ملك ولا بواحد صاحب مالتي ناشيونال جروب. حافزوا على صديقكم بالله. حافزوا على الكنز اللي ربنا اداه لكم. حافزوا على دينكم. حافزوا على نعمة الاسلام. حافزوا على نعمة الالتزام. حافزوا على
سلام عليكم ورحمة الله وبركاته. اخواني واخواتي في الله. يعني في ملتزمين خلاص قلبه مات. ميت اكلينيكيا. عارفين المريض الميت اكلينيكيا في المستشفى خلاص المخ ما عدش شغال. القلب ما عدش شغال. هو كل حياته على تنفس صناعي. كل لو شلنا جهاز التنفس الصناعي كل حاجة انتهت
كل حاجة راحت. فيه ملتزم كده. هو عايش مش عايش طبيعي. مش ايمان طبيعي. هو عايش بشوية مسكنات. هو عايش باجهزة صناعية. انما فين زمان فين هنزل عليك؟ هان عليك عبادة زمان اوراد زمان الاقبال على الله زمان صحبة زمان قسوة القلوب الموت الاكلينيكي للملتزم
من برة لسة شكلها حلو. هو من برة لسة شكله ملتزم وملتحي ومنطلق وممكن مقصر الجلباب وبيتكلم في السنة ولكن من جوة خلاص قلب مات بقى ميت اكلينيكيا قسوة القلوب. يا ترى ايه سبب ان قلوبنا بتقسى؟ ايه سبب ان انا ما عدتش عارف اخشع في الصلاة؟ ايه سبب ان انا عدلت الصلاة بتضيع علي وما بحسش
زعلان ايه سبب ان الايمان ضعف؟ ايه سبب ان الايمان بهت؟ ان الايمان لا يدرس. الايمان بيبهت. زي ما السوب بالزبط كده بيبهت. بالزبط كما وشي السوب كما قال النبي صلى الله عليه وسلم. زي ما توب كده كان في الاول الوانه براقة وبعد كده خلاص بقى باهت. فيه ناس ايمانها بقى باهت. فيه ناس التزامها بقى باهت
بقى منزر وخلاص وحتى المنزر نفسه بقى فيه بهتان. ايه اسباب قسوة القلوب؟ الله سبحانه وتعالى. سبحانه وتعالى يقول فلما زاغوا ازاغ الله قلوبهم. يعني عارفين لما الطالب يزوغ من المدرسة يزوغ من حصة الفيزياء بيكرهها. فلما زاغوا ازاغ الله قلوبهم. لما زوغ من تكاليف الشرع بدأ
قلبه يزوغ من الاتصال بالله سبحانه وتعالى. القلب انحرف لما الجوارح انحرفت. يبقى ايه سبب ان ده قلبه ضاع؟ ايه السبب ان ده بقى ملتزم ميت اكلينيكيا؟ ان فيه حاجات
معينة من اوامر اللهو مش قادر عليها. هي هي بتطلع صدقة. هي بتصوم اتنين وخميس بس مش قادرة على الحجاب الشرعي. هو انسان كويس هو ممكن كمان بيصلي قيام ليل بس مش
قادر على تكبيرة الاحرام. مش قادر على صلاة الجماعة. هو فيه حاجة فيه حاجة في حياته مش قادر ان هو يعملها. مش قادر انه يتاع ربنا فيها. وهي من واجبات
الشر عليه. ده من اسباب قسوة القلوب. راجع نفسك. من اسباب قسوة القلوب قال الله سبحانه وتعالى ثم قست قلوبكم. القسوة دي بقى القلب زي الحجر ما بيلنش. مش حجر
طرية مش حاجة بتتجاوب مع الوعظ. لو سمع كلام عن الله والدار الاخرة القلب متحجر. لو صلى لو صلى تراويح القلب بتاعه بقى حجر ما بيتأسرش ثم قست قلوبكم فهي كالحجارة او اشد قسوة. هو ربنا قال لبني اسرائيل كده امتى؟ بعد ما قال لهم بقى فرقنا بكم البحر. وبعد ما
ربنا ضرب موسى بعصاه الحجر فانفجرت منه اثنتا عشر. بعد ما ربنا وراهم الايات. ووراهم النعم وعرفهم ايه اللي يريدوا ما عملهوش. من اكبر الحاجات اللي تموت القلب انك تبقي عارفة ربنا يريد منك ايه وما تعمليهوش. انك تبقى عارف ان دي ربنا بيحبها وما تعملهاش او انك تبقى عارف ان دي بتغضب ربنا
عليها ان يبقى في حياتك ثقب اسود زي الثقوب السوداء في السماء اللي بتمتص النجوم وبتمتص المجرات اللي في حياتك معصية بتمثل ثقب اسود مواقع بتدخل عليها. وانت ملتزم آآ حاجة معصية سر انت مدمنها وانت ملتزم. علاقة غلط انت ماشية فيها وانت ملتزمة. معاملات مادية حرام
بتاكل منها وانت ملتزم سقب اسود قعد يشفط الحسنات. قعد يضيع حسنات كتير والعياذ بالله. يبقى من اسباب قسوة القلوب فهي كالحجارة او اشد قسوة ان الانسان يبقى عارف ان دي حاجة ما بترضيش ربنا في حياتك. لازم تتغيري في النقطة دي وقاعدة تأجلي من اسباب قسوة القلوب قول الله سبحانه وتعالى
في سورة الحديد الم يأن للذين امنوا ان تخشع قلوبهم. ان القلب يتفطر من جلال الله. ان تخشع قلوبهم لذكر الله. ولا يكونوا كالذين اوتوا كتابة من قبل فطال عليهم الامد فقست قلوبهم. طال عليهم الامد فقست قلوبهم. من اسباب قسوة القلوب ان الامد يطول. ان الفجر بقى لك شهرين ما بتصليش
مش الفجر وعادي ان انت وردك ضايع منك بقى لك سنة ما عندكش ورد وعادي. ان انت عارفة ان انت العبادة بتاعتك مش زي زمان وعادي ان بقى عادي. ان بقى الدين بينزل في حياتك وعادي. انك بقيت بتصحى تلاقي صلاة الجماعة فاتت عليك وعادي. ان صلاة الجماعة بتعدي عليك يوم
اتنين وتلاتة وعادي انك ما بتفتحش المصحف بقى لك اسبوع وعادي فطال عليهم الامد فقست قلوبهم دي من اسباب قسوة القلوب من اسباب قسوة القلوب من اسباب في الملتزم الميت اكلينيكيا قول الله سبحانه وتعالى فلولا اذ جاءهم بأسنا تضرعوا ولكن قست قلوبهم من اسباب قسوة القلوب
ان لما ربنا يبتليك بابتلاء عشان ترجع. عشان تعملي سورة تصحيح في حياتك. عشان تعمل يوتيرن. عشان تبدأ بقى تزود عبادتك وتتوسل الى الله فتبدأ بقى تاخد ثمرة الابتلاء لأ انت مكمل الابتلاء اسباب دنيوية. انت معرض عن الله حتى في الابتلاء. انت والعياز بالله فلا تكن من القانتين. ربنا مش هيعمل لي حاجة. ما فيش حاجة مستناها
ربنا. ربنا مش هيغير الوضع اللي انا فيه. تفضل تجري ورا الاسباب وخلاص باعد بين اسفارنا وظلموا انفسهم. يبقى ازا من اسباب قسوة القلوب ان ساعة الابتلاء ربنا عشان يعالجك عشان تبدأ بقى تدعي كتير. يبدأ تعرض عن الله فيزيد القلب. قسوة من اسباب قسوة القلوب في قول الله سبحانه
تعال فبما نقضهم ميثاقهم لعناهم وجعلنا قلوبهم قاسية. نقضي الميثاق مع الله. ان ربنا يكلفك في الدعوة اليه وان ربنا سبحانه وتعالى يريد منك انك تشتغل في نصرة دين ربنا سبحانه وتعالى ولكن انت ما بتشتغلش. فبما نقضهم ميثاقهم نقضوا الميثاق مع الله ما شالوش
في الدين فانما عليه ما حمل وعليكم ما حملتم ما شالوش الدين. ما شالوش الدعوة. لعناهم وجعلنا قلوبهم قاسية. يعني الدعوة اللي فيه ملتزمين كتير بيسيبوها قولوا قلوبنا مش سخنانة. اصل مش لاقي قلب في الدعوة. مش قضية انت لاقي قلبك فين. قضية ايه اللي يرضي ربنا؟ ايه اللي يفرح ربنا؟ ايه اللي يطول الله منك خير فيه
هي دي القصة ان ان ربنا سبحانه وتعالى جعلنا قلوبهم قاسية امتى؟ لما نقضوا الميثاق. لما خالفوا الميثاق فالانسان مش انت اللي بتحددي ايه اللي يصلح لك قلبك؟ مش انت اه زمان كنا نسيب قيام الليل لاني مش لاقي قلبي فيه. انما انا لاقي قلبي في الزكر يبقى هاعمل الزكر. انا مش لاقي قلبي في الدعوة الى الله. يبقى ابعد عن الدعوة. لا
الكل حاجة ربنا امرك بها هتلاقي قلبك فيها. عشان كده الله سبحانه وتعالى يقول امن الرسول بما انزل اليه من ربه. ربك اللي بيربيك يبقى كل تكليف من تكاليف الشرع تربية من الله سبحانه وتعالى. لك من اسباب قسوة القلوب قسوة القلوب مع مع قسوة قلبك مع اخوانك. مش بس قسوة قلبك
الله! انك انت مش بس ان صلتك مع ربنا يبقى فيها مشاكل. ان صلتك باخوانك فيها مشاكل. احنا دلوقتي في ملعب كورة يا جماعة. وآآ اخوانا وحبايبنا ونلعب كورة ايه المشكلة انك مش اللي بيموت القلب بتاع الملتزم انه انه بيتمتع بالدنيا متعة الدنيا مش حرام؟ قل من حرم زينة الله
التي اخرجها لعباده. يا عم رح جيم. يا عم اتمتع يا عم اتبسط. يا عم آآ يا عم ار الله ار الناس نعمة ربنا سبحانه وتعالى عليك بالعقل وبالحكمة وبالموت موافقة ما بين نصوص الشرع ولكن القصة مش كده. القصة ان قسوة القلب لما الانسان بيبدأ يلعب في الدين. يبقى القصة مش في الدنيا. القصة في الدين. عشان كده النبي
الساعة وساعة ساعة الدنيا وساعة للدين. ساعة لقلبك وايمانك ويقينك وعبادتك. وساعة لمعاشك والسعي في الاسباب ومزاكرتك وتحصين الشهادة ساعة الدنيا مهمة في تربيتك ووصولك الى الله زي ساعة الدين. انما القصة كلها انت جد ولا مش جد. ملتزم ميت اكلينيكيا. قضية في غاية الخطورة
اوعي تبقي ملتزمة ميتة اكلينيكيا. اوعى تبقى ملتزم من برة وانت من جوة قلبك خلاص باظ قلبك فسد. عدت بتبص في الحرام وما انتاش حاسس بحاجة عادي بتضيع فرائض ما انتاش حاسس بحاجة عادي عدت بتاكل حرام. وربا بنوك وما انتاش حاسس بحاجة عادي. عدت بتكدب في الشغل عشان تخلص مصالحك وعادي
عدتي يعني متنازلة في حجابك ووشك وعادي. عدتي متنازلة في العلاقات والاختلاط وعادي. عدت بتضيع صلاة الجماعة وتصحى تلاقي فرضين ضاعوا عليك وعادي. نسيت القرآن اللي حفزته؟ عادي. النص ساعة اللي قبل الفجر كنت بتصليها وراحت عادي. اورادك راحت منك عادي
اوعى توصل للمرحلة دي. اوعى يهون عليك دينك. اوعى يهون عليك التزامك. خلي دينك اغلى من انك لو لقيت مليون جنيه في الارض. كل ورد عبادة في حياتك اغلى من كل ده
حافزوا على قلوبكم يا اخواني. حافزوا على قلوبكم يا شباب. حافزوا على قلوبكم يا اخوات. حافزوا على قلبك. قلبك ده اداة الاتصال بينك وبين الله. قلبك ده الجي بي اس الرباني اللي ربنا بيرفعك
به واللي ربنا هيسكنك الفردوس الاعلى في جوار النبي عليه الصلاة والسلام بازن الله. به حافزوا على قلوبكم وصلحوا قلوبكم. واوعى توصل واوعي توصلي في يوم من الايام في مرحلة ملتزم ميت اكلينيكيا سواء في اتصاله بالله قلبه ازي او في اتصاله باخوانه وقعدتك مع اخوانك. حتى لو لو ماتش كورة
بعضها موعزة وبعضها حاجة ايمانية. شوفوا قلوبكم وحافظوا على قلوبكم. واوعوا الدنيا تخطفكم من ربنا. الدنيا دي خطافة الرجالة. بيبقى راجل في الدين ومنطلق في الدعوة تيجي الدنيا تخطفه من اللي هو فيه. حافزوا على دينكم. حافزوا على صلتكم بالله اللي اخطر من اي صلة برجل اعمال. اللي اخطر من اي صلة برئيس جمهورية. اللي اخطر من اي صلة
نعمة السنة واتباع اهل العلم الملتزمين بسنة النبي عليه الصلاة والسلام حافزوا على دينكم لانه اغلى شيء. ولانه ربنا بيحب اللي الدين عنده غالي. وعلى قد ما دينك عندك غالي وبتحافز عليه اوعى تسيب دينك يضيع منك. ان تحبط اعمالكم وانتم لا تشعرون. دينك يضيع وانت مش حاسس. دينك يتخطف. الشيطان يدمرك وانت مش حاسة
بهدوء زي واحد معه كنز وواحد قاعد يخدره ويسحب منه الفلوس. ويسحب منه الكنز لحد ما يضيعه. ان تحبط اعمالكم كل اللي انت بنيته يضيع وكل اللي انت اتهد وانتم لا تشعرون. الشيطان بيضيعك وانت مش حاسس. خد بالك من دينك. خدي بالك من دينك. دينك في عبادتك. دينك على سجادتك
الصلاة بتاعتك ودينك وسط اخوانك. ودينك وسط الحياة الاجتماعية. في المناسبات الاجتماعية في العبادة مع بعض. في جلسة ايمانية مع بعض. حافزوا على دينكم الاتصال بالله والاتصال ببعض ربنا يبارك فيكم يا رب. اللهم اصلح فساد قلوبنا. اللهم طهر قلوبنا. اللهم اضئ قلوبنا. اللهم نور
قلوبنا بنور القرآن. اللهم اجعل القرآن العظيم ربيع قلوبنا. ونور صدورنا وجلاء احزاننا وذهاب همومنا. اللهم اسعدنا في الدنيا والاخرة اللهم اسعدنا في الدنيا والاخرة. اللهم ارزقنا الصحبة الصالحة. اللهم ارزقنا الصحبة الصالحة. اللهم متعنا باسماعنا وابصارنا وقواتنا ابدا
ما احييتنا واجعله الوارث منا. اللهم امين. سبحانك اللهم وبحمدك. اشهد ان لا اله الا انت. استغفرك واتوب اليك