﻿1
00:00:00.050 --> 00:00:20.100
بعد احدى المحاضرات عن الاسلام في سنة الفين وتسعة في كنيسة كاثوليكية في مدينة شيكل في انجلترا سئلت عن الحجاب قالوا لي هي ليه الستات المسلمات بيلبسوا كده سألتهم مين فيكم شاف نساء مسلمات لابسين الحجاب قبل كده؟ فطبعا كلهم رفعوا ايديهم

2
00:00:21.100 --> 00:00:34.700
السؤال التاني قلت لهم بامانة لو كنت سألت نفسك هم لابسين كده ليه؟ زي ما الاخت دي سألتني ارفع ايدك عشان قلت لهم بامانة انا شجعتهم يبقوا صرحاء فتسعين في المية منهم رفعوا ايديهم

3
00:00:35.150 --> 00:00:52.250
رحت جايب صورة السيدة مريم على الشاشة وقلت لهم دي مين ؟ قالوا لي السيدة مريم العذراء ام مين الو ام السيد المسيح كويس قوي. دي في نزركم تعتبر ايه

4
00:00:52.300 --> 00:01:05.350
في نزرنا ام الرب. قلت لهم وفي نزرنا احنا دي اطهر نساء العالمين. هم احد افضل خمسة مشيوا على وجه الارض السيد المسيح جايب صورة تانية وهي صورة الام تريزا

5
00:01:05.650 --> 00:01:21.450
وقلت لهم ودي مين ؟ قال له لام تريزة. قلت لهم دي اللي خدت جايزة نوبل للسلام. قالوا اه. قلت لهم دي اللي عملت مؤسسات كتيرة بتطعم الفقراء وبتخدمهم وبتداويهم على مستوى العالم قالوا اه قلت لهم كويس اوي. نقدر نقول ان المرأتين دول

6
00:01:21.900 --> 00:01:36.300
هم افضل امرأتين في نظركم بالتأكيد رحت جايب صورة اخت مسلمة قلت لهم ودي اختي. السؤال بقى اللي عندنا النهاردة ايه الشيء المشترك في التلاتة وحطيت صور التلاتة مع بعض على الشاشة

7
00:01:36.800 --> 00:01:49.150
قالوا الحجاب كلهم متغطيين بالكامل ما عدا الوجه والكفين. قلت لهم لأ سانية واحدة بقى. هو انتم من دقيقة واحدة كنتم بتسألوني الستات المسلمات لابسين كده ليه؟ ودلوقتي انتم اللي نفسكم

8
00:01:49.150 --> 00:02:02.000
بيقولوا لي ان هم لابسين زي افضل نساء في نزركم. اعتقد لو حد عنده سؤال عن الاخر يبقى احنا اللي نسأل نفسنا هو انتم مش لابسين كده ليه وانا مش بحاول ان انا اقنعهم يلبسوا الحجاب وهم اصلا مش مسلمين

9
00:02:02.150 --> 00:02:22.150
لكن انا بحاول اوريهم ان كفاية نحط صور نمطية لبعض. انتم بتسألوا نفسكم واحنا بنسأل نفسنا. طب ما تيجوا نقعد مع بعض ونتكلم تعالوا نتكلم عن الحجاب. ربنا سبحانه وتعالى فرض الحجاب على

10
00:02:22.150 --> 00:02:45.100
المسلمات بالقرآن الكريم وبوضوح جدا في سورة النور. قل للمؤمنات يغضضن من ابصارهن ويحفظن فروجهن ولا يبدين زينتهن الا ما ظهر منها وليضربن بخمورهن على جيوبهن. يعني الخمار اللي هو غطاء الرأس. ينزل يغطي فتحة الصدر

11
00:02:45.450 --> 00:03:07.550
الموضوع واضح جدا ومش محتاج اي فلسفة ليه ربنا امرنا بزلك؟ هل عشان نقلد السيدة مريم؟ هل عشان نقلد الام ترزة؟ ابدا ده امر من الله للنساء المسلمات. باختصار وبصراحة لان الرجال منذ زمن سحيق هم بيستخدموا النساء كاداة للمتعة

12
00:03:08.300 --> 00:03:23.900
يعني لما راجل كده يشعر بان هو عنده اكتئاب يوم رايح على مول يشتري حاجة ساقعة ويقعد برة في الطرقات بتاعة المول يشرب ويتفرج على ايه الستات مش على الرجالة

13
00:03:24.000 --> 00:03:44.000
يقعد ساعتين يتفرج يمين وشمال لغاية ما يحس انه خلاص تمام الاكتئاب راح. يقوم مروح. اداة للمتعة. فيه واحدة اسمها سوزن فيسك. دكتورة سوزان فيسك في جامعة برنسستون عملت دراسة علمية اثبتت فيها ان الرجال لما بينظروا على النساء اللي لابسين لبس مش مغطي

14
00:03:44.000 --> 00:04:04.000
اجسامهم بالكامل الجزء اللي في المخ اللي بيشتغل هو نفس الجزء اللي بيشتغل لما الرجل بيتعامل مع الادوات ميكانيكية مفك صليبة مفك عادة مفتاح رقم تسعة رقم تلتاشر يعني في النهاية الرجل بيستخدم المرأة كاداة للمتعة

15
00:04:04.000 --> 00:04:24.000
هنا ربنا قال للمرأة لأ غطي بقى ما انتش للاستعمال العام بهزه الطريقة ما انتيش قطاع عام غطي ومش كل الناس هتشوف الجهاز. هنجد ان الاية الكريمة بتقول للمرأة انت مش هتلبسي الحجاب على طول. انت مش هتلبسيه قدام زوجك ولا ابوك ولا

16
00:04:24.000 --> 00:04:49.500
الاقارب القريبين جدا منك اللي ما ينفعش يجوزوكي احنا بنسميهم المحارم ولا يبدين زينتهن الا لبعولتهن او ابائهن او اباء بعولتهن او ابنائهن او ابناء بعولتهن يعني ولاد او اخوانهن او بني اخوانهن او بني اخواتهن ده معناه ان المرأة لازم تعمل عملية الغاء مؤقت لعامل

17
00:04:49.500 --> 00:05:11.600
جذب الجنسي او الاثارة الجنسية اللي فيها وهي تتعامل كمواطنة لكن مش لازم وهي زوجة ولو هي قريبة تتعامل مع المحارم وده زي ما قلنا عشان الرجالة بيتعاملوا مع النساء على ان هم ادوات للمتعة. انا فاكر كويس جدا ان جت بنت اسلمت في امريكا

18
00:05:11.600 --> 00:05:21.600
بعد اربع تيام من اسلامها جت لابسة الحجاب. قلت لها ما شاء الله الموضوع خد منك اربع تيام بس عشان تلبسي الحجاب. احيانا الموضوع بياخد وقت اطول من كده شوية عشان

19
00:05:21.600 --> 00:05:37.850
امرأة مسلمة ان الحجاب فرض عليها يعني قالت لي انا الان اشعر اني اصبحت حرة بقول لك ايه انا نفسي مش مقتنع بهزا الكلام يعني ايه تتغطي اكتر؟ تصبحي حرة اكتر

20
00:05:38.050 --> 00:05:55.700
عمرك ما هتفهم احساس المرأة لما تكون في مكان وفي حد عمال يفصصها بعينيه. وهي مش قادرة تتحكم في هذا الامر دلوقتي انا لاول مرة الريموت كنترول في ايدي انا. ده انا مش هاوري له غير وجهي

21
00:05:56.000 --> 00:06:13.850
وايديا  ده قريبي. انا هوري له اكتر شوية. ممكن اوري له شعري اوري له ايديا انا اللي بقدر اتحكم بالريموت كنترول. ده جوزي انا هاوري له اللي انا عايزاه وقت ما انا اقرر. لاول مرة يصبح الريموت كنترول في ايدي

22
00:06:13.850 --> 00:06:36.050
انا انا المتحكمة. الحقيقة ده بيقودني اني اتكلم على تقرير طلعته جامعة كامبريدج من حوالي شهرين دراسة اثبتت ان خمسة وسبعين في المية من المتحولين للاسلام في انجلترا العام الماضي نساء

23
00:06:37.050 --> 00:06:54.300
وده خليني استغرب اوي يعني الاسلام المفروض ده الدين اللي بيتقال عليه بيضطهد المرأة. وبيتعامل بيعامل المرأة بطريقة مش مش آآ كويسة. طب ايه اللي يخلي خمسة وسبعين في المية من معتنقينه ستات المفروض يكونوا خمسة وسبعين في المية رجالة

24
00:06:55.300 --> 00:07:10.450
فوجدت ان المرأة تجد الحرية الاسلام. حورية من مين حرية من استعباد الرجل احنا قلنا الراجل بيتعامل مع المرأة كاداة للامتاع. الراجل هو اللي بيقرر المرأة تلبس ايه هو مين اللي بيقرر ان النساء تلبس ايه

25
00:07:10.800 --> 00:07:28.100
ده ايه ؟ راجل ولا ست؟  ده راجل ولا ست؟ راجل جوتشي راجل ممكن نقول راجل كل دول هم اللي بيقرروا للنساء تلبس ايه والله احنا السنة دي هنلبسك كدهو

26
00:07:29.000 --> 00:07:52.300
السنة الجاية هنلبسك بحمالات اللي بعدها هنرفع شبر فوق الركبة. اللي بعدها شبرين فوق الركبة اللي ما يشتري يتفرج والمرة تحولت الى اداة لامتاع الرجل باي طريقة من الطرق. الاسلام قال لأ كفاية غطي ما انتيش لقطاع عام وما انتش للاستعمال بهذه الطريقة. فالنساء وجدت الحرية

27
00:07:52.300 --> 00:08:12.300
في الاسلام لذلك نساء الغربيات هم اكثر اقبالا على الاسلام من الرجال نفسهم ايضا من مزايا الحجاب انه بيخلي الرجل يتعامل مع المرأة كعقل كروح كبني ادم مش كقطعة لحم

28
00:08:12.300 --> 00:08:32.750
للاسف الشديد موضوع مباريات اللي معمولة النهاردة في ان البنت لازم تكون مثيرة جدا كل يوم في كل لحزة دخلنا في عبء شديد جدا على البنات انها تقعد ساعة في البيت تتزوق وتتبرج قبل ما تنزل عشان تبقى مقبولة مجتمعيا تبقى مقبولة

29
00:08:32.750 --> 00:08:49.000
اكثر بيبقوا فرصها افضل في ان الناس تتكلم معها وتحبها وده مسألة سيئة جدا الاسلام هنا سوا بين الرجل والمرأة في انه جعل من المرأة بني ادم يعامل كبني ادم كعقل مش كقطعة لحم

30
00:08:49.650 --> 00:09:05.900
الامر التاني هو ان الحجاب ما نقدرش نفصله ابدا عن المنزومة الكاملة اللي هو داخل ضمنها وهي منزومة التربية الجنسية المجتمعية. يعني ازاي ربنا بيربي المجتمع ده جنسيا من ناحية

31
00:09:06.000 --> 00:09:21.550
تغطية العورة بالنسبة للرجل وللمرأة من ناحية اداب الاختلاط بين الجنسين من ناحية مساعدة الناس على الزواج في سن مبكرة. من ناحية الامر بغض البصر فما نقدرش نفصل الحجاب عن كل دوا

32
00:09:21.750 --> 00:09:36.550
في اشياء لما بتغيب عن المجتمع بيحصل امراض بتزهر في المجتمع زي التحرش الجنسي مسلا ما ننساش ان في آآ شباب مش قادر يتزوج من الناحية المادية ما يقدرش يتجوز

33
00:09:37.150 --> 00:09:49.000
ويمكن ما يكونش حتى عنده امل ان هو يتجوز. للاسف الشديد نتيجة الزروف الاقتصادية. طب ده برضو حرام علينا نفضل نثير في الولد دوا لغاية ما هو ينفجر شف هنا بقى

34
00:09:49.200 --> 00:10:08.800
ربنا سبحانه وتعالى بيقول لنا في القرآن الكريم ان النعم اما تشكر واما تكفر شكر النعمة بان انا استعملها بالطريقة اللي ربنا قال عليها وكفر النعمة بان انا استعملها في عكس ربنا قال عليه. ربنا سبحانه وتعالى بيقول الذين بدلوا نعمة الله كفرا. الجمال نعمة

35
00:10:08.800 --> 00:10:20.850
ففي ناس بدلت نعمة ربنا الجمال دولا دوه كفرا ما استعملهوش بالطريقة اللي ربنا قال عليها. ما غطوش العورة في الاوقات اللي لازم يغطوها فيها وامام الناس لازم يغطوها فيها

36
00:10:21.150 --> 00:10:45.350
الذين بدلوا نعمة الله كفرا واحلوا قومهم دار البوار جهنم يصلونها وبئس القرار وجعلوا لله اندادا ليضلوا عن سبيله. انداد اللي هم مين؟ اللي هم ربنا قال كده هو وليضربن بخمورهن على جيوبهن. الخمار غطاء رأس ينزل يغطي فتحة السدر. لأ بس جوتشي ما قالش كده

37
00:10:45.400 --> 00:11:00.700
وجعلوا لله اندادا. قال كده السنة دي هنا بقى يجعلوا لله اندادا. وانتم هتسمعوا كلام مين؟ كلام ربنا؟ ولا كلام هؤلاء الانداد هي دي هي دي القضية الاساسية. قضية انا مسلم

38
00:11:00.950 --> 00:11:17.400
او انا مسلمة يعني انا بحط ثقتي في الله وعارف ان اللي خلق الذكر وخلق الانثى هو اعلم بما يصلح الذكر ويصلح الانثى فانا بمشي على منهج ربنا عشان اعيش سعيد في الدنيا دي. ربنا اداني الحياة

39
00:11:17.550 --> 00:11:29.350
واداني معها كتالوج استخدم الحياة بها. زي بالزبط اللي بيشتري جهاز ومعه كتالوج. والله ممكن يشتغل الجهاز من غير الكتالوج. بس مش هيقدر يستخدمه ويستفيد من كل الخصائص بتاعة الجهاز دوا

40
00:11:29.700 --> 00:11:54.200
انما لو فتح الكتالوج وقراه ونفزه هيستفيد من الجهاز جدا ويستخدم كل الاوبشنز بتاعة الجهاز. نفس الكلام. ربنا اداني القرآن الكريم وقال لي هو ده الكتالوج بتاع حياتك لزلك احنا عايزين نعرف انه لما نقرب من القرآن الكريم وننفذ كل ما قاله ربنا سبحانه وتعالى في القرآن الكريم

41
00:11:54.200 --> 00:12:14.200
نعيش اسعد مما كنا نتخيل اننا لو بعدنا عن القرآن هنعيش سعداء. ناس كتيرة جدا لما بتمشي بدماغها او بتعيش حياتها زي ما هي عايزة عشان تعيش سعيدة هذا ممكن يقودها الى الاكتئاب. اه صحيح وقت ارتكاب المعصية او وقت ما الواحد يكون بيعمل الحاجة

42
00:12:14.200 --> 00:12:34.200
الحرام يكون شاعر بسعادة او بلذة مؤقتة. بعد على طول ما بيخلص المعصية دية بيرجع الاكتئاب مضروب يمكن في عشرين. لزلك بدعي ربنا انه يساعدنا اننا نلتزم بكتابه ونلتزم بسنة نبيه صلى الله عليه وسلم عشان نعيش سعداء في الدنيا دية

43
00:12:34.200 --> 00:12:36.924
لغاية ما نلقاه يوم القيامة