بما تنصح من يكثر الكلام في السياسة. فلا يكاد يجلس في مجلس الا ويتكلم في السياسة ويقول يتكلم كل ما  ثم السؤال الثاني هل من الدعوة الى الله عند الذهاب للمراجعات
يعني السلام على كثير من الناس انه يقول اه الناس اليوم كلهم سياسيين ما في احد مو سياسي اصلا اذاعة بي بي سي اذاعة مونت كارلو والسي ان ان والاخبار كل الناس الحين سياسيين
صارت الامة كلها سياسيين. ما في احد تسرع وين المزارع؟ ما في. وين العامل؟ ما في. وين العابد؟ ما في. كل الناس ياسين اكبر غلط يا اخوان والله امة تشتغل كلها في السياسة ما فيها خير
يا رجال يا اخوان النبي صلى الله عليه وسلم وهو سيد الخلق صلوات ربي وسلامه عليه يربي اصحابه على امور يبين لكل واحد منهم ما هو اطلب منه يقول ارحم امتي بامتي ابو بكر
فجعل وظيفته الرحمة بايش بالامة يقول واشدهم في امر الله عمر جعله شديد. شد على الناس طيب اصدقهم حياء عثمان ما قال له انت بعد لازم تصير مثل هذولاك الصحابة لا
قال واقظاهم علي اقظى الناس وكل واحد له وظيفة فينبغي للانسان ان يدرك ان الدخول في السياسة كما قال شيخ مشايخنا رحمه الله الشيخ محمد الامير الشنقيطي صاحب الاضواك قال كلمة عجيبة
قال قاتل الله ساسة وسوسة وما اشتق منهما شنو معنى الكلام هذا حنا بنعرف شنو معنى الساسة؟ السين السين الواو الياء. السين والواو والسين. السين والياء والسين. اقلبها وين ما تقلبها تجي عوجة. شلون؟ سين واو سين سوس. يعني
دود طيب بعدين ساسة ساسة سايس الخيل ما سوينا شي طيب بعدين سوس سوس ان جاك الدود. هم بعد ما كل ما تقلبها مشتقاتها في اللغة العربية ما فيها خير
يا اخواني الكلام العربي كلام فصيح لذلك الله انزل القرآن بلسان عربي مبين كلمة مشتقاتها كلها سيئة وش تبون فيها الله جل وعلا في القرآن يقول واذا جاءهم امر من الامن او الخوف اذاعوا به كل واحد رايح عند الاذاعات لا لا لا
ما امرنا الله بهذا؟ بايش امرنا قال ولو ردوه الى الرسول والى اولي الامر منهم لعلمه الذين يستنبطونه منهم. رد هذه الامور للمسؤولين قل هذي هذي شغلة المسؤولين واياكم عرفنا في السياسة عرفنا ان الحرب العالمية تبي تقوم بعد عشرة ايام مثلا
شو نقدر نسوي يلا قولوا لي وش فايدتنا من السياسة هذي؟ شو نقدر نسوي هذي امور مو بايدنا هذه امور بيد ولاة الامر بيد العلماء والامراء. هم يتولون هذه الامور. والله ما قاموا بهذه الوظيفة هم اللي اثمون. ليس علينا اثم
انت وانا نحن سنسأل عما نقدر عليه عن اسرتنا عن من تحت ولايتنا عن من تحت شركتك عن من في مزرعتك انت تسأل عنهم يوم القيامة والله ما تسأل يوم القيامة
على فلان وفلان ممن ليس لك بهم علاقة لا جيرة ولا صحبة ولا مزارعة ولا معاملة ما تسأل عنه فلا ينبغي ان نشغل اوقاتنا في السياسة هذه سياسة ملعونة تفرق بين الاخ واخيه
نفرق بين الجيران هذا يقول لا ما صار يقول لا صار ويتقاتلوا وعلى شيء تخمين وظن ما يجوز هذا الكلام نفرح بما فيه جمع كلمة المسلمين ونحزن مما فيه تفرقة المسلمين هذا القدر يكفي. اما كل يوم يتكلم في السياسة وش قال انه
الفلاني وش قال المفكر الفلاني وش قال السياسي الفلاني؟ هذا اشغال للامة حتى يشغل عن ذكر الله عز وجل اشغال عن العباد عن الطاعة عن العلم لا انا انصح نفسي واياكم الا تنشغلوا ضغطكم على الفاضي
والله كل يوم ضغط ضغطة وبعدين يعني انا اعرف شيبان الله يرحمهم يعني قرابة ثلاثين سنة وهما الاذاعة اذاعة الاخبار السياسية ما يتركونها. طيب وبعدين وماتوا هم اللي عندهم استفادوا
لكن لو انهم جلسوا هذه الساعة الصباحية هذه يذكرون الله في المسجد كل يوم حج وعمرة ما كان احسن يجلسون في الليل يتسامرون للساعة احدعش اثنعش على شنو؟ تعال خلنا نشوف ايش قال الجزيرة وش قالت؟ بي بي سي وش قال سي ان ان ايش قال وفلان وش قال؟ وبعدين اخر الليل رايحين بيوتهم ما قاموا
في حق اهاليهم ولا بحق اولادهم يحطون روسهم يا الله يقعدون لصلاة الفجر اللي فيه خير واللي ما فيه خير ما قام حتى لصلاة الفجر وبعدين ما فيها فايدة كما قال شيخنا قاتل الله ساسه وسوسه وما اشتق منهم. اتركوا هذه الامور
ما هي لنا هذي هذه لولاة الامر بنص القرآن لعلمه الذين يستنبطونه منهم اما السؤال الثاني شيقول  ان الدعوة الى الله عند الذهاب للمراجعات. اي نعم من الدعوة الى الله عز وجل حينما تذهب في مراجعة الى مكان تسلم
من الدعوة الى الله عز وجل تسلم تحسن خلقك تحسن لفظك تحسن افعالك هذي من الدعوة الى الله عز وجل والناس يتأثرون بالافعال اكثر من الاقوال