السلام عليكم ورحمة الله وبركاته. كل سبعة وعشرين رجب لازم تقوم خناقة. هي دي كانت ليلة الاسراء والمعراج ولا مش ليلة الاسراء والمعراج يا جماعة العلماء اختلفوا في الاسراء والمعراجة على اربعتاشر قول. ست اقوال اختلاف في السنة اصلا اللي حصل فيها. وخمس اقوال اختلاف في الشهر العربي اللي
حصل فيها وتلات اقوال اختلاف في اليوم اللي حصل فيها اربعتاشر قول. هي العبرة في هو حصل امتى ؟ ولا العبرة ان هو حصل؟ احنا عايزين النهاردة نقف مع مدرسة في الوجود كله. مدرسة الاسراء والمعراج دي مدرسة. مدرسة ممكن تغير حياتنا. ممكن تملىء قلبنا باليقين. يا جماعة الاسراء والمعراج ده اعظم
رحلة في التاريخ ده مش رحلة للقمر ولا للمريخ ولا للمجرة تانية. ده رحلة لسدرة المنتهى. ده الرحلة اللي كانت نهايتها ان النبي عليه الصلاة والسلام سجد عند حجاب النور
وكان بينه وبين حجاب النور قاب قوسين او ادنى. دي الرحلة اللي النبي عليه الصلاة والسلام شاف سيدنا ادم وطلع وشاف سيدنا سيدنا يوسف وسابه وطلع سيدنا هارون وموسى وسابهم وطلع وشاف سيدنا ابراهيم وسابه وطلع. طلع فوق كل الانبياء لحد سدرة المنتهى. اخر مكان ممكن جبريل
عنده لاول مرة في التاريخ بشر يطلع فوق صدرك. المنتهى كأن ربنا بيقول للنبي عليه الصلاة والسلام يا محمد يا ابن عبدالله لو اهل الارض مش عارفين قيمتك اطلع شف اهل السماوات معزمين قدرك ازاي ؟ اطلع يا محمد لو اصحابك دلوقتي بيعذبوا في مكة شف نعيمهم في
الفردوس الاعلى جزاء صبرهم. عشان الدعوة والاسلام اطلع يا محمد. لو اهل الارض اهانوك اطلع شف كرامتك. عند الله سبحانه وتعالى رحلة جبارة. الرحلة بدأت منين؟ من المسجد الاقصى ربنا اخذه. جبريل من اخذه من المسجد الحرام للمسجد الاقصى. المسجد الاقصى طلع
النبي للسماء من المسجد الاقصى. رحلة النبي للمسجد الاقصى. كان الدلالة على الامامة في الارض. ورحلة النبي من المسجد الاقصى لسدرة المنتهى كان الدلالة على الامامة في السماء. النبي عليه الصلاة والسلام يطلع يفاجأ مع جبريل ان هو بعد ما ربط البراق في المسجد الاقصى في مكان المسجد الاقصى. هو
يهرب يا رسول الله قمة الواقعية جنب قمة الربانية هو ده طريق المجد يا جماعة. النبي عليه الصلاة والسلام يطلع يفاجئ ان السماوات لها بوابات. وان الارض بوابات عليها ملائكة وان جبريل بيستأزن عشان يطلع هو ربنا مهيمن علينا بالمنزر ده. هو احنا ارواحنا في ايد الله للدرجة دي واحنا متمردين
عليه. وبعد كده جبريل يستأزن يقولوا له ومن معك؟ يقول محمد النبي يسمع بودانه وهم بيقولوا اوقد بعث؟ اوقد بعث هو ملايكة السماوات هو انا لي مقام كبير عند ربنا كده! اومال انا باتعزب في الارض ليه! اومال في عام الحزن بيأزوني وبيحاولوا يموتوني! وربنا سايبني ليه! اومال ابتلاء
خديجة وموت ابو طالب وموت اولادي. ربنا سابني فيه ليه؟ ممكن يكون مقامك عند ربنا كبير. مش معنى انك مبتلى ان ما لكش مقام عند الله. اوعى تزور ان ربنا ابتلاك لانه بيكرهك ده لانه بيحبك. وبيرفع درجاتك. النبي يطلع فوق كل الانبياء. لحد سدرة المنتهى يتعمل له اخطر امتحان
يتجاب خمر ولبن ويختار النبي عليه الصلاة والسلام. اللبن جبريل يقول له لو اخترت الخمر لغوت امتك. يعني فيه اختيارات انت هتدفع تمنها غالي اوي لو اخترتها غلط. اختيارك لشريك حياتك. اختيارك للزوجة. زوجتك وام اولادك. اختيارك لشغلك. اختيارك لمكان سكن
جنب بيئة ايمان ولا منعزل ولوحدك؟ فيه اختيارات في الحياة هتفضل تدفع تمنها دنيا واخرة. خد بالك واختار صح بعد استخارة الله اهل العقل واهل الحكمة واهل الخبرة. النبي عليه الصلاة والسلام عند سدرة المنتهى يسيب جبريل ويطلع ويسمع كتاب الاقدار سمع
اصاريف اقلام. كتاب الاقدار ويشوف العرش عليه الصلاة والسلام ويشوف حجاب النور. لما السيدة عائشة في صحيح مسلم سألته هل رأيت الله؟ قال نور انا اراه انا شفت نور. حجاب النور ويبقى بينه وبين حجاب النور
قاب قوسين او ادنى فكان قاب قوسين او ادنى ان بهما سجد. من الشوق الى الله ثم دنى من حجاب النور فتدلى. اي سجد كما يقول بعض المفسرين اي سجد النبي صلى الله عليه وسلم في هذا المكان العظيم. رحلة كلها تكريم. رحلة بتعرفنا الاسراء والمعراج دي مدرسة يا جماعة. اول حاجة مدرسة
بنتعلم فيها ان المسجد الاقصى بتاعنا احنا يا امة محمد. ان المسجد الاقصى في بتاع المسلمين مش اليهود المغتصبين. ان ربنا خلى النبي يصلي امام جميع الانبياء في المسجد الاقصى لتسلم الامامة في الارض لاهل الاسلام. ان المسجد الاقصى جبريل نزل بالوحي فيه على النبي عليه الصلاة والسلام بقول
واسأل من ارسلنا قبلك من رسلنا. اجعلنا من دون الرحمن الهة يعبدون. الاية دي في علماء قالوا انها نزلت في المسجد الاقصى ليلة الاسراء رحلة الاسراء والمعراج مدرسة بتعلمنا. بتعلمك ان ربنا ربنا مش غافل عن وجعك وعن الامك. ربنا عالم بك. ربنا
عالم بالزلم اللي انت اتعرضت له. لما النبي عليه الصلاة والسلام اتزلم في الدنيا. لما النبي عليه الصلاة والسلام اوذي في الدنيا ربنا سبحانه وتعالى جبر خاطره وطلعه في السماوات وعرفه قدره في السماوات. ايه محنة الاسراء والمعراج بتقول لك ربنا يجبر خاطرك. ربنا مش هيسيبك مزلوم خليك مع ربنا. وربنا هينصرك وهيؤيدك
عمك ومش هيتخلى عنك ابدا رحلة الاسراء والمعراج مدرسة. بتعرفنا خطورة المعصية. النبي في رحلة الاسراء شاف عزاب القبر بعينيه. شاف قوم ضوافرهم نحاس. وقاعدين يمزقوا في لحم وجههم. وصدورهم فقال من هؤلاء؟ فقيل له هؤلاء الذين يأكلون
لحوم الناس. احنا قاعدين على الفيس وعلى الانستا وعلى السوشيال ميديا. طول اليوم يا جماعة قاعدين نغتاب في الناس يا جماعة ولا بنعمل ايه؟ ناخد بالنا. النبي شاف في عذاب القبر
معلقين من عراقيبهم. يعني متعلقين من رجليهم وتسيل اشداقهم دما. يعني بيرجعوا دم. النبي عليه الصلاة والسلام قال من هؤلاء قالوا الذين يفطرون في رمضان قبل تحلة صومهم. يعني استئصال بس جه على عصر قال مش قادر. قام شارب. امال بقى اللي مش ناوي من الوقت انه هيصوم
رمضان اصلا رحلة الاسراء والمعراج مدرسة. بتعرفنا يا اخوانا بتعرفنا قدر التضحية عند الله. النبي عليه الصلاة والسلام وهو رايح المسجد الاقصى شم رائحة رائحة جميلة بيقول من ها ما هذه الرائحة؟ سيدنا جبريل قال له رائحة ماشطة بنت فرعون. الكوافيرة بتاعة بنت فرعون. لما وقع المشط
فقالت بسم الله كانت امنت بموسى. فبنت فرعون قالت لها الله ابي هي عايشة الدور بقى ربنا بتاعك ابويا. قالت لها الله ربي ورب ابيك قالت لابوها فرعون جه خدها رمى عيل من عيالها عيل عيل في الزيت المغلي قدامها وبعد كده رماها
وهي بتقول ربي وربك الله. النبي شم ريحتها رغم انها مدفونة في مصر. هي وعيالها. شم ريحتها في رحلة الاسراء وهو في الطريق للقدس. عشان ربنا يعرفنا ان هي ما بتعيش ما بتضعش عند ربنا هم احياء عند ربهم يرزقون. يا بخت اللي هيضحي عشان الدعوة. يا بخط اللي هيصبر على باب ربنا. الاسراء والمعراج مدرسة
نتعلم منها من هو الله. النبي شاف مذهلات في السماوات السبعة. شاف معجزات شاف بوابات السماوات السبعة. وربنا مهيمن على كل زرة في الكون وما فيش زرة في الكون بتخرج عن حكم الله. له مقاليد السماوات والارض. يعني ربنا في ايده مفاتيح كل الابواب المقفولة. انا بامسك الريموت بافتح العربية دي واقفلها
بالريموت. ربنا بيفتح الابواب ويغلقها اسهل ما انت بالريموت. بتفتح باب العربية وتقفله. يعني انت كل الابواب المقفولة في حياتك ربنا قادر يفتحها لك. ربنا كبير. ربنا عظيم. رحلة الاسراء والمعراج بتعرفنا في النهاية قيمة الصلاة. اللي اوحي للنبي بها عند سدرة المنتهى. على باب
الجنة عشان ربنا اداه للنبي كل التكاليف في الارض الا الصلاة. ربنا اوحى له بها في السماء. عشان يا امة محمد نعرف يعني ايه صلاة. يبقى واحنا بنحترف بنحتفل بالاسراء
والمعراج هي احنا بنحتفل به بقى في انهي شهر من الشهور بقى ؟ ما انا قلت لكم مختلف ده فيه ناس قالوا في ذو القعدة وناس قالوا في ربيع اول وزي الامام النووي قال سبعة وعشرين ربيع
وناس قالوا في رجب وناس قالوا في شوال وناس قالوا في رمضان. وناس قالوا يوم جمعة وناس قالوا يوم اتنين وناس قالوا يوم سبت. وناس قالوا يوم سبعة هجرية. سبعة مكية وناس قالوا تمانية
وقول عشرة وقول حداشر وقول اتناشر وقول تلتاشر. اربعتاشر قول في الاسراء والمعراج. القصة مش هي امتى؟ القصة المدرسة بتاعة الاسراء والمعراج. احنا مستوعبنا احنا موقنين خدنا اليقين. اتصلنا بالله. عرفنا قيمة الصلاة. يا اللي تاركة للصلاة. يا اللي سايبة اخر وصية النبي كانت روحه
تغرغر في صدره وهو بيقول الصلاة الصلاة ما هوش ناسي وهو بيموت. لحزة لما اوحي اليه بالفروض الخمسة عند سدرة المنتهى او بالفروض والصلاة عند سدرة المنتهى اللي هناك كانوا خمسين في الاول. وربنا خففهم لخمسة. ربنا بيخفف عليك. اوعى تقطع الصلاة اللي بينك وبين ربنا. اوعى تفرطوا في الفروض الخمسة
اوعوا تفرطوا في سجود الفروض الخمسة. اعظم لحظة لاجابة الدعاء. الاسراء والمعراج عبرة كبيرة قوي يا جماعة. خناقة هي امتى؟ اربعتاشر ولا قول منهم عالم جاب دليل صحيح صريح عليه. يبقى القصة مش عبرة هو امتى ؟ القصة عبرة استفادت بالامم الاسراء والمعراج
ولا كل سنة في سبعة وعشرين رجب بناكل حلاوة المولد؟ ويأكلونا حلاوة وخلاص. مش عايزين ناكل حلاوة يا جماعة. عايزين قلوبنا تتحلى بالقيم معاني بتاعة الاسراء والمعراج. الله يرزقنا اتباع النبي عليه الصلاة والسلام. الله يرزقنا الفقه في الدين. الله يستعملنا ولا يستبدل بنا. الله يجمعنا
على الحبيب محمد في الفردوس الاعلى. اللهم صل على محمد. اللهم صل على من رفعه الله الى سدرة المنتهى. اللهم صل على من رفع الى حجاب النور اللهم صل على من سجد عند عرش الله. اللهم صل على من رفعه الله فوق الانبياء. ومن صلى ايمان بالانبياء في مكان المسجد
المسجد الاقصى. اللهم صل وسلم وزد وبارك على الحبيب محمد الاسراء والمعراج مدرسة. بتعرفنا مين هو محمد. وقدر حبيب الله محمد في الكون عايزين بقى نجتهد بازن الله في الصلاة على حبيب الله. لحد ما قلوبنا تذوب من حب رسول الله واحنا قاعدين نفتكر مقامه عند الله. ومقامه في
السماوات والمشاهد العظيمة اللي ربنا كشفها له. كلنا محتاجين اليقين. حتى النبي كان محتاج تثبيت من الله. كلنا محتاجين تثبيت. كلنا محتاجين صحبة كلنا محتاجين نسمع مقاطع ودروس ايمانية. كلنا محتاجين بيئة ايمان. يلا يا جماعة. ما عدش في رجب غير تمانية واربعين ساعة. وبعد كده هندخل على اخطر شهر في السنة
شهر شعبان شهر رفع الاعمال الى الله. رفع اعمال السنة هي اخطر حدس في السنة. الله يوفقكم ويسددكم. جزاكم الله خيرا