1
00:00:01.200 --> 00:00:16.850
السلام عليكم ورحمة الله وبركاته الحمد لله رب العالمين واشهد ان لا اله الا الله وحده لا شريك له واشهد ان محمدا عبده ورسوله اللهم صلي على محمد وعلى ال بيته وذريته كما صليت على ال ابراهيم انك حميد مجيد

2
00:00:17.000 --> 00:00:30.900
اللهم بارك على محمد وعلى ال بيته وذريته كما باركت على ال ابراهيم انك حميد مجيد آآ كتير من الشباب اللي هم بدأوا يطلبوا علم والحمد لله تشجعوا يعني على الفقه في الدين

3
00:00:31.050 --> 00:00:48.950
كتير منهم بيبعت رسايل ان هم محتاجين آآ يفهموا يعني ايه تأسيس طالب العلم ويعني ايه تكوين طالب العلم وايه هي الاسباب اللي بتخليهم آآ تقريبا بيطلبوا علم من عشر سنين او آآ او خمس سنين ومع ذلك حاسين ان هم مش ماسكين حاجة بايديهم يعني حاسين ان هم ما

4
00:00:48.950 --> 00:01:08.500
تأصيل علمي وحاسين ان هم مشتتين. وكتير جدا من الناس بيبعت لي اه اسئلة خاصة بالامر ده وانا حبيت ان انا اعرف ايه هي من خلال تجربتي يعني في في مع زملاء كتير في طلب العلم. او من خلال تجربتي في التدريس في معاهد كتيرة جدا

5
00:01:08.500 --> 00:01:25.200
وجدت ان كتير من من الشباب عنده مشكلة كبيرة انه فعلا بيتعب وبيجتهد بس هو ماشي غلط فعايز ابين في في الحلقة دي ان شاء الله وهي مفتوحة طبعا اللي اي واحد فيكم عنده اسئلة خاصة بالموضوع

6
00:01:25.250 --> 00:01:41.850
آآ ممكن يكتب وان شاء الله ندردش فيها فانا حبيت ان انا آآ اعمل الحلقة دي حلقة مفتوحة عايز احط فيها مفاتيح لطالب العلم ان شاء الله كيف يؤسس نفسه وكيف يكون نفسه؟ ما معنى اساسا التأسيس؟ وما معنى التكوين

7
00:01:41.900 --> 00:01:56.400
وسبب ان كتير من الشباب بيطلب علم سنوات طويلة جدا لكنه في الاخر بيكون فاضي. او ما يوصلش للهدف اللي هو طالبه آآ ابدأ وما توفيقي الا بالله عليه توكلت واليه انيب

8
00:01:57.950 --> 00:02:11.650
اه حد سأل سؤال ليه اصلا تكوين اه طلبة علم يا شيخنا آآ والله كل واحد هنتكلم عن دي ان شاء الله. دي اول حاجة هنفتتح بها لان مش معقول نتكلم في آآ في تفاصيل من غير ما نأسس الفكرة

9
00:02:11.800 --> 00:02:30.000
فان شاء الله نجاوبك يا استاز احمد اه في يعني ايه هي المشكلة اللي بتحصل لاي انسان عنده هدف في انسان مثلا عنده هدف ان هو يكون دكتور في الجامعة مثلا. او عنده هدف ان هو يكون جسمه رياضي. او عنده هدف ان هو يكون آآ معلم ناجح في مدرسة او يكون

10
00:02:30.000 --> 00:02:48.300
طبيب مميز آآ في امرأة مثلا عندها هدف ان هي تربي ابنائها احسن تربية. اهداف الناس متنوعة واهداف الناس متشابكة احيانا انسان يكون عنده مجموعة من الاهداف لكني بتكلم هنا عن هدف يعتبر هو الهدف المركزي في حياتك

11
00:02:48.450 --> 00:03:06.750
اللي هو الباب الذي تريد ان تتقرب به الى الله تبارك وتعالى ابواب الخير متنوعة لماذا انا اتكلم هنا عن طالب العلم لان هي دي الاسئلة اللي جات لي اكتر. والا انا تكلمت في حلقات كثيرة جدا عن ان اهداف الناس متنوعة. واي انسان

12
00:03:06.750 --> 00:03:20.800
من يختار من الاهداف ما يناسبه. آآ ولا يكن يعني لا يصح ان يكون نسخة من احد. كل انسان بيختار الباب اللي هو يحس انه آآ شايف نفسه فيه وما يقلدش حد

13
00:03:21.100 --> 00:03:36.650
اه فان شاء الله اه عايزين نحط الاول مفاتيح مهمة ايه هي المشكلة اللي بتقابل الانسان في هدف معين انا ذكرت مجموعة من الاهداف كثيرة جدا اول شيء التردد في اختيار الهدف

14
00:03:36.950 --> 00:03:49.950
كتير جدا مننا حتى الانسان ممكن بعد ما يمشي مدة في هدف تلاقيه سابه التردد في اختيار هدف ما او في الاستمرار على هدف ما ده ليه اسباب كتيرة منها مسلا شكك

15
00:03:50.050 --> 00:04:07.500
في صحة الهدف ان ده هدف اساسا صحيح. ممكن الهدف تحس ان هو مش صحيح اصلا اه وممكن يكون السبب انك حاسس ان الهدف مش مناسب لك. مش مناسب لقدراتك. مش مناسب لمواهبك. زي كتير من الشباب دخل مثلا ابوه اجبره انه يدخل كلية طب او كلية هندسة

16
00:04:07.500 --> 00:04:21.400
هو اصلا كاره المجال ده آآ لما شاع في كتير من الناس بيزن ان دي كليات القمة فبالتالي لازم ابني يدخلها او بعض الشباب اجبر نفسه عشان يكون من علية القوم. وانا بينت وهم هذا الامر

17
00:04:21.400 --> 00:04:40.500
في اه محاضرة كانت يوم الجمعة قلت ان ليس هناك فيه شيء اسمه القمة. وانما كل انسان يختار ما اه يشعر ان هو ملائم له وان اكرمكم عند الله اتقاكم. الانسان آآ يمكن ان يكون في آآ في مجال هو في عين الناس لا شيء بينما يكون هو واقف على ثغر معين

18
00:04:41.050 --> 00:05:02.800
آآ فده له تفاصيل فمش مش هندخل فيه دلوقتي بيبقى احيانا الانسان ينتقل آآ عنده شك عنده شك في الطريق آآ وعنده شك في ملائمة الطريق ده لمواهبه ممكن كمان يكون وده كتير بقى انه عنده شك في قدرته على انجازه. وده بيحصل كتير جدا. انسان مثلا عايز يكون طالب علم او عايز يكون متقن

19
00:05:02.800 --> 00:05:23.350
لكتاب الله او عايز يكون رياضي او جسمه قوي او عايز يتعلم لغة بيمشي شوية وبعدين بيحس ان الموضوع وسع اوي اوي. فبيقول انا مش هقدر اكمل لو الانسان لم يتجاوز هذا الامر في في اي هدف سيبقى آآ غير جاد في انجاز هذا الهدف آآ لا يجمع قلبه عليه. فالتردد

20
00:05:23.350 --> 00:05:37.150
في الهدف ده امر لابد انك تحاول انك تتخطاه. ده مهم جدا. كيف اتخطى ذلك؟ ده لي اسباب. اول شيء الاستعانة بالله وكثرة الدعاء اي انسان يريد ان يغير نفسه

21
00:05:37.350 --> 00:05:55.950
آآ للافضل ولا يصطحب معه آآ ان الله ما يفتح الله للناس من رحمة فلا ممسك لها وما يمسك فلا مرسل له من بعده يبقى هو كده بيضيع وقته اول مفتاح لتغيير النفس او للهداية لاي شيء آآ يعني تكون محتار فيه هو انك انت

22
00:05:56.000 --> 00:06:18.000
تفتقر الى الله وهو ده معنى دعاء اللهم اني استخيرك بعلمك واستقدرك بقدرتك فانك تعلم ولا اعلم وتقدر ولا اقدر وانت علام الغيوب فالاستسلام لله من مقتضاه انك انت لما تقدم على اي شيء في حياتك تعرف ان ان المحطة الاولى في تغيير النفس او في الاقدام على شيء او

23
00:06:18.000 --> 00:06:33.250
الصبر على شيء هو انك انت تستعين بالله تبارك وتعالى فعنده مفاتيح كل شيء آآ يبقى دي دي محطة مهمة. التردد اللي عندي يا ترى اكمل ولا ما كملش؟ يا ترى ادخل في الطريق ده ولا ادخل في الطريق ده؟ اختار ان انا مثلا اكون

24
00:06:33.700 --> 00:06:43.700
يعني مهتم ان انا ماسك مسجد وادعو الى الله ولا اختار ان انا اتعلم واحاول ادرس للناس اختار ان انا اكون دكتور في الجامعة واكون مثال للمسلم الناجح في مجاله

25
00:06:43.700 --> 00:07:00.200
طب اختار ان انا اهتم بابنائي اوي اوي اكتر من ههتم بنفسي. كل دي الانسان بيتحير فيها فالمحطة الاولى المهمة هي تجاوز مرحلة التردد. طب هل الانسان يمكن ان يتجاوزها بشكل يقيني؟ لأ. آآ الى الان يعني انا بتعلم تقريبا من قبل تمنتاشر

26
00:07:00.200 --> 00:07:19.150
والى الان يعني تأتي شكوك ووساوس من جدوى ما ما اقوم عليه. لكن الله سبحانه وتعالى يصرف عني بالدعاء وبالاستعانة بالله يبقى دي مهمة جدا. مهم جدا ايضا يكون عندك يقين بقيمة الهدف الذي تبذل له. لا يمكن ان يتعب الانسان في شيء وهو لا يشعر بقيمته

27
00:07:19.350 --> 00:07:38.900
واجعلنا منهم ائمة يهدون بامرنا لما صبروا وكانوا باياتنا يوقنون. يبقى الجزء الاول الافتقار الى الله تبارك وتعالى. الجزء تاني وهو مهم جدا اليقين بقيمة ما تفعل اذا لم يكن عندك يقين بقيمة ما تفعل يبقى انت دايما مش هتلاقي نفسك صابر عليه

28
00:07:39.250 --> 00:07:57.050
لذلك ربنا قال للنبي صلى الله عليه وسلم فاصبر ان وعد الله حق ولا يستخفنك الذين لا يوقنون فاحيانا يضعف يقين الانسان بسبب من حوله. يشككون فيه او يشككون في جدوى ما يفعل او يشككون في قدرته على ما يفعل. او يشككون

29
00:07:57.050 --> 00:08:19.600
في النتيجة لما يفعل. فلابد انك انت توقن بقيمة ما تفعل. وهذا يأتي بانك تعرف ثواب طلب العلم وثواب الدعوة الى الله وتعليم ناس فهذا له باب اخر انا مش عايز اقف مع النقطة دي كثيرا جدا لاني بفترض ان انا بكلم ناس يعني حابين ان هم يتفقهوا في الدين. فحاول اتجاوز النقطة دي باعتبار ان هي موجودة

30
00:08:19.600 --> 00:08:40.400
ان شاء الله اه من الاسباب اللي بيتشتت بها الانسان ايضا اه انه اختار هدف فعلا لكنه غير متصور للهدف. وده موجود كتير جدا ان انسان يختار مثلا ان هو آآ يقلل وزنه. او يختار ان هو يكون جسمه قوي. او يختار انه يربي ابناءه او يختار انه يتقن القرآن او يختار

31
00:08:40.400 --> 00:09:01.550
انه يطلب علوم الحديث لكن هو غير متصور للهدف الهدف بيكون ليه فروع وله مراحل وله سبل وله طريقة في تقييم النفس عشان تعرف انت آآ عشان يعرف انت هل هل انت حصلت هل انت وصلت للنتيجة اللي انت عايزها ولا لأ ؟ فكل دي امور مهمة ان شاء الله هنتكلم عنها اللي هي ضعف التصور

32
00:09:02.150 --> 00:09:18.500
يبقى المشكلة هنا مش في التعب المشكلة التالتة ودي بقى يعتبر اكتر آآ طالبي الاهداف موجودة عندهم لي آآ ضعف العزم او آآ او تشتيت الجهد او آآ قلة الصبر

33
00:09:18.700 --> 00:09:33.650
مستعجل للنتيجة ومستعجل لظهور الاثر اه في اي شيء اه مسلا بيتمرن عايز اول ما يتمرن النهاردة تاني يوم يطلع له عضلات. بدأ في برنامج انزال الوزن اه لأ انا بحاول اضرب امثلة عشان يعني تعم

34
00:09:33.650 --> 00:09:46.950
آآ اهداف الناس حتى لو هدف بسيط بدأ في برنامج تغزية عايز بعد اسبوع يزهر النتيجة. بدأ يحاول يربي ابنه او يعلمه الصح والغلط. آآ لقى ان ابنه لسه مستمر زي ما هو فييأس

35
00:09:46.950 --> 00:10:09.600
ضعف ضعف العزم واستعجال النتيج النتيجة دول الاتنين دول قريبين جدا من بعض وهو من اهم الاسباب اللي بتخلي الانسان يعني آآ يضعف آآ همته في الاستمرار فده ان شاء الله احنا هنتكلم عنه برضه اللي هي فكرة العزم كيف اقوي آآ عزمي وكيف آآ

36
00:10:09.700 --> 00:10:29.700
اجمع قلبي واصبر ولا اتعجل آآ الثمرة. لان المطلوب اساسا من اي انسان هو السعي. الله سبحانه وتعالى يحاسبك على السعي. لا يحاسبك على مجرد انجاز واضح فدي دي قاعدة مهمة جدا ان الله يريد منك ان تعمل ان تسعى ان تبذل والذين جاهدوا فينا لنهدينهم سبلنا ليس المراد

37
00:10:29.700 --> 00:10:53.600
فقط لنهدينهم سبلنا انك ستحصل على ما تريد. ولكن ستؤجر على على ما تطلب. من اراد الاخرة وسعى لها سعيها وهو مؤمن. اذا المراد هنا انك تحدد اهدافا متنوعة آآ لا شك ان الاهداف لابد ان يكون فيها اصلاح الدين. اصلاح الاسرة اصلاح الابناء اصلاح الزوجة. آآ يعني تسعى في كل طرق

38
00:10:53.600 --> 00:11:10.100
يمكن ان تصل اليها في اصلاح النفس. المعنى الشامل لتزكية النفس. قدر الامكان يبقى دي الفكرة. الفكرة الثانية ان يكون عندك يقين في صحة ما تفعل. ان يكون عندك تصور لما تفعل. وان يكون عندك صبر. وان تعلم ان الله يحاسبك على السعي وليس على

39
00:11:10.100 --> 00:11:29.750
انجاز الاهداف. ودي فكرة مهمة جدا يا شباب. كثير من الناس ينقطع عن طرق الخير لانه ما وجدش الاثار اللي هو شايفها. لأ لازم تعرف ان النجاح هو معنى واحد. ان تبقى تسعى. هذا هو النجاح. فاذا توقفت عن السعي فهذا هو الفشل. يبقى اذا ليس

40
00:11:29.750 --> 00:11:50.750
الفشل آآ معنى اللي هو آآ عدم الانجاز لأ. الفشل هو التوقف عن المحاولة. طول ما انت بتحاول طول ما انت بتجهز عندي ذنب معين وانا افعله بين وقت واخر. طول ما انا آآ اأخذ باسباب عدم الذنب واجاهد نفسي الا يقع. واذا يعني ضعف مني او ضعفت نفسي

41
00:11:50.750 --> 00:12:11.100
وقعت فيه اه يعني اه اسارع في الاستغفار والتوبة اه واه اسعى مرة اخرى انفض هدومي واقوم مرة اخرى هذا هو السعي والشيطان يريد منك ان تيأس وان تصل الى درجة اليأس. اليأس بقى بالنسبة للذنب هذا قيسه على كل شيء. عندك ولد مشاغب وانت بتحاول تصلحه لكن

42
00:12:11.100 --> 00:12:21.100
انه مش بيتصلح او اتصلح فيه اشياء قليلة. فهو يريد منك ان تصل الى مرحلة اليأس. الواد ده ما فيهوش فايدة او او انا مش نافع. انا مش هقدر احفظ قرآن. فهو يريد منك ان

43
00:12:21.100 --> 00:12:34.400
الى هذه القناعة او يريد منك ان تتنقل من عمل لعمل ودي فكرة اتكلمت عنها كتير اللي هي ان الشيطان يرضى آآ من المسلم آآ ان ينتقل من خير لخير

44
00:12:34.450 --> 00:12:48.050
طب ايه المشكلة فيها؟ ان هو يريد ان يفقدك الثقة في النفس. يجعلك تبدأ في طريق ثم يفقدك الثقة في اكماله فتنتقل لطريق اخر. ثم تنتقل الى طريق ثالث قبل ان تنجزه حتى يضعف ثقتك بنفسك

45
00:12:48.950 --> 00:13:03.500
ندخل بقى هنا للايه للفكرة بقى اللي هي الاساسية عندنا اه ولان الفيديو مخصص لمن اه سألوا عن طلب العلم لماذا نتشتت؟ ما معنى التأسيس؟ وما معنى التكوين؟ فبالتالي الكلام هنا مش لكل انسان

46
00:13:03.600 --> 00:13:17.400
يعني نحن نتكلم هنا عن شخص يريد ان يجعل طلب العلم جزءا من الاعمال الصالحة التي يتقرب بها الى الله. آآ والله سبحانه وتعالى يحب آآ اتقان العمل ليبلوكم ايكم احسن عملا

47
00:13:18.500 --> 00:13:37.350
اه فحد هنا بيسأل سؤال خاص شوية هل الطالب العلمي يتمذهب بمذهب يعني فقهي عقدي او فقهي؟ اه ده يعني هنا التفاصيل دي في هذه في هذه الحلقة يعني ربما نتكلم في هذه التفاصيل في وقت اخر. لكني هنا بحاول اتكلم عن مفاتيح اساسية

48
00:13:37.650 --> 00:13:50.900
آآ لمعنى التأسيس والتكوين اه كلمة الفقه في الدين المفروض ان الفقه في الدين هذا يكون مقصدا لكل مسلم يأخذ كل مسلم منه اه بقدر استطاعته. يعني انا لا احب

49
00:13:50.900 --> 00:14:10.900
ابدا فكرة ان في حاجة اسمها ناس طلاب علم وفي ناس ابيض في العلم لأ المفروض ان هذا دينك. فيعني على الاقل تدخر له فراغك يعني انت مثلا شغال نقاش مبيض محارة دكتور جامعة آآ طلعت القمر رحت في اي شيء لازم يكون عندك شيء اساسي هو ان تتفقه في دينك

50
00:14:10.900 --> 00:14:27.450
قدر الامكان ودي مشكلة كبيرة انك ممكن تجد انا كان عندي استاز في الجامعة والله ما بيعرف يتوضا استاذ دكتور في الجامعة آآ رحت عشان اتوضى في في مسجد الجامعة لقيته مش بيعرفش يتوضأ ما بيغسلش ايده لحد هنا بيغسل كفه بس. فما بيعرفش يتوضأ فبالتالي فكرة

51
00:14:27.450 --> 00:14:49.850
ان في فصل تام بين الانسان طالب العلم والانسان العادي دي فكرة غلط. اي مسلم امرأة آآ رجل شاب آآ طفل اي واحد ياخذ دينه بقدر ما يستطيع واضح كده؟ فانا ما عنديش فكرة ان في مسلم ما يتعلمش دينه خالص. لدرجة انه ما يعرفش يقرأ قرآن. اولاده ما يعرفوش يقرأوا قرآن. ودي انا وجدتها كثير

52
00:14:49.850 --> 00:15:10.000
واحد والله بيكون يعني عنده زي ما بيقولوا كده في كليات القمة او واخد يعني مكانة في اللي بيسموهم النخبة وكريمة المجتمع. وهو والله ما بيعرف يقرأ سورة واحدة لأ ما فيش الكلام ده. انت حتى لو انت مش متخصص في طلب العلم يعني ادخر كل وقت عندك ان تتعلم دينك. تتعلم القرآن حديث النبي صلى الله عليه وسلم

53
00:15:10.000 --> 00:15:24.850
تتعلم يعني بديهيات اللغة العربية عشان تعرف حتى تعلم ولدك. واضح؟ فاحنا هنا مش هنتكلم في الموضوع ده بتفصيل يعني. لكن خلينا هنا نقول يعني لو انسان فعلا حط في دماغه ان هو يتعلم. ايه اللي ممكن آآ يعني يبدأ فيه

54
00:15:25.900 --> 00:15:44.050
اول حاجة آآ يعني في اسباب كتيرة بتخلي الانسان مع انه بيحب العلم ومهتم به يعني ما يبقاش آآ متميز فيه او ما يحققش حد بيقول حد بيقول من واجب العلماء

55
00:15:45.300 --> 00:16:00.300
واجب العلماء تقريب العلم اكيد تقريب العلم ده يعتبر من اعظم ابواب الدين يعني كثير من الباطل بينفق او يعني ينتشر آآ بين الناس بسبب ان فيه طبقة بتسهل هذا الباطل مثلا عن طريق الافلام والمسلسلات او

56
00:16:00.300 --> 00:16:18.400
وعن طريق كتابة الروايات او عن طريق برامج اللي هي بيسموها التوك شو دي. فبيأخذوا كلام صاحب الباطل الاصلي سواء كان فيلسوفا او مما يسمونه مفكرا وآآ في الفيلم او المسلسل او الجرنان او او الرواية

57
00:16:18.550 --> 00:16:34.650
بيبدأ يعمل لك ايه؟ بيصوره لك او بيسهله لك. ودي حتى هي فكرة انتشار منطق ارسطو او الفلسفة آآ فلسفة ارسطو عن طريق الفارابي وغيره ان هو قال لهم انتم غلطانين لان انتم بتكرهوا الناس في فلسفة ارستو بتصعبوها عليه

58
00:16:34.650 --> 00:16:44.650
كان الصح ان انتم تكلموهم بلغة سهلة عشان المضامين دي يفهموها. ففكرة تقريب اهل العلم للعلوم دي مهمة. لكن انا هنا مش بتكلم عن تبسيط العلم. انا هنا بتكلم عن واحد

59
00:16:44.650 --> 00:17:01.400
يريد ان يتقرب الى الله في طلب العلم ويريد ان يتقن طلب العلم فاحنا عندنا بقى هنا فيه معوقات كثيرة جدا آآ بتتسبب عن ان طالب العلم لا يبلغ مراده او لا ينبل في طلب العلم

60
00:17:02.150 --> 00:17:21.050
من اهم هذه الامور ان هو مش متصور ما معنى التأسيس وما معنى التكوين اه خلينا نتصور ان في بيت في بيت انا عايز اؤسسه واكونه التأسيس معناه القواعد التي تجعل البيت ثابتا. شف مثل كلمة طيبة كشجرة طيبة

61
00:17:21.050 --> 00:17:38.600
اصلها ثابت وفرعها في السماء تؤتي اكلها كل حين باذن ربها فهي هذه هي الفكرة حينما يكون الاساس صحيحا ومتينا وعميقا وقويا يعني يكون المنتجات او المخرجات بقدر هذا الثبات

62
00:17:38.800 --> 00:17:53.850
يبقى دي فكرة التأسيس القواعد. انا عندي بيت عايز ابنيه فلازم يكون فيه قواعد طيب الفكرة التانية بقى التكوين ان انا بقى عندي البيت ده فيه اوضة نوم وفيه مطبخ وفيه آآ وفيه مثلا بلكونة ده بقى التكوين. يبقى انا محتاج تأسيس

63
00:17:53.850 --> 00:18:10.650
تكوين بالزبط بقى هو ده اللي محتاجه طالب العلم فكرة التأسيس ان يكون عنده قواعد قوية وان يكون عنده تكوين يعني يسعى في تكوين مين ما يريد؟ ده بقى محتاج انه يتصور. خليني اضربها كده مثال

64
00:18:11.200 --> 00:18:29.650
في شخص مثلا عايز يكون آآ جسمه زي في ازاي احنا بنشوفهم كده في كمال الاجسام كمال الاجسام فيه حاجتين في اه تكوين انه عنده عضلة مثلا هنا وعنده عضلة هنا وعنده عضلات بطن وعنده عضلات رجل. دي دي اسمها التكوين. يبقى كده عنده مثلا مائة عضلة هو مطالب

65
00:18:29.650 --> 00:18:41.100
سبيها لكن في كمان تأسيس ان ممكن تكون العضلة دي اصلا هي مجرد شكل. واضح كده زي ما كتير بيقول لك انا ممكن اخد ايه حقنة اللي هي بيسموها معاش؟ عارف بيسموها ايه بتوع كمال الاجسام

66
00:18:41.100 --> 00:18:54.850
بتنفخ ايه؟ بتنفخه فبتخلي العضلة شكلها باين لكن اصلا ما فيش عضلة دي وهم. يبقى انا عندي هنا حاجتين مهمين الحاجة الاولى ان في تأسيس ده بيخلي العضلة اصلا موجودة مش وهم

67
00:18:54.900 --> 00:19:14.000
والحاجة التانية في تكوين فانا هنا ماشي بحاجتين ماشي بعمق وماشي بتكوين اه فروع دي بقى مهمة جدا لما نتكلم عن مرحلة التأسيس والتكوين لاي انسان على فكرة لو واحد بيتعلم لغة انجليزية لو واحد عايز يبقى رياضي لو واحد بيصلح ابناؤه لو واحد آآ

68
00:19:14.000 --> 00:19:27.250
عايز يطور نفسه في اي مجال محتاج الفكرتين دول. التأسيس ان يكون عنده قواعد قوية. وعنده عمق. والتكوين ان هو يكون بيجمع اه كل ما ينقصه من آآ شعب هادئة هذا الامر الذي يطلبه

69
00:19:28.150 --> 00:19:41.100
اول فكرة عندنا مهمة قبل ان نتكلم عن التأسيس والتكوين هي فكرة قاعدة نبوية عظيمة. هذه القاعدة انا في رأيي تعد انفس ما قيل في باب تغيير النفس على الاطلاق

70
00:19:41.250 --> 00:20:02.550
يعني انا اه حد بيقول اه اللي هو البتاع اللي بينفخ العضلات ده. كان فيه مرة واحد جارنا بمناسبة نفخ العضلات دي كنت باصلي جنب بيته ولقيته في يوم وليلة والله يعني مسلا انا اتصور قابلته الاسبوع ده وبعدها باسبوع لقيت جسمه كله عضلات. فبقول له يا فلان العضلات دي انت جبتها منين؟ انت رحت اشتريتها من

71
00:20:02.550 --> 00:20:16.000
سوبر ماركت قال لي لأ انا المجاهدة ومش عارف ايه. بعدها بحوالي شهر قابلته لقيته رجع عامل زي العصفورة كده وعينيه تعبانة فعرفت بعد كده ان هو كان بياخد آآ بياخد ادوية وحاجات زي دي فهي دي فكرة الايه المنزر

72
00:20:16.050 --> 00:20:26.050
واحد بيبقى منظر على الفاضي كده زي واحد عنده معلومات لا يعرف من اين جاءت وكيف جاءت ما عندوش عمق علمي لا يستطيع ان يقررها ولا ان ان يعرضها ولا ان يدفع

73
00:20:26.050 --> 00:20:48.150
اشكالات عنها فهي دي فكرة المنظر يعني النبي صلى الله عليه وسلم له قواعد في تغيير النفس والاصلاح انا لا اعلم ابدا ان احدا قال قريبا منها يعني كل ما يمكن ان تقرأه في قواعد اصلاح النفس وتغييرها ستجد عند النبي صلى الله عليه وسلم اعظم منه واحسن بيانا

74
00:20:48.150 --> 00:21:05.800
اخسر كلاما وهو وهو مما يعني آآ يعني يقوي عزمك فيما يرضي الله. يعني جمع كل الامور من هذه المعاني العظيمة التي قالها النبي صلى الله عليه وسلم في تحقيق الهدف او تغيير النفس. فكرة مهمة. انما العلم بالتعلم

75
00:21:06.450 --> 00:21:20.500
الصبر بالتصبر الحلم بالتحلم من يتصبر يصبره الله. يبقى فيه معنيان هنا عظيمان قبل ان نتكلم في الخطوات الخطوة الاولى ان ما فيش حاجة اسمها والله انا كده ومش هقدر اتغير لأ تقدر تتغير ان شاء الله

76
00:21:20.700 --> 00:21:39.000
اصلنا اصلا فهمي ضعيف. اصلنا حفظي ضعيف. اصل انا اصلا كسلان. انا اصلا مشتت. انا مش مركز. لأ انسى الفكرة دي انما العلم بالتعلم. دي الفكرة الاولى. طب التانية من يتصبر يصبره الله. يبقى الحديث هذا فيه اساسان عظيم ان

77
00:21:39.000 --> 00:21:53.300
لاصلاح النفس الاول انك يمكن ان تتغير اي صفة يمكن ان شاء الله ان تكتسبها. يبقى لو عندك صفة وحشة ممكن تتخلى عنها. لو عندك صفة كويسة ناقصاك ممكن تجيبها ان شاء الله. الفكرة

78
00:21:53.300 --> 00:22:18.200
التانية ان الله معك من يتصبر يصبره الله افهم دي من يستعفف يعفه الله. دي مهمة. انك تعرف ان ربنا معك سبحانه وتعالى يزيد الله الذين اهتدوا هدى نبدأ بقى ندخل لان احنا عندنا موضوع كبير ان شاء الله. لان كتير من الناس قال لي احنا عايزين لقاء قبل رمضان عشان احنا مشتتين. ونفسنا فعلا لكن عايزين مفاتيح. فانا

79
00:22:18.200 --> 00:22:38.200
اديك مفاتيح يعني الله سبحانه وتعالى آآ اكرمني بها من خلال مشوار طويل جدا. وعناية باكتشاف لماذا يتعب انسان ولا ينجز ما يريد او ما هي الامور التي تعطله؟ ما هي الامور التي تيأسه؟ ما هي الامور التي تشتته؟ فانا احاول هنا ان اجمع لك هذه

80
00:22:38.200 --> 00:22:51.750
مفاتيح لعل الله سبحانه وتعالى ينفعنا بها وبالمناسبة يا شباب كل من ينقل لك يعني تجربة عن نفسه هي مجرد اجتهادات. انت تأخذ احسنها. تأخذ ما يليق بك. تأخذ ما يراه صحيحا. فلذلك ممكن

81
00:22:51.750 --> 00:23:01.750
تختلف وجهات الناس النجاح ليس له طريق واحد. ما فيش حاجة اسمها كده هو في خطة واحدة معينة لازم نمشي عليها. لأ. وانا في رأيي ان فكرة التنمية البشرية اكبر مشكلة فيها

82
00:23:01.750 --> 00:23:18.350
انها بتفتقد الى المصداقية والواقعية. فشخص يعطيك امورا عامة آآ لم يخوضها بنفسه او تجارب لم لم يسر في هذا الطريق بنفسه. انما هو واخد واخدها من كتاب فلان او من كتاب فلان. قد تكون نافعة. لكن في رأي ان

83
00:23:18.350 --> 00:23:39.300
الانسان بالتجربة سيكتشف آآ كثيرا مما في نفسه من الخير وسيكتشف قصوره كذلك. ويعجبني آآ آآ يعني بيت للمتنبي كان يتكلم فيه عن اه مم ان الانسان لا يكتشف مواهبه الا بالتجربة. فقال اذا كنت في شك من السيف فابله. فاما تنفيه

84
00:23:39.300 --> 00:24:03.300
اما تعده وما الصارم الهندي الا كغيره اذا لم يفارقه النجاد وغنده. فلابد الانسان يجرب نفسه حتى يعرف جوانب الخير هو جوانب النقص يبقى دي فكرة بقى نبدأ بها العلم بالتعلم ومن يتصبر يصبره الله. يبقى انا ممكن اغير نفسي وممكن اكتسب الصفات الحلوة اللي ناقصاني. وممكن اترك الصفات الوحيدة

85
00:24:03.300 --> 00:24:26.950
انا كسلان عندي هوا عندي شهوة اه عندي تشتت عندي اضطراب ناقصني مهارات كل هذا يمكن ان احصله ويمكن ان اتخلى عما آآ يعني اراه ليس مناسبا يبقى دي فكرة مهمة جدا. نبدأ بقى هنا عشان نتكلم عن طالب العلم او اي انسان يريد ان ينجز طريقا. ركز هنا نحن نتكلم عن الطريق

86
00:24:26.950 --> 00:24:42.250
الذي يكون عملا صالحا. نحن هنا لا نتكلم كما يتكلم الكفار في التنمية البشرية او تغيير النفس. انك انت تصنع شيء لنفسك او مجدا مجدا لنفسك او دنيا آآ او لتكون مشهورا او عظيما لا

87
00:24:42.350 --> 00:25:01.350
في الاسلام المؤمن يريد ان يغير نفسه بما يرضي الله. فعنده امران مهمان ان يكون الطريق الذي اختاره لتغيير نفسه مع مشروعا اصلا يعني يكون مشروعا. والامر الثاني ان يبتغي به وجه الله حتى يكون عملا صالحا يؤجر عليه

88
00:25:02.450 --> 00:25:15.650
فاحنا بقى هنا آآ لما نتكلم عن الهدف لابد انك تعرف ان اي هدف فيه بابان عظيم ان ركز فيهم بقى عشان دي خلاصة مهمة. ان شاء الله  الباب الاول هو الامانة

89
00:25:15.800 --> 00:25:32.650
والباب الثاني هو القوة في حد قال حاجة ممكن حد يكتب آآ بيت المتنبي انا هقوله لك تاني ان كنت في شك من السيف فابله فاما تنفيه واما تعده. وما الصارم الهندي الا كغيره اذا لم يفارقه

90
00:25:32.650 --> 00:25:50.350
النجاد وغنده يعني الانسان لو كان شاكك في موهبة عنده مثلا طبعا هو كان بيكلم احد اصحاب الجاه يعني واراد منه ان يجربه آآ فقال له يعني جربني انت لو جربتني هتلاقي فيها حاجات كويسة كتيرة او تلاقي في اشياء محتاجة تعديل اعدلها

91
00:25:50.400 --> 00:26:04.550
خلينا نرجع تاني يا شباب لفكرة اللي هي فكرة القوة والامانة اي انسان يريد ان يصلح نفسه او يصلح اهل بيته او يصلح اي انسان لابد ان يعرف ان هناك بابان عظيم ان

92
00:26:04.700 --> 00:26:32.100
الباب الاول هو الامانة. الامانة هو باب جامع يجمع تحته كل معاني الايمان يدخل في ذلك آآ مثلا تنقية القلب من الرياء والكبر والحقد وشح النفس والحسد آآ يدخل فيه آآ صلاح القلب الاخلاص الصدق يدخل فيه التواضع يدخل فيه حسن الخلق يدخل فيه شعب الايمان

93
00:26:32.100 --> 00:26:54.900
اسعى في تكميل شعب الايمان للمحافظة على الفرائض وقيام الليل وحقوق الناس. حق الله وحق آآ حق الوالدين حق الزوجة حق الابناء حق الجار يبقى المكون الاصلي الذي هو تأسيس ونواة. ينبغي ان ينطلق منها اي انسان يريد ان يصلح نفسه بطريق يرضيه

94
00:26:54.900 --> 00:27:15.300
الله هو ان يسعى في آآ اكمال الامانة والامانة كما قلت لكم صفة جامعة لكل ابواب الخير هل هذا بقى يخص طالب العلم او متعلم القرآن لا. هذا كل مسلم ينبغي ان يجاهد نفسه في تكميله في هذا الباب. عايز بقى

95
00:27:15.300 --> 00:27:35.300
كده يبقى نجار يبقى سباك يبقى ربة منزل يبقى تاجر يبقى رجل اعمال يطلع الفلك يكون عنده شقة ملك في على سطح القمر اي حاجة. لازم يعرف ان الايمان هو الاساس الذي يبنى عليه كل شيء. لذلك النبي صلى الله عليه وسلم لما تكلم عن القوة قال المؤمن القوي خير واحب الى

96
00:27:35.300 --> 00:27:55.700
والله من المؤمن الضعيف وفي كل خير المؤمن القوي. ان خير من استأجرت القوي الامين. فمرتكز الامانة هذا امر عظيم جدا بكل ابوابها فلازم انت بقى تكون متصور للامانة. واخد بالك وهذا هو الذي يعني اول ما نزل ان الامانة نزلت في جذر قلوب الرجال

97
00:27:55.950 --> 00:28:11.600
آآ يعني ثم نزل القرآن فعلموا من القرآن وعلموا من السنة فبين ان الامانة بكل معانيها الايمان بكل معانيه يبقى الفكرة الاولى مهمة جدا في تأسيس المسلم وتكوينه. يعني ايه تأسيس؟ يعني ان يكون قلبه نظيفا

98
00:28:11.800 --> 00:28:28.350
ان يكون قلبه طيبا ان يكون قلبه سليما. ده بقى محتاج محتاج اتجاهين. حد بيقول ازاي افرق بين تحركي آآ ايمانا وحماقة او حماسة ما دا انت بتعرفه بقى بالعلم انك انت تفرق بين الامور اللي فيها تهور والامور اللي فيها حكمة

99
00:28:28.800 --> 00:28:38.800
لكن احنا الان بس بنحط مفاتيح. اننا تأسيس القلب على معاني تزكية النفس. دي مهمة جدا يا شباب. دي بقى بيشترك فيها اي انسان. يعني لو حتى واحد معنا بيقول انا مش عايز ابقى طالب

100
00:28:38.800 --> 00:29:02.950
العلم يهمه هذا الكلام ان انا اؤسس قلبي آآ واؤسس بدني على آآ معاني الخير وعلى السعي في تكميل شعب الايمان. ايه يعني آآ تزكية النفس والعمل الصالح والعبادات رائد والمستحبات يكونوا لي فيها قدر. واحاول ان اضرب في كل شعبة من الايمان بسهم. يعني اقوم الليل حتى ولو بركعتين والوتر. اصوم مثلا يوم

101
00:29:02.950 --> 00:29:16.800
في الشهر اه مثلا طبعا احافظ على الحقوق حق الجار حق الوالدين حق امي حق ابي حق زوجتي ابنائي. فهذا التأسيس مهم يا شباب بعد ذلك بقى سنتكلم في القوة

102
00:29:16.900 --> 00:29:29.500
يبقى دي فكرة مهمة جدا ان تأسيس الانسان في معاني الامانة ده مهم الفكرة بقى التانية هي القوة. القوة دي بقى بتختلف من مجال لاخر. يعني ايه يعني انا مثلا

103
00:29:29.550 --> 00:29:49.550
حينما اتكلم عن شخص يريد ان يكون مترجما او شخص يريد ان يكون مثلا استاذا في الفيزياء والكيمياء. اي باب من الابواب له مكامل القوة في فهمنا كده؟ مسلا انسان يريد ان هو يكون جسمه قوي. فمحتاج ان هو يعني تلاقي مسلا واحد بطل في مسلا او او مسلا انت عارف في الصيف لما بييجي

104
00:29:49.550 --> 00:30:04.300
صيف الشباب عايزين يلبسوا فالنات نص كم فبيعملوا ايه يقعد كان الاول زمان اه يهتم بالجزء الفوقاني يعني دراعاته وكتافه تلاقيه ماشي عامل كده وبعد كده تلاقي رجليه قد كده زي الفتلة. فهمنا كده؟ دلوقتي ما بقاش بيلعب غير دراعات بس عشان يلبس الايه؟ القميص النص

105
00:30:04.300 --> 00:30:17.450
وبقى ايه الفانلة قافلة عليه كده. فده بقى نقص في الايه؟ هذا نقص في الادوات ان هو آآ ممكن يكون مش متصور معاني القوة مش متصور ازاي يحصل شعب هذه القوة

106
00:30:18.000 --> 00:30:38.000
يبقى نحن الان تكلمنا عن المؤسس الاول في كل مسلم هو الامانة. شعب الايمان التي فيها الصدق الاخلاص تنقية القلب من الرياء والحسد وشح النفس ومجاهدة النفس في ترك ما لا يرضي الله من المعاصي. مجاهدة النفس في العمل الصالح وشعب الايمان

107
00:30:38.000 --> 00:30:54.900
والواجبات. هذا اساس ينبغي ان يسري في نفس كل مؤمن. يسعى فيه قدر الامكان الطريق الاخر بقى هو القوة. القوة هذه تختلف كما قلت لكم من مجال لمجال اخر. القوة في الدراسة في الجامعة غير القوة في القوة البدنية غير القوة

108
00:30:54.900 --> 00:31:15.450
اه في مثلا في ان واحد عائز يكون دكتور في الجامعة او واحد عائز يكون تاجر او رجل اعمال فانا هنا بقى ساتكلم عن القوة التي تخص طالب العلم لان هذا هو اساس الايه؟ الكلام. وان كنت احاول ان اتكلم بكلام عام ينفع المستمع ايا كان توجهه. لكن احب ان اخص هنا لان كتير من الشباب طلب مني

109
00:31:15.450 --> 00:31:32.850
هذا ما معنى القوة القوة هي نوع من التمكن انه يكون عنده مكنة احنا عندنا باب اللي هو باب الاخلاص والصدق والتواضع والطيبة ده باب. وفيه باب اخر القوة اللي هو الصبر والعزم والجلد

110
00:31:32.850 --> 00:31:47.150
وادارة الوقت وتصور ما تطلب. يبقى هذا باب وهذا باب اخر. لذلك النبي صلى الله عليه وسلم ماذا قال لابي ذر؟ قال لا اني احبك لك ما احب لنفسي من الخير لا تأمرن على اثنين

111
00:31:47.400 --> 00:32:05.650
يعني انت ما ينفعش تكون امير ليه؟ هل هو فاقد للامانة؟ لأ هو امين. وهو من من اكثر الناس امانة. لا شك لكن هو عنده مشكلة ان هو ليس عنده القوة التي تؤهله لكي يكون اميرا. يحتاج الحزم والعزم. يحتاج الاقدام

112
00:32:05.650 --> 00:32:21.550
يحتاج الحكمة يحتاج كذا فعنده باب لكن عنده نقص في باب اخر يبقى القوة فيها معاني غير معاني الامانة واضح ممكن يكون في مسلا واحد انت تعرفه نجار وهو احسن نجار بس غشاش. كذاب

113
00:32:21.650 --> 00:32:41.650
يعني ممكن انسان يكون رجل اعمال ناجح جدا لكنه نصاب. ممكن يكون انسان عظيم في قومه لانه لكنه مدلس. غشاش متكبر. فهذا باب وهذا باب ممكن انسان يكون دكتور عندك في الجامعة وهو متقن جدا لبابه يكون اشهر طبيب في الدنيا. ويكون يعني بيعمل عمليات لا يستطيعها انسان. لكنه مثلا فاسق او

114
00:32:41.650 --> 00:33:04.800
او فاجر. فليس هناك تلازم قط ليس هناك تلازم قط بين فكرة بين القوة والامانة. ممكن يكون انسان امين جدا لكنه ضعيف العزم ممكن يكون كسلان ممكن يكون آآ ما عندوش صبر او جلد عادي وممكن يكون العكس يكون انسان قوي وصبور وعنده جلد لكن ليس عنده امانة

115
00:33:04.800 --> 00:33:26.050
فنحن هنا نقول ان يسعى الانسان في اي مجال في ان يكمل شعب الامانة وشعب القوة هذا هو احسن ما يكون. وهذا معنى المؤمن القوي. ان خير من القوي الامين. واني عليه لقوي امين. دي معاني مهمة جدا اولي الايدي والابصار. ان يكون انا اعلمكم بالله واشدكم له خشية

116
00:33:26.650 --> 00:33:48.500
فمهم بقى قوي انك انت تكون متصور للقوة لان ممكن واحد يعمل ايه بقى؟ يكون عنده قوة كده بس بالبركة بالفهلوة يعني. لأ القوة مش هي تعب افهم القوة ليست مجرد التعب وانما القوة هي محتاجة علم وتصور وبعدين محتاجة بقى مجهود وصبر. يبقى انت محتاج تلات مفاتيح. تصور

117
00:33:49.750 --> 00:34:09.700
وجلد وصبر عشان يخليك مستمر لان ممكن واحد مثلا النهاردة سمع برنامج عن الرياضة فسخن مش هو مش متصور هيعمل ايه. قعد يتدرب يومين وبعد كده نام. واحد سمع برنامج عن آآ طلب القرآن او تعلم القرآن. قال لك النهاردة انا هحفظ القرآن

118
00:34:09.700 --> 00:34:30.900
حفز شوية بس هو مش عارف مش عارف كيف يحفز ولا كيف يستمر. فقعد يومين ومشي. لذلك فيه فرق بين العزيمة على الرشد والثبات في الامر كيف نزيد القوة لما نفهم القوة الاول هنعرف ازاي نزيدها ان شاء الله ما احنا عايزين نتكلم عن فكرة التصور وفكرة وفكرة الاستمرار او الزيادة

119
00:34:30.900 --> 00:34:42.650
القوة بقى معناها ايه باختصار القوة فيها باب مهم وهو التصور ان انا اتصور ايه هي الامور اللي ناقصاني او هي الامور اللي انا محتاجها. يعني لو انا مثلا بتعلم لغة عربية

120
00:34:42.650 --> 00:34:56.600
محتاج اعرف ان اللغة العربية فيها قواعد وفيها محادثة وفيها آآ وفيها استماع وفيها حوار آآ وفيها مثلا آآ قراءة املاء محتاج اتصور كل ده. وبعدين ابقى اعرف بقى مراحله وازاي ادخل فيه

121
00:34:57.600 --> 00:35:14.000
بشكل عام يا شباب القوة فيها مفاتيح. هحاول انا آآ اكلمك عن المفاتيح دي فيه مفتاح التصور هنتكلم عنه بالتفصيل. فيه مفتاح الجلد والصبر. فيه مفتاح المهارات. يعني ايه المهارات؟ يعني مثلا انت عارف لو لو في لاعب كورة

122
00:35:14.000 --> 00:35:27.150
لاعب الكورة ده ممكن تلاقيه سريع بس ما عندوش تحمل. لو المباراة يعني ما يقدرش يلعب الايه الساعة ونص كلها. يلعب خمسة واربعين دقيقة وبعد كده يموت. فعنده سرعة وممكن يكون عنده قوة بس ما عندوش مهارات

123
00:35:27.300 --> 00:35:37.300
ممكن يكون عنده مهارات ناقصة ما بيعرفش يشوط ضربات جزاء. ما مسلا ما بيعرفش يلتحم مع واحد ضعيف اول ما يلتحم مع واحد يقع. ما بيعرفش يطلع فوق عشان يضرب

124
00:35:37.300 --> 00:35:57.050
ما يعرفش ينط عشان يلعب برجليه. في نقص مهارات لان مثلا في مهارة الدقة التوازن المرونة الرشاقة التحمل القوة في في مجموعة السرعة فهو لازم يسعى في تكميل هذه المهارات بحيث انه يكون جاهز في اي وقت لانه يعني

125
00:35:57.050 --> 00:36:16.250
هذه المهارة في وقتها دي مهمة جدا. في بقى من ضمن القوة اه حد بيقول حاجة اه ان شاء الله الحلقة تكون موجودة بازن الله. معلش الحلقة تكون طويلة بس عشان انا هحاول اخلص فيها لان اه في رمضان ممكن شوية ما يكونش فيه عندنا وقت نعمل كده عشان الناس بتكون مشغولة بالقرآن

126
00:36:16.250 --> 00:36:30.600
او ببرامج معينة لها فيعني نحاول نخلص ان شاء الله المفاتيح دي باذن الله. ويا رب تكون مفيدة لكم ان شاء الله  آآ من ضمن برضو الامور المهمة جدا في موضوع القوة. تهيئة الجو البيئة اللي حواليك

127
00:36:30.700 --> 00:36:50.050
لو اي انسان عايز يعمل شيء وما هياش الزروف اللي حواليه يبقى هو عايز يتعب مرتين. يتعب في الشيء ويتعب في الظروف اللي حواليه واضح كده؟ فاحيانا يعني تخيل سمكة مثلا ماشية عكس التيار. مهما كانت قوية جزء من قوتها بيضيع في في مجابهة التيار

128
00:36:50.050 --> 00:37:10.500
لكن لو في سمكة ضعيفة ماشية مع التيار او مهيئة التيار حواليها هو ده الصح فانا بقى لازم اهيأ الجو حواليا في الهدف اللي انا عايزه واضح وده برضو له يعني مفاتيح ان شاء الله ممكن نتكلم عنها ازاي تهيأ البيئة اللي حواليك ان شاء الله. لكن انا بحط لك مفاتيح. مهمة جدا ادارة الوقت. اعرف ان انا امتى اعمل

129
00:37:10.500 --> 00:37:20.500
اه حافظ على وقتي ما اضيعش وقتي كواحد مشترك مع عشرين برنامج علمي واحد مشترك مع ميت قناة على يوتيوب واحد مشترك مع مئة ناشط كل ما هو ناشط منهم يكح

130
00:37:20.500 --> 00:37:30.500
هو عايز يعرف هو كح ازاي بعدها لن يبقى له جهد ولا قلب ولا عقل عشان يفعل ما يريد. واضح كده؟ فيه ناس كده عايزة تفضل في مقاعد المتفرجين وخلاص

131
00:37:30.500 --> 00:37:48.450
مش عايز ينزل السباق. فخلاص ده كده المفروض مش معنا بقى خالص. احنا بنتكلم عن واحد عايز يدخل فعلا عايز يسابق الى الله سبحانه وتعالى الامور المهمة جدا في القوة العادات اليومية بصحى امتى بنام امتى باكل ايه باكله ازاي آآ الرياضة آآ فيه اشياء كثيرة جدا مهمة التغذية

132
00:37:48.700 --> 00:38:02.600
ندخل بقى هنا بقى على ايه؟ طلب العلم بقى كده لحد دلوقتي احنا كل ده بنتكلم بخطوط عامة. لما نيجي نتكلم بقى عن واحد يريد ان يكون متقنا لعلوم سريعة او على الاقل يكون ماشي صح. لان احنا اتفقنا ان احنا

133
00:38:02.700 --> 00:38:17.050
ما يهمناش ان احنا نوصل يهمنا ان احنا نكون ماشيين صح. اما بقى النتيجة دي على ربنا تبارك وتعالى ومعنى الكلمة اللي بيقولها كتير من الناس انا عملت اللي علي والباقي على الله كتير من الناس بيقولوا ده معنى غلط مع ان ده معنى صحيح جدا. هو ده فكرة استعن بالله ولا تعجز

134
00:38:17.100 --> 00:38:30.600
لا تعجز يعني لا تقصر في الاسباب المتاحة لك. واستعن بالله يعني لا ينعقد قلبك ولا يتوكل قلبك على هذه الاسباب. فهذا معنى جميل جدا. فانا بقى محتاج محتاج ان انا على الاقل ان التقصير ما يكونش من ناحيتي

135
00:38:30.750 --> 00:38:43.550
هنا بقى عندنا شباب اول فكرة كتير من الناس وهو بيطلب العلم بيتجاوز يعني بينط كده بيدخل على ايه بيدخل على مرحلة عارفين لما واحد يبدأ بتمرينات القوة معلش انا بضرب لكم امثلة كتيرة بالرياضة

136
00:38:43.550 --> 00:39:03.550
كتير حتى منكم طلب حاجة زي كده. داخل على تمرين الضغط والبطن والتمرينات اللي فيها يعني تمرينات مركبة. من غير ما يكون عمل احماء او تسخين للعضلات. هو ده بالظبط. واحد دخل عايز يتعلم علوم حديث او فقه او عقيدة او يدرس بقى دي المصيبة الكبيرة انه يدرس في مسائل الفقه الفكر والفلسفة والمنطق وهو اساسا ما عندوش قاعدة دينية

137
00:39:03.900 --> 00:39:13.900
بقت موضة دلوقتي ان انسان يقعد يحط في كلامه ان هو بيدرس مسلا بيقرأ الاسبينوزا وجول لوك ومش عارف وبيرت راند راسل واي فبيحط بقى جمال عليه ودي من الايه من التقليعات

138
00:39:13.900 --> 00:39:33.900
اللي هي للاسف اخدناها من سلطة الايه الثقافة اللي هي غالبة عندنا ان الانسان حاطط نفسه انه متخلف فعايز يدفع عن نفسه شبهة التخلف فحتى ما بقاش بيتكلم بالايات والاحاديث. هو فرحان قوي ان واحد لو واحد قال له قال الله ما بيعجبوش. لما يقول له مثلا قال فلان او فلان اللي هو آآ امريكي او مفكر او بتنجان

139
00:39:33.900 --> 00:39:45.500
فرحان قوي يعني ودي من المصائب اللي احنا عشنا فيها للاسف ان طالب علم ممكن تلاقي يعرف عن اروستو اكتر ما يعرف عن النبي صلى الله عليه وسلم ويعرف التفاصيل الفرق بين فلسفة ارسطو

140
00:39:45.500 --> 00:39:58.500
ومثلا وافلاطون وهو اساسا ما ما يعرفش يتوضا. دي موجودة كتير. ان شاء الله نبقى نتكلم عنها في وقت تاني مهم بقى جدا ان انا ما اتجاوزش مرحلة ان انا افهم لماذا اتعلم اصلا

141
00:39:58.750 --> 00:40:11.850
مقاصد العلم ده امر مهم جدا بيريحك ان لو انت مش فاهم مقاصد العلم صح يبقى انت بتحرت في الماية. او بتتعب غلط مقاصد العلم في الاسلام من يرد الله به خيرا يفقهه في الدين

142
00:40:12.100 --> 00:40:28.100
افمن يعلم انما انزل اليك من ربك الحق كمن هو اعمى انما يتذكر اولو الالباب لازم تفهم ان مقاصد العلم في الدين هذه محطة مهمة لازم افهمها. على العفو انا لماذا اتعلم؟ لماذا اقرأ القرآن؟ لماذا افهم التفسير؟ لماذا اتعلم حديث النبي

143
00:40:28.100 --> 00:40:40.800
صلى الله عليه وسلم لماذا اتعلم حكما شرعيا بداية لازم لابد انك تفهم ان في فرق كبير بين انسان بيعبد الله بالاشياء التي توارثها عن ابيه واجداده وبين انسان يعبد الله

144
00:40:40.800 --> 00:40:56.000
على علم شف النبي صلى الله عليه وسلم ربط بين العلم والخشية. انا اعلمكم بالله واشدكم له خشية. انما يخشى الله من عباده العلماء فهناك شيء من التلازم قريب. وان كان هو مش تطابق يعني ممكن الانسان يكون عالم ويكون غاوي

145
00:40:56.250 --> 00:41:11.150
واضح وممكن يكون انسان عابد ويكون جاهل ما فيش تلازم. لكن بتكلم عن العلم النافع فالعلم النافع لا شك لا يمكن يتساوى انسان يعلم القرآن ويعلم براهينه ويعلم النبي صلى الله عليه وسلم وسيرته ويعلم

146
00:41:11.150 --> 00:41:26.600
بينات القرآن بانسان تلقى عن ابيه كيف يتوضأ وكيف يصلي لأ الايمان الموروث والعلم الموروث عن ابيك او في المدرسة هذا لا يمكن ان يكفي في ان تواجه كل هذه الحياة

147
00:41:26.850 --> 00:41:46.850
في هذا العالم المفتوح تلاقي دلوقتي شاب يقول لك لماذا الشباب مثلا بيشكوا في دينهم او بيتشتتوا او بيقبلوا الشبهات لانه ما عندوش قاعدة اساسا. ليس عند او تقوى يقوى بها على آآ الطاعات وترك المعاصي. ليس عنده محكمات يرد اليها الشبهات. ليس عنده قواعد يدفع بها الاشكالات والاعتراضات

148
00:41:46.850 --> 00:41:56.850
هو عامل زي الهوا كده. ما لوش اي حاجة. ممكن واحد يحطه كده يعني يحطه في جيبه. ييجي واحد مسلا علماني او او كافر او ملحد او منصر يحطه في جيبه

149
00:41:56.850 --> 00:42:12.500
مش فاهم حاجة. ليست المشكلة في قوة الشبهة وانما في ضعف المتلقي. واضح يعني لما يكون انسان مريض ويطلع في الهوا فبيجي له برد ليه؟ عشان الهوا بيجيب برد لأ عشان هو اصلا مش مستحمل. فالشبهة هوى ولا لها اي قيمة. لكن

150
00:42:12.500 --> 00:42:27.750
فينا فينا احنا. فلابد ان تفهم انك كانسان عادي مش طالب علم لابد ان تسعى في العلم بدينك قدر الامكان. هذا امر اساسي يبقى من مقاصد العلم ان ان اعرف ديني. وان اعرف ربي

151
00:42:27.850 --> 00:42:37.850
آآ ربنا سبحانه وتعالى قال عن الصحابة ويرى الذين اوتوا العلم الذي انزل اليك من ربك هو الحق. وهذا يدخل فيه بقى كل من علم الحق. سواء كانوا اهل الكتاب الذين كانوا

152
00:42:37.850 --> 00:42:55.750
تعرفون ان النبي صلى الله عليه وسلم هو الحق وامنوا او يدخل في النبي صلى الله عليه وسلم ومن معه من الصحابة او كل مؤمن علم الحق ليس من مجرد انه لقن هذا الحق ولكنه خبر هذا الحق. علم بيناته. علم الفرقان بين الحق والباطل. وعمر بن الخطاب قال انما

153
00:42:55.750 --> 00:43:16.100
وذعور الاسلام عروة عروة اذا نشأ في الاسلام من لا يعرف الجاهلية. هناك جزء اساسي جدا لازم تفهمه ان الثبات على الهدى وانكار الباطل هذا لا يأتي بمجرد انك تعرف ان ده حلو وده وحش لأ. لابد ان ان تعرف لماذا هذا هو الحق ولماذا هذا هو الباطل؟ وهذا معنى

154
00:43:16.100 --> 00:43:31.400
وصف القرآن بانه هدى للناس وبينات من الهدى والفرقان. بينات ان هذا هدى وبينات ان هذا فرقان. وهذا هو معنى اطمئنان القلب. وهذا هو معنى قوله هرقل لما سأل ابا سفيان وهرقل كان من من من العلماء في في دينه

155
00:43:31.650 --> 00:43:46.550
وان كان بعد ذلك كفر حبا في الدنيا. لكن المهم ان هو قال كلمة دقيقة. بيقول آآ لما سأل عن اتباع النبي صلى الله عليه وسلم. فقال ابو سف سفيان يعني ضعفاؤهم قال هل يرتد احد منهم سخطة على دينه بعد اذ دخل فيه

156
00:43:46.800 --> 00:44:02.750
قال لا. فهو فسر ذلك بايه؟ ذلك الايمان اذا خالطت بشاشته القلوب النبي صلى الله عليه وسلم لما علم الصحابة علمهم قواعد هذه القواعد راسخة تجعلهم ركز بقى مهيئين لاستقبال اخبار الوحي

157
00:44:03.050 --> 00:44:13.050
الوحي بقى ده هيجي يقول لك ان النبي صلى الله عليه وسلم اسري به من المسجد الحرام الى المسجد الاقصى في ليلة. والمعراج آآ وبعد كده يكلمك عن اخبار عن قوم نوح

158
00:44:13.050 --> 00:44:32.650
قوم هود واخبار في الجنة والنار واخبار الامم السابقة. واخبار ان الله ينزل مثلا الى سماء الدنيا حين يبقى ثلث الليل الاخر او الرحمن على العرش استوى. او مثلا قلوب بني ادم بين اصبعين من اصابع الرحمن يصرفها كيف شاء. هذه الاخبار اذا لم يكن القلب مطمئنا بالايمان كيف يقبلها

159
00:44:33.000 --> 00:44:45.600
هذا جانب الاخبار. طب جانب الاحكام جانب الاحكام فيه آآ مثلا آآ مناسك الحج وانت لا تعرف ما الحكمة منها. لماذا تطوف حول حجر ولماذا تأتي في مكان معين تغير ملابسك

160
00:44:45.600 --> 00:45:05.600
الاحرام ولماذا يحرم عليك الطيب في هذا الوقت؟ ولماذا مثلا يعني تسعى بين الصفا والمروة لماذا؟ تقف بعرفة كل هذه الامور اذا لم يكن عندك ايمان راسخ بان هذا النبي يأتيك بالحق وان لم تعلم وجه هذا الحق. هو ده معنى قول عمر اعلم انك حجر لا تضر ولا تنفع لولا

161
00:45:05.600 --> 00:45:23.600
اني رأيت النبي صلى الله عليه وسلم يقبلك ما قبلتك يبقى هذا باب الاحكام. انك تأتيك احكام ربما ظننتها خطأ وواخد بالك وعسى ما كتب عليكم القتال وهو كره لكم وعسى ان تكرهوا شيئا وهو خير لكم وعسى ان تحبوا شيئا وهو شر لكم. فكيف تتقبل؟ قلنا قبل كيف تتقبل

162
00:45:23.600 --> 00:45:41.750
قبل الاخبار كيف تتقبل الاحكام؟ هذه مهمة جدا. ثم كيف تدفع الشبهات؟ يعني حينما يعني يأتونك باية ويقولون هذه الاية متناقضة. او ان النبي صلى الله عليه وسلم فيحل لنفسي اشياء ويحرمها عليكم. كل هذه شبهات. هذه الشبهات هواء لا قيمة لها

163
00:45:42.000 --> 00:46:03.400
واضح لكن المشكلة ان في ضعفك انت. فمن هنا تفهم ركز بقى ان هرقل استدل ركز عشان دي دقيقة جدا هرقل استدل لصحة نبوة النبي صلى الله عليه وسلم بانه اسس اصحابه على معاني الايمان الصحيحة. التي لا

164
00:46:03.400 --> 00:46:23.400
اجعل واحدا منهم يرتد عن دينه سخطة عليه بعد اذ دخل فيه. دي بقى مهمة جدا. فبالتالي لو انت فاكر ان مجرد معرفة للمعلومة دون ان تعرف حجتها وبيناتها يمكن ان تجعلك راسخا فيها متمسكا بها. كمن عرف ادلتها وحجتها

165
00:46:23.400 --> 00:46:41.950
يبقى انت كده فاهم غلط. يبقى دي فكرة مهمة جدا تأسيسية. فكرة معرفة مقاصد الشريعة. لماذا اتعلم العلم اتعلم العلم حتى اكون على بينة من ديني. يعني افمن كان على بينة من ربه كمن زين له سوء عمله واتبع اهوائهم. يعني شف ربنا جعل الناس اما عالم به او

166
00:46:41.950 --> 00:46:57.400
اعمى افمن يعلم انما انزل اليك من ربك الحق كمن هو اعمى انما يتذكر اولو الالباب وقال عن اللي هم يهتمون بعلوم الدنيا ولا يعرفون دينهم الذي يقابلون به ربهم. قال وعد الله لا يخلف الله وعده ولكن اكثر

167
00:46:57.400 --> 00:47:10.900
اكثر الناس لا يعلمون يعلمون ظاهرا من الحياة الدنيا. وهم عن الاخرة هم غافلون فجعلهم والجهال سواء لان الانسان اذا لم يعلم اخص ما خلق له فما ينفع فما ينفعه بقية العلم

168
00:47:11.050 --> 00:47:29.500
ليس معنى ذلك انك انت تتفرغ تماما للعلم. انا لم اقل ذلك ولكن اقول ادخر فراغك لان تعرف دينك يبقى مقاصد العلم قلنا ان تكون على بينة من ربك وان تحسن عبادتك لله تبارك وتعالى وان تعرف ماذا يجب عليك وكيف تعبد الله الى غير ذلك من الامور

169
00:47:29.500 --> 00:47:39.500
طيب يبقى دي المقاصد. بعد كده بقى انت عندك مرحلة مهمة جدا اللي هي علوم الايه؟ معلش في ناس جنبنا شغالين في بيت مش عارف الصوت عندكم واضح ولا لا. ناس عمالين يخبطوا

170
00:47:39.500 --> 00:47:52.600
كسروا بس يا رب الصوت يكون واضح اه الفكرة بقى التانية مهمة انا بقى خلاص اتفقت ان انا عرفت مقاصد العلم انه لوجه الله وانني اريد ان اكون على بينة من ربي او اريد ان اتعلم لاعلم الناس وادعو الى

171
00:47:52.600 --> 00:48:06.300
الله وهذا مقصد عظيم جدا. ومن احسن قولا ممن دعا الى الله وعملا صالحا اعلم الناس الخير. ارد الباطل. كل هذه نيات جميلة. كلما اجتمعت هذه النيات كلما كان دافعا اكثر وكلما زاد

172
00:48:06.950 --> 00:48:26.150
آآ كلما زاد يعني آآ عزمك على الاستمرار طيب الحمد لله الصوت واضح اه نيجي بقى لفكرة علوم الشريعة. احيانا الانسان مثلا يا شباب يكون عايز يتعلم بس هو مش متصور ايه هي علوم الشريعة فتلاقيه مضيع عمره كله في اتجاه واحد وهو ابيض في الاتجاهات التانية

173
00:48:26.350 --> 00:48:36.350
يعني ايه؟ يعني ايه هو يعني مثلا واحد عايز يتعلم الشريعة محتاج يفهم ايه هي ايه العلوم الشريعة اصلا عشان احاول يعني اضرب فيها بسهم. احيانا طالب علم يجي لي دلوقتي بيقول لي انا عايز ابدأ

174
00:48:36.350 --> 00:48:48.950
بس عايز اتخصص في الحديث. انا بحب الحديث بقى. واحد يقول لي انا مغرم بالحديس. آآ انا بقى بحب القرآن مش عايز ادرس غيره آآ لا ده دي فكرة مش صح يا شباب. علوم الشريعة مترابطة جسد واحد

175
00:48:49.000 --> 00:48:58.750
ففكرة ان انا ادخل انط كده على التخصص من قبل ما يكون عندي ارضية في كل المواد انا في رأيي ان هذا نقص كبير جدا. فيبقى احنا عايزين نتكلم عن

176
00:48:59.050 --> 00:49:19.050
علوم الشريعة بشكل عام. انا عندي مثلا علوم القرآن يا شباب وهذه تحتها ابواب. عندي علوم الحديث وهذه تحتها ابواب. عندي اه مثلا اه الفقه اللي هو الاحكام الايمان اللي هو سمي بعد ذلك بالعقيدة. آآ عندي مثلا اصول الفقه. عندي علوم العربية اللي هي النحو عندي السيرة. عندي

177
00:49:19.050 --> 00:49:38.000
تاريخ عندي مثلا الاخلاق والاداب عندي الفكر. وآآ العلوم الانسانية التي تتقاطع مع الدين احيانا في مسائل. آآ فدي ابواب مهم ان انا اعرف ابواب العلم لما يبقى ده تصور طيب كل بقى علم من دول يا شباب خلينا نحط نحط كده الكاميرا

178
00:49:38.150 --> 00:49:56.500
او نحط يعني نسلط الضوء على علم منها آآ حد بيقول تهيئة الجو معلش تقصد بها ايه. تهيئة الجو يعني هاضرب لك مثال تصور شخص عايز يبدأ برنامج غزائي آآ قال لك انا عايز بقى انا عايز ازبط نفسي عشان انا كده ضعت

179
00:49:56.800 --> 00:50:19.500
وجد ان في برنامج غزائي مسلا في في اكلات معينة مسلا هياكل مسلا بيض مسلوق هياكل آآ خضروات هياكل خس هياكل اي حاجة لكن هو ما جابش الاكل ده فلما يجي يفطر الصبح هيفطر ايه هيفطر البيت اللي هيفطر محشي هيفطر مسقعة هيفطر آآ وان كنت انا بفطر الحاجات دي وبحبها يعني. لكن اعتبر ان في واحد آآ عايز يعني يمشي على

180
00:50:19.500 --> 00:50:36.400
كلام الدكاترة فهو ازا ما هيأش الحاجات اللي هيعمل بها خلاص انسان عايز يتدرب في البيت وهو ما هياش الجو عشان يتضرب. انسان عايز يزاكر وهو ما هياش الجو للمزاكرة. فتهيئة الجو معناها الاخذ باسباب البيئة المحيطة لما تريده

181
00:50:36.400 --> 00:50:52.900
ان تفعل يعني مثلا واحد دماغه بتتشتت من الدوشة وهو بيزاكر في وسط الدوشة. لأ لازم يهيأ الجو حد بيقول لو تسمح نخلي الاسئلة في الاخر ماشي. يا ريت لو نخلي الاسئلة في الاخر انا قاعد معكم ان شاء الله لحد ما لحد ما انتم تقولوها بس ان شاء الله

182
00:50:53.850 --> 00:51:08.700
آآ نرجع بقى آآ للفكرة بتاعتنا احنا كنا وصلنا للعلم بقى. انا بقى خلاص عرفت ان علوم الشريعة علوم القرآن علوم الحديث الفقه السيرة مثلا آآ آآ اصول الفقه علوم العربية او اللغة العربية

183
00:51:08.900 --> 00:51:27.000
انا بقى عايز ادرس علم معين برضو لازم اعرف آآ ابواب هذا العلم. يعني مثلا العلم ده علم الحديث. علم الحديث ده جواه ايه حد بيقول بتفطر محشي والله لو اللي موجود. يعني اللي موجود يعني اي حاجة موجودة عادي ما بتفرقش ان شاء الله

184
00:51:27.250 --> 00:51:42.800
وكان زمان احنا يعني كنا بنطحن لكن دلوقتي بقى خلاص ما عادش الواحد بيطحن زي زمان آآ العلم بقى الواحد يا شباب لو انا مثلا عندي علم وليكن علم الحديث عايز ادرسه. مهم قوي انك قبل ما تدرس لازم تعرف ابواب هذا العلم او فروع هذا العلم

185
00:51:42.800 --> 00:51:56.300
تعرف ان في حاجة اسمها مصطلح الحديث وايه بتدرس ايه في مصطلح الحديث؟ دي مهمة آآ مثلا آآ علم علم مصطلح الحديث علم الرجال علم علل الحديث تخريج الحديث مصادر السنة

186
00:51:56.850 --> 00:52:06.850
اه حد بيقول لو افترضنا عدم وجود وجود الامكانيات لتهيئة الجو. انا عن نفسي صراحة يعني رافض فكرة تهيئة الجو. انا بكلم تهيئة الجو لواحد مبتدئ. انما لو واحد عنده عزم

187
00:52:06.850 --> 00:52:24.800
كبير فانا دائما بقول قاعدة واكيد الناس اللي متابعاني عارفة القاعدة دي ان الارادة اعظم من الادوات ان الانسان يعني اذا كان عنده قوة ارادة باذن الله يستطيع ان هو يعوض نقص الادوات. لكن كثرة الادوات لا تعوض الارادة. فانا

188
00:52:24.800 --> 00:52:36.750
ما فيش حاجة اسمها عندي ان انا ما اعرفش ازاكر في الدوشة. لأ انا عودت نفسي ان انا ازاكر في الدوشة. ازاكر في القطار. ازاكر في الطائرة. اه ازاكر والولاد بيعملوا دوشة بيضربوا بعض. ما عنديش مشكلة. لازم انت تعود

189
00:52:36.750 --> 00:52:54.100
نفسك انت تصنع الجو بمعنى انك انت تكيف نفسك على الجو لانك لو انت بقى اشترطت شروط قبل ان تبدأ يبقى مش تخلص يعني العلم الواحد بقى يا شباب احنا يبقى نتكلم عن مسألة التصور دي اهم شيء عندنا البداية التصور. تصورت العلوم وتصورت العلم الواحد في فروع

190
00:52:54.650 --> 00:53:08.150
معلش لو الناس تخلي الاسئلة في الاخر عشان ما الشباب ما يتشتتوش معنا لو اتكلمنا عن ايه يا شباب؟ لو اتكلمنا عن العلوم. خلاص؟ فيه علم بقى انا عايز ادرسه. وليكن العقيدة مثلا

191
00:53:08.300 --> 00:53:18.300
فالعقيدة لازم اعرف ايه هي المسائل اللي فيها. لاني لو ما عرفتش الابواب اللي فيها ممكن اركز في باب واحد واضيع عمري فيه وافكر نفسي متخصص فيها. وانا كل اللي عملته باب

192
00:53:18.300 --> 00:53:30.700
واحد يعني مثلا لو انت درست واحد بيفكر ان العقيدة هي مجرد ايه التوحيد والشرك. ان انا يعني اخلاص العبادة لله وعدم الشرك. لأ هذا باب وان كان اعظم باب. لكن هناك ابواب كثيرة جدا

193
00:53:30.700 --> 00:53:50.700
المعرفة اللي هي مثلا العقل والوحي والفطرة والحس ده باب. واضح كده؟ آآ عندنا باب تاني اللي هو باب الايمان. وباب الكفر وموانع التكفير ومعنى الايمان وزيادة الايمان ونقصانه وشعب الايمان كل دي ابواب. وعندي بقى الصحابة وعندي مثلا الايمان بالله وملائكته وكتبه ورسله واليوم

194
00:53:50.700 --> 00:54:10.350
ومن الاخر في فروع كثيرة جدا. فلما واحد مثلا احيانا يدرس كتاب التوحيد ويدرس له عشر شروح يفكر انه بقى متخصص في العقيدة. ودي سمعتها من كتير من الناس والوهم بتاعه ده بينكشف حينما يعرف ان ابواب العقيدة اعمق واوسع. ثم يعرف ان الذي درسه هو مجرد مقدمة او خطوة في باب واحد تحت علم

195
00:54:10.350 --> 00:54:30.850
العقيدة. عشان كده بقول لك ان احيانا ضعف التصور يكون هو المشكلة مش ضعف الارادة. فيه انسان عنده ارادة ارادة بس ماشي غلط. تصور انا عايز اروح الاتجاه ده انا مثلا في اسماعيلية وعائز اروح اسكندرية. فخدت طريق السويس. يبقى ده طريق بقى مختلف تماما. ان انا انا بدل ما امشي كده مشيت كده

196
00:54:30.850 --> 00:54:43.850
فكل ما اجتهد همشي غلط. لأ يبقى انا محتاج ايه يا شباب ان انا اتصور كويس طيب آآ بعد كده فروع آآ تحت كل علم فروعه. بعد كده بقى مسائل كل فرع. شف الادق

197
00:54:44.000 --> 00:54:58.400
طبعا ده مش بتاخده في الاول انت في الاول بتاخد كتب عامة يعني تسخن بها. يعني مثلا لو انت في اصول الفقه خدت كتاب يمر على كل المسائل سريعا يبقى ده كويس مثلا في علوم القرآن عندك كتاب المقدمات الاساسية في علوم القرآن لعبدالله الجديع

198
00:54:59.050 --> 00:55:18.900
ده كتاب بيعرفك كل مسألة على السريع كده. وبيحط لك يعني شوية قواعد او محكمات يعني جامعة. لكن التفاصيل دي بتعرفها في المراحل التالية في كل بقى آآ باب تحته فروع. يعني لو اعتبرنا مثلا آآ علم الجرح والتعديل. علم الجرح والتعديل تحت علوم الحديث. طب الجرح والتعديل ده

199
00:55:18.900 --> 00:55:40.250
مساحته ايه بقى تحته بقى نشأة علم الجرح والتعديل. الفاظ الجرح والتعديل قواعد الجرح والتعديل. من هم النقاد الذين يتكلمون في الرواة؟ كتب الجرح والتعديل كيف اعمل ترجمة للراوي؟ طيب اعمل ايه في الفاظ الجرح والتعديل المتعارضة؟ دي كلها فروع تحت المسألة المعينة. يبقى انت كل ده عمال تنظر بعمق. وهي دي

200
00:55:40.250 --> 00:55:59.500
فكرة الشباب التأسيس والتكوين  طيب اه يجي بقى بعد كده فكرة اللي هي كيف اخطط للباب الذي اريد ان اتقنه يعني انا مثلا اريد ان اتقن علوم القرآن. كيف اخطط له؟ هي دي لابد فيها من معرفة ابواب علوم القرآن. مسائل علوم القرآن وراء

201
00:55:59.500 --> 00:56:20.150
راجع الرئيس في علوم القرآن مهمة جدا. لان كتير من الشباب دلوقتي عايش على الابحاث المعاصرة. ودي وده في رأيي اعظم سبب لقصور طلاب العلم. ان هو اه ليس عنده اه يعني اه مطالعة لتراث الائمة في كل باب يدرسه. تلاقيه مثلا بيدرس اللغة العربية اخره انه يدرس مثلا الكتب

202
00:56:20.150 --> 00:56:37.600
معاصرة لها. بيدرس علوم قرآن ليس عنده علاقة بتراث الائمة في علوم القرآن او علوم الحديث او الفقه او غيره ودي من اعظم اسباب ضعف طلاب العلم ان هم انقطعت صلتهم بالائمة المحققين. فلا هو يستطيع يقرأ لهم ولا عنده مهارات. ويعرف فقط المعلومات العامة

203
00:56:37.600 --> 00:56:51.900
هو يريد المعلومة الجاهزة وليس عنده عمق علمي او عنده مهارة ودي ازن اتكلمت عنها كتير. نيجي بقى للايه؟ للامر الثالث. احنا عندنا قلنا ان انت هتتصور علوم الشريعة وفروع الشريعة. ومسائل كل فرع والكلام ده

204
00:56:52.200 --> 00:57:07.850
من الامور المهمة جدا انك تتصور المهارات التي تحتاجها كتير من الطلاب فاكر ان طلب العلم هو معرفة المعلومة. لأ معرفة المعلومة ده للانسان المثقف. الانسان انا مسلا عارف معلومات في الطب عارف معلومات في التغذية. لكن انا مش

205
00:57:07.850 --> 00:57:26.500
مش متخصص في الطب ولا التغذية ولا ولا ان انا يعني متخصص في الفيزياء والكيمياء لأ اعرف معلومات لكن مش عارف جت منين ولا عارف اصولها فبالضبط الانسان الذي علاقته بالمعلومات هي انه عارف النتائج دون ان يعرف الطريق الذي وصلنا به الى النتائج. يبقى ده كده مش طالب علم

206
00:57:26.900 --> 00:57:42.200
يبقى لابد من تكوين المهارات المهارات دي بقى احنا قلنا بقى مهارات الكورة بقى القوة والسرعة والمرونة والرشاقة. مهارات طالب العلم ضبط القراءة. انك تكون بتعرف تقرأ تكون بتعرف تقرأ باللغة العربية. ده ده يعني بديهيات

207
00:57:42.300 --> 00:58:01.450
وتكون عندك مهارة الفهم. احنا اتفقنا ما تنساش حديث النبي صلى الله عليه وسلم. انما العلم بالتعلم. ومن يتصبر يصبره الله. يبقى لو انت مهم انك تعرف المهارة وتعرف انك هتقدر توصل لها ان شاء الله. ما تجيش تقول اصل انا ما بعرفش اقرأ. اصل انا مكسل. اصل انا ما بفهمش. اصل انا ما بحفظش. المعلومات بتطير. كل ده هييجي ان شاء الله بالادمان

208
00:58:01.700 --> 00:58:19.900
اعرف كده يعني انت ما فيش هناك خصلة في العلم الا وتستطيع ان شاء الله ان تصل لها بالمجاهدة والصبر والاستعانة بالله مهارة بقى ضبط القراءة مهارة الفهم تدريب نفسك على فهم كلام لم يشرح لك. ما تبقاش دايما مستني ان الشيخ يشرح لك. حاول تقرأ لوحدك وتفهم وتعرض

209
00:58:19.900 --> 00:58:36.100
فهمك للمعلم او اي انسان تثق في تدريب نفسك على الفهم تفكيك العبارة ان مسلا لو انت بتقرأ مثلا ده ده اللي احنا هناخده انك انت لازم يكون عندك ورد للائمة. الامام الشافعي الطبري ابن تيمية ابن القيم ابن كثير يعني اي واحد من المحققين ابن هشام او غيره

210
00:58:36.650 --> 00:58:50.800
لازم تحاول تقرأ لوحدك وتفكك المعلومات. يعني تعرف هو بدأ الكلام امتى؟ وما هي المسألة التي يتكلم عنها؟ وكيف صور هذه المسألة؟ وكيف عرضها؟ وكيف استدل لها؟ وكيف اجاب عما يعارضها؟ وكيف نقد الاقوال

211
00:58:50.800 --> 00:59:09.300
مخالفة وكيف قرر قوله؟ وكيف فسر الاية؟ وكيف شرح الحديث؟ كيف رد هذه الفكرة؟ وهكذا. واضح آآ ايضا من الامور المهمة جدا آآ في المهارات الاستدلال. انك لو عندك آآ نتيجة تعرف كيف تقيم الادلة عليها. آآ كذلك من المهارات مهارة حسن العرض

212
00:59:09.700 --> 00:59:21.950
مش كل واحد يعرف المعلومة يستطيع ان يعرضها. ومش كل واحد يعرف المعلومة ويعرضها يستطيع ان يجيب عن الاشكالات عنها. او يستطيع نقد ما يخالفها كل دي مهارات يا شباب

213
00:59:22.200 --> 00:59:37.400
صور نفسك انك لعيب كورة في لعيب كورة كده عنده كل حاجة يعني لو المباراة بقت خمس اشواط هو جاهز. عنده تحمل. لو مثلا الكورة بعيدة عنده سرعة. لو مثلا التحم مع واحد عنده قوة. لو جاءت ضربات جزاء

214
00:59:37.400 --> 00:59:48.100
يستطيع ان هو يشوط ضربة الجزاء ويجيب جون ان شاء الله جاهز لاي حاجة. لو الكورة بقت عالية يعرف يطير ويجيبها. لو الكورة بالهد يعرف يطير هو جاهز. هي دي الفكرة يا شباب

215
00:59:48.200 --> 01:00:04.650
ان طالب العلم يسعى في تكميل شعب اللياقة البحثية. ضبط القراءة الفهم الحفظ وتثبيت المعلومات يدرب نفسه على الحفظ الاستحضار الجمع. معرفة مراجع العلم حسن العرض للمسألة الاستدلال. آآ نقد الاقوال المخالفة

216
01:00:04.650 --> 01:00:22.750
الحوار والمناقشة وترتيب الاقوال كشف الاعتراضات عن القول ما هي مصادر العلم؟ كل دي مهارات مهمة. كيف يلخص كتابا؟ كيف آآ يلخص معلومة حتى لو طويلة كيف يدرس؟ كيف يلقن العلم؟ كيف يحاول الطالب؟ كيف ينمي مهارات الطالب؟ كل دي اشياء مهمة جدا

217
01:00:23.300 --> 01:00:37.050
طيب التصور بقى اللي بعد كده رقم اربعة او انتم بقى زي ما تعدوا سبل التحصيل سبل التحصيل دي يا شباب عاملة زي ايه ان انا عندي هدف. الهدف ده بيشترك في امور كثيرة جدا

218
01:00:37.100 --> 01:00:55.350
لو انا وقفت على جانب واحد من الامور دي يبقى انا قصرت مثلا يا شباب واحد عايز يتعلم عايز اتعلم مثلا علوم الحديث او علوم القرآن. لازم يعرف ان فيه جزء هياخده مع المعلم او الشيخ. وجزء مع نفسه وجزء مع اصدقاؤه. وفيه كتاب

219
01:00:55.350 --> 01:01:08.850
لخصوا وفي كتاب هيزاكروا مزاكرة مركزة يبقى احنا هنتكلم هنا عن ايه؟ عن سبل تحصيل العلم. كيف اصل الى العلم؟ واضح كده؟ خلاص انا اتفقت عرفت علوم الحديث وفروع علوم الحديث. وعرفت المهارات. ابدأ بقى

220
01:01:08.850 --> 01:01:26.000
ازاي اجيبها ازاي؟ انا عرفت ان في عضلة هنا وعضلة هنا وبعضلات بطن وعضلات بنج وعضلات رجلين طب اعملها ازاي بقى؟ هي بقى سبل التحصيل كيف يبقى احنا عرفنا ماذا؟ نعرف الان كيف. عرفنا لماذا وعرفنا كيف آآ ماذا؟ محتاجين نعرف كيف بقى. تمام

221
01:01:26.500 --> 01:01:42.950
سبل التحصيل دي بداية آآ كتير من الناس بياخد وسيلة واحدة بس انه عايش مع مدرس واحيانا يلزم شخص واحد وهذا من اكبر اسباب ضعف طلاب العلم. ان هو يحصر نفسه في طالب واحد يتعلم منه او شيخ واحد. لا. هذا خطأ. لان كل

222
01:01:42.950 --> 01:02:01.000
واحد يعطيك معنى. واحد بيديك مثلا فصاحة في القول. واحد يكلمك عن تزكية النفس والايمان. واحد يكلمك عن العمق العلمي والتأصيل. واحد يكلمك عن المهارات. واحد يدرس لك الحديث واحد يدرس لك العقيدة الخير منتشر ومبثوث بين الناس. ليس هناك شخص جمع كل هذا. واضح كده

223
01:02:01.100 --> 01:02:21.100
فلازم تفهم انك انت كلما تنوعت مصادرك كلما كان عندك ملكة نقدية آآ مهمة. مش معنى كده ان انت هتشتت نفسك لكن اقصد اقول لا تحبس نفسك على شخص واحد مهما اعجبك هذا الشخص ده خطأ كبير جدا. واضح؟ طيب يبقى مهم قوي ان انا اعرف عمن اتلقى. من هو الشخص الذي اتلقى عنه؟ دي مهمة

224
01:02:21.100 --> 01:02:38.850
جدا لان لازم تعرف ان المدرس سيؤثر فيك حتما وكتير جدا من الشباب اللي عندهم سوء خلق عندهم ضعف في في العبادات والايمان سببه ان الشيخ اللي علمه لم يذكره بتزكية النفس واعمال القلوب وصور له ان العلم ده مجرد آآ زخرف

225
01:02:38.850 --> 01:02:58.850
للمعرفة والتباهي ممكن يخليه يكلمه مثلا آآ مائة ساعة عن ان الله ينزل الى سماء الدنيا ولم يكلمه عن ان الانسان يقوم الليل او يدعو الله في هذه الساعة فحول له المعرفة الى مجرد معلومات. او الى اذا قال لك الصوفي كذا فقل له كذا. اذا قال لك الاشعري كذا فقل له كذا. حول له

226
01:02:58.850 --> 01:03:18.100
علم اما ان هو زخرف او تصدر او شهرة او ان هو مجرد جدال وافحام وغلبة وانتصار. يبقى افقده معنى العلم دي دي مشكلة فانت اي واحد آآ اي واحد آآ يعني تحرص على ان تتعلم منه ابحث فيه عن معنيين. الامانة والقوة

227
01:03:18.100 --> 01:03:33.350
ان يكون تشعر فيه بتقوى وايمان قدر الامكان. احنا طبعا لا نشق عن قلوب الناس. ولا يلزم من ذلك ان يستوعب هذا. ولكن فقط لا يكون فاجرا لا يكون يعني انت انت اكيد عندك علم يعني. لكن انا اقول لك ان اختيار المعلم

228
01:03:33.600 --> 01:03:47.750
هذا جزء اساسي لانك غصب عنك ستتشرب شيئا منه يعني حتى لو انت قلت لأ ده انا هاخد احسن ما عنده لأ احيانا انت بتتشبع به دون ان تشعر. يبقى الجهة الاولى هي جهة الايه؟ الامانة في المعلم وجهة القوة التمكن

229
01:03:48.150 --> 01:04:08.150
باختصار يا شباب فرق بين الشخص الذي يعطيك موعظة جميلة كده وخفيفة وبين شخص يعطيك علما يعطيك مهارات او متخصص في هذا الباب فيهمني قوي انك تفرق بين الانسان الطيب اللي بيديك معلومة طيارة كده حلوة بيكلمك موعظة وبين شخص متمكن في بابه. طبعا كل واحد منهم هيفيدك انا مش بقول لك

230
01:04:08.150 --> 01:04:24.400
مش كده بقى مش بقلل لك من قيمة الشخص اللي بيكلمك في الموعظة بالعكس الانسان يحتاج الى موعظة يحتاج الى الى مثلا درس في آآ في الايمان في تزكية النفس لكن لما تطلب علم خلي عندك حسن اختيار للمتخصص في هذا العلم

231
01:04:24.600 --> 01:04:37.150
ندخل بقى بعد كده في الايه في آآ سبل التحصيل. سبل التحصيل نوعين اما مع المعلم او مع نفسك اللي هي الدراسة الذاتية. ودلوقتي يا شباب باختصار احنا عامة الشباب الان

232
01:04:37.150 --> 01:04:51.400
تاج انه يفهم فكرة الدراسة الذاتية لان آآ فكرة معلش احنا طولنا قوي بس عشان عايز اخلص قبل ايه آآ يعني لازم احاول استوعب كله ان شاء الله. على الاقل بحط لك طبعا كل فكرة من دول والله المفروض نتكلمها في محاضرات

233
01:04:51.850 --> 01:05:04.150
لكن انا بفتح لك رؤوس اقلام ان الافكار دي ممكن تخليك تعيد نظرتك لموضوع طلب العلم لان كتير من الشباب مشكلته مش في ضعف الارادة مشكلته انه مش متصور العلم او معنى التأسيس والتكوين

234
01:05:04.550 --> 01:05:23.950
اه لما نيجي نتكلم بقى عن سبل التحصيل يا شباب في عندك قاعدة مهمة جدا كلما تنوعت سبل التحصيل كلما آآ تأسست المعلومة وكلما اكتملت شعب المعلومة. يبقى لو انا مثلا فقط باقرأ لوحدي

235
01:05:24.400 --> 01:05:43.800
يبقى انا مقدار تحصيلي قليل لو انا بقرأ وبستمع غير لما اكون بقرأ وبستمع وبلخص وبتدارس بقرأ للائمة وبقرأ الابحاث المعاصرة القوية وبتواصل مع طالب علم وبتدارس مع اخواني. وبلخص كتاب وباعلم يبقى فيه فكرة اساسية هنا

236
01:05:43.800 --> 01:06:04.050
شباب كلما تنوعت مصادر المعرفة في الباب الواحد كلما تأسس فيه الطالب وتكون. يبقى دي مهمة. وهي دي فكرة الشباب شعب الايمان كل شعبة بتديك معنى الصيام له معنى. قراءة القرآن له معنى. الاحسان الى الجار له معنى. مثلا

237
01:06:04.200 --> 01:06:16.300
مساعدة الناس له معنى قيام الليل له معنى. فلذلك الانسان يضرب بسهم. عشان كده انا باقول لك لا تحبس نفسك على شيخ واحد ولا على وسيلة واحدة. حاول تنوع. طيب ايه هي بقى الوسائل

238
01:06:17.650 --> 01:06:37.650
الوسائل منها مثلا القراءة السريعة. ومنها المحاضرات والدورات. لازم تسمع كتير جدا. لازم اي باب تطلبه حاول تعرف من تسمع له متخصصين مسلا علوم القرآن عندك مثلا الدكتور مثلا مساعد الطيار. مثلا في علوم الحديث مثلا عندك طارق عوض الله عندك حاتم العوني عندك مثلا آآ غيره

239
01:06:37.650 --> 01:06:55.800
والشيخ محمد عمرو عبداللطيف وان كان يعني دروسه قليلة جدا. غيره. المهم انك انت تعرف من من تسمع له مثلا في العقيدة اه صالح ال الشيخ يوسف الغفيص. يعني حاول تعرف مين في الباب المعين اللي اسمع له. دي مهمة جدا وتحاول تسأل الناس اللي انت بتثق فيهم من اهل التخصص. طيب

240
01:06:56.950 --> 01:07:06.950
اه الفكرة اللي بعد كده مهمة جدا يبقى احنا قلنا فكرة السماع دي اساس يا شباب. طيب بعد فكرة السماع عندي بقى جدول المطالعة اتفقنا ان انا عايز اتخصص مسلا او عايز ادرس

241
01:07:06.950 --> 01:07:29.450
علوم الحديث بقوة يبقى عندنا الاستماع للشيوخ المتميزين في هذا المجال. عندي بقى مهم جدا ان انا اعرف خطوات او مراحل هذا العلم. ابدأ ازاي وآآ ما هي المراحل؟ يعني ما هي الكتب التي تدرس في الاول تعطيك فكرة عامة؟ وبعد كده الكتب الاكثر عمقا والفروع في كل علم من ايه؟ من العلوم

242
01:07:29.500 --> 01:07:43.950
اه بعد كده اه ولا خليه مش مشكلة. بعد كده تبدأ تدخل في فكرة تانية وهي ان يكون لك ورد ورد في آآ تراث الائمة في هذا العلم. لو انت مثلا بتدرس علوم الحديث ما ينفعش تكتفي

243
01:07:43.950 --> 01:08:02.250
بمطالعة الابحاث المعاصرة او آآ نخبة الفكر او نزهة النظر او الموقظة للذهبي او التوضيح الابهر آآ او مثلا آآ كتاب فتح المغيث او آآ او كتاب مثلا آآ يعني فتحي المغيث شوية يكون عالي شوية لا يعني لازم يكون عندك علم آآ

244
01:08:02.450 --> 01:08:12.050
حد بيقول والفقه كل العلوم نفس الشيء يعني انا بضرب امثلة على اشياء من غير ما اقصد يعني نضرب في الفقه في في العقيدة في اي شيء في اي باب تطلبه يعني

245
01:08:12.300 --> 01:08:22.300
فانت مثلا لما تكون بتدرس مثلا في علم زي الحديث لو انت اقتصرت على الكتب المعاصرة او الكتب المتأخرة يعني ايه المعاصرة شوية؟ المعاصرة اللي هي كتب الناس اللي هم متأخرين مثلا كتب

246
01:08:22.300 --> 01:08:39.500
الشيخ الالباني رحمه الله كتب مثلا الشيخ طارق عوض الله كتب آآ عبدالله الجدي كتب حاتم العوني فهذه كتب جميلة لا شك تعطيك دفعة وتعطيك يعني بداية حلوة. لكن في عندك بقى الكتب المتأخرين مثلا زي مسلا الكتب الذهبي كتب ابن حجر كتب السخاوي

247
01:08:39.500 --> 01:08:58.950
او الاقدم شوية مثل كتب للصلاح وما تفرع عنها لازم يكون بقى عندك ورد ثابت لكتب الائمة في كل مادة كتب الائمة في كل مادة. مثلا تقرأ بقى مقدمة الامام مسلم والتمييز لمسلم وآآ آآ الرسالة للشافعي وجماع العلم للشافعي وتقرأ مثلا مقدمات الكتب تقرأ

248
01:08:58.950 --> 01:09:11.500
ابي داوود لاهل مكة وشرح اية الترمذي. وتقرأ مثلا آآ مقدمات الكتب مقدمات ابن ابي حاتم في الجرح والتعديل والعلل. ومقدمة مثلا كامل لابن في مقدمة العقيل في الضعفاء وهكذا

249
01:09:11.550 --> 01:09:32.100
يبقى لازم وانت بتتكون في اي مادة ان يكون عندك استماع للمشايخ المتميزين آآ لازم آآ كاتب لي ان انا لازم احزف بعض الملفات هنحاول نحزف معلش آآ حصل كده قال لي قال لي احذف بعض الملفات يا رب يكمل معنا ان شاء الله

250
01:09:32.150 --> 01:09:50.600
نكمل الفكرة يا شباب احنا وصلنا التعدد الوسائل في تحصيل العلم المعين دي فكرة اساسية قلنا المحطة الاولى مهمة اللي هي بتلين في العلم. انا احب قوي قوي لما ادخل في اي باب اكثر الاستماع آآ من الناس المتخصصة فيه

251
01:09:51.050 --> 01:10:04.850
عشان ادخل في جو العلم واضح كده يبقى دي فكرة مهمة. ومع الكتب اللي هي المقدمات اللي بتديك تصور عن العلم وابوابه. وبتديك كده فكرة عن كل مسألة. بعد كده عندي مهم جدا ان انا

252
01:10:04.850 --> 01:10:19.900
الابحاث المتميزة في العلم مهم جدا ان انا آآ اعرف كمان تراث الائمة من هم الائمة المتميزون في هذا العلم حتى اقرأ تراثه من كل جدول في الايه؟ في القراءة

253
01:10:20.650 --> 01:10:34.700
مهم جدا كمان في اي علم تطلبه انك تعرف ما هي الابحاث المتميزة في اي علم. يعني ايه هي الابحاث المتميزة آآ في اي علم من العلوم وتحاول انك انت آآ تلخص هذه الابحاث

254
01:10:34.800 --> 01:10:48.150
في رأيي ان هذا مهم جدا. يعني مثلا انا لو عايز ابدأ رحلة استقراء آآ مثلا للامام الطبري في كتاب ابن جرير الطبري مثلا. عشان انا استطيع ان انا افهم ان هذه فائدة

255
01:10:48.150 --> 01:11:06.550
والتقط هذه الفائدة واحسن توظيفها او استثمارها. محتاج اساسا اعرف ما هي ابواب العلم حتى التقط الفوائد تحته فهنا مهم قوي انك تقرأ لواحد متخصص في هذا العلم ليفتح عينك على المسائل والابواب والفوائد. فو انت بتقرأ اه تعرف ان دي فائدة

256
01:11:06.550 --> 01:11:19.350
ممكن احطها هنا في فائدة في خلاف في التفسير الاسرائيليات في التفسير. مثلا اللغويين في التفسير. فتبقى زي كشاف كده. فانا مثلا احب كده ان انا مثلا  لو ضربنا مثال لعلوم القرآن

257
01:11:19.550 --> 01:11:38.000
آآ في حد بيسأل اسئلة خلينا والله الاسئلة في الاخر عشان ناس كتيرة طلبوها. خليها في الاخر وانا من عيني ان شاء الله اجاوبكم عليها ان شاء الله لو انا مسلا عايز ابدأ رحلة استقراء في علوم القرآن بشكل عام وفي التفسير بشكل خاص. لو انا مثلا اخترت دكتور مثل الدكتور مساعد الطيار وقرأت مصنفات هذا الدكتور

258
01:11:38.600 --> 01:11:56.250
القيمة الاساسية لهذه المصنفات ليست في المعلومات التي يعطيني اياها الدكتور. وان كانت هي معلومات قيمة جدا ولكن القيمة الاساسية انه يفتح عيني ان في حاجة اسمها التدبر. وفي حاجة اسمها التفسير وحاجة اسمها التأويل. وحاجة اسمها المفسر. حاجة اسمها انواع التفسير. حاجة اسمها اصول

259
01:11:56.250 --> 01:12:15.900
تفسير حاجة اسمها نزول القرآن. حاجة اسمها جمع القرآن. حاجة اسمها القراءات. حاجة اسمها الاسرائيليات في التفسير. حاجة اسمها الاعجاز العلمي في القرآن فلما عينيا اتفتحت على هذه الامور واخدت فكرة عنه وهو من المحققين فيها يبقى انا لما ابدأ رحلة الاستقراء في تراث الائمة لن يفوتني

260
01:12:15.900 --> 01:12:31.200
فاذا ان شاء الله لن يفوتني فائدة ان شاء الله غالبا يعني. لكن لو انا دخلت في استقراء تراث الائمة من غير الكشاف ده عامل زي كده واحد لما يدخل حديقة جميلة مليانة بالفواكه وهو بس ما يعرفش غير البصل

261
01:12:31.250 --> 01:12:46.150
فبياخد البصل بس عنده عنده فواكه كتيرة جدا. لكن هو مش عارف ان دي اصلا فاكهة مميزة. يبقى دي فكرة مهمة جدا قبل ان تبدأ في الاستقراء هنا بقى يا شباب اخر حاجة بقى عندنا. اخر حاجة بقى دي بقى بقولها من قلبي لاي طالب

262
01:12:46.350 --> 01:13:04.700
يعني عايز اقولها ان انا من اكتر الجوانب التي ارى ان الطلاب اضاعوها ودي سبب رئيسي في ان هم اساسا بعدوا عن معنى العلم ان هم ليس عندهم قاعدة تأسيسية من القرآن والحديث واللسان العربي وعلوم الالة

263
01:13:05.300 --> 01:13:19.550
نفهم بقى دي بالراحة كده يعني انا اعرف اني اعرف طلاب بقى لهم عشر سنين بيطلبوا بيطلبوا العلم عموما. والله لم يتم مختصر في تفسير القرآن قراءة. مختصر اللي هو اصلا موجود مع المصحف

264
01:13:20.050 --> 01:13:41.350
لم يقرأ الاربعين النووية ده فضلا عن البخاري وعن آآ مسلم وعن الكتب الستة. لم يقرأ ما عندوش ورد اساسا يعني لو هو عنده ورد في التفسير واصلا بعضهم ما بيقراش القرآن اصلا عشان تبقى عارف يعني. وده انا بابقى باحب اصارح فيها. ما بحبش ازوق في الكلام يعني. انا اعرف طلاب علم والله ما بيقرأ قرآن. اقسم بالله ممكن يصبر

265
01:13:41.350 --> 01:13:54.800
على ان هو يدخل في دقائق في مسائل الفكر ولا يصبر انه يفتح المصحف حتى يا اخي بركة. مش انه يفهمه حتى. فاهم يبقى الفقر الاول اه الفقر الاول هو في القرآن

266
01:13:55.050 --> 01:14:11.900
القرآن لسه هنتكلم عنه وفقر في السنة ورد السنة القراءة فهم السنة آآ حفظ السنة ان يكون عندك حفظ السنة. اللسان العربي. كتير جدا من الطلاب ما قرأش النحو الواضح حتى. النحو الواضح

267
01:14:11.950 --> 01:14:21.950
اه كتير جدا من من الشباب ما ما قرأش الاجرومية حتى ما قرأش شرح قطر الندى. انا مش باكلمك عن المستوى الاعلى يعني. فما فيش هو آآ ما بيعرفش يتكلم

268
01:14:21.950 --> 01:14:32.700
كلمتين باللغة العربية آآ ما يعرفش بدون مبالغة الفعل من الفعل وهو المفروض ان هو متقمص دور انه طالب. لأ دي اسمها اساسيات. هو ده بقى التأسيس اللي هو الارضية يعني

269
01:14:32.850 --> 01:14:48.950
فالارضية اللي انا هكلمك عنها بقى دلوقتي دي بقى الارضية الفارقة تماما بين واحد عرف معلومة وبين واحد عنده تأسيس وتكوين الارضية دي اعظم ما فيها هو القرآن وكل ما يعين على فهم القرآن

270
01:14:49.550 --> 01:15:06.700
حينما اتكلم عن القرآن لا اتكلم عن القرآن ان الاية الفلانية دليل على المعنى الفلاني. لا. هذا اقل ما يمكن ان تأخذه من القرآن. القرآن هدى علم القرآن هذا يحتاج الى ادوات. فانت لازم يكون عندك ورد من تلاوة كتاب الله

271
01:15:06.900 --> 01:15:21.800
وفهم ما تقرأ وتفسير القرآن وعندك ورد في تدبر القرآن تقف مع اية. آآ تتلوه في الصلاة تقف معه وتفهم معناه تعرف قصصه احكامه اخلاقه اه تعرف اشياء كثيرة عنه

272
01:15:21.850 --> 01:15:41.850
فالفكرة التي هي ان القرآن هو ان الاية الفلانية يستدل بها على المعنى الفلاني هذا من اعظم القصور الخاص بتعلم القرآن فالقرآن لم ينزل ليتلى او ليحفظ وانما كتاب انزلناه اليك مبارك ليدبروا اياته وليتذكر اولو الالباب. فالعمود الاول

273
01:15:41.850 --> 01:15:58.500
في تأسيس طالب العلم هو ان يتعلم ما يهيئه للعلم بكتاب الله والعلم بكتاب الله هذا فروع كثيرة جدا لا اتكلم هنا فقط عن علوم القرآن اللي هي نزول القرآن والمكي والمدني والقراءات لأ اتكلم عن العلم القرآن العلم

274
01:15:58.500 --> 01:16:16.600
معاني القرآن قصص القرآن اخلاق القرآن اسباب النزول وغير ذلك مما يعين. يبقى هذا باب مهم جدا ان يكون عندي باب في هذا الباب بقى يمكن ان تبدأه بتفسير مختصر. مسلا المختصر في التفسير اللي عملته دار الدراسات القرآنية او مثلا

275
01:16:16.850 --> 01:16:37.700
المعين على تدبر الكتاب المبين لمجد مكي. او مثلا التفسير الميسر اي كتاب يكون يعني لابد ان تتمه او حتى يكون لك ورد فيه. واضح كده اه ايضا مثلا علوم القرآن لابد ان يكون عندك تعرف يعني نزول القرآن وجمع القرآن والقراءات يكون عندك يعني يعني ولو قاعدة بسيطة منها مثلا كتاب المقدمات

276
01:16:37.700 --> 01:16:55.950
في علوم القرآن لعبدالله الجديع او كتاب المحرر للدكتور مساعد الطيار. دي آآ ده يعني بالنسبة للقرآن آآ طبعا التفسير القرآن له مستويات اكثر من ذلك. لكن انا بتكلم عن القاعدة اللي هي البسيطة يعني. انا بحاول دلوقتي ادخلك في القصة. لسه ما كلمتكش عن الايه؟ عن التعمق فيها. بس انا

277
01:16:55.950 --> 01:17:09.300
عايز الف انتباهك لان كتير من طلاب العلم انقطعت صلتهم بالقرآن. وليس عندهم قاعدة من الحديث حتى ما قرأش كتاب حديث واحد يعني الاربعين نووية كتير من من الشباب ما قرأهاش اصلا

278
01:17:09.350 --> 01:17:19.350
ولا قرأ شرح لها. فضلا عن ان يكون له ورد ثابت في الصحيحين. فضلا عن ان يكون مر على الكتب الستة ولو مرور سريع. فضلا عن ان يكون قرأ الكتب اللي بعد كده

279
01:17:19.350 --> 01:17:35.500
من كتب السنة مسل مسند احمد مسند الدارمي او او الموطأ او غيره فيبقى عندنا الباب الاول القرآن. خلينا نبدأ بمحطة اولية وهي تفسير ميسر للقرآن. يا خلينا دي دي بداية. مع ورد ومع محاولة يعني الحفظ. وان

280
01:17:35.500 --> 01:17:54.950
كنت انا يعني اه احب اني طالب العلم يجتهد في اتقان القرآن حفظا. ليس فقط لانه سيحتاجه في الاستدلال. ولكن انا في رأيي ان هو سيحتاج في حياتي عموما فرق كبير جدا بين انسان يكون القرآن في صدره ويكون فاهما لمعانيه وانسان ما يكونش يعني حافظ القرآن

281
01:17:55.000 --> 01:18:10.850
ففضل فضل حفظ القرآن يعني كبير. وان كان الحفظ مؤخر عن التدبر والعمل الحديث النبوي آآ خلينا نقف في الحديث النبوي كده على محطة مهمة وهي محطة الاربعين النووية وشروحها. انا احب جدا كتاب ابن رجب الحنبلي

282
01:18:10.850 --> 01:18:30.850
اللي هو آآ آآ جمع العلوم والحكم. في رأيي ان هذا محطة مهمة جدا في التعامل مع حديث النبي صلى الله عليه وسلم. لانه يعلمك كيف تفهم هذا الحديث وكيف تستنبط منه وكيف توظفه؟ وكيف تعرف معاني جوامع الكلم؟ فانا في رأيي ان كتاب جامع العلوم والحكم انطلاقة جميلة جدا لكن هل يمكن ان

283
01:18:30.850 --> 01:18:42.000
تبدأ به لو انت ابيض خالص صعب شوية انك تبدأ به لان هو لغته بالنسبة لك هتكون صعبة شوية. فرأيي انك انت تاخد مثلا مقدمة لصالح ال الشيخ مثلا هو صالح

284
01:18:42.000 --> 01:19:00.350
الشيخ اعتمد على الاربعين نووية ولكنه حاول ان هو يلخص آآ الافكار. او حتى شرح الاربعين النووية للشيخ ابن عثيمين او لاي حد وبعد كده تقرأ مثلا جمع العلوم والحكم وبعدين تاخد ورد في مختصر البخاري ومسلم. بشرح مثلا الدكتور محمد يسري اظن انه جميل جدا. وبعد كده يكون عندك ورد ثابت في القراءة

285
01:19:00.350 --> 01:19:17.800
كل يوم مثلا تقرأ لك خمس دقائق. انا احب دايما الحاجات القليلة خلاص احنا خدنا وقت كبير قوي. معلش فخلينا ورد مثلا في القراءة كل يوم ولو خمس دقائق او عشر دقائق مع معرفة معاني الكلمات. لو انت بقى كان عندك ورد ثابت في الكتب الستة هذا انا احبه اكثر

286
01:19:17.800 --> 01:19:31.850
اكثر. يبقى خلينا الاول ناخدها محطة محطة الاربعين النووية بشرح مختصر. وبعدين الاربعين النووية بجمع العلوم والحكم. وبعدين مختصر البخاري ومسلم للدكتور محمد مصري جميل جدا جدا الاتنين ممتازين ممتازين جدا

287
01:19:32.650 --> 01:19:48.000
آآ بعد كده الفكرة اللي بعد كده هي ورد السنة يعني انا آآ يعني عايز اقول يعني من اكبر الاسباب اللي مخلية طلاب العلم مع آآ طالب العلم فاضي فاضي. انه مش متأسس في هذه الامور. ما يعرفش

288
01:19:48.000 --> 01:19:58.000
ما قرأش السنة يعني ما عندوش حتى ورد يعني زي ما بتقرأ القرآن يقرأ السنة. اعمل ورد خفيف لو كل يوم عشر دقائق انا والشباب كنا بنجتمع وبعضهم كمان موجود معنا الان وهو

289
01:19:58.000 --> 01:20:09.300
يشهد بذلك كنا بنجتمع اربع ايام مع بعض من الفجر لحد اه الساعة اتناشر بالليل وهم يشهدون على ذلك. كنا بنقرأ صحيح البخاري او صحيح مسلم في اربع ايام بفضل الله

290
01:20:09.500 --> 01:20:21.400
يعني لازم نمر عليه وبعد كده يكون لك ورد بقى خفيف كده وانت مسافر في القطار او غيره يبقى ورد السنة يا شباب مهم جدا في تأسيس المسلم فضلا عن تأسيس طالب العلم. يبقى ورد السنة مهم جدا

291
01:20:22.200 --> 01:20:42.200
قراءة البخاري ومسلم وبعد كده مثلا انا احب انك تبدأ بالترمذي. يعني انا عندي الترمذي بعد البخاري ومسلم فورا. لان الترمذي كتاب مميز جدا. لان يعتني بعمل الفقهاء بالحديث ويعتني بتوظيف الحديث تحت الابواب الفقهية فانت هتكسب اشياء كثيرة جدا. وبعد كده بقى تكمل باقي الكتب الى ان

292
01:20:42.200 --> 01:20:54.100
يعني الى ما شاء الله وممكن بقى تاخد في شروح الكتب مثلا كتاب زي فتح الباري. آآ وتركز مثلا على على كتب الايمان منه. في البداية مثل كتاب بدء الوحي وكتاب

293
01:20:54.100 --> 01:21:04.100
علمه وغيره. يبقى ورد السنة يا شباب اساسي. اساسي. ما فيش حاجة اسمها طالب علم. ما يعرفش احاديث النبي عليه الصلاة والسلام او لم لم يمر عليها. لابد ان يكون عنده اجتهاد في الباب ده

294
01:21:05.300 --> 01:21:17.950
الامر بقى اللي بعد كده لسان العرب لازم يكون عندك حتى لو انت مش متخصص فيه تقول انا مش هبقى متخصص في اللغة واضح ما انا مش متخصص في اللغة لكن احب ان اتعلم منها بقدر ما استطيع. واضح كده

295
01:21:18.000 --> 01:21:34.900
يعني لازم يكون عندك تصور للعلوم العربية وتحاول على الاقل انك تاخد فيها مستويين او تلاتة واضح كده؟ فانا احب مثلا في في البداية في اللغة العربية مثلا القواعد يعني كتاب زي النحو الواضح. كتاب تحفة. جميل جدا. يعني ماشي معك من الصفر

296
01:21:34.900 --> 01:21:48.250
ما فيش مجموعة قرأت معهم النحو الواضح وقالوا لي صعب يعني الكتاب والله العظيم يعني منتهى السهولة. بياخدك من انك انت ابيض لحد ما يمشي معك واحدة واحدة. وعنده تدريبات بتحلها. يعني بيديك الجملة

297
01:21:48.250 --> 01:22:08.250
في ذوي الكلمة والفعل والفاعل وماشي معك نقطة نقطة. وكل مسألة بيحط لك تحتها اسئلة وامثلة وتدريبات زي الفل. فكتاب النحو الواضح في رأيي يعني دفعة جميلة جدا. بعد كده بقى عندك بقى عايز الاجرومية انا بحب طبعا سكة ابن هشام جدا. يعني انا ابن هشام عندي هذا انا لا اقرأ ابن هشام للغة العربية

298
01:22:08.250 --> 01:22:23.200
اقرأ ابن هشام لانه من انبل من تكلم في علوم الاسلام عموما هو مثال لانسان مكتمل الادوات. فالذي يقرأ له لا يهمه فقط النتائج التي وصل اليها. المنهجية. كيف يصور المسائل؟ كيف يجمع

299
01:22:23.200 --> 01:22:40.350
والاقوال كيف يحررها ويذكر حجتها؟ كيف يعرضها؟ كيف يدافع عنها؟ ثم كيف ينقدها؟ ويذكر محل النزاع. ثم بعد ذلك كيف يناقش اقوال ثم يقرر قوله ويستدل له ويدفع الاشكالات عنه وجودة اختيار الامسلة. لذلك

300
01:22:40.650 --> 01:22:56.050
ابن هشام من اعظم ما ينبل به طالب العلم حتى لو ما كانش طالب علوم اللغة العربية وكتب ابن هشام يعني درة فريدة. كتب ابن هشام في رأيي ما لا يدرسها فقط طالب العربية. كتب ابن هشام يدرسه اي انسان يريد ان يدرب عقله. واضح

301
01:22:56.050 --> 01:23:13.900
فانا احب سكة ابن هشام بقى قطر الندى وشرح قطر الندى شذور آآ الذهب وغيره آآ غيره بقى كتير جدا. حد بيقول حاجة اه كتاب طبعا اه كتب ابن هشام احبذها لاي انسان مش اه فقط لدرس اللغة العربية

302
01:23:14.500 --> 01:23:34.150
آآ قطر شرح قطر الندى بقى وشزور الزهب وشرح مثلا الالفية وطبعا مغن اللبيب ده حاجة تانية يعني مغني اللبيب ده فعلا مغني اللبيب مغني اللبيب هو كتاب يعني درة من الدرر كده. يعني انا هذا الكتاب مع تفسير الطبري مع تراث ابن تيمية مع كتاب الام للشافعي. هذه من مفاخر الاسلام

303
01:23:34.700 --> 01:23:49.450
مغني اللبيب يعني هو يغنيك عن كتب الاعاريب يعني يعطيك منهجية. تستطيع بها ان شاء الله ان تتعامل مع القرآن من ناحية الاعراب والمعاني فكان مغني لبيب من جهتين من المسائل ومن الدلائل والامثلة

304
01:23:49.700 --> 01:24:07.600
يعني كتاب يعني ممكن نبقى نتكلم عليه ان شاء الله في وقت اخر ليس من حيث اللغة وانما من حيث منهجية هذا الامام رحمه الله ان شاء الله هيجي لنا كلام عن الائمة المحققين الذين يؤثرون في منهجية طالب العلم او في عقلية طالب العلم. بعد كده يا شباب بعد ما اتكلمنا عن التأسيس التأسيس الاول في القرآن. التأسيس الثاني في في السنة

305
01:24:07.600 --> 01:24:31.350
التأسيس اه الثالث في اللسان العرب التأسيس الرابع يا شباب هو في في علوم الحديث. علوم الحديث مهمة جدا. انك تعرف علوم الحديث تعرف مصطلح الحديث المصطلحات المتداولة تعرف علم الرجال علم علل الحديث مصادر السنة ايه الفرق بين الموطئات والجوامع والسنن والمسانيد والمستخرج والمستدرك وكتب التفسير المسندة وكتب العقيدة

306
01:24:31.350 --> 01:24:45.550
المسندة الاجزاء الحديثية الازامات والتتبع. ما معنى هذه المصطلحات ما الفرق بين مثلا آآ كتاب الموطأ وكتاب المسند؟ ايه معنى الموطأ وايه معنى المسند؟ مهم جدا يا شباب. علوم الالة دي اساسية

307
01:24:45.900 --> 01:24:57.650
فعلوم الحديث مهمة جدا انك انت تمر عليها. وكلما ازددت فيها كلما يعني آآ كان افضل. انا عايز اقول حاجة. ودي والله كتير جدا باقولها للشباب. دلوقتي لما يكون شاب عنده عشرين سنة

308
01:24:58.150 --> 01:25:19.100
تمام يعني لسه بادئ اهو. فاتح قناة على يوتيوب باسمه وقناة في تليجرام وفيسبوك ناشط فيه كل يوم بيعمل حاجات. ما هو ده اللي هيخليه ما يتأسسش بيقول لي ما عنديش وقت. طب ما انت يا عم انت حد طلب منك انك تشتغل؟ ما تصبر على نفسك. اتقل تاخد حاجة نضيفة. انت دلوقتي مستعجل ليه؟ مستعجل على التصدر ليه؟ بتقحم نفسك في اشياء ليه

309
01:25:19.100 --> 01:25:32.950
تتبرع بالكلام عن كل مسألة نازلة لي. وانت لست مؤهلا ولست مكلفا. يعني الصفتين مش موجودين فيك. لا انت مؤهل ولا انت مكلف. غيرك الحمد لله خد عنك ده. فانت ليه مستعجل؟ والله اعظم سبب

310
01:25:33.200 --> 01:25:55.500
يصد الطالب او يعني يقعد الطالب عن غاية يمكن ان يصل اليها والى اضعاف ما هو عليه انه مستعجل مستعجل ليه؟ اتقل على نفسك شوية اصبر. خد راحتك مكن نفسك. الحمد لله ان في حد بيسد عنك. انت اخر اللي هتعمله دلوقتي هتطلع للناس موعظة خفيفة. غيرك بيقولها كتير. اتقل شوية على نفسك. اصبر. خد بالاسباب عينك على

311
01:25:55.500 --> 01:26:05.500
هدفك انت الان تعمل له مين اللي قال لك انك انت آآ بعيد عن هدفك؟ ده انت ماشي فيه. بس انت بتزبطه. عشان لما يجي وقتك هتطلع لنا حاجة جميلة. وهتسد

312
01:26:05.500 --> 01:26:21.400
مكان ما فيش غيرك حد بيسده. ليه مستعجل؟ ليه مستعجل على التصدر؟ ليه مستعجل على الجدال والخناقات؟ ليه مستعجل على الشهرة؟ ليه مستعجل على ان تكون محل الانظار حتى لو كانت نيتك يعني سليمة انك انت تنفع الناس. برضو انت مستعجل. انا مش فاهم واحد عنده

313
01:26:21.600 --> 01:26:39.350
لسه بادئ يعني بيفتح ويقعد يألف في كتب ويقعد يألف في رسائل ويعمل ردود وفلان الرد على الشبهات يا عم شبهات ايه! ما تتأسس نفسك يا ابا الاول. خد خد بالراحة كده. اتقل على نفسك. اتقل شوية ومتن نفسك في مكانك عشان بعد كده تطلع لنا حاجة حلوة. تسد

314
01:26:39.350 --> 01:27:01.350
وتفيد فيه. طيب يبقى اللي انا عايز اقوله ان في تلازم بين التعجل للتصدر كثرة الجدال وكثرة الكلام وآآ التعليق على كل حدث وفتح وبين ضعف التأسيس. في في تلازم لا شك ان انت في وقت الاعداد. انت في وقت الاعداد فلماذا تتعجل في التصدر؟ التصدر ده كتير

315
01:27:01.350 --> 01:27:23.950
الناس حتى اللي تصدر مشكلته مصيبة يعني الواحد شوية بيحاول انه يعلم الناس. لكن اقسم بالله العظيم ان ما ادرسه اعظم بكتير بما لا مجال للمقارنة مما ادرسه يعني انا لما بقعد ازاكر بزاكر اضعاف اضعاف مما ادرسه. لاني عارف اني ضعيف وعارف اني ابيض. بس بحاول ادرس من باب المسئولية وليس من باب الاهلية. فاحنا عندنا مشكلتين

316
01:27:23.950 --> 01:27:42.650
ان هو ما عندوش الادوات وعايز يتصدر ولما بيتصدر حتى ما بيكملش نفسه. يعني يعني بايز من كل حاجة. هو عايز يعني ايه عمرة جوة وبرة ضايع ده انا حتى لو بدي للناس درس المفروض يكون تكويني مستمر

317
01:27:42.950 --> 01:27:52.950
انا عمال اكون في نفسي وانا بدي درس. بدي درس ساعتين يبقى بزاكر على الاقل ست ساعات مثلا عشان اكون نفسي في الحاجات اللي انا اللي انا اللي انا يعني ناقصاني. ما هو احنا كلنا ضايعين

318
01:27:52.950 --> 01:28:03.450
اصلا احنا كلنا بص يعني اي واحد يقول لك غير الكلمتين اللي اقولهم لك دول يبقى بيضحك عليك  لو انت فاكر ان في شخص من طلاب العلم اللي فاهمين معنى العلم

319
01:28:03.650 --> 01:28:15.300
وهو بيدرس لك متخيل انه عالم يبقى يا اما هو اهبل يا اما هو مش فاهم يعني ايه علم لان العلم يا جماعة مش اللي احنا بنعمله ده. احنا يعني بنحاول ايه

320
01:28:15.500 --> 01:28:26.400
عايز اقول كده يعني نسد فراغ ليس من باب الاهلية تماما. اقسم بالله لا اعطي درسا من باب اني اهلي لهذا التدريس. وانما من باب المسئولية ان الشباب محتاجينه مش لاقي

321
01:28:27.250 --> 01:28:43.900
اما العلم اعظم مما نحن فيه بكثير. والادوات التي نفتقرها اعظم بكثير مما عندنا انا مش بقول لك كده من باب التواضع. يعني اللي بيقول لك كده يقول لك ده تواضع ده مش تواضع يا حبيبي. ده يعني ابسط ما اقوله. فليه انا بقول لك كده؟ عشان حتى لو انت اضطريت يعني اضطررت في يوم من

322
01:28:43.900 --> 01:29:05.500
الايام انك انت تبدأ تعلم الناس لازم تكمل بقى نفسك كمل كده وقوي نفسك وحاول تشوف جوانب النقص اللي فيك ايه مسلا انت بتدرس للناس فقه وانت كويس فيه. بس انت مسلا ضايع في الحديس. كمل نفسك في الحديس في اللغة في الفكر في في هذه المسائل فيبقى انت حتى لو بدأت في العطاء انت دائما

323
01:29:05.500 --> 01:29:19.600
بتكون نفسك وبتكمل شعب العلم طيب بعد كده مثلا يا شباب من ضمن العلوم الاساسية احنا اتكلمنا عن علوم الحديث طبعا دي يعني آآ ودي تعتبر من الخطط اللي انا مهتم بها في تكوين الشباب فتفاصيلها موجودة يعني لمن يريدها

324
01:29:19.600 --> 01:29:33.900
بعد كده عندنا من العلوم التأسيسية او من القواعد اصول الفقه. مهمة جدا العلم بالادلة وتاريخ اصول الفقه ونشأت اصول فقه الادلة المحتج بها وكيف نفهم الادلة ودلالات الالفاظ والاجتهاد والتقليد و آآ مقاصد الشريعة وفقه

325
01:29:33.900 --> 01:29:54.450
بخلاف كل دي ابواب مهمة جدا. عندي مثلا انا بحاول بقى يعني القط كده. عندي مثلا علم مثل علم المنطق علم مثل علم المنطق آآ يعني هل هذا العلم لازم لعلوم لعلوم الاسلام لأ ليس بلازم. في رأي انه ليس بلازم وعلوم العربية واصول الفقه تغني عنه. العلم بلسان العرب يغني عن المنطق تماما. والعلم

326
01:29:54.450 --> 01:30:16.450
سنة النبي صلى الله عليه وسلم. وباصول الفقه يغني عن المنطق تماما. لكن لما صار المنطق يكتب به آآ متون علمية كثيرة وصار له لكثير من اهل العلم اللي هم بالزات في اصول الفقه وفي العلوم العربية اه مثلا وقواعد اللغة والاعراب وعلوم الحديث وغيرها فانت مضطر انك انت تدرس

327
01:30:16.450 --> 01:30:33.300
حتى من باب انك انت تفهم دلالات الالفاظ او طريقة صنفه بها. فايضا المنطق من العلوم المهمة انك انت تكمل بها ادواتك كطالب علم. هل بقى تتعمق فيه خالص؟ لأ انا في رأيي انك تعرف على الاقل المصطلحات ودلالات المصطلحات. ده برضو من الابواب المهمة وان كان انقص من كل اللي فات. لكن لماذا

328
01:30:33.300 --> 01:30:47.950
اضطررنا اليه ان كثير من الكتب كتبت بلسان الايه؟ المنطق نيجي بقى لاخر حاجة قبل ما قبل ما ناخد الاسئلة ان شاء الله مش عارف اصلا هيفضل وقت لكم الاسئلة ولا لأ. اخر حاجة بقى ودي نصيحة يعني من من النخاشيش

329
01:30:48.850 --> 01:31:08.550
بمناسبة النخاشيش دي كان في مرة شاب اه كان هو يعني بتاع خناقات عندنا في الحتة آآ وبعدين بدأ يصلي انا دخلت اصلي بالناس الفجر في مرة فهو آآ هو يعني انا اول مرة اشوفه في الصلاة يعني. فانا صليت بالناس طولت شوية يعني صليت بصفحتين

330
01:31:08.800 --> 01:31:26.150
فلما صليت بصفحتين فهو اتبسط اوي قال لي بص انت كده قلبك حلو وعمل لي كده بنفس الطريق. قلبك حلو بعد يومين كده فالناس اشتكوا قالوا لي يعني انت بتطول في الصلاة صل قليل. فصليت بنص صفحة بس. فاول ما خلصت الصلاة قال لي قلبك

331
01:31:26.250 --> 01:31:35.850
ما بقاش حلو. قلبك اتغير. فانا افتكرت وانا باقول لكم طالعة من قلبي افتكرت الموقف ده باضحك عليه لحد دلوقتي يعني المهم بعد كده طبعا الراجل ده ما عدش بيصلي تاني الله اعلم ليه يعني

332
01:31:35.950 --> 01:31:47.150
ممكن بسبب قلبي اللي اتغير اخر حاجة بقى يا شباب هقول لكم عليها ودي من من يعني من اخيكم من اخيكم يحب لكم الخير كثيرا ويتقطع قلبه على كل شاب

333
01:31:47.350 --> 01:32:06.000
يضيع نفسه ويتوه ويتشتت وهو بين يديه جوهرة العمر التي يمكن ان يبلغ بها عند الله اعلى المراتب ان شاء الله نصيحة يعني من من نخاشيش قلبي يعني من اعظم الامور التي يمكن ان يتكون بها مسلم في طلب العلم

334
01:32:06.450 --> 01:32:27.800
ان يقرأ لائمة الاسلام لان هؤلاء الائمة يعطونك معنى اعظم من مجرد المعلومة في اتجاهين. الاول ابواب التقوى والايمان يعني سترى هذا في مصنفاتهم. سترى الورع الخوف من الله. التقوى. لابد ان تعرف ان هؤلاء الائمة ما بلغوا. يعني ما بلغوه

335
01:32:28.250 --> 01:32:53.350
الا وعامل التقوى بكل فروعها كان مقصدا عندهم ائمة الاسلام الذين اقصدهم هنا هم ائمة العلم اهم طبقة في هؤلاء هم صحابة النبي صلى الله عليه وسلم لابد ان يكون لك ورد في التعرف على هؤلاء الصحابة الكرام. لازم. طبعا اول شيء الانبياء الكرام ده هذا خارج الكلام

336
01:32:53.350 --> 01:33:10.300
يعني الكلام هنا عن الانبياء هذا يعني خلينا نبدأ من الانبياء آآ عليهم صلوات الله وسلامه ان تعيش مع رسل الله صلى الله عليه وسلم وانبيائه اقسم بالله هذه مقدمة لا يمكن ان تحصل عليها من اي علم. وانا احب ذلك احب ان اتتبع

337
01:33:10.700 --> 01:33:30.700
قصص الانبياء واقف مع احوال هؤلاء الانبياء كيف كانوا يتوبون؟ كيف كانوا يعلمون؟ ما هي صفاتهم؟ كيف عبادتهم؟ لماذا اثنى الله عليهم؟ ما الفرق الفرق بين ذكر الانبياء في سورة صاد. ذكر الانبياء في سورة مثلا آآ في سورة الانبياء او في سورة طه او في سورة الشعراء او في سورة آآ مثلا

338
01:33:30.700 --> 01:33:45.650
اعراف يعني ايه الفرق بين ذكرهم هنا وذكرهم هنا؟ ايه الفرق؟ كيف كان يكلم الانبياء ربهم تبارك وتعالى؟ ما هي الامور التي امرهم الله بها ونهاهم عنها. كل هذا الامور من اخص ما اطلبه

339
01:33:45.900 --> 01:33:55.900
يعني وانا اقرأ القرآن اكتب كده ان سيدنا نوح قال كذا وقال كذا. اني اعوذ بك اسألك ما ليس لي به علم والا تغفر لي وترحمني اكن من الخاسرين. سيدنا مثلا آآ

340
01:33:55.900 --> 01:34:15.900
ادم وحواء ربنا ظلمنا انفسنا. سيدنا مثلا ابراهيم والذي اطمع ان يغفر لي خطيئتي يوم الدين. اجمع هذا واهتم به. فيبقى الفكرة الاولى يا شباب هي ان هناك معاني ايمانية لا يمكن ان تحصل للمسلم الا عن طريق ان يعرف سنن الصالحين الذين رضي الله عنهم. وده بقى هييجي ازاي

341
01:34:15.900 --> 01:34:28.700
ازاي بقى يا شباب انك تقرأ للانبياء تقرأ للاخلاق التي ذكرها الله في القرآن. موجودة في سورة البقرة ليس البر ان تولوا وجوهكم قبل المشرق والمغرب الى اخر الاية. مثلا في سورة في سورة

342
01:34:28.700 --> 01:34:46.700
وسارعوا الى مغفرة من ربكم وجنة عرضها السماوات والارض في سورة ال عمران. مثلا في وصية لقمان لابنه آآ سورة مثلا الشورى خلاص آآ في صورة مثلا آآ قد افلح المؤمنون الذين هم في صلاتهم خاشعون انما المؤمنون الذين اذا ذكر الله وجلت قلوبهم جمع الاخلاق

343
01:34:46.700 --> 01:34:56.700
التي اثنى الله بها على اهل الايمان ان مثلا ان الانسان خلق هلوعا اذا مسه الشر جزوعا واذا مسه الخير من نوعا كل هذا اساس يا شباب في تزكية النفس وحتى ترزق

344
01:34:56.700 --> 01:35:11.450
به المعرفة النافعة. القصة مش مش كثرة المعلومات يا شباب. اذا كان القلب سليما والعقل حكيما والمعلومات قليلة ينبل الانسان بها. اما اذا لم يتحقق هذا الاساس الا يزيده كثرة المعلومات الا ضلالا. وهذا امر مهم جدا

345
01:35:11.650 --> 01:35:26.750
الانبياء الكرام اخلاق القرآن ثم صحابة النبي صلى الله عليه وسلم. هذا ورد اساسي. حتى مع نفسي. يعني انا مع نفسي ومع ابنائي يحب هذا ان ان اعرفهم كيف او لماذا صحابة النبي صلى الله عليه وسلم هم خير الناس. ليه

346
01:35:27.000 --> 01:35:39.800
صحابة الناس صحابة النبي صلى الله عليه وسلم مش خير الناس كده بالفهلوة لا في صفات معينة ذكرها الله عنهم. اذا طلبت انا هذه الصفات من القرآن والسنة وكتب الاثار

347
01:35:39.850 --> 01:35:57.100
لقد فزت فوزا عظيما يبقى عندي مثلا في القرآن ربنا سبحانه وتعالى لما ذكر مثلا المهاجرين والانصار والذين تبوأوا الدار والايمان من قبلهم يحبون من هاجر اليهم ولا يجدون في صدورهم حاجة مما اوتوا. ويؤثرون على انفسهم ولو كان بهم خصاصة ومن يوق شح نفسي فاولئك هم المفلحون. خصلة

348
01:35:57.100 --> 01:36:17.450
عرفتوها ان احب الخير لاخواني وان انظف قلبي وان لا اجد في نفسي شيئا مما اوتي اخواني فان افرح وان يكونوا سندا لي فكرة. طيب في اخرى محمد رسول الله والذين معه اشداء على الكفار رحماء بينهم. كل ما اجمع عن الصحابة صفات رضي الله عنهم بها هذا عظيم. طيب بقى

349
01:36:17.450 --> 01:36:30.800
عنهم في الاحاديث النبوية. اقرأ عنهم في كتب الاثار مصنف ابن ابي شيبة ومصنف عبدالرزاق وتفسير الطبري. وغيره من الكتب التي جمعت الاثار خلصنا بقى الطبقة دي نبدأ بقى ننتخب ممن بعدهم

350
01:36:30.900 --> 01:36:50.400
اقرأ بقى للائمة. الائمة دول بقى يا شباب اما انك انت تقرأ تراجمهم مثل كتاب مثلا سير اعلام النبلاء. عظيم جدا في تراجم هؤلاء اختر يعني مش لازم تاخد الكتاب كله. يعني انتقي مثلا انا احب اقرأ مثلا تراجم التابعين مثل الحسن البصري الشعبي ابن سيرين. سعيد ابن المسيب

351
01:36:50.800 --> 01:37:06.950
اقرأ مثلا تراجم آآ الائمة اللي هم لهم آآ في العلم مثل البخاري مثل مسلم. آآ طبعا شعبة بن الحجاج سفيان الثوري سفيان بن بين الشافعي فاقرأ تراجم هؤلاء. تراجم مؤثرة جدا طبعا اعظم ترجمة احبها

352
01:37:07.000 --> 01:37:21.150
للعلماء صراحة يعني يعني قرأت الحمد لله لي ورد سابت لهؤلاء لكن اعظم ترجمة يعني اجزم ان الله سبحانه وتعالى رزقني بها من زمان جدا وكان لها وقع عظيم في قلبي هي ترجمة عبدالله ابن المبارك

353
01:37:22.050 --> 01:37:38.650
لا اعلم احدا. يعني كل الناس اللي وصتهم بقراءة ترجمة عبدالله ابن المبارك عرفوا لماذا انا اذكر هذا الرجل عبدالله ابن المبارك هو شخص لا يمكن ان تخرج من ترجمته كما دخلت الترجمة. اقرأ ترجمة عبدالله ابن المبارك من سير اعلام النبلاء

354
01:37:38.800 --> 01:37:59.400
لترى نموذجا سعى في اكمال شعب الايمان سعيا حثيثا فيعني انا مش عايز اكلمك عنه يعني عبدالله ابن مبارك ده شيء يعني رحمه الله رحمة واسعة. عبدالله بن المبارك نموذج ينبغي ان يقرأه طالب العلم ليعرف كيف يسعى الانسان في تحصيل شعب الايمان قدر الامكان

355
01:38:00.000 --> 01:38:10.000
آآ في حاجات كتيرة جدا عندي بس انا طولت جدا حاسس ان انا يعني تجاوزت وقتك الكبير. بس احاول الخص خلاص باخر حاجة. طيب مين بقى الائمة المحققين اللي احنا نقرأ لهم عشان نبحث

356
01:38:10.000 --> 01:38:29.350
او نجد في كتبهم هذه المعاني آآ طبعا الائمة اللي لهم كتب يعني اوليهم تراث كبير جدا مثلا الامام الشافعي من خلال كتاب الام. آآ مثلا الامام الطبري من خلال مثلا تفسير الطبري بالذات يعني مثلا ابن تيمية آآ ابن هشام الانصاري آآ ابن كثير ابن حجر العسقلاني مثلا

357
01:38:29.350 --> 01:38:49.150
الذهبي آآ الشاطبي. فدول ائمة محققين يعني يفيدونك من ناحية من ناحية منهجية العلم ومن ناحية المعلومات  يعني يمكن كده ان انا اكون خلصت يعني انا الصراحة طولت قوي. والكلام فتح لان انا احب كثيرا ان انصح الطلاب بما يعني اجده من من امور انصح بها نفسي

358
01:38:49.650 --> 01:39:08.400
وبيصعب علي والله جدا ان انا الاقي شاب اما ان هو مشتت او مضيع نفسه او عايش على الفيسبوك عمال يدخل في خناقات بين اتنين من نشطاء او عايز يرد على الشبهات وهو اساسا ما عندوش محكمات. او عايز مستعجل للتصدر او تايه او عنده هوا او كسل. او بيتبع الموضة ان الناس دلوقتي بقت بتتكلم

359
01:39:08.400 --> 01:39:27.350
باسماء المفكرين الاجانب فعايز يخش معهم. فانا بيصعب علي. عايز اقول لك انت بين يديك جوهرة عظيمة جدا وهي العمر هذا العمر يحتاج ان تستعين بالله وان تختار لنفسك شعبة من شعب الايمان. تسعى في كل الشعب لكن تختار لنفسك بابا وتجمع قلبك عليه

360
01:39:27.350 --> 01:39:43.300
شيئا عظيما ان شاء الله ولكن اجعل تفوقك لله تبارك وتعالى لا تهتم بان يلاحظ الناس تفوقك ولا اجتهادك ولا تعبك لانهم لا يملكون لك شيئا ولا آآ الجزاء وكذلك ليسوا يعني عالمين بك

361
01:39:43.400 --> 01:39:58.900
عندي كلام كتير جدا عايز اقوله لكن آآ لكن يعني ارجو ان احنا نكون يعني ذكرنا مفاتيح وانا على فكرة والله ما كنتش محضر للموضوع ده خالص بس خطر ببالي وانا قاعد بعد الفجر ان كتير من الشباب بيبعت فانا قلت اعمل لهم حاجة كده

362
01:39:58.900 --> 01:40:13.900
يعني مجملة والحمد لله يعني لعل الله سبحانه وتعالى فتح بها بمفاتيح. يمكن ان شاء الله ان هي تنفعك يا رب يعني ربنا يبلغنا في فيما في الحق الذي نطلبه امالنا. وان يجعل ذلك خالصا لوجهه لا يجعله رياء

363
01:40:14.100 --> 01:40:26.500
تلك الدار الاخرة نجعلها للذين لا يريدون علوا في الارض ولا فساد والعاقبة للمتقين والله سبحانه وتعالى قال والذين جاهدوا فينا لنهدينهم سبلنا وان الله لمع المحسنين بشرط ان تجاهد فيه

364
01:40:26.700 --> 01:40:46.650
لا ان تجاهد لان يقال فلان كذا وكذا. لانهم لا يملكون لك شيئا يعني الاخلاص والتمكن يعني كل منهما يعين على الاخر فجزاكم الله خيرا وبارك الله فيكم واحسن الله اليكم. انا طولت عليكم كتير قوي. ومعلش الكلام ما كانش مترتب. لكن ارجو انه يكون يعني اهم ما اردت بيانه يمكن ان

365
01:40:46.650 --> 01:41:06.100
قلت بارك الله فيكم وجزاكم الله خيرا واحسن الله اليكم وارجو لو في حد عنده موضوعات خاصة خاصة بالموضوع ده آآ او باي باب يعني ممكن ان انا افيده فيه يكتبها ان شاء الله نعمل لها لقاءات. بارك الله فيكم وجزاكم الله خيرا والسلام عليكم ورحمة الله وبركاته