بسم الله والحمد لله والصلاة والسلام على رسول الله صلى الله عليه وسلم. سورة الحاقة وده ايه؟ الترتيب باللي احنا ماشيين به سورة الحق. هنبدأ باحد الروايات المشهورة في قصة اسلام سيدنا عمر وقصة اسلام سيدنا عمر يا جماعة الروايات المشهورة فيها يعني دي حاجة تزعل شوية كلها ضعيفة. يعني الواحد كان نفسه الرواية دي تبقى فاهمة تبقى صحيحة مثبتة عشان عشان يبقى ايه يعني يحسها اوي بس هي كلها ضعيفة. سواء القصة بتاعة ان هو اخته لقاها بتقرأ فطمها وبعد كده راح للنبي صلى الله عليه وسلم وكانت بتأخر دي ضعيفة. وحتى لو انا دلوقتي ضعيفة. آآ بس يعني الرواية وهو نفسه وسيدنا عمر بيقول خرجت اتعرض لرسول الله صلى الله عليه وسلم قبل ان رايح يدور عليه. خلاص؟ قال فوجدته قد سبقني الى المسجد. في الحرم يعني. فقمت خلفه فجاي وراه فاستفتح سورة الحق. فلقاه قعد يقرأ سورة الحق. ففضل واقف وراه يسمع الحق. قال ايه؟ فجعلت اعجب من في القرآن يعني نظم القرآن ان ايات ماشية ازاي وراء بعض يقول جعلت اعجب من تأليف القرآن فقلت هذا والله شاعر كما قالت قريش. فسورة الحق النبي صلى الله عليه وسلم بيقرأ فسيدنا عمر بيقول ايه؟ هذا والله شاعر. فسورة الحق بيقول ايه؟ فلا اقسم بما تبصرون ما لا تبصرون انه لقول رسول كريم. وما هو بقول شاعر قليلا ما تؤمنون. فسيدنا عمر يقول ايه؟ فقلت كاهن. فقال يقول النبي صلى الله عليه وسلم ايه؟ ولا بقولك قليلا ما تذكرون. فقال سيدنا عمر حتى بلغ اخر السورة فوقع الاسلام في قلبه. كلما وقع يعني ولو القصة فيها ضعف يعني بس لو عشنا معها سورة الحاقة عزة كيان زي كيان سيدنا عمر فاهمين قصدي قوة زي قوة سيدنا عمر جبل زي سيدنا عمر. فالاحرى والاولى والاوقع ان هي تأسر فيا انا وانت وصلت الحاقة بتمتاز بالسمت ده. القوة والشدة. وهتشوف معي ده. القوة والشدة فلو جينا اتكلمنا عن موضوع السورة هو يوم القيامة هي اصلا اسمها يوم القيامة. اسمها الحق اليوم الذي سيحق سيحدث. اليوم الذي ستظهر فيه الحقائق اليوم الذي سيحق فيه الثواب والعقاب. الحق ده معناه فالصورة بتتحدث عن يوم القيامة. كفار قريش بينكروا اصول العقيدة والقرآن نزل في مكة يتكلم عن اصول العقيدة من هو الملك زي ما اتكلمنا قبل كده وبعد كده هنا نتكلم عن يوم القيامة. آآ ركن اساسي من اركان الايمان اللي هم دايما ينكرون اليوم الاخر اليوم الاخر. فالسورة بتثبت عقيدة يوم القيامة وانه ايه؟ حق. وانه واقع. وآآ الصورة بتتكلم هتلاقي كده بدأت الصورة كذبت تمود وعدم القارعة فبتتكلم عن اللي كزبوا قبل كده ربنا عمل فيهم ايه في الدنيا في عجالة في اختصار مش زي السور التانية اللي فيها سرد لقصص الانبياء. وبعد كده بتتكلم عن تفاصيل اليوم ده بقى لما ييجي. فاذا نفخ في الصور نفخة واحدة وحملت الارض والجبال وانشقت السماء آآ والملك على ارجائها يومئذ تعرضون. فاما من اوتي الكتاب بيمينه واما من اوتي بشماله. صورة مكملة كلها نتكلم عن عن يوم القيامة لحد ما في الاخر جت وقالت ايه؟ انه لقول رسول كريم. الواحد يداوي القرآن ده ففي مقطع اخير شوط اخير اه اه عن اه انه ده رسول عن النبي صلى الله عليه وسلم. لا هو كاهن ولا هو شاعر ده رسول. وعلى فكرة في سورة التكوير فاقسموا بايه بالخنس الجواهر الكنس والليل اذا عز وسط صبحي اذا تنفس انه لقول ايه؟ رسول كريم بس ده بس ده سيدنا جبريل. دي قوة عند ذي العرش مكين. مطاع ثم امين. فسورة التكوير دفعت عن اتهامهم اصلا الوحي ازاي وايش عرفنا وده جن وهنا الصورة دي دفعت عن النبي صلى الله عليه وسلم انه رسول. فدي السورة كده نعتبر قسمنا الاشواط بتاعتها سريعا. ان هي اول شوط بيقول ان يوم القيامة واقع واللي كذبه حصل فيهم ايه. وتاني شوط من اول فاذا نفخ في تفاصيل وتالت شوط فلا اقسم بما تبصرون ما لا تبصرون انه لقول رسول كريم انه اللي بيتلو عليكم الوحي ده رسول وده قول من عند ربنا. تنزيل من رب العالمين. فدي كده ايه؟ دي اشواط السورة. لو عايزين نطلع العلاقة ما بينا وبين الصورة اللي قبلها. وخلي بالك لما كل علاقة ما بين الصورة والصورة اللي قبلها مش معناها اخر اية بالظبط واول اية بالظبط هي هي مش كده. هي فكرة ان انت الصورة اللي قبلها قالت لك حاجة وجت الصورة دي ارتبطت بالحاجة فانت في الصورة اللي قبلها لو انت بتقرأ ربنا بيقول ايه؟ فاذرني ومن يكذب بهذا الحديث. سنستدرجه من حيث لا يعلمون واملي لهم ان كيدي متين. هتلاقي هنا بقى ربنا بيقول ايه؟ كذبت هنا اهو فذرني ومن يكذب. كذبت تمود وعدم القريعة. فايه بقى اللي حصل؟ بعد ما سبهم ووعد ربنا امهلهم واستدراجهم. فاما ثمود فملكوا بالطاغية. واما عاد فهلكوا بريح صارت. فالسورة دي قالت لك دول هيحصل فيهم حاجة سيبهم ما تقلقش والصورة دي جت تقول لك بص حصل فيهم ايه؟ علاقة جميلة جدا يعني. آآ آآ فيعني ده كده مبدئيا. طبعا التسمية زي ما قلنا الناس بتتكلم عن يوم من الايام بس كلمة الحق لان هو وصف زي ما قلنا ايه؟ طب ليه ما تسمتش مسلا بالقارعة؟ ليه ما تسمتش بيوم الدين؟ لان هم يكزبوا ان هو مش مش هيحق وربنا بيقول لهم اليوم ده بيحق. اليوم ده هيحق. فالتسمية مناسبة جدا اصلا لفكرة الدفاع عن المبدأ ان هو هيحق ولا لأ؟ هو اصلا اليوم الذي سيحق فيه ثواب العقاب. هو يوم الحقائق. ويا جماعة الحق تركيبة الكلمة قوية جدا خصوصا مع المد لان ده مد كام حركة؟ ستة. ستة او تمانية. فانت لما بتقرأ الحاقة مع حرف القاف كده تحس ان هو تحس ان هو وقع وبثقل وبقوة. فالاسم التسمية الاسم شديد في اسماء ليوم القيامة شديدة تركيبة الكلمة على الكلمة القارعة ده اسم شديد. القارع يعني ده ده القارع واحد بيقرع الباء ده القرع. فتركيب القاف والريق والعين. كلمة كلمة تقيلة. الطامة كلمة تقيلة جدا. الطه مع المد. لما تقرأ فاذا جاءت الطاء تحس بالشدة اصلا من واقع الكلمة. فاستخدام اللغة بالطريقة دي في القرآن بليغ جدا يعني. انما انا قلت لكم الصورة فيها فيها يا جماعة سمت القوة والشدة. وده هتلاقيه واضح. كلمة الحق اصلا بداية بتؤكد على ده. هتلاقي السورة بصوا يا جماعة في الاول وهي بتتكلم عن الاقوام اللي كزبوا. ربنا بيقول ايه؟ وجاء فرعون ومن قبله والمؤتفكات بالخاطئة فعصوا رسول فاخذهم اخذة راضية. في قوة في العقوبة. كلمة الاخذ دي عايزك تركز فيها. فاخذهم اخذة الربيع. وهتلاقي في الشوط تاني وربنا بيحكي عن العاصي فاما من اوتي كتابه بشماله ربنا بيقول ايه؟ خذوه فغلوه. برضو الاخذ. الاخذ يا جماعة تدل على التمكن والسيطرة والشدة والقوة. وحتى في الشوط التالت لما ربنا بيؤكد ان ده من عنده قال ايه؟ ولو تقول علينا بعض الاقاويل ايه؟ لاخزنا منه باليمين الموضوع فيه شدة وحسم وقوة. فالصورة بتتكلم عن الاحساس ده زاهر فيها حتى حتى اسماء يوم القيامة اللي فيها هو فيها كزا اسم ولا لا؟ غير الحقة ايه الاسماء اللي فيها؟ السخنة. ربنا ما قالش الصخرة هنا. اه. انت عندك ايه؟ فيرجن تانية ولا ايه؟ القارعة. فاهم؟ كانت دابة الثبوت عنهم بالقارعة فين الصفحة دي؟ ايه يا جابر؟ لا. ماشي. وبعدين فين تاني؟ في اسم تالت. يلا اللي هي زيها مش هنعمل له حاجة. طيب مكعب. الواقعة فيومئذ وقعت الواقعة. فتلات اسماء بص التلات اسماء كلهم صفات اسماء تحس انك في حرب. الواقعة حرب القارعة قوة وشدة. الحق تحس ان الموضوع آآ موضوع شديد. الصورة الصورة مش بتتكلم يعني يا جماعة مش مسلا ايه ده اليوم يوم التكريم يوم الضحك يوم اللي الناس هتحتفل بيه ده مش كده ده اليوم اللي كله شدة وقوة واخذ وحرب وملائكة بتنزل وآآ هو هو هو ده يوم القيامة فالصورة اصلا بتديك الايه الاحساس ده من اولها يعني. فتعالوا بقى نبدأ في اشواط الصورة ونلامس ناخد الدروس المستفزة زي ما احنا ايه زي ما احنا متعودين عندنا كم بقى درس مستفاد النهاردة؟ يعني ستة سبعة تمانية زي ما تيجي كده. ماشي؟ طيب الحق ما الحق وما ادراك ما الحق ربنا ساعات يقول وما ادراك! وساعات يقول وما يدريك! صح كده عارفين الفرق بينهم ايه؟ وما يدريك يعني انت ممكن تدرك. وما ادراك يعني انت مش هتعرف تدركها. تعال مثال هنا الرجل يقول ايه؟ وما ادراك ما الحق؟ وما ادراك ما القارعة؟ يعني انت مش متخيل وما ادراك ما يوم الدين؟ يعني انت مش هتعرف تدرك الموضوع ده بس لك ان تتخيل بس انت ما تعرفش ترخي. انما وما يدريك جت فين؟ اه غير ماشي جت في وضع كتير وربنا بيقول له وما يدريك لعله يزكى يعني انت ممكن يعني ربنا بيقول له ادرك يعني اعرف ان هو كان عايز التزكية. فانت دي بتوصل لها بتوصل للدراية اللي فيها. دي ما تعرفش فين تاني جت وهو يدريك؟ اه وما ادراك ما ليلة القدر؟ ليلة القدر ما تقدرش تقدرها. او ما ادراك بس آآ بس هو ما يدريك موجودة فين برضو؟ اه انه انا في حقيقة انا ما اعرفش امتى فعلا الساعة. دي حاجة انا بعرف سواء هعرف او مش هعرف دي بعرف ادرك المعلومة. ودي انا مستحيل اعرف. ليه؟ لان فده بداية السورة وبعد كده على طول كذبك ثمود وعدهم بالقارعة. اهو زي ما دول بيتكلموا في يوم القيامة اللي هنقول لهم هيحصل فيهم ايه دلوقتي اللي قبليهم عملوا ده نفس الحاجة دلوقتي. كذبت تمود وعدو من فاما تمود فاهلكوا بالطاغية. واما عاد فاهلكوا بريح صرصر عاتيا سخرها عليه سبعة لين وثمانية ايام حسومة. فترى القوم فيها صرعة كأنهم اعجاز نخل خاوية فهل ترى لهم من باقية فاما ثمود فاهلك بالطاغية. اما انه ده الحاجة اللي تعزبه بها الطاغية اللي هي الصيحة اللي ارسلت عليهم. او اصلا يقول لك الطبيعي يعني الذنوب يعني كذبت تمود بايه؟ بطغواها بالطغيان بتاعها. فهم اهلكوا بسبب الطاغية. اهلكوا بسبب الذنوب. واما عاد فاهلكوا بريح ايه؟ صرصر يعني ايه صرصر؟ ويعني ايه عاتية؟ ويعني ايه سخرة عليهم سبع ليالي وثمانية ايام حسومة؟ حسومة يعني مستمرة. يعني يا جماعة سبع ايام الريح ما بتقفش لحظة. الريح ما بتقفش لحظة. صرصر عاتيا باردة شديدة. احنا عمرنا ما شفنا الريح اللي ربنا بيعزب بها القوم عادوا. احنا عمرنا ما شفنا ولا تصورنا ولا هنشوف لان دي ريحة عزاب. ربنا يقول ريح فيها عذاب اليم تدمر كل شيء. احنا عمرنا ما شفنا دي وربنا لما وصف حصل فيهم ايه؟ قال لك كانهم اعجاز نقل خاوية. يعني ايه؟ يعني لو في نخلة محطوطة كده النخلة بتبقى سابتة وبتبقى اصلا جذرها في الارض والجناب فدي من اشد النباتات. وبعد كده فيها ايه؟ فيها بقى الثمار والكلام ده كله. فايه اللي حصل فيها؟ هي دلوقتي اصبحت اعجاز نخل يعني الحتة دي بس خاوية ما فيش اصلا فروع كل حاجة اتشالت منها. ولزلك اصلا بيقول لك انه عزاب قوم سمود قوم عاج كانت الريح يا جماعة بتشيل الانسان من على الارض لحد ما يهوي الجبل او في حيطة او في شجرة ويدشدش ويترمي على الارض. لحد ما ايديه تتقطع ولا دماغه تتشال من جسمه ويترمي زي ما النخلة بتتشال من الجزر. وبيتشال منها اصولها ده اللي حصل فيهم. تشبيه بالنخلة ده ان هي قوية. عشان تبقى فاهم ان هي اعضائهم اتشالت اصلا من اجسامهم من قوة الريح دي حاجة انت عمرك يعني انت اخرك اخرك شوية هوا يعني ممكن يعوقوا حركتك شوية هل انت عارف يعني ايه هوا ممكن يشيل رقبة واحد من جسمه ده ده حاجة اصلا يعني ايه اصلا؟ يعني مش مش متصورة اصلا تخيل ان الله ممكن يعذب كده اه طبعا عشان كده في الاخر ربنا يقول ايه؟ فهل ترى لهم من بقيع؟ في حد منهم شايف منه حاجة سبحان الله! وبعد كده غيرهم وجاء فرعون ومن قبله والمؤتفكات. المؤتفكات اللي هم اللي هم قوم لوط اللي هم قوم لوط. بالخاطئة. ذنوب فعصوا رسول ربهم فاخذهم اخذة ايه؟ رابية شديدة وبعد كده قوم نوح ان لما طغى الماء حملناكم في الجارية لنجعلها لكم تذكرة. موقف قوم نوح والسفينة تذكرة وتعيها اذن وعين. فلو عايزين ناخد درس مهم قوي يا جماعة فعصوا ايه؟ رسول ربهم طب هو رسول ولا رسل؟ تلاقي القرآن سيدنا موسى بيقول لفرعون ايه؟ فاتياه فقولا ان رسول ربك. هي كده وبعد كده تلاقي يعني هو اتكلم نفسه عن ان هو واحد بس. وبعد كده تلاقي في سورة سورة قاف حتى. كل كذب الرسل. ايوا كل كذب الرسل. لأ هو ثمود كذاب اتصالح. ليه بتقول ان كل كذب الرسل؟ قال دي يعني كل الرسل. لان هو كده عند ربنا اللي بيكزب واحد كأنه كزب كله. واللي ما صدقش واحد كأنه ما صدقش في كله. وفي سورة الشعراء دي واضحة جدا بقى. كذابة قوم لوط بالرسل. هتلاقيها كده. كذب اصحاب الايكة ايه؟ المرسلين. ليه لان هو كزب واحد يبقى كزب كله. ليه؟ لان كلهم بيقولوا نفس الحاجة. فهو لو كزب ده يبقى كزب ده يبقى كزب ده ما امنش بواحد يبقى ما امنش بكله. لان هو الوحي يقول له كل دول رسل. احنا عقيدة الاركان الايمان من اركان الايمان الايمان بالرسل. يعني ايه الايمان الايمان ده الحاجة اللي ربنا بيقول لنا اعملوها عشان تخشوا الجنة وما فيش دخول جنة الا بالايمان. فالايمان يعني ايه؟ اركانه ايه بقى الايمان والعمل. اصلا اركانه عقيدة وعمل. ده ده مبدئيا برضه عشان تبقى فاهم الايمان عبارة عن تصديق في القلب وعمل في الجوارح. وقول باللسان. اصلا هو عبارة عن تلات حاجات لازم يكتملوا. فلازم اقول لساني اه انا بشهد ان لا اله الا الله وان محمدا رسول الله انا مؤمن بالقرآن باؤمن بالقرآن باؤمن بالكتب باؤمن بالملائكة باؤمن بالرسل لازم ده لساني يقوله. ولازم اعتقد في كل ولازم اعمل فمين الاعتقاد اصلا ايه بؤمن بالله اه ان هو لا شريك له ولا ولد له ولا صاحبة له ولا اله الا الله. وبقوم باليوم الاخر انه حق وانه الواقع ان ربنا هيجيبنا وهيحاسبنا. ومؤمن بالكتب ان ربنا ربنا قال ايه في القرآن؟ قال ان هو نزل زبور توراة انجيل قرآن وصحف ابراهيم وموسى مؤمن بن وحي نزل عند ربنا. وبؤمن ان هو اتحرى. ان ربنا قال ان هو اتحرف. وبؤمن بالملائكة. ان ربنا قال ان فيه ملائكة وباؤمن بالرسل لان ربنا ربنا قال سيدنا يروح رسول يبقى سيدنا يروح رسول. قال سيدنا محمد رسول سيدنا محمد رسول. سيدنا عيسى الرسول سيدنا عيسى الرسول. وبؤمن بايه الخطر فان ربنا هو اللي ربنا يعلم الاشياء قبل حدوثها وربنا يكتب كل حاجة عنده وربنا له المشيئة حاجة الا لما هو يأذن دي دي يا جماعة ده كومبو الايمان. اللي عنده ده بيخش الجنة واللي ما عندوش ده بيخش الجنة فده اصلا ببساطة جدا امر حاسم في مسألة ايمان اي حد او كفر اي حد. عكس ايمان الكفر. الموضوع سهل قوي. اصل هو ما بيقولوش على لانه ربنا سيدنا عيسى ربنا ما انا عارف والله بس هو ده ما بيقولش ان ده كلام ربنا. يعني هو لو مؤمن ده كلام ربنا ما تقلقش هو كده هو ما بيقولش ان سيدنا محمد نبي فانت يعني ازاي عايز تعتبره مؤمن؟ تخيل كده لو انا بقول كده. احنا اصلا عندنا يا جماعة اللي بيكفر في الصلاة جحودا يعني اللي بيقول لا ربنا ما قالش ان فيه صلاة ده اصلا لوحده يعني يعني عندنا اللي بيخلي الواحد يذكر حاجات غير دي كمان فما بالك لما تيجي في دي. يعني واحد بيجي في دي لا انا مش مؤمن انه انه في ملايكة وان سيدنا جبريل ما ينفعش يا حبيبي والله. يعني ده ما ده ما اسمهوش ايمان خلاص كده. وا وا يعني وفينا الواء مش او يعني مش دي او دي لأ لازم تؤمن بكل ده. فموضوع بسيط اوي. يعني لما يجي واحد يقول لي بس احنا ما بنقولش على ربنا طب تقولوا على سيدنا عيسى ايه؟ ما هو الايمان ان سيدنا عيسى ده رسول بس طب بتقولوا على سيدنا محمد ايه؟ طب بتقولوا على القرآن ايه؟ ما هو الموضوع ما خلصش. فعقيدة واضحة جدا. الرسول هو الرسل والرسالة كل الرسائل فمهم جدا انك تتعلم دي. وبعد كده ربنا بدأ في الشوط التاني فاذا نفخ في الصور نفخة ايه؟ واحدة. وحملت الارض والجبال فدكتاه. دكة واحدة. فيومئذ وقعت الواقعة. الحرب تحصل ساعتها بقى. وايه اللي حصل يا رب؟ بعد ما الارض اتفجرت والبحار سجرت والجبال نسفت وانشقت السماء وتبدأ السماء تنشق وتنهار وتسيح وتبلى فهي يومئذ وهي ضعيفة والملك بعد ما كانت كائن ومخلوق ضخم وهي من ضعفها بتقع من ضعفها الملايكة بتخترقها. فهي يومئذ وهي والملك على ارجائها. واقفين على الحافة. وبعد كده يتنزل الملائكة ملائكة ملائكة ويحمل عرش ربك فوقهم يومئذ ثمانية. حملة العرش والعرش يومئذ تعرضون. لا تخفى منكم خافية شوف يا جماعة فعلا هو ده اللي سيدنا عمر قاله عجبت من تأليف القرآن مش ممكن السياق بتاع الايات وهي بتتكلم كده بحس انو فعلا كل ما تقرب من القرآن كل ما مسألة الايمان به وانه بجد فيه اله دي محسومة يعني اللي من بره يا جماعة هو فعلا مش مش متخيل ادلة انه في اله دي قوية قد ايه. فمسألة في شبهات وفي اية بتقول كزا وانتم هو لسة متخيل ان ده كتاب عادي. فبيروح ويجي معه كده فاهم؟ ونظرية المش عارف ايه ولو فيه لا هو لسه لو بتروح لو رحت للقرآن لو دخلت جواه يا جدعان ما ينفعش ما يبقاش فيه اله. يعني الكلام ده مش طبيعي. وهو فعلا كده هو فعلا في دي لانه كلام اله. يا جماعة الكلام ده مش طبيعي. ولا بشر يعرف يعملوا ولا انس ولا جن ولا كل قريش عملوا ولا اي حاجة. الكلام ده مش كلام طبيعي ده انا بس بتكلم على الحتة دي. الحتة دي لوحدها يعني بتخلي الواحد ما يعني ما هو طيب ماشي. لو انا مصدقها هنعمل ايه في ده؟ يعني لو احنا تمام هننكر وهنحور هنحط تخشينة هنا وتخشينة هنا هنعمل ايه في ده؟ ده ايه ده؟ لما لما تخش جواه يعني لما تقرا السورة دي ترتيل يعني بصوت التلاوة الطبيعي وبالتجويد بالليل ده ايه ده؟ يعني هل في اداء يعني هم ستميت صفحة اه وكتاب قد كده حجما يعني كمبدأ يعني هو هو بس ده ما ينفعش ينكر ما ينفعش يتحط على جنب. احنا لو لو قدرنا لو لو لو قدرنا كنا نشيل ده من المعادلة كان ممكن كل حاجة تنفع. بس والقرآن موجود بالنزم ده الموضوع ما بيتحققش اللي هو يعني احنا عايزين نهدم ما بيتحلش. والله ده واحنا في آآ يعني بقول لك ايه لو لو احنا نتكلم عن عمق القرآن بحر احنا والله يعني احنا راسنا فوق احنا طايلين احنا على الشط اصلا. يعني ايه؟ يعني لما بتتعلم مسلا حاجة فيها حاجة اسمها البلاغة بتاعة اللغة لما بتتعلم بلاغ بتعلم بلاغة تعلم يعني وبعد كده يجي واحد يشرح لك البلاغة اللي في القرآن بتدرك انه يا جماعة اللي قال الكلام ده برده ما هو مش طبيعي. يعني لو ده علم البلاغة فده فده حاجة اتعملت بحاجة لا تصدق كبلاغة. فاهمين قصدي؟ بس احنا اصلا ما دخلناش في العمق ده يعني الحمد لله ربنا من علي بدأت اخش في العمق ده. بصوا مش بقى مستحيل ده من عيش من مليار المستحيلات انه ده ما يبقاش كلام اله. يعني ما ينفعش النظم بتاعه يبقى كده. بما في فعلا ولو كان من عند غير الله لوجدوا فيه خلاف كثيرة. فحنا بنقرا الاربع سطور دول انت نفسك القرآن ايه ده! هو ايه ده! هو ازاي بيعمل في كده! هو ازاي نتقال كده! هو ازاي فاللي يروح للوحي ما تقلقش خلاص والله بتبقى عندك ادلة الحق يعني كتيرة قوي بقى وقوية قوي بقى فمن نظم القرآن. اعجاز القرآن الاساسي هو ده. لانه مش كل اية فيها مسلا اعجاز علمي. ومش كل اية فيها مسلا آآ اعجاز بلاش دقيق بشكل معين. لا بس نظم القرآن فمن يعني نزم القرآن؟ لغة القرآن. الطريقة اللي القرآن متقال بها. هو ده الاعجاز الاساسي بتاع القرآن عشان تبقوا فاهمين لان كفار قريش ما عندهمش اصلا حاجة علمية عشان يبهروا بها. دي ايات شوية في القرآن مش كتير. او مسلا آآ اعجاز مسلا الاخبار مسلا بالغيبيات. فمش كل حاجة بتقول الاخبار باخبار الماضي اخبار الرسل كل الايات انما النزم ده موجود في كل كلمة. كل اية بتقراها نصين. انت عايز تقول حاجة ما انتاش فاهمها ها؟ هو انا حسيت بكده والله. فربنا في الاول بيتكلم عن ازاي ان اليوم ده هيجي فاذا اذا المفاجأة فعل ماضي للتقرير للتأكيد خلاص نفخ امر واقع في الصور نفخة ايه؟ واحدة. طب هي الموضوع النفخ ده عايزين عايزين نتعلمه يعني. وبرضه ده من ايه؟ يعني احنا عايزين ايماننا يتبني من خلال سورة الحاقة. دي اول حاجة تتدبرها. هنقول كم حاجة عشان ايمانك يتبني تدبر مراحل النفخ اصلا. ايه اللي بيحصل؟ هم كم نفخة؟ طب هم اتنين يا تلاتة تلاتة او اربعة. تلاتة. طب ماشي. ففي الاول هم مختلفين هم اتنين ولا تلاتة. ففي الاول فاذا في الصور نفخة واحدة. النفخة الاولى دي اللي هي ايه اللي بيحصل فيها؟ اللي هي بيفزع صفقة الفزع. ففزع من في السماوات والارض. ماشي؟ وبعد كده النفخة الثانية فصعق من في السماوات والارض. طب ايه الفرق بين الاولى التانية الاولى فزع التانية بيصعق فبيموتوا. هو فيه ناس بيقولوا ان دي هي هي دي. هو بيفزع وبيصعب. عشان كده وبعد كده في النفخة التالتة اللي هي ايه فاذا هم قيام ينظرون. ماشي؟ هم اتنين تلاتة على خلاف. امال ايه نفخة واحدة؟ مش احنا لسه قايلين لهم تلاتة؟ لا ده هو في المرة الواحدة هي ما بتحتاجش غير نفخة واحدة. وده من ايه؟ من هوان الخلق على ربنا. الموضوع ابسط من كده. ده هو اصلا مين اللي بينفخ؟ ده ملك دي من الحاجات اللي انا بتبهرني في قوة ربنا. ربنا بنفسه ما بيعملش حاجة. يعني الملك ده ينفخ. والملك ده يقبض الروح والملك ده يعمل كزا والملك ده يعزب والملك ده انما ربنا يعني تخيل هو الموضوع ما يحتاجش ان ربنا اصلا يعمل حاجة ده هو ملك واحد هيعمل نفخة واحدة. شف شف فرق مقاييس القوة يا جماعة. فتدبر مشهد النفقة دي مشهد رهيب يعني والنبي صلى الله عليه وسلم يقول كيف انعم؟ ازاي ارتاح؟ يعني انا ما اعرفش اقعد وانا وانا مطنش فكيف انعم؟ وصاحب السور السور اللي هو البوق اللي هو اللي بينفخ فيه. وصاحب السور قد التقم القرن. النبي صلى الله عليه وسلم بيوصف سيدنا اسرافيل عامل ازاي دلوقتي حالا؟ قال هو صاحب الصفقات الطقم يعني عامل كده. القرن ماشي؟ وايه؟ وحنا جبته. وحنا جبهتها. يعني عامل كده هو ايه؟ ينتظر متى يؤمر يعني هو عامل كده وانفخ ولا لا؟ مستني تخيل ان ده وضع سيدنا اسرافيل دلوقتي حالا؟ قلنا يا رسول الله كمان اخويا يوم عيد طب هنعمل ايه يعني بالظبط زي ما انت تعمل كده طب ايه قال قلوا حسبنا الله ونعم الوكيل. يعني قولوا يا رب انت هتكفينا ما فيش حاجة هفهملها تدبر المشهد ده. وبعد كده ربنا بيتكلم عن ازاي الارض والجبال بتدك وبتنهار وبتنفجر والارض تزلزل والارض تشق. والجبال بتنسف والجبال بتجعل هباء منثورا. وبعد كده ربنا بيتكلم عن السماء او هي بتنشق. والملك الملك باقي برضو اسم قال لي يا جماعة دي معناها ايه؟ جنس الملاهي. كل الملاهي. عارف يعني ايه كل الملايكة ده مشهد هيبقى عجيب. انت مش مش هتشوف الملايكة هتشوف كل الملايكة. مش ملايكة السماء الاولى. ملايكة السبع سماوات. جنود ربنا. وجاء ربك والملك صفا صفوف نازلة صفوف نازلة. وناس تبقى فاهم انه عدد الناس بنسبة عدد الملايكة يعني يعني مش مش واحد في المليون. لان هو حجم السماء في السما ولا حاجة زي خاتم في صحرا. فاحنا بنتكلم على مليارات مليارات الملايكة السماء الاولى. السماء الثانية السماء التالتة السماء الرابعة السماء قميص السماء السادسة. ملايكة عمالة تنزل. جنود جنود جنود او انت عمال تبص جنود. عمالة تنزل. والملك على ارجعه. وبعد كده ايه؟ اهي تلاقيه بيتنزل وفيه تمن ملائكة حملة العرش. والنبي صلى الله عليه وسلم وصفهم. وتاني عايزين نتدبر. عايز بناء الايمان تدبر عزمة في الحديس عن العرش. يعني ربنا كلمنا عن العرش. والعرش ده اللي هو المجد الملك بيجلس عليه. والكرسي ده موضع القدم. يعني الملوك كده لهم عرشه ولهم كرسيه. فالله سبحانه وتعالى له عرشه وله كرسيه. واحنا اتكلمنا المرة اللي فاتت بالزات في المبنى ده عامل ازاي ازاي ما اعرفش. حد قال لنا ما حدش قال لنا نقدر نعرف مستحيل عقليا ما تقدرش يا اما اقول لك يا اما تشوف يا اما حد يقول لك خلاص كل ده مش عندنا. بس ربنا قال فيه عرش وفيه كرسيه خلاص خلصت كده الكيف دي ما اصلا ما تهمناش يعني ما تفرقش اي حاجة لا في الايمان ولا في العمل ولا في اي حاجة وما لهاش حل يعني فخلاص هي زي ما هي كده. احنا بنسبت من غير الكيفية وما نعرفش نمسلها بحاجة لان ما عندناش وخلاص. دي سهلة جدا ها؟ يعني فعلا الموضوع ده قد ايه بسيط كده بس الفلاسفة دخلوا في اه نقاشات عقلية خلتهم هي بقت معقدة جدا. بس احنا على الله كده ومن جوة هنا ما فيش حاجة اصلا فعادي يا عم خلاص. اما اروح صح؟ مش سهلة دي. هو التاني ما يعرفش يسكت دماغه آآ متكلمة فما يعرفش. لا ازاي ولا فداخل في مشكلة مع عقله يعني. انما احنا عندنا موضوع عبيط قوي. صح موضوع احنا الحمد لله ايه يعني شباب تافهة كده وحلوة. فعادي يعني ايه العرش بالنص. انما لما تيجي ما هو انا ما اعرفش اتدبر هو ايماني يزيد بسبب العرش؟ لا طبعا بالعكس تقدر النبي صلى الله عليه وسلم قال اذن لي ان احدث عن ملك من حملة العرش. فقال ما بين شحمة اذنه دي شحمة الاذن. الى عاتقه مسيرة سبعمائة سنة. دول حملة العرش. والاصل انهم اربعة. بس بيبقوا تمانية وبيقولوا ان ده من شدة الامر. يعني يعني من ثقل الامر وغضب ربنا الملايكة بتبقى ضده. حاجة عجيبة جدا يعني لك ان تتخيل فعلا فكرة العرش لان احنا عندنا احاديث عنه بتكلمك عن الحجم. لان العظمة بتيجي من القوة ومن ومن القدرة ومن الحجم. فله المثل الاعلى احنا ما نعرفش زي ما قلنا بس بس الاحاديث بتتكلم على انه العرش ده حاجة كبيرة جدا. وان هو اعظم المخلوقات. يعني شوف شوف يعني ايه مخلوقات يعني رص كده كل مخلوقات ربنا خلقها. كله كله كله كله اعظم مخلوق هو العرش. حاجة رهيبة. فسيدنا مسعود بيقول للنبي صلى الله عليه وسلم بيقول يعني بين السماء الدنيا والتي تليها خمسمائة عام مسيرة خمسمائة عام. وبين كل سماء والتي فوقها خمسمائة عام. بين الثالثة والثالثة خمسمائة عام. والرابعة والخامسة خمسمائة والسادسة والسابعة خمسمئة عام. لحد السماء السابعة وبعد كده ايه؟ وبعد كده بعد السماء السابعة في ماء وربنا قال كده ربنا قال وكان عرشه ايه؟ على الماء. بعد السماء السابعة فيه ماء. وطبعا خلاص انسى بقى انسى ها انسى الاسباب اللي هي القوانين السنن اللي ربنا وضعها في الكون دي ان الماية على الارض وكده. خلاص احنا في حتة تانية احنا في في اللي خلق الحاجات دي وهو اصلا بيسخرها كما يشاء يعني ففوق السماء السابعة فيه ماء. وبعد كده والعرش فوق الماء. والله فوق العرش. وبعد كده قال ايه؟ ولا يخفى عليه شيء من عملي. انت تحت خالص. نقعد ننزل فم. مئات السنين. قال ولا يخفى عليه شيئا من عمله والنبي صلى الله عليه وسلم قال ما السموات السبع؟ ومن حديس كان كده ما السماء الاولى في الثانية؟ الا كحلقة ملقاة حلقة خاتم ملقى بارض فلا ارض كده فاضية كبيرة. خاتم في صحرا. وما السماء الثانية؟ كحال قافلة السماء عمالة تكبر ازاي. وبعد كده ربنا يقول ايه؟ وما السموات السبع في الايه؟ في العرش. لا في الكرسي. الا كحلقة بلى وفضل العرش على الكرسي كفضل تلك الفلاح على تلك الحركات. ممكن اخد الحتة دي تاني؟ ابقى اسمعها بقى وفضل العرش على الكرسي كفضل تلك الحلقة وبفضل اه الفلاة على تلك الحرب. الارض يعني على تلك الحرب. جبارة. وكل ده بينهار وكل الملايكة دي بتنزل يومئذ تعرضون زي الحديس بالزبط لا تخفى منكم خافية. نكرة للايه؟ للعموم لا تخفى منكم ايه خافية. فما فيش واحد ما فيش حد يعرف يستخبى. وبعد كده تعالوا نبني الايمان من ايه؟ من خلال تدبر مشهد الحساب ده بقى. فاما من اوتي كتابه بيمينه فيقول قوموا اقرأوا الكتابية اني ظننت اني ملاقي الحسابات. فهو في عيشة راضية في جنة عالية قطوفها دانية كلوا واشربوا. هنيئا كما اسلفتم في الايام القادمة. وبعد كده واما من اتى الكتاب بشماله فيقول يا ليتني لمؤتى كتابية ولم ادري ما حسابية يا ليتها كانت القادمة. ما اغنى عني ما لي. هلك عني سلطان. ربنا هنا بيذكر كلامهم. خلي بالك عايزك تركز هو ايه الفرق بين مشهد الحساب ده واي مشهد حساب تاني؟ ربنا انا جايب اللي اتحاسب بعد ما اتحاسب. مش احنا قلنا ان كل مرة الموضوع مختلف لو في عشرين موضع عن مشهد الحساب كلهم مختلفين. دي وهو بيتحاسب دي قبل ما يروح الحساب على طول. دي هو قال ايه بعد؟ دي ايه اللي حصل لما رد يعني ما فيش مرة يا جماعة المشهد زي التاني. انت بس مش مركز الفرق. هنا ربنا مش بيقول لنا مش الحساب كده ولا كده بنتكلم عليه. ايه بقى؟ ايه اللي اركز عليه؟ قالوا ايه بقى صح؟ فيقول اول واحد يقول يا جماعة ها ام عارفين يعني ايه هاء ام؟ هاء يعني اهو ام يعني هو بيكلم ناس فهو بيقول لهم ايه اهو يعني انت ماشي في يوم القيامة بعد ما خلصت الحساب وعرفت ان انت آآ ناجي. وعرفت ان انت ربنا يقول لك غفرتها لك وربنا يقول لك عليك ويقول لك خلاص وانا راضي. فانت ماشي في يوم القيامة بصوا اعمالي. خلاص بقى العشب وكده مش مشكلة ما فيش مشكلة خالص. بص بص بصوا الكتاب بصوا ربنا ماشي تعمل كده. واحد ماشي يوم القيامة بجد يعمل كده. قال هاؤم اقرأوا الكتاب وبعد كده يقول ايه؟ هل كنت متأكد اني هتحاسب؟ اني ظننت اني الظن بتيجي معنى اليقين والظن. الظن الظن والظن تيجي مع اليقين. عشان تبقوا فاهمين. فهو ماشي يوم القيامة انا حاسس ان واحد بيفرغ عن شحنته كده اللي هو ايه والله انا كنت مؤمن جدا والله انا كنت تعبان جدا في موضوع الايمان ده. انا فعلا انا كنت متأكد في يوم من الايام انا ما كنتش سايب نفسي وعمال اشتغل واجاهد. فهو جاي يوم القيامة يفرغ عن الشحنة دي. انا حاسس به جدا والله. اني ظننت واني بيؤكد اني ظننت اني يعني مش يقول اه انا كنت حاسس لا ده انا كنت متأكد ان انا هتحاسب. ده مش ممكن والله بجد تحس ان الراجل ده فعلا فعلا هي دي لحزة وبعد كده اقول ايه؟ ربنا يقول فهو في ايه؟ العيشة هي اللي راضية. ها مش هو راضي. الموت كله البيئة كلها فين فوق خالص في جنة عالية وقاعد كده والايه والخطوف دانية يعني هو ايه قاعد وخلاص بقى ريحته. ليه؟ اصل انت لسه كلوا كلوا واشربوا هنيئا بما اسلفتم في الايام الخالية. انت تعبت وخلاص انت اتحاسبت واتبسطت واقعد بقى خد جزاءك. يوم الحق يوم الحق هيحق وبعد كده التاني ده اما بيقول الكتاب بالشمال. فيقول شف برده الحسرة يا ريتني ما خدت يا ريتني ما اتحاسبت يا ريتني ما يا ريت الموتة دي كانت اخر حاجة لي واحد بيتمنى انه كان يموت ولا يبعت وبعد كده بيقول لا الفلوس فرقت معي ولا السلطان آآ ساعدني. ربنا بيقول لنا رسالة واضحة جدا الحاجتين دول ما لهمش قيمة. ايه اللي له قيمة؟ ربنا قال برضه. ايه؟ اه بما اسلفتم. يعني ربنا قال ده ايه اللي ينفعه ده ايه اللي ما نفعوش. وده مفهوم مهم جدا جدا جدا. بس الاول بس عايز اقرا لكم الاحاديس دي اللي انتم عارفينها. بس احنا هنا بنتدبر صح؟ فعن عبدالله بن عمر قال يدني المؤمن من ربه يوم القيامة. حتى يضع عليه استره. ربنا يستره. ثم يقرره بذنوبه. عارف يعني ايه يقرره؟ لما تخلي واحد يقر انت مش عملت كده اه عملت كده فيقول هل تعرف الزنب ده انت عملته؟ اه. فقل يا رب اعمل. انت انت عملت الكزبة دي اه. انت عملت زنب ده اه انت عملت كده في الصالة دي اه. انت عملت كده اه. تخيل واحد واقف الوقفة دي يقرره بذنوبه. يقول هل تعرف؟ فيقول بلى يا رب حتى اذا بلغ منه ما شاء ان يبلغ يعني يفضل يكمل معه ربنا سبحانه وتعالى ما شاء ان يبلغ فربنا يقول اني سترتها عليك في الدنيا وانا اغفرها لك اليوم. وفي امبارح واحد قال لي يعني للاسف الشخص ده ما ما فهمش لطف ربنا يعني هو كان بيتكلم في انه ليه ربنا يعمل اللي هو لو يعني النص الاولاني طب ما يعمل النص التاني ما هو كده الراجل في النص الاولاني ايه اللي بيحصل له من جوة بيضطرب وبيقلق اه بس هي الفرحة تبقى عاملة ازاي بعدين. يعني هي دي عشان تحصل انت مش متخيل الفرحة هتبقى عاملة ازاي بعديها صح؟ جاية يقول لك انت اتغفر لك. غير ده ده لطف ده لطف عجيب. واحنا بنعمله يعني انا كنت بقول له ما انت بتعمل ساعات انت يجي لك واحد معك حاجة وهتديها وجبتها له هدية وتهزر معه عشان احساس النشوة بيبقى اعلى بكتير. فربنا سبحانه وتعالى بيتلطف مع عباده اه انما هو بيسمع كده وانا ايه؟ وانا اغفره لك اليوم. ثم يعطى صحيفة حسنات او كتابه بيمينه. فيتحول للراجل ده وطبعا على الناحية التانية واما الكافر او المنافق فينادى على رؤوس الاشهاد هؤلاء الذين على ربنا. يعني بعد ما نتحاسب وهو ماشي كده يتنادى انه دول دول اللي ما رضوش يتبعوا الدين. كلمة صعبة اوي ومشهد الحساب بتاعه آآ قلته قبل كده. النبي صلى الله عليه وسلم قال انه يؤتى بالراجل ده فيلقى العبد ربنا ويقول ايفل ايه؟ الم اكرمك. الم ازوجك؟ الم اسودك؟ الم ادرك ترأس وتربع؟ فيقول بلى تخيل! بلى يا رب. فيقول اظننت انك ملاقي؟ فيقول لا يا رب. مش انا عملت لك واحد اتنين تلاتة. مش انا اتجوزتك؟ مش انت اكلت مش انت اشتغلت وملكت واقتنيت مش انت ترأست مش انت عشت في الدنيا دي وانا اللي عملت لك ده؟ فيقول له اه. العجيب عجيب انه يقول له افلنت انك لطيف يقول لا. فيقول فاني انساك كما نسيتني. المشهد صعب قوي فيمشي الراجل ده وهو ايه وهو متحسر. ويقول كل الفلوس دي ما عملتليش حاجة النهاردة. كل السلطان ده ما عندوش حاجة. ما فيش اصلا سلطان ما فيش فلوس نفسي والله الدنيا تطلع من قلبي بالمعنى ده بس طول ما هي موجودة مادة كده بشوفها بعيني ماشي بقى لها قيمة انما الحقيقة ما لهاش قيمة. يعني بعد كم سنة انا هابقى من غيرها. فهي ما بقتش موجودة. فهي ما بقاش لها قيمة. هي لها قيمة طول ما انا هنا. اول ما امشي من هنا هي ما لهاش معنى بلاش وجود. هي اصلا عدم. فانا محتاج اشوفها كده انت ولا حاجة يعني انت انت انت. انت لحد دلوقتي حاجة. بس انت في او يعني كمان شوية انا انت ولا حاجة. ومحتاج اشوف الصلاة كده. الاعمال كده. انا دلوقتي بصلي مش حاسس بك. بس كمان شوية اللي انا الصالة دي هي اللي هتبقى كل حاجة. فده مهم اوي اوي. اوي يعني آآ شفتم احنا قلنا من اول في الاول اركان الايمان وقلت لكم آآ هي اهي جاية معنا هنا. الايمان والعمل الصالح. مهم قوي انك تفهم ان ده جزء زي كلوا واشربوا هنيئا بما اسلفتم. العمل هو هو سبب سبب لدخول الجنة. وبعدين آآ اه لما ربنا نكمل الآيات قال خذوه. غلوهم هو انا مستغرب جدا وما قلش خذهم. يعني هو هو انا محتاج ملايكة؟ هو انا محتاج ملايكة؟ ربنا بيقول للملائكة خذوه. فيبتدروه سبعون الف ملك فايه فغلوه. يعني الاغلال ده انه يتربط كده. ثم الجحيم صلوه ويشوفوه في النار. طب وهو دلوقتي في النار بيتشوي. لأ لسة كمان. ثم في سلسلة ذرعها سبعون ذراعا فاسلكوه. والاسلاك ده مش كده يا جماعة. الاسلاك ده من البوق كده تخيل! عارف لما بتربط حيوان ده معنى والسلسلة درعوها سبعون ذراعا لدرجة ان في في اناس من السلف كانوا بيسموها سورة السلسلة القطرة دي حاجة رهيبة. زرعوها سبعون ذراع فاسلكوه. يا رب ده بيتشوي اصلا. انه كان لا يؤمن بالله العظيم ولا يحضوا على طعام المسكين. هي دي لا يحضوا على طعام المسكين ده ايه؟ ده عمل. لكن بيؤمن ولا بيعمل. اصل هيؤمن بس مش مش هينفع. هيقوم بس عندنا ان هو لو ترك العمل تقصيرا يعني هيخش النار يتحاسب على التقصير ده هيخش النار يتحاسب يتحاسب وبعد كده شوية الايمان العقيدة اللي عنده هي اللي هتخرجه اكيد. فاهمين ان احنا احنا احنا عقيدتنا كده. احنا قلنا باللسان ماشي وفي القلب ماشي الصرف العمل تقصير يعني مش جحود ها مش اللي هو ما فيش حاجة اسمها حجاب. ايات ايه ده مش حجاب ده انتم الكلام ده ده اصلا بيتحكم باحكام تانية. انما انا عارف ان دي صالة بس انا ما صلتش ولا خالص. فده ايه؟ طب ما انا مؤمن. لأ يخش النار شوية. هو ده اللي بيخش النار ويطلع. حساب الحساب ده. آآ لا هو ده ما اتقالش ان ده مين؟ ده اتقال اللي اتقفل بكده وشمالي. واللي اخد بكتابه شمالي ده مش لازم يبقى كافر ومش لازم يبقى تارك للصلاة ومش لازم يبقى آآ ده واحد زنوبه غلبت سيئاته الذنوب غلبت حسناته. اللي بياخد كتابه الشمالي ده اللي بيخسر يوم القيامة. فعشان بس نبقى فاهمين برضه هو يعني من من من ابطأ به عمله لم يسرع به نسبه. بكل بساطة ده مين؟ ده اي واحد هيطلع خسران يوم القيامة هيطلع بالنيجاتن. يعني ايه بالنيج يعني في ميزان وفي حسنات وفي السيئات وفي الاخر ربنا حكم عليه وقضى ان هو سيئاته اكتر. بناء على ايه؟ التفصيلة دي اوعى تحاول تدركها ان تضعها احنا بنسمع حاجات عن ربنا اه واحد سقى الكلب فربنا غفر له فشكر له فادخله الجنة. اللي هو طب هي معلش هي حسبة حسنات ايه؟ ما انا ما اعرفش والله. بس ده عمل مسلا من اللي ممكن يدخلك في الاخر الجنة. طيب بتلاقي واحد كان بيجاهد وهو بيجاهد ما قدرش الجرح فقتل نفسه مش قادر يستحمل الوجع. فقال لك انا اموت نفسي خلاص. فالنبي صلى الله عليه وسلم قال لهم وهو في النار. يا رسول الله كان بيجاهد. يعني انا مش عارف احسب يا رب الاعمال ما بيتحسبش اصلا. هي بيتقال لك حاجات منفصلة. اوعى تاخدها على انها آآ يعني فاهم؟ اوعى تقول بس خلاص يبقى انا اه اهو في واحد اهو عمل اه مش عارف واحدة صفت كلب فهصفي كلب. فعملتها مرة فخلاص. لأ هي مش كده يا حبيبي. هو جه النبي صلى الله عليه وسلم برضه قال لهم ان واحدة بتصلي وتصوم وتؤذي جيرانها بلسانها. بس قال لا خير فيها هي في النار. الله! ينصر الله لما صلى وصوم ما تتشل ليه ويبقى لا هي مش زي ما انا وانت ده هري ده. هي ازاي عند ربنا؟ والله ما اعرفش. لما نروح هنفهم هنفهم ايه الحساب ماشي انا معرفش اصل في حسنة بعشرة وسبعميت ضعف فانا مش فاهم وفي سيئة بواحدة وفي سيئة بكبيرة وفي سيئات صغيرة وفي واحدة واحد عملها باستهانة بالشرع. واحد عملها استهانة بنزر في حاجات كده اللي هو وفيه واحد من سنة سيئة فلو وزره وزره من عمل بها. فهو احنا مش فاهمين حاجة. يعني انا انا فعلا انا عارف كل حاجة لوحدها. بس لو قلت لي انت انت شايف انت عارف واحد خرج بالامتحان؟ انا شايف ان انا هجيب يا اما عارف ما اعرفش اقولها ليوم القيامة. احنا في الدنيا واحدة فعلا انا ناجح؟ اه طب هجيب ايه؟ انا غالبا غالبا ممكن احط رينج صح؟ تعرف تحط رينج لكل امتحان ما تخرجش منه؟ مش لازم يبقى ستة وسبعين سبعة وسبعين قصدي تعرف تحط من خمسين تعرف تحط. لو عملت يوم القيامة لو الرينج ايه ما تعرفش. انت ما تعرفش حاجة. انت اللي تعرفه ان ربنا بيقول لك اللي بيدخل الجنة الايمان والعبد الصالح. وبعد كده يقعد يتقال لنا ايه كتير اوي اوي اوي دي خلي بالك دي كويسة دي مهمة دي صعبة دي دخلت دجة دخلت النار دي. عشان انت تعبد بقى فربنا بيقول فليس له الهواء اليوم ها هنا ايه؟ حميم. ولا طعام الا من غسلين لا يأكله الا الخاطئون. الغسلين ده اللي هو ايه ده قال ان هو زي الزقوم شجر يعني. وقالوا ان هو عصارة اهل النار. الدم والصديد والعرق حاجة عجيبة جدا. في موضوع بما اسلفتم ده انا بس عايز اتكلم فيه كمفهوم هو ايه اللي بيدخل الجنة؟ في سورة الاعراف برضو آآ قالوا الحمد لله الذي هدانا لهذا وما كنا لولا ان هدانا الله لقد جاء تونس وربنا بالحق. ونودوا ان تلكم الجنة اورثتموها ايه؟ بما كنتم تعملون. زي كده صح؟ يبقى انا بخش الجنة بالعمل. وبعد كده النبي صلى الله عليه وسلم قال واعلموا انه لن يدخل ايه احدكم لن يدخل احدكم الجنة عمله. طب كده ايه دي بقى؟ يعني هو بالعمل ولا مش بالعمل؟ وقال لهم ولا انت رسول الله قال ولا انا الا ان يتغمدني الله برحمة منه وفضل. مهم قوي انك تفهم بقى التوازن ما بين صورة البزل والعمل الصالح. ما بين يعني ضرورة البزل والعمل الصحيح. ربنا بيأمرنا ان احنا نعمل على قد ما نقدر. احسن احسن وعمل لا يكلف الله له الا وسعها. يقول لك اعمل. اعمل. وقال لنا ايه اللي نعمله بالزبط وازاي؟ والنبي صلى الله عليه وسلم علمه لنا. وقال لنا الثواب بتاعه والعقاب بتاعه وبين ضرورة ان اصلا قبول العمل. ومغفرة الذنوب ودخول الجنة بيكون بسبب رحمة ربنا ان هو شايفك بتعمل فهو قدر ان هو يقبل العمل ده. يعني اللي انت بتقدمه يعني انا ايه؟ انا هبزل وبعمل ماشي؟ بس العمل اللي انت بتقدمه ده فيه تقصير قد ايه؟ وفيه تفريط قد ايه وناقص قد ايه؟ ومعيوب قد ايه؟ يعني واحد جه صنع عربية فالعربية اللي عملها فيها عجلة ناقصة وفيها كلاكس اصلا مكتوم وعربية اصلا الفتيس بتاعها عمال آآ يزك منه والفرش اللي جوة كزا ده العمل بتاعنا. انا جايب اخري وده اللي بوصل له برضه. انت لازم لازم تسلم لده. وده يا جماعة ابسط حل للمثالية لان المسالية دي اصلا حاجة مش مش حقيقية يعني هو انت عايز توصل لحاجة وهمية. وفكرة اللي عايز يبقى يوصل للمثالية هو ايه اللي بيحركه؟ انا لازم اعمل احسن عربية. العربية دي لو ما عملتهاش ده ده واحد اصلا مش بس بيخالف الواقع. ده عنده مشكلة كبيرة. انت ليه اصلا عايز تعمل كده؟ هو اصلا ربنا خلقك عشان بطريقة ما تخلكش تعمل كده. وبعد كده آآ قال لك الجنة ما لهاش دعوة اصلا يعني ما لهاش دعوة بايه بالعربية هتبقى عاملة ازاي في الاخر يعني ايه؟ يعني مش لازم تبقى فيراري طالعة من المصنع. ليه؟ لانك ما بتعرفش تعملها. انت عملت ايه؟ والله يا رب انا ده اللي بزلت وتعبت بس هي هي خمسة جنيه مقطعة انا ده اللي عرفت اجيبه. فلازم تفهم ان انت مطلوب منك تجيب اخرك. بس لازم تفهم انه اخرك هيبقى خمسة جنيه مقطعة. دي كده تخليك تعمل وتخليك تحط المسالية على جنب. كل ما اتقال لك انا الصلاة كانت ناقصة علوم وهي طبيعة انت عبيط ولا ايه؟ تقول لنفسك كده نفسك اللي هي بتقول لك السراقة عديمة خشعية ما احنا عارفين ما هو انت فاكر ان انت هتجيب هتعمل صالة عاملة ازاي؟ احنا بنفرك وفي الاخر بتبقى خمسة جنيه مقطعة غصب عنك فيها تقصير وقصرت في السنن واستليتها بسرعة واصلا وصايم وانا مش قادر عايز افطر ويا رب يازن ومن جوايا كده امتى رمضان يخلص بدفع فلوس العمرة وانا يعني ماشي بس كان نفسي اجيب مش عارف ايه وهي هو ما فيش تقصير؟ وما حفظتش قرآن اصلا وما ما فتحتش كتاب حديس اصلا وما عملتش اصلا ولا نصرت دين ربنا ولا دعيت حد ولا دخلت حد في الاسلام. في قد ايه تفريط؟ انت مقدم خمسة جنيه وقطعته خلاص ده مهم اوي تبقى مدركه. عشان تبقى مدرك انه ايه بقى؟ لما تقيس ده كمان على هو انا هاخد ايه؟ ماشي يعني اللي انت بتقدمه بضاعة مزجاة. حلوة دي؟ واللي انت بتاخده آآ حاجة لا تعقل فيها ما لا عين رأت ولا اذن ده ما ينفعش يؤدي لده. فيبقى ده بييجي بايه؟ برحمة ربنا ما ينفعش غير ربنا يرحمني فيقول لي خد ده. يعني واحد جه كده آآ واتحط له امتحان فجاب اخره بس حل ايه؟ حل سؤال واحد هو ده اخره. فاتقال له ايه؟ خد ابلاس. دي مش منه. دي مش منه. الجنة مش منك. الجنة مش بعملك. عملك عملك اصلا المفروض يدخلك النار. يعني بالراحة بقى والله هي والله هو المفروض يعني كل الزنوب دي اصل انت انت حسناتك دي منين ؟ الزنوب وقلت ربنا انا اسف عليها. طب ماشي يعني ما هو اللي ادها لك حسنات. انت بتحور ليه ؟ يعني انا يعني لو انا لو انا اللي بحاسبك هشيل لك الذنوب صح؟ انما اديها لك حسنات. يبقى احنا كده احنا فاهمين بقى اللي فيها. يعني كل غلطة هتقول انا اسف ان انا غلطتها في الامتحان هديك درجة. ده كده انت انت اللي نجحت انت اللي جبت افلاس؟ لا هم عاملين امتحان كده. هم. ولله المثل الاعلى. عملك خمسة جنيه مقطعة. دي لازم تبقى لازم تبقى مقر بها والا لو تبقى معجب وموهوم وهتاخد على دماغك. والجنة ما ينفعش اصلا دي ما لهاش علاقة. عملي ده ما دخلنيش الجنة. عملي ده ممكن يروح يوديني لفوق مسلا يومين. بس وديني الجونة كده اقعد باسبوع كده ده حلوة دي. انما جنة مش انت خالص. ده اللي النبي صلى الله عليه وسلم بيقولوا له. بيقول لهم ايه؟ بيقول لهم انه العمل ده ما بيوديش جنة ولا عملي انا. بس هم مش فاهمين الجنة. هم فاكرين عمل رسول الله ايه؟ بالنسبة للخمسة جنيه مقطعة دي مسلا مليون جنيه في ورق جديد. هو ما فهمتش؟ ايوا بس مش فاهمين الجنة. هو بيقول لهم كده. الا ان يتغمدني الى الله برحمة وفضل. فبالتالي لما ربنا بيقول بما اسلفتم يعني ايه ؟ عشان انت سمعت الكلام وبزلت وعملت ودوست على نفسك بغض النزر ان انت جبت خمسة جنيه وقطعتها في الاخر ربنا اصلا مش محتاج العمل ولا ده بيزيده ولا ده بينقصه ولا اي حاجة. بس مبدأ انك عاملت هو ده كان المطلوب. وصلت الموازنة دي؟ الموازنة لازم. الوزن بتريح جدا. بتخليك تصلي. والنبي صلى الله عليه وسلم بعد ما يسلم كان يقول ايه؟ كان بيستغفر. ليه؟ عشان اكيد اهي دي الصلاة اللي دي صلاة تليق بربنا. يعني هو دي الصلاة اللي ربنا ربنا دي قضاء قدر ربنا! لأ. فيستغفر خلاص خلاص خلصت سهلة يعني. انا بحاول اخشع خلصت صلاة قصرت فيها طبعا فاستغفرت. وباحاول يعني انا باحاول بس النتيجة ايه؟ يعني انا هدخلك امتحان. كل انا باحاول وباحس طبيعي انك ما فيش ما فيش مرة تخش الامتحان مش بتحل. وما بجبش الدرجة النهائية. ليه؟ عشان ده الطبيعي يعني. هو ده انا وهو ده عملي وهو ده هو ده تعرف تبقى كده تجيب اخرك وتقبل كده وتهدى كده ان ده حجمك وبعد كده تبقى فاهم بس انت اللي هتدخلني خلاص ما لهاش دعوة زي بالزبط ايه اللي هيديك ايه ده؟ الموضوع ما لوش دعوة انا عارف ما لوش دعوة ان انا حليت. ما تحاسبنيش باللي انا حليته. شفت بقى الرحمة بقت سهل ازاي تتعلق بها؟ اول ما تشوف عملك اه بحقيقته وتشوف الجنة بحقيقتها ده ما يتعارضش تماما مع ان انت تعمل وتجيب اخرك. ما فيش مرة هتخش الامتحان تقول ايه بقى؟ مش مهم يا عم كده ولا كده ادوني ايه بلس؟ ما ينفعش تمام. انت عارف كويس قوي. خش الامتحان وتحل كل اللي تقدر عليه وانت عارف انك هتجيب درجة وحشة جدا عشان هم كويسين. ولله المثل الاعلى. هيجي وقت الصلاة انا هقوم وهصلي وهعمل في الاخر قصرت ما صلتش كويس. وده الطبيعي يعني. ويا رب هي برحمتك. فربنا ينزر لك برحمته. يقول لك خلاص طالما انت معتمد على رحمتي يبقى تمام مهم اوي اوي اوي الموازنة دي يا جماعة. عشان كده النبي صلى الله عليه وسلم في اول الحديس ده وانا كنت قاصد ما اقولش اوله الف اوله قال سددوا وقاربوا وابشروا. كده مفهومة؟ اه سددوا وقاربوا. يعني يعني ايه تقول حاجة وحشة يعني حاول هنا وحاول هنا وحاول تقرب من انك تعمل اكتر حاجة واحسن عايز تقول ايه؟ الرسول صلى الله عليه وسلم اللي هو من توضأ ثم صلى ركعتين لم يحدث فيهما نفسه اه. اه يعني يعني كان بيخشع طول الصلاة من اولها لاخرها. بيحاول يخش. اه لأ وممكن يبقى ناجح في ده. بس في الاخر ماشي يا عم خمسة جنيه بقت جديدة. بس انت اصلا عليك مسلا مليار جنيه. انت ما عملتش حاجة برضو. ما هو انت يا اما هتشوف انه العمل ناقص يا اما هتشوف ايه؟ طب انا الحمد لله نجحت في دول. طب اخبار بيه الوالدين ايه؟ ما هو ما هو العمل. فاهم المشكلة فين؟ ما هو انت هتهرب منها ازاي ؟ طب غض البصر يا حبيبي. يعني انت صليت اهو قدرت ان انت تتمكن من نفسك تلات دقايق. ماشي اخبار آآ الموبايل ايه وانت ما هو ده العمل ما هو ده عمل وده عمل وربنا وربنا في الاخر في الاخر بيدخلك تديني حور عين الزايدة يعني ده ايه ده؟ ده قصور وحور عين اه قطوفها دانية ازاي؟ فهو ده اللي بيخليك تكفر بالعمل. يعني تكفر بالنفس. انا نفسي دي لا هعتمد عليها ولا عملي هيعتمد عليه ومش والله يعني طالما في رحمة انا كده زي الفل. هو كان شوية هو لو ما قدرش يعمل ده يعني لم يغفر له الذنب اللي هو كان اصلا توضأ وصلى عشانه ده؟ لا على المجاهدة. الرب على المجاهدة. يعني هو ما نجحش بس بدل الوسع وجاهد باذن الله ربنا يأجره على المجاهدة. مهمة جدا فالشوط التالت بقى فلا اقسم بما تبصرون وما لا تبصرون انه لقول رسول كريم. وما هو بقول شاعر قليلا ما تؤمنون. ولا بقول كاهن قليلا ما تذكرون انما ده ايه؟ تنزيل من رب العالمين. بعد كده ربنا ايات عجيبة جدا. ولو اللي هو النبي صلى الله عليه وسلم. علينا بعض الاقاويل لاخذنا منه باليمين ثم لقطعنا منه الوتين فما منكم من احد عنه حاجز. ايه ده ايه ده يا جماعة القوة دي! فيه قوة؟ اللي هو هو هو هو هو كده ولا كده يا رسول الله عشان مش هيعمل كده بس ربنا آآ بص يعني ايه بيوريك في اله وفي رسل عشان المرضى هنا في مولد النبي وكده يعني فايه يعني كل واحد وله قدره والرسول مبلغ بس. ربنا بيقول له فاية يا ايها الرسول بلغ ما انزل اليك من ربك. وان لم تفعل فما بلغت رسالته. لو خبيت حاجة بس تبقى ما بلغتش الرسالة كلها. وده قلنا ده اصلا الانبياء معصومين منه اصلا. وده باجماع العلماء وطبعا منطقي يعني. انما انما اشوف القوة شف الشدة وهو بيقول للي ايه؟ ودي من دلالات النبوة يعني مستحيل يبقى ده كتاب النبي صلى الله عليه وسلم الفه ويقول عن يعني تخيل واحد يقول عبس وتولى بيقول آآ ان انا عملت حاجة مش احسن حاجة وربنا عاتبني فيها. وبعد كده من شوية ولو انا جبت حاجة من عندي يعني بصوا هيحصل في ايه؟ طب ما انت كده يعني انت كده لا وربنا هنا برضه بقدره ما بقدر النبي صلى الله عليه وسلم ما بيمسش بس قصدي ده ده اكيد ده كلام من عند الله سبحانه وتعالى تنزيل من رب العالمين. بس شف الشدة ويا ريت بقى نتعلم بقى ده. نتعلم خطورة التقول على الله. عشان بس تبقى فاهم الاية بتحزرك من ايه؟ بتحزرك من ايه؟ التقول على الله. يعني بصوا يا جماعة اياه انك تتكلم في امور الدين. ماشي؟ الا بعلم. يعني الاصل اياك ان تتكلم في امور جديد والشرع الا بعلم. ماشي؟ لان بعض الاقاويل دي لو تقولت النبي صلى الله عليه وسلم قال من كذب علي متعمدا فليتبوأ مقعده من النار. وقال آآ من افتى بغير علم كان الاثم على من افتاه. خل بالك. على فكرة ينفع. فهو راح عملها. فانت اللي بتاخد زنوب. طب انت ليه عايز تعمل كده بقى يعني انت ليه تحب انك تروح يوم القيامة تلاقي معك ذنوب من اكبر الكبائر. انت اصلا يعني ده ما بيعانكش والله. يعني انت مش عائز ده. يعني انت مش عايز يقولوا ده شيخ كبير اصلا. يعني دي حاجات فيه ناس بتفتن بها. انت منهم! انت على الله اصلا ما ولا ولا فارق معك. يعني بتبقى معروفة ان انا لا ملتزم ولا شيك ولا حاجة فليه تحشر نفسك بقى في حاجة مش بتهلك ده دي يا جماعة من اكبر الكبائر وان تقولوا على الله ما لا تعلمون. اوعى اتكلم. طب ابوس ايديكم اوعى تتكلم. لا بقى انا رأيي وانا شايف وعلى فكرة في انت لو ما تعرفش ما تقولش. يعني اقول الصحابة كانوا بيعملوا كده اكيد مش احسن من الصحاب ولا اصلا تقارن بهم. الصحابة كان واحد ييجي يفتيه يقول له ده حرام ولا حلال؟ يقول له اهو صحابي او سيدنا ابن مسعود اهو هيروح لسيدنا مسعود فيقول له بص ابن عباس اهو ابن عباس هو ليه ليه لبس نفسه؟ يعني ليه؟ ليه يشيل ان ربنا يقول له انت ليه قلت ده ما انت انت ما كنتش اصلا دارس المسألة. انت ما تعرفش الشرع بيقول ايه؟ انت ما تعرفش اراء الفقهاء. انت ما تفهمش اصلا في قواعد الفقه. انت ما تفهمش في اصول الفقه انه الحديس ده بيقول كزا فاللفز ده مش معناه واجب معناه انه كزا وفي اصلا اية تانية بتقول بتأصل حاجة فيبقى ده وده اصلا منسوخ والنبي صلى الله عليه وسلم في حديس تاني قال وخلاص ينفع بدل ما بعد ما كان قال ما ينفعش. وده اصلا حديس ضعيف. انت انت ما تعرفش ان العلماء ضعفوه قالوا ده ما يتحطش في حسبة الادلة اللي نقول بها الحكم ده ولا لأ؟ انت مش عارف حاجة ليه واحد يحط نفسه في الموقف ده؟ يعني انت مستفيد ايه لما بتقول بتشبع شهوة عندك صح؟ نفسي عايز انا نفسي عايزة تتكلم عادي عايز عايز اعرفه مني عارف. عايز عايز ارد عايز افحمه. فاهم؟ عايز اقول له لا تعال. واقوم قايل له اية واية ايه؟ دا في كتب معمولة في المسألة نتكلم فيها دي ده مسألة اللحية دي لما حد جه يكلمني فيها عشان اتعلم اداني كتاب يعني ما قريتوش يعني كبير اوي قد كده ايه ده! قلت له ايه ده! انا عايز اعرف يا فار ده قال لي خد لأ اقرا ايه! انت بس آآ انت عايز انت عايز آآ حاجة في رغيف. فاهم؟ وبعدين تروح تتكلم بقى. بتتكلم ليه انت فاهم في المسألة اصلا! المسألة هي مسألة! انا ما بعرفش مسألة. انا فاكرها حاجة قد كده. فلو سمحت ما تتكلمش. لا على الفيسبوك ولا على القهوة اكيد ولا في البيت ولا في الجامعة ما بتتكلمش والله. انت بتتكلم في في الفيزيا والبلاك هول والفلك وكده. لا ليه؟ لان انت ابيض ماشي. احترم بياضك بقى ده احترم الجهل اللي انت عليه ده. لحد ما تتعلم عايز تتكلم وهتعلم. صح؟ طب ولو اعرف حاجة حاجة طولها زي ما هي. يعني معلش عشان بس نبقى فاهمين. يعني تفهم ان انا انها اقل. يعني ينفع امسح على الشراب؟ انت بقى اتعلمت ها؟ انت اتعلمت انه الشراب لو فوق العضمة دي ينفع تمسح عليه كده. ماشي؟ فجه واحد قال لك ينفع امسح او انت سمعت واحد بيقول ينفع امسح فتروح تقول له بص انا اتعلمت ان لو الشراب كده ينفع وتسكت برضه. يعني انت انت هنا ما اتعلمتش ان انت مش محيط بالمسألة. انت ما تعرفش الاراء التانية بتقول ايه عن طول ونوع الشراب واستايل المسحة. باكلمك بجد والله ده فيه خلاف في كل حاجة. انت تعرف حاجة؟ ما تعرفش حاجة. تعرف ايه؟ تقريبا تقريبا اعرف خمسة تقول الخمسة في المية وانت متحفظ كده. فاهم؟ وانت رايح لواحد تقول له ايه؟ بص انا ده اللي اعرفه. وما اعرفش غيره. ولو فيقول لك بس بيقولوا والله ما اعرف انا بس بقول اه وتسكت يعني انت ساكت فاتكلمت حتة يا رجالة فسكت. ممكن يا جماعة نبقى كده عشان بس ما يحصلكش مشكلة كبيرة في الاخرة. لو سمحت لحد ما تتعلم. هو ده ما يعيبكش. اللي يعيبك انك ما تحترمش العلم. وانك تستدرج وتتجاوز فتهلك بس. حتى لو اللي قدامك ايه يعني اصل هو سخني وانت مش فاهم بيقول ايه ما انا مش فاهم بيقول ايه. ما هو انت كمان مش فاهمه بيقول ايه؟ مش عارف الرد ايه؟ هترد مش بس كمان هترد رد وحش. هتتحاسب على العك ده. وعايزين نتفق على دي اخر مرة فربنا بيقول فما منكم من احد عنه حاجز. وبعد كده ختام السورة. ختان السورة ده لان هو سبحان الله عايز يقين عايز يقين يتبني اقرا اخر السورة دي. اليقين يكون بايه بقى قال الله وانه قرآن احنا بنتكلم عن القرآن. لتذكرة للمتقين. القرآن نازل عشان المتقين يتذكروا. وانا لنعلم اما منكم مكذبا وانه القرآن لحسر على الكافرين يجوا يوم القيامة يتحسروا بسبب اللي اتقال لهم فيه. وما رضوش يمشوا وراه وانه لحق ليقول. واللي بيتقال لك فيه ده والقرآن ده حق. سورة اسمها الحق بدأت بانه في حق اسمه يوم القيامة وختمت في حق وانه لحق اليقين فسبح باسم ربك العظيم. فاللي عايز يا جماعة يقين اليقين يبقى كده بالتعرض للقرآن اللي هو حق اليقين اللي هو اصل اليقين اللي بيبثوا وبيبني فيك اليقين. اللي عايز ده يروح للقرآن انت هتقرا القرآن هتلاقي بقى فيه قوة. هتلاقي بقى فيه عزة. هتلاقي بقى فيه ثقة. هتلاقي يبقى فيه يقين. وعايز يقين حاجة تانية فسبح التسبيح يا جماعة احنا مش قادرين نفهم يعني ايه يعني انت مش قادر تدرك المعاني اللي فبتحس ان وانت بتعمله انت مش حاسس انت ليه اصلا؟ انا ليه باسبح؟ يعني ليه ربنا كتير اوي سبح لله ما في السماوات والارض؟ سبح لله ما فسبح بحمد ربك فسبح باسم ربك العظيم. يعني التسبيح ده ليه؟ وسيدنا موسى بيقول له ايه قال يا رب اشرح لي صدري. ويسر لي امري. واحلل عقدة من لساني افقه قولي. واجعل لي وزيرا من اهلي. هارون اهلي. اشدد بها ازري. واشركه ليه كل ده كي نسبحك كثيرا. يعني انا محتاج ده يا رب عشان اعرف اسبح. التسبيح ده ايه بقى يا جماعة؟ احنا قلنا معناه بس انت لازم انت معناتها بتستخدمه امتى؟ التسبيح جاية مبدئيا من السباحة. خلاص؟ جاية من السبح. اللي هو ايه؟ اللي هو انك تبعد كده. عارف لما تسيب تعوم وتبعد كده انت بتنفي انت حتى بتقول معناه ايه في الاصطلاح؟ تنزيه الله عما لا يليق به. صح؟ فالتسبيح ده انت بتعمل ايه؟ انه مسلا انت ايماني ان الله هو القوي والله هو القدير والله هو الملك والله هو الاعلى ووالله يرى كل شيء والله يسمع كل شيء والله سيحاسب كل الخلق والله ما يسيبش واحد يظلم واحد ابدا. والله هو اللي بيرزق. والله هو اللي بيعطي. وربنا هو القاهر فوق العباد. وربنا شايفني وربنا سامعني. وربنا هو اللي بينعم علي. ده ايمانك فالتسبيح ده عشان تنفي اي حكاية ان الايمان ده محطوط في بابل كده والتسبيح هو اللي بينفي اي حاجة عنها تيجي شبهة لا طبعا ربنا ما يعملش دي. لا طبعا دي ما تنفعش في حق ربنا. انت التسبيح لما تقول سبحان الله انت قصدك كده. لما تلاقي ما تلاقي مسلا آآ صور مسلا نفترض لناس مسلا آآ آآ بيعزبوا اطفال في سوريا وانت فالتسبيح ده انت بتقول سبحان الله الله الله ما ما يزلمش الناس دي. الله مش هيسيب الناس دي. الله مش مش الله هيرفض بالناس دي. الله يرحم الناس دي. آآ انا انا اللي فكري خاص هو ده قيمة التسبيح. فهنا ان ربنا بيقول للنبي صلى الله عليه وسلم سبح. سبح. اقعد قل سبحان الله. اقعد قل سبحان الله. ان في عن ربنا اي خاطر يجي لك. اي يجيلك واثبت لربنا كل قدرة وكل امر وكل حاجة هو يستحقها. فاهمين يعني ايه تسبيح؟ ده فكرة ان لما تقول سبحان الله كانت تقول له يا رب انت عظيم الله! يا رب انت ما ينفعش اصلا تنسى حد. سبحان الله! يا رب انت ما حدش هيفلت منك. فاهمين يعني ايه تسبيح؟ تسبيح حاجة عظيمة جدا. انت بها بتؤكد كل معاني الايمان بتاعتك. فامتى بقى تسبح؟ هقول لك بقى. لما يحصل لك مسلا في الجامعة موقف مسلا ودكتور زلمك اسقطك هنا اتسبح. انك تقعد تقول يا رب سبحانك يا رب. انت مش هتسبني. فهمت يعني ايه تسبيح؟ سبحان الله وربنا مش هيرضى بالزلم. سبحان الله ربنا مش مش هيغفر سبحان الله ربنا هيتولاني. فهمت التسبيح؟ ده سلاح عزيم. انك تقعد تسبح ربنا. انك وانت بتقرا ايات كده المشركين والشرع وبعد كده يجي في بالك ازاي في ناس بيطلعوا شبهات على الشرع سبحان ربي الاعلى ربنا اعلى من كل دول علما وحكمة وما فيش حاجة اسمها المشارع وفي مشكلة لأ طبعا ده سبحان الله فاهمين التسبيح يا جماعة التسبيح ده حاجة رهيبة بترسخ به يا ايمان بتطرد بها اي حاجة ممكن تبقى الايمان ده عندك مشكلة في رزق او في حاجة متأخرة او جوازة او شغل بتسبح ربنا. سبحان الله! ربنا هو اللي بيرزق! سبحان الله! ربنا هيرزق! كده حاجة رهيبة جدا التسبيح ده. بس احنا عشان مش فاهمين كل ما معناه نقول سبحان الله اه ربنا انت انت مش فاهم انت محتاجها قد ايه وتستخدمها قد ايه. بمعنى مهم جدا جدا جدا اليقين بيجي بالتسبيح. فدي سورة الحقة سورة شديدة صورة قوية. معاني هتلاقي الاخذ والخاطئة والخاطئون والطاغية ولما طغى هتلاقي فيها فيها شدة وفيها قوة واسمها الحقة. وازاي ربنا اخف دول وخدوهم فغلوه ولا قبل صورة شديدة. صورة جد اوي. بس في الاخر طلعنا منها بشوية معاني جميلة جدا عن آآ اركان الايمان في الرسل اركان الايمان في العمل الصالح الموازنة الرهيبة ما بين انك تعمل وانك توكل لرحمة ربنا. وازاي بقى انك تتدبر بناء الايمان في في مشهد الاخرة ده في في السور وفي حملة العرش وفي العرش وفي وفي مشاهد الحساب دي. فبازن الله نكمل المرة اللي جاية. في سورة المعاش. سبحانك اللهم وبحمدك اشهد ان لا اله الا انت استغفرك واتوب اليك