يقول لها اصل ده مش واجب اصل ده مش فرض خلاص ما تقلعيه انت يعني ده مكبرك. ايه اللي هيحصل يعني؟ ما انت برضه هتلبسي لبس واسع. هي دي القصة بقى. قصة ان هي بعد السلام عليكم. بسم الله والحمد لله والصلاة والسلام على رسول الله. جت لي رسالة من بنت لابسة النقاب بقى لها خمستاشر سنة. ما شاء الله محافزة على النقاب ولابسة لبس محتشم ولبس واسع. وبعدين آآ بتقول انا يعني بيجي لها خواطر ونفسها بتراودها عن ان هي تخلع النقاب وبتقول اصل هو اصلا يعني اصلا فيه خلاف يعني بين ان هو فرض وبين ان هو مستحب وفي خلاف فانا ايه عايز عايز اقلعه لان هي حاسة ان هو بقى عبء عليها وان هي مش قادرة تستمر به وآآ وده يعني حال كتير مننا يعني حال كتير من من البنات بتبقى مسلا محجبة او بتبقى منتقبة وبعدين هي ما شاء الله ربنا من عليها وخدت خطوة النقاب وعملت حاجة فعلا في الزمن ده اه ثوابها عند ربنا كبير جدا لان زمن فتنة وزمن قلت فيه الديانة وزمن انتشر فيه العري وانتشرت فيه الفواحش فان واحدة تحافظ على حجابها وتحافظ على النقاط بتاعها وتستر الوجه موضع الزينة وتعمل حاجة يا تلبس تتشبه بامهات المؤمنين يعني حاجة عالية جدا عند ربنا سبحانه وتعالى بازن الله آآ ولا يستوي. يعني لا يستوي البنت اللي بتجاهد نفسها اللي هي تلبس النقاب والبنت اللي بتجاهد نفسها ان هي آآ توسع لبسها وتلبس لبس محتشم وتستر نفسها في في الزمن ده وتستحمل الحر وتستحمل تريقة الناس لا تستوي آآ مع اللي تركت الامر ده. يعني لا يستوي اللي بينفز امر ربنا سبحانه وتعالى وبيمتثل طاعة ربنا سبحانه وتعالى وبيحسن في العبادة لا يستوي مع غيره. لا يستوي الطائع مع العاصي. لا يستوي المحسن مع المسيء انا يعني كلامي النهاردة مش ان احنا جايين نفصل فيه المسألة مسألة النقاب هل هو واجب ام مستحب وان كنت انا اقلد اهل العلم القائلين بوجوب النقاب. ان انا ان موضع زينة المرأة في الوجه. واحنا بالنسبة لنا كشباب لما بنشوف واحدة منتقبة اه انت ممكن تفتن بالوجه ممكن تكون واحدة شكلها حلو ووشها جميل. واه وانت لما تنظر الوجه خاصة في الزمن اللي احنا فيه مع قلة الديانة. آآ تفتن وجه المرأة او بشكل عام عامة. انا اقلد اهل العلم القائلين بوجوب النقابة. اني شايف ان المرأة لما بتستر الوجه ده ابلغ فيه الستر. ولما انت بتتعامل مع بنت او بتشوف بنت منتقبة آآ انت يعني يكاد تنعدم فكرة ان انت تفتن اصلا ان هي مغطية كل حاجة ما شاء الله لابسة لبس واسع ولبس فضفاض ومغطية وشها فانت آآ الفتنة اه تقل يعني بشكل كبير جدا. وده طبعا يعني مشاهد. وده حجاب امهات المؤمنين ولا شك ان ستر كل ما المرأة بتبالغ في الستر تستر الوجه وتستر البدن وتلبس لبس واسع وتوسع وتختار الالوان اللي لا تظهر الزينة بتاعتها كل ما هي بتبالغ في التستر كل ما ده يكون ارضى لله لان ربنا سبحانه وتعالى بيحب ده. ان الله حيي ستير يحب والحياء والستر. آآ فمش قصتنا ان احنا بنتكلم في احنا يا جماعة جايين نقول هو النقاب واجب ولا مستحب ده كلام اهل العلم تكلموا فيه والفقهاء ممكن ايه الناس ترجع لكلام اهل العلم وترجع المسألة مش ده كلامنا احنا كلامنا عن واحدة الحمد لله بفضل الله كانت لابسة النقاب مقتنعة به اما ان هي مقتنعة ان هو واجب واما ان هي مقتنعة واجب يعني فرض يعني هي هي لو ما عملتش ده تأثم يبقى هي تاركة فرض. او مستحب يعني ايه مستحب؟ يعني ربنا سبحانه وتعالى بيحب ده. يعني بين ان هو حاجة واجبة ان هي حاجة مستحبة. يعني حاجة ربنا يحبها. ربنا يرفع درجاتي لو انا عملتها. ربنا يرضى عني لو انا عملتها فهي دلوقتي بتقول انا ما عدتش قادر انا عايزة اقلع النقاب. عايزة تقلعي النقاب ليه؟ عايزة اقلعه لان انا والله هي نفسها بقى لها مدة طويلة او ممكن بعد ما لبسته بقى لها مسلا سنسنة بقالها سنتين او مدة قصيرة او مدة طويلة هي حاسة ان هي خلاص عايزة تقلع ما عادتش قادرة. آآ هنا دي نصيحتي هنا للبنت دي. آآ يا جماعة في فرق بين ان انت من البداية بتبحس مسلا في الامر بتشوف هو واجب ولا مستحب فخلاص واجب يبقى انا يتعين علي فرض علي ان انا اعمله. فرق بين ان انا بعد ما دخلت في الطاعة وعملتها واستمريت عليها بعدين ارجع اقول ايه ده هي كانت واجب ولا مستحب؟ ايه ده؟ هي مش واجب طب خلاص انا ايه هسيبها. في فرق في فرق هنا احنا بنعامل ربنا سبحانه وتعالى ولا شك ان الانسان لما بيتعود على الطاعة معينة ولما بيتعود على خير وبيترك ده ده مذموم. يعني ترك الحاجة حتى لو مستحب ده مزموم ما فيش حاجة حلوة. يعني مثال لو واحد مثلا متعود على قيام الليل. واحد تعود على آآ قراءة القرآن دعوة الى الله. هل مسلا يعمل ايه الفرض؟ يعمل ايه المستحب؟ سنة عن النبي عليه الصلاة والسلام. طيب هل معنى ان هي حاجة سنة؟ ان هي حاجة مستحبة؟ ان انا اسيبها عادي لأ ما هو لو انا كنت متعود على قيام الليل وسبته هل دي حاجة آآ تحمد او حاجة تذم حاجة تذم؟ يعني ربنا بيحب المعاملة دي ان انا اكون مثبت عبادة معينة او طاعة معينة انا كنت بعملها وبعدين قررت ان انا اسيبها اصل هي مش واجب اصل هي مش فرض. التعامل ده اصلا الصحابة ما كانوش بيتعاملوا كده. احنا تعامل ربنا سبحانه وتعالى. ربنا سبحانه وتعالى قال ان الله لا يغير ما بقوم حتى يغيروا ما بانفسهم. احنا بنفهم الاية دي على معنى ان مثلا ان الله لا يغير ما بقوم يعني عشان ربنا يغير حالك ويصلح حالك انت محتاج ان انت آآ تغير منه نفسك وتجاهد نفسك. لكن من معاني الاية ان الله لا يغير ما بقوم حتى يغيروا ما بانفسهم. يعني ربنا سبحانه وتعالى بيعامل الانسان بالاحسان والاكرام والولاية والحفز. الانسان الانسان المحسن الانسان المطيع يكون جزاء طاعة الانسان وشكر الانسان لنعمة ربنا سبحانه وتعالى واستمرار الانسان على العبادة ان ربنا يتولى الانسان ده ان ربنا يحفظ الانسان. لما انت بتبدل او لما البنت انت بتبدل المعاملة مع ربنا سبحانه وتعالى ربنا يبدل المعاملة. وان عدتم عدنا. يعني انا ان الله لا يغير ما بقوم حتى يغيروا ما بانفسهم لما انا اغير من الطاعة للمعصية المعاملة تتغير. بعد ما كان ربنا بيحفز الانسان بعد ما كان ربنا بيستر الانسان بعد ما كان ربنا بيتولى الانسان لما الانسان ابدل معاملته مع ربنا سبحانه وتعالى وترك الطاعة وانتقل الى المعصية المعاملة هتتغير. فاحنا هنا مش قصة ان احنا بنتكلم اصل هو مرض اصل هو مستحب مش عايزين التعامل بتاعنا مع ربنا يبقى كده. مش عايزين ايه ده هو هي سنة الضهر آآ سنة؟ هي مش فرض. طب خلاص انا مش هصليها طب قيام الليل؟ طب الاتنين والخميس؟ طب قراءة القرآن طب ما هي الحاجات دي كلها الصدقة خلاص هترك بقى الصدقة ونترك قيام الليل ونترك الوتر ونترك صلاة الضحى ونترك ده لو احنا بنتعامل تعامل اللي هو ايه؟ احنا بنقول ان هي ده مستحب مسلا النقاب مستحب. ده لو احنا بنتعامل ده ففكرة ان انت تترك اصلا مع تائل ان العبد يترك ما اعتاده من الخير. آآ دي حاجة تذم. يعني النبي عليه الصلاة والسلام لما قال لسيدنا عبدالله بن عمرو قال يا عمرو الله لا تكن مثل فلان كان يقوم الليل فترك قيام الليل. قال له ما تبقاش زي فلان. فلان ده عمل ايه؟ فلان ده اتعود ان هو كان له عبادة مع ربنا سبحانه وتعالى. له حال مع ربنا سبحانه وتعالى. واحد عاهد ربنا ان هو هيصلي قيام ليل. يبقى انا ده ورد عندي ثابت عندي وبعدين قرر ان هو يبدل ان انا خلاص ما عدتش اصلي. يا عبد الله لا تكن مسل فلان كان يقوم الليل فترك قيام الليل. ده ايه؟ ده مذموم ولا محمود؟ ده مذموم فالانسان لما لما البنت ان هي ما شاء الله لبست النقاب ولبست الحجاب وخدت خطوة وبعدين قررت ان هي تترك ده ده حاجة تذم حتى ان كانت بتاخد بقول ان ده مستحب. حتى ان كانت بتاخد بقول ان ده مستحب. النقطة التانية هي نقطة اسباب الفتنة يا جماعة احنا ساعات بننسى ان فيه شيطان. ساعات بننسى ان احنا بنحط نفسنا في وسط بيئة ربنا قال ولكنكم فتنتم انفسكم. ولكنكم فتنتم انفسكم. يعني احيانا انا بحط نفسي في مكان البنت تفتن نفسها فيه. يعني هي في وسط صحبة سيئة. بنات آآ كل البنات مش مش محجبات. او الحجاب ما يرضيش ربنا سبحانه وتعالى. وآآ بتتفرج على مسلسلات والافلام وشايفة اللي زاهرة بالزينة بتاعتها وشايفة فالممسلة دي ومشاهد الحب ومشاهد الرومانسية فبتفتن بده. تسمع اغاني اغاني الحب واغاني والمهرجانات والاغاني اللي بتفسد قلب الانسان في نفس الوقت في المقابل ما فيش بيئة صالحة. يعني هي بعيد عن الصحبة الصالحة. بقى لها كتير ما بتسمعش دروس علم. ما بتسمعش موعظة اه ما فيش قدامها نمازج طيبة مسلا ان هي تقتدي بها. في المقابل ان اللي حواليها بيوقعوها. يعني هي امها اه تقول لها ايه تسخر منها وتتريق عليها وتقول لها انت كبرت نفسك انت كده آآ مش عارف شكلك مش عارف ايه انت بقيتي تقعد تقول كلام صحباتها يحبطوها. ولما في اليوم من الايام ان هي تقرر ان هي مسلا تخلع مسلا النقاب ولا تخلع الحجاب وتنزل هتلاقي الف واحدة تشجعها وتقول لها ايه ده انت بجد كنت مخبية الجمال ده كله فين؟ ده انت بقيت جميلة قوي. انت بجد كان الحجاب ده مضيع جماله وتسمع الكلام ده فلما البنت تحط نفسها في وسط البيئة دي مش بيت ما شاء الله بنات بتاخد خطوات لربنا سبحانه وتعالى حريصة على دينها ان النقاب تقيل. اصل هو هو واجب ولا مستحب. اصل هو بيتعبني. طب هو كان بيتعبك زمان وكنت محتسبة وتصبري على ده؟ اشمعنى دلوقتي بقيتي جايباها من الناحية دي يعني محتاجين بس نقف وقفة. هل انا فعلا سايبة النقاب او بخلع الحجاب علشان وانا الله انا شاكة ان هو ايه تحفظ قرآن عاملين مقرأة بيحضروا دروس بياخدوا خطوات في الحجاب يعني البيئة دي تشجع هي لما تلاقي ان هي حواليها فلانة لابسة النقاب وفلانة لابسة الخمار وفلانة بتحفظ قرآن وفلانة بتطلب العلم وفلانة ما شاء الله بتنصح صاحباتها وبتعمل بتعمل في الدعوة. فلما تلاقي البيئة اللي حواليها بتشجعها على كده وبتسمع هتلاقي نفسها ان هي ايه؟ حابة ان هي تعمل ده. هتلاقي العبادة سهلة عليها لان البيئة اللي حواليها مسهلاها. لكن لما تحط نفسها في وسط بيئة صعبة يفتنها. لما تقعد تتفرج على الممسلات والممثلين والمشاهد الرومانسية ومشاهد الحب. ده سبب للفتنة. فهنا بنقول للبنت ان انت آآ هي لما اخلع الحجاب ولا اما بتخلع النقاب هي اصلا الحجاب بيتخلع من القلب قبلها. يعني لما انسان بيترك العبادة الظاهرية يقول لك اصل اهم حاجة الاخلاق. اهم حاجة اللي في القلب مين قال كده يا جماعة؟ يا جماعة اذا كان الايمان يستقيم في قلب العبد ده لازم يظهر على الجوارح. يعني اذا كان علامة صدق الايمان ان ده يظهر الاعمال بتاعتك تظهر على الجوارح بتاعتك فالبنت اللي بتظهر كل ما كان الحياء زي ما النبي عليه الصلاة والسلام قال انصح الحديث يعني الحياء والايمان قرناء. فاذا رفع احدهما رفع الاخر. فلما الايمان بيزيد في القلب الحياء بيزيد. ولما الحياء بيزيد الايمان بيزيد فلما هي تعمل طاعات ولما ايمانها يعلى الطبيعي ان الحياء يزيد. يعني لما الايمان يعلو في القلب ويزداد في القلب تكون ثمرة الايمان ده الاعمال الصالحة. الاخلاق الحسنة. لكن يقول لك اصل اهم حاجة الاخلاق. لأ لو كان القلب سليم الجوارح هتسلم اظهر على الجوارح فاحنا بنقول هنا ان البنت ما تحطش نفسها في وسط بيئة تفتنها. قل لي من يعني ابعدي عن قلت بالصحبة السيئة. آآ ما تسمحيش ان حد ان هو يسخر من حجابك يسخر من دينك. اعتزي بدينك. آآ ما تحطيش نفسك في وسط بيئة ان ممكن تبقي انت مضطرة لده لكن طول ما انا ماشية مش هقدر اتحمل ده. الواحد لما بيسمع كلمة مسلا حد بيقول له كلمة بتحبطه او ممكن يتأسر بها. احنا يا جماعة آآ احنا نفسيتنا ضعيف فعلا. يعني انت ممكن حد يقول لك كلمة مسلا يخوفك او ان هو يقول لك مسلا انت ايه ده انت بقيت لما شكلك كده بقى شكلك وحش لما انت بقيت ملتحي او ان انت بقيت متشدد شفت والله زمان كان شكلك عامل ازاي فممكن انت ايه انت واحد بتجاهد نفسك اصلا عشان تعمل السنة فتلاقي حد بيحبطك وحد يسخر منك وحد بيقلل منك فانت تحبط. فاحنا نفسيتنا ضعيفة محتاجين ان احنا نبقى في وسط بيئة تشجعنا على ده. فعشان ما اطولش. اول نقطة احنا اتكلمنا فيها نقطة ان ترك المستحب حتى لو احنا ده مستحب احنا مش بنتكلم في ترك الفرض لو هي اصلا ترى بفرضية النقاب ترى بفرضية النقب وتترك النقاب هي تأثم هنا لان هي الدين مش لعبة مش انا النهاردة بقيت شايف ان هو فرض وبعدين بعدين قدام بقيت والله شايف ان هو مستحب يعني مثلا واحد كان حافظ على الصلاة في المسجد صلاة الجماعة. وبعدين بدأ يقرأ في اقوال الفقهاء ان في فقهاء بيقولوا ان صلاة الجماعة لا ده هي مش واجبة ده سنة مستحب. يقول لك ايه ده! هي صلاة الجماعة سنة! مش فرض! طيب خلاص انا مش هصلي في الجامع. لأ ما هو فيه فرق بين انت كده تركت حاجة ابن مسعود قال ولقد رأيتنا وما يتخلف عنها يعني عن صلاة الجماعة الا منافق معلوم النفاق. ولقد يؤتى برجل يهادى بين الرجلين حتى يقام في الصف. ان ما كانش في حد من اصحاب النبي عليه الصلاة والسلام بيتخلف عن صلاة الجماعة. في فرق بين الحكم الفقهي فرق بين معاملته مع ربنا. ما تخليش دينك كله ان انت ايه ده! دي مستحبة مش هعملها. يبقى كده ايه اللي هيتبقى لك من دينك؟ يعني يا جماعة فيه تفاوت فيه درجات في الجنة في تفاوت في العلاقة مع ربنا سبحانه وتعالى. هم درجات عند الله. آآ قل لا يستوي الخبيث والطيب ولو اعجبك كثرة الخبيث. فيه ناس بتتفاوت في المنازل بالاعمال الصالحة فمش هينفع ان انا كل حاجة. ايه ده هي دي واجب واستحب فاسيبها. فدي اول نقطة. النقطة التانية ما تحطيش نفسك في وسط بيئة فتنة وبعدين ترجعي تقولي انا اتفتنت. انا حاسة واجب ولا مستحب او كده؟ طبعا الحجاب ما فيش فيه يعني ده من المعلوم من الدين بالضرورة فرض عشان ما حدش يضحك على البنات ويستهدف الشهوة جوة قلوب النساء وقلة الديانة وقلة العلم بالدين ويقول لك لا والله اصل فيه خلاف ما فيش خلاف. ما فيش خلاف امهات المؤمنين يعني آآ السيدة عائشة وزوجات النبي عليه الصلاة والسلام والصحابيات في صحيح البخاري آآ عليه الصلاة والسلام او السيدة عائشة قالت لما انزل الله اية الحجاب يرحم الله نساء المهاجرات آآ او نساء الانصار لما نزلت اية اية الحجاب شققن مروطهن فاختمرنا به. ابن حجر في فتح الباري الحافظ ابن حجر قال فاختبرنا بها اي غطينا وجوههن. والسيدة عائشة قالت في حديث الافك لما سيدنا صفوان ابن المعطل كان في اخريات الجيش ولما جه وهي اتأخرت وبعدين شافها قالت فلما رآني عرفني وكان يراني قبل الحجاب فلما رأيته خمرت وجهي بجلبابي. احنا عندنا هنا السيدة عائشة كانت آآ لابسة الحجاب وقالت ان النساء المهاجرات تفسير ابن حجر للحديث ان فاختبرنا بها اي غطينا وجوههن. النقاب. فمش بنتكلم دلوقتي في واجب ومستحب ترجعوا لاهل العلم في المسألة دي لكن بنتكلم ان ده حاجة عند ربنا عزيمة جدا. فان انا اترك ده هل انا بتركه دلوقتي ان انا رجعت اقول ايه ده هو فرض ولا مستحب لا؟ انا مش بسيبه عشان كده. انا عندي مشكلة اما بسبب البيئة اللي حواليا اللي هي بتأسر علي المقابل بسبب ضعف الزاد الايماني. ودي نقطة مهمة جدا. ان الانسان بيصبر على الطاعة ويصبر عن المعصية بالايمان والعمل الصالح يعني لما كان الانسان ليه رصيد من الطاعة لما انت بتجتهد في قيام الليل تجتهد في صلة الرحم في بر الوالدين في الاخلاق الحسنة في صدقة في الزكاة في الصلاة في اول وقتها في صلاة الجماعة. في صلاة الضحى في قراءة القرآن في طلب العلم في الدعوة الى الله. لما بتعمل اعمال صالحة بتكون ثمرة الاعمال الصالحة دي ان ايمانك بيزيد. الايمان يزيد بالطاعة. فلما الايمان بيزيد الايمان بيعمل حاجة صد بينك وبين بين المعصية وبيخليك تصبر على الطاعة. يعني كل ما ايمانك بيزيد كل ما انت بتحتسب ان والله انا فعلا فعلا والله ان البنت تحافز على حجابها في الزمن ده صعب جدا. فتن صعبة جدا. والامر في غاية الصعوبة ان البنت تصبر عليه. لكن كل ما هي بتعلي ايمانها تحفظ قرآن بتطلب علم فلوس صحبة صالحة بتسمع دروس بتسمع موعظة كل ما الايمان بيزيد في القلب كل ما الصبر على الطاعة بيبقى سهل. والصبر على معصية يبقى سهل. فاحنا محتاجين نفكر. هو انا ليه ما عدتش قادر اكمل على النقاب؟ طب ما انا كنت زمان لابساه وكنت زمان محتسبة وكنت زمان لما حد بيقول لي كلمة كنت بثبت عليها وكنت مكملة. اشمعنى دلوقتي انا عايز اقلعه. ما هو القلع اللي من برة ده فيه حاجة اتقلعت في القلب. فيه حاجة القلب هنا محتاج ان انا اراجعها. الايمان هنا بقى فيه مشكلة. طب انا عايز اقعد اراجع نفسي. شف العبادات. راجعي نفسك شوفي قيام الليل شوفي في صلاة الضحى شوفي الاذكار شوفي قراءة القرآن طلب العلم الصحبة سماع الدروس راجعي ده النقطة النقطة الاخيرة هي نقطة ان الانسان لما بيترك ما اعتاده من الخير ان ده اصلا من الشيطان ان بعد كده بتبقى سلسلة من التنازلات. يعني هي البنت اللي قالت النهاردة انا خلاص انا ما عدتش قادرة والنقاب بيتعبني وخلاص ايه اللي عايز يا جماعة يترك العبادة ويتحجج باي حجة هيلاقي. لكن انا خلاص والله انا هسيب انا هقلع النقاب عشان انا والله بتعب. وهو احيانا في بيتسبب في بعض البنات ان هي بتتعب. لكن بتحتسب وبتصبر على ده. علشان دينها وبتصبر على ده عشان آآ ربنا سبحانه وتعالى. لكن تلاقي حد بعد ما قلعت النقاب كانت بتلبس ما شاء الله عباية سودا وبتلبس لبس واسع ولبس غامق وكده ومحافزة على لبسها ولبس ساتر بعدين بعد كده هي قلعت النقاب شوية هتلاقي ايه الخمار نزل شوية شوية هتلاقي والله ما فيش مشكلة لو لبست بنطلون بس هلبس عليه حاجة طويلة شوية هتلاقي صاحبتها لابسة كزا هتحط شوية ميك اب وهي نازلة شف هي بدأت تنزل خطوات. ربنا قال يا ايها الذين امنوا لا تتبعوا خطوات الشيطان ان هي مش القصة ان انا ان انت واحد رحت حلقت اللحية. مش القصة في كده بس؟ يقول لك يا عم اصل انا والله انا لسه زي ما انا وانا لسه ايمانياتي. هي مش قصة في كده. القصة ان انت بتنسلخ من شعيرة من شعائر الاسلام الظاهرة. فبعد كده بيبقى بعدها ايه؟ بيبقى بعدها تنازلات. بيبقى بعدها ان انت آآ ممكن الشيطان يستهدفك. الشيطان يوقعك في اللي قاله ربنا يا رب يثبتنا ويحفظنا. آآ آآ ربنا سبحانه وتعالى لما ذكر مثال قال تعال واتل عليهم نبأ الذي اتيناه اياتنا. يا جماعة ما حدش كبير على الفتنة. يعني انت خاف على نفسك. خايف على نفسك ان انت تسيب حتة من دينك فتقوم واقع فالحبل يتكر منك الدنيا تفلت منك وده اللي الشيطان بيعمله قال بل سولت لكم انفسكم امرا تسويل يعني جاية فيها تراخي اه استرخاء اه تسهيل ان الشيطان يسول لك يعني يسهل لك يخلي لك الطاعة اللي انت كنت سابت عليها ومتمسك بها يخليك مسترخي سبها عادي يزين لك ان انت تحط لنفسك مبررات وحجج. ولا بل سولت لكم انفسكم امر فهنا ربنا زكر لنا مسال ربنا يا رب يثبتنا ويحفظنا. قال واتل عليهم نبأ الذي اتيناه اياتنا فانسلخ منه فاتباعه الشيطان فكان من الغاوين. ان هو واحد ربنا اتاه الايات اتاه العلم. قيل ان اوتي اوتي آآ اسمه والله الاعزم الذي اذا دعي به اجاب وسئل به اعطى. ومع زلك فانسلخ منها. شعور السلخ ان واحد بيتسلخ. اول لما انسلخ فانسلق منها فاتبعه الشيطان فكان من الغوين. فاتبعه الشيطان يعني كأن الشيطان كان مستني متربص اول لما لحظة السلخ ان واحد قرر ان هو يقلع دينه او ان بنت غلطان ان هي تخلع دينها. الشيطان على طول مش هيسيبك. فاتبعه الشيطان فكان من الغوين. ربنا قال ولو شئنا لرفعناه ولكنه اخلد للارض واتبع هواه. فمثلوه كمثل الكلب ان تحمل عليه يلهث او تتركه يلهث. بعد كده هيبقى في لهاث على الدنيا فاحنا بنحذر ربنا يا رب يعصمنا ويثبتنا ان انت تتنازل عن جزء من دينك لان ده ممكن يجر بعد كده ان انت ما ما تقوليش والله انا هقلع النقاب النهاردة ممكن بعد كده تقلعي الحجاب. اتمسكي بدينك اصبري. يا جماعة فيه حاجة اسمها الصبر. ان احنا نصبر على دينا. اصبروا وصابروا ورابطوا ان ان انا اتحمل وان شاء الله الاجر عند ربنا سبحانه وتعالى على قدر ما الفتنة صعبة على قدر ما الطاعة التمسك بها صعب في الزمن ده على قدر ثواب الاجر عند ربنا سبحانه وتعالى. ان على قدر ان ربنا يرفع لما الانسان يتفاجأ يوم القيامة بثواب الصبر الصبر على الطاعة في في ظل المغريات اللي حواليك والفتن اللي حواليك ان انت سابت ما شاء الله ان انت تتفاجأ يوم القيامة بالسواب بتاعك. وفي نفس الوقت الانسان اللي فرط في الدنيا اللي كان مستقيم على عبادة ييجي يوم القيامة يندم. يا حسرتا على ما فرطت في جنب الله. لما لما يشوف ثواب اللي صبر واللي ثبت واللي على حجابها وعلى نقابة في الدنيا تشوف ثوابها يوم القيامة تندم ان هي فرطت. تندم ان هي اللي فرطت تندم ان هي تركت الامر ده فهنا النصيحة الاخيرة بعد ان انت مسألة واجب ومستحب مسألة ان انا اه اه لترك ان انا حطيت نفسي في وسط بيئة سيئة مسألة ان انا فكرة ان انا ممكن انزل في سلسلة من التنازلات آآ آآ ان انت صبر نفسك شوف الثواب بتاعك. آآ مسألة ان انا احط نفسي في وسط بيئة صالحة وفي وسط آآ صحبة صالحة تعيني على الطاعة اه اخر حاجة ونختم بها ويعني معذرة الاطالة. اه النبي عليه الصلاة والسلام كان يعني من من اكثر دعاء النبي عليه الصلاة والسلام يا مقلب القلوب ثبت قلبي على دينك ان احنا محتاجين ندعي محتاجين نلجأ لربنا سبحانه وتعالى. لو انا جيت في يوم من الايام الشيطان بيسول لي حاجة بيسهل لي حاجة مش هقول كده ان انا خلاص بقيت انسان وحش وان انا كده منافق ده طبيعي يعرض الانسان عادي. من هم بسيئة فلم يعملها كتبها الله عنده حسنة كاملة. الشيطان بيزين لك ان انت تقلعي نقابه بيوسوس لك. الخواطر دي ادفعيها. ما تقوليش انا كده خلاص بقيت وحشة مش انا كده منافقة وعشان بتجيلي خواطر دي لأ متستسلميش ليها استعيني بالله اكثري من الدعاء ادعي ان ربنا سبحانه وتعالى كما قال النبي صلى الله عليه وسلم اللهم اه حبب الينا الايمان وزينه في قلوبنا. احنا محتاجين دي محتاجين ان ربنا سبحانه وتعالى يحبب الينا الايمان. ان انا احب الطاعة ان ربنا يزينها في قلبي. ان انا اشوفها جميلة. وكره الينا الكفر والفسوق والعصية. ان ربنا هيخليه اكره المعصية. ان ربنا يخليني اكره التبرج. ربنا يا رب آآ يثبت كل واحدة في الزمن ده على النقاب بتاعها اثباتي واصبري وان شاء الله ربنا سبحانه وتعالى يكافئك آآ مكافأة عظيمة كل بنت نفسها تاخد الخطوة خدي الخطوة واسبتي عليها آآ ما تسمحيش لحد من اللي حواليك ان هو يقلل منك التزمي الاخلاق الطيبة. لكن تكوني حزم عندك حزم في دينك. ما تخليش حد ان هو يخليكي تتنازلي عن دينك. اثبتي عليه. ما تقلعيش حجاب يوم فرحك ما تقلقيش حجابك عشان الناس. الناس مش هتنفعك بحاجة. والله لما الانسان يدخل القبر مش هينفعه غير العمل الصالح. مش هتنفعك امك اللي قاعدة تقول لك يا بنت انت كبرت ويا بنتي مش هتنفعك. ونصيحة للامهات اللي انت بتعمليه ده حاجة عظيمة جدا بتصد البنت عن سبيل الله وبتضاعفيها عن الطاعة بحجة ان انت خايفة عليها لو انت فعلا خايفة عليها سيبيها تعمل طاعة ربنا سبحانه وتعالى. انت مش هتكوني اشفق عليها من ربنا سبحانه وتعالى اللي فرض عليها الحجاب واللي فرض عليها النقاب. آآ ختاما آآ ارجو ان ربنا سبحانه وتعالى يكتب المقطع ده القبول الناس تبعته لاي واحدة بتعاني من المشكلة دي وبنعتزر ان احنا طولنا يعني ما كانش نيتنا ان احنا نطول كده. جزاكم الله خيرا سبحانك اللهم وبحمدك اشهد ان لا اله الا انت استغفرك واتوب اليك. والحمد لله رب العالمين