سلام عليكم ورحمة الله وبركاته. اخواني واخواتي في الله كنت بقرأ دلوقتي اية يعني سبحان رب العرش العظيم اسرت في قلبي اوي يا جماعة وحسستني انها مفتاح لحل مشاكل الحياة كلها. فسبحان الله يعني قطعت ما انا فيه وقلت اكلمكم في هذه الاية. والواحد يرجع تاني
ربك حتى يأتيك اليقين. حتى هنا بعض علماء اللغة قالوا اي من اجل يعني لو عايز ييجي اللي في اخر الاية اعمل اللي في اول الاية اعبد عشان ييجي اليقين. اليقين. اليقين ده مختلف فيما بين علماء التفسير يا جماعة. في ناس قالوا اليقين ده فيه ناس زي مجاهد وغيره
قالوا ان اليقين ده اللي هو وعد الله بالنصر. كل حاجة ربنا وعدك بها يقين. يقين هو ده المعنى اللي مخليني اصلا ببس الفيديو ده هو دلوقتي. يعني ان ربنا
يفرج يفرج كربك ده يقين. ان ربنا سبحانه وتعالى يرزقك ده يقين. ربنا وعد. وعد انه هيرزقك وانه هيفرج كربك وانه هينصرك وانه هيشرح صدرك وانه هو هيرحمك وانه هيجبر خاطرك. وانه هيروق بالك وهيصلح بالك. كل ده يقين. عايز اليقينيات اللي هي وعود
دي تحصل اعبد ربنا. يعني عبادة ربنا سر الفرج. عبادة ربنا سر السعة في الرزق. عبادة ربنا سر المدد الرباني. عبادة ربنا سر الله ليكي في حياتك. واعبد ربك حتى يأتيك يأتيك هو اللي جاي لحد عندك. النصر هيجي لحد عندك
فرج هيجي لحد عندك. الرزق هييجي لحد عندك. المدد والحفظ والاكرام والبر والاحسان. من الله يأتيك يعني جاي هو في مليون واحد وجاي لك انت. من وسط المليون واحد دول مش حتى يأتي اليقين. حتى يأتيك انت هو عارف طريقه
انت القبلة بتاعة الفرج والرزق والفتح والمدد. والحفظ والنصر من الله سبحانه وتعالى. من بين الدنيا كلها ليه؟ اصل انت اللي بتعبد ربنا انتم اهل العبادة اعبدوا ربنا يا جماعة. اعبدوا احنا في يوم الجمعة يوم الجمعة ده يوم ده اعظم يوم عبادة. يوم الجمعة انا لسة هعمل لكم مقطع بالليل عن حديس من غسل
يوم الجمعة واغتسل وبكر وابتكر حديس ثوابه اعلى من ليلة القدر. كل خطوة للمسجد وانت رايح لصلاة الجمعة. لو خرجت بدري باجر سنة عبادة يعني ليلة القدر بتلاتة وتمانين سنة عبادة. لو بينك وبين المسجد ميت خطوة تاخد ميت سنة عبادة اعلى من سواب ليلة القدر. يوم الجمعة ده يوم عظيم في العبادة. ده اليوم
ستقوم فيه الساعة. ده اليوم اللي الخلائق الوقتي كلها مرعوبة احسن يكون يوم قيام الساعة. يوم الجمعة ده يوم العيد بتاعنا. اعبدوا ربنا. ده اليوم اللي النبي عليه الصلاة والسلام
من النهاردة في ملايكة ربنا معينها يوم الجمعة بس عشان تبلغ النبي بصلاتنا عليه. يعني هتقدمي للنبي هدايا صلاة عليه النهاردة اعبدوا ربنا ما تكملوها بقى وقفة تعبدية وقفة تعبدية كده بمجاهدة النفس لحد المغرب. نقعد نعبد ربنا هاتي لي الجزئين تلاتة قرآن
هات لك الفين صلاة على رسول الله صلى الله عليه وسلم. وادعي ربنا ما بين العبادة واعبد ربك. ربك حتى يأتيك اليقين يبقى اليقين كل ما وعد الله به من نصر وفتح وفرج ورزق وتفريج كرب. ربنا قادر. ربنا لا يعجزه ان هو يغير حالك. ربنا لا
ان هو سبحانه وتعالى يفتح لك باب فرج والدنيا كلها مقفلة. ربنا لا يعجزه انه يشفي الاكتئاب اللي عندك والتوتر اللي عندك. والالام النفسية اللي عندك ربنا لا يعجزه اجبر خاطرك. ربنا لا يعجزه انه يروق بالك. ربنا لا يعجزه. انه يوسع رزقك. ربنا لا يعجزه انه يؤدي ديونك. ربنا لا يعجزه انه يجوزك. ربنا
فلا يعجزه انه يديك الزرية. ربنا طب اعمل ايه؟ اعبد ربك. حتى يأتيك اليقين. المعنى التاني حتى يأتيك اليقين يقين القلب بقى. حد لحد ما قلبك يتملى باليقين. انا عايز يا رب انا انا يا رب انا عندي شكوك. انا انا انا انا باحب ربنا ومؤمن بالاسلام
القرآن ووجود الله بس فيه شكوك بتجي لي. ايماني ناقص انا عارف ده آآ اوصل لليقين ازاي. اوصل للتصديق الجازم ازاي؟ اوصل لكلمة عثمان بن عفان. لما قال والله لو تهتكت الحجب ورأيت الجنة ورأيت النار ورأيت ربي ما زدت يقينا. اوصل لكده
اوصل لليقين الراسخ بالبعث ويوم القيامة والحساب والوقفة بين ايدين ربنا والجنة والنار ونعيم القبر وعذابه اوصل لليقين اللي النبي قال واعظم نعمة من الله على العبد في الحياة. هي لها نعمة العافية. نسأل الله اليقين والعافية. نسأل الله اليقين والعافية. نسأل الله اليقين
والمعافاة اوصل لليقين ازاي؟ اعبد ربك. امسك المصحف دهوه امسك المصحف امسك كتاب الله ده هو القرآن الكريم. كله كرم هيكرمك ربنا يكرمك في قلبك وفي ايمانك وفي يقينك. لو مسكت المصحف امسك المصحف الوقتي. لو ما كنتش قرأت سورة الكهف النهاردة اقرأها. يلا يا جماعة اعبد ربك. حتى
يأتيك اليقين عشان ربنا يملى قلبك باليقين عشان ربنا يملى قلبك باليقين. وتوصلي لليقين الراسخ في وجود الله واليقين في صدق القرآن واليقين الراسخ في صدق النبي عليه الصلاة والسلام. واليقين الراسخ في الدار الاخرة عايزة توصلي للمقامات العالية قوي دي اعبدي ربنا. طيب
فيه معنى تاني بقى طبعا وده معنى مشهور جدا في الاية ان اليقين هنا هو الموت وفي الحالة دي هتبقى اعبد ربك حتى يأتيك اليقين. يعني استمروا على العبادة واثبتوا على العبادة وجاهدوا في العبادة الى اخر لحظة في الحياة. الواحد يموت وهو بيذكر الله. طب انا
عايز اموت على عبادة اعيش على عبادة. لان من عاش على شيء مات عليه الله يوفقكم. الله يشرح صدوركم. عايزين يا جماعة نبقى من اهل قول الله والذين يمسون بالكتاب قومي امسكي المصحف والله يا اخواني ان شاء الله بازن الله انا باجهز كده حملة على الصفحة اسمها القرآن هو الحل. ان احنا نقعد بقى نشجع بعض على
ورد القرآن نقعد اسبوع كده بس في قضية ورد القرآن مع بعض كل المقاطع وكل الكلام عن ورد القرآن. اسبوع كده عن حفظ القرآن بس يلا نحفظ القرآن يلا يلا نتدبر في كتاب الله. ليلة قرآنية كده مع سورة الرعد. نقعد بقى ايه نعمل ليلة قرآنية مع بعض في سورة الرعد وتدبرها والصلاة بها
لا صورة ابراهيم لا سورة الحجر لا سورة الفتح لا. القرآن جميل اوي. القرآن حياة. الحل هو ده. والله العظيم حل اكتئابك انك تفتحي دهو كل توترك وضيقك حل ضيق رزقك. حل مشاكلك انك تفتح ده هو اقرأ وربك الاكرم. عايزة ربنا يتجلى عليك باسمه الاكرم. افتحي المصحف
كل فتحة مصحف بفتح من الله هيتنزل عليك. مش هتشوف كرم ربنا قد ما هتشوفه وانت فاتح المصحف. وانت بتقري القرآن ليه حل كل همومنا وغمومنا والمنا وعذابنا ومخاوفنا واحزاننا وغمومنا ان احنا نرتبط بهذا الكتاب الكريم
بهذا الكتاب العظيم بالقرآن ذي الذكر. اللهم اجعل القرآن العظيم ربيع قلوبنا ونور صدورنا وجلاء احزاننا وذهاب همومنا يلا يا رجالة. كلكم رجالة يعني المرجلة دي يعني ممكن ست تبقى بميت راجل. يلا يا رجالة لحد مغرب الجمعة ان شاء الله. كل واحد
جزئين قرآن حلوين كده يجيب له الف صلاة على حبيب الله محمد عليه الصلاة والسلام. لو ما كانش قراء سورة الكهف يقرأها. يدعي ربنا يلا يا جماعة. يلا نعمل الحاجة اللي احنا جايين هنا عشانها. يلا نعمل الحاجة اللي ربنا خلق الدنيا دي كلها عشانها. يلا يا اخوانا وما خلقت الجن والانس الا ليعبدون. سبحانك اللهم
وبحمدك اشهد ان لا اله الا انت استغفرك واتوب اليك. اللهم اعنا على ذكرك وشكرك وحسن عبادتك