1
00:00:16.200 --> 00:00:34.650
من عدة سنوات اعيد طباعة كتاب محمد مؤسس الاسلام جورج بوش الجد وعمل لغط كتير جدا ومشاكل كتيرة جدا والمسلمين غضبوا جدا. وانا ساعتها كنت في امريكا ولقيت ناس كتير قوي مش فاهمة هو المسلمين زعلانين ليه

2
00:00:34.650 --> 00:00:51.000
الله! هو مش محمد هو مخترع الاسلام مش هو مؤسس الاسلام دي الحاجة اللي هم كانت فرصة ان احنا نفهمها لهم. ليه؟ لان الحقيقة آآ الدين الاسلامي له خاصية جميلة جدا

3
00:00:51.100 --> 00:01:08.750
وهو انه مش محتاج حد عبقري عشان يفهمه. مش محتاج هو دين سلس جدا سهل جدا. مش محتاج فيلسوف عشان خاطر يفهمه احنا نؤمن ان هناك اله واحد ونؤمن ان هناك نوع انساني واحد

4
00:01:08.800 --> 00:01:23.200
ليه؟ لان الرجالة مش احسن من الستات. ولا البيوت احسن من السود. ولا العرب احسن من الهنود يبقى بالتالي طالما في اله واحد ونوع انساني واحد يبقى فيه مرسل واحد ومستقبل واحد

5
00:01:23.400 --> 00:01:41.550
مرسي الواحد الله سبحانه وتعالى خالق هذا الكون ومستقبل واحد هو هذا النوع الانساني بالتالي هناك دين واحد فيه مرسل واحد ومستقبل واحد يبقى فيه دين واحد الدين ده دين مين؟ دين محمد عليه السلام

6
00:01:41.950 --> 00:02:00.350
هل دين موسى عليه السلام؟ هل دين عيسى عليه السلام؟ لا هو دين الله. الذي انزل لعباده منذ ان خلق الارض وما عليها الى ان يرث الله الارض وما عليها. ربنا بقى وصل هزا الدين من خلال سيدنا محمد عليه الصلاة والسلام

7
00:02:00.550 --> 00:02:20.550
وقبله بستميت سنة من خلال سيدنا عيسى ابن مريم عليه الصلاة والسلام. وقبله بخمس ست سنين مع سيدنا يحيى ابن زكريا. اللي بيسموه اخوانا المسيحين يوحنا المعمدان وقبله مع سيدنا زكريا ابوه وقابله مع آآ سليمان وداوود وقبلهم مع موسى وقبلهم مع ابراهيم وقبلهم مع نوح

8
00:02:20.550 --> 00:02:39.350
يبقى اله واحد نوع انساني واحد دين واحد رسل كتير وكتب كتير لكن كلها رسل نفس الدين وكتب نفس الدين. لزلك كلمة ان محمد هو مؤسس الاسلام كلمة غلط تماما

9
00:02:39.350 --> 00:02:55.350
ان الرسول محمد عليه الصلاة والسلام ليس مؤسس الاسلام بل هو اخر انبياء الاسلام. اخر رسل الاسلام. وهو ده القرآن بيقول له قلنا عنه بيقول لنا وما محمد الا رسول. قد خلت من قبله الرسل

10
00:02:55.550 --> 00:03:10.450
يعني الرسول عليه الصلاة والسلام هو مجرد رسول. وواحد من الرسل. اخر الرسل. نفس الاية ايضا ذكرت عن سيدنا عيسى ابن مريم وما المسيح ابن مريم الا رسول؟ قد قالت من قبله الرسل

11
00:03:10.800 --> 00:03:35.200
فدول كلهم رسل ربنا بعتهم بنفس الدين. كل واحد معه كتاب مختلف للبشرية نيجي بقى لشبهة اخرى مقاربة لذلك وهي ان الرسول عليه الصلاة والسلام هو اللي كتب القرآن الحقيقة عشان ننفي هذه الشبهة عن الرسول عليه الصلاة والسلام لازم نفهم ان فيه تلات احتمالات عقلية للقرآن الكريم

12
00:03:35.800 --> 00:03:56.300
بما ان القرآن الكريم يكون كلام بشر سواء البشر ده هو الرسول عليه الصلاة والسلام نفسه او شخص اخر كتبه والرسول عليه الصلاة والسلام اخده منه الاحتمال التاني ان يكون وحي لكن مش من الله وحي من الشيطان. الشيطان اوحى به للرسول عليه الصلاة والسلام

13
00:03:56.800 --> 00:04:11.200
الاحتمال التالت ان يكون وحي من الله للرسول عليه الصلاة والسلام ازا استطعنا اننا ننفي اتنين من دول يبقى التالت هو اللي صح تعالوا بقى نشوف هل ينفع يكون القرآن ده

14
00:04:11.450 --> 00:04:27.400
كلام الشيطان يعني وحي الشيطان بيوحي به. للرسول عليه الصلاة والسلام يعني بالعقل هذا مستحيل ليه؟ الشيطان لو هيكتب كتاب او لو هو هيرسل كتاب مش هيذم نفسه في كل صفحة من صفحات هذا الكتاب

15
00:04:27.400 --> 00:04:45.850
مش هيسب نفسه. مش هيلعن نفسه. مش هيحذر من نفسه. مش هيقول ولا تتبعوا خطوات الشيطان. مش هيأمر مش هينهى عن الفحشاء. مش هينهى عن الكذب. مش هينهى عن القتل. طبعا مستحيل يكون كلام الشيطان

16
00:04:46.200 --> 00:04:58.150
طيب يبقى فاضل عندنا يا اما انه يكون كلام ربنا او ان يكون كلام بشر تعالوا نشوف احتمال ان يكون كلام بشر يا اما يكون كلام الرسول عليه الصلاة والسلام نفسه

17
00:04:58.350 --> 00:05:10.600
او كلام بشر اخر والرسول عليه الصلاة والسلام اخدوه منه. تعالوا نشوف هل احتمال انه يكون كلام الرسول عليه الصلاة والسلام نفسه لا ليه بقى في عندنا تلات اسباب رئيسية

18
00:05:11.150 --> 00:05:36.500
السبب الاول هو انه الرسول عليه الصلاة والسلام عربي وارسل بكتاب عربي وارسل للعرب اولا وانذر عشيرتك الاقربين. طيب اليهود هم اعداء تاريخيين للعرب يعني قبل ما يظهر الرسول عليه الصلاة والسلام كان اليهود في الجزيرة العربية بيقولوا للعرب ان زمان اخر الانبياء جه

19
00:05:36.550 --> 00:05:54.350
واحنا هنتبعه ونقتلكم قتل ارم وعاد. كانوا متوقعين طبعا ان يكون هذا النبي نبي اخر الزمان من بينهم زي معزم الانبياء ما كانوا فعلا من بني اسرائيل طيب لما هو نبي عربي. وكتابه عربي وارسل في الاول للعرب

20
00:05:54.900 --> 00:06:16.800
ازاي يستفز العرب بانه يسمي سورة كاملة سورة طويلة على اسم واحدة آآ من بني اسرائيل مريم طب ليه ما كانش يسميها خديجة على اسم زوجته الحبيبة او يسميها فاطمة على اسم بنته الحبيبة او على اسم او امنة على اسم والدته

21
00:06:17.050 --> 00:06:32.650
مين يقدر يسمع لنا كده ايتين من سورة خديجة او من سورة فاطمة اهو من سورة عائشة او من سورة آمنة ما فيش ما فيش ليه؟ طب ما دول كلهم ستات اثروا جدا في حياة الرسول عليه الصلاة والسلام. يعني يسمي مريم وما يسميش سورة على اسم

22
00:06:32.650 --> 00:06:43.650
كل واحدة في دول لأ ليه ؟ لان هو مش شغله. مش صنع مش صنع ايده. مش اختراعه ادي اول حاجة. الحاجة التانية انا لما الاقي كتاب من غير جلدة

23
00:06:44.300 --> 00:06:54.300
اقرا شوية في الكتاب ممكن اعرف الكاتب بتاع الكتاب ده لو انا كنت قريت له قبل كده. يقول لك لأ ده الاستايل بتاعه. ده الاسلوب بتاع هذا الكاتب. اه لأ الكتاب ده

24
00:06:54.300 --> 00:07:10.800
بتاع مسلا آآ تشارلز ديكنز. او الكتاب ده اكيد بتاع شكسبير. او الكتاب ده اكيد بتاع آآ مسلا آآ نجيب محفوز هل الرسول عليه الصلاة والسلام قال حاجة تانية غير القرآن

25
00:07:11.000 --> 00:07:27.850
اهل السنة اي واحد بيفهم عربي في الدنيا لما يقرا من القرآن ويقرا من السنة النبوية يقدر يعرف ان دول اسلوبين مختلفين عن بعض تماما مش ممكن يكون نفس اللي كتب ده هو اللي كتب ده

26
00:07:28.250 --> 00:07:47.550
ادي الحاجات التانية. الحاجة التالتة هناك ايات تربوية يربي فيها الله سبحانه وتعالى الرسول عليه الصلاة والسلام خلي بالك الرسول عليه الصلاة والسلام يعني ابوه وامه ماتوا وهو صغير وعندك كمان جده مات وهو صغير طب مين رباه؟ ربنا سبحانه وتعالى هو الذي ربى النبي صلى الله عليه

27
00:07:47.550 --> 00:08:08.750
عليه وسلم وهنلاقي ايات زي مسلا صورة عبسة. عبسة يعني كشر القصة بتاعتها وان الرسول عليه الصلاة والسلام كان جالس في اجتماع مهم جدا مع كفار قريش. اجتماع مهم. يعني لو قدر يقنعهم بالاسلام خلاص

28
00:08:08.850 --> 00:08:27.500
مش هيبقى فيه بقى ولا احد ولا بدر ولا اي غزوات ولا حاجة حاجة تبقى جميلة جدا الاجتماع مهم احد الصحابة كان جاي وكان رجل ضرير اعمى فسمع صوت الرسول عليه الصلاة والسلام ما يعرفش ان هو قاعد في اجتماع مهم

29
00:08:27.600 --> 00:08:46.400
فطلب منه النصيحة انصحني يا رسول الله انصحني فبيقول له انصحني فالرسول عليه الصلاة والسلام لما شافه جاي لان مش وقته فكشر. ودور وشه وكمل كلام مع الكفار اللي يبص للموضوع ده يلاقي

30
00:08:46.550 --> 00:09:02.800
انه اه الرجل المسلم لم يتأذى لانه ضرير ما يعرفش ان الرسول عليه الصلاة والسلام كشر ولا يعرف ان هو دور وشه الا من القرآن. تنزل ايات في منتهى القوة تقول عبس وتولى

31
00:09:02.800 --> 00:09:29.150
ان جاءه الاعمى وما يدريك لعله يزكى او يذكر فتنفعه الذكرى اما من استغنى فانت له تصدى خلي بالك يعني الايات في منتهى القوة تلوم النبي عليه الصلاة والسلام ان هو كشر. ودور وشه ولا كان حد من الصحابة يعرف الموضوع دوت ولا الراجل نفسه كان يعرف الضرير انه

32
00:09:29.150 --> 00:09:47.350
ودور وشه. وبعدين ايه كلا انها تذكرة يعني ده بنذكرك بهذا حتى لا يحدث هذا مرة اخرى سبحان الله العظيم. هناك ايات اخرى كثيرة ايضا تربي النبي صلى الله عليه وسلم. منها مسلا

33
00:09:47.500 --> 00:10:07.850
القصة التي حدثت آآ لما بعض الكفار راحوا لليهود وقالوا لهم انتم اهل كتاب؟ عندكم علم اكتر مننا؟ قولوا لنا على اسئلة نسألها له فنحرجه قدام اصحابه فيكتشفوا ان هو مدعي نبوة. وان هو كذاب

34
00:10:07.950 --> 00:10:24.400
فقالوا لهم خدوا التلات اسئلة دول واسألوهم له اول سؤال آآ اسألوه عن بعض الشباب اللي ناموا في كهف تاني حاجة اسألوه عن الروح تالت حاجة اسألوه عن ملك اسمه ذو القرنين

35
00:10:25.550 --> 00:10:39.300
راحوا سألوا الرسول عليه الصلاة والسلام اخبركما غدا اقول لكم بكرة. خلي بالك يعني وما ينطق عن الهوى. ما بيتكلمش من دماغه. لكن هو نسي انه يقول ايه ان شاء الله

36
00:10:39.950 --> 00:11:00.950
يحصل ايه خمستاشر يوم ما تنزلش الاجابة والكفار يروحوا يسألوه وهو في كل مرة يقول لهم لسة ما فيش اجابة طبعا وضع محرج جدا. لغاية ما بعد خمستاشر يوم من هذه التربية الربانية للنبي صلى الله عليه وسلم

37
00:11:01.000 --> 00:11:18.300
انزل سورة الكهف بالاجابات التلاتة ومن ضمن سورة الكهف اية بتقول له ولا تقولن لشيء اني فاعل ذلك غدا الا ان يشاء الله. تربي النبي صلى الله عليه وسلم وتربينا من خلاله

38
00:11:18.300 --> 00:11:39.050
احنا دايما نرجع المشيئة لله. ازا الموضوع ده قتل بحثا القرآن ليس كلام النبي صلى الله الله عليه وسلم طب يمكن كلام بشر اخر لا يمكن هناك عندنا عدة اشياء نقدر نثبت بها ان هو مش كلام اي انسان

39
00:11:39.100 --> 00:11:55.150
خلي بالك القرآن الكريم انزل في وقت كان العرب فيه هم اساتزة البيان. اساتزة الشعر متحكمين في اللغة اللغة العربية في ايديهم زي العجينة. بيعملوا بها هم عايزينه بيشكلوا بها الشعر ونثروا حاجة في منتهى الروعة

40
00:11:55.300 --> 00:12:16.800
ربنا سبحانه وتعالى تحدى اساطين اللغة العربية لقوله لان اجتمعت الانس والجن على ان ياتوا بمثل هذا القرآن لا يأتون بمثله ولو كان بعضهم لبعض من ظهيرا. يعني لما تعملوا ايه مش هتعرفوا تجيبوا مسل هذا القرآن ابدا. لانس ولا جن

41
00:12:17.000 --> 00:12:37.200
طيب ده تحدي كبير جدا ما عرفوش اساطيل اللغة العربية الشعراء الكبار يعملوا زي هزا القرآن خدوا ديسكاوند ربنا اداهم آآ آآ خصم طيب هاتوا عشر صور بس ام يقولون افتراه؟ قل فاتوا بعشر سور مثله مفتريات

42
00:12:37.400 --> 00:12:53.350
وادعوا من استطعتم من دون الله ان كنتم صادقين. روحوا بقى هاتوا اللي انتم عايزينه واعملوا لنا عشر صور بس برضه ما عرفوش خدوا كمان ديسكاوند. اخدوا خصم تاني. ربنا سبحانه وتعالى قال لهم في القرآن الكريم متحديا

43
00:12:53.400 --> 00:13:10.850
وان كنتم في ريب مما نزلنا على عبدنا فاتوا بسورة من مثله وادعوا شهدائكم من دون الله ان كنتم صادقين. هاتوا صورة واحدة ففي تحدي كبير جدا لاساتزة اللغة العربية

44
00:13:11.000 --> 00:13:33.850
في هذا الوقت ان هم يعملوا مسل هذا الاعجاز. ففي اعجاز بياني اعجاز لغوي في القرآن الكريم هناك ايضا نوع اخر من الاعجاز وهو الاعجاز العلمي ربنا سبحانه وتعالى بيقول سنريهم اياتنا في الافاق وفي انفسهم حتى يتبين لهم انه الحق. يعني ازا هناك

45
00:13:33.850 --> 00:14:02.150
كايات معجزات ربنا هيوريها لنا في انفسنا وفي الافاق وفي كل مكان. خلي بالك بقى عندك ايات خطيرة  لم يستطيع الانسان يمكن ان هو يفهمها الا بعد التطور الاخير في القرن التسعتاشر والقرن العشرين والاكتشافات العلمية اللي اكتشفت. مسلا ربنا سبحانه وتعالى له اية بتقول فمن يرد الله ان

46
00:14:02.150 --> 00:14:28.750
اهديه يشرح صدره للاسلام. اللي ربنا يريد ان هو يهديه يشرح صدره للاسلام ومن يرد ان يضله يجعل صدره ضيقا حرجا كانما يصعد في السماء. خلي بالك مش في السماء يصعد في السماء. يعني الصعود في السماء تدريجيا يؤدي الى ضيق الصدر تدريجيا. طب مين كان يعرف هزا

47
00:14:28.750 --> 00:14:40.800
هل الرسول عليه الصلاة والسلام هو او حد من الصحابة كان آآ رائد فضاء مسلا؟ ما فيش حد فيهم كان رائد فضاء. طب مين كان يعرف هزا الكلام؟ الا الخالق سبحانه وتعالى

48
00:14:41.050 --> 00:14:57.450
مثال اخر من امثلة الاعجاز العلمي هو الاية الكريمة الم نجعل الارض مهادا والجبال اوتادا. ربنا يشبه الجبال بالاوتاد وتد الخيمة لما تبص عليه تلاقيه مش شبه الجبل في اي حاجة

49
00:14:58.000 --> 00:15:22.600
ولكن هتلاقيه لما بنستعمله بندقه بالكامل تحت الارض ويبقى منه جزء صغير جدا في اعلاه فوق الارض عشان نربط فيه حبل الخيمة هو ده بالزبط اللي اكتشفه علماء الجيولوجيا ان الجبال اللي احنا بنشوفها فوق الارض دي مش الجبال. دي قمم الجبال. الجبل معزمه تحت الارض زي

50
00:15:22.600 --> 00:15:35.250
الوتد بالزبط ويطلع منه جزء طرطوفة صغيرة كده هو فوق هي دي اللي احنا فاكرينها الجبل يعني مسلا جبل افرست طوله اربعة وستين كيلو متر تحت الارض وتمانية كيلو متر فوق الارض

51
00:15:35.300 --> 00:16:08.350
هو ده اللي دكتور جورج ايري الجيولوجي البريطاني اكتشفه ان الجبال التي نراها فوق الارض هي قمم عميقة جدا في طبقات الارض بكده احنا نبقى قدرنا اننا آآ ننفي عن القرآن انه يكون كلام الشيطان. او كلام بشر سواء الرسول عليه الصلاة والسلام او اي بشر اخر. ويبقى لنا احتمال واحد

52
00:16:08.350 --> 00:16:21.728
فقط وهو ان يكون كلام الله سبحانه وتعالى الذي ارسله الى البشرية من خلال محمد صلى الله عليه وسلم الذي لا ينطق عن الهوى