بسم الله والحمد لله والصلاة والسلام على رسول الله. مع الحلقة الاربعين بعد المئة من قصة الخلافة الراشدة وهي الحلقة السادسة من روائع عمرية. ما زلنا مع عمر رضي الله عنه وارضاه ومواقفه الجميلة في الاسلام ومواقفه الاخلاقية الرائعة التي تعتبر قدوة لكل مسلم حقيقة آآ النهاردة بنتكلم على صفة من صفات عمر بن الخطاب اللافتة جدا في حياته. وهي منبثقة من فالتي تكلمنا عنها في الحلقة الماضية. الحلقة اللي فاتت كانت بعنوان قوة عمر رضي الله عنه. وقلنا ان القوة ديت قوة مش بس بدنية يكون نفسية قوة ايمانية قوة عقائدية قوة قلب عمر قلب عمر اقوى من بدنه. وده كان بيأثر على كل مجريات حياته رضي الله عنه وارضاه. النهاردة بنتكلم على هيبة عمر. هيبة عمر. احنا بنقول ان القوة ممكن هي التي تضفي هذه الهيبة اشتهار عمر بالقوة يضفي عليه هيبة امام الناس. لكن الموضوع الحقيقة اعمق من كده. الموضوع موضوع ان الهيبة الحقيقية هي من عند الله عز وجل. ان الله عز وجل هو الذي يلقي الهيبة على انسان من الناس. يبقى ربنا سبحانه وتعالى يعطيه جلالا ويعطيه مهابة ويعطيه وضعا يتخشع الناس حوله عندما يرونه آآ دي من عند ربنا سبحانه وتعالى حتى يعني آآ الرسول صلى الله عليه وسلم كان اكثر الناس مهابة آآ علي ابن ابي طالب بيصف الرسول عليه الصلاة والسلام يقول من رآه بديهة هابه. اللي يشوفه يهاب الرسول عليه الصلاة والسلام من غير ما يعرف تفاصيل حياته من غير ما يتكلم الرسول صلى الله عليه وسلم لكن عليه مهابة. السيدة زينب اه امرأة عبدالله بن مسعود رضي الله عنه وارضاه بتقول كما في صحيح مسلم وكان رسول الله صلى الله عليه وسلم اسمع النص بتاعها. قد القيت عليه المهابة. من الذي القاها الله عز وجل. لماذا القاها لشيء في قلبه صلى الله عليه وسلم؟ عقيدته اخلاقه دينه ارتباطه بربنا سبحانه وتعالى كلما ارتفع هذا القدر كلما القى الله عز وجل في قلبه المهابة بصورة اكبر واكبر الله اكبر هذه الهيبة التي توضع على انسان يعني يعني كده بنقول ان الذي القى الهيبة على عمر هو الله عز وجل. ولم يلقها على عمر لشدته او غلظته او او عنفي او كذا لان ربنا سبحانه وتعالى يقيم الانسان بالمعايير الشرعية. فعمر شرعي من ضبط بامر الله عز وجل. وقلبه متعلق به سبحانه وتعالى. اذا نتيجة هذا الامر القى الله عز وجل عليه هيبة. فالناس اللي تشوفه تهابه تهابه يعني ما تقدرش تعمل قدامه شيء غلط. يعني المنكر لا تستطيع ان تأتيه في وجود عمر بل المكروه لا تستطيع ان تأتيه في وجود عمر بل سنرى احيانا بعض المباحات العادية ما يقدروش يعملوها في وجود عمر لان امر له مهابة. الحقيقة الرسول صلى الله عليه وسلم نفسه كان يقدر مهابة عمر ابن الخطاب رضي الله عنه. يعني الرسول عليه الصلاة والسلام عارف ان عمر مهيب. تخيل يعني هذا والرسول عليه الصلاة والسلام يعني زي ما قلنا اكثر الناس لكن يعطي عمر هذا القاتل. موقف لطيف جدا في السنة النبوية عن عائشة رضي الله عنها موقف صحيح بتقول عائشة اتيت النبي صلى الله عليه وسلم بخزيرة قد طبختها له. خزيرة يعني طبق فيه اكل لحم كده بيقطعوه قطع صغيرة بيحطوا عليه شوية ماية وبيغلوه. يعني آآ وساعات بيتعمل بالدقيق وغيره يعني. المهم طبخة له طبخة. فقلت لسودة ورسول الله صلى الله عليه وسلم بيني وبينها سودة بنت زمعة زوجة الرسول عليه الصلاة والسلام ام المؤمنين عائشة راحت لرصاص السلام ومعها سوداء. فكان قاعد بينهم الرسول عليه الصلاة والسلام. عائشة من ناحية وسودة من ناحية والرسول في النص. فقلت لها كلي هي بتأكلها مع الرسول عليه الصلاة والسلام. هي جايبة الاكل للرسول عليه الصلاة والسلام. بس بتأكل درتها من الاكلة فابت السيدة السوداء قالت لها مش عايزة. فقلت فقلت عائشة بتحكي لتأكلن او لالطخ طن وجهك يا تاكلي منه يا اما هاخده واحطه على وجهك. وجود الرسول صلى الله عليه وسلم برضه انتم مش متخيلة ان عائشة هتعمل كده. فرفضت برضه ابت. فوضعت يدي في الخزيرة فطليت وجهها واخدة من الاكل وحطاها على وشها. فضحك صلى الله عليه وسلم. الرسول عليه الصلاة والسلام ضحك موقف ايه؟ الدرتين بيتصاروا مع بعض بس على اللطيف يعني ما فيهوش اه شدة او فوضع بيده لها. خد الاكل الرسول عليه الصلاة والسلام واداه لسودة. وقال لها لطخي وجهها. انت كمان ردي عليه يا من يعني واحدة بواحدة قصاص. فضحك رسول الله صلى الله عليه وسلم. عملت كده برضو في عائشة فبقى الاتنين وشهم كله لحمة. كله طبيخ. فالاتنين ايه؟ والرسول صلى الله عليه وسلم بيضحك. واخد الموضوع ايه؟ ببساطة والدنيا ماشية فمر عمر رضي الله عنه صدم بقى فقال يا عبدالله يا عبدالله بينادي يعني بيدي اشارة ان هو داخل فظن رسول الله صلى الله عليه وسلم انه سيدخل هو ما دخلش. بس الرسول صلى الله عليه وسلم افتكر ان عمر هيخش عليهم. فقال قوما قوما فاغسلا وجوهكما. شغل الهزار ده طبعا هزا قبل فرض الحجاب على زوجات رسول السلام فكان الوجه يا اما مكشوف يعني. فالوجه كله طبيخ والرسول صلى الله عليه وسلم قاعد وعمر داخل لأ ما ينفعش قدام عمر يكون هزا انهزار وهزا المزاح ما ينفعش. قال قوما فاغسلا وجوهكما. قالت عائشة شف بقى التعليق المهم في هزه القضية. قالت عائشة فما زلت اهاب عمر لهيبة رسول الله صلى الله عليه وسلم. دي اللقطة اللي بتكلم عليها. النبي صلى الله عليه وسلم نفسه يقدر هيبته وزهر عليه الاهتمام ان عمر داخل لدرجة ان عائشة هو ده اللي لفت نظرها. ان الرسول صلى الله عليه وسلم مهتم للدرجة دي بعمر؟ لا يا عمر ده حاجة تانية بقى. فما زلت اهاب عمر لهيبة رسول الله صلى الله عليه وسلم. النساء في المدينة المنورة كانوا يهبنا او كنا يهبنا الرسول عليه الصلاة والسلام اكثر من اي انسان الا عمر بن الخطاب. تخيل ده ده شيء طبعا مزهل لان هيبة الرسول عليه الصلاة والسلام تعلو كل هيبة لكنهم كانوا بيتبسطوا في الحوار مع الرسول عليه الصلاة والسلام بدرجة لا يستطيع ان يفعلنها مع عمر ابن الخطاب. يعني ده شيء يعني عجيب. لكن ده اللي كان ده اللي كان الواقع اللي بيحصل البخاري بيروي عن محمد بن سعد عن ابيه محمد بن سعد النبي وقاسم. عن ابيه قال استأذن عمر بن الخطاب رضي الله عنه على رسول الله صلى الله عليه وسلم. سيدنا عمر بيستأزن عشان يدخل على الرسول عليه الصلاة والسلام. وعنده نسوة من قريش. بعض مهاجرات يسألنه ويستكثرنه. يستكثرنه دي في بعض الروايات الاخرى مكتوب فيها نص اخر يطلبن النفقة يعني يستكثرنه في المال. يعني بيطلبوا شكلهم ازواجهم مضايقين عليهم فبيطلبوا النفقة اكتر او عايزين عطاء من البلد او شيء. بيتكلموا مع الرسول عليه الصلاة والسلام وبيطلبوا الزيادة في النفقة وبيسألن اهو وتقول الرواية سعد ابن ابي وقاص بيرو يعني عالية اصواتهن على صوته. صوتهم عالي على صوت الرسول صلى الله عليه وسلم. فلما استأزن عمر. عمر بقى جاي تبادرنا الحجاب الحجاب هنا معناه الاختفاء الاختباء. او يستخبى في الهد. هم قاعدين مع الرسول. الله! هو في حماية اكتر من كده كان هم قاعدين بيطلبوا من الرسول صلى الله عليه وسلم نفسه بيتكلموا معه وهو سامع صلى الله عليه وسلم وصوتهم عالي وهو سايبهم وده اقرار الرسول صلى الله عليه وسلم مش اي اقرار. الرسول عليه الصلاة والسلام مش مجرد رئيس الدولة ولا قائد المسلمين هو رسول نبي. فهو ما دام اقر يبقى ما فيش مشكلة فهما ايه اللي مزعلهم طيب ايه اللي مخوفهم؟ طب وفي حماية الرسول عليه الصلاة والسلام. لكن عمر دخل لا دي ما فيهاش هزار برضو. اه مستخبوا كلهم كل واحدة وقفت وقفت لها سترة وقفت وراها. فضحك صلى الله عليه وسلم. شاف الموقف ضحك. فدخل عمر والنبي يضحك هو مش عارف بيضحك ليه شايف الدنيا فاضية فقال اضحك الله سنك يا رسول الله بابي انت وامي ايه اللي بيضحكك ده فقال عجبت صلى الله عليه وسلم عجبت من هؤلاء اللاتي كن عندي. انت مش شايفهم بس هم موجودين. بهم في الاوضة عجبت من هؤلاء اللاتي كن عندي لما سمعن صوتك تبادرن الحجاب. قعدوا استخبوا لما سمعوا صوتك داخل بوني ومشوي. فقال انت احق ان يهبنا يا رسول الله. المفروض يهبوك انت مش هيقول انا. سم اقبل عليهن ما سابهمش ما سابهمش لأ اكبر يا عدوات انفسهن انتم بتضيعوا نفسكم يا عدواتي بانفسهن اذهبنني ولا تهبن رسول الله صلى الله عليه وسلم. فقلنا ردوا بقى اتشجعوا ردوا عليه فقلنا انك افض واغلظ من رسول الله صلى الله عليه وسلم. العلماء وقفوا قدام الجملة ديت لانها جملة خطيرة جدا انك كافظ واغلظ من رسول الله صلى الله عليه وسلم معناها لغويا يعني ان هم مشتركين في الاصل. ان ممكن الرسول عليه الصلاة والسلام يكون عنده شيء من الفضاء والغلظة لكن عمر اشد. لكن هو الرسول عليه الصلاة والسلام بنص القرآن الكريم ليس عنده هذه الفظاظة ولو كنت فظا غليظا القلب لانفضوا من حولك. اهو مش فض. بس قالوا ايه؟ قالوا تفسير كده ان الرسول عليه الصلاة والسلام لا ينهى بشدة ولا بغلظة ولا بكذا عن المكروهات. عن المكروهات لكن يفعل ذلك عند المحرمات. ينهى صلى الله عليه وسلم ويرى اه احيانا في وجه الغضب الشديد ويعني موجود مواقف مسل هذا عند الحرام. لكن عمر رضي الله عنه وارضاه كان يزجر في المحرمات والمكروهات. مش عايز اي حاجة تكون فيها خلاف الاولى. اي حاجة فيها شوية لأ يتكلم بشدة. فشدة الرسول عليه الصلاة والسلام في مواطنها لا تسمى غلظة. ادي شدة في امر الله حقيقية. لكن كانوا يسمونها في حق عمر لانهم ما كانش بيفوت. ما فيش حاجة اسمها انحراف عن الطريق ولو قيد انملة. حتى في المكروه. لأ. خليني انا ايه في الحلال والمندوب والمأمور به. اما الحاجات اللي فيها كرعية لا ما يقبلهاش. انك افض واغلظ من رسول الله صلى الله عليه وسلم فقال رسول الله صلى الله عليه وسلم علق بقى على ايه؟ الرسول عليه الصلاة والسلام لما شاف الموقف ده شاف كلام النساء شاف كلام عمل ايه؟ سبحان الله مدح عمر مدح عظيم هائل كبير ما حصلش مع حد من البشر. غير الانبياء بقى الكرام يعني دوت صفوة مختارة لكن مع ان عموم الناس ما حصلش الا مع عمر قال له ايه؟ قال ايه يا ابن الخطاب والذي نفسي بيده ما لقيك الشيطان سالكا فجا الا سلك فجا غير فجك. من اخر كده الشيطان لما بيشوفك ماشي في شارع بيمشي في الشارع التاني. والنبوي بيقول ويؤخذ هذا الكلام على ظاهره. يعني مش مسألة حاجة معنوية ان الشيطان ما يخاف منك ولا الشيطان هو انت ما انتش شايفه عمر مش شايف الشيطان. لكن الشيطان شايفه ما يغامرش. الشيطان الشيطان ياخد طريق تاني شايف عمر ماشي في شارع ياخد الشارع التاني وهزا امر مش عابر متكرر يقول ما لقيك الشيطان سالكا فجا الا سلك فجا غير فجك. من الاخر انا ما ليش دعوة بالراجل ده وخلاص على كده ياخد سكة تانية. ما هو مش شايف فك بس شوف الهيبة الهيبة هذه من الله عز وجل الهيبة اللي بتيجي في قلب الشيطان وليس في قلب الانسان فقط الادي هذا عشان كده كانوا بيقولوا ان درة عمر درة عمر العصاية الصغيرة اللي كان ماسكها كان ماشي كده ماسك عصاية كانت اهيب عند الناس من سيوف الامراء وسياتهم. الناس اللي ماسكة سيوف بعد كده بعد الحكام اللي جم بعد سيدنا عمر كانوا بيمشوا ماشي شايل سيف. السيف ده اقل هيبة من العصاية الصغيرة اللي مسكها عمر. من الذي القى الهيبة على عصا عمر؟ الله عز وجل لشيء في قلب عمر. قوة عمر النفسية قوة عمر الايمانية قوة عمر العقائدية. قوة عمر الدينية قوة ارتباطه. برسول الله صلى الله عليه وسلم ارتباطه بالله عز وجل قوة حرصه على الامة. ربنا بيدعمه. بيقويه خليه يعني ينتصر على الشيطان نفسه اللي هو سبب الوسوسة عند الناس كلها وبيدفعها للباطل هو عمر نفسه متسلط على هذا الشيطان. بهذه القوة الايمانية العظيمة التي عنده. المسلمين ما كانوش يقدروا يعملوا واه اه مكروهات قدام عمر يعني شفنا الموقف اللي فات ده لكن اي حاجة كده فيها احتمالية ان ان يكون يعني مش هتتوافق مع قبوله قبول عمر يمنعوها قدام عمر حتى في وجود الرسول صلى الله عليه وسلم موقف غريب جدا عن عائشة رضي الله عنها قالت كان رسول الله صلى الله عليه وسلم جالسا فسمعنا لغطا وصوت الصبيان. في دوشة سمعناها برة. بصوت عالي وصوت صبيان اطفال. فقام رسول الله صلى الله عليه وسلم فاذا حبشية تزفن. والصبيان حولها تزفن يعني ايه هترقص؟ واحدة حبشية بترقص رقصة طبعا واضح ان هي معايير عندها ما كانتش فيها يعني فجور. ما كانتش حاجة يعني. كانت حاجة للاطفال. زي عرض كده للاطفال يعني زي الاراجوز والحاجات ديت تعملوا حبشية. لان الرسول عليه الصلاة والسلام شافه وسكت. فقال يا عائشة ما يبقاش سكت. ده ليه؟ فقال يا عائشة تعالي الف انظري يا عائشة كانت صغيرة في السن اهي كمان وكانت زي الاطفال وتبقى عايزة تتفرج على الحاجات ديت. فقال لها يا عائشة تعالي فانظري. فجئت وضعت لحيي على منكب رسول الله صلى الله عليه وسلم وقفت وراه وسندت راسها كده على كتف الرسول عليه الصلاة والسلام ما شاء الله وبدأت تنظر فجعلت انظر اليها قعدت شوية تتفرج بعد شوية فقال لها الرسول عليه الصلاة والسلام اما شبعت؟ اما شبعت؟ مرتين يعني انت يعني خلاص الحمد لله اتبسطتي ولا لسه عايز الفريق كمان قالت فجعلت اقول لا ما شبعتش مع انها شبعت. هي خلاص زهقت من النزر بس عايزة تفضل واقفة ليه طول فجعلت اقول لانظر منزلتي عنده. لو انا قلت له لأ هيفضل مستني لحد ما استريح شف شف الخطة التعامل مع النساء محتاج آآ دراسة محتاج تدرس تاخد بقى كتب من الرسول عليه الصلاة والسلام هو الرسول عليه الصلاة والسلام موسع الصدر ماشي اتفرجي لانظر منزلتي عنده. فقعد ايه؟ قعد قعد يتفرج شوية. اذ طلع عمر. وهم قعدوا يتفرجوا والصبيان واقفين يتفرجوا والست عمالة ترقص الحبشية اذ طلع عمر رضي الله عنه فانفض الناس عنها. هوب كله جري. ده الرسول عليه الصلاة والسلام واقف. لا دي مواقف غريبة جدا. موقف صحيح على فكرة موقف غريب جدا فقال الرسول صلى الله عليه وسلم لما شاف الموقف كده ايه ده الناس كلها جريت وعمر طلع فقال اني لانظر الرسول عليه الصلاة والسلام يقول اني لانظر الى شياطين الانس والجن قد فروا من عمر قالت عائشة فرجعت خلاص خلصت ما ما عادش في عرض بقى العرض خلص اني لانظر الى شياطين الانس والجن قد فروا من عمر. في تحفة الاحوازي في شرح الترمذي بيقول كانه صلى الله عليه وسلم نظر الى الامر باعتباره صورة من اللهو واللعب. يعني قد يدفع اليها الشيطان لكنه ليس حراما والا لما سمح لعائشة ان تنظر وسكت هو صلى الله عليه وسلم عن الامر. لكن عمر احنا قلنا في المكروهات ما يقبلهاش. مش عايز حاجة تكون فيها خلاف الاولى او مكروهة او كده فترك الموضوع ايه ؟ ترك الناس كلها الموضوع لما شافه والرسول صلى الله عليه وسلم مدح فيه هذا. قال شياطين الانس والجن عندما تركت فر يا عمر عمر تفر خلاص انا كده فهمت دور عمر في الحياة. عمر قامع للفتنة. عمر مانع للشيطان رجيم عمر حافظ لهذه الامة ودين هذه الامة وعقيدة هذه الامة ده الموضوع كبير قوي. ده مش مجرد شخصية الانسان له ثقل عند الله عز وجل يغير من معايير معينة في الكون لوجود هذا الانسان هذا الرجل الشياطين اللي احنا مش شايفينها بتجري لما تشوف عمر. فشيء شيء مبهر. موقف تاني بيحكيه بريدة الاسلمي في مواقف عمر كلها الا بمواقف لطيفة الحقيقة. يعني انا اصلا بزكر في هزه الحلقة مواقف عابرة لكن انت لو هتتبع سيرة عمر من اولها لاخرها هيبة. من اول ما اسلم لحد ما مات. لحد وهو على فراش الموت. هيبة الناس كلها تهاب عمر تهاب عمر تهاب عمر من الله عز وجل. بريدة الاسلمي رضي الله عنه بيقول خرج رسول الله صلى الله عليه وسلم في بعض نزيه غزوة. فلما انصرف رجع تاني بقى من الغزوة جاءت جارية سوداء. فقالت يا رسول الله ان اني كنت نذرت ان ردك الله سالما ان اضرب بين يديك بالدف. واتغنى كمان هعمل حفلة استقبال رصاص سلام بالدف واتغنى عشان فرحانة ان انت رجعت سالم فالرسول عليه الصلاة والسلام يقول لها ايه؟ فقال صلى الله عليه وسلم ان كنت نذرت فاضربي. والا فلا. معنى ايه الكلام ده. يعني انت كنت اخدت عملت نذر ان تضربي بالدف بين يدي اذا عدت سالما الى المدينة فخلاص توفي بنزلك واضربيه والا فلا بلاش لو ما كانش فيه نذر بلاش معنى الكلام ده ان هو صلى الله عليه وسلم اجاز هذا الامر في هذا وضع لان هو كان صلى الله عليه وسلم لا يجيز ضرب الدف الا في الافراح والعيد. مواقف عندنا في مواقف في الافراح وفي مواقف في العيد. كان بيجيز فيها ظرف ضرب الدف. قال لها فلا تفعلي هزا الا ازا كنت نذرتي. فلو كنت نذرتي ملحق هذا الحدث وهو حدث نجاة الرسول صلى الله عليه وسلم وعودة الرسول عليه الصلاة والسلام من الغزوة سالما نلحقه بالافراح. لانه فرح كبير جدا ان ينجو الرسول عليه الصلاة والسلام. ونعيقه بالاعياد عيد كبير ان ينجو الرسول صلى الله عليه وسلم من غزوة من المغازي واضح ان هي كانت غزوة شديدة والست يعني خايفة على الرسول عليه الصلاة والسلام فنظرت هذا النذر. فده يدخل هذا الامر في باب المكروهات وليس المحرمات لو كان نذر حرام ما كانش الرسول صلى الله عليه وسلم وافق عليه اصلا. فقال لها لأ احنا نزرتي حرام كفري عن النبي رجل لكن ما تعمليش الامر فسمح لها فقامت تضرب فجعلت تضرب بدأت تضرب بالدف وتغني في وجود الرسول صلى الله عليه وسلم. فدخل ابو بكر وهي تضرب. ما وقفتش وابو بكر دخل ما اتكلمش لان في مواقف قبل كده ابو بكر اتكلم الرسول نهاه عن الكلام كان بتضرب مرة برضه بعض المغنيات في حضرة الرسول عليه الصلاة والسلام في عيد من الاعياد قسم يعني قال له لأ ده عيد فسابهم يضربه. وكان ابو بكر كان نهى عن ذلك. خلاص عرف الموضوع. فابو بكر داخل سكت ما اتكلمش والست ما وقفتش فشغالة ايه في الضرب. ثم دخل علي رضي الله عنه وهي تضرب ثم دخل عثمان وهي ثم دخل عمر اه دخل عمر فالقت الدف تحتها وجلست. انا ما عملتش حاجة خبط الدف الصوت ده جاي منين جاي من اي حتة انا ما ليش دعوة وعمر دخل فضحك صلى الله عليه وسلم موقف طبعا ابو بكر وعلي وعثمان والرسول قبلهم عمر دخل لأ ما فيهاش هزار ديت فقال يا عمر ان الشيطان ليخاف منك. ان الشيطان ليخاف منك. اني كنت جالسا وهي تضرب هي ما خافتش مني اني كنت جالسا وهي تضرب. فدخل ابو بكر وهي تضرب. ثم دخل علي وهي تضرب. ثم دخل عثمان وهي تضرب فلما دخلت انت يا عمر القت الدف. فحل لي الموضوع ده. ايه الحكاية دي؟ شف الرسول عليه الصلاة والسلام نفسه ملاحز التغير العجيب اللي عند المرأة لما عرفت ان عمر داخل مش هيتفهم بقى ونقعد اشرح له واقول له اصل كنت نازلة نزر وهو عمره ما تعدى على حد في وجود الرسول عليه الصلاة والسلام لكن الهيبة الهيبة ما اقدرش اضرب دف في وجود عمر ولا اقنعه ولا اناقشه ولا اقول له وهنشرح له اشرح للرسول عليه الصلاة والسلام براحتي واشرح لابو بكر براحتي. عمر عمر شفتم هيبة عمر؟ ادي هيبة عمر اللي بنتكلم عليها. ابن رضي الله عنه وارضاه وكان من المقربين جدا لعمر. عمر كان بيحب ابن عباس حب شديد جدا يقربه عشان علمه. علم ابن وابن عباس صغير لكن آآ عمر كان يقدمه على اشياخ كبار لعلمه وكانوا يقربوا في المجلس وحتى كان ده يلفت انظار الناس يعني ويستغربوه واحيانا بعضهم كان بيتضايق لتقدمة عبدالله بن عباس على غيره من الاشياخ وعمر ما كانش بيحبيه لشيء الا لعلمه ابن عباس بيقول مكثت سنة سنة مكثت سنة اريد ان اسأل عمر ابن الخطاب عن اية فما استطيع ان اسأله هيبة له سنة عمال اسأله لأ لأ بلاش لحسن يكون رد فعله جامد ولا شديد ولا بلاش يجي تاني يوم اسأل عبدالله بن عباس عايز المعلومة عايز يأدى دين بس مش قادر سنة حتى خرج حاجا فخرجت معه قلت فرصة اسأله في الحج بتاعه. فلما رجعنا عمال هو ايه يلاقي فرصة يكون عمر كده هادي ولا حاجة اسأله فلما رجعنا وكنا خلص الحج وراجع. فكنا ببعض الطريق عدل الى الاراك لحاجة له. دخل عند شجرة يقضي حاجة وبعد كده يراجع يعني قال فوقفت له حتى فرغ ثم سرت معه فقلت يا امير المؤمنين من اللتان طهارة على النبي صلى الله عليه وسلم من ازواجه. القرآن الكريم بيتكلم على مرأتين تظاهرتا على رسول الله صلى الله عليه وسلم. من هما؟ فقال تلك حفصة وعائشة. ببساطة نجاوب السؤال. فقال فقلت عبدالله ابن عباس بيقول فقلت والله بيتكلم عمر بيقول له والله اني كنت لاريد ان اسألك عن هذا منذ سنة فما استطيع هيبة لك. صارحه زعل عمر بن الخطاب قال فلا تفعل فلا تفعل ما ظننت ان عندي من علم فسألني. فان كان لي علم خبرتك به. ما تمنعكش هيبتي من انك انت اللي هو نفسه ان هو الناس تتعامل معه بشكل طبيعي. بس هو كده هو وهو هو بيني وبينكم هو مش عايزها. هو مش عايز الهيبة دي بالعكس هو كان نفسه الناس تتعامل معه ببساطة اكتر شوف الموقف ده بيعرفنا على موضوع الهيبة ده انه ما كانش عايزها. الموقف آآ اجتمع علي وعثمان وطلحة والزبير وعبدالرحمن ابن عوف وسعد. انت سمعت الاسماء دي علي وعثمان وطلحة والزبير وعبدالرحمن بن عوف وسعد. وكان اجرأهم على عمر عبدالرحمن بن عوف. اكتر واحد بيعرف يكلمه فقالوا يا عبدالرحمن كما هو الخمسة ووصوا عبدالرحمن يا عبدالرحمن لو كلمت امير المؤمنين للناس فانه يأتي الرجل طالب حاجة فتمنعه هيبتك ان يكلمك في حاجة حتى يرجع ولم يقض حاجته. يعني بتكلم امير المؤمنين للناس كلمه عشان امر الناس. الواحد بيبقى جاي عايز طلب من عمر فيمنعوا هيبة عمر انه يطلب فيرجع من غير ما يطلب الطلب بتاعه. فكلمه هم مش قادرين يكلموه. ازا كنت انت تكلموه فالناس هتعمل ايه؟ انتم سمعتم الاسماء؟ علي عثمان طلحة الزبير عبدالرحمن بن عوف وسعد بن ابي وقاص. يعني الستة اللي هم استخلفهم بعد كده قال يا امير المؤمنين ده دخل عبدالرحمن بن عوف بقى استجمع شجاعته وراح كلم عمر ابن الخطاب. يا امير المؤمنين لن للناس في انه يقدم القادم فتمنع هيبتك ان يكلمك في حاجته حتى يرجع ولم يكلمك قال يا عبدالرحمن شف بقى رد عمر بن الخطاب يا عبدالرحمن انشدك الله اعلي وعثمان طلحة والزبير وسعد امروك بهذا كان عنده فراسة عجيبة. قال له الخمسة دول هم اللي قايلين لك قل لي الكلام ده. زي ما يكون هو كان حاسس ان الخمسة عايزين يقولوا الكلام ده بس مش بيقولوه بس هو بيسترجع فراسته كده فقال اللهم نعم هقول لك ايه؟ ايوة هم اللي قالوا لي. قال يا عبدالرحمن والله لقد لنت للناس حتى خشيت الله في اللين. ده انا بتعمد النقالين اوي لدرجة ان انا خشيت ربنا يحاسبني على اللين ده ان انا نمت اوي. ثم اشتدت عليهم حتى خشيت حتى خشيت الله في الشدة فاين المخرج؟ لا عاجبهم شدة ولا عاجبهم لين. اعمل ايه؟ انا بزلت كل جهدي. فقام عبدالرحمن يبكي يج رداءه ويقول اف لهم بعدك. اف لهم بعدك. بعدك مش هيلاقوا حد زيك بيبزل كل جهده مركز كل تركيزه انه يراعي الناس انه يحافز عليهم يرفق بهم. شد عليهم عشان يعرف يربيهم ويلين لهم عشان يعرف يكلموه. وبين ده وده الناس مش راضية برضه. عمر رضي الله عنه وارضاه كان من قلب جدا من موضوع الهيبة التي القاها الله عز وجل عليه لدرجة ان هو دعا مع هذا الدعاء وهو ده الدعاء اللي ختمنا به الحلقة الماضية. الحلقة الماضية كنا بنتكلم على قوة عمر وقلنا ان هو دعا في اخر او في اول اماراته اخر حلقة قلنا الكلام ده. دعا انه ضعيف فيسأل الله عز وجل القوة. فاكرين الجزء التاني من الدعاء قال ايه؟ قال اللهم اني ضعيف فقوني واني شديد فليني. انا مش عايز الشدة ديت ولا عايز المظهر ده ولا عايز الهيبة ديت. واني شديد فلين وفي رواية واني غليظ ليني واني بخيل فسخني. عمر رضي الله عنه وارضاه كانت تلقى عليه الهيبة من الله عز وجل. لقوة قوة ايمانه وعقيدته وحفظ الله عز وجل به دين المسلمين. فابتعدوا في حياته عن المكروهات فضلا عن المحرمات وكانت حياته نموذجا للدولة الاسلامية العظيمة. هناك تفصيلات كثيرة جدا سنتحدث عنها ان شاء في الحلقات القادمة عن مظاهر هذه الهيبة وقوة ايمان عمر نسأل الله عز وجل ان يتقبل منا ومنكم جزاكم الله خيرا والسلام عليكم ورحمة الله وبركاته