لما القرآن يقول لك انا صاحبك القرآن. يعني ايه انا اصاحبك؟ انت صاحب سورة البقرة تعرف تطلع بقى تكلمني عن سورة البقرة زي ما اخوك هيكلمك على احمد العربي كده
تعرف تقول لي تعرف تكلمني عنها عشر دقايق بدون ادنى الافتعال. هو دي الصحوبية يا جماعة. انت عندك مية لو انت عندك مية واربعتاشر صاحب على الموبايل. لو سألتك عن واحد واحد هتكلمني عن واحد واحد. وتوصف لي واحد واحد وصفات واحد واحد ومزايا واحد واحد وعيوب واحد واحد. وسكنهم وكليتهم وسنهم
انت بقى تعرف تكلمني عن المية واربعتاشر سورة؟ هي دي صحبة القرآن. هي ديت تخيل بقى انت عندك مية واربعتاشر صاحب. طب انا يعني صاحبتك اسمك ايه؟ باسم باسم انا وباسم عشان نبقى اصحاب لازم نخرج مع بعض كتير. ونتكلم مع بعض في قضايا كتير جدا. وساعة ما ابقى مضايق اروح له. وساعة ما ابقى مبسوط اروح له. وساعة اه ونزاكر
مع بعض مرتين تلاتة ونتفسح مع بعض في الاجازة هنبقى اصحاب. وهنبقى نقرب من بعض. انت عشان تبقي انت بقى وسورة اصحاب محتاجة ايه؟ محتاجة ان تصلي ده كتير محتاجة ان زي سورة الفرقان كده. انتم دلوقتي مقربين من ان انتم تصاحبوا سورة الفرقان. خدتوا فيها دروس كتير وخدتوا فيها دورة. والمفروض ان انتم صليتوا بها قيام ليل. والمفروض ان انتم بقى
قربوا منها وممكن كمان تحفظوها. وممكن وممكن وممكن يبقى انت سورة الفرقان. لو انا قلت لك دلوقتي كلميني عنها هو كده. احنا بقى عايزين يبقى كده. القرآن كم اية  ست الاف ايه؟ ست الاف متين ستة وتلاتين اية. القرآن كام كلمة
سبعة وسبعين الف ربعمية تسعة وعشرين لا ربعمية تسعة وتلاتين. القرآن كام حرف ايه ايوة ده احنا معنا ناس ارهابيين. تلتمية وعشرين الف وخمستاشر حرف. ربنا بيقول على سيدنا يحيى مصدقا بكلمة
من الله. مصدقا بكلمة قالوا اي بكلمة كلمة. اي بكلمة كلمة. يعني السبعة وسبعين الف ربعمية تسعة وتلاتين كلمة انت محتاج تقف مع كل كلمة تعيشي مع كل كلمة وتغير حياتك بكل كلمة. هو ده القران يا جماعة دي ورانا لما يبقى علاقتنا بالقرآن كده مهمتنا تجاه القرآن كده
وحبنا للقرآن كده ونأخذ الكتاب بقوة ساعتها انتم هتبقوا خلفاء العالم. انتم هتبقوا قادة المجتمع كما قال تعالى ولكن كونوا ربانيين بما كنتم تعلمون الايه؟ الكتاب وبما كنتم تدرسون زي ما احنا بندرس دلوقتي كده. يعني ايه ربانيين؟ الطبري بيقول اه الرب اللي هو السيد. ربانيين
سادة العالم وقادة العالم ده قول الطبري. كونوا ربانيين اي كونوا سادة العالم وسادة وقادة العالم. كونوا السادة والقادة بايه القرآن هو ده طريق القيادة وده طريق الريادة