لان الانسان ربما لا يظن الحاجة الى مثله يوما ما يقول كم من محتقر احتيج اليه ولقد احتجت في عمري الى ملاطفة اقوام ما خطر لي قط وقوع الحاجة الى التلطف به السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له. واشهد ان محمدا عبده ورسوله وبعد طيب الله اوقاتكم وسدد الله اسماعكم ومن علي وعليكم بعلم نافع وعمل صالح. واسأل الله سبحانه وتعالى ان يطيب زكرنا وذكركم ويستر اعمالنا واعمالكم واسأل الله سبحانه وتعالى ان يكتب لي ولكم التوفيق ويمن علي وعليكم لحسن الوفادة عليك هذا هو اللقاء الثاني في مشاهد القدر او مشاهد العبد فيما يقدره عليه الرب سبحانه وتعالى من ايذاء ومن كبد الحياة طبعا لا يخفى عليكم ان ما من انسان الا وبيمر ببلاءات وما من انسان الا وممكن يتعرض لازى من مخلوق. المخلوق ده ممكن يبقى اه قريب ممكن يكون جار ممكن يكون اه مدير ممكن يكون زوج ممكن ولد ممكن زوجة المهم كل واحد مننا في هذه الحياة عندو اه كبد خاص به ربما الناس يرون ابتسامات هذا العبد ولكن هذه الابتسامات تخفي النات لجروح خفية لا يعلمها الا رب البرية سبحانه وتعالى ابن القيم عمل حاجة جميلة قوي اه زي كده روشتة نفسية روحية تساعد العارفين والمقبلين السائرين في طريق الله سبحانه وتعالى انهم يصعدوا مدارك هذه المدارج هي مشاهد ترقي فقال لنا ان الانسان العبد له حداشر معنى يستحضره لما بيصيبه ازى من هزا الخلق عما يحصل لك ازى من الناس عافاك الله من كل سوء ويحصل لك جناية منهم ايه الحاجات اللي تخفف عنك عاوزين ادوية تكون هذه الادوية مسكنة للجراح فابن القيم قال لك طيب تعال اقول لك على مجموعة من المشاهد اللي انت ممكن تاخد بالك منها. اتكلمنا في المشهد الاول وهو مشهد القدر يعني مشهد القدر بيقول لك ان انك تشهد ايها المبتلى ان هذا الامر الذي وقع قد قدره الله بحكمته وعلمه وان ما جرى عليك كان بمشيئته وقضائه وقدره زي بالزبط ما انت بتشوف الدنيا حر والدنيا برد زي ما بتشوف المرض والالم بيقول فيراه كالتأذي بالحر والبرد والمرض وهبوب الريح وانقطاع الامطار. فان الكل اوجبته مشيئة الله فما شاء الله كم وان شاء الله هكلمكم عن القدر قريبا بازن الله وازاي ان الايمان بالقدر ده يكون سر السكينة ويكون بلسم الجراح ومهدئ الارواح هتحس ان آآ ان الايمان بالقدر ده هو يعني ركن الانتعاش بروحك هو آآ السبب المركزي آآ لهمتك وتوحيد همك توحيد همك هتلاقوه كده ان شاء الله بازن الله لما تستمتعوا به. الايمان بالقدر ده لزة لزة لكن اللي يفهمه صح ماشي يفهموا غلط لان في ناس عندهم اول ما تيجي تقولي القضاء والقدر وبتاع تحس ان فيه كأن تصور سلبي وبالتالي في آآ موقف سلبي. ليه لان التصرفات نابعة من التصورات هذا التصرف نابع من التصور اللي في العقل وعلماء السلوك بيقولوا ان السلوك مرآة الفكر فلما عشان كده مهم قوي ان المدخلات تكون صح عشان السلوكيات تكون صحيحة ومفرحة فبيقول ازا شهد هزا يعني العبد لو او اما يحصل له ازى ويشهد ان القدر ده يبدأ يحصل ارتقاء ان الله قدر عليه ان الله كتب اليه عشان كده قل لن يصيبنا الا ما كتب الله علينا. صح كده كتب الله علينا املنا اه هم دلوقتي في بلاء وفي حرب المؤمن العارف بربه المستمتع المتلزز بقدره لما بيرى الازى بيقول ايه وشايف الحرب دول لن يصيبنا مش هتحصلي حاجة الا ما كتب الله لنا فهو شايف ان كل دي لي انا مش علي انا واخدين بالكم يعني انت تقول ايه كده؟ تقول لابنك اما تيجي تعاقبه خلاص تيجي تقول له انا مسلا تستعمل الفاظ الاستعلاء ولا تستعمل الفاظ الملكية تقول له هجيب لك عصاية ولا هجيب لك هدية يبقى لك هدية فالحاجات الملكية فيها لي كتب لما كتب لنا المعنى ده مهم اوي عشان كده بيقول ان اللي يشهد المعنى ده يستريح. وعلم انه كائن لا محالة فما للجزع منه وجه وهو كالجزع من الحر والبرد والمرض والموت. ودي حاجة غريبة اوي وللاسف الشديد مواقع التواصل والحاجات دي للاسف واحنا مش واخدين بالها انها بتربي عندك المشكلة ديت. تلاقي مسلا مقطع مضحك وقاعد اومال يشتم في الحر والتاني قاعد عمال ايه عنده جزع وتسخط من البرد كل شوية يتكلم البرد والدنيا حر والتسخط ومش عارف ايه والكلام ده هو تساخطك ده هيغير حاجة اما تستحضر ان الله الذي قدر هذا والتسخط والكلام الكتير في الباب ده فايه سيتلاشى ويبدأ تاخد بالك تبدأ تبحس عن ما يقيك من هذا القدر يقيك من الحر التكييف تستظل بظل الشجرة بتاع كده آآ فلكن كسرة الجزع وكسرة التساقط تربي انت كده بتدرب نفسك عارف الجماعة بتوع الجيم فانت كل اما الدنك تتريق على الحر تتريق على البرد وتقول ياه على البرد الدنيا صعبة الدنيا برد الدنيا مش عارف ايه. الكلام الكتير ده كانك بتضر مدخل روحك الجيم وقعدت تخليها ايه جيم التساقط يلا خدي راحتك واخدين بالكم؟ فقعد يدربها على التسخط. يدربها على الاعتراض. يدربها على الحاجة ديت فتبقى روحه واخدة على الايه؟ الجزع. اللي هو منطقيا مش هيفرق معنا حاجة. ما هو انت بدنا انك تقول الدنيا حر الدنيا حر الدنيا حر. هتبرد يعني الدنيا هتمطر يعني ما فيش حاجة ما فيش حاجة هتتغير بكسرة ايه الكلام ده. فبيقول ان المشهد التاني بقى مشهد الصبر. يبقى اول ما فيه حد يقدر عليه ان ازاك اول حاجة تتعامل معها ايه؟ بالقدر انك في بعض الناس بيسمع الكلام اللي انا بقوله دلوقتي يقول لك يعني انت بتربينا ان احنا ما ناخدش حقوقنا ونبقى شخصيات ضعيفة انا مش بربيك بكده ولا عاوز منك كده. ماشي لكن كلامي لا تأخذه في هذا الاطار لا تأخذ كلامي في اطار ان احنا آآ نبقى شخصيات ضعيفة آآ ده المراد من الكلام ده لأ هو ده لوازم في انت بتفهمها انا ما قلتهاش وما بقولش بها خلاص لكن اللي احنا عاوزين نصححه ان في معاني معينة البعض بيشوفها ضعف والشرع يراها قوة. هو ده الفكرة وده خلونا واحنا ماشيين نستحضرها ان شاء الله فمشهد بيقول لك المشهد التاني مشهد الصبر مشهد الصبر اللي هو ايه؟ انك تحبس نفسك عن الانتقام لان هو خلاصة الصبر هو حبس النفس عن التسخط يعني واحد يقول لك اصبر ووالدي مات اصبر آآ مش عارف حصل لي فلوس اصبر الصبر ده اللي هو ايه؟ حبس النفس عن الانتقام حبس النفس ازاي بقى؟ عن الانتقام ان القلب عن الجزع يتسخط واشمعنى انا وليه قدر علي ده انا بصلي ده انا بتصدق ده انا ببر امي طب ليه ده اسمه تسخط اه او حتى في الاتصال دلوقتي. اه في مشاكل يعني تحس الناس وهي بتتفق في الزواج مسلا واحد رايح يشوف اخت يحسوا ان هم بيتفقوا على الطلاق مش على الجواز جميل اتنين اللسان تحبس اللسان. احنا قلنا تحبس النفس عن ما يكره الله سبحانه وتعالى اللي ان القلب تحبس قلبك عن الجزع ولسانك عن الشكوى لغير الله. كل شوية تشتكي. فيه فرق بانك تستشير وفيه فرق انك قاعد تشتكي. لان فيه ناس عندها ادمان شكوى لغير الله اه عنده ادمان شكوى للخلق والجروبات ساعدت في الكلام ده نسأل الله العفو والعافية. الجروبات خاصة معاشر النساء آآ علت اوي سقف الشكوى لغير الله وادمان الشكوى واخدين بالكم في ناس عندها مرض مرض يعني هو مرض عنده اضطراب ان هو يعني عارفين الشجرة بتنمو مع الماء خلاص هو بينمو مع الكلام ده بالطريقة ديت انت والله بتستشير استشير ما فيش مشكلة ارفع السماعة وقالوا لك ان ده سقة وان ده فاهم وممكن يساعدك بستشيره لكن انا عاوز افهم يعني انت كاتب دلوقتي او حضرتك كاتبة في جروب في الف تلتمية وستين اخت خلاص يا جماعة آآ لو فيه اخت زوجها مش عارف بيعمل ايه والكلام ده كله وبيهدلها وبتاع والكلام ده كله فيبدأ بقى امة محمد تجاوب بقى. مين اللي بيجاوب بقى؟ عادي كله. شجك وفلك وجاب عن كل هلاك المنخنقة والموقوزة والمتردية والنطيحة. كل وبيجاوب خلاص؟ فنسأل الله العفو والعافية. طبعا في ناس بتبقى فاهمة بس برضو في ناس عكس الايه؟ التيار خالص في ناس يعني يحجر عليها عشان السفه اللي هي بتتكلم به ده. وديت اللي ممكن تبقى اسمها ايه؟ المستشارة اه للجروب دوت فالشكوى فحبس القلب عن الجزع حبس اللسان عن الشكوى حبس الجوارح عن التسخط بالفعال. زي ايه؟ زي آآ اللطم اللطوم آآ شق الجيوب يخبط راسه في الحيطة. عارفين كده واحد يقول له ايه؟ آآ هو في المستشفى ما تيجي تقول له قدر الله وما شاء فعل وانا لله وانا راجعون الوالدة توفيت يروح خابط راسه في الحيطة هذا ليس من الصبر. ده من دليل انه لم يحبس نفسه عن ما يكره الله الاخوات اللي تروح لطماني تلطم في البيت وتلطم في الحاجات دي دي برضو مشكلة كبيرة جدا. انت بتعلمي ولادك ايه؟ وانت فايتك المشهد ده. مشهد الصبر فبيقول فيشهده ويشهد وجوبه ان الصبر واجب واصبر وانا صبرك الا بالله ويشهد حسن العاقبة واصبر ان العاقبة للمتقين. وجزاء اهله وما يترتب عليه من الغبطة والسرور. اه والله ان الصبر فيه غبطة وسرور؟ اه ليه يا جماعة؟ لان مرارة الالم يزيل مرارة الالم حلاوة الصبر حلاوة الصبر اللي يزيلها اللي يزيل اللي يزيل مرارة الالم هو الحلاوة واخدين بالكم الباب ده ضروري ان احنا ناخد جدا بالنا منه. لان فيه ناس كتير بيقعوا باشكالات سببها المركزي هو للاسف الشديد هذا الاطار فان هو مش قادر يصبر وعاوز مشغول بالانتقام. انا هنتقم انا هعمل مش عارف ايه؟ يا عمي ليه الكلام ده طب نتجوز يليه كلمة جميلة قوي يقول مما افادتني تجارب الزمان انه لا ينبغي لاحد ان يضاهر بالعداوة احدا انك تزهر العداوة لحد نقول لا ينبغي لاحد ان طبعا هو بيقول لك ايه خد تجربة الزمن بقى خد الخلاصة خلاصة السنوات والعلم الشرعي والاحتكاك بالبشر ابن الجوزي ده كان بيقعد في المجلس فيه خمسميت واحد قاعد. منهم يهود ونصارى ومسلمين وكله قاعد. فالراجل عنده تجربة عالية قوي بقول مما افادتني تجارب الزمان انه لا ينبغي لاحد ان يظاهر بالعداوة احدا ما استطاع يقول فانه ربما يحتاج اليه مهما كانت منزلته واعلم ان المظاهرة بالعداوة قد تجلب اذى من حيث لا تعلم لان المظاهرة بالعداوة كشاهر السيف ينتزر مضربا. اه يا جماعة الراجل ده الناس دي رايقة اوي. وبيستعملوا دايما المداد بتاعهم فيما ينفعهم في قبورهم. شوفوا الالم بتاعه المداد بتاعه النهاردة بيستعملوا في حاجة بنقرأها دلوقتي ودلوقتي احنا بنستفيد منها. بيقول لك اللي شاهر السيف ده اللي هو مزهر العداوة بيقول لك ايه؟ كشاهر السيف ينتظر واحد يضربه وبعدين يقول لك واذا ابغضت شخصا لانه يسوء فلا تظهرن ذلك فانك تنبهه على اخذ الحذر منك وتدعوه للمبارزة ما هو ده هنيجي دلوقتي ان شاء الله له يعني. لدرجة ان هو قال يعني عن نفسه ان هو اه سبحان الله ان هو احتاج لاقوام ما كان يخطر ابدا عليه ان هو هيحتاجهم وتألم يعني وهب يعني ايه بيحكيها بتألم شديد جدا يقول لك ان الموضوع ده انت ما يخطرش على بالك دول عمري ما كان في دماغي ان انا ايه هحتاج البني ادمين دول. بس سبحان الله فمشهد الصبر ده بيخلي عندك غبطة وسرور حط غطة وسرور من ايه؟ يا جماعة فعلا اللي بيرزقوا الصبر دول اللي عندهم صبر بيحسوا بمتعة لكن اللي بيحاول يهرب ومش قادر يصبر ويتسخط بجوارحه بقى زي ما قلنا لطم ولا ولا حتى يفعل معاصي والا يفعل المعاصي. خلاص انا عاوز انسى. انا عاوز انسى. انا عاوز مش عارف ايه هل ده يعتبر نفاق؟ لا ليس بالنفاق. ركزوا بس معنا وهتعرفوا ده اسمه ايه آآ بصوا يا جماعة هي مشكلتنا انتم عارفين اللي بقى له مسلا يعني تخيلوا ام سلمة بعثها الله من قبرها وخرجت هي وفاطمة بنت محمد صلى الله عليه وسلم ونزرت الى نساء المسلمين هيشوفوا ايه هيحسوا ان في حد شبههم فكريا شبههم روحيا شبههم ليليا نهاريا ليلهم شبه ليلهم نهارهم سيبوكم من الوسائل الحديسة والطيارات والموبايلات ما تتكلمش كده. انا بتكلم طريقة التفكير الهم هيلاقوا همومهم زي همهم همتهم زي همتهم اهدافهم زي اهدافهم هيحسوا ان دول الورسة بتوعتهم هل دول احفادهم ولا هيحسوا ان في حاجة غريبة هيحسوا ان في حاجة غريبة صح رغم ان هو ممكن يفاجئ ام سلمة ان هي بتقابل مين؟ بتقابل ام سلمة برضه وان فاطمة لقت بنت اسمها فاطمة. ومامتها قدر ان اسمها خديجة بس هي حاسة لا انت فاطمة شبهي ولا والدتك اهدافها اهداف والدتي واخدين بالكم؟ اه نفس المعنى ده الغربة دي هو احنا عندنا غربة في المشاهد اللي العلماء بيتكلموا بها. فعشان كده احنا مش قادرين نتفهم يعني مش قادرين نستوعب يعني زي ما كنت بتكلم هو يجي معنا اهو بيقول مشهد العفو والصفح انتم متخيلين يا جماعة ان النبي صلى الله عليه وسلم يدخل مكة ويجي في الوقت ده صلى الله عليه وسلم ينكس رأسه واضع رأسه ومطأطئ رأسه ولا يدخل شامخا واليوم يوم المرحمة اذهبوا انتم الطلقاء. ده دول اللي طردوهم ودول اللي عملوا وحاربوهم في بدر وحاربوهم في احد. وحاصرهم في الاحزاب. ايه ده! هل ده وخلي بالك ده نبي القوي خلاص ده نبي الله سبحانه وتعالى. فده نبي اه رسول القوي المتين والنبي كعلي رضي الله عنه بيقول يعني كان اذا حمي الوطيس لو المعركة اشتدت كنا ايه؟ نحتمي برسول الله. فده شخص قوي. بس هي القوة بتبان برضو في قوة المواقف. هو انت فاكر ان القوي ده ان هو قوي ضرب وخلاص وشخصية وخلاص لأ. احد معاني القوة انك تسيطر على شيء في النفس النفس بتدفعك في دفع هو ليه اللي بيبقى قدامه كل ليه ليه يوسف شفناه قوي عليه السلام قدام الشهوة لان داس على نفسه نفسه بتدفعه كفطرة بشرية وكخلقية لكن بانت قوته باستعانته بربه لما سيطر عليها فانت شهوة الانتقام عالية جدا يبان القوة فين عما تلجمها وخلي بالك تلجمها مش عشان انت ضعيف اصلا انت دايما ضعيف الشخص وما بتقولش عمرك حقك ولا عمرك بتتكلم ولا الكلام ده كله لأ انا بالجمها وانا المتحدس اللي ايه الرسمي باسم الايه اهل الهيبة يعني ممكن ادخل افاوض الف واحد وهتكلم على حقوق الناس. لكن انا لما جيت على نفسي استطعت ان انا الجمها فالناس يقولوا ما شاء الله محمد ده محمد ترك الكلام عن نفسه لجمع الجمهة. هي ديت ما عندها. انت لازم تشوف ان القوة ديت مش مجرد ايه؟ يا جماعة القوة دي ما بتجيش من الجيم. القوة دي مش هتيجي من الايه؟ انك قاعد ما قلتش الحديد والا عبدالله بن مسعود ما كانش قوي. لا يا جماعة القوة قوة القلب. قبل ان تتحدثني على قوة الظاهر. قوة النفس. عشان كده موسى عليه السلام قال لا لكل نفس واخي هم دول اللي اقدر اسيطر عليهم الباقي كله ايه خلاص كله كله ترك واخدين بالكم النبي صلى الله عليه وسلم المشهد التالت بقى بيقول مشهد العفو والصفح والحلم. فمن عفا واصلح فاجره على الله. هو ربنا ربنا امر بالعدل وندب الى ايه الى العفو. يعني انت لك انت حقك كزا انت حقك كزا والعفو درجة اعلى من الحق الاحسان درجة اعلى ولزلك هتلاقي في القرآن الله سبحانه وتعالى يزكر الحقوق سم بعدما يزكر الحقوق يحفز على الايه على الاحسان والعفو الباب ده مهم جدا استيعابه لان الاخت اللي ما تستوعبوش او الاخ اللي ما يستوعبوش حياته تزل فيها اشكالات. يعني دايما ليه ليه في موضوع الانفصال واخدين بالكم؟ لو استحضرتم كده في واحد رايح يشوف رؤية شرعية وعجبته الاخت. فخلاص بقى هيقعد مع والدها ولا ولي امرها ويتكلموا ماشي؟ تحسي ان دي اتفاقة ناس بتنفصل مش ناس بتتصل الغربة الغربة قالت لك كده هتجيب لها ايه؟ دهب لا لا لا ده حصل كزا وبتاع والكلام ده كله لأ وتجيب ومش عارف ايه وتكتب في الورقة وتعمل مش عارف ايه والقايمة وتعمل هكزا ومش عارف ايه وهتجيب الطقم كزا وهو يقول لا هتجيب السجادة عليك والتاني يقول له لأ عليك انت. طب والخشب على مين طب وبتاع والمطبخ لأ تجيب لي المطبخ كم متر لأ ما تضحكوش احنا هنجيب المطبخ من اتحس ان انت يعني انت لو واحد بتتفرج من البلكونة على القعدة دي الناس دي الناس دي بيتفقوا ويتخانقوا عمال هم بيتفقوا اما يتخانقوا الخناقة هتتفض ازاي يعني دي مش ناس داخلة تتفق كيف نجتمع لأ هم بيتفقوا عليها لما نتخانق ونتفصل كل واحد هيبقى معه ايه فالعقلية دي احد اسباب احد اسباب الانفصال يعني انت تقصد ان احنا نتجوزها بدون اي حاجة انا ما اقصدش اي حاجة تفهمها من مقالاتي اه امسك الفكرة ولا ايه تفركها. افهم الفكرة الاول وفهمتها هتلاقي نفسك لوحدك بتطبق حاجة صح فتلاقي في ناس اه ممكن يعني ممكن في افراح بتنتهي على ايه؟ اختلفوا القاعة هيبقى عاملة ازاي وده من ضمن اساليب الشيطان ان يصعب الحلال وييسر الحرام بشات تتواصل معها وتتواصل معك اتصالات ليلية ومقابلات نهارية والدنيا جميلة وببلاش ببلاش تيجي تخش في الحلال لأ خلاص يصعب جدا. يبقى هو اصلا سايب بنته ماشية غلط وقاعدة اومال ترتكب المخالفة وييجي زوج ييجي واحد خلاص؟ يبدأ ايه؟ تلاقي اتفاقات غريبة جدا يا حاج انت اصلا سايبها ماشية غلط. وحضرتك مش قادر عليها في الغلط فتيجي تعمل ايه؟ اما جه الحلال خلاص يا سيدي اعتبر ان هي ايه عاوزة تزبط واخدين بالكم فالباب ده ضروري جدا جدا ان احنا ننتبه منه. طيب خلاص يبقى انا هجوزه ببلاش. لأه لا ببلاش ولا غيره ببلاش. جوزوه راجل تكونوا انتم عارفينه ان هو راجل وعنده الديانة ان الدين سيف على رقبتها. لو لقيتوا الشخص ده اعمل اللي انت عاوزه بقى معه ليه لان لو لم يرده دينه ردته رجولته لكن هي للاسف الشديد جدا ناس كتير جدا بيتنازل بسبب ايه؟ هو داخل علي بسمته عما ايه؟ وافقت وافاجئ بقى ان انا ايه طلع في الاخر خالص ان دي كانت لحية ابي لهب وهو مستلفها فناخد بالنا الموضوع انا لا اتكلم دلوقتي خلونا ايه في امه وعياله نشرح الحاجات دي بهدوء لكن الوحي البيوت يا جماعة تبنى على الاحسان لا تبنى على الحقوق تبنى على الاحسان الا تبنى على الحقوق شوفوا ربنا سبحانه وتعالى يقول وان طلقتموهن من قبل ان تمسوهن وقد فرضتم لهن فريضة فنصف ما فرضتم. ادي الحق. خلاص الحق كده. طيب الا ان يعفو او يعفو العفو الذي بيده عقدت النكاح شوفوا العمق ربنا سبحانه وتعالى قال لك انت لك كزا وخلاص الا ان فيرغبك في العفو وان تعفو اقرب للتقوى فيحط لك ان التقوى ديت كانه شخص كده قدامك خلاص؟ ومين فيكم اللي يلحق جه يجري؟ يعني بيقول لك ايه ولو لو الاصل ناخد النص. الاصل العدل هياخد النص تاخد النص الا لو هي تعفو او انت تعفو خلاص؟ ويا سلام بقى خلي بالكم وان العفو ده اقرب للتقوى. شايف التقوى دي؟ اه اللي بيعفو مش اي حد اللي قريب منها. فتحس ان الاية بتقول لك ايه؟ الحق خد التقوى مش الحق ايه تنازل عن حقك شفتم جمال الوحي بياخدك بيبعدك عن الخناقة يبقى انت قاعد عمال تفاوض لأ ليها نص الراتب ومش نص الراتب تلاقي واحد داخل كده بيقولك ايه بقولك ايه الحق خد التقوى بتقول له فين؟ يقول لك هناك اهي فتجري فانت سهيت الخناقة انت حقيقة لم تعفو. قصدي لم تترك حقك. ولكن انت اخزت التقوى فانت رحت خدت التقوى وان تعفو اقرب للتقوى. ايه اللي يساعدني كده ولا تنسوا الفضل بينكم اصله هو وبتاع ان الله اه بما تعملون بصير. لأ الموضوع ده صعب اوي. مش اي حد هيجيبه. عشان كده قال لك حافظوا حافظوا على الصلوات والصلاة الوسطى وقوموا لله قانتين دي مش هتعرف تجيبها دي عاوزة اتصال سماوي عشان تتجاوز الحجب الارضية اللي مش مخلياك تشوف الا وقع البشر ما انت مش هتعرف تعمل مشهد السلامة الا اما تعدي على مشهد القدر والرضا خلي بالك اصل هي دي حاجات بتسلم بعض. دي بيسلم ده وده بيسلم ده نؤدي واخدين بالكم؟ طبعا ده الاصل يا جماعة ده ده الاصل ده الاصل اللي احنا نتربى عليه. في شخصيات معينة يعني انا بدخل في جلسات زات بي آآ لا الزم الاخت واقول لها حتى لو انت هتعفو عنه. احنا هنلزمه ان هو يدفع اللي هو الحاجات اللي عليه دي. ليه لان احنا عاوزين نربيه على معاني معينة. فلما ياخد ناخد الحاجات دي اقول لها انت مش انت عفوتي او الحاجات دي مش بتاعتك بقى امال هنوديها فين؟ اختاري انت جهة خيرية تتحط فيها. فتقول انا خلاص تروح دار السرطان. تروح آآ ايتام. تروح كزا. نقول له خد الفلوس دي مش انت اللي دفعتها؟ اه. رح وصلها لنا كزا وهات لنا الوصل ايه اللي يحصل ربنا واخذنا منها العفو هيبقى الاتنين كسبوا والاتنين استفادوا فده مهم قوي فنرجع نقول مشهد العفو والصفح والحلم فانه متى شهد ذلك وفضله اول ما يشوف الحاجات دي وحلاوته وعزته. والله يا جماعة الانسان العافي ده انسان عزيز انسان عزيز شف ربنا بيقول لك ايه فمن عفا واصلح فاجره على على الله. يعني فيه كريم حليم غني بيرغبك بيقول لك اجرك علي انا استشعر كده انك في خناقة بينك وبين اختك على آآ خلاف على سبعتاشر الف جنيه فاتصل بك راجل من الاسرياء ومعروف ان هو من اهل الاستقامة وله مدينة قد المدينة اللي انت قاعد فيها وراح متصل على حضرتك وراح قال لك ايه اه بص هو انت حقك سبعتاشر الف بتاعة اختك لكن لو تنازلت لك لو تنازلت عن السبعتاشر دول؟ اه اجرك علي انا اجرك عندي انا انا اللي هدهولك وانت عارف اصلا ان الراجل ده ما فيش حد اصدق منه في الخلق اللي انت قابلتهم في حياتك وما فيش حد اغنى منه وما فيش حد اكثر استقامة منه هتتعامل معه ازاي؟ يقول لك سبها لها واجرك انا اللي هاديه لك يقول لك انا مش بامرك انا برغبك ولله المسل الاعلى فانت بقى مصمم تاخد العملة البسيطة السبعتاشر الف. انا مش هسامحك ليوم الدين. جميل يروح يوم الدين عشان ياخد ايه؟ ياخد بالعدل. انت كان لك ايه؟ جنيه. تلتاشر الف. تاخدهم بالعدل مقابلهم بالعدل لما تشوف الانسان العافي ربنا اعطى له ايه؟ تندم عشان كده اللي بيتشفى بالانتقام انسان ضعيف وهو لو كان قوي كان شهد بقلبه هذه الحلاوة عشان كده ابن القيم بيقول لك ايه؟ بصوا يا جماعة ابن القيم بيتكلم في منازل شيخه وعلمها له ابن تيمية لما في يوم من الايام اكسر واحد عدو من اعداء ابن تيمية مات. فابن القيم بيقول انا دخلت عشاني عشان افرح شيخي ابن القيم انسان يعني بيقول لك مارست تو ايه؟ مارست فطرتي انسانيتي فبيقول رحت ابشر الشيخ اقول له ده فلان العدو اللدود ده مات فاسترجع هو كان من العلماء بس كان ظالم جدا لشيخ الاسلام فاسترجع وقال انا لله وانا اليه راجعون فقال آآ شيخ ابن القيم يعني كأنه استغرب يعني شيخه بيقول له كيف يعني تظن ان عيسى اشمت في رجل كان مشكلته شخصية معي اه هي مش كانت شخصيته مع الدين يا جماعة. شخصيته معي انا وانا لا انتقم لنفسي. يعني اقول لك على حاجة حضرتك اه رايحة شوفتي بنت كده واقفة في الشارع وعمال تقول الفاظ مش كويسة هي وزميلتها. فانت دخلت لله تدعوها سلام عليكم. وعليكم السلام. انا فلانة وساكنة جنبكم هنا وبتاع. انا سمعتك قلت كزا كزا يعني اللفظ ده والمؤمن ليس بالفاحش ولا المتفاحش ولا البذيء. ونصحتيها برقي عليوي فقالت لك ايه ؟ خليكي في نفسك وما لكيش دعوة بي وراحت مدياكي ايه يعني ايه كتفها كده وادتك ضهرها الان قلقان الاخت دي رفضت الموقف اللي انت وقفتي له لله صح صح كده؟ اه فانت الان لو انتقمتي هتنتقمي لله ولا لنفسك اللي انت تصدقي انت انسانة قليلة الادب وما اتربيتيش والكلام اللي ممكن تسمعوه ده. لو انا لو هي قالت كده لو الاخت قالت كده تبقى لله وللنفس قطعا للنفس. ليه؟ لانك لله انت خالتي قلتي واحد اتنين تلاتة اربعة واحد اتنين تلاتة اربعة دي كانت بتاعة الله. طالما توقفت لله اه. انت ما لك ايه؟ الجملة دي نالت لك منين؟ بسبب موقفك لله. فانا انتقم لنفسي ما وقفت وقفت لله عشان كده جزاؤه سيئة سيئة بمسلها مسلها ديت امتى؟ اما تبقى ايه؟ واحد ازاك لنفسه بس يعني واحد واخد منك حق وبتاع ازاك في حاجة؟ اه سيئة بسيئة. لكن مع الله لأ ده موضوع تاني خالص مشاهد مختلفة واخدين بالكم فهو وده هيجي معنا في مشهد الرضا فان فاته فانه متى شهد ذلك وفضله حلاوته وعزته لم يعدل عنه الا لعشي في بصيرته نسأل الله العفو والعافية الا لعشا في بصيرته في عمى. لانه ما زاد الله عبدا بعفو الا عزة كما صح ذلك عن النبي سبحان الله. شوفوا هو النبي صلى الله عليه وسلم بيقول لك ايه تعفو عن من زلمك وتصل من قطعك. الله اكبر اصل من قطعني ايه ده! اعفو عن من ظلمني اصلا من قطعني واعطي من حرمني ويعطي من حرمه دي منازل يا جماعة منازل الترقي منازل الترقي ده سلم صعود الروح الى المنازل العالية انت عاوز تعمله اتدرب عليه المشهد اللي بعد كده ابن القيم بيقوله لنا وهو مشهد الرضا. مشهد الرضا. بيقول ده بقى مشهد فوق مشهد العفو مشهد الرضا ده بيخليك تغيب عن التركيز في افعال المخلوق. معك انك ترضى عن الله وبالله سبحان الله بيقول ايه بقى؟ ده موقف او ده مشهد فوق مشهد العفو والصفح وده لا يكون الا من النفوس المطمئنة سيما اذا كان ما اصيب به سببه القيام لله. فاذا كان ما اصيب به في الله وفي مرضاته رضيت. اي نفسه بما نالها في الله وهذا شأن كل محب صادق. الله على الجمال! الله على الجمال قل ايه فان هذا شأن كل محب صادق. يرضى بما يناله في رضا محبوبه من المكاره يعني انت مسلا رايح تتغدى عند حد واحد زميلك او واحدة زميلتك عزمتك انت وايه واولادك فانت رايحة عشان توصلي البيت بتاعها فايه اللي يحصل؟ رحت لها بالعافية وتعبت فتقول لها ياه ده انا عشان اوصل لك ما تعرفيش انا تعبت قد ايه. او واحدة زميلتك في الجامعة وبقى لك عشر سنين مش عارفة توصلي لها ومش قابلتوا بعض. فتعبت جدا عشان تجيبي رقمها فهي بتشوفك ازاي؟ قد ايه انك ضحيتي في سبيل محبوبك فازا كانت الانسان العبد الضعيف لما بيكون شايف حد ضحى من اجله بيكرمه انت ضحيت لي انا؟ اه ولله المسل الاعلى انك تبقى عندك رضا بما يناله بما يناله في رضا محبوبك من المكاره انا راضي باللي حصل. ايه يعني هو ايه المشكلة يعني؟ بقول له لو سمحت الاغاني ولا تجوز ومش عارف ايه؟ قال لي لا خلاص هو كده وحضرتك عاجبك عاجبك مش عاجبك تنزل والموضوع وصل لدرجة ان انا هنزل انا بقى مش هقول اصل انا غلطت ان انا كلمته والله لو انت كلمته بالحسنى وفعلت ما عليك لا داعي انك ترجع تاني لنفسك بالايه؟ بالسخط وانك تيجي تيجي في الاخر خالص تقول لا انا راضي بما قدره الله ومن مكاره في اجره واخدين بالكم؟ من اجلك جعلت خدي ارضا للشامت والحسود حتى ترضى ده شعارهم ده شعار كل محب بيقول لك جعان لاجلك جعلت خدي ارضا للشامت والحسود حتى ترضى فاه المعنى ده لو الانسان خد باله هيلاقي نفسه لأ الحب بيخليك آآ هيخليك في حتة تانية خالص. لو قيل لي طائف النار. يعني حط رجلك في النار. طقي النار اعلم انه رضا لك او مدني لنا من وصالك لقدمت رجلي نحوها فوطأتها سرورا لاني قد خطرت ببالك بيقول له ده انت لو قلت لي بس حط رجلك في النار. ياه! هو انا جيت على بالك دنا اول بقى ما الكلام ده جه لقدمت رجلي نحوها فوطأتها سرورا لاني قد خطرت ببالك ان انا جيت على بال حضرتك انك تقول لي كده بشوف الناس اما بيحبوا بعض بيقولوا الانا ايه بيقولوا الاشعار دي بيقولوا ايه الاشعار دي فسبحان الله عشان كده كل واحد محب هتلاقوه آآ عم ييجي حتى في الانشاد يعني هتلاقوه ان هو لازم ان يخرج ابيات كده زي ما الراجل ده قال كده تنم على ان هو عنده استعداد جدا انه يضحي صح؟ حتى تلاقيهم في المحبوبين لانها واحد بيتجوز وبتاع وحصلت مشاكل وغيره يقول لها طب عشان هي ترضى وتعرف ان انا بحبها خلاص هشتري لها مش عارف فين وهجيب لها ايه؟ وبتاع ايه؟ عنده استعداد يضحي طيب نسأل الله السلامة. المشهد اللي بعد كده وهو مشهد الاحسان مشهد الاحسان. ايه مشهد الاحسان ده ابن القيم قعد يرتقي معك بقى قال لك انا مش هخليك ترضى بس وادانا اشوفه التضحيات بتاعة الرضا ديت تلاقي فيه ناس كتير مش عاوزة تلبس لبس امهات المؤمنين. ليه؟ يا عم السكة دي صعبة هو انا هضيع نفسي ما عنديش استعداد ان انا اتأزي ولا ان في حد يقول لي بقى كلمة ولا حد يتريق علي فهو بيقول لك لا ده احنا مش كمان هنرضى. لا ده احنا هنحسن. يعني مش هنصبر بس وهنرضى بس ونعفو قال اصل العفو ده انك بتعفو تقول خلاص انا سامحت محمد وراضي بقضاء الله لأ مش هنسيبك هنا بس ده فيه منزلة ابن القيم بيقول لك هو انا هسيبك طول ما انت معايا احنا لسه في المشهد الخامس احنا رايحين للحداشر. اه مش انت قلت انا عاوز اطلع فوق واخرج برة الجازبية. انا هخرجك برة الجازبية. لو انت عاوز بس اطلع معي عاوز يتدنك تحت في الفردوس الارضي خليك فبيقول له بقى المشهد الاحسان وده المشهد اللي كنا وقفنا فيه مش عارف ايه اللي خلانا نراجع ده كله. المهم يعني. فبيقول هو ارفع مما قبله وهو ان يقابل اساءة المسيء اليه بالاحسان فيحسن اليه كلما اساء اليه. هو يهون عليه. ايه اللي بيهون بقى الله على الجمال يقول لك يهون عليه بقى ايه يهون هذا عليه علمه بانه قد ربح عليه. ان هو كسب سبحان الله كسب انه التاني اهدى اليه حسناته ومحاها من صحيفته واثبتها في صحيفة من اساء اليه فعاوز يشكره فينبغي لك ان تشكره. فبيقول لك مهما احسنت انت له مش هتقدر تشكره لان الراجل اداك ايه في ايدك آآ اداك حسنات بصوا يا جماعة في واحد راح سأل النبي صلى الله عليه وسلم قال له انا لي قرابة اصلهم ويقطعونني كل شوية بحاول اقرب منهم يتكلموا علي مش بيعجبهم العجب فقال لهم ان كنت ان كنت ان كنت فعلا الامر كما تقول ان كان الامر كما تقول فكانما تسفهم المل. يعني كانك بتجيب تراب محمي بتحطهم في بقهم يعني ايه برضو يا رسول الله يعني ايه بيقول له ما تشغلش بالك انك لو عاوز تعاقبهم مش هتعاقبهم باكتر من اللي انت بتعمله عشان كده في قاعدة مهمة جدا بنستخرجها من الحديس ده القاعدة دي منجم دهب للي يفهمها لن تعاقب احد عصاك في عصى الله فيك لن تعاقب احدا عسى الله فيك باشد من ان تتقي الله فيه لو عاوز تعاقب واحد بقى وتدي له اللي فيه النصيب هو عصى الله فيك لن تعاقبه باشد ان تتقي الله فيه روحه من جوة خلاص سبحان الله! تتمزق ليه؟ لانه كلما احسنت لمن يفعل معك هذا انا احسنت ليه لان انا اتقي الله فيك. انا امي بتعمل وبتعمل. انا دوري هي هي مقصرة في حقها معي طب انا هعمل حق الله حقي انا حقها والواجب علي انا هعمله خلاص لو هاقدر اعمله هاعمله فهاجي اعملهم بس ايه ايه اللي دافعني ايه اللي مخليني ادفع؟ ان هو كل يوم بيشعر بالدنو حتى ولو لم يعترف دايما حاسس ان هو عنده دناءة ان هو انسان ناقصه كتير انسان فيه حاجات كتير جدا فاقدها ليه انا ممكن ما اشوفش الكلام ده في وشه. بس النبي صلى الله عليه وسلم اخبرنا قال له انت زي ما تكون بتسفهم المل. قاعد تديهم تراب محمي في بقهم حتى لو ما اعترفش حتى لو ما تعرفش خالص خالص. ليه لانك انت سبحان الله لن تعاقب احد عصى الله فيك باشد ان تتقي الله فيه المشهد اللي بعد كده وهو مشهد السلامة يا سلام على الجمال بقى. مشهد السلامة ده يا جماعة خلاصته هو بيقول مشهد شريف جدا المشهد ده ان قلبك ما ينشغلش لا يشتغل قلبه وسره بما ناله من الازى. ضربوني وعملوا لي ومش عارف ايه. وقاعد القلب مشغول بطلب الوصول الى درك الثأر والله لانتقم منهم. والله بس انا هنتقم ازاي؟ طب هنعمل كزا. طب انا هزرع شوك؟ طب انا مش عارف اعمل كزا. طب اكلم مين عليهم؟ فالانشغال ده قاعد يملى القلب ضيق وهم وغم ليل نهار مشغول بالخناقة مع اخته. ليل نهار مشغول بالخناقة مع مين؟ مع قرايبه. من الخناقة بتاعة عمامه بيصحى وينام في القصة دي عشان كده الصحابي قال ايه؟ ابيت وليس في صدري غل ولا حقد على احد. انا يا جماعة الدنيا سالكة. ما عنديش وقت ايه ده الجمال ده قلب سليم مش قلب معطوب قلب معطوب انا بقى قاعد اومال افرك طول اليوم ومش عارف ايه وايه اللي حصل لي وبتاع والكلام ده كله انت انت مشغول عشان بس ما فيش حاجة وبعدين يقول لي انا مشغول لأ انت مش مشغول انت مشغول بجسدك مهموم بقلبك رحماء فيما بيننا جزاكم الله خيرا ومتعنا الله واياكم للدارين ومن عليها عليكم بحسن عمل وحسن خلق وحسن ختام فبيقول ان مشهد السلامة ده بيخلي ان القلب آآ يرى ان سلامته وبرده وخلوه منه انفع منه والز واطيب واعون على مصالحه. يقول فان القلب اذا اشتغل بشيء فاته ما هو اهم عنده وخير له منه فيكون بذلك مغبونا والرشيد لا يرضى بذلك. الانسان العقل رشيد ما يعملش الغلطة دي ما عندوش استعداد يضيع وقته في القصص اللي والتفاهات دي سبحان الله قلبه سليم مش قاعد يفكر في طريقة الانتقام. ازاي هنتقم ويبرر لنفسه الانتقام. ومش عارف ايه اصل هي عملت. ولزلك تلاقي الى الان اتطلقوا بقى لهم تلات سنين وليل نهار هي مشغولة ازاي تعمل تكسب المعركة الجاية وهو مشغول بس خلاص مي خلاص داخلة جامعة بس انا بقى هعمل لها انا محضر لها مفاجآت وهي تقول هنحاول ايه؟ نلعب عليه لعبة وهنحاول نضحك عليه عشان ندخلها خاص ومش عارف ايه هي تيجي له في مي هو يجي لها فين؟ في حفصة اللي لسه داخلة ايه؟ حضانة. انا مش هدخلها بقى المدارس الخاصة. انا بقى هعمل لها كزا. مفاجآت وقاعد ايه يا عم انت وهي ومين اللي بيحاسب على الفواتير الامامير الصغيرين نسأل الله العفو والعافية فالناس دي مشغولة الحمة مشغولة ليل نهار تتكلم مع بنتها مع ابنها ايه اللي حصل وايه اللي حصل لأ بص وروح وجه وبعدين بالليل تكلم اختها خالة خالة البنت بقى ولا خالة الولد وشوفي عملت فيه ومش سوت ومش عارفة كزا فبتاع. طب تعالي نروح لمش عارف لمين ونتحنق. ايه يا جماعة ايه ايه هؤلاء قوم غير مشغولين الا بصراع الارض انتم ما فيش اخرة في الحسبان ولا ايه؟ لأ وهنروح الدار ونقلبها. دار القرآن. رايحين للمعلمة. خلاص؟ ونتكلم مع المعلمة. والمعلمة تكمل معي ونقلب تقدري حواديت وحط وبتاع ويا سلام بقى اصلا لو الموضوع له ارتباط بالدعوة والعمل الصالح ونتكلم في العلماء ونتكلم في الدعاء ونتكلم في المشايخ ونتكلم مش عارف في مين يا والله انا مرة كنت قاعد مع ناس وقاعدين يحكوا لي كده شوية حاجات بقول للمعلم بيقول لي كزا وكزا فانا بقول له يا ابني انا بقول له يا دي وانا متضايق فهو بيقول لي هو بقى على طول كده قلت له لأ النهائية ديت مش عليه انا ياه على قلبك انت فيك ايه اللي بينك وبين ربنا انك مستحمل كل يوم يترمي فيه القمامة دي ايه يا عم انت مستحمل ازاي؟ سيبك منه هو انا ما ليش دعوة بالشيخ. ولا لي دعوة بالبيئة اللي انتم فيها. انا انا صعبان علي شخصك وواضح ان السبورة بتاعتك بقت سودا مش بيضا ما بتستعملش بيها على اللي عليها الاقلام الالوان والحاجات ديت لأ واضح ان هي سودا عاوزة طباشير بس. كله بيرمي فيها ما تخليش قلبك مأوى ان لقمامة اي حد يرمي فيها وما فيش حد غالي عليك انك تنشغل به يا جماعة. ما فيش حد غالي عليك انك تنشغل به ليل نهار كيف تنتقم منه مشهد الامن بقى الجمال مشهد الامن ده اللي بينقلي فيه السلامة بتديني الامن ايه هو الامن بقى يقول فانه اذا ترك المقابلة والانتقام امن ما هو شر من ذلك واذا انتقم واوقع واقعه الخوف ولابد. ليه لانك انت النهاردة عما انك لأ ما انت ما ردتش ما انت لو جيت ترد انت لو جيت ترد على حد ما هو الحد ده مش هيسكت. طبعا انا ما بتكلمش دلوقتي في اطار لو انا سكت التاني بيزيد فيها وبيقل ادبه فيها. لأ. وضع الحدود ده امر يعني ايه من البديهيات يا جماعة انا مش سور منخفض كل اللي ماشي يرمي علي ايه؟ سلة الايه؟ القاذورات بتاعته لا انا لا اسمح لكده بس احنا بنتكلم دلوقتي اتاني شر اتعامل معه ازاي لكن يعني في بقى ما سقات تانية واستسناءات تانية تناقش بقدرها. بس خلونا نحط الاصول ونحط المعاني الراقية دي الاول لان انت النهاردة لو بيجي لك ازى من مية شخص في على الاقل يعني تمانين منهم ممكن ايه تطبق معهم المشاهد دي واما يجي بقى العشرين نتناقش معاهم تقول طب ده بقى بيعمل فيا واحد اتنين تلاتة اربعة واما بسامحو بيعمل معايا واحد اتنين تلاتة اربعة لكن ما تقنعنيش ان كل الخلق كده. يعني الراجل بتاع الكاشير اللي قال لك لأ وخد واحد وقدمه عنك اه معلش يعني حضرتك مش هتقنعيني بقى اصل هو ولازم انتقم منه واعمل وبتاع والقصة دي كلها يا جماعة موقف عابر عدي. موقف عابر وعدي والقصة ايه ما تعرفش معها كتير مش عشان انا صغير وانا كزا انا استطيع ان انا انقله السلوم. لكن انا مش فاضي له وهو لازم يبقى هو هيبقى مدرك كده مع الوقت الناس الشخصيات دي يا جماعة بتدرك كده اما بيقع منك خمسة جنيه اما تقع منك خمسة جنيه صدقوني يا جماعة صدقوني الشخص القوي الشخص القوي لا يتهم بالضعف ابدا اللي بيتهم بالضعف هو الضعيف اصلا يعني انت انت اصلا ضعيف شخصية. فاما بتتحط في موقف زي كده فانت بتبقى بقى دايما نفسك تغلبك والشيطان يخش لك من الباب ده هيقولوا عليك ضعيف الشخصية هيقولوا عليك ضعيف الشخصية هيقولوا عليك ضعيف الشخصية. طب العلاج ايه؟ اللي انا مع فوق لا اعفو لأ العلاج انك تصلح نفسك تبقى قوي الشخصية اولا بعيد عن الموقف ده. بعد كده تاخد القرار لكن في اشخاص انت عارف كويس قوي قابلتهم في حياتك انت قابلتهم في حياتك بيعفو يعني كنا راكبين مرة في يوم من الايام عربية وآآ الشخص اللي انا راكب معه ده هو شخص يعني لي مكانة معينة في الايه؟ في المجتمع من سمته كده واضح ان هو له مكانة على المجتمع ففي واحد راح قطع عليه بالعربية وخبط الفانوس بتاعه طبعا هو لمحه في المراية مش هقصده كده فهو اترعب خاصة بقى العربية عليها ايه؟ فهو اترعب فالتاني ده راح باصص له كده من المراية وشاور له بايده كده قال له ايه معدي الله يعفو عنك بكل سلاسة فهو راح باصص له كده يعني ايه هو مش قادر يتخيل انك هتعدي الموقف. لأ لأ العربية عادي ماشية والتاني ما نزلش حتى بص على ايه اللي حصل مشهد زي ده ما حدش هيجي يقول له ايه اصل لا لا اصل هو ضعيف الشخصية اصل قالوا عليه مش عارف لا لا يا جماعة هو بيبان في مشاهد كتير في الحياة اما انت بتكون شخصية نفسها قوية اما توب انت بتكون قوية الشخصية ان في في هيبة اه عشان كده انت تشتغل على شخصيتك قبل ما تبدأ انك تكلمني تقول لي ايه اصل العفو مش العفو والكلام ده كله. لا واخدين بالكم وبالمناسبة يعني يا جماعة في ناس شخصياتها ضعيفة ولا تعفو وبتاخد بحقها والناس برضو تزل ايه تزيد معها ليه عشان هو الفكرة كلها ان المرض لم يتعالج. هو بيفتش في العرض لا يعالج المرض واخدين بالكم؟ فارجو النقطة ديت مهمة جدا. يعني النبي صلى الله عليه وسلم وهو يعفو ما في واحد من اهل مكة يعلم ان محمد قادر ان يقطع رقبته صلى الله عليه وسلم وعارفين كويس قوي ان ابو بكر لو فعل السيف فيهم ما فلت انسان منهم عشان كده ما حدش بيقدر يقول لك ان هم ايه ان الشخصيات ديت آآ فعشان كده احنا مهم جدا ندرك كويس اوي انك فرقه بين المنازل العالية دي آآ وبين فكرة انك شخصيتك اصلا هي ضعيفة انت يعني انت بتغري اي حد يأزيك. انت تغري اي حد ياخز حقوقك. يعني غالبا الشخصية دي هتلاقيه متاخد حقوقه في البيت ما بتاخد حقوقه في الجواز متاخد حقوقه في المصلحة اللي هو شغال فيها متاخد حقوقه في المجتمع في المتاخد حقوقه في حاجات كتيرة قوي ليه مش عشان هو قاعد عمال يعفو لأ عشان هو فاهم العفو بطريقة مختلفة في مشكلة واخدين بالكم ربنا يجعل الكلام ده خفيف على كتير مننا ومنكم. مشهد الامن بقى فبيقول ايه؟ فانه اذا ترك المقابلة والانتقام امناء ما هو شر من ذلك واذا انتقم وقعه الخوف ولابد فان ذلك يزرع العداوة والعاقل لا يأمن عدوه لو كان حقيرا. فكم من حقير اردى عدوه الكبير ارداه يعني جابه لمز كتاف وقعه يعني فاذا غفر ولم ينتقم ولم يقابل امن من تولد العداوة مش بتشوفوها يا جماعة في حياتكم واحد ينتقم من واحد. ييجي الشيطان يسكت هي انتقمت من زوجها رفعت عليه قضية او طليقها بعد ما انفصلوا واتفقوا على كل حاجة راحت رافعة عليه قضية هو يسكت؟ لا راح ايه؟ راح طاعن عليها وراح مقدم ورقة ان الراتب بتاعه اصلا قليل منخفض عشان النفقة. هي تسكت؟ لأ تحرمه من الاولاد هو يسكت؟ لا مش عارف يروح يصحي يخطفهم من التعليم وهم من المدرسة وندخل في الحوارات دي. ففكرة ايه اللي بيدخل في دايرة الانتقام لا يأمن. مشهد الامن بيفوته واخدين بالكم؟ مشهد الامن بيفوته فوالشيطان مش هيسيبك ما هو انت لازم تبقى مدرك ان الشيطان في المشهد. الشيطان يستلمك ازاي بقى يجره يقول له ايه ده والله سبحان الله ده ناقص بقى اللي تقول لك كزا ده ناقص كزا. اقول لك على فكرة فمش الجوازات معك خد الاولاد دول وحاول تخلع بهم برة او ادعي كده اليومين دول انك انسان بقيت كويس ونادم على اللي حصل الفترة اللي فاتت وابعت تسجيل صوتي بكاء وانا مش هلاقي زيك وانت احلى ام في الدنيا وانا زلمت وانا كزا وانا لازم ادخل السرور على اولادي بعد اللي حصل ده كله. انا لازم اخدهم معي ليه الزيارة بتاعة اسكتلندا دي ياخدهم اه وانتهى وانقطعت حياتك بهم ليه؟ لان دخلنا في لقطة الايه هو بيضغط وانا باضغط ومش عارف ايه وخلاص بقى دخلنا فمشهد الامن لكن اللي من الاول هو مكار ومؤزي جدا والكلام ده كله ده له حسابات تانية خالص اه فالابواب دي استيعابها جميل يا جماعة. يقول فاذا غفر ولم ينتقم ولم يقابل اه امي ولم يقابل يعني الانتقام ده امن من تولد تولد العداوة او زيادتها ولابد ان عفوه وحلمه وصفحه يكسر عنه شوكة عدوه بيقول لك ان العدو بيكسر ايه؟ الشوكة. حتى يا جماعة الناس اللي بتتخانق الناس اللي بتتخانق فريقين بيتخانقوا مع بعض عيلتين بيتخانقوا مع بعض في واحد منهم كان بعيد عن الخناقة وكده تلاقيهم هم بيتمكنوا وهم بيضربوا وهم بيعملوا يجوا على الراجل ده تلاقيه بياخد اقل حاجة. ليه؟ لان الاحتقان وهيجان نار العداوة تجاه الشخص ده كانت قد ايه خبت حصل فيها ايه؟ فتور هديت يقول يكسر عنه شوكة عدوه ويكف عن من جزعه بعكس الانتقام والواقع شاهد بذلك. ابن القيم بيقول لك بص الدليل الاحتكاك بقول لك الدليل الاحتكاك ده انك تقول لي اصل وفصل وبتاع بيقول لك يا عم انا بقول لك اهو انا جايبها لك النتيجة من الكنترول الحياة كده وبصوا يا جماعة الواحد يمكن اه اه اللي بيدخل المجالس ويحاول يسمع من الناس ويحاول يقرب المسافات ويصلح ذات بين وشيكات المالية ومشاكل مش عارف ايه ومشاكل اسرية والكلام ده كله يدرك كويس قوي ان سبحان الله اه منازل من المنازل دي تخلص. تخلص مشاكل كتير في الحياة لكن سبحان الله ان الشيطان بيعقدها يعني انا قاعد في في قضايا آآ الخلافات على ملايين ستة سبعة مليون جنيه خلاص؟ والشيطان معقد الدنيا ايه؟ انت خلاص الدنيا اتحلت في كل حاجة. والشيطان معقد الدنيا كلها في كم؟ خمس ست الاف دول عند مين خمس ست الاف هو دول الازمة تبقى قاعد مع اتنين صالحين كده حاجة كده يشار عليهم بالبنان. ناس زي العسل وتلاقيهم الدنيا كلها هيفصلوا من بعض وهيطلقوا وهينفصلوا وخناقات والكلام ده كله عشان ايه عشان الفين تلات تلاف جنيه. اللي انت بتبقى قاعد في القعدة تقول لهم ايه يا جماعة موضوع الالفين ده اه خلاص الموضوع ده اتحل. ايه؟ يقول لك خلاص ما لكش دعوة اتحل يا حاج انت مش عاوز الالفين اه وانت يا سيدي انت عاوز الالفين اه ما لكش دعوة بقى انا هحلها لك وانت قاعد مرة مع حد يعني جزاه الله خيرا يعني فحصلت مشكلة كده كبيرة كان برضه على مبلغ حوالي الفين جنيه فايه اللي حصل فقال لهم يا جماعة انا فهمت القصة خلاص؟ اه الموضوع هيتحل النهاردة ما لكوش دعوة هيحله ازاي بس الموضوع هتتحل النهاردة سابوه بالليل راح متصل بالطرف الاولاني وقال له آآ انت سامحني وكانت القعدة فعلا فيها نشفان وبتاع وانا ما سبتوش وانا اتكلمت معه ونصحته وقلت له الكلام اللي انت بتعمله ده عيب راجل اكبر منك. والكلام الجميل ده. عموما هو قال لي خلاص اللي انت شايفه. قلت له الفين جنيه بتوعه هو جايب الالفين جنيه اهم وبيوصلهم لك وبيقول لك ايه؟ يرجو انك تسامحه وان هو برضه زي ابنك وما وكل شيء يعني ايه؟ يرجع تاني زي ما كنا وراح رايح للطرف التاني وراح ماسكه وقال له انا اتكلمت معه وقلت له عيب راجل زي ابنك وفي الاخر خالص لو حضرتك الصغير اما بيغلط الكبير بيرجع له يصالحه ومش عارف ايه فقال له انت شايف ايه ؟ انا شايف ان الالفين دول هو اولى بهم وراح مدي له الفين جنيه وقال له بس بالله عليك يعني اوعى في يوم من الايام انك تروح ايه تزله ولا تحرجه ولا الكلام ده. وقال للتاني نفس الكلام والموضوع انتهى. الكلام ده داخل مسلا حوالي اتناشر سنة كده فانا فاكر وانا معه فبيقول لي ادينا اشترينا علاقة اتنين مسلمين باربع تلاف جنيه واصلاح الزات البين ابرك من كثير صلاة وكثير ايه؟ صيام وكثير كزا وكسير كزا وهما الاتنين اغنيا الطرفين اغنيا بس هي الفكرة فين؟ الشيطان حاضر في المشهد ده فمكبر الحقير ومصغر العزيم والراجل ده كان سبحان الله يعني من الناس اللي ربنا فاتح لها في الايه في المال فخلص الموضوع. فالواحد سبحان الله آآ ممكن بقى بعض الناس يقول لك ده خايب وده يروح لزوجته ها ضحكوا عليك. طب انا عملت الفكرة اياها صح؟ اديت ده فلوسه ده الفلوس انت انت مش وراك الا كده اهو الراجل ده في قبره دلوقتي يعني في مسل هزا الوقت الساعة المجابة ديت ارجو ان قبره آآ ينزل الله عليه شآبيب رحمته وينور قبره ويجعل صحيفته مضيئة واهو هو ده اللي بقي له وسبحان الله! آآ ده مشهد الامن. المشهد اللي بعد كده وهو مشهد الجهاد ايه هو الجهاد بقى؟ شعور انك اه بك خاصمت اليك حاكمت آآ ان يقول يشهد تولد اذى يشهد تولد ازى الناس له من جهاده في سبيل الله وامرهم بالمعروف ونهيهم عن المنكر واقامة الدين واعلاء كلماته يقول وصاحب هزا المقام ركزوا يا جماعة هنختم بالمشهد ده. يقول صاحب هذا المقام قد اشترى الله قد اشترى الله منه نفسه. يا سلام نفسه وماله وعرضه باعظم السمن فان اراد ان يسلم اليه السمن فليسلم هو السلعة ليستحق الثمن. فاهمين حاجة ده رزق يوم الجمعة افهموه بقى بوعي تخيلي ان حضرتك دلوقتي امينة خزنة. خزنة مالية. الخزنة دي بتاعة اكبر بنك في العالم. بنك اسلامي بقى عشان مش تقولي لي وتفركوا في الورد. ايه ده يا شيخ! يعني هنقعد في خزنة بنك ربوي. الله يهديك ارجع. ركز معي فانت دلوقتي لو امين خزنة لاسرى بنك في الدنيا انت دلوقتي دورك انك امين الخزنة الناس بتيجي تسحب معها الوصل بتاعها معها اسمها معها لكل الورق سليم. فيجي يسحب الفلوس فالناس كل واحد جه سحب فلوسه انت مدايق دلوقتي وهم بيسحبوا فلوسهم مش بتاعتك صح؟ ده بالعكس ده انت بتقول ياه والله ارتحت. الفلوس دي كانت هتبقى معي في الخزنة وكان امانة وكنت مرعوب ليدخل علي ناس تسرقها. والله اللهم لك الحمد ان هي اتاخدت. اصحابها خدوها صح؟ فدايما عنده شعور يعني ان اصحابها خدوها طيب ان الله اشترى من المؤمنين انفسهم واموالهم بان لهم الجنة. التمن الجنة. طب والسلعة؟ النفس والمال. يعني انت بعت؟ اه. ما عادتش بتاعتك يتصرف فيها المالك كما يريد. لماذا ازا قدر الله في هذه النفس شيء انت تضايق يا عم انت كده ما بعتش انت لسه ما سلمتش الايه؟ السلعة لو سلمت السلعة انتزر التمن لو انت واسق في من اشترى اللي اشترى ده قال لك ايه انا هاخد منك الاتنين دول وهديك الايه وهديك جنة والعقد ده عشان تبقى انت راضي اللي هيقوله لك محمد وهنوسقه في القرآن ومين اوفى انه يرد عليك هزا العهد عشان كده فاستبشروا بقى استبشر يا عم ده الفوز العزيم وبعدين ما اسهل هذا العقد نفوسه هو خالقها واموال هو رازقها. النفوس دي ما هو اللي خلقها. والاموال دي ما هو اللي رزقها. يأخذها منا الجنة بخ بخ انه بيع رابح. ازا انت دلوقتي ربنا خدت نفسك دي انت دلوقتي بتقولي انا نفسي وفلوسي اديتها لربنا يعني انا نفسي دي تخيلي كده ان نفسك دي مخلوقة انت كده خدتيها وخدتي كل حساباتك وكل ارصدتك وكل موالك وكل عقاراتك وكل ما تملكي رحتي وخداها كده وقلت يا رب دول ملك لك وقف لك افعل يا رب ما تقتضيه حكمتك وعلمك جميل قوي؟ جميل. يعني انت بعت اه. ايه المقابل يا رب؟ هديك الجنة ياه الجنة! اه جميل قوي خلاص اه طيب المال ده بقى اه ينقص النص ليه ليه ينقص النص؟ ليه ينقص النص؟ دي فلوسي. الله! ما انت مش انت مش ما هياش بتاعتي؟ هي هي بتاعتك؟ ولا بتاعة الله سبحانه وتعالى انت عملت ايه شفتم بقى لو سلمت صح ما اعترضت لو انت بتسلم صح مش هتعترض انت ناسي انك بعت انا الاستازة هاجر دلوقتي معاها الموبايل بتاعها خلاص هي والاستازة مروة واستازة غادة خلاص؟ والاستازة نجلاء خلاص دول الاربعة اللي كتبوا. فانا خدت الموبايل بتاعهم. قلت لهم بعد ازنكم انا عاوز اشتري قالوا لي ايه المقابل؟ قلت لهم ان شاء الله في الصيف اللي جاي شاليه في آآ مطروح وفلل كل واحدة فيكم فيلا في التجمع جميل قوي خلاص انا خدت الموبايل اهو ماشي وطلع ايه؟ بس الموبايل ده هو امانة معك. احنا اتفقنا اهو من خلال الزوم ان ده اتفاق. الموبايل ده امانة معك. بس ده بقى بتاعي. خلاص ماشي رحت انا متصل بالشركة قلت لهم لو سمحتم اقفلوا الخط بتاع الاستازة هاجر وخدوا رصيد من بتاع الاخت فلانة ينفع تتصلوا بيا تلوموني تقولوا لي انت عملت ايه ؟ اقول لك ده احنا كنا في جروب حوالي فيه الف اخت واخ وانا اشهدتهم ان انا اشتريت وقلت لك ان المقابل الصيفي الجاي هتاخدي كزا آآ لا انا انا انا اصل انا حاسة ان انت يعني برضو انت لو هتلعب في الموبايل ما اصل برضه الموبايل بتاعي غالي برضه يا بنتي انت مدركة انا بقول ايه انت عارفة ان الموبايل بتاعك اخره ايه وانت قلت ان انت ايه بعتيه انت بتنسي اه الصراحة انا مش بنسى بس انا مش واسقة فيك. اه هنا بقى الاشكال انت مش واسقة فيا ده موضوع تاني ومش واسقة في الشهود ده موضوع تالت. انا حاسة ان الناس دي كلها اصلا اه انت جايبهم اصلا عشان تزهر لي ان الناس دي كلها حاضرة ودول كلهم اصلا ناس تبعك وانت مديهم فلوس عشان يشهدوا بالباطل وانا مش واسقة اصلا انك هتديني شاليهات والكلام ده ولا ضامنة انك غني اصلا كل الحاجات ديت عاملة لي فيها مشكلة ولله المسل الاعلى الله اشهد على هذا العقد امين السماء جبريل نزل على امين الارض والعقد ده مكتوب في الكتب السماوية واشرف الكتب القرآن الكتب التي انزلها. فالمعاني دي عمال انت تستحضرها وان ربنا هيديه الجنة وان هو الصادق ومن اصدق من الله قيلا وان هو العليم الحكيم؟ اه انت بعت خلاص بقى عشان كده الاية دي يا جماعة محورية اللي هي دي محورية في الحياة. ان الله اشترى. فابن القيم بيقول كلمة جميلة قوي احفزوها بقى. بيقول لك ايه بيقول وصاحب هذا المقام قد اشترى الله منه نفسه وماله وعرضه. باعظم السمن جميل فان اراد ان يسلم اليه السمن هو عاوز السمن من ربنا. فابن القيم بيقول لك ايه؟ فليسلم هو السلعة. ليستحق ثمنها فلا حق له على من ازاه ولا شيء له قبله ان كان قد رضي بعقد هزا التبايع يعني ايه رضي التبايع؟ ابن القيم عاوز يقول لنا ايه مش نفسك دي في واحد ازاها ؟ اه. هو بيقول لك يا سيدي اعف وسامح وبتاع وما لكش دعوة اه وانت سلمت النفس دي لمين؟ لله صح؟ اترك الله يفعل لك ما يصلحك ويفعل لك ادي الله يؤدبه ما لكش دعوة بقى شعور بعض الناس يقول لك ايه يقول لك والله العزيم اللي ازاني ربنا ليأزيه وهينتقم منه الجملة ديت محتاجة تتهزب. ليه ليه محتاجة تتهزب في ناس ازت محمد صلى الله عليه وسلم في حد في ناس ازت الرسول والنبي دعا عليهم فعلا ربنا قال له ايه؟ ليس لك من الامر شيء او يتوب عليهم او يعذبهم يتوب عليهم يعزبهم مش موضوعك انت فوضتني في طريقك اليه وانت في طريق الدعوة انت فوضتني ما تتدخلش هعمل معهم ايه هيتوب يا اخي هيتوب وهيسلم وهيبقى صحابي مش هننتقد منه ولا حاجة. مش بتاعتك. اكتر واحد زالمك دلوقتي خلاص؟ الشخص ده هيتوب الى الله سبحانه وتعالى. وبدل ما هو كافر ويهودي ونصراني وبوزي هيبقى واحد من اه ممن يفتح له آآ يفتح الله به العباد هيبقى حاجة تانية خالص ايه ده يعني حقي راح مش حقك راح لو انت مفوض ربك هي ما عادتش بتاعتك اصلا دي مش بتاعتي هو الموبايل ده لما نرجع تاني للموبايل الاستازة هاجر والاخوات اللي اشترينا منهم. هو الموبايل ده لو حصل فيه حاجة هي اداناها تدور تتخنق معدش بتاعك. هو بقى محمد بقى الله يهديه بقى يشوف هيعمل ايه بقى مع الناس اللي ايه ان اللي ايه اللي خدوا الموبايل بتاعه ولا ازوه ما هياش بتاعتي والله العزيم الناس اللي خدوا الموبايل دول ما هاسيبهم. والله يا عم انت ما لك واخدين بالكم ايه الكلام ده ؟ انا عارف ان هو منزلة عالية. الكلام ده محتاج منازل عالية ومحتاج حاجات كتيرة قوي ومحتاج توفيق من الله وده مش بنضغط عليك انك انا مش بقول لك يا وقتي من غصب عنك آآ سيب لكن هي قاعدة يعني تبقى بلسم مريحة لك فمن عفا واصلح فاجره على الله. العفو الذي سيترتب عليه صباح هو ده المفيد ماشي؟ لكن مش عفو. يعني انا ماشي في الشارع لقيت واحد خد الشنطة وراح خاطفها من اخته وجري. رحنا ماسكينه اعيط بقى وانا ومش عارف ايه وعندي بنتين وبتاع وعلى فكرة انا اسمي ابو صهيب. وده النوعين فنعفو عنه والناس يقولوا اعفو عنه. لأ انا هاسأل نفسي سؤال او انا لو عفوت على الراجل ده. الراجل ده فعلا هينبني على هذا العفو اصلاح ولا هسيبه هيبدأ يسرق بيت تاني في ضهرنا الشخص ده لا من هنا العفو ليس في منزلته صحيح. لازم العفو يترتب عليه ايه؟ صلاح. ماشي واخدين بالكم فاسأل الله سبحانه وتعالى ان يسددنا واياكم. طبعا انا آآ انا عارف دلوقتي ان في ناس كتير جدا بتاخد كلامي ده على على مشكلة عنده هو شخصيا ففي واحد مسلا يهودي ازاه وبهدله وزلمه وسجنه وعمل فيه كل حاجة طب هو امال ياخد الكلام ده كله على الراجل اليهودي الزالم المجرم اللي قتل عياله ودمرهم ان انا بتكلم على الشخص ده انا لا اتكلم عن الشخص ده ولا اتكلم عن النوعية دي ماشي يعني احنا بنتكلم على المنتشر في الحياة يا جماعة. اللي منتشر في الحياة اللي بينك وبين مامتك اللي بينك وبين جارك. اللي بينك وبين ايه؟ الناس دي. لكن النوعية اللي احنا بنتكلم فيها ديت اللي هي الاداة يعني احنا مش جايين نعفو عن ابي جهل الدرس ده عشان ما تفهمش منه ان انا جاي اقول لك يلا هيا بنا نعفو عن ابي لهب ونعفو عن ابي جهل ونعفو عن كزا ونعفو عن كزا ونعفو عن كزا لأ لكن عاوز اقول لحضرتك ما تنشغلش ليل نهار باليات الانتقام اه من اه عمتك وخيالك وخالتك ومش عارف مين والمعلم اللي معك في المسجد والكلام ده. لكن فيه واحد بيأزيك لاجل الدين. او بيأزيك لاجل دنيا ومهما عفيت عنه لن ينصلح حاله ولن ينصلح ولن لأ اللي زي ده احيانا يعني في مسلا مرة في حد يعني تواصل معايا وقال كلام وحش جدا. فالشخص ده انا حبيت اهزبه فانا قلت له آآ انا عارف ان هو هييجي ازاي؟ قلت له طيب. انت غلطت في انا لن اسامح ابدا الخطأ اللي انت عملته ده انا عارف ان هو انسان عاوز الدار الاخرة وانا عاوزه يقف مع نفسه وقفة. فقلت له يا سيدي طيب ان كنت انت اللي بتقوله ده حق فاسأل الله ان يعفو عني ويهديني وايه يعني يرزقني التوفيق. وان كان هو باطل فانا لن اعفو عنك ابدا وانا بيني وبين نفسي اصلا موضوع عدم العفو والكلام ده كله ما اصلا طرق قلبي. لا انشغل بي. لكن انا منشغل ان انا اوصل له رسالة فما فيش يومين تلاتة استلمني بقى. ليل نهار. اقول له ايه؟ فيقول لي انا عاوزك تعفو عني. قلت له يا حبيبي انت ما انت دلوقتي عندك آآ قناعة شخصية فخلاص انت لو انا بقول لك لو انت غلط المهم انا ما سكت. قلت له اصل انا عندي شرط. عشان اعفو عنك تعاهدني الا تتكلم مرة اخرى في هذه القضايا مع اي شخص ولا تصنف اي شخص ده ده شرطي الوحيد ليه؟ لان الفكرة مش في شخصي. هو انا هقول له خلاص انا عفيت عنك. هيستلم عشرة يعمل معهم كده. فانا قلت له انا شرط العفو بتاعي ان الباب ده تعاهدني انك لا تصنف الخلق الناس التانية يبقى مشغول بغيري بقى اه بس حتى زوجها يعني كلمني بعدها يا اختي يعني. كلمني بعدها. قلت له يا حبيبي انا انا من قبل ما هي تفهم اي حاجة. انا بقول لك بريحك اهو. انا من الاول اعفو عنها بس لا تخبرها حتى تهزبها فلما قال لي كده قلت له خلاص بلغها. فهي الفكرة فكرة التهزيب. دي مهمة اوي فاسأل الله سبحانه وتعالى ان يهزبنا واياكم ويحفز قلوبنا وقلوبكم اتكلمنا عن الله ادعوا لنا ان شاء الله يكون قريبك يعني برنامج الاسماء والصفات او البرنامج انكم قريبا ان شاء الله تصاحب اسماء الله وصفاته وافعاله نسأل الله ان يسددنا واياكم لكل خير وينفع بنا وبكم حيثما كنا وكنتم ويجعلنا من العافين عن الناس الذين لا ينتقمون لانفسهم ويوفقون لحديس رسول الله المؤمن القوي خير واحب الى الله من المؤمن الضعيف. نسأل الله ان نكون اقوياء في دينه اعزاء على الكافرين واهل الباطل والفاسقين ازلاء على المؤمنين