بص على الاقل الجاي بقى انا عايز اعرف التواضع بقى ربي قد اتيتني من الملك وعلمتني من تأويل الاحاديث. فاطر السماوات والارض انت وليي في الدنيا والاخرة توفني مسلما والحقني بالصالحين
كل الصبر اللي صبره على كل الابتلاءات اللي حصلت دي اخواته كانوا عايزين يقتلوه ورموه عريان في البير وباعوه عبد. اشتراه واحد من مصر وعاش عبد عند الناس بعدين حصل له محاولات للاغراء والاغواء من من من الست بتاعة البيت. وبعد كده من ستات مصر ايه ده اللي بيحصل ده
وبعد كده يخش السجن في تهمة مخلة بالشرف تحرش جنسي ده بعد ما ظهرت براءته دخل السجن ما ده الطبيعي. مش معنى ان تطلع براءة يعني مش هتخش السجن لأ دي حاجة ودي حاجة
ودخل السجن وخبط له بتاع خمستاشر او سنة او اكتر هناك انها اقل من كده عشان آآ الشيطان وذكر ربي فلبث آآ في السجن بضع سنين ده من بعد من بعد ما خرج الولدين من السجن
من بعد ما خرج الاتنين اللي كانوا معه بضع سنين حوالي تسع سنين ده خبط له من سنين طويلة في السجن بعد كل ده بيدعي ربنا انه يموت على الاسلام
مش شايف لنفسه اي فضل خالص في الصبر ده كله ده الناس النهاردة بيحصل لها واحد على الف من الابتلاءات دي وبتلحد وبتسيب الاسلام وبتخرج من الدين وهو سيدنا يوسف بيقول ايه؟ توفني مسلما
والحقني بالصالحين مش تجعلني من الصالحين. لأ انا بس يعني دخلني معهم يعني. وهم داخلين كده اخش معهم قبل ما الباب يقفل يعني. ايه التواضع ده! اديني عقلك بقى. اتفاعل ازاي مع الايادي انا
الاية بتشعرني اني صغير جدا واني ضئيل ضئيل! تشعرني بالضآلة انا كل اللي اقدر اعمله وهو بيدعي اللهم توفني مسلما والحقني بالصالحين بقولها وراه. اللهم توفني مسلما والحقني بالصالحين