السلام عليكم ورحمة الله وبركاته. فيه ناس ضاع منها ليلة امبارح يا جماعة. ليلة النصف من شعبان. فيه ناس ما كانتش عارفة اصلا ان امبارح ليلة ربنا يغفر لك كل
زنوبك لو اطلع عليك ووجدك مؤمن فيها. فيه ناس انت متخيل يعني ايه ؟ يعني مش واحد آآ اكتشف ان فيه شيك بمليون دولار ضاع عليه واحد اكتشف ان فيه ارض آآ راحت عليه مش واحد اكتشف ان كان فيه فرصة شقة في مساكن شعبية راحت عليه. فرصة مغفرة
صحيفتك كانت ترفع الى الله في نهاية شعبان من غير زنوب. راحت عليه. طب الواحد يتقهر ولا يتحسر؟ ابدا يا جماعة. باب الله لا يغلق. اوعى تفتكر ان المغفرة كانت امبارح بس. يا جماعة ده ربنا بيتنزل كل ليلة طول التلت الاخير ويقول هل من مستغفر
سأغفر له. اللهم اغفر لنا جميعا الليلة يا رب. يا اخوانا باب الله لا يغلق. اوعى تفتكر انها فرصة ضاعت. الفرص مع ربنا ما بتخلصش. الفرص ربنا ما بتنتهيش. فرص رضا الله عنك لا تنتهي. فرص رحمة الله بك لا تنضج. فرص مغفرة الله لك
وتعطير الله لصحيفتك. لا تنتهي. ربنا سبحانه وتعالى الفرص عنده ما بتخلصش. كثر خير الله وطاب. ربنا بيديك موسم بيديك موسم بعده. بيفتح لك باب مغفرة راح منك بيفتح لك باب مغفرة بعده. بيديك وقت اجابة دعاء. راح منك بيديك وقت اجابة دعاء بعده
فربنا اداك يوميا خمسة وخمسين فرصة لاجابة الدعاء. يعني خمسة وخمسين شيك على بياض ممضيين على بياض. نازلين عليك ان انما يوميا دفتر شيكات خمسة وخمسين شيك نازل عليك من السما يومين. يا جماعة ما فيش فرصة مع ربنا بتضيع. انت ما خسرتيش حاجة
اللي اتكسر ما بيتصلحش مع ربنا اللي اتكسر بيتصلح. مع ربنا ان يعلم الله في قلوبكم خيرا يؤتكم خيرا مما اخذ منكم ده ربنا يديك احسن من اللي فات. طب انا اذنبت كتير. اولئك يبدل الله سيئاتهم حسنات
يعني صحيفة السوابق بتاعتك وكل زنوبك وكبائرك تتقلب حسنات وتتقلب شهادات تقدير ما فيش حاجة مع ربنا راحت ما فيش حاجة مع ربنا ما فيش مرض ربنا ما يقدرش يشفيه. ما فيش فقر ربنا ما يقدرش يغنيه. ما فيش هم ربنا ما يقدرش يفرجه. اللهم فرج كربنا. اللهم
اللهم اشف امراضنا. اللهم وسع ارزاقنا. يا جماعة يا جماعة احنا مسنودين قوي. ربنا بربنا ولينا. ربنا الاكرم المنان سبحانه وتعالى. يبقى اللي راح منه ليلة النصف من شعبان اللي راح منهم فرصة ليلة المغفرة قبل رفع الاعمال الى الله. في نهاية شعبان ربنا كل ليلة كل
بيقول لك هل من مستغفر فاغفر له؟ ان الله يبسط يده بالنهار طول النهار ليتوب مسيء الليل ويبسط يده بالليل مش التلت الاخير بس. طول الليل ليتوب مسيء النار اربعة وعشرين ساعة فرصة مغفرة. اربعة وعشرين ساعة فرصة رحمة. اربعة وعشرين ساعة فرصة اجابة دعاء
اربعة وعشرين ساعة فرصة رضا الله. ربنا اكرم الاكرمين. يبقى ما دام ربنا بالكرم ده بقى نستحي من الله سبحانه وتعالى. احنا بدأنا النهاردة الشوط التاني من شعبان. يعني العد التنازلي لشعبان بدأ. يعني اقتربنا جدا من ميعاد رفع اعمال السنة الى الله. واقتربنا من رمضان شدوا حيلكم يا جماعة
انا جاي النهاردة عشان حاجة واحدة بس. انا جاي النهاردة عشان زمان كنا بنتقهر لما رمضان يخلص لو احنا ما استغليناهوش ونقول يا خسارة احنا بنتقهر لو عشر ذي الحجة خلصت واحنا ما اجتهدناش في الذكر ونقول يا خسارة. كنا بنتطهر لما تروح ليلة النصف من شعبان واحنا ما صالحناش كل الناس
وما عبدناش ربنا ونقول يا خسارة كنا بنتحسر على الفرص. انا جاي اقول لك لا لا ما عدتيش تفكري كده. لان ربنا ما بيقفلش باب الا وبيفتح اللي اعظم منه واحنا داخلين على ليلة القدر والعشرة الاواخر وكل فطار في رمضان ان شاء الله بفرصة للعتق من النار وكل ليلة وكل يوم
استعدوا للي جاي. يلا بنفسيات جميلة. يلا ان شاء الله ربنا مش هيدينا الفرص دي كلها الا وهو يريد انه يغفر لنا. ويريد انه يرحمنا اللهم بارك لنا فيما بقي من شعبان. اللهم بارك لنا فيما بقي من شعبان. اللهم اعنا على قيام الليل فيما بقي من شعبان. اللهم لا
ترفع اعمالنا اليك الا وقد غفرت لنا ذنوبنا وكفرت عنا سيئاتنا. اللهم لا تخرجنا من شعبان ورمضان الا وقد هديت وقلوبنا والا وقد شرحت صدورنا الا وقد وسعت ارزاقنا الا وقد هديتنا وسددتنا ووفقتنا وارشدتنا
اللهم ارحمنا فانك بنا راحم. ولا تعذبنا فانت علينا قادر. اللهم تب علينا توبة ترضى بها عنا. تب علينا توبة تب علينا توبة لا نرد على اعقابنا بعدها ابدا اللهم امين