا في عيوب الناس فقدر الله لهم عيوب فتكلم الناس عنها والله الاسر ده مرعب وجميل ولزيز. مرعب ان انت تخاف على نفسك. وجميل انك شايفه. كل يوم بتشوفه تقول سبحان الله الانسان ده ايه اللي وقعه هو مشغول مشغول بغيره والمشغول بغيره ده اه عشان قلبه فاضي مش مشغول بقى بالنصيحة اللي احنا بنتكلم فيها من الارشادات ديت غير كده اجعل لنفسك خبيئة وسريرة لا يعلمها الا الله وخلي بالكم ان آآ الزنوب الخلوات الانسان لما بيبيع من الخلوات. هو الطبيعي الانسان بيعمل الزنب في العلن ولا في الخلوة طبيعي بيعمله في الخلوات طيب يعني ايه يعني ايه كلام ان ذنوب الخلوات ديت تقربك من سوء الخاتمات؟ طب ما هو الطبيعي ان احنا كلنا بنعمل الزنب في الخفاء والمراد هو الاصرار وان ان الانسان كلما خلا وقع وكلما خلا تمادى وكلما خلا تتساهل في هذا الامر. هو ده المراد مش مجرد ان ان الانسان بيعمل الزنب في الخفاء الطبيعي هيعمله في الخفاء بل العكس يعني الانسان لو كده كده هيعمل زنب وابتلاه الله بزنب يعمله في الخفاء او في العلن لا شك ان هو يعمله في الخفاء. لان العلن بيجمع بين الزنب حاجة كمان وهي المجاهرة عافانا الله واياكم. طب ليه انا قلت الجملة ديت ليه انا قلت الاحتراز اللي من دقيقة ده لان في ناس ممكن اما يقرأ النص ده او يعرف حديس زنوب الخلوات والكلام ده يترعب ويحس ان هو اتدمر من الداخل ليه؟ ويقول لك خلاص انا اعمالي يوم القيامة هتكون هباء منثورا. فيترعب. لا احنا بنقول الطبيعي ان الانسان بيعمل الزنب في الخفاء لكن ان المراد هو الاستمرار والسبات وان يكون دي عادة عافانا الله واياكم من الحاجات المهمة قوي استحضار ان بيعة العقبة الثانية لما الصحابة بايعوا النبي صلى الله عليه وسلم رضي الله عنه وسطر هذا الرضا في كتاب لا يمحوه الماء فقال لقد رضي الله عن المؤمنين اذ يبايعونك تحت الشجرة بتقول انا انا مستني ان هو هيعمل اي حركة راح قال كده قدام الناس متشكر جدا وراح موقف تاكس فبيقول انا قاعد في زهول هو ايه اللي بيحصل فانت سبحان الله انت ما تعرفش تاني لقد رضي الله انت اصلا حياتك كلها عشان ربنا يرضى عنك ما بتاخدش الرشوة عشان ربنا يرضى عنك ما بتعصيش والدتك عشان ربنا يرضى عنك ما بتأزيش بتأزي زوجك عشان ربنا ايه يرضى عنك. ما تبصيش على حاجة غلط عشان ربنا يرضى عنك. دايما تقولي عشان ربنا يرضى عني. صح طيب لقد رضي الله عن المؤمنين اذ يبايعونك ايه؟ تحت الشجرة. ناس قاعدين تحت شجرة كده عادية خالص النبي صلى الله عليه وسلم قال من يبايع امبايعه في بيعة الايه؟ الحديبية معذرة لو كنت انا قلت العقربة فشوفوا سبحان الله هذا الامر نخرج منه بايه؟ بالقانون من قوانين السير الى الله لا تشغلك الاماكن الفارهة. لان اعظم مؤتمرات التاريخ كانت تحت شجرة الصدق والاخلاص يسد عجز الوسائل الصدق والاخلاص بيسد عجز الوسائل اصل انا مش معي اصل انا مش لاقي اصل انا مش عارف ايه الاخلاص يا جماعة يأتي بالوسيلة عشان كده دايما نقول حرر نيتك واصدق فيها مع الله سبحانه وتعالى فكلما اخلصت اتت الوسائل ترقص طربا اليك وعلى فكرة كل القادة اللي في العالم من اهل الاسلام وبل من غير اهل الاسلام لما ارادوا ان يعملوا حاجة ما كانتش معهم الوسائل لكن هم لما صدقوا في فكرتهم طوعوا كل حاجة قدامهم ان هي تطبق يطبقه بها الغاية اللي هم ايه طب خدوا الوسائل عشان ايه؟ يستعملوها في الغاية اللي هم يريدوها ويصدقوا. فلا تشغلك الاماكن الفارهة احيانا صحنا الدار بتاعتنا ضعيفة اصل احنا مش عارف ايه بنحاول ناخد بالوسائل اه لكن ننتبه ان اعظم مؤتمرات التاريخ كانت تحت شجرة المعنى ده مهم قوي قوي قوي. فكل اخلاص دايما الوسائل وعجز الوسائل وعجز الامكانيات يسد هزا العجز صدقك واخلاصك وطبعا من علامات الصدق السعي مش تقول لي خلاص بقى انا صادق ومخلص فخلاص الموضوع لأ اسعى فمن علامات الصدق هو انك متوكل على الله ومن علامات وصحة التوكل انك تطرق ايه تتوكأ على السبب وتتوكل على الرب جل وعلا جنة من قوانين السير هو دعاء بس هو من قوانين السير ان في اعتراف وفي حاجات كتيرة جدا. اللهم اني فوضت امري اليك انت تقدر تعمل توكيل يعني انا هقول لكم على حاجة انا هختار منكم واحد عشوائي كده مسلا. اقول للدكتورة رحاب الدكتورة دينا اسراء من الاسماء اللي زهرت قدامي دول ترضوا تدوني توكيل في الشهر العقاري على كل شيء انتم تملكوه في حياتكم تحس ان آآ اه بقى محاضر وبيدينا دروس وكل حاجة بس استنى لأ يا عم احنا نعرفك. نسأل عليك الاول وانت عاوز تعمل ايه في التوجيل ده وتلاقي الزوج يقول لك انت رايحة فين والوالد يقول لأ وادي في ناس بدأت تقول لك لأ طبعا ونديك ليه فبدأت الناس ايه تقول اهي انا لا عاوز ولا حاجة بس هي الفكرة فين شوف انت معايا كده طيب ولله المسل الاعلى انت التوكيل ده تفويض احنا ليه بقى مش عاوزين نفوض الله سبحانه وتعالى في حياتنا كلها وتقول اللهم اني فوضت امري اليك يبقى المعنى ده مهم قوي فكرة التفويض فكرة انك اه خدت السبب خلاص يا جماعة ده اللي عنده محامي واللي بيسق فيه اللي بيسق في حد من اهل الفضل وكده بيدي له توكيل يقول له خلاص انت توكيل تعمل كزا انت توكيل محدود او توكيل انك تبيع وتشتري انت توكيل كزا انت توكيل كزا. طيب هل الله سبحانه وتعالى انت دلوقتي راضي ان الله سبحانه وتعالى يكون وكيلك كده الحسن البصري كان لما عمر ابن هبيرة تولى امر البصرة يعني فبيقول له انصحني يعني فقال له كلمة جميلة جدا. طبعا كان يزيد الخليفة قال له يا ابن هبيرة خف الله في يزيد ولا تخف يزيد في الله الكلام ده متين اوي اوي ثم قال ان الله يمنعك من يزيد وان يزيد لا يمنعك من الله واوشك ان يبعث اليك ملكا فيزيلك عن سريرك ويخرجك من سعة القصر الى ضيق القبر. ثم لا ينجيك الا عملك الجملة اللي عاجباني قوي ان الله يمنعك من يزيد ولكن يزيد لا يمنعك من الله الحاجات دي بتخليك دايما قلبك مرفرف وتفوض امرك الى الله انك تقول اللهم اني فوضت امري اليك. تاخد بالاسباب وكل حاجة وفي الاخر خالص ايه؟ يا رب الامر ده عندك انا فوضت انا يعني ايه فوضت واحد انا انت دلوقتي عشان تفوض وتديني التوكيل في المساعدة اللي انا كنت قلته لكم واتضايقتوا من بعضكم منه والكل قلق ليكون الموضوع جد عشان انت تديني انا توكيل واحد انت لازم تكون واسق في حكمتي وعلمي اتنين واسق ان انا هختار لك الاصلح ان انا بودك وبحبك واسق ان انا قوي وان ما فيش حد يقدر ايه؟ يأزيك واما ياخد مني التوكيل ده انك ان انا اقدر ان انا احفز لك الحاجة ديت فعندي قدر من الامانة والحفظ صح ان انا ان ما فيش حاجة هتقف قدامي وعشان انت توكلني لازم تبقى انت مستحضر الحاجات دي كلها ان انا هختار لك الاصلح ان انا بحبك ان الحاجة ما فيش حد هيقدر يقرب منها ما فيش سبب يقدر يمنعني من اللي انا احققه لك. ان انا هختار لك كل ان انا خبير لك بقى كمان عارفك كويس اوي ان انا هختار لك الشيء اللي ينفعك ان في الحكمة هو ده بقى افوض امري اليك انا كده يا جماعة تفعيل الاسماء الله الحسنى الحياة تفعيل الاسماء الحسنى في الحياة. يعني ايه في الحياة؟ انك يا جماعة زي ما بنسقط الايات ونقدر نقول تطبيق الاية دي فين في الحياة؟ اسماء الله الحسنى فين في حياتك يعني انا والنهاردة قلت لك ايه تعال اقعد معي ايه الايات اللي انت استشعرتها النهاردة او في التلات ايام اللي عدوا دول فتقول لي والله سبحان الله وقفت مع قول الله سبحانه وتعالى كزا وفهمت الاية ديت وو جميل قوي عاوز اقول لك بقى طيب سيرة النبي صلى الله عليه وسلم في حياتك التلات ايام دول كانت حضرت فين وتقول لي السؤال ده شوية صعب لكن ممكن ايه اقول لك مسلا في موقف هنا طيب تعال بقى ادخل معك في مستوى اعلى الله سبحانه وتعالى في التلات تيام اللي فاتوا دول انت عشت معه يا جماعة جميل كده تبقى طالع من المسجد كده وبعدين وانت بتقول له اخبارك اخبار الاولاد والكلام ده كله تقول له انت عشت مع اسماء الله الحسنى الفترة اللي فاتت دي. في اسم حضرك فيه فعل فيه صفة فسبحان الله المهم يعني نسأل الله ان يرحمها رحمة واسعة. الشاهد ان المعنى ده مهم انك احيانا في زحمة الحياة بتدور على النايب وسايب رب النايب وسايب الوكيل والشافي والطبيب بنجري على اطباء كلهم ونسينا استشعرتها يقول لك طبعا اول مرة اخد بالي من يعني ايه زيت طول ياه احكي لي احكي لي تجربتك مع الايه؟ مع زيد طول فهيحكي لك بقى احكي لي تجربتك مع القدوس يقول لك يا اخي وانا بقرأ الملائكة كده تقول ونقدس لك ياه هو احنا بنتطهر عشان نصلح في علاقتنا مع الله تبقى نضيف وانت قاعد تقدس ديت يعني في واحد يا جماعة الناس دي عايشة يقول لك انا عشت مع قول الله سبحانه وتعالى وفعل الله سبحانه وتعالى كف ايديهم عنكم. ان ربنا بيكف عنك. قلت المعنى ده قوي انا كنت كزا وكنت كزا وكنت هركب القطار اللي حصل فيه كزا كفى سبحان الله عني كف عشت بمفهوم فعل الكف فالواحد يا جماعة وبعدين اما اقول لك عشت يعني قلبي هو اللي بيقول. مش عقلي. فيه فرق بين ان عقلك يتكلم وفيه فرق ان قلبك يرفرف يعيش دي فرق كبير عشان كده مجالس التدبر بتلاقي معظم اللي بيتكلم بيتكلم من عقله وفي ناس بتحكي لك قلبها في فرق كبير انك تحضر درس عن الدعاء وانك تيجي تكلمني عن تجربتك انت في الدعاء يعني انت ممكن تدي المجلس بتاعك احلى درس في الدعاء ومحضر كويس اوي بس الدرس اللي هيكون اجمل عارف نهون لما تحكي لهم ان مراتك لما كانت بتولد والدكاترة كلهم قالوا ان الجنين مات او خلاص بيحتضر ورحت انت ساجد على الارض والتراب والمية قاعدة طافحة في كل حاجة ونزيد خالص نفسك ورحت بكيت وقلت له يا حي يا قيوم اللهم اني استغيث بك يا حي ان تحيي هذا الغلام فتفاجئ ان الممرضة نازلة تجري من الاسانسير وتقول يا دكتور من فلان يا فلان يا فلان. خلاص الحمد لله الولد ايه استعاد تاني وايه والاكسجين بتاع ورجع والدنيا جميلة ياه! فانت تيجي تحكي لي بقى هنا هنا انت فهمتني معنى الدعاء فعلا غير ما الدنيا بتحكي لك هم كتير وتقول لي بقى وقال الله وقال العلماء وتفسير الحديس ده كلام جميل بس الاجمل بقى ان الحاجات بتاعة الايات دي تنزل على الارض ان انا اشوف المعنى خذوا معانيه ممن يعانيه فاللهم اني فوضت امري اليك مم عشان كده احد العلماء كان يقول اني ادعو الله في حاجة فان اعطاني اياها فرحت مرة الدعاء بتاعك ده ممكن يكون مخبأ لك واحدة زي ديت والله لطفا بك يبعدك عن كده فبسأل الله السلامة. وممكن تبقى في حاجات تانية خفية انت ما تعرفهاش. ربما الانسان ده وان لم يعطني اياها فرحت عشرات المرات لان الاولى اختياري والسانية اختيار الله علام الغيوب يا سلام لا مانع لما اعطيت لا مانع لما اعطت ولا معطي لما منعت يعني ربنا يرزقني كده نبقى نعلق على ادعية النبي صلى الله عليه وسلم فالدعاء ده يقول لا مانع لما اعطيت في حد يقدر يتكلم في او يديك حاجة ربنا قدر ان هو يديها لك ان في حد يمنعك. لا لا مانع لما اعطيت ولا معطي لما منع جمال الحديس ده ايه اللي في المقطع ده؟ النبي صلى الله عليه وسلم يقول ايه؟ احق ما قال العبد ياه احق ما قال العبد دي من ضمن الجمل ان احق ما قالها الانسان يا جماعة تبقى عايش كده مرتاح. عارف كده شعور واحد حاطط رجل على رجل وفي حريقة ورا في ضهره وقاعد بيبص كده على البلاج وبعدين يبص كده يقول ايه ده فيه ولعة اه هتعدي ايه يا عم انت جايب الاطمئنان العالي ده منين طبعا انا ما بقولش يعني ان هو سايب الاسباب لأ انا عاوز بس يعني اقرب مفهوم السبات النفسي فالانسان بيكون ايه؟ لا مانع لما اعطيت ولا معطي لما منعت حد من الشباب بيقول لي ان والدته كانت تحتضر وكانت في المستشفى وكان الاكسجين محطوط عليها وبتاع المهم ايه مرة واحدة كده الاجهزة بدأت تعمل بقى الاصوات الايه؟ المخيفة دي. وان خلاص ان فيه مشكلة فبقول انا يا ريتني اجري اجري اجري في الطرقة واقول فين النايم؟ فين النايب؟ النايب يعني الايه؟ الدكتور اللي ماسكة الدور وقاعد شوفوا لي النايم شوفوا لي النايم الزول فيه ست عجوزة كده كانت معدية تقريبا بقى الله اعلم كانت يعني ايه بتزور حد وكده راحت قالت لي يا ابني امك مش عاوزة النايب امك محتاجة دعوة بينك وبين ربنا بيقول انا الست دي لما قالت لي ان والدتك مش محتاجة النايب ووالدتك محتاجاك محتاجاك انك انك تدعي ربنا يقول انا الجملة دي نزلت علي برضو وسلامة. رجعت لامي بقى. جري وانا كنت متوتر جدا بيقولوا رجعت لامي بقى عشان انطق الشهادة وازكرها ان الشافي في السماء قاعدين نجري على الارض ندور على الرزق سبحان الله وفي الاخر ننسى ان الرزاق في السماء ناس كتير ده الشعور بتاعها والحياة بتاعتها عايشة كده يجري جري الوحوش وينسى ان رزق الله لا يحوش سبحان الله! ما حدش هيقدر يحوشه يعني. بالراحة امشوا في مناكبها. اهدا فلا مانع لما اعطيت ولا معطي لما منعت. واحفزوها جيدا كما حفز صديق سفيان رضي الله عنهم سفيان الثوري لما قال له يا سفيان والله ما منعك بخلا ولكن منعك لطفا احيانا انت تبقى فاكر وليه وبتاع وان اتأخر زواجي وبتاع وما رزقتش ولد وليه وبتاع والله ما منعك بخلا. هو لو اديت يعني معلش يعني انت دلوقتي يا استازة فلانة لو ربنا دلوقتي رزقك بالاستاز فلان اللي نفسك فيه ده هو في حاجة هتحصل في الكون يعني يعني في شيء هينقص من ملكه فما منعك بخلا ولكن منعك لطفا اللي انت بتبقى شايفاه الودود الراجل الطيب السكرة ده ده ممكن آآ يعني يبهدلك ويكون هو ده عزابك لكن انت مش عارفة انت شايفاه هو الشاب القمور بتاع الجامعة اللي بيتواصل التواصل الليلي الكيوت ده وقاعد بيلعب وبيبعت دباديب الدباديب دي هتتقلب آآ انياب بس انت مش عارفة مش حاسة السكينة سارقاكي لكن الله سبحانه وتعالى يختار لك الانفع. فوالله ما منعك بخلا ولكن منعك لطفا احيانا الدنيا بتدعي ربنا تقول له يا رب زوجني فلانة يا رب زوجني فلانة يا رب زوجني فلانة وهي مش وبعد بقى ما ربنا سبحان الله يعدي عليك خمس ست سبع سنين بتقول اللهم لك الحمد انها ما تجوزتهاش. ليه شفتها في الميدان راكبة مع زوجها مش عارف بصيت له بصة وهي بتقول له انا هنزل اجيب حاجة كده. فقال لها طيب بسرعة عشان الاولاد راحت باصة له بصة قال لها انا اسف وهو كان ايه راكب العربية. انا قلت يا ربي الحمد لله ان انا ما خدتش الايه المرتبة دي انا كنت هتحط في الضغط ده يحكي لي احد الشباب بيقول لي ان هو شاف الموقف ده بيعاينه بيقول كنت انا واقف قدام سوبر ماركت كده ففي واحدة نزلت فهي وزوجها يعني فمش عارف ايه قال لها كلمة كده يبدو ان هي ضايقته راحت ماسكة الشنطة وراحت راميها في وشه. قالت له والله ما هتركب معي العربية. يلا اركب بقى شف تاكس لو تزوجك ربما ان اولادك يكون عندهم مشكلة ضخمة جدا جسدية ومشكلة صحية بسبب ايه؟ يعني ان ده يجتمع مع دي فوالله ما منعك بخلا ولكن منعك لطفا سبحان الله! لان ممكن تاخد حاجة تحجبك عنه. هناك اقوام لا يصلحهم الا الفقر لو اغتنوا كفروا لو خدوا العطاء وانتم شايفينهم فيه ناس كده خدوا حاجة تركوا لربنا بها بسببها وهناك اقوام لا يصلحهم الا الغنى ويظل يغني هذا ويظل يبعد هذا عن المال. في ناس كده سبحان الله في ولد اتولد يتيم فاتولدت معه دافعية انه يدرس ويحصل شهادات عشان ينجح ويقدر يقف على رجله وفي ولد تاني في بيئة مترفة حاجة التعليم ويتعلم ليه؟ ما كل حاجة قدامه العربية والموبايل والقصر وكل حاجة تحت وبابا بالتليفون يجيب اللي انا عاوزه يعني. اعرف واحد بيقول لي انا ابني كان في تانية ابن اخويا في تانية سانوي حصلت مشكلة كده معينة ففي واحد عاوز يرضيني يعني وقال لك ايه بقول لك ايه طب ما تسيبك من الاوراق دي كلها ادخله لك جامعة بيقول لي فانا كنت قاعد في زهول كده يدخلوا جامعة. جامعة ايه؟ قال لي والله هعملها لك ودخل ابني الجامعة عدى تانية وتالتة عداها كده من الباب الايسر ازاي؟ اهو عادي بتحصل في بلاد الله فسبحان الله فالولد اللي اتولد في بيئة وسبحان الله معزم تلاقي مسلا الحي الفقير تلاقي المساجد ممتلئة فيه يعني لو تأملتوا بكده هتلاقوا ان المساجد مليانة في الاماكن اللي ايه بيكون فيها فقر وفيها يعني عدم طرف كده. وتلاقي الناحية التانية لأ فجميلة هي الثقة برب العباد. الله يعلم وانتم لا تعلمون دي اجابة شافية لقولنا لماذا يحدث ذلك ليه ربنا عمل كده؟ ليه حصل لي كده؟ لان الله يعلم ونحن لا نعلم معنى الدين ده مهم جدا من القواعد دخول بعض الناس لحياتك او خروجهم رحمة من ربك رحمة انت لا تدركها الا مع الوقت لان الاعوام بتغير الكتير يا جماعة الوقت والزمن بيغير تضاريس الجبال مش هيغير شخصيات البشر فان في حد يدخل في حياتك والتاني يطلع والكلام دي دي رحمة من رحمات الله ما تحطش حياتك كلها في الاطار ده من القواعد المهمة جدا كان السلف بيوصوا فيما بينهم وبين بعض بتلات كلمات. تلات كلمات دول وزن الدهب وزن الدهبي تكتب بماء العينين في ايه على جدار الفولازي للقلب كانوا يقولون تلات كلمات دول. كلمات دول خلوهم قدامهم كده دايما عارفين الجماعة اللي يقول لك آآ الرؤية والرسالة ومش عارف والمشا عارفين الجماعة دول؟ اه هي دي رؤيتك بقى خليها كده زي الرؤية كده من اصلح ما بينه وبين الله اصلح الله ما بينه وبين الناس والجماعة بتعود التكاتك لهم كلمة جميلة. سلك فوق تسلك تحت. هم تلاقيهم كاتبينها كده فمن اصلح بينه وبين الله اصلح الله ما بينه وبين الناس معنى ده مهم قوي ان ان قلوب الناس دي بيد الله سبحانه وتعالى. ودايما العلاقة يا جماعة علاقة مسلس مش خط مستقيم. يعني وانا باكلمك انا مش قاعد في طرف وانت في طرف وخلاص العلاقة مش خط مستقيم لأ مسلس يعني في ضلع الى السماء سم ايه زي كده بالزبط برج الاتصالات. انا اما بتصل برقم الاشارة بتروح الاول فين؟ مش لحضرتك بتروح الاول للبرج بتاع الاتصالات وبعد كده ييجي يتم الارسال لك انت جميل كلما ارسلت الرسالة صح كلما كان رد الفعل جميل فدايما الرسالة بقى في المسال ده ولله المسل الاعلى انك بترسل الرسالة لله سبحانه وتعالى. انا بتكلم معكم ليه؟ والله لعلي انا اريد شهرة وان في عدد كبير بيحضر لي فانا اشتهر والناس تعرفني ممكن يكون دية نيتي وفيه واحد تاني نيته ان انا ازكر الناس. وفيه واحد تاني نيته ان ده احنا في رمضان ومن الاعمال الصالحة اللي انا اذكر الناس واعرفهم بالله. فانا يجي يوم القيامة في رمضان ليالي رمضان كان منشغلا بتعريف الناس بنا فلعل النية المهم انك تسلك الداخل بتاعك. انت ايه الدافع عن ده فمن اصلح ما بينه وبين الله اصلح الله ما بينه وبين الناس. الجملة التانية من اصلح سريرته اصلح الله علانيته واخر حاجة من اهتم بامر اخرته كفاه الله امر دنياه واخرته المعنى ده مهم قوي انك تكون مشغول بالاخرة اختم بجملة اشد انواع الخسارة ان تكون الجنة عرضها السماوات والارض. ولا يوجد لك مكان فيها والله خسارة ما بعدها خسارة انه يكون جنة عرضها السماوات والارض لا يوجد لك مكان فيها ايه يا عم انت عملت ايه بقى انت محتاج تقف تاني وقفة بقى كبيرة مع نفسك بانك تتعافى بقى من التقديرات اصل حصل لي اصل مش عارف ايه. اصل انا ربنا كتب علي المرض مرض يعني سبعين الف ملك. يا جماعة انت عارف يعني ايه مريض مريض ده يعني اما اجي انا ازورك ان في سبعين الف ملك مش وراهم اي حاجة الا امال يدعوا لمحمد. اللهم اغفر لمحمد اللهم ايه آآ ارحم محمد قاعدين يدعوا لي ويصلوا علي. يا سلام كل المعنى ده اه ده ده عشان حضرتك تعبان ده اللي يجي لك ياخد ده. امال انت حضرتك واخد ايه؟ لوجدتني عنده انت في حتة تانية خالص ربنا بيعاتب اللي ما يزوركش اما علمت ان فلان عبدي كان مريضا فلم تزره اما لو زرته لوجدتني عنده يكفر عليه يكتب لك ما كنت تعمل صحيحا. تضع علي رمضان وبفطر فيه يكتب لك ما كنت تفعل المعاني دي مهمة اه اصل انا يا عم الشيخ مش مريض ده انا في الجب واتبهدلت لولا الجب ما كان الملك ولولا فقد موسى امه واباه ما كان من اولي العزم ولولا مرض ايوب ما خلد الله زكره وله لحرمان زكريا من الولد ما نادى فلولا الحرمان ما نادى. المعاني ديت عما تفعل في القلب يرجع تاني الانسان يفهم ان هو ربما ابتلاك يعني ليدهشك بعطائه سبحانه وتعالى واجمل ما فيك ربما عيبك فاسأل الله سبحانه وتعالى ان يسددنا واياكم ويجعل لنا مكانا في هذه الجنة التي عرضها السماوات والارض. وتكون هذه الارشادات ان شاء الله ميسرة دافعة لنا في الطريق الى الله سبحانه وتعالى. اسأل الله ان يمن علي وعليكم بحسن عمل وحسن خلق وحسن ختام. وجزاكم الله خيرا