السلام عليكم ورحمة الله وبركاته. عليكم السلام الله اكبر الله اكبر الله اكبر اشهد ان لا اله الا الله اشهد ان لا اله محمدا رسول الله اشهد ان محمدا رسول حي على الصلاة حي على الصلاة حي على الفلاح اكبر اكبر الا الله ان الحمد لله ان الحمد لله نحمده ونستعين به ونستهديه ونستغفره ونعوذ بالله من شرور انفسنا ومن سيئات اعمالنا اللهم انا نعوذ بك من شرور انفسنا ومن سيئات اعمالنا. انه من يهده الله فلا مضل له ومن يضلل فلن تجد له هاديا مرشدا. يا ايها الذين امنوا اتقوا الله حق تقاته. ولا تموتن الا وانت انتم مسلمون. يا ايها الناس اتقوا ربكم الذي خلقكم من نفس واحدة. وخلق منها زوجها بث منهما رجالا كثيرا ونساء واتقوا الله الذي تساءلون به والارحام ان الله كان عليكم رقيبا. يا ايها الذين امنوا اتقوا الله وقولوا قولا سديدا يصلح لكم اعمالكم ويغفر لكم ذنوبكم ومن يطع الله ورسوله فقد فاز. ومن يطع الله ورسوله فقد فاز. ومن يطع الله ورسوله فقد فاز فوزا عظيما. اللهم صل على النبي محمد وعلى ازواجه امهات المؤمنين. وعلى ذريتي وال بيته انك حميد مجيد. اما بعد اخواني في الله فحينما تذهب الى بيت الله الحرام لما بتذهب عشان تعتمر في بيت الله الحرام. وانت بتطوف حوالين الكعبة حينما ترى منظر المسلمين وهم يقتتلون على الحجر الاسود. الحجر الاسود حجر من الجنة. والمسلمين عارفين انه حجر من الجنة لما تبص وتشوف الرجال والنساء. الشباب والفتيات والاطفال والشبان والشيب ليقتتلوا على الحجر الاسود. يقتتلوا بدون ادنى مبالغة. ثم تقول سبحان الله! لو الناس وهي بتقتتل على حجر من الجنة تقتتل على الجنة بنفس الهمة دي. تقتتل على الجنة بنفس اللهفة دي. تقتتل على الجنة بنفس العزيمة دي. ولكن لما بيرجعوا لما يتركوا الحجر الاسود اللي سالت دماء بعضهم عشان يستطيعوا لمسه وتقبيله. لما بيرجعوا بيقتتلوا على الدنيا ولا بيقتتلوا على الجنة بيقتتلوا على ان اي حد منهم يبقى عنده مسلا شاليه في مارينا ولا بورتو مارينا ولا بيقتتلوا على الجنة ما بين بورتو مارينا وما بين بورتو جنة ما بين لهفة قلب انسان على دي ولهفة قلب انسان على دي. اوعى تحسبها غلط. من فترة كنا رايحين ندوة من الندوات في بلد من البلاد في دار مناسبات داخلين لقينا ميتم المفروض انها ندوة. لقينا ميتم. الميتم ده بتاع ايه؟ بنت عندها سبعتاشر سنة. انتحر لان الشاب اللي بتحبه اهلها لم يوافقوا عليه. في نفس الايام احد اخوانا سافر الى سوريا ورزق باذن الله وحده نحسبه والله حسيبه. رزق الشهادة هناك. وهو يدافع عن الاسلام. وهو يجاهد لتكون كلمة الله هي العليا. ولا نزكي على الله احد قلت سبحان الله! ده ضحى بعمره ودي ضحت بعمرها. ولكن شتان ما بين تضحية وتضحية. شتان ما بين خاتمة وخاتمة. شتان ما بين نهاية ونهاية زي اللي مات في العمرة واللي مات في المسجد النبوي وهو ساجد لله وهو بيصلي والناس قامت وقعدت وسجدت وركعت وسلطت التحيات وسلمت وده لسه ساجد بيهزوه لقوه مات واللي مات ساجد برضو ولكن حينما رأى الفتاة التي يحبها خر ساجد لها فقبضت روحه وهو ساجد. ده مات ساجد وده مات ساجد. ولكن شتان ما بين موتى وموت شدان ما بين خاتمة وخاتمة. شتان ما بين نهاية ونهاية. اوعى تحسبها غلط. قال الله تعالى الجنة اليوم في شغل فاكهون. هم وازواجهم في ظلال على الارض متكئون لهم فيها فاكهة ولهم ما يدعون. سلام قولا سلام قول من رب رحيم وامتازوا اليوم ايها المجرمون. الله بيشوقنا الى الجنة. الله بيشوق قلوبنا الى الجنة. فهل نشتاق الى تشوقنا الله اليه. مصدقين ربنا يا جماعة. عشان كده ربنا بيقول ان اصحاب الجنة ان حرف توكيد مصدقين ربنا. مصدقين وعود ربنا مصدق ان كل اتناشر ركعة نفل في يوم ببيت في الجنة. طب اللي مصدق ما بيصليهمش ليه؟ مصدق ان كل سبحان الله وبحمده دخلة في الجنة. طب اللي بيصدق ما بيزكرش ربنا على طول ليه؟ مصدقين ربنا ولا فيه ناس بتشك في ربنا؟ ولا فيه ناس بتشك اصلا في ربنا والعياذ بالله كأننا يعني لو جبنا قرد وادينا له الة كاتبة وقعد يضرب عليها وفي الاخر جبنا قصيدة من الشعر الجاهلي واحد بيقول ايه ده؟ قلنا له القرد ده وهو بيخبط على الالة الكاتبة طلع القصيدة دي. هيقول لنا ده جنون. اللي يقول كده يبقى مجنون. مستحيل ده يطلع ده الكون ده طلع ازاي الا باله عظيم. الكون ده طلع ازاي الا من بديع السماوات والارض. ان مين اللي مصدق ربنا؟ ومصدق ربنا قد ايه ودي احوال ناس مصدقين احوالنا احوال ناس مصدقين ربنا موقنين في ربنا ان اصحاب الجنة اصحاب الجنة مين يا رب؟ اصحاب انا اعرف ان متر الارض قدام المسجد النبوي هيوصل الايام دي في خلال يعني قليلة لاتنين مليون ريال. لو واحد قال لك ده صاحب فندق في وش الحرم. يا نهار ابيض! ده مين الشخص العظيم ده؟ ده صاحب فندق خمس نجوم او نجوم في اكبر عاصمة من عواصم العالم. مين ده ؟ ده صاحب اطيان وعقارات. واسهم ولعت اسعارها في البورصة. مين الشخص ده ده صاحب برج في افخم مكان في البلد. مين ده ؟ لو حد قال لك ده صاحب املاك في الدنيا ممكن قلوبنا بتعظمه. حتى لو غصب عننا ده صاحب بير بترول. ده صاحب مالتي ناشيونال جروب. ده صاحب مليارات. القلوب بتعظمه. ولكن يا اخواننا ربنا هنا بيقول اصحاب جنة اصحاب الجنة دي ايه ؟ الجنة دي اللي هي متر في متر فيها خير من الدنيا وما فيها. اصناف النعيم اللي في كل متر في متر في الجنة اعظم من اصناف النعيم اللي على وجه الكرة الارضية. يا جماعة الناس دي امبارح ما كانتش كده. الناس اللي ربنا بيتكلم عنهم النهاردة وبيقول ملوك الفردوس الاعلى اصحاب الجنة. مش اصحاب عقارات وعربيات وعمارات. مش اصحاب زي آآ ملك آآ جمهورية اللي عنده متين عربية لامبورجيني وعنده مية وخمسين عربية كليزرال وعنده ستميت عربية مرسيدس وعنده ربعميت عربية بي ام وعنده تلتميت عربية من كل الطوائف. بياكل في معالق دهب. البانيو اللي بيستحمى فيه دهب. الطيارة اللي بيركبها مرصعة بالدهب ده ده صاحب حاجة في الدنيا كلها حقيرة. ولكن دول اصحاب الجنة. مين دول يا رب؟ اما هتقسم الشاشة نصين وهتبص لهم في الدنيا اللي وجهني بعت لي اللي انقذني الحمد لله يا رب. الملتزمين والملتزمات بقوا ملوك الفردوس الاعلى. ان حاب الجنة. اصحاب الجنة اللي كانوا في الصفحة اللي قبلها في سورة ياسين بيتقال بصوا لهم النهاردة هم ملوك الفردوس الاعلى هتزهل. هم دول يا رب. هم دول ما تبصوش يا جماعة. ما تبصوش للملتزم اللي كان في الدنيا زاهد. ما تبصوش وهو تعبان ما تبصلوش وهو بيجاهد شهواته. ما تبصلوش وهو نفسه زي اي شاب يدخل على المواقع اللي نفسه فيها. يعيش حياته زي ما هو عايز بص له النهاردة. بص له النهاردة بعد ما حصل انقلاب في حياته. بص له بعد ما بقى ملك من ملوك الفردوس الاعلى. ما تبصوش يا شباب. ما تبصوش للي زاهد في الدنيا النهاردة عشان طلب الاخرة. بصوا له بكرة. لما الملايكة تاخده في اول يوم في الجنة تطوفه على قصوره واملاكه في الجنة يقعدوا ميت سنة يفرجوه عليها. ده لسة ما عندوش وقت انه يتنعم بها نعيم نعيم. ما تبصوش يا شباب. ما تبصوش النهاردة لواحدة سوبر دارك فاميل. لو واحد وقف نص ساعة عشان يشوف جزء منها هي مصممة الا يظهر منها شيء. سوبر دارك فما يبصش بكرة وهي داخلة الجنة في ايد فاطمة وخديجة وعائشة. ما تبصوش لواحدة نفسها النهاردة انها تحط ميت نوع مكياج زيها زي غيرها هي ملتزمة بس بني ادمة نفسها تحط عشر تنواع برفان. نفسها تلبس اضيق لبس وكل الناس تبص لها. نفسها تبقى بنت استايل وفري وروشة اخر حاجة ولكن بصوا لها بكرة. بصوا لها بكرة وعينيها وجمال لونها كأنهن الياقوت والمرجان. بصوا لها بكرة ونصفها على خير من الدنيا وما فيها. بصوا لها بكرة وهي بتقابل زوجها في الجنة. يقول لها لقد ازددتم بعدنا حسنا وجمالا. ايه الجمال ده ما تبصوش لواحدة ماشية النهاردة بتتعثر في الادناء وحرانة من الاسدال ومخنوقة في الحر اللي هي فيه. بصوا لها بكرة تتنزل عليها الملائكة عند الموت. بصوا لها بكرة وربنا بيقول لها يا امتي هل رضيت؟ فتقول وما لي لا ارضى يا رب. وقد بيضت وجهي وقد اعطيتني ما لم تعطي احدا من العالمين. فربنا يقول لها فاني احل عليك رضواني. فلا اسخط عليك بعده ابدا يا شباب للي بيحصل برة. ما تبصوش للشاب اللي بيجاهد شهواته النهاردة. بصوا له بكرة بصوا له بكرة وكل الناس يوم القيامة عريان عارية. وهو بيكسب من حلل الجنة. وكل الناس يوم القيامة مفزوعة. وهو ملائكة الرحمن بتطمن وكل الناس يوم القيامة عطشانة وهو بيشرب من ايد النبي. بصوا لها بكرة. بصوا لها بكرة. وربنا سبحانه وتعالى شف الحجاب عن وجهه الجليل وهي تنظر الى وجه الله. ما تبصلهمش النهاردة وهم تعبانين في الالتزام. وهم بيجاهدوا نفسهم في العبادة وهم بيجاهدوا نفسهم عشان يوصلوا لربنا. بصوا لهم وهم بيصرخوا من الفرحة على ابواب الجنة. واول خطوة خطط من الجنة وبصوا للجنة قولوا بنعيمها وهم بيقولوا الحمد لله الذي هدانا لهذا وما كنا لنهتدي لولا ان هدانا الله. زي ما سمعنا الايات دي امبارح في صلاة العشاء وهم بيقولوا الحمد لله يا رب. احنا كنا هنضيع لولا رحمتك يا رب. انا يا رب التزمت. يا رب ولما التزمت كل اصحابي اتريقوا علي. خدوني اللبانة اللي في بقهم. وكنت خلاص انهرت. واعصابي اتحطمت. وحسيت ان انا مش هقدر اعيش من غيرهم. وحسيت ان انا ده يقول لي خدني تحت جناحك يا عم الشيخ. وده يقول لي اقرا لي الفاتحة على العربية بتاعتي. وده يقول للارهابيين ضحكوا عليك. وكنت يا رب خلاص انهرت وما عدتش قادر استحي لولا انت اللي انقزتني وسبتني يا رب. وانا يا رب لما لبست حجاب امهات المؤمنين. ووالدي قال لي انت دفنت نفسك بالحيا. ووالدتي قالت انت النهاردة مت انا بنتي النهاردة ماتت. وصاحباتي اتريقوا علي. انت ماشية بالخيمة اللي انت ماشية بها كده ليه؟ وكنت خلاص هضعف وهرجع لولا انت اللي سب الدنيا يا رب. الحمد لله يا رب. وهم واقفين على باب الجنة. مش مصدقين نفسهم من الفرح. واحد بيقول الحمد لله يا رب. انا كت هضيع. انا كت قاعد قدام النت بعد ما قررت التزم. جا لي كليكاية جيت افتحها لقيت مصايب. دخلت في مصايب رجعت اعصيك تاني. حسيت ان الشهوات مش هاقدر حسيت ان انا مش هاقدر اسبت. حسيت ان الدنيا دي بحر كبير. مش هاقدر. مش هاقدر اسيب الدنيا. مش هاقدر اسيب الشهوات. وخلاص كنت قررت لولا انت يا رب لولا رحمتك يا رب. وانا يا رب بعد ما التزمت وقعت في المعاصي القديمة. الشيطان جا لي مسك ودني مش هتقدر. مش هتقدر انت لا يمكن هتثبت انت لا يمكن هتنفع كنت هصدق الشيطان. كان نفسيتي هتتحطم من الاحباط. لولا انت يا رب بعت لي اللي سبتني انطعم من لو يشاء الله اطعما كانوا فقراء. كانوا فيهم ناس مساكين. كانوا فيهم النهاردة بقوا ملوك الفردوس الاعلى الانقلاب اللي بيحصل ده عايز الانقلاب ده يحصل لا نبصش للي بيحصل النهاردة بص لهم بكرة واكتر واحد فيهم عبد ربنا تحمل الاذى وربنا بيغمسه غمسة في الجنة. وبيقول له هل ذقت عذابا قط؟ انت تعبت جاهدت نفسك في مواجهة مواقع الوحشة قط جاهدت نفسك عشان تسيب علاقة حرام قط. جاهدت نفسك عشان تغض بصرك. انت تعبت في الدنيا. انت جاهدت الشهوات في الدنيا. انت جاهدت نفسك عشان قيام الليل والعبادة وحفظ القرآن. انت تعبت في الدنيا فيقول لا والله يا رب ما ذقت عذابا قط وربنا جامعهم في الفردوس الاعلى. وبيقول لهم انا الذي صدقتكم وعدي. واتممت عليكم نعمتي هذا محلك كرامته فسلوني. كل واحد يطلب اللي نفسه فيه. انتم دخلتم الجنة وشفتم كل واحد بيتنعم باصناف نعيم غير التاني. يقينا كل واحد منكم قلبه اتخطف باصناف نعيم ما هيش ملكه. اطلبم فيسألون حتى تنقطع الرغبة. لحد ما خلاص ما عادوش مش عارفين يقولوا ايه. فحينئذ يفتح لهم ما لا عين رأت. ولا اذن سمعت ولا خطر على قلب بشر ما لا عين رأت لما كانت بتتقال في الدنيا! اه شوية الدنيا الروبابيكيا المتلمعة اللي الناس مسمياها دنيا. الصاج المتلمع اللي الناس مسمية عربيات الطين المتلمع اللي اتحط فوق بعضه والناس سماته فلل وقصور وعمارات كانت في الدنيا طبيعي ان الجنة ما لا عين امرأة في الدنيا. انما ابقى من اهل الجنة. وربنا يديني كل جمعة في الجنة. اللي ما شفتش زيه قبل كده ولا في الجنة نفسها. ايه ده! ايه النعيم ده! بورتو جنة! مش بورتو مارينا! مش جولف بورتو! بورتو جنة يا جماعة! مين مشتاق للجنة! اوعى تحسبها غلط اصحاب الجنة الناس دي حصل في حياتها انقلاب. بعد الوضع اللي كانوا فيه في الدنيا انقلب حالهم في الجنة. لانهم عملوا انقلاب. خد بالك كل حاجة لها تمن. اوعى تفتكر ان النعيم ده لاي حد. اوعى تفتكر ان كل نعيم الجنة اللي في القرآن لكل الناس. يا جماعة خمسة وتسعين في المية من نعيم الجنة في القرآن نعيم السابقين مش نعيم عموم اهل الجنة. يعني شف القصة اللي جت قبل ان اصحاب الجنة اليوم في شغل. قصة مؤمن ال ياسين وشاء رجل من اقصى المدينة يسعى نازل يدعو الى الله. نازل شاف المنكرات مالية الدنيا. ما قدرش يسكت. ما قدرش يبقى قاعد بيعبد ربنا شايف الناس بتعصي ربنا. نزل والسكاكين مرفوعة من الناس على الرسل اللي مبعوتين لهم من عند الله. وهم بيهددوهم بالقتل. جاء رجل رجل وجاء من اقصى المدينة رجل يسعى انت رجل يسعى. انت راجل بيسعى في طاعة الله. قال يا قوم اتبعوا المرسلين اللي انتم بترفعوا السكاكين والسيوف والمطاوي في وشهم. دول انتم لازم تمشوا وراهم. لازم يبقوا قدوتكم. دول اللي هيوصلوكم لربنا. دول اللي عارفين الطريق ربنا اتبعوا من لا يسألكم اجرا وهم مهتدون. فضل يوعظ قومه قتلوه. نكلوا به. وقع مقتول صريع دماؤه الراجل ده ربنا بعدها بيقول ان اصحاب الجنة اليوم في شغل فاكهون. كان امبارح مشغول في طاعة ربنا. النهاردة مشغول في اصناف النعيم. كان النهاردة اتقابل الشاب تقول له احنا عايزين بقى الصبح نلعب ماتش كورة يقول لك والله انا مشغول اصل انا عندي جلسة الضحى. طب بص بقى بالليل ننزل نسهر والله مشغول اصل انا عايز انام عشان اصحى اقوم الليل. طب بعد العصر بقى نطلع ايه نطلع ماتش ولا نتفسح والله مشغول اصل انا عندي تحفيظ قرآن اصل انا بحفظ قرآن اصل انا بتعلم تجويد اصل انا رايح درس علم اصل انا مشغول مشغول بربنا. النهاردة بقى مشغول بالنعيم في شغل فاكهون. فاكهون دي الكلمة اللي معظم الشباب ما بيلتزمش عشانها. فاكهون من الفكاهة. فاكهون من الفرح. فاكهون من الضحك. فاكهون من المرح. شباب معتقد ان الدين ده حياة خنيقة. ان الدين ده حياة صعبة ان الدين الشاب بيبص لك تمانين في المية من الشباب الوقتي في حياته بنت وشلة شلة بتوجهه لمعصية ربنا وبنت بتضيعه الناس فاكرة ان المعصية هي اللي فيها الفكاهة. ان المعصية هي اللي فيها الفرح. ان المعصية هي اللي فيها المرح. ربنا بيقول لأ ده في الدين. ده في الدين النعيم في عن طريق ربنا لما بيبص لك كده وانت بتقول له اكسر الشريحة. وانت بتقول له غير رقمك. وانت بتقول له فرمت المحمول بتاعك. او فرمت الهرج بتاعك بيبص لك كده طب واعيش ازاي هو ما بيقولهاش هو بيقولها بعينيه. طب ولو سبت دول اعيش ازاي ؟ هي حياة الدين مش هتبقى كده خنقة مش هتبقى كده صعبة. ربنا بيقول في شغل فاكهون. تخيلوا يا جماعة دول بيضحكوا مع مين؟ دول بيضحكوا فاكهون مع مين؟ فاكهون ده ضمير جمع بيضحكوا مع مين ؟ مع النبي عليه الصلاة والسلام. مع جبريل بيضاحكهم. مع الملايكة مع المؤمنين. اجمل ولكن بعد طاعة ربنا سبحانه وتعالى ان اصحاب الجنة الانقلاب اللي حصل ده. الانقلاب ده كان وراه انقلاب انهم في علاقتهم بالله. اوعوا تفتكروا ان اللي عايش حياته عادي ممكن ياخد النعيم المهول بتاع الفردوس الاعلى ده. الا برحمة ربنا وحده لا حرج في فضل الله. انما يا جماعة الناس دي الناس دي تعبت في الدنيا. الناس دي ضحت في الدنيا. الناس دي خدت الموضوع جد. عارفين مسلا اوائل تلاقيه واخد الموضوع جد وداخل من الساعة تمانية الصبح الكلية. واصحابه يبصوا له يا عم انت تاعب نفسك ليه؟ ومبهدل نفسك ليه؟ وسهران طول الليل مطبق ويخلص المحاضرات. والمحاضرة اللي تفوته يجري يجيبها. ويطلع مكتبة الكلية عشان يتوسع في المراجع. ويروح ياخد دروس. ويروح. الله واصحابه بيبصوا له دا مجنون ولا ايه ؟ هيعرفوا دا مجنون ولا ايه ؟ بس بعد خمستاشر سنة. هيعرفوا دا مجنون ولا ايه ؟ بس لما السنين تعدي بهم الفرصة ممكن تكون ساعتها راحت. اللي فاق ساعتها هو اللي بيجني بعدها. اصحاب الجنة انقلاب في الدنيا. يا اخوانا الناس اللي تعبت عشان خد الكلام ده. احنا زيهم احنا مستعدين نعمل زيهم طلحة بن عبيد الله لما لقى النبي عليه الصلاة والسلام واقف في غزوة احد وسبعة من الانصار اتقتلوا قدامه والنبي ما عادش حد بيحميه وطلحة معنى قولوا انه هيتقطع بسيوف المشركين. ولكن النبي لو ما دخلش النبي هو اللي هيتقتل. وطال حيقرر انه يدخل ويفدي النبي عليه الصلاة والسلام بحياته لو انت مكان طلحة كنت هتدخل لو انت مكان طلحة بن عبيد الله فعلا كنت هتدخل لو احنا مكانه يا جماعة لو احنا مكانه كنا هنعمل ايه لما انس ابن النضر نزل من على الجبل وهو داخل المعركة بتاعة احد. دخل لقى حمزة بطنه بتبكر وهند بنت عقبة بتعطف كبده. دخل عبدالله بن جحش المشركين بيمسلوا بودنه ومناخيره وامعاءه. دخل لقى مصعب ابن عمير متقطع اربع اجزاء. وهو بيدافع عن النبي عليه الصلاة السلام دخل لقى فيه صحابة فروا من المعركة دخل لقى سيوف المسلمين مرمية في الارض. والصحابة اول ما سمعوا ان النبي عليه الصلاة والسلام اتقتل قالوا خلاص النبي اتقتل هنعمل ايه ؟ كل واحد يشوف له صومعة يعبد ربنا فيها لحد ما يموت. وخلاص راحت. انس ابن النظرة قال لهم ما حدث؟ قالوا له قتل رسول الله صلى الله عليه وسلم قال فما تفعلون بعد رسول الله؟ قوموا فموتوا على ما مات رسول الله صلى الله عليه وسلم لو انت مكان انس ابن النضر اللي اتقتل وهو ما هوش عارف ان النبي حي. انس دخل المعركة وما يعرفش ان النبي عايش اتقتل وخد بضعة وتسعين طعنة وهو ما يعرفش ان النبي لسة عايش عليه الصلاة والسلام. لو انت مكان انس كنت دخلت لو انت مكان انس كنت خطيت لو انت مكانهم يا اخوانا يا جماعة الوقتي لما الشباب بعدوا عن طريق ربنا لما الشباب بعدوا عن الالتزام بدين ربنا حصل ايه لما قصة روسية من احط خلق الله تقول انا عايز اتجوز ثري عربي يقولوا لها ليه؟ في الاعلام الغربي تقول لان العرب ما بيفهموش اي حاجة خد فلوسه وهو ما بيفهمش حاجة. ده بسبب مين؟ ده مش بسبب معاصينا احنا. مش الامة اتزلت بسبب معاصينا. لما مخرج امريكي بيسموه في امريكا الخائن يعمل فيلم انتاج اماراتي ويقول في السيناريو بتاعه واحد اجنبي بيقول لواحد اماراتي بيقول له احنا بنضحك عليكم وبناخد البترول بتاعكم ونديكم اختراعات جاهزة ما تعرفوش تعملوا زيها. غسالات وتلاجات وطيارات. لحد ما البترول بتاعكم يخلص. وبعد كده ولا بكم اي قيمة. سموه في امريكا الخائن. لانه بيعبر عن النفسية الحقيقية اللي جوة الغرب. تجاه تجاه العرب. اما الوقتي احنا عملنا لما لاعب باسكت بول امريكي يدخل في الاسلام يقرأ عن الاسلام في امريكا ينبهر ييجي مصر عشان يشوف الاسلام عملي عشان يقتدي المسلمين عملي ينزل مصر يلاقي سواق التاكسي بيسرقه لانه امريكي مش فاهم حاجة. يلاقي المحل بيسرقه لانه امريكي مش فاهم عملة. لما يشوف اخلاق المسلمين واحوال المسلمين يرتد عن الاسلام ويرجع امريكا تاني. لما قرأ عن الاسلام انبهر. لما شافنا ساب الاسلام وقال انا لا يمكن ابقى زي دول. يا اخوانا احنا بهدلنا دينا معنا ولا لأ؟ احنا عملنا ايه في دينا؟ دينا اترفع بسببنا؟ ولا دينا نزل في نظر الناس بسببنا لما سفير بلد زي الاتحاد السوفيتي سابقا يرفع الحزاء على سفير المغرب في بلده. احنا وصلنا لايه؟ لما لما واحد الماني جه في المنصورة وهو بيشرب خمر ومع مجموعة من الشباب اللي اعرف واحد منهم فبيقول لي بعدها لما سكر بدأ يطلع اللي جواه قال لهم احنا بنعاملكم زي غينيا بيجز زي خنازير التجارب زي خنازير المعامل بتاعة التجارب. هو ده قدركم عندنا. هو ده قيمتكم عندنا. دي قيمتنا لأ امال ايه اللي حصل؟ لما هن ولما هان علينا معصية الله ربنا خلانا نهون في اعين الخلق ولما عز عليه معصية الله امبارح ربنا خلانا نعز في الارض يوم مزبحة جنين. يوم ما اليهود دخلوا جنين. دبحوا المسلمين والمسلمات فيها الستة فين ؟ يوم ما اطفال غزة اتضربوا بالفسفور. كنت انا فين ؟ يوم ما امرأة عراقية حافظة تلاتاشر جزء قرآن. اعتقلوها في ابو غريب. وفضل جنود امريكا يختصموا فيها لحد ما قعدت تخبط راسها في الحيطة انتحرت وقتلت نفسها. انتحرت كنا احنا فين؟ يوم ما واحدة مسلمة جنود الكفار وتبعت رسالة لرجالة الامة تقول لهم نحن لا نريد منكم ان ترسلوا لنا رجالا فقد يأسنا ان ترسلوا لنا احنا يأسنا انكم تفوقوا الوقتي. احنا يأسنا ان الرجالة بتاعة الاسلام تصحى الوقتي. ولكننا نريدكم ان ترسلوا لنا حبوبا لمنع الحمل حتى لا نحمل من الجنود الكفار. لو انت مكان طلحة بن عبيد الله. لو انت مكان انس ابن النضر كنت هتدخل. لو انت مكان سمية لما النبي عليه الصلاة والسلام امنت به. وابو جهل قعد يعذب فيها. ابو جهل مرة من المرات قال لها سبي محمد عليه الصلاة والسلام. السيدة سمية رفضت ابو جهل شتم النبي قدامها. وقعد يطول بقى وقعد يجهر بشتم النبي عليه الصلاة والسلام. السيدة سمية ما قدرتش. الدم غلي في حتى لو هو بيكويها. حتى لو معه كرباج بيجلدها ما تقدرش تسكت. فملأت بؤها فمها بالبصاق وقامت في وش ابو جهل مش قادرة هو ده اللي قادرة انها تعمله وهي بتتعزب. ابو جهل اتهزأ قدام الناس. مسك الحربة من الدم اللي غلي في عروقه. وقعد يطعن في جسد السيدة سمية قعد يمزق في لحمها وفي جسدها لحد ما ارضها قتيلة. لو انت مكان سمية هتتسحب لان النبي عليه الصلاة لم يشتم هتستحمل ان النبي عليه الصلاة والسلام يتجرأ عليه. شاب دلوقتي يقول لك انا باحب رسول الله وتلاقيه ماشي بالعربية بتاعته كاتب على ضهرها فداك يا رسول الله. الله وتلاقي ايديه ممدودة من الشباك بالسيجارة اللي الدخان بتاعها طالع. طب انت لو بتحب وما بتمشيش وراه ليه تلاقي الاسرة حاطة على باب البيت بتاعها كلنا فداك يا رسول الله. اعرف اسرة كده لا الاب ولا الام ولا العيال لا بيصلوا ارض ولا بيصوموا رمضان وكاتبين كلنا فداك فداك فين؟ باي دليل؟ باي منطق؟ هو دا حب النبي عليه الصلاة والسلام؟ بئس الحب اذا لو احنا كنا مكانهم يا جماعة ان اصحاب الجنة اليوم اصحاب الجنة كانوا امبارح زاهدين كانوا امبارح ممكن يكونوا فقراء كانوا امبارح اهل الدنيا زيهم زي اهل الدنيا. النهاردة بقوا ملوك الفردوس الاعلى. الانقلاب اللي حصل ده لانهم عملوا انقلاب في الدنيا. لان هم كانت الدنيا كلها حاجة وهم كانوا حاجة. كان الشباب كلهم حاجة وهم كانوا حاجة. فالنهارده الدنيا كلها حاجة وهم حاجة تانية الكل بيبص ومبهور بهم. ان اصحاب الجنة اليوم النهاردة بقى امبارح راح يا شباب امبارح بالتعب بتاعته وبالمجاهدة بتاعته احنا امبارح مش كنا في المعسكر هنا. امبارح مش تعبنا. امبارح مش صاحيين من الفجر. وفيه شباب كانوا مطبقين وهم جايين. امبارح ميت فقر لحد ما الناس نامت في الاخر الساعة اتناشر بالليل ولا واحدة بالليل. وهي مش دارية وصحينا من اول الفجر تاني وراح والتعب راح. هي دي دنيا وكل حاجة بتروح. ان اصحاب الجنة اليوم كل واحد مستني يوم. فيه بنت مستنية يوم ما تجوز. فيه بنت مستنية يوم ما عريس. فيه واحد مستني شاب يوم ما يتخرج. فيه شاب مستني يوم ما يتقدم للفتاة اللي نفسه يتجوزها. فيه واحد مستني يوم ما يطلع مكافأة نهاية المدة عشان نجوز عيل من عياله. كل واحد مستني يوم. انت ايه اليوم اللي انت مستنيه؟ ايه اليوم اللي بتحلم به؟ اليوم اللي لما بتحط راسك على المخدة بالليل بتفكر توفيق قلبك فين ؟ قلبك مع اي يوم ان اصحاب الجنة اليوم فيه شغل الله اكبر. مشغولين يا جماعة يعني في الدنيا راجل الاعمال في الدنيا يقول لك انا بزنس مان انا مشغول انا ما عنديش وقت. انا ما عنديش وقت. النهاردة دول مشغولين. بس مشغولين في النعيم. مشغولين من رحلات الجنة وما بين حفلات الجنة وما بين عزومات الجنة وما بين زيارة الانبياء لهم وزيارتهم للانبياء. وما بين جلسات الحب بينهم من زوجاتهم في الجنة. وما بين التنعم باصناف نعيم الجنة. وما بين النزول ما بين قصورهم ومساكنهم في الجنة. وما بين النظر لوجه الله في وما بين مشغولين في شغل بس في الدنيا كانوا في شغل تعبانين. النهاردة بقوا في شغل فاكهون في شغل يا اخواني. تخيلوا مشغولين بايه ؟ بعض العلماء قال لك مشغولين بمشغول بزوجته في الجنة. مشغول بالحور العين بزوجته في الجنة. في الدنيا فيه شباب كان مشغول بالنساء. كان مشغول انه يكلمها عشر ساعات في اليوم في الكلية واقفين مع بعض. بعد كده يروحوا عشر ساعات في التليفون او على او في بيتكلموا مع بعض ما انتاش عارف بيجيبوا الكلام منين وقاعدين كده خمس سنين ما انتاش عارف بيجيبوا كلام منين في الاخر يا عم حد يحنط نفسه للتاني ونديه للتاني في شنطة ونخلص ويبقوا مع بعض وخلاص. مشغولين ببعض. طب كانوا مشغولين وبعدين وفي النهاية ايه؟ وفي النهاية النهاردة عاملين ايه؟ ده النهاردة النهاردة بيتنعم بحبه بس حب تاني يا جماعة. حب ارقى من اي حب اي حد اتكلم عنه ولا في افلام هوليود. فيه ناس تانية قالت مشغولين بال الجنة بمعازف الجنة. هو فيه في الجنة الحان؟ فيه في الاشجار بتعمل في الجنة الحان. الاشجار لما الهوا بتاع الجنة بييجي عليها كل غصن له لحن غير تاني. ولكن الحان الجنة بقى. مش الحان فلان وفلان اللي بيلحنوها. في اغاني الحب والكليبات. الحان الجنة. في دنيا في شباب كان مشغول بالاغاني وهو مش متخيل هو سمع قد ايه. الشاب اللي بيحب الاغاني بيسمع يوميا شريط مسلا رغم انك لو قلت له شريط دين ممكن الشريط ده حوالي عشر اغاني مسلا. يعني في الشهر بيسمع له حوالي تلتميت اغنية مسلا. يعني في السنة بيسمع له حوالي اربع تلاف اغنية مسلا. يعني في عشر سنين بيسمع حوالي خمسين الف اغنية مسلا غير الحفلات غير المناسبات غير الاعياد. قل خمسين الف. تخيل واحد هيتحاسب على خمسين الف اغنية في عشر سنين بس هو مش واخد باله هو بيرتم عليه ايه ؟ قال لك في شغل مشغولين بضيافة الله لهم. ازاي ؟ لما تيجي لي مسلا اجيب لك عزومة بعد كده اجيب لك بعد كده لأ انا لازم افسحك في يختفي في البحر. بعد كده مشغولين بضيافة الله لهم. بعض العلماء قال لك مشغولين عن اهل النار ما عادوش بيعبروهم ما عدش لهم قيمة. ما عدوش عندهم وقت يبصوا اهل النار بيتعزبوا ولا ما بيتعزبوش. في شغل فاكهون وفي شغل في شغل دي الكلمة اللي كتير قوي من الشباب بيقولها لك لما تقول له ربنا يقول لك انا مشغول انا مش فاضي مشغول عن الجنة ما عندكش وقت لربنا؟ ما عندكش وقت للجنة؟ يقول لك انا مشغول. مرة اتنين شباب وانا باكلمهم مرة، والاتنين الوقتي بقوا دعاء الى الله بفضل ومنة الله سبحانه وتعالى وكان وقتها لسة يعني ايه رايحين سهرة كده مع اصحابهم في شقة لقوا الشقة مقفولة راحوا يزوروا واحد تاني سبحان الله ربنا جمع بيننا في المكان ده فبكلمهم في الالتزام وفي الدين. فواحد منهم بيقول للتاني طب واحنا هنجيب وقت للدين بقى منين؟ قال له نعم يا حبيبي. واحنا كنا بنجيب وقت للقهوة منين؟ ده احنا بيجيبونا من على القهوة ليلة الامتحان. هنيجي الوقت ونقول هنجيب وقت للدين منين؟ ده انا ممكن يجي لي برد اسبوع. ايام الامتحانات ما اقدرش افتح كلمة الامتحانات. الله قادر انه يبارك في الوقت. وقادر انه يأخذ الوقت. ما فيش حاجة اسمها انا مشغول عن ربنا. في شغل فاكهون. يا اخواننا دنيا وفي الاخرة في الدين والعذاب في الدنيا وفي الاخرة في معصية الله. الشاب اللي هو بيموت معهد اخوانا من الدعاة. واحد يا اخوانا جنبه وهو بيموت واخويا بيقول له رحمة ربنا واسعة. رحمة ربنا كبيرة وهو بيقول له رحمة ربنا مش لي. رحمة ربنا مش للي زيي. انا عملت كل حاجة. انا زنيت. انا شربت مخدرات. ربنا لا يمكن يرحمني. ربنا لا يمكن يسيبني اقول لا اله الا الله وانا بموت. انا عارف ان ربنا ممكن يخليني اقدر شايفين اليأس؟ شايفين القنوت والعياذ بالله؟ وفي الاخر وصاحبي بيحاول يطمنه قال له طب والزنا؟ طب والمخدرات طب والزنا؟ طب والمخدرات؟ طب والزنا؟ ومات؟ مات وبيدوق عزاب اشد من عزاب النار يا جماعة. عزاب الندم! عزاب ان العمر راح وانا ما عملتش به حاجة عزاب ان العمر راح وانا هقابل ربنا الوقتي ما كنتش اعرف ان انا هموت بدري. ما كنتش اعرف ان الدنيا بتخلص بسرعة كده. ما كنتش اعرف ان اللحظة دي جاية السرعة دي ما كنتش اعرف انا كنت باحسب قدامي كتير. قدامي كتير اعمل اللي انا نفسي فيه. واعيش حياتي وبعد كده اتوب واصلح واغير. واعمل كل اللي انا اللي عايزه ما كنتش اعرف ان الدنيا كده ولا كنت اعرف ان هي قصيرة كده. والزنا والمخدرات ومات في شغل فاكهون السعادة الحقيقية هم وازواجهم. الله! اول نعيم في الجنة نعيم الحب. نعيم الحب. الشباب كتير منهم يعني خايف من ربنا احسن يكون ربنا هيقول لي ان الحب ده حرام. او ان عواطفي ديت ممنوعة. او ان انا اكبت عن مشاعر. ربنا بيقول اول النعيم في الجنة الحب هم وازواجهم ايه النعيم ده؟ في ظلال ده نعيم تاني خالص. على الاراء ده نعيم تالت خالص متكئون ده نعيم رابع خالص. فيهم وازواجهم ده كلمة عاطفية لما واحد يقول لمراته اللي بيحبها لحبيبته انا عايز ابقى مكان انا وانت بس. انا وانت قمة الحب اللي في الدنيا. قمة الشاعرية هم وازواجهم. الحب اللي في الدنيا فيه ظلال في ظل دي بقى الرومانسية اللي في الدنيا كلها دنيا مين ؟ الرومانسية كلها. والخلفية بتاعتهم جزيرة في البحر. والخلفية بتاعتهم الجنينة بتاعة القصر بتاعهم حب في ظلال على الارائك. الاريكة اللي هي كوشة الفرح. كوشة الفرح. يعني طب على اراء الجزارة؟ على الاراء اول يوم في الجنة؟ لا على الارائك. طب ازاي ؟ كاني شفتم سعادة العريس في شهر العسل بعروسته؟ شفتوا سعادة العروسة في شهر العسل بعريسها؟ كان ربنا بيقول علاقتهم مع بعض شهر عسل على طول. السعادة قمة الفرح. قمة الفرح. شفتم الواحد بيبقى فرحان بمراته ازاي يوم الجواز؟ شفت الواحدة بتبقى فرحانة فرحانة بزوجها ازاي في شهر العسل؟ قمة الفرح مع بعض كأنهم عرسان على طول كأن هو بيستمتع بفرحه بها كأنهم في شهر العسل على متكئون الاتكاء ده بقى لما واحد يبقى قاعد مريح ها ما هوش عايز يقوم من القعدة اللي هو فيها. ما هوش عايز يقوم بقى من الايه القعدة اللي هو قاعد فيها دي فمتكئون دي مش عايز يقوم. ده قمة العيشة. ده عيشة. ده واحد عايش. ده واحد عايش في النعيم اللي ربنا سبحانه وتعالى مديه له يبقى فاكهون حب الملايكة وحب النبي وحب آآ وحب الملايكة وحب جبريل وحب الصالحين. بعد كده هم وازواجهم في ظلال على الارائك متكئون ياما شب حب فتاة. ولما اتجوزوا الدنيا اتنغصت عليهم لانهم فقراء. لان ما عهمش فلوس. لأ ربنا بيقول لهم فيها فاكهة فكاد التفكه النعيم ولهم ما يدعون. احلامك اوامر. اللي انت تحلم به انت مالك يا ابني. انت بقيت ملك ملك تأمر فتطاع. مالك حقيقي للنعيم اللي انت شايفه قدامك. اللي في الدنيا عنده شقة ملك ولا عنده فيلا ملك. شوفوا تبقى حاسس والناس حاسة ناحيته بايه ؟ انت بقيت ملك وكل اللي في المكان ده خدم لك. تأمر فتطاع بس انت احلم. بس انت ثم ولهم ما يدعون. تخيل لما تبقى عايش في مكان احلامك في اوامر تخيل احنا بنبيع ايه بايه؟ احنا مشغولين عن ايه بايه يا شباب احنا بنضيع ايه عشان ايه؟ احنا مقدرين الموضوع ازاي؟ احنا حاسبينها ازاي؟ فينا ناس حاسباها ازاي؟ فينا ناس مشغولة عن ده ايه بالدنيا جناح البعوضة لهم فيها فاكهة ولهم ما يدعون. سلام ها قولا من رب رحيم الله قولا يعني ايه؟ تخيل مسلا لو انت طالب مسلا طالب في اي كلية معك نمرة عميد الكلية الرقم الخاص بتاعه فقدام اصحابك طلعت المحمول ايوة يا دكتور فلان اه والله انا النهاردة مش عارف اعمل ايه. فاصحابك يقولوا لك ايه يا عم الواصل؟ انت بجد بتكلم عميد الكلية؟ تقول لهم تحبوا اكلم رئيس الجامعة بقى وتقوم ماسك التليفون ايوة يا دكتور فلان ايوة احنا كنا عايزين نعمل كزا. يا عم الوصف انت بتتكلم بجد! انت بتكلم رئيس الجامعة كده ومعك الرقم الخاص بتاعه تحبك كلهم لكم رئيس الوزراء وتقوم مطلع التليفون ايوة يا دكتور فلان اكلم لكم رئيس الجمهورية بقى تحب اكلم لكم اوباما الوقتي واتصل به ورد علي مباشرة ده اعتبروا الناس اصول بقى ده عم الواصل اللي عارف الارقام الخاصة. وعلى اتصال مباشر. تخيل ولله المثل الاعلى. ولله المثل الاعلى على اتصال مباشر بالله. انك تكلم ربنا وربنا يكلمك كان احد الاساتزة في المانيا بيحضر فبيقول لي هناك البروفيسير في الطب ده حاجة فزيعة. بيقول لي ده ممكن يرفع التليفون يكلم مستشار المانيا بالتليفون مباشرة منه اللي بيتكلم بانبهار. قلت سبحان الله العظيم. طب اللي ممكن يكلم ربنا سلام قولا من رب الرحيم وامتاز اليوم ايها المجرمون امتازوا. هو ربنا بيكلم مين يا شباب؟ هو ربنا بيكلم مين؟ ده كل ده ربنا مش اهل الجنة. ده كل ده ربنا بيكلم المعذبين في النار. الله! ربنا بيقول للي في النار ان اصحاب الجنة يوم في شغل فاكرون هم وازواجهم في ظلال طب ربنا بيقول كده لاهل النار ليه؟ عشان يقهرهم عشان يعرفهم هم ضيعوا ايه؟ عشان تعرفهم هم باعوا ايه بايه؟ يقول لهم شوفوا بقى اللي صبر. شوفوا النهاردة نعيمهم شكله ايه. كل كلمة من الايات اللي فاتت اللي احنا بنسمعها واحنا بنفكر في الجنة بتنزل على قلب المعذبين ساعتها زي الكرباج. ان ما صدقتونيش ليه؟ ما صدقتونيش لما قلت لكم ان الدنيا ديت خبر للجنة ليه؟ ما صدقتوش ليه؟ اللي صدقه شفه بيتنعمه النهاردة في ايه؟ اصحاب الجنة انتم النهاردة خسرتم كل حاجة وبص لهم كسبوا كل حاجة لانهم صدقوني ومشوا ورا كلامي خدوا كل حاجة. في شغل انتم كنتم مشغولين في الدنيا في معصية الله. الشاب ما كنش عنده وقت الشاب من معصية لمعصية او من غفلة لغفلة او من دنيا لدنيا مشغول مش فاضي لربنا مش فاضي للدين مش فاضي انا ما عنديش وقت يا جماعة الملتزمين دول ناس فاضية. الملتزمين في شغل انت كنت مشغول في معصية ربنا. النهاردة انت مشغول في العزاب. هو كان مشغول في طاعة ربنا النهاردة هو مشغول في النعيم. فاكهون وانتم معذبون نادمون باكون. هم وازواجهم. شوفوا انتم النهاردة في زنزانة حبس انفرادي في جهنم ما معكوش حد يواسيكم. في ظلال هم في ظلال الجنة. وانتم في ظلل من النار. متكئون هم مش عايزين يقوموا من النعيم اللي هم فيه. وانتم قاعدين تصرخوا هل الى خروج من سبيل؟ هل الى خروج من سبيل؟ لهم فيها فاكهة ولهم ثم يدعون اللي هم بيأمروا به احلامهم اوامر. وانتم قاعدين تستغيثوا يا ما لك ليقضي علينا ربك. وما فيش حد بيلبي اي طلب من طلباتكم سلام قولا من رب رحيم. انا النهاردة باكلمهم. انا النهاردة باكلمهم وبيكلموني. النهاردة انتم ما عادش فيه كلام مع ربنا ممنوع لا يكلمهم الله. اوعى اللي ممكن تعصي ربنا وترجع ولكن اوعى تقاطع ربنا في حياتك. ممكن الشاب يعصي ربنا ويرجع. ولا اوعى يدي ضهره لربنا. اوعى يهجر ربنا اللي خلقه. اوعى يقطع ما بينه وبين ربنا اللي خلقه. فالنهارده اليوم الايه؟ اليوم هم كانوا امبارح في وضع تاني اوعوا تتخادوا على شباب ما تبصوش يا شباب ما تبصوش للبنت اللي ماشية الدنيا كلها قاعدة تبص لها. وريحة البرفان بتاعتها بعد ما بتسيب المكان بربع ساعة لسة موجودة فيه. والدنيا كلها بتتهز لها في اي مكان فيه بص لها وهي بتجري على حوض النبي عليه الصلاة والسلام يوم القيامة. وبتقول له اغثني يا رسول الله. وهو بيقول لها لا املك لك من الله شيئا قد بلغتك. انا قلت لك ما سمعتيش كلام نبيك ليه؟ عليه الصلاة والسلام. ما تبصش. ما تبصش النهاردة للشاب اللي قاعد بيعمل كل اللي نفسه في ما فيش حاجة نفسه فيها بيحرم نفسه منها. حرام او حلال. بص له بكرة وهو رايح للنبي عليه الصلاة والسلام. ويقول له يا رسول الله اسقني من يدك شربة على الحوض يقول له سحقا سحقا سحقا لمن بدل بعدي. سحقا لمن غير بعدي وهو مش عارف يعمل مقهور بس خلاص راحت. ما تبصوش يا جماعة. ما تبصوش النهاردة للي عايشة حياتها. واللي عايش حياته. اللي مقضي حياته زي ما هو عليه عايز مقضيها مشغول من معصية لمعصية والشباب كلهم بيبصوا له عم الروش عم الواصل عم بصلوا بكرة لو مات وما تابش هيبقى ايه وامتاز اليوم ايها المجرمون. امتازوا من التميز. امتازوا من التميز. كل الشباب نفسه يتميز. كل البنات كل اهل الدنيا البشر كل البشر نفسه يبقى مميز. اي واحد قاعد فينا كلنا اللي بيتكلم واللي بيسمع نفسه يتميز في الدنيا نفسه يبقى حاجة والناس حاجة ولكن المصيبة يا جماعة ان في ناس عشان تتميز افتكرت ان المعصية هي اللي هتميزها. فالنهاردة ربنا بيقول لهم امتازوا اليوم بقى. مش انتم كنتم عايزين تتميزوا؟ تميزوا كنتم عايزين الدنيا كلها حاجة وانتم حاجة النهاردة الدنيا كلها حاجة. وانتم في زنازين انفرادي في جهنم والعياز بالله. عشان كده في علماء قالوا امتازوا هينعزل خليك معزول لوحدك بقى. خليك معزول وحيد زي ما كان ربنا بيناديك في الدنيا ولا تلبي نداء الله. الشاب اللي ما بيصليش يا شباب ازاي ؟ انا لو فيه واحد بيتصل بي على المحمول كل يوم خمس مرات. كل يوم يرن لي الصبح اكنسل عليه. يرن لي الضهر ولا اعبر اقوم عامله يرن لي العصر يرن لي المغرب يرن لي العشاء وانا ما بردش عليه. وكل يوم يكرر الخمس اتصالات. والسنة ورا السنة وبقى له سنين كل يوم اتصل بي خمس اتصالات. لو انا ما ردتش عليه. ساعة ما اقابله يا ترى هيقابلني ازاي؟ ساعة ما احتاج حاجة وانا اللي اتصل به بقى. اتردد الموضوع اتعكس. انا اللي عايزه. انا اللي محتاج له. انا اللي بناديه وبتصل به. يا ترى هيرد علي؟ يا ترى هيلبي ندائي؟ ولا انا ما لبتش له نداء؟ يا اخواننا الموضوع كبير ربنا بيشوقنا بالجنة اللي ما فيش حاجة اعلى منها في الوجود غير النظر لوجه الله. ان اصحاب الجنة اليوم في شغل فاكهون هم وازواجهم في ظلال على الارائك متكئون. لهم فيها فاكهة ولهم ما يدعون. سلام قولا من رب الرحيم نسأل الله ان يجعلنا من اهل الجنة. اقول قولي هذا واستغفر الله لي ولكم الحمد لله وكفى وصلاة وسلاما على عباده الذين اصطفى. اما بعد اخواني في الله يعني الجنة درجات يا جماعة الجنة درجات. الجنة مش حاجة واحدة. زي ما الدنيا درجات. زي ما كل حاجة في الدنيا درجات. كل الناس نفسها تبقى في اعلى حاجة في الدنيا وفي حاجة عالية اوي في الدنيا بس تبقى مرتاحة. الجنة درجات يا اخوانا. ومن اعظم الحاجات اللي تزلزل القلب الحي ان الجنة درجات. انا وانت عندنا طموح في الدنيا بس طموحنا في الجنة شكله ايه؟ ازاي ننسى الحقيقة دي؟ شف ربنا سبحانه وتعالى بيقارن لك ما بين السابقين وما بين اصحاب اليمين بيقول لك ولمن خاف مقام ربه جنتان ها ذواتا اسنان. الله اكبر الافنان دي الغصون الافنان دي فنون الالوان والاشكال. الافنان دي كل شجرة في الجنة لون غير التاني. ده كل ورقة شجر غير التاني. ده كل ثمرة على غصن طعم غير التاني. ده كل صوت عصفور او طرف شجر من اشجار الجنة لحن غير التاني. ده كل غصن شجر لما بييجي الريح عليه في الجنة ويطلع منه الحان. بيطلع لحن غير التاني. ده الغصن بيطلع لحن الوقت غير اللحن اللي هيطلعه بعد شوية. ده كل ثمرة من اكمام الجنة. بتطلع ازياء وموديلات لاهل الجنة دي التانية تخيل بقى ذوات افنان فنون لا حصر لها. فنون لا مثل لها ذوات افنان. طب بتاعة اصحاب اليمين بقى ومن دونهما جنتان. خدوا بالكم يا شباب في مقام اقل. ده ايه يا رب؟ مدهامتان. يعني ايه مدهامتان؟ يعني بص كده على الخضرة اللي برة ، الخضرة الخضرة الداكنة ديت يعني جنة لونها اخضر جميل. الله! هو اخضر جميل ده! لما تروح في الصعيد كده وتشوف القدرة اللي بعافيتها لسة تلاقي اللون زاهي ويشرح الصدر. ولكن ايه وجه المقارنة ما بين ما بين مدهمتان اللون الاخضر وما بين اثمان اللي كل الالوان يا شباب ده الدنيا سبع الوان مجننين الناس في الوان العربيات والموبايلات والديكورات والموديلات الازياء واللبس والهدوم تخيلوا سبع الوان. امال الجنة الوانها ايه ؟ تخيل ذوات افنان الالوان شكلها ايه والتصاميم شكلها ايه ؟ فمدهش جميلة ولكن هي فين من زوات افنان؟ فيهما من كل فاكهة زوجان. ازاي دي كل فتاة بمنطق الدنيا ولا بمنطق ايه ؟ يعني في الدنيا فيه مسلا سبع تمان تلاف نوع فاكهة في الدنيا. من كل نوع ولا فواكه الدنيا دي حاجة بسيطة من اللي ربنا خلقها اصلا من كل فاكهة زوجان. الله اكبر. طب ونعيم اصحاب اليمين بقى؟ فيهما فاكهة نخل ورمان جميل قوي. رمان الجنة بالتأكيد ما يقتربش من رمان الدنيا في حاجة. لا شكل ولا موضوع ولا طعم ولا اي حاجة. ويقينا ان الجنة كده. ده نخيل الجنة النخلة ساقها دهب. اومال ايه بقى الثمرة بتاعتها ولكن فين من كل فاكهة زوجان مع فاكهة ونخل ورمان فيهما عينان تجريان شلالات وانهار بتتفجر. تخيل بقى يعني ربنا يقول لك تجري من تحتها الانهار. قصور الدنيا تجري من تحتها مواسير الصرف الصحي. قصور الجنة تجري من تحتها الانهار. يعني زي فينسيا كده البلاد المعلقة عين رأت. طب والتانية فيهما عينان نضاختان عارف النوافير؟ عارف النافورة ده نعيم وده نعيم بس فين ده من ده فيهما فيهما قاصرات الطرف. يعني واحدة من كتر حبها لك مش قادرة تشيل عينها من عليك لم يطمثهن انس قبلهم ولا جان. كانهن الياقوت والمرجان. تبص لها يتقال لك انها احجار كريمة. من لون عينيها اللي غير لون اللي غير لون جلدها. اللي غير لون شعرها. اللي غير لون ثيابها. اللي غير لون الحلي بتاعها. اذا كان ساقي الشجرة جنة او يسقي الشجرة في الجنة دهب. امال ايه هي الدهب بتاع شكله ايه ولا مجوهراتها انواعها ايه؟ تخيل بقى كأنهن الياقوت والمرجان. طيب وزوجتك بقى في لو انت من اصحاب اليمين في حور مقصورات في الخيام. مش قاصرات الطرف مقصورات. عارف المقصورة الملكية؟ عارف سيدة مصر حاجة عظيمة ولكن فين من قاصرات الطرف؟ فين من اللي كأنهن الياقوت والمرجان؟ دول خيرات حسان حلوين اوي اوي ولكن فين من قاصرات الطرف اللي كأنهن الياقوت والمرجان في السابقين متكئين على فرش بطائنها من ابرق وجنى الجنتين دان. فاصحاب اليمين متكئين على رفرف خضر وعبقري حسان. رائع. بس ايه الوجه ما بين نعيم ربنا بيوصف لك زهول الباطن بتاعه بطائنها من استبرق. يعني ربنا بيقول لك مش الحيطة دي من برة شكلها ايه ده بيقول لك الحيطة من جوة شكلها ايه؟ مش بيقول لك الجاليري ولا الانتريه ولا الشلت اللي انت قاعد عليها من برة شكلها ايه؟ ده بيقول لك من جوة بطائنها من استبرق التانية بقى عبقري حسان منظر مزهل بس من برة ربنا وصف هنا ظهر النعيم. طب اشمعنى مع السابقين وصف باطن النعيم؟ لان الناس دي كانت مسميه بالباطل. لان الناس دي ما كانتش قضيتها ان يقول لك انا مدي لربنا حقه. وانا باصلي اهوت وانا ما باعصيش ربنا. يا ابني مش كده. يا ابني الدين ده مسابقة مشاعر يا ابني احنا في مسابقة مشاعر هو الموضوع يا اخوانا ان انا شاب يجي يقول لك هو ان انا مسلا اربي لحيتي مسلا فرض سنة يا ابني الفرض والسنة لهم احكامهم والدين ما سابش حاجة؟ يا ابني عامل ربنا بقلبك. يا ابني شف انت بتحبه قد ايه الشاب اللي بيحب بنت بيقعد قدام المراية تلات ساعات يقعد يروق نفسه ويعمل شعره ويروق هدومه ويقعد يمسل الحركات اللي هيعملها قدامه عشان يا ترى هيبقى شكلي ايه وانا بعمل الحركة الفلانية؟ شكل ايه وانا بجيب مش عارف كوباية الليمون وبعمل ايه؟ شكلي ايه؟ قاعد يا عيني قاعد يجهز الليلة اللي قبلها كلها هيقول لها ايه ؟ وهيكلمها ازاي ؟ واول ما هيشوفها هيقول ايه ؟ قاعد يجهز. انا مرة احنا مرة واحنا داخلين نصلي بين ايدين ربنا. قعدنا نجهز هنقول لربنا ايه؟ يا اخوانا ده الحب بقى. فيه فرق بين عبادة الخوف والرجاء وعبادة الحب. وعبادة اللي بيعبد ربنا بقلبه. اللي جاي لربنا بقلبه مش جاي لربنا برجليه. فرق رهيب. بطائنها من استبرق. لان الناس دي باطنها كان مليان حب لله فربنا حتى باطن النعيم اصلحه لهم. هنقدر يا جماعة. هنقدر نبقى زينين من دول. هنشن على ايه؟ هننشن يا اخواننا الناس دلوقتي بتنشن في الدين الشاب يبدأ يقول لك انا هاعبد ربنا وبعد كده يقول ايه ده! انا هافضل اقعد طول السنة اعبد ربنا! انا هانشن على رمضان. انا رمضان ده هموت نفسي في العبادة فيه. بعد كده في رمضان يلاقي تلاتين يوم صعبين. يقول انا هانشن على العشرة الاواخر. بعد كده ييجي العشرة الاواخر يلاقي عشر تيام متين واربعين ساعة. انا هانشن على الليالي الوترية بعد كده ييجي يلاقي الليالي الوترية دي واحد وعشرين وتلاتة وعشرين وخمسة وعشرين وسبعة وعشرين وتسعة وعشرين. انا هانشن على ليلة سبعة وعشرين. وبعد كده الاقي ليلة سبعة وعشرين دي ممكن تبقى اتناشر انا هامشي مع التهجد وبعد كده ييجي يلاقي التهجد ده ممكن يقعد ساعتين. انا هاجي على ركعة الدعاء. ارفع ايدي وزنوب السنة كلها وقعت يا اخوانا اللي بينشن ممكن ينجح. بس لا يمكن يطلع من الاوائل. اللي بينشن ممكن يعدي. بس لا يمكن يتفوق. عايزين نتفوق في دين ربنا عايزين نبقى اصحاب الجنة. عايزين نبقى ملوك الفردوس الاعلى. مش عايزين نحسبها غلط يا جماعة. ما بين بورتو مارينا وبورتو جنة. ما بين برتوهات الدنيا وبرتوهات الاخرة ما بين نعيم الدنيا وما بين نعيم الاخرة. احنا مصدقين انهي نعيم الاتنين؟ احنا قلوبنا متعلقة بانهي نعيم الاتنين؟ اللي قلبه هيتعلق بنعيم الاخرة ربنا هيدي له الدنيا والاخرة. والله الدنيا والاخرة. والله على قد صدقك في طلب الاخرة والله ربنا هيديك الدنيا قبل الاخرة. هيديك حب الناس في الدنيا قبل الاخرة. هيديك السعادة. هيديك ماديات الدنيا قبل الاخرة. يا اخوانا الموضوع بسيط. باكلم واحد صاحبي في التليفون بقول له اعمل الموضوع الفلاني ورح واقض المصلحة الفلانية قال لي والله انا ما في جيبي ولا مليم. ساعتها جا لي خاطرة قلت سبحان الله! انا لو ماشي جنب ابوك وانا ما فيش في جيبي ولا مليم. وابويا في جيبه مليون جنيه. انا هابقى قلقان. لا يمكن ده ابويا واللي في جيبه في جيبي وملكه ملكي. وعزه عزي ولله المثل الاعلى. انت الوقتي لو انت ربنا بيحبك. لو انت فيه صلة خاصة بينك وبين ربنا. انت لو جيبك اللي في خزاين ربنا ده في جيبك يا ابني اللي في خزائن انت ربنا يعزك من عزه. ويفتح عليك من كرمه. لما ربنا يتولانا يا جماعة اسم الله الولي. اخر حاجة نختم بها ماذا لو تولاك الله؟ اسم الله الولي يا جماعة. الاسم اللي قلب الواحد وقلوبنا كلنا لازم تدوب لما نسمعه. لما اقعد افتكر كده مريم بنتي الصغيرة مريم بنتي اللي في تانية تانية ابتدائي ومن يوم ما اتولدت وانا بجري اختار لها احسن نوع لبن تشربه. احسن نوع اقدر اجيبه لها. وانا باجري باختار لها احسن حضانة تتقدم فيها وانا بجري بشوف لها احسن مدرسة تتعلم فيها. وانا بجري بشوف لها احسن هدوم اقدر اجيبها لها. وانا بجري بشوف لها احسن مدرسة تحفزها قرآن. وانا بجري وباجيب لها احسن برامج كمبيوتر اسلامية تطلعها انسانة عايشة حياتها بس على تربية دينية. وانا باختار لها احسن حاجة. هي مش فاهمة حاجة من اللي انا بعمله لها. ولا حاسة بحاجة من اللي انا بعمله لها. ممكن لما تكبر تفهم اللي عملته لها وممكن ما تفهموش. ولكن هي هتجني ثمرته. وانا ما بفكرش هي هتعرف انا باعمل لها ايه ولا لأ. ولكن انا باحبها. ومتولي امرها. ولما بيحصل لها مشكلة في المدرسة بيقولوا لها هاتي ولي امرك. اللي هو انا واروح لها ايه رأيك ان ربنا يبقى ولي امرك؟ ايه رأيك ان ربنا يبقى مولاك؟ لو باع وليك هيرتب لك. لو بقى وليك هيخطط لك حياتك. لو بقى ربنا وليك ربنا هيختار لك احسن حاجة واحسن زوجة واحسن مستقبل. واحسن واحسن صحبة واحسن طريق. لو بقى ربنا وليك ربنا لما تولى يوسف عشان تبقى وزير محتاج ابوك يبقى وزير ويدخلك سياسة وعلوم اقتصادية ويدفع لك رشاوي على النظام القديم بقى عشان تدخل السفارة والقنصلية وتفضل تلاتين اربعين سنة تتشرد ما بين عواصم العالم سفير لمصر. عشان لما ترجع في الاخر تقعد عشر سنين رئيس الجمهورية عشان في التعديل الوزاري احتمال يخير ما بينك وما بين خمسين واحد عملوا اللي انت عملته. مين فيكم يبقى وزير؟ ولكن فربنا اراد ان يوسف يبقى وزير دخل السجن واخواته رموه من الجب والنسوة افتروا عليه وظلموه ودخل السجن في قضية تتعلق بالعرض الناس كلها صورته اتشوهت قدامها. حتى الملك نفسه لا يعلم غير هذا عنه. والله تخلق من كل هذه الظلمات انوار الدنيا والاخرة ربنا اخرجه وزير ملك متوج على عرش مصر ربنا لما يشاء انه يرفعك. ربنا لما يشاء انه يسعدك. ربنا لما يشاء انه يوفقك. ربنا لما يشاء انه يكرمك ممكن واحد يزاكر في الباب كله صفحة تيجي في الامتحان. وواحد يزاكر الباب كله الا صفحة. هي اللي تيجي في الامتحان. خلينا مع ربنا يا جماعة خلينا معه عشان يبقى معنا. خلينا نرضيه. عشان يرضينا. خلوكم من اهل الطموح في الاخرة. من اهل الطموح في العلاقة بالله. اللهم تب علينا لنتوب اللهم تب علينا توبة ترضى بها عنا. اللهم ايقظ قلوبنا. اللهم انر قلوبنا. اللهم اصلح قلوبنا. اللهم زكي نفوسنا. اللهم ثم طهر صدورنا. اللهم قوي في رضاك عزمنا. اللهم ايقظنا يا رب. اللهم ايقظنا من الغفلة. اللهم تب علينا من كل معصية عصيناك بها. اللهم تب علينا من كل نظرة حرام نظرناها. اللهم تب علينا من كل شيء حرام سمعناه. اللهم تب علينا من كل خطوة حرام مشيناها. اللهم تب علينا. اللهم تب علينا الان. اللهم انزل هدايتك على قلوبنا الان. اللهم ثبتنا على طاعتك حتى نلقاك. اللهم ان الفتن تتخطف الشباب اليوم. اللهم انا عجزنا امام شهواتنا وعجزنا امام اللهم اعنا على طاعتك. اللهم حبب الى قلوبنا طاعتك. اللهم ثبتنا على طاعتك حتى نلقاك اللهم استعملنا ولا تستبدلنا. اللهم استعملنا ولا تستبدلنا. اللهم استعملنا ولا تستبدلنا اللهم لا تتولى عنا. اللهم لا تكلنا الى انفسنا يا رب. لا نهلك وانت رجاؤنا. لا نضيع وانت مولانا لا نضل وانت هادين. اللهم يا نور السماوات والارض اهد قلوبنا. اللهم يا نور السماوات والارض ان طريقنا. اللهم لا تتولى عنا. اللهم انزل هدايتك على اهل مصر على قلوب شبابها وفتياتها. ورجالها نسائها واطفالها. اللهم طهر مصر من المواقع الاباحية. اللهم طهر مصر من الزنا والخنا. اللهم طهر مصر من المخدرات. اللهم طهر مصر من الرشوة والربا. اللهم طهر مصر من الفساد والمفسدين. اللهم طهر مصر من التبرج والسفور. اللهم طهر مصر من كل ما لا يرضيك عنا. اللهم استعملنا لنصرة دينك في الارض. اللهم اخرج منا من ينصرنا دينك في الارض. ومن ينشرون دينك في الارض ارض ومن يدعون الناس اليك ويحببون خلقك اليك استعملنا يا رب. استعملنا يا رب. اللهم استعملنا يا مولانا وانصر اخواننا في سوريا وارفع الكرب عن عن مصر يا رب العالمين. انك ولي ذلك والقادر عليه. سبحانك اللهم وبحمدك اشهد ان لا لا اله الا انت استغفرك واتوب اليك