هل يجوز ان انا اهجرها ولا لأ واهجرها قد ايه طب انا عاوز ابعد عن الايزاء وفي نفس الوقت لا اقع في الخطأ الشرعي. اعمل ايه؟ في حاجات كتير قوي هتريحنا كتير قوي ايه هي بقى انك وانت بتدعي اسأل نفسك سؤال اي بلاء ربنا يبتليك به؟ اسأل نفسك سؤال اول سؤال هل المشكلة دي في ديني والا في دنياي عشان كده ما اصابتني مصيبة الا حمدت الله. حمدت الله على اربع انها لم تكن في دين. ده اول معيار عمر كان بيحطه واخدين بالكم اي مصيبة تجي لك الراتب ما نزلش انت آآ ابنك توفي زوجتك مرضت آآ ضهرك وجعك آآ مش عارف ايه اللي حصل؟ تسأل نفسك سؤال هذا بلاء في ديني ولا في دنياي؟ يعني ايه برضو يعني البلاء ده هينتهي بالموت السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله. وبعد اسأل الله ان يسعد قلوبكم وييسر اموركم ليشرح صدوركم. ويرضى عنكم ربكم ماذال الحديث حول دعاء نبيكم صلى الله عليه وسلم وهذا الدعاء بدأه النبي صلى الله عليه وسلم كما قلناه مرارا وتكرارا اللهم اقسم لنا من خشيتك ما يحول به بيننا وبين عاصيك ومن طاعتك ما تبلغنا به جنتك. ومن اليقين ما تهون به علينا مصائب الدنيا. ومتعنا باسماعنا وابصارنا وقوتنا ما احييتنا واجعله الوارث منا واجعل ثأرنا على من ظلمنا وانصرنا على من عادانا ولا تجعل مصيبتنا في ديننا ولا تجعل الدنيا اكبر همنا ولا مبلغ علمنا ولا تسلط علينا ولا تسلط علينا من لا يرحمنا هذه الدعوات كان ابن عمر يقول قلما كان رسول الله يقوم المجلس حتى يدعو بهؤلاء الدعوات لاصحابه هذا دعاء ينبغي ان يحفظ لعله يكون له تأثير في القلب بعد ذلك تكلمنا عن هذا الدعاء ووقفنا عند قوله صلى الله عليه وسلم وانصرنا على من عادانا سبحان الله ناس كتير مشغولة بان هما بيدعوا على احمد له حق عنده واحد ظالم انسان فتلاقيه كل الشغالات ان هو يدعو على هذا الانسان. حتى سبحان الله احيانا في الفاظ بتستهلك بتكون في قلبنا او في قلوب بعضنا لم يكن لها لم يعد لها المعنى العام والمعنى الاشمل. زي حسبي الله ونعم الوكيل. صح هزه الجملة سبحان الله جملة دهب جملة كنز. لكن استهلكت استهلكت في حوارات آآ ردود فعل وحوارات كلما انسان زعل مع واحد يروح قال لي حسبي الله ونعم الوكيل هل انت مستحضر بقلبك؟ يعني ايه كلمة حسبي الله ونعم الوكيل اي اني رضيت ان الله سبحانه وتعالى يكون حسبي في هذا الامر يعني حزمي سيظل يعطيني ويعطيني ويعطيني وحتى يرى قلبي هذه العطاءات حتى اقول حسبي حسبي حسبك حسبك عارف لما واحد يغني ويديك كيشات وشوية حاجات كده تقول له حاسبك حاسبك كفاية كفاية كفاية فانت ستغرق في نعيمه حتى ترى بقلبك الله كافئني ونعم الوكيل. ان كل مشاكلك كل همومك كل اراضيك انك وكلت فيها من بنهاية الامر هتقول ايه ونعم الوكيل. ياه! هسألك سؤال واسألك سؤال في يوم من الايام وكلت ربنا في حاجة في نهايتها قلت ونعم الوكيل يوم من الايام انت قصدتني في شيء قلت يا اخي والله محمد ده ونعم الاخ في يوم من الايام خرجت معه قريبك او حد من اخواتك وقلت ونعم الاخ الله سبحانه وتعالى هل استحضرت في قلبك ونعم الوكيل عشتها وحاسسها وقلت ياه اقول لك ايه ولا ايه والله انا وكلت ربنا آآ في كزا وكزا وكزا والله العزيم اللي اقدر اقوله ونعم الوكيل سبحان الله وانصرنا على من عادانا قلنا سبحان الله ان مشاعر الانسان كل انسان عنده المخاصمة دي مشاعر صح ان المخاصمة الحب والبغض ده مشاعر صح ولا مش مشاعر سؤال المشاعر دي حضرتك اللي خالقها يعني انت اللي بتخلق الحب ولا انت بتخلق الحاجات دي ولا المشاعر ديت ربنا اعطاها لك؟ طيب المشاعر دي ربنا مؤتمنك عليها وقال لك تتصرف ازاي طاقة من المشاعر طاقة حب وطاقة ضد بيكون سبحان الله احيانا الميزان لا ينضبط فيطع جانب على حساب جانب. هتلاقي عنده الموالاة عالية قوي. وواحد تاني عنده المعاداة عالية قوي. واحد عنده الحب عالي قوي في الله. التاني عنده البغض عالي قوي في الله. مشاكل دول ايه هو ايه المشكلة في كده ايه المشكلة ان الواحد يكون عنده حب عالي قوي في الله واحد تاني بس عنده البغض عالي قوي في الله ان الموضوع يا جماعة مش مود في واحد كده هو بيغضب بسرعة والنرفوز كده وبتاع فيقول لك انا بغضب في الله. لا انت ممكن تكون مش واخد بالك انك بتغضب في زاتك عشان كده النبي صلى الله عليه وسلم لعل ان شاء الله نعلق في يوم من الايام على الدعاء ده بك خاصمت انا يا رب ما خصمش حد الا لك ومن اجلك. لاجلك خاصمت انا ما بخصمش اي حد لازم احرر وجماعة يا جماعة مش الصلاة عاوزة اخلاص الصلاة محتاج اخلاص لله النفقات بتحتاج بقى اخلاص ولا عادي الصلاة بتحتاج اخلاص طيب برك لوالدتك محتاج اخلاص انك بتعمل الكلام ده لله مش لحاجة تانية طيب معاملتك لجيرانك مش محتاجة خلاص انت تعرف ان الخصومة محتاجة اخلاص انك تخاصم فلان او تكرهه ده محتاج اخلاص انت بتكرهه ليه والله انا نفسيا كده بكره الناس لا البغض ده اللي في قلبك. انت ممكن تقول لي انا ما برتحش لمحمد ما فيش مشكلة انك ما ترتحليش ما فيش مشكلة. الارواح مجندة ايهما تعارف ائتلف وايهما تناكر اختلف. ما فيش مشكلة انك ما بترتاحش ليه؟ لكن ما تكرهنيش كرهك لي انا وانا مسلم لازم يكون لك مبرر يوم القيامة تبقى انت عارفه خلاص البعد عن المسلمين وعن المؤمنين ليس براحة الا لقلوب مريضة انت قلب اشتغل على قلبك لكن انك تبعد عن المسلم تبعد عن المؤمن تعتزر عن المؤمن فاه عشان كده يا جماعة اوثق عورى الايمان. يعني ايه كلمة عرى اوسق ربطة هي الحب في الله والبغض في الله شوفوا بقى يا جماعة عشان كده المعنى ده مهم اوي اوي اوي. انك لما تعادي حد راجع نفسك. انت عديته لله انت عديته لله ولا عديته لنفسك كل واحد مننا لازم يراجع نفسه نشوف بالله عليك هل انت حاسس انك ممكن تقول في الدعاء وانت بكدعي ربنا سبحانه وتعالى اليك انبت وبك خاصمت انا يا رب مخاصمش اي حد لو انا مستعين بك ولاجلك هل ممكن تحس ان الكلام ده من جوة قلبك انت عايشه هل ممكن تقول واليك زي ما في ناس كتير ممكن تقع وتنسى واليك حاكم اما تقول اللهم بك خاصمت واليك حاكمت دي ناس كتير ممكن ما تكونش واخدة بالها لان اكثر الخلق ممكن يخاصمون غيرهم لحظوظ انفسهم. صح هل ده من التسليم لله من اسلم وجهه لله وقلبه لله لا يخاصم الا لله ولا يخاصم الا مستعينا بالله سبحانه وتعالى. هو ده لا حول ولا قوة الا بالله فاذا خاصمنا لحقوق النفس ضاعت منا حقيقة الاستسلام لله او جزء منها وصلة المخاصمة لا تكون الا بالله ولله شعور ده يا جماعة لازم الانسان نستحضره بك اقاتل بك اهون وبك اصول. انت عضدي ونصيري المعنى ده لو الانسان ادركه وعاشوا بيرتاح كتير قوي قوي انا بكره حماتي بتكرهيها ليه؟ بس هي مؤزية وطالما مؤذية فانا هبعد عن من يؤزيني في حياتي لان ده بيوترني وقد يوقعني في الخطأ فلاجل الله انا هبعد. ماشي جميل لكن اهم حاجة تكوني المعنى ده ضروري قوي كان كده ابن عباس قال مجاهد ان ابن عباس قال لي عادي في الله يعني عادي في يعني اما تبقى فيه مواعيد تبقى في الله ووالي في الله فانه لا ينال ولاية الله الا بذلك. اللي عاوز يبقى بقى ولي. بس مش له اكبر والكلام اللي اللي الهلس ده بيعود يبقى فعلا من اولياء الله لان هم لا خوف عليهم ولا هم يحزنون. اهي نعايدي في الله ووالدي في الله. حب حب في الله انت عمال تشوف واحد مسلم واحد مسلم انت شايفه المسلم ده انت مخاصم مسلم ليه انا مش مرتاح له في يقدر بيني وبينه خلاص انا بيني وبينه اه طب هل انت خاصمته ان اصل بصوا يا جماعة انت عندك طاقة حب ربنا سابها لك كده ولا قال لك تحبي مين فقاعد وحدة يفرغ الحاجة دي في غير طاعة الله هيتحاسب فانا برضو طاقة البغض دي انا بتضايق انا البغض ده طيب ربنا قال طب لو في واحد مسلم ازاني اعمل معه ايه بتاخد حقوقك بطريقة معينة طيب انا ههجره بقى ما هو الشرع ييجي يقول لك اه هنا الخصومة ما ينفعش انك تترجمها في هجر دائم اخرك تلات ايام او ليه وازاي وفين وبتاع ما هوش بتاعتك احنا اتفقنا انت عاوز تعمل لله ولا لنفسك يا جماعة بصوا لو بصيتوا على كل الحياة ترجمته الحاجات دي كلها من باب ان انتم مسلمين هترتاحوا يعني ايه من باب النوم والسنة؟ اي حاجة تقابلك في الحياة احكم عليها انطلاقا انك مسلم انا شيماء بهدلتني في المكالمة اللي فاتت اقسم بالله ما انا مكلماها تاني. سؤال الموقف اللي عملته شيماء رد الفعل ده ده انت بتبصي عليه انك مسلمة الشرع قال لك تتعاملي ازاي مع الموضوع ده ولا الموضوع ده غير حاضر في دماغك وما بتفكريش فيه ومش شاغلك طب في ناس بتضايقني اعمل معها ايه؟ جميل السؤال ده بقى كده حطينا الايه؟ انقطع الحروف انك اول ما تيجي تقول في ناس بتضايقني اعمل معها ايه؟ يبقى انت بتسأل كده يا جماعة انا اريد ان اعرف شرع الله فيمن يؤزيني. ماذا افعل معهم هنا بقى الجمال يبقى انت منطلق من ان انا عاوز اوجه مشاعري صح فاهمين هل لي ان انا اهجره وما عنتش اتكلم معه انا عمتي بتزعق لي ودايما دي تتريق علي اهم حاجة انك تفهم الفكرة من اعادي في الله ووالي في الله فانه لا ينال ولاية الله الا بذلك ولا يجد رجل يا سلام على الكلام ولا يجد رجل طعم الايمان وان كثرت صلاته وصيامه حتى يكون كذلك ما شاء الله كلام عامل ازاي فالمؤمن لا يعادي الا من اجل الدين لا لامر اخر لا دخل الحزوز الشخصية في الخصومة بيننا وبين الكفرة والظالمين يا جماعة واحد يقول لك انا بكره الكفار اصل بيني وبينهم ايه؟ مشكلة شخصية حبيب قلبي انت بتكرههم لاجل دينك لاجل الله تعادي اعداء الله لاجل دينهم. يعني في واحد شفه عشان تتخيله المشاعر. بصوا يا جماعة. واحد النهاردة كان المحسنين بيقاتلوا الكفار في معركة ما جميل وقاعد عمال يقتل فيهم ورافع السيف ضدهم. ومرة واحدة اتأسر وبعد شوية اسلم. الراجل ده هيتعامل ازاي زي ما بالزبط ما مصعب بن عمير وابو عبيدة بن الجراح وخالد بن ريت بيتعاملوا. زيه زيهم بالزبط. ده اخ مسلم له مال المسلمين بهما على المسلمين ياه ايه الجمال ده! ده انا من شوية كان بيني وبينه مشاكل وكره اسلم النهاردة هو ده بقى والله ما كان عن وجه ابغض الي من وجه فلان. فلما اسلم صار من احب الوجوه الى قلبي. ايه يا عم انتم معكم ايه بتغيروا؟ انا راجل مسلم مستسلم لله اسمي مسلم اعمامة من البداية مستسلم وبالتالي قلبي مستسلم لله انا عندي مشكلة احنا عندنا ابعد الناس عن الله. دلوقتي واحدة بتمسل واحنا بنشوفها دلوقتي سبحان الله في تربيتنا كمسلمين بنشوف واحدة ممسلة بعيدة جدا عن ربنا بتعمل حاجات وحشة قوي اول ما تبدأ تسيب الطريق ده ترتدي زي آآ زي الشرعي المنضبط وتبدأ تترك المعاصي دي كلها. كل الناس بتقابلها بايه بحب وود وايه وبتتعامل معاها كأنها ايه كانها ايه؟ كانها اختهم صح؟ طيب فيه محبة فطرية؟ اه فيه محبة فطرية زي ما انت بتحب العربية بتاعتك اللي قاعدة كل شوية عاوزة زقة ومش عارف بس انت بتحبها عزيز عليك مش عارف ايه بس بتروح بيها شغل بس بتحبها حب الفطري. زي واحد عمه نصراني هو بيحبه محبة فطرية. النبي حرص وكان بيحب عمه انك لا تهدي من احببت. يعني كان بيحب عمه اهو. بس الحب الفطري. واحد اتجوز واحدة غير مسلمة خلاص وهي امي عفيفة عشان الضوابط بس. هو اتجوزها عادي ان هو يحبها؟ اه عادي ان هو يحبها. يحب الكفر اللي هي قاعدة عليه. لا طبعا. بيكره الكفر اللي هي متلبسة به طبعا. ده لازم لازم يبقى فيه معاداة لها في الله وعادي ان الحب والبغض يجتمع في شيء. انت حابب انك تتوضا وكاره من الماية وكاره المية الساقعة. صح؟ حابب وانت قايم الفجر وانت بتتوضا حب الوضوء عالي قوي بس متضايق ايه من السقعة صح؟ فالحب والبغض اجتمع. اجتمع من وجه وافترق من وجه فدايما ان المؤمن بيتحرك انطلاقا طبقا للدين. ربنا سبحانه وتعالى قال وما نقموا منه الا ان يؤمنوا بالله العزيز الحكيم. ان الاعداء بيعادوا اهل الايمان لايمانهم خلاص سيبك من الوش الجميل اللي بيظهر في اوقات الايه؟ في اوقات غير اوقات الجد المعاداة اما بتكون لاجل الله الله سبحانه وتعالى ينصر اهل الايمان ويسدد اهل الامام لانهم خاصموا في الله وعادوا ايه اعدائنا ولابد ان المؤمن يستشعر ان كل معارك اهل الاسلام في كل مكان من اجل نصرة الدين هي معركته في حاجة اسمها احنا ما لناش دعوة يا جماعة. يعني ايه ما فيهاش دعوة؟ يعني مسلا مصر بتحارب اليهود الاخ المسلم اللي موجود في العراق والمسلم يقول لك انا ما ليش دعوة. يا جماعة ده احنا في الكورة في الكورة يقول لك احنا بنشجع كلنا منتخب مصر عشان هو المنتخب العربي ضد الافارقة طيب انا بقى فهو شايف ان كل مباراة لعربي ضد افريقي ده المفترض انا اشجعه طيب كل الصراع بين مسلم على وجه الارض لاجل دينه مع غيره انا مشارك فيه ولزلك الله سبحانه وتعالى عاتب ناس عندهم مفهوم سيء جدا قال الله سبحانه وتعالى وان منكم لمن لا يبطئن. فان اصابتكم مصيبة قال قد انعم الله علي اذ لم اكن معهم شهيدا فربنا جعل اللي فيه الخصلة دي ليس من طائفة المؤمنين الكمل في خصلة من خصل النفاق لانه حمد ربنا انه ما شهدش المعركة التي هزم فيها اخوان المسلمين وهو اتضايق لما المسلمين انتصروا وما استفادش من الغنيمة بس هو ده اللي ايه اللي يشغله وكل مسلم ينبغي ان يسأل الله سبحانه وتعالى هذا المعنى وهو حاضر لكل التفاصيل بتاعة هذه الاية ولزلك من جمال خواتيم البقرة البقرة سبحان الله تجد فيها التشريع واستقرار التشريع واستقرار الشريعة واية وتحكي لك اه طوائف الناس مع الوحي اللي نزل هدى للناس والناس انقسمت معي في ناس امنت وفي ناس نفقت وفي ناس كفرت وبعدين ربنا اتكلم على النماذج وبعدين ذكر دعائم الاسلام والكلام ده. في الاخر خالص يعني كأن هذا الجمال الذي انت رأيته لن يثبت لك الا وستجد هناك من ينازعك اعلم فلذلك كان خواتيم البقرة انت مولانا انصرنا على القوم الكافرين فكأن الاية والسورة وانت ماشي بتقول لك خلي بالك الجمال اللي انت شفته ده مش هتتساب انك تعيشه فانت محتاج تستحضر جدا العمق ده انت مولانا فانصرنا على القوم الكافرين ثم قال النبي صلى الله عليه وسلم تكملة الدعاء ولا تجعل مصيبتنا في ديننا الدنيا يا جماعة لن تخلو من مصائب صح ولن تخلو من الالام ولن تسلم لاحد على الاطلاق لابد ان يصاب الانسان بنوع من البلت ده ابتلاءات المحن مصائب وندعوكم بالشرك والخير فتنة والينا ترجعون احسب الناس ان يتركوا ان يقولوا امنا وهم لا يفتنون ولقد فتنا الذين من قبلهم. فليعلمن الله الذين صدقوا ولا ليعلمن الكاذبين اي يظهر علم الله فيهم ليس المصاب في من فقد الاصحاب والاحباب لكن في من فقد الثواب بمن فقد الثواب في ناس كتير مصيبتهم مش مشغول عشان كده ما ينتبهش ان المصيبة العميقة هي الدين. اقول لك على حاجة ايهما ايسر على هذه العائلة استيقزت الصبح لقت بنتها بتعاني من اشكال في بطنها جروا على الدكاترة وبتاع قالوا ياه قدر الله وما شاء فعل في نوع سرطان غريب ومنتشر جدا في الجسم. ربنا يعافي الجميع والبنت يا عيني عندها واحد وعشرين سنة وشكلها جميل جدا جدا جدا ووسيمة وما شاء الله لا قوة الا بالله في طب والطلعة الاولى وكل الناس تتمناها بلاء صح شديد صح طيب البنت دي هنقول اللي لها توأم توأمها دخلت على والدتها بشعرها ولابسة لبس كأنها نسيت تلبس وبتقول لوالدتها في بطن مولود انا ابشرك اني كذا وهي غير متزوجة الام دلوقتي الام السوية اي البلاءات اشد عليها؟ ها قولوا لي كده ايه البلاء الاشد شفتم بقى الهوني البلاء اللي تتمنى ان هي تموت قبل ما يتسرب ليه بقى لان المصيبة في الدين ولزلك في قاعدة جميلة قوي مريحة قوي ولا مكمل معي عشان برضو ايه يعني ده معيار تعرف ان هو ديني ولا ايه دنيوي يعني السرطان ده البنتين اللي اتكلمنا عنهم ده. السرطان ده البلاء ده ينتهي بالموت هينتهي للموت. طيب البلاء التاني ينتهي بالموت اللي احنا زكرناه لن ينتهي بالموت يبقى دي مشكلة دينية مصيبة اللي لان انا يا جماعة لو انا عندي لو عندي انا بلاء البلاء ده دنيا في اخره ستين سنة ميت سنة لكن البلاء التاني لأ ربنا يعافينا واياكم يعني عثمان رضي الله عنه ميت امتى عثمان رضي الله عنه ميت امتى عثمان استشهد تقريبا اخر خمسة وتلاتين هجرية ذو الحجة يعني بنتكلم ما يقرب من الف وربعمية سنة هو فين في قبره. بقى له كم سنة في قبره الف وربعميت سنة انت متخيل الرقم انت انت سامع الرقم كويس الف وربعميت سنة وعسمان فين؟ في قبره طب يا ترى هيطلع من قبره امتى؟ هيستمر لغاية امتى والله اعلم طيب بعد كده هيروح فين يوم القيامة الا يستحق بقى انك تعمل لتسعد في الاوقات دي يبقى النهاردة دايما تسأل نفسك سؤال ايه اللي شايف نفسه يائس وحياته كرب وان هو منقوع في بحر الكرب والهم. وده الوحيد اللي في الكون اللي عنده هموم ما فيش حد في الدنيا عنده عمال يموت حاجتك انتهت اه دي كلها مصيبة دنيا المشكلة فين بقى دي مصيبة الدين. هو مش معنى انا هو يعني ما فيش حد يبتلى الا انا وانا كنت عملت ايه؟ ده انا ماشي على الصراط المستقيم عارفين انتم الجماعة دول ده لازم يقولوها بالطريقة دي يعني ايه في واحد بيقول لي انا مش عارف افرق بينهم. انا حاسس ان ان شاء الله ان انا بتكلم ان شاء الله بلغة ميسرة يعني يعني واحد ايده وجعاه ايده اتكسرت ده بلاء صح انكسرت الالام اللي فيه ده هتنتهي امتى؟ تنتهي بالموت. صح؟ بعد الموت في بلاء مكمل الموضوع ده مش مكمل الالم الفقد انا فقدت ابني. فقدت بنتي فقدت حد عزيز علي والدي. الم صح؟ الفقد ده الالم ده ينتهي امتى بالموت انتهى صح؟ فازا صبرت خدت الاجر وانتهى الموضوع وخلص الموضوع. السؤال بقى واحد ما بيصليش البلاء ده هينتهي امتى يعني اللوازم بتاعة البلاء ده وما يرتبط به هينتهي امتى؟ مش هينتهي ما سلهككم في سقر ايه اللي وداك وسقر قالوا ايه؟ مشكلتهم كانت ايه؟ لم نكن المصلين. يبقى بلاء ما انتهاش بلاء ما انتهاش بلاء سوء الزن بالله هينتهي امتى البلاء ده هينتهي امتى الالام بتاعة الكبد ده مش هتنتهي لكن الاجور اجور البلاء. بصوا يا جماعة البلاءات تنتهي ككبد في الدنيا. لكن لو الكبد مستمر عشان الناس اللي لسة مش فاهمة. لو الكبد مستمر يبقى ده بلاء دين شوفوا العكس بقى المسلم مع الموت تنتهي بلاءاته تنتهي الاكباد بتاعته كل كبد الحياة كل الالام كل النكد كل المحن تنتهي بموته وبعدين لا يكون الا الاجور بعد كده طيب البعيد عن ربنا ايه اللي بيحصل بتنتهي كل اكباده كاتباد البعد دي بتنتهي مع الدنيا ولا بتبدأ بتبدأ حقيقتها بقى الحساب بيبدأ فاهمين ولزلك ولا تجعل مصيبتنا في ديننا. سؤال اما بنتك تيجي تقول لك انا يا امي جبت خمسة وعشرين من تلاتين في اللغة الانجليزية في اختبار السنة دي وحضرتك طبعا شايفة اللي اقل من تسعة وعشرين ونص ده بلاء لا شك انك اتضايقت وزعلت شوية سؤال بقى بنتك دي قالت لك انا عاوز اقول لك بقى ان انا ما صلتش الفجر طول الترم ده مرة حاضر المهم ربنا غفور رحيم اهم حاجة يا الاء تكوني ايه؟ بتحبي ربنا يعني طب ما انا بحب المادة يا ماما انا بحب اللغة الانجليزية وبرضو ان دي مش كانت اهم حاجة يعني. عارفين ليه؟ بل تؤثرون الحياة الدنيا ايهما اشد في البلاء؟ ابن ابنك ييجي متأخر قبل المغرب بنص ساعة جايب لك نتيجة الدرس بتاعته ان نازل عشر درجات في امتحان الاسبوع ولا يقول لك انا لسة ما صلتش العصر عرفتوا ان الدعاء ده ولا تجعل مصيبتنا في ديننا دي مصيبته في الدين مصيبة الاسرة دي في الدين. هم مش واخدين بالهم عشان كده هو محتاج يدعي ان ربنا ما يخليش مصيبته في دينه لان كده معناها ايه؟ ان الموازين اتغلبت واتقلبت الموازين حصل ايه؟ انقلاب والموازين الحسنة اتغلبت في دماغه سبحان الله مصيبة مصيبة لما ابني يرد علي او اه طالب عندي في الجامعة يرد علي. مصيبة كبيرة جدا ان الطالب يرد على المعيد ولا الدكتور. مش احترمني لكن عادي جدا رد على صفحته على النبي او على اية ما فيش مشكلة دي حرية فكر ودي مصيبة دين ليه؟ لان انا مكملة معك في كبد هيكمل معك بعد كده عرفتم يعني ايه ان الدعاء ده مش اي حد يقوله بقلبه ولا اي حد يرزقه ولا تجعل مصيبتنا في ديننا فاي مشكلة تقابلك. اول حاجة تقول ايه؟ اللهم لك الحمد. قال لها ليس في ديني. يعني انت صحيت من النوم لقيت صدرك واجعك وعندك كورونا. ربنا يعافيكم كلكم دي تضايقك خاصة لو في حد من قرايبك لسه متوفي منها تضايقك جدا صح بس بالله عليك ايهما اشد عليك انك تصحى من النوم كاره انك تصلي وما عنتش حابب انك تصلي وتقول انا خلاص موضوع الصلاة ده ما عدش فارق معي ولا عاوز افتح المصحف ولا عاوز اصلي ايه بقى الهون اللي يكون فعشان كده اول ما تصحى وتلاقيها كده تقول ايه؟ اول حاجة تخليك هادي انها تقول ايه؟ يا رب عافيني اللهم لك الحمد انها ليست في ديني الحمد لله مش في ديني بس خلاص كل بلاء رمى دون الدين دون دينك فانت في خير ولا تجعل مصيبتنا في ديننا. الله اكبر الباب ده مهم قوي لان هناك من يصاب في دينه يخسر شيء منها يخسر طاعة الله. يقع في المعصية. لان مصيبة في الدين اعظم من مصيبة في غيره في ناس بتصاب يخسر دينه كله. يفتن بالكلمة. يبيع دينه بعرض من الدنيا والعياز بالله في ناس كده زي اللي ربنا قال عليهم واتلوا عليهم واتل عليهم نبأ الذي اتيناه اياتنا فانسلخ منها ساب كل حاجة فاتبعه الشيطان. فكان من الغاوي ولو شئنا لرفعناه بها لكن مشكلته ايه بدل ما يترفع بها هبط بها ولكنه اخلد الى الارض واتبع هواه كانت مشكلته فين؟ عافانا الله واياكم فاول ما تيجي تقول كده عمرك ما هتعرف تقول اللفظ اللي جاي في الدعاء الا لما تتشرب الجزء ده يعني مش هتعرف تقول ولا تجعل الدنيا اكبر همنا ولا مبلغ علمنا. عمرك ما هتقول الدعاء ده. في قلبك وانت مؤمن الا وانت قايل ولا تجعل مصيبتنا في ديننا لان لو ما دوقتش دي مش هتدوق التانية. اصل دي عاملة زي ايه كده يا جماعة عارفين فكرة الحروف انت بتتعلمها عشان تعرف تقرا الكلمة كاملة فلو ما عرفتش الحروف مش هتعرف تقرا الكلمة هو كده الجملة الاولى دي دي حرف الجملة اللي جاية بقى ولا تجعل الدنيا اكبر همنا ولا مبلغ علمنا الله اكبر يعني ايه الدعاء ده بيقول ايه بقى؟ الدعاء ده من معانيه ان المؤمن يعلق قلبه بالله دايما. يجعل الدنيا هي من الهموم لكن ليست اكبر الهموم هذا الدعاء ليست اه اه مراد الكلمات فيه انك تطر ان الدنيا مش هم. لا فيه هم. لكن هل هو اكبر الهم هو اكبر همك ولا لا؟ طبعا كلنا الا من رحم ربي شايف ان هو ايه بفضل الله الدنيا مش اكبر همك صح؟ كلهم يدعي وصلا لليلة وليلة لا تقر لهم بذاك يعني في ناس بيحبوا واحدة اسمها ليلى. كله يقول لك انا بحب ليلى. ليلى بصت لي. ليلى بتحبني انا اكتر واحد. ليلى ما بتعرفش تنام الا لما تبعت لي رسالة. ليلى ليلى. كله بيقول ليلى بتحبني كلهم يدعي وصلا بليل ولكن ليلى لا تقر لهم بذلك ليلى يا جماعة لأ ليلى بتقول كل دول ولا هممني الناس دي كلها ايه؟ فنكوش فاحنا ممكن كلنا نقول اه فعلا انا الدنيا مش همي الكبير. لا لازم تقف بقى ونشوف لان في اختبارات وفي مؤشرات في واحد سبحان الله بيقول الدعاء ده وكما قال النبي صلى الله عليه وسلم من كانت الدنيا الدنيا اهمه. وان كانت الدنيا همه شوفوا النبي صلى الله عليه وسلم بيقول ايه جعل الله فقره بين عينيه وفرق عليه شمله ولم يأته من الدنيا الا ما قدر له الله اكبر الدنيا همه يصحى من النوم اهم حاجة الفلوس اهم حاجة العيال زاكرت ما زاكرتشي انا هحقق قد ايه النهاردة آآ مش عارف ايه ده مشغول من كانت الدنيا همه هو مشغول. هو عامل الدنيا ديت كعبة وقاعد يلف حواليها وسبحان الله الحياة المادية المعاصرة وانت مش واخد بالك هي بتغرز فيك اه النظام ده تصحى من النوم ازاي وتعمل ايه ولزلك اللي مش هيصحى هيدخل مكنة البسطرمة هيضيع فمن كانت الدنيا هامة. النبي صلى الله عليه وسلم يقول ايه بقى؟ فرق الله وعليه شمله هي في تعسير يطرق كل الابواب لها مغلقة. الدنيا واقفة وسبحان الله وايه كمان؟ وجعل الله فقره بين عينيه. ياه شوفوا يا جماعة الفقر بتلاقيه مسلا معه خمسة مليون. يقول لك والله الدنيا واقفة خالص السنة دي ليه بقى يقول لك ما كسبناش كتير هو بيكسب كل سنة مسلا نص مليون. مليون الا ربع. فيجي يقول لك والله سنة كورونا دي يطلع الحياة صعبة خالص خالص فتيجي تدقق في كلام في الكلام ده هو يقصد ايه؟ ان الدنيا مش زي كل سنة جعل الله فقره بين عينيه بين عينيه. اقول لكم على حاجة يا جماعة اعملوا التمرين ده كده وانتم معي آآ حطوا صوابعكم السبابة بين عينيكم حطوا الصابع بتاعكم بين عينيكم. عملتم كده السبابة حطوه كده بين عينكم كده. قدام الايه؟ الانف. حطيتوه؟ وحاولوا تبصوا عليه بعينيكم الاتنين ايه اللي هيحصل هحطه كده في صوابعي وبصوا كده ايه اللي هيحصل هيحصل حول صح هو ده بقى بيحصل له حول في الحياة. مش بيبقى ماشي حاجة صعبة فقر بين عينيه مش عارف يعيش حياته متزغللة فعلا في تشويش تايه ليه؟ لان لا يرى الا الفقر شوف جابوا الناس كلها سكنت فين في التجمع واحنا لسه ساكنين فين في التموجة آآ الناس كلها شفتم مش عارف مين عمته جابت عربية ايه وخاله جاب عربية ايه وعمه جاب عربية ايه واحنا لسة آآ في ايه في اللي بمية وخمسين وبمية واربعين جعل الله فقره بين عينيه شايف دايما ان في حاجة ناقصة دايما مش عارف ايه نفسي كده ائب على الدنيا كده يا ماما واكسر الدنيا عارف بقى لو ربنا كده يكرمني او امي كده بطلعة ونعمل قفزة كده كاننا بنفط على حاجة كده ايه مش عارف ايه عارفين انتم الجماعة دي موجودين في بعض بلاد الله ممكن ما تكونش في مصر لان مصر الحمد لله مستورة لكن الناس دي موجودة بنشوفهم في الحياة اما تيجوا تسافروا برة مصر يعني تلاقوا سبحان الله المعنى ده تلاقي ان فيه ناس واقعة جامد في الحتة دي دايما يقول انا في واحد كان سبحان الله يقول لي انا نفسي كده مرة اكون بفحر في آآ في اي حتة الاقي حتة اسار تطلعني على الدنيا. فانا كل شوية وهو راجل طيب خالص ومسكين وحبوب يعني فانا قاعد بهزر معه فبقول له ايه؟ بقول لك ايه لو ربنا كرمك بحاجة وجيت تبيعها يا سيدي وبتاع والكلام ده كله. طب عشان الناس اللي بتقطع وبتلزق يبيعها تبيع صحيح. بيع طبقا قوانين وطبقا لكل حاجة مش هيخالف اي حاجة اه المهم وكسب منها انا بقول له اتخيل انك كسبت مبلغ ضخم جدا قال لي هاعمل طول لأ. انت تديني وعد دلوقتي يا عم لو ربنا كرمك بالحلم اللي انت قاعد بتفكر فيه ده ونفسك يحصل لك ولو في الرؤية انك تتصدق بالنص لله يطلعه على المساكين تطلعه على اي كزا. عارفين قال لي ايه قال لي مش كتير هو اصلا مسكين مش معه حاجة وبيحلم مجرد واحد بيسرح. لكن انا دخلته في التخيلات كان فعلا الفلوس على الباب والراجل الالماني جاي يشتري وخلاص وهو واقف والدولة سامحة له وبتقول له اه من حقك وخدت ضرايبها وخدت كل حاجة. فهو يا عيني حط زي ما يكون حاسس دوس على حجره وانت بتاخد نصها فقال لي مش كتير وبيقولها لي في تمام العفو والعفوية فاقول سبحان الله جعل الله فقره بين عينيه اما الدنيا بتكون كده وتكون هي همك بتحس بكده. ويا جماعة ممكن تكون غني جدا جدا جدا وفقير ديبا لان خوفك من الفقر فقر صح؟ خوفك من الفقر فقر مش في ناس دلوقتي يا جماعة حاسس ان هو شبه مش بيمتع اولاده كويس اولاده مش عارفين يستمتعوا على الدنيا. بحجة ايه؟ اما تكبروا وتتجوزوا طب كبروا واتجوزوا. اما تكبروا وتخلفه طب خلفه اما ولادكم يكبروا عشان يخشوا الجامعة. خلاص؟ وبعدين ييجي يديك حاجات غير قابلة للبيع وغير قابلة للاستعمال وبنديك مسلا قطعة ارض يقول لك شايف الاربعين فدان ده دول بتوعك. انت وخالك وستك وجدك وولاد عمتك حلني بقى اما تعرف تاخد حقك تروح تتصور سيلفي كده جنبها وتدنك تزرع فسيلة كده هناك وتقول هذه ارضي وارض اجدادي والكلام اللي هو ايه؟ بلادي بلادي ده فخوفك من الفقر فقر وهتلاقوها في الناس اللي عندهم خوف من ايه؟ من المرض وخوفك من المرض مرض ايه اللي يخلص المشهد ده انك ما تكونش الدنيا همك كنس الدنيا همك المؤمن يا جماعة الوحيد على وجه الارض. اللي عايش بامن. المؤمن مش اللي مجرد ان مسلم في البطاقة لأ المؤمن يعني اللي عايش معاني الايمان فاي الفريقين احق بالامن دين يا جماعة مين يا جماعة اللي مستمتع وله حق ان هو يبقى عايش بامن امن داخلي كده حاسس ان هو سبحان الله قلبه خلصان المؤمن بيتعامل ان المنع هو عين العطاء المنع من الله هو عين العطاء فربنا منع موسى المراضع. صح حرمنا عليه المرض. اليس كذلك؟ ده كان منع ولا مش منع لكن هو ده عين العطاء عين العطاء منعناك المراضع حتى لا يرضعك احد الا امك طب لو ما كانش حصل المنع ده بقى المنع ده ما كانش حصل كان ايه اللي هيحصل؟ كان هيروح في حتة تانية خالص وفرعون واخد جيش وابهة والدنيا طالعة والدنيا كله كله يحيا الملك مات الملك عاش الملك صح لكن الجيش ده كله خده ليه؟ عشان يطلعوا معه وكله ينزل البحر وكله يغرق مع بعضه انت لما تيجي تتأمل في قصة موسى سبحان الله! هتيجي تقول التعبان اللي رماه ده هو ليه ما راحش طالع كده وبلع فرعون وكان خلصنا منه؟ طب هو انت هتعمل ايه في النائب بتاعه وكنت هتعمل ايه في اللي كان بيسقف؟ واللي بيدي لايكات وبيشير. ما هو مش كنت هتخلص. لا خلي الطقم كله يطلع طلعة وكله يروح. واترك البحر رهوة سيبهم كله يعدي وكله ايه؟ ينتهي. هل انت كنت متخيل خالص ان المنع لسيدنا موسى ده هو عين العطاء المنع اللي ربنا بيقدره عليك ده انت انت شايفه شايفه ان هو ايه الدنيا يا جماعة يمكن احنا اتكلمنا الكلام ده قبل كده لو كانت تعدل عند الله جناح بعوضة ما سقى منها كافر شربة ماء كانش الكافر هيشرب ليه؟ لان لو هي غالية عند ربنا ما كنش اداها الا للمؤمن لكن من حقارتها بزلت للجميع ولا تجعل الدنيا اكبر همنا يبقى عادي ان هي تكون من همي؟ اه بس مش اكبر همك ما يبقاش هو الحاجة اللي شاغلاك ليل نهار. ولا مبلغ علمنا بتلاقي بعض الناس سبحان الله متبحر في الاقتصاد والتسويق والادارة والطب والهندسة وطبعا ومتبحر برضه في علم الايه في التمارين والمدرب ومش المدرب في واحد كنت آآ واقول له اخبارك وفين دلوقتي؟ قال لي معلش بس انا رايح التمرين تمرينة قال لي انا بدرب كزا يعني الشخص ده كلما تيجي تسأله انت عامل ايه في القرآن؟ والله المزاكرة ومش المزاكرة. لكن التمرين لأ. بتتكلم في ايه لا يعلو صوت فوق صوت التمرين ايه يا شيخ! وادخل تربتي وانا مش رياضي! انت ترضاها! يعني انا ادخل التربة كده ما اكونش لعبت جيم وما ينفعش لازم حتى القبر بتاعي يعني برضو يحتوي انسان رياضي. ويا شيخ مش النبي ناقص يقول لي النبي بتاعكم. مش النبي بيقول المؤمن القوي خير واحب اللي زي ده تقول له سلم لي على الوالد والوالدة وانت عامل ايه واخبارك ايه وسلم لي عليه اصحابك وانا بحبك في الله وتسيب وتمشي ليه؟ لان ده هو عارف ان هو هو عارف ان هو عارف ان هو بيلعب وبيهزر لان هو ايه لخص المشهد فين؟ المؤمن القوي. ده اللي انت عارفه من كلام النبي اه وانت مش عارف من كلام النبي الصلاة وانت مش عارف من كلام النبي اهمية كزا واهمية كزا واهمية كزا واهمية كزا ؟ اه. النبي صلى الله عليه وسلم او القرآن ابتداءا زكر لنا الكلام ده قال ولكن اكثر الناس لا يعلمون يعلمون ظاهرا من الحياة الدنيا وهم عن الاخرة هم غافلون. الاية ديت يا جماعة فيها معنى نفيس جدا وهقراها لكم تاني بطريقة تانية ولكن اكثر الناس لا يعلمون. يعلمون ظاهرة من الحياة الدنيا. فاهمين حاجة الكلمتين اللي وراء بعض عبارة عن ايه؟ لا يعلمون يعلمون هم لا يعلمون ولا يعلمون. اه لا يعلمون شيء ويعلمون شيئا اخر. فربنا عاتبهم على ايه؟ ان هم جهلة عن الاخرة يعلمون ظاهرا من الحياة الدنيا ربنا سمى الدنيا دي كلها. اصل انت هتبقى ايه يعني؟ واخد جايزة نوبل؟ في علم آآ آآ مش عارف آآ اي حاجة الهندسة الطب ايا كان اللي انت عاوز تعمله طب ما هو انت ايه اللي خلاك ما تدرسش ده على فكرة ده الشخص الوحيد اللي انت هتتسأل عنه مباشرة اول ما تدخل قبرك من ربك؟ من النبي الذي بعث فيك واخد الكلام ده؟ طيب انت تعرف حاجة عن البحار؟ لأ. تعرف حاجة عن الطب؟ لا. تعرف حاجة عن الرياضة عن مش عارف حاجات كتيرة جدا. فانت واخد ايه خدت زاهر صح؟ يعلمون ظاهرا من الحياة الدنيا. الموضوع آآ ملف كبير وهم عن الاخرة هم غافلون. ولذلك الحسن كان يقول كلمة جميلة قوي بيقول والله يبلغ من علم احدهم يعني بدنياه ان يقلد الدرهم على ضفره على ضفره. يجيب الدرهم كده يقلبه على الضافر بتاعه فيخبرك بوزنه يجيب الدرهم كده يقلبه على الضافر يقول لك ده وزنه كزا. عارفين كده اللي بيلعب ملك وكتابة الحسن البصري بيقول لك في ناس تمسك الدرهم يقول لك ده وزنه كزا. بالضافر كده وما يحسن ان يصلي. اه والله قالت لها دكتورة في الجامعة ما تعرفش تقرأ نص صفحة قراءة مش هقول لك تجويد تجويد ده ملف عالي قوي كده. انت كده عامل امتحان صعب تبقى دكتورة في الجامعة الدكتورة راحت الدكتورة جت ووالدة الدكتورة نيرة خلاص وزوجة الدكتور فلان ما بتعرفش تنطق نص صفحة في الكتاب اللي هتدخل تربتها وتتحاسب عليه ما تعرفش مش عارفة تقرأ. فضلا ان هي تكون عارفة ومش هنقول لهم بقى تعالوا اقرأوا بقى ايات من النساء وايات مش عارف ايه لا لا لا يا جماعة هنجيبها لك ايات كده سهلة خالص ومش عارفة تقرأيها. ماذا انت قائلة لربك يوم القيامة؟ تقولي له ايه قلت له يا رب كنت مشغولة بس كنا بنتعلم آآ مش عارف آآ الكوشيه وفن ايه وبتاع ايه وكسبنا كل حاجة عيب عليك تكوني يعني ما شاء الله عندك فصاحة في كل شيء الا الاشياء التي تقربك من ربك الماجستير خدت سنتين وفي رواية اربعة والدكتوراه خدت كزلك كانت على قلبك زي العسل لكن مش عندك استعداد تقعدي عشر معشار الوقت ده عشان في حد يعلمك عارفة ليه؟ بل تؤثرون الحياة الدنيا عارفة ليه عشان مش اي حد هيدخل قبره ربنا يصطفيه ان يكون همته الاخرة دي ناس تم اختيارها ربنا يجعلكم من اهل الاختيار دوت ولكن اكثر الناس لا يعلمون اكثر الناس علمهم متعلق بالدنيا اه فاهم في الهندسة التكنولوجيا السياسة الاراء من مراحل حتى في الكتب اللي تلاقيه بيشتريها من المعرض. تعرفهم تلاقيه كده غرقان في حتة ايه يا عم انت ايه اللي جايبك هنا؟ انت واقع قوي ليه كده فين مركزية الدار الاخرة في قلبك والله لتموت والحاجات دي كلها هتسيبك ولا تجعل مصيبتنا في ديننا ولا تجعل الدنيا الدنيا ابلغ اكبر همنا ولا مبلغ همنا فالدنيا انك تكون علمه فليس بعالم والله يا جماعة ربنا قال ذلك مبلغهم من العلم ان ربك هو اعلم بمن ضل عن سبيله. من كانت الدنيا ارادته وهمته ده يريد الشيء التافه الحقير مشغول به ليل نهار يصحى وينام هو ده. اهم حاجة عنده طيب كم سنة هتعيش بقى الصراحة انا هعيش ونقول مية كده يا شيخ لأ مية دي كتير على فكرة انت تعرف كام واحد عايش عنده كم سنة عنده مية سنة ها يا جماعة تعرف كم واحد في المحيط بتاعك في اسرتك عنده مية سنة عايش ولا واحد اهو واحد يقول لك واحد لكن غالبا ما فيش حد فيكم هيقول اعرف تلاتة في عيلتي صح طيب يبقى انت هتعيش كم ستين سبعين من بعد السبعين تخش في التمانين وخمسة وتمانين تبقى عالة على غيرك تكره الحياة الموت احب اليك تبدأ تلبس بقى حفاضة ترجع بقى العقل يبدأ يكون زي الطفل العقل يزهب تبقى كارح ارزل العمر كاره انك تكمل. الموت احب اليك طيب دي انت عشت كم بقى في الدنيا عشتها قد ايه ؟ سبعين تمانين سنة. انا عارفك عارفك يا اللي قاعد بتحسبها دلوقتي قل يا سيدي انت وحاضر انت وهو ان شاء الله هتعيشوا تمانين. هبقى انكم عايشين ان شاء الله لغاية نجيب حفيدك يتجوز خلاص يبقى وابن حفيدك كده يتجوز ويخلف. خلاص كده طيب هتموتي بقى صح هتموتي بعد الكلام ده اكيد هتموتي ولا في احتمال ان احنا مكملين بعد ما حضرتك هتموتي وبالمناسبة انا هموت خلاص موضوع الناس موجود يقول لك انت قاعد عمال تخبط فينا لو انت هتموت على فكرة هتعيش قد ايه في البرزخ تعيش في البرزخ خدت ايه بقى سنة اتنين تلاتة اربعة عشرة. ولك ان تتخيل ان سيدنا موسى دلوقتي في القبر بقى له كم سنة اكتر ما يقرب من تلت تلاف سبعة سبعتلاف سنة دي الحضارة اللي انتم ايه اللي متصدرة لكم. لكن تلات تلاف سنة وكسر انت متخيل السن تخيل الزمن تعرفوا ان فرعون اللي كان بيعزب اتباع سيدنا موسى كان برضو تحت في التربة الفترة دي كلها طب سيدنا موسى عايش ازاي كان نعيم قد ايه طب وفرعون عايش في الجحيم قد ايه لو احياهم الله دلوقتي مين هيختار ان يكمل في البعد عن الله لو انا قلت لك قدامها اختيارين تختار الاتي تعيش سبعين سنة سبعين سنة وده انك تأزي كل اللي حواليك خلاص كده؟ وتتمتع وتعمل اللي نفسك فيه بعد ما تموت هتدنك عشر تلاف سنة في فرن زي فرن الحديد والصلب تتصهر واللي تعزب سبعين سنة هيدنوا عشر تلاف سنة يتنقل في الدنيا كما يرغب تختار ايه هتختار ايه بقى ده ده مسال عشان اقرب لك الفكرة في ناس بقى مصممة تسمع الفكرة دي وتختار برضو السبعين سنة ده لو سلمت لك اصلا من السبعين سنة هيصفوا لك نسأل الله العفو والعافية خليكي بشعرك براحتك خالص وخليكي مبسوطة بصورتك وبسمتك وبالشيء وبلبسك اللي بتنزلي به خليكي مبسوطة بس في الاخر هتدخلي تربتك وهتقعدي بقى تحت فيا ترى هتقعدي فترة قد ايه وانت مضيق عليك ويا ترى هتكوني في روضة من رياض الجنة ولا في حفرة من حفر النار وهتبعسي يوم القيامة خمسين الف سنة كت بقول لحد يعني انا كنت انتزار خمس خمس ساعات في مطار من المطارات هيحصل لي ترانزيت كده فقلت هعمل ايه وازاكر ايه واقرأ ايه وكنت مشغول بالخمسة. طب هتعمل ايه في الخمسين الف سنة يوم القيامة لو ما فيش اي عزاب هيحصل يوم القيامة للمتبرجات الا انك تكوني واقفة متبرجة بلبسك ده قدام جميع الخلق ومستنية دورك على الحساب بس واقفة كده شوفي كمية البلل والحياء اللي هيكون فيك ده لو ما فيش اي بلاء بس الا انك هتخرجي كده والعالم كله واقف من ايام نوح الملائكة واقفة والانبياء واقفين والصالحين وكل اللي كانوا ربنا ساترهم في الدنيا انت شايفاهم وانت واقفة معه وانت واقفة ومستنية دورك بعد خمسين الف سنة تتسألي انت كنت لابسة كده ليه ونفسك تتستري ما ينفعش. نفسي اقف جنب حد ما ينفعش. لا ترى فيها عوجا. الارض كاشفاكي بالله عليك الحاجات دي مش شاغلاكي انك تفكري فيها ضيف لمنعك دي لسه مترددة ما فيش حد غالي عليك عشان تخش النار عشانه او تخش التوتر ده عشانه كل دول هتسيبيهم اخت من الافاضل بتحكي ان في واحدة زميلتها ربنا يرحم جميع موتى المسلمين كانت محجبة ويوم من الايام كانت متعلقة جدا جدا جدا بامور مباحة زوجها واولادها والتعليم ومش وراها الا الهم ده اللي حصل في يوم من الايام تخوفت ان زوجها ممكن يفكر في غيرها فخلعت الحجاب عشان تتزيى اكتر قدامها وكانت عاوزة تكمل كده سبحان الله قالت كلام في اخر حياتها خلاصة الكلام يعني مش في صالحها وفي الاخر خالص ماتت بعد الكلام ده بساعات وشافت كل حاجة ربنا يرحمها رحمة واسعة ويعفو عنها شهبة ما تلعبش بصوا يا جماعة ازا كنت كده كده هتلعب قمار العب قمار بدنياك مش بدينك دينك ما ينفعش تخش به طبعا اقصد مجازا يعني. دينك ما ينفعش يبقى للتجربة. نجرب. عاوز تجرب جرب في دنيتك. ما تجربش في دينك تيجي تجرب يعني انا هجرب تجارة ممكن اخسر ما فيش مشكلة لكن اجرب في الدين تخلعي الحجاب من هنا عربية تاخدك خلاص خلصت كورونا تستلمك راحت انا مش هجرب في ديني دنيتي ما فيش مشكلة. ربنا يثبتنا واياكم ويرزقنا واياكم حسن الختام فانا هقعد قد ايه بقى؟ فاشوف الدنيا دي يا جماعة لقطة الدنيا لقطة والدنيا منقطعة سبحان من قهر عباده بالموت مهما بلغت من قوة واستمتاع دائما الموت بينهي يا جماعة يعني غنى الغني الموت بينهيه. صح طب وفقر الفقير؟ الموت اللي ينهيه صح طب جمال الجميلة؟ ووسامة الوسيم الموت بينهيها طب دمامة الدميمة الموت بينهيها طب قوة القوي الموت هينهيه طب وضعف الضعيف؟ الموت هينهي عشان كده يا جماعة كله عطاء ينتهي بالموت لا تعده عطاء كل عطاء ينتهي بالموت لا تعده عطاء لازم العطاءات الممتدة ما بعد الموت قل لي ما الذي يفرحك اقول لك من انت؟ قل لي انت ايه اللي بيفرحك؟ اقول لك انت مين تفرح بشيء هيمشي ولا شيء سابت مستمر كل واحد مننا لازم يفكر لو بحست انت النهاردة على سيارة على شقة على زوجة وما لقيتهاش في الاخر ما تقولش ضاقت علي لا تقل ضاقت علي لا تجعل هذا الهم هو غايتك. هو هدفك لأ هو همه خلاص بلاش بقى تجعله هو الغاية وقاعد تدور حواليه كده البعض قد يفتح لي في طاعة يفتح لي في عبادة في حفظ القرآن في نفقات. ايه اللي يحصل؟ يبتلى بامر دنيوي امر دنيوي يبتلى به. فايه اللي يحصل ده؟ يظل مهموم به. مشغول به. ويجي الشيطان بقى يستلمه ومن كيد الشيطان يدمره فيبدأ قلبه يضيق ويبدأ ينشغل ويبدأ ما يحسش وما يستمتعش اللي ربنا اداه له وايه اللي خده منه عشان كده يا جماعة لا تضيق عليك الارض ابدا بما رحبت الا اذا ضاع عليك دينك تضيق الارض عليك بما رحبت لو فاتتك صلاة الجماعة لو فاتتك صلاة الفجر تضيق عليك الارض بما رحبت لو فاتك الصف الاول لو فاتك الخشوع وانت بتصلي والحضور تضيق عليك الارض لما رحبت اذا رأيت محروما مكروبا ولم تجد شيئا تواسيه تضيق عليك الارض بما رحبت ازا وجدت الباقيات الصالحات والطاعات الناس بتتنافس فيها وانت لست معهم تضيق عليك الارض بما رحبت اذا فاتك شيء يقربك الى الله هو ده اللي يخنقك هو ده اللي يضايقك اي حاجة فاتتك تقربك من ربنا ده اللي ايه ده اللي يضيقك ده اللي يضيق عليك وده اللي يخنقك وعشان كده يا جماعة دايما في اختبار للهموم اختبار للقلوب واحد يقول لك انا بحسن الزن في اللي هيسمع درس عن حسن الزن بقى وبتاع والدنيا وبتاع يقول لي بس انا خلاص هحسن الظن بالله وانا وانا وانا ايه اللي يحصل بقى سبحان الله يسلط الله عليه بلاء ليختبر في حسن الزن بالله يطلب الابواب لا يجدها يطرقها كلها مغلقة تغلق في وجهه ليه؟ حتى يختبر في حسن زن. مش انت بتحسن الظن بالله طيب ورينا بنقفلها لك عشان تقول ليس لها من دون الله كاشفة وانا اثق فيه ما كان الله ليذر المؤمنين على ما انتم عليه مش هينفع يا جماعة مش هينفع ان يتساب الناس كده مش هينفع وان كل واحد يقول لك انا كويس وانا حلو وانا قلبي ابيض ويتساب لأ ما كان الله ليذر المؤمنين ان يسيبهم على ما انتم عليه على وضعكم حتى يميز الخبيث من الطيب وما كان الله ليطلعكم على الغيب. مش هتعرف الكلام ده بيتم ازاي عرفتوا بقى ان جمال يعني ايه كلمة ولا تجعل مصيبتنا في ديننا ولا تجعل الدنيا اكبر همنا ولا مبلغ علمنا ما ينفعش يبقى الدنيا دي هو وده سقفك اقعد معاك في مقابلة خلينا كده نعمل مقابلات كده مع كل اللي سامعيني وهنعمل مقابلات اكننا بنعين حد وانا عايز اطلع على السيرة الزاتية بتاعتك اعمل ايه معك؟ هسألك في امور دنيوية كتير اوي اوي اوي اوي اوي واجي اسألك في امور اخروية. شارك في الطهارة. انت بتتوضأ ازاي قل لي كده صفة غسل النبي صلى الله عليه وسلم كان النبي صلى الله عليه وسلم بيغتسل ازاي؟ لا والله انا يعني ما عنديش معلومة. طب قولي لي انت كيف تتطهري من عزر بنات حواء انت تعملي كزا وانت لا والله انا ما عرفش امال مين اللي يعرف؟ الرجالة ما انت لازم تكوني عارفة طيب انت عارفة ايه حقوق الجيرة طب انت عارفة ايه حقوق مين هما صلة الرحم الواجبة عليكي طب انت عارفة ازاي تتفنني مش عارف ايه انت طيب تعرفي ايه عن النبي صلى الله عليه وسلم لأ والله يعني بص حضرتك انت ممكن تسألني عارف حضرتك لو سألتني على الفنانة اللي هي ما كنش بتقوم بالدور الرئيسي بس الدور الفرعي في مسلسل كزا انا ممكن اقول لحضرتك انت عارف سوف تأتني على الفريق الاحتياطي اللي بيلعب مش الفريق الاساسي كمان انا ممكن اجاوبك آآ اسألني على العواصم اسألني على الفنانين على الرياضيين انا هنا لكن النبي طبعا النبي سيد الكل طبعا يا شيخ زي ما حضرتك عارف بس يعني كمعلومات معلوماتي يعني فانا ما درستش ده على فكرة من النبي الذي بعث فيك؟ او من نبيك؟ انت مش من النبي الصح يعني مش من النبي سيد الكل وخاتم لأ لأ مش هيسألك السؤال ده اللي اجابته محمد صحيحة لكن الاجابة اللي لازم هو يسألك على حالك انت. انت تعرف ايه عنه هو. عشان كده مش بقول من الرب الذي خلقك من الرب؟ لا هو من الخلق هو الموضوع سؤال خاص بك انت انا عندي استعداد اخد دبلومة تربوية دبلومة هندية ودبلومة التربية الهندية والتربية الايجابية والتربية الفيزيائية وفي الدبلومة في كلنا بنحب ازواجنا وبناخد دبلومة مش عارف في ايه فن الطهي وفن كزا وكزا وكزا وكزا لكن حاجة عن النبي والله انا انا مش فاضي حاجة عن القرآن نفسي والله بسنتة النهاردة عندها امتحانات وكده وانا مشغولة جدا بل تؤثرون الحياة الدنيا ربنا عاتبنا كلنا لما قال لنا كده ولا تسلط علينا من لا يرحمنا. شفتم بقى الدعاء ده جاي ازاي ان تسليط الله سبحانه وتعالى يسلط العباد بعضهم على بعض وكذلك نولي بعض الظالمين بعضا بما كانوا يكسبون. دايما تسأل الله سبحانه وتعالى ان لا يجعلك فتنة ان لن تتفتن ولا تفتن غيرك المعنى ده مهم كان آآ اظن ابن جبير سعيد ابن جبير كان الحجاج شد عليه اوي فقال ايه بقى قال له انك زالم ولكن الذي سلطك علي ليس بظالم ايه الجمال ده يا جماعة! الناس دي رايقة اوي! الناس دي ممخمخة الناس دي معها قلب حاضر. بيقول له ايه؟ انت ظالم لكن الذي سلطك علي ليس بظالم ناس رايقة ربنا يروقنا ويروقكم نسأل الله سبحانه وتعالى ان يسددنا واياكم بكل خير ويرزقنا واياكم حسن العمل وحسن الخلق وحسن الختام. وجزاكم الله خيرا