الحمد لله واشهد ان لا اله الا الله وحده لا شريك له واشهد ان محمدا عبده ورسوله صلى الله عليه وسلم. اما بعد آآ فاز والدرس الثامن في مدارسة عقيدة اهل السنة والجماعة. من كتاب الايمان هذا الكتاب الطيب المبارك الميسر الساهل في عبارته. آآ المرة الماضية كنا تناولنا قضية التوسل قضية التوسل. وكان التركيز على التوسل المحرم. التوسل الممنوع. هو التوسل الى والله هو التوسل بدعاء غير الله ده النوع الاول وكان كفر اكبر. وقلنا التوسل صرف او التعبد لله عند قبور الصالحين او مشاهد الاولياء وهذا من الكفر الاصغر. او من الشرك الاصغر لانه يؤدي الى الشرك الاكبر. النوع الثالث هو التوسل بجاه الانبياء او بجاه الصالحين. وقلنا انه على الراجح انه بدعة ومحرمة قلنا المسألة قد يكون فيها خلاف. وذكرنا سبب الخلاف في المسألة. وهو خلاف معتبر عند اهل السنة. يعني لا فيه المخالف. يعني لو ان شخص من اهل السنة يقول يجوز التوسل بجاه النبي عليه الصلاة والسلام. لا نقول عنه مبتدعا كذلك من جوز التوسل بجاه الصالحين لا نقول عنه مبتدع. حتى وان كنا نعتقد ان الراجح في المسألة ان هذا حرام. وان هذا ليس من آآ السنة ولم يفعله الصحابة الكرام رضي الله عنهم وارضاهم. ولكننا يعني نراعي ان هناك حديث اللي قلناه المرة اللي فاتت في خلاف حديس عثمان ابن حنيف وهو ده سبب الخلاف. وقلنا ان بعض الائمة كالعز بن عبدالسلام. والامام الشوكاني جوزوا هذه المسألة فلا شك ان هؤلاء من اكابر ائمة اهل السنة الخلاصة اتكلمنا بالتفصيل اللي حابب يعني يراجع يراجع الدرس السابع وبعد كده تطرقنا الى البداية مسألة الغلو. وان الغلو هو سبب كل المصائب انك انت ترفع شخص او شيء فوق قدره اللائق به وديت مربط الفرس اللي النبي عليه الصلاة والسلام مسكه لنا. قال لا تطروني كما اطرت النصارى ابن مريم. انما انا عبد فقولوا عبد الله ورسوله عليه الصلاة والسلام. وبين عليه الصلاة والسلام قال انما اهلك من كان قبلكم الغلو. هو ده سبب هلاك الامم من قبلكم. بل هو ما زال سببا ملك الناس الغلو لشخص صالح. طيب هو صالح تمام مات. ليه نغالي فيه ونجعله مواسطة بيننا وبين الله؟ ان اعتقد انه يعني يجلب المنافع ويدفع عنا المضار. شخص عادي بني ادم ليه نعتقد ان هو يعرف الغيب؟ فنسأله في الغيبيات ونزهب له في الكهانة والتنجيم وغير زلك. يا شخص شخص عادي لكن لما له من مال وسلطان نعتقد ان له الحق ان يأمر فيطاع حتى لو كان يعني يأمر بخلاف شرع الله وانه يحكم بما يريد ويحكم بما يشاء مجرد ان هو له مال وله سلطان وله دولة. هذا كله الغلو بقى. انك انت ترفع شخص فوق قدره. ما هو الغلو؟ انك انت تعتقد ان شخص له صفات فوق صفات العبد. هو ده الغلو. الغلو اللي هيؤدي بعد زلك للشرك كما سنبين في الصفحات التالية. و قلنا ان ده اصل الاصول. وان الغلو في الصالحين في بعض ما يعني في العلماء في الحكام في اصحاب الاموال هو اللي ادى لكل انواع الشرك اللي هنتكلم عنها النهاردة بالتفصيل بازن الله تعالى. لزلك هو انتقل بنا الى المبحث الرابع وهو الشرك والكلام عن الشركيات وتكلم في المطلب الاول الشرك ما هو الشرك؟ وما تعريف يقول الشرك من الشراكة او هذا شريك لهذا فالشراكة ان انا انا وانت بنحط ايه فلوس زي بعض وبنبتدي نتاجر فالشريك هو المساوي. فالشرك هو الايه؟ التسوية. التسوية بين شيئين. لما اسوي بين شيئين يبقى انا جعلت ده شريك لده. ده ند لده. ده كف لده. ده نزير لده. زلك ربنا نفى كل ده عن نفسه سبحانه وتعالى. قال وقل الحمد لله الذي لم يتخذ ولدا ولم يكن له شريك في الملك. ولم يكن له ولي من الذل. وكبره تكبيرا. فاذا كبر الانسان ربه جل وعلا لم يرضى له بالشريك ولا بالند. قال ومن الناس من يتخذ من دون الله اندادا. يحب نوم كحب الله. قال ولم يكن له كفوا احد فنفى عن نفسه الند الكفء الشريك وليس كمثله شيء وهو السميع البصير. فنفى المثلية الندية هي الكفء الايه؟ الشريك. كل هذا نفاه الله تعالى في ايات صريحة. فهذا هو معنى الشرك في اللغة. اذا المعنى بقى في الشرع هو ان تسوي الله سبحانه وتعالى باي شيء. او باي شخص او باي مخلوق. حتى لو في شيء احد من خصائص الله يعني لا يلزم انك انت علشان تكون مشرك انك انت تسوي هذا الشيء بالله في كل حاجة بل يكفي ان تسوي به في شيء واحد فقط فقط فقط هذا يكفي يكفي في ان الانسان يقع في الشرك كما سنبين بالتفصيل لكن مسلا آآ بعض مسلا واحد مسلا آآ بيدعي بيدعي ميت مسلا. يقول لك تقول له انت كده مشرك. يقول لك وانا سجدت له؟ هو انا آآ ركعت له؟ لا ما انت مش لازم تعمل كل حاجة علشان يبقى اسمك مشرك يكفي انك انت تفعل فعلة واحدة هذا يخرجك يعني من الملة عياذا بالله تعالى. فالشرك ان تسوي بين الله وبين احد من خلقه او اي شيء مما خلق سبحانه سبحانه وتعالى. واحنا قلنا ان توحيد توحيد الله قائم على تلات اقسام. القسم الاول احنا قلنا توحيد الايه؟ الربوبية. وقلنا توحيد هو افراد الرب بافعال الرب. ان انا اعتقد ان ربنا بس هو اللي له صفات الرب. من الخلق الرزق. الاحياء الاماتة. الضر والنفع غير زلك وقلنا النوع التاني او القسم التاني من التوحيد هو توحيد الالوهية وهو قلنا افراد الرب بافعال العباد. يعني انا لما اعبد ربنا ما بعبدش غيره اعبده هو بس ده اسمه توحيد الايه؟ الالوهية. وقلنا توحيد الاسماء والصفات ان انت تعتقد ان كل اسم وكل صفة لله هي ثابتة في حقه ولكنها ثابتة بالكمال اللائق بالله. وان لا يوجد احد من خلق الله حتى لو تسمى بنفس اسم ان الصفة دي تكون فيه زي ما هي عند مين؟ عند ربنا سبحانه وتعالى. يبقى انا افهم من كده ان الشرك ان انا اخلي ند لله في اي حاجة من التلاتة دول. لو جينا على الربوبية مسلا قلنا الربوبية من معانيها الايه؟ ان الله هو المنفرد. بالخلق بالرزق بالاماتة بالتدبير. يبقى انا لو لو اعتقدت ان يوجد احد من خلق الله يشارك الله سبحانه وتعالى في هذا الامر يبقى هذا شرك. هتقول لي شرك في الربوبية بس؟ هو اسمه شرك في الربوبية لكن هو خلاص بقى ايه؟ شرك. فاكرين لما قلنا ان تقسيم توحيد الله الى ربوبية والوهية واسماء وصفات قلنا التقسيم ده مش تقسيم شرعي. يعني ايه مش تقسيم شرعي؟ يعني مش هيترتب عليه احكام. انما هو تقسيم بيسموه ايه اصطلاحي. يعني ايه اصطلاحي؟ يعني حاجة ما بينا علشان نسهل الدراسة. عشان نفهم الموضوع ببساطة. فمش هيجي مسلا اقول ايه؟ المشرك في الربوبية غير المشرك اشترك في الالوهية غير المشرك في الاسماء والصفات. فممكن المشرك في الربية نعديها له والمشرك في الاسماء والصفات مش هنعديها له. لا لا لا لا. يبقى انت انت كده خليت التقسيم اللي احنا قسمناه ما بينا كده عشان نسهل الدراسة خليتوا تقسيم شرعي. يعني ايه تقسيم شرعي؟ يعني تقسيم هيترتب عليه حكم. زي ما النبي عليه الصلاة والسلام قسم الكفر لكفر اكبر. وكفر اصغر. ففهمنا ان دوت هيفرق عن دوت شرعا. فقلنا الكفر الاكبر يخرج من الملة. والاصغر ما يخرجش من الملة. لكن هل النبي عليه الصلاة والسلام قسم التوحيد للربوبية والوهية اسمها صفات؟ لأ. طب اللي احنا بنعمله ده بدعة؟ يبقى بدعة لو احنا نسبناه للشرع. لكن احنا ما نسبناهوش للشرع. احنا قلنا دي حاجة ما بينا كده زي ما انت بنقسم الفقه لفقه الطهارة. فقه الصلاة فقه الايه؟ الصيام. قسمنا التوحيد للتلاتة دول علشان نسهل الكلام يبقى انا عندي اللي مشرك في ربوبية مشرك بالله خلاص. مشرك في الاولية برضو مشرك بالله. مشرك في الاسماء والصفات كل واحد. لكن انا بسهل لك عشان اوصل لك الصورة. ازاي مشرك في الربوبية ان يعتقد ان هناك احد يعني آآ يخلق غير الله سبحانه وتعالى. وده نادر او قد يكون موجود فان الملاحدة ماذا يقولون في فيما يخلق؟ يقولون ان الطبيعة هي التي تخلق او يقولون ان الناس هي التي هي التي تفعل ذلك او كل كل زات هي التي تخلق نفسها بنفسها. عندهم في زلك كلام. لكن طالما فروا من ان هناك خالق الكون يبقى اكيد بيثبتوا خالق اخر. تمام؟ كذلك شرك مثلا الفراعنة والوثنيين واليونانيين كان في ربوبية في الاساس انهم كانوا يعتقدوا ان كل شيء خالق ومدبر. فهذا اله للحرب وهذا اله للسلام. وهذا اله للحب وهذا اله للمطر. وهذا اله للماء وهذا الهواء وكل ده بقى ايه؟ كل اله يعني يستقل بالخلق وبالتدبير والقصة دي كلها. او يعتقد المسلم ان هناك احد يدبر مع الله او مستقلا عن الله. كما يعتقد غلاة الصوفية في الاقطاب. الاقطاب اللي هم بقى الايه؟ رموز ده المقبورين عندهم. وعلى رأسهم البدوي والدسوقي والجيلاني والرفاعي. اهو الشاذلي. المهم ان الايه؟ الاربعة خمسة دول هم هم بيعتقدوا ان دول اقطاب. الاقطاب دول لهم تصرف في الكون. مع الله سبحانه وتعالى. وان الله سبحانه وتعالى خلق الخلق ثم فوض هؤلاء في التصرف كما يقولون يقول غلاتهم الخلق خلقي وفوضت فيه البدوي هذه مقالة عند غلاة الصوفية مشهورة. الخلق خلقي وفوضت فيه البدوي. يعني انا اللي خلقته البدوي يتصرف بقى ها؟ يبقى اللي عايز حاجة ايه للبدوي. ازا اعيتكم الامور فعليكم بايه؟ فعليكم باهل الايه؟ القبور. حديس الموضوع اللي اتكلمنا عنه. المرة اللي فاتت. يبقى انا لو اعتقدت كده هذا شرك في الايه؟ اعتقد ان في حد بيدبر. كما يعتقد الشيعة في الائمة الاثنى عشرية. يعتقدوا ان الائمة اثنى عشرية يعلمون زرات الكون وانهم يتصرفون كما يشاؤون. لزلك يصرف لهم العبادات ويطلبوا منهم القربات. بيزوروا بقى ايه؟ مقاماتهم وقبورهم وايه؟ واللي انت بتشوفه الخرافات والخزعبلات اللي بتشوفها في العراق وفي ايران دي هي ناتجة عن الشرك في الربوبية. آآ يعني الكلام يطول في الامسلة. لكن خلينا ننط على المحور والشرك في الالوهية هو ده في العادة بيبقى فرع عن الشرك في الربوبية. لان اللي بيشرك في الربوبية في العادة بيشرك في الايه الالوهية ما انا لا بعتقد ان فلان ده بيجلب النفع ويدفع الضر او يحيي او يميت او يرزق او يخلق. اكيد هصرف له الايه العبادة. او هطلب منه او هدعوه من غير الله سبحانه وتعالى فالشرك في الالوهية هي ان تصرف اي عبادة لغير الله. سجود ركوع دعاء زبح نزر طواف آآ تحاكم كما سيأتي. اي نوع من العبادة صرفت لغير الله ولو عبادة واحدة. فهذا شرك اكبر لا يغفره الله سبحانه وتعالى ازا مات الانسان مصرا عليه ولم يتب قبل ان يموت. ان الله لا يغفر ان يشرك به ويغفر ما دون ذلك لمن يشاء. طبعا احنا من دايما ايه بنحط اضافة او بنحط توضيح للاية. ان الله لا يغفر ان يشرك به لمن مات على زلك لمن مات على زلك. لان الذي يعني تاب قبل موته فان الله يتوب عليه. انما التوبة على الله الذين يعملون السوء بجهالة ثم يتوبون من قريب. يعني قبل الموت. فاولئك يتوبوا الله عليهم وكان الله عليما حكيما. وقال قال جل في علاه ومن يرتدد منكم عن دينه فيمت وهو كافر. فاولئك حبطت اعمالهم في الدنيا والاخرة. اذا اذا لم يمت وهو كافر فانه يغفر له بلا شك. فاذا معنى الاية ان الله لا يغفر ان يشرك به لمن مات مصرا على الشرك الاكبر. وطبعا بتفسر بان الشرك الاكبر وده هيجي تفصيله دلوقتي. آآ وان الشرك الاصغر وليس مخرج ميلا لكن مش عايز استعجلكم في الكلام النهاردة. الشرك في الاسماء والصفات اخواني اعتقد الانسان ان احدا غير الله يشارك الله في حقيقة احد اسماؤه او حقيقة احد صفاته. وليه بقول حقيقة لان الصفة نفسها كمعنى كلي او كمسمى في الزهن ممكن نشترك فيه. فيقول الله كريم وفلان كريم الله رحيم. والنبي بالمؤمنين رؤوف رحيم. هو ربنا اللي سماه كده. ربنا سمى نفسه رؤوف وسمى النبي رؤوف. وسمى نفسه رحيم. وسمى النبي عليه الصلاة والسلام ايه رحيم مش كده؟ فقد يقال هذا فلان آآ جواد والله تعالى جواد فلان هذا كريم والله كريم لكن فرق بين المسمى او فرق بين الاسم اللي في الزهن انت عارف كريم دي ككلمة زي كريم ديت. وانت فاهم معنى الكل لكلمة كريم. لكن عندما تنسب لله وتنسب للانسان يختلف تصورك تماما عنها فلا تتصور ابدا ان كريم في حق الانسان ككريم في حق الله. او اننا مثلا نقول ان الله يضحك اليس كذلك؟ كما جاء في الاحاديث. وان الانسان يضحك. ودي صفة بقى من صفات الله. انا باضحك وربنا بيضحك. تمام الله يغضب وانا ايضا اغضب. الله يرضى وانا ايضا ارضى. رضي الله عنهم ورضوا عنهم. فاثبت لنفسي انه يرضى واثبت لهم انهم يرضون قال وما تشاؤون الا ان يشاء الله. فهو يشاء وانا اشاء. لكن الكلمة كمعنى زهني المعنى الكلي لها مفهوم. المشيئة مفهومة ده قبل ما نسيبها. اول ما نسيبها لازم على طول افرق على طول. لما اقول مشيئة الانسان ام مشيئة الله؟ يبقى هنا ما ينفعش اقول الاتنين سواء فازا انا اعتقدت بالتسوية بالتسوية فاقول مسلا الله يسمع وانا اسمع او الله يسمع وآآ المقبور يسمع اعتقد ان هذا المقبور يسمع كسمع الله يبقى ده شرك في الاسماء والصفات. او اقول هذا هذا علم النبي عليه الصلاة والسلام كعلم الله. هذا شرك في الاسماء والصفات. من اعتقد ان النبي عليه الصلاة والسلام يعلم ما يعلمه الله هذا مشرك بالله جل وعلا لانه ولا يحيطون به ايه؟ علما. لا احد يحيط بالله تعالى علما. حتى الانبياء انما علمهم سبحانه وتعالى ما شاء جل وعلا وعلمك ما لم تكن تعلم وكان فضل الله عليك عظيما. يبقى انا لو اعتقدت مثلا ان انا سيدي فلان ده بيسمعني في اي حتة وبيراني في اي حتة ويوجبني في اي وقت. يبقى انا جعلته شريك لله في هزه الصفة ان لا احد الا الله له السمع المحيط والبصر المحيط والقدرة الشاملة النافذة في اي وقت وفي اي مكان. فاذا اعتقد الانسان ان احد يشارك الله في هذه الصفات فقد اشرك في الاسماء والصفات. المهم ان احنا عندنا الشرك ممكن يكون في الربوبية وفي الاسماء والصفات. في العادة الشرك في الربوبية وفي الاسماء والصفات بيبقى شيء انت بتعتقده. لكن الشرك في الالوهية بيبقى شيء انت بتعمله. علشان كده احنا قلنا ان توحيد الربوبية وتوحيد الاسماء والصفات بنسميه توحيد ايه يا اخوانا؟ توحيد علمي خبري يعني هو مجرد معلومات في صدرك. او المعلومات دي فاسدة ايمانك فاسد مازا تعتقد في الله يا رب في اسماء وصفاته؟ ايه معلومات لكن الالوهية عمل. لذلك بيسموا توحيد الالوهية توحيد عملي طلبي يبقى الاسماء والصفات والربوبية اسمه علمي خبري والالوهية اسمه ايه؟ عملي طلبي. لزلك في بعض كتب العقيدة هيقول لك وينقسم توحيد الله الى قسمين. هتقول الشيخ علاء علي لا ما ضحكتش عليك. احنا قلنا احنا كده كده بنقسمه عشان نسهل الكلام. ففي واحد قسمها اتنين وفيه واحد قسمها تلاتة. فيه واحد هيقول لي التوحيد الالوهية الربوبية اسمها صفات وفيه واحد هيقول لك التوحيد ينقسم الى توحيد علمي وتوحيد عملي. وفي الاخر برضو هيقول لك ان العلم ده هو الايه؟ هو الربوبية والاسماء والصفات. بس هو بدأ اتنين الاول. والتوحيد العملي هو توحيد الالوهية. فالخلاصة يعني ان دوت الايه؟ الكلام. بيقول والمعنى الخاص للشرك هو ان يتخز ندا يدعوه كما يدعو الله. ويسأله الشفاعة كما يسأل الله. ويرجو كما يرجو الله ويحبه كما يحب الله. وهذا هو المعنى انا المتبادر من كلمة الشرك اذا اطلقت في القرآن والسنة. خد بالك من كمدي دايما كمدي هي الفرق وهي ده اللي هيجي لنا بالتفصيل كمان شوية. بعد كده بيقول ادلة على ذم الشرك وبيان خطر الشرك. تنوعت ادلة الشرع على ذم الشرك والتحذير منه. اولا ببيان انه الذنب الذي لا يغفره الله الا بالتوبة منه قبل الموت. قال تعالى ان الله لا يغفر ان يشرك بي ويغفر ما دون ذلك لمن يشاء وصفه بانه اظلم الظلم. قال تعالى ان الشرك لظلم عظيم. اخبر انه محبط للاعمال حتى لو فرضا يعني فعله نبي لحبط عمله. قال لان اشركت ليحبطن عملك. ولتكونن من الخاسرين هذا محال في حق الانبياء وفي حق النبي عليه الصلاة والسلام ولكنه فرض يراد به من سوى النبي عليه الصلاة والسلام او من دون النبي عليه الصلاة والسلام. يعني لما ده الكلام يتقال للنبي يبقى اللي تحتيه يفهم ايه. انت بقى من باب اولى. تمام؟ واضح فالشرك يوم محبط للايه؟ محبط العمل. فاذا فعل الانسان خيرات وكان مسلم وموحد وعمل خير وصلى وصام. ثم اشرك ومات على زلك. فان الله لا يقبل منه صرفا ولا عدلا. ويوافي ربه جل وعلا وليس له حسنة واحدة. لان الشرك يحبط العمل. هذا يدل على خطورة الشرك على العكس فضيلة التوحيد التوحيد يحفظ لك الحسنات لما اسلم عمرو ابن العاص مد يده الى النبي عليه الصلاة مد يد النبي عليه الصلاة والسلام يده فمد عمرو يده ثم سحبها وقال ما لك يا عمرو؟ هي هترجع في كلامك ولا ايه؟ فقال ان لي اعمالا صالحة عملتها قبل الاسلام. هي هتروح فين؟ فقال يا عمرو اسلمت على ما اسلفت من خير وبالنسبة للسيئات طيب قال اما تعلم ان الاسلام يجب ما قبله وان الهجرة تجب ما قبلها وان التوبة تجب ما قبلها وهكذا فالتوحيد يقضي على السيئات تماما ثم يحافظ على الايه؟ الحسنات. اذا كان الانسان عمل قبل ان يسلم عمله. واراد به وجه الله فان هذا العمل يظل في ميزان حسناته. هو ما كنش ميزان حسناته قبلها لكن بعد ما اسلم اتحط له في ميزان الايه؟ ميزان الحسنات. طب وسيئاته كلها؟ غفرت ولم يبق منها اي شيء. العكس بقى الشرك الشرك هو اكبر كبائر على الاطلاق وتدخل بعد كده ازا اشركت سيئاتك زي ما هي وحسناتك ايه؟ محيت تماما. فهذا اخطر اخطر امر. لذلك من اهم الامور كما بينا ان عند دعوة الناس ان نصحح لهم العقيدة ما الفائدة ان انا اقعد اصحي عند الناس الايه؟ آآ صلوا ازاي وصوموا ازاي؟ والاخلاق يا جماعة ماشي الكلام جميل. لكن هم اصلا عندهم مشاكل في الاعتقاد. لو انا الواحد منهم مات على هذه المشكلة لكان عنده ازمة يوم القيامة. قد يموت على الشرك ولا يدري. واضح؟ وصفه تعالى بانه لرب العالمين. قالوا وهم فيها يختصمون تالله ان كنا لفي ضلال مبين اذ نسويكم برب العالمين. واخبرنا ان من مات عليه يكون مخلد في النار. قال تعالى انه من يشرك بالله فقد حرم الله عليه الجنة. ومأواه النار الظالمين من انصار. وهذا يدل على فضل التوحيد. ان التوحيد اذا مات الانسان عليه فانه مهما كان لابد ان يدخل الجنة لابد الذي ليس في قلبه تعظيم جيد لله جل وعلا يستهين بهذا الامر. فقد يرى ان المسلم حتى وان زنى وان سرق قد يروا اسوء من الكافر الامين نقول لا والله ابدا لا يستويان. حتى وان سرق المسلم وان زنا يظل افضل من الكافر وان كان امينا طيبا. لماذا نهمل قضية التوحيد ليه عندك التوحيد ده شيء مش مهم هامشي يعني لزلك ما تستغربش ان يأتي في زمننا هزا من يستعجب مسلا يقول لك آآ لما تقول له مسلا اخواني يعني يدخل النار لا يخرج منها ابدا يقول لك بس ده كان طيب كان كويس ما كانش بيأزي حد نقول كويس انا متفق معك على زلك. فهو كانه بيستنكر ان هو يدخل النار. ليه؟ يقول لك هيدخل النار ليه؟ ده كويس ده احسن من مسلمين كتير ده راجل امين ده راجل كويس ايوة اين قضية التوحيد؟ اين تعظيم الله في قلبك؟ لو ان احدا عرض عليك انت وقد سب اباك وسب امك ولكنه احسن الى الناس جميعا فانك لن تغفر لهم. اليس كذلك؟ فما ظنكم برب العالمين؟ اذا كان هذا يسب الله جل وعلا صباح مساء لكنه مع كل الناس كويس. لكن مع الله يسبه صباح مساء. يقول انت لك ولد ولك صاحبة. كما جاء في الحديس سبني ابن ادم وما كان ينبغي له واما سبه لي فقوله اني اتخذت ولدا. اني اتخذت ولدا. طيب اذا كان هذا يسب الله؟ ما هو قدر الله في قلبه ازا كان قدر الله عزيم في قلبك فستستوعب بسهولة جدا ان اي كافر يموت فانه لن يخرج من النار ابدا. وان اي مسلم مهما فعل حتى وان عوقب وان عذب يوم القيامة على ما فعل. لكن لابد ان يخرج في النهاية ويدخل الجنة. لانه يكفيه شرف التوحيد. هذا مات ولم يشرك بالله شي شيئا قعد طول حياته لم يشرك بالله شيئا. كيف يستوي مع من يشرك صباح مساء بالله جل وعلا ازا المسلم مآله الى الجنة يوما من الايام من المسلمين من سينجو فورا. وهو من غلبت حسناته على سيئاته او غلبت سيئاته على حسناته لكن ربنا غفر له. ودخله على طول. ومنهم من سيدخل النار اولا يعزب ثم بعد ان يعذب على ما فعل يدخل الجنة في يوم من الايام. لابد ان يحصل زلك. لزلك كارسة الشرك ان ان الذي مات عليه ليس عنده ادنى امل في ان يدخل الجنة. الله حرم عليه الجنة ومأواه النار حتى لو كان كويس مع الناس كلها. حتى لو كان امين. حتى لو كان بيعمل خير. حتى لو كان احنا قلنا الكلام ده كله ما بيتقبلش ليس له فيه اجر قل لي طب المفروض ربنا العدل صح؟ ما هو بيعطيه في الدنيا. او قد يخفف عليه في الاخرة شيئا يسيرا. لكن يخرج من النار لأ ابو طالب مسلا بسبب ما فعله للاسلام فانه اخف اهل النار عذابا لكن النبي عليه الصلاة والسلام لم يؤذن له ان يشفع فيه ليخرج من الجنة. انما شفع فيه فقط ليخفف عنه. فوأدنا اهل للنار عذابا ولكنه لن يخرج من النار ابدا هي دي المشكلة. انت لو لو بيعذبوك بعود كبريت الى الابد هذا شيء رهيب للغاية فما بالك والنار يوم القيامة فضلت على نار الدنيا بسبعين درجة. نسأل الله السلامة والعافية. فدي كارسة الشرك يا اخواني. كارسة الشرك كارسة الشرك فلابد الانسان يتعلم التوحيد ويعرف خطورة الشرك ويحذر منه هذا الذي اوصى به يعقوب لبنيه. قال اذ حضر يعقوب الموت اذ قال لبنيه ما تعبدون من بعدي قالوا نعبد الهك واله ابائك ابراهيم واسماعيل واسحاق الها واحدا. ونحن له مسلمون. اليس كذلك؟ ما من نبي الا اوصى بالتوحيد قبل ان ان هذه القضية الكبرى القضية الكبرى بعد كده تكلم في سبب الشرك وده اتكلمنا عنه المرة اللي فاتت. وهو الغلو في الصالحين. واتكلمنا عن قصة قوم نوح وما فعلوه. ودي كانت بداية الشرك في بني ادم. بعد كده بيتكلم عن انواع الشرك. بيقول ينقسم الشرك الى قسمين. القسم الاول الشرك الاكبر. الشرك الاكبر هو اتخاز ند مع الله. يعبد كما يعبد الله. هو ناقل من ملة الاسلام محبط للاعمال كلها. صاحبه ان مات عليه يكون مخلدا في نار جهنم لا يقضى عليه فيموت. ولا يخفف عنه من عذابها بعد كده هيقول لنا ان الشرك ده اربع انواع يعني برضو التقسيم ده يعني للتفهيم يعني. علشان تسهل الكلام. ونجمع به ادلة الشرع في قضية الايه؟ الشرك ديت. بيقول الشرك اربع انواع الايه؟ الاكبر. احنا لسه ما تكلمناش في الاصغر. اربع انواع. هيقول الشرك الاول شرك الدعاء. الشرك التاني شرك النية والقصد والارادة. الشرك التالت شرك الطاعة. الشرك الرابع شرك المحبة. ايه الكلام دوت؟ كاننا اول مرة نسمع على الاقسام هي حاجات هتلاقيها كلها مفهومة وسهلة. بس هم بيسموها كده عشان ايه؟ التقسيم برضو بيساعد انك تحفز المسائل. شرك ايه؟ احفز الاربع كلمات وبعد كده نشرحهم بسهولة. شركة دعاء شرك النية شركة طاعة شرك المحبة. شرك الدعاء. شرك النية الشركة والنية والارادة. شرك الطاعة شرك المحبة. طيب سهلة خلاص طالما حفزت الاربعة دول الدنيا هتوضح عندك دلوقتي. ايه هو اول نوع من الشرك شرك الدعاء وهو ان تدعو غير الله او ان تطلب الحاجات او دفع الكربات من غير الله سبحانه وتعالى. طب ليه الدعاء بالزات؟ لان الدعاء هو العبادة ولان الله سبحانه وتعالى قال وقال ربكم ادعوني استجب لكم. ان الذين يستكبرون عن ايه؟ عبادتي سيدخلون جهنم داخل ولما ثبت ان الدعاء عبادة فصرفه لغير الله الشرك. فمن دعا نبيا او ملكا او وليا او قبرا او حجرا او غير ذلك من المخلوقين فهو مشرك كافر. قال تعالى ومن يدعو مع الله الها اخر لا برهان له به فانما حسابه عند ربه انه لا يفلح الكافرون ومن الادلة على ان الدعاء عبادة وان صرفه لغير الله شرك. قوله تعالى فاذا ركبوا في الفلك دعوا الله مخلصين له الدين. فلما نجاهم الى اذا هم ايه؟ اذا هم يشركون. فبدل ما يقول ايه؟ اذا هم يدعون غيري راح عبر عنها على طول بالايه؟ بالشرك فدل على ان دعاء غير الله شرك اخبر عن هؤلاء المشركين بانهم يشركون بالله في رخائهم. ويخلصون له في كربهم وشدتهم. فكيف من يشرك بالله في الرخاء والشدة؟ عياذا بالله تعالى. وهذا يشير الى مشركي عصر الحديث لان زمان كان المشركين الاوائل يعني لما يتزنقوا قوي يلجأوا للايه؟ للتوحيد. ازا ركبوا في الفلك دعوا الله مخلصين له الدين دلوقتي المشتركين بتوع دلوقتي ازا اشتدت الازمات لجأوا اكثر واكثر الى اهل القبور عياذا بالله تعالى. فاذا يعني كان احدهم في كرب وضيق يقول مدد يا سيدي فلان انقزني يا سيدي فلان. آآ وندر على يا سيدي فلان لو طلعتني من الازمة دي اعمل لك كزا وكزا. ده يا راجل ده الكفار بتوع قريش ما كانوش بيعملوا كده. ما كانوا يفعلون زلك. هم عارفين انه لن ينجيهم الا الله لكن هم الشرك اللي في على في الرخاء ده عشان هوا هوا نفس لكن هما عارفين قرارة انفسهم انه لا ينفع الا الله لكن للاسف المشركين الان من العصر الحديس دول يعني للاسف حتى في الضراء يشتد تضرعهم لغير الله سبحانه وتعالى. طبعا شركة دعوة ده هو هو خص يعني خصص الكلام بالدعاء بس لكن كان الاولى ان هو يعمم الدعاء يعني الدعاء للعبادة عموما. اي عبادة يعني صرف اي عبادة لغير الله لان الدعاء هو للعبادة كلمة العبادة والدعاء في القرآن بيجوا مكان بعض دايما يعني الدعاء هو العبادة والعبادة هي الدعاء فممكن ربنا يعبر عن العبادة بكلمة الدعاء. قال فلما اعتزلهم قال واعتزلكم وما تدعون من دون الله وادعو ربي. هو يدعيه بس ولا يعبده؟ هيعبده عبادة كاملة. فبدل كلمة عبادة حط كلمة ايه؟ دعاء. هم الاتنين واحد. وادعو ربي عسى ان اكون ايه؟ بدعاء. يعني بعبادة ربي شقيا. فلما اعتزلهم وما يعبدون. والله هي هي. قل ما يعبأ بكم ربي لولا دعاؤكم دعائكم معناه الدعاء ولا معناه الايه؟ العبادة عموما لولا عبادتكم يعني لولا العبادة لا يعبأ الله تعالى بكم لزلك قال قال فقد كذبتم ما قالش فقد دعوتم غيري. يبقى العبادة هنا قل ما يعلم بكم ربي لولا دعائكم يعني لولا عبادتكم لله سبحانه وتعالى. يبقى شركة دعاء هو عموما صرف العبادة لغير الله سواء كان الدعاء او السجود ركوع نزر زبح طواف وغير زلك. يبقى دي هتشمل معنا كل العبادات. فاحنا اتكلمنا بالتفصيل في الشركيات العبادات ديت في الدروس الايه الماضية هنطلع من شركة دعاء ده نخش في الشرك التاني. وهو شرك الارادة النية القصد. يعني ايه الكلام دوت؟ احنا قلنا شرك شريك ان تجعل مساوي مساوي. الشرك الاولاني اللي اتكلمنا الدعاء ان انا سويت بين ربنا وبين مخلوق في الدعاء بادعوا ربنا وادعوا لمخلوق. اسجد لربنا وازن المخلوق. طيب. ايه هو شرك الارادة؟ واضحة اهي. ان انا اجعل شريك لله في ارادتي شريك لله في ارادتي فاريد هذا الشريك مع الله سبحانه وتعالى كما اريد الله سبحانه وتعالى فهذا الشرك هذا نوع من الشرك. طيب حكمه ايه؟ نقول حكمه حسب الشرك ده كان فين هل كان في كل اعمالك ام في بعض الاعمال؟ لو كان الشرك دوت في كل اعمالك يبقى الذي يفعل زلك كافر كفر اكبر. لان كل الاعمال هيدخل فيها الايه هيدخل فيها التوحيد نفسه. التوحيد نفسه انت بتقصد به غير وجه الله سبحانه وتعالى. يبقى ده نفاق اكبر. فمن اراد بكلمة التوحيد غير وجه الله فهو كافر كفر اكبر يبقى امتى يكون الرياء؟ اللي احنا بنقول النية والقصد والارادة اللي هي الرياء يعني مش لازم تكون الرياء اصل الرياء معنى خاص من الارادة هو ارادة وجه الناس لكن ممكن يكون الارادة دي ارادة دنيا. انا عايز فلوس. عايز منصب. مش لازم اكون عايز وجه الناس. فالرياء جزء من شرك الارادة احد صور شرك الارادة. لان الرياء بيقصد به دايما ان انت بتعمل عمل ارادة وجه لايه؟ الناس. الثناء المديح. تحب ان ترى من الناس يرحمك الله. ان الناس يروك لكن ارادة الارادة اوسع من كده. ممكن الانسان مش بيريد الثناء والمديح يريد اموال يريد زواج يريد آآ امرأة ينكحها كما جاء في الايه؟ في الحديث من هاجر من كان آآ هجرة الله ورسوله ومن كان هجرته مراتي ايه ينكحها او دنيا يصيبها. هو مش عايز ثناء ولا مديح هو رمي هاجر عشان يتجوز واحدة في المدينة قال بالمرة نهاجر وخلاص او يريد دنيا او او او يبقى انا عايز اقول ان مش مش معنى الشرك في في النية والارادة والقصد هي الرياء بس. لأ الرياء ده احد السور طيب نرجع تاني نقول امتى يكون الارادة ديت شرك اكبر وامتى تكون الارادة دي شرك اصغر او حرام يعني تكون الارادة دي شرك اكبر ازا كانت في التوحيد ازا قال الانسان شهد الانسان ان لا اله الا الله وان محمدا رسول الله يريد وجها يريد الدنيا. يريد ان يحمي نفسه من المسلمين. فهذا منافق لانه ما اراد وجه الله بكلمة التوحيد. طيب ازا كان لأ. انما قال كلمة التوحيد لا يريد بها الا الله وفعلا هو صادق في ارادة الاسلام. وهو لا يرائي بكلمة التوحيد ابدا لكنه يرائي بما دون ذلك ايه رأي بصلاة؟ يرائي بصيام؟ يرائي بحج في غزو. وهكذا. نقول هذا ليس بكافر. اي رياء في غير كلمة التوحيد لا يصل الى الكفر ليه؟ الاكبر. لان النبي عليه الصلاة والسلام سماه شرك اصغر. قال اخوف ما اخاف عليكم الايه؟ الشرك الازهر. قيل وما الشرك الاصغر قال الرياء. يبقى انا لو الرياء او ارادة الدنيا كانت في شيء غير كلمة التوحيد يبقى فدوت هيخش معنا بقى في الحرام او الشرك الاصغر لكن لن يصل ابدا الى الشرك الايه؟ الاكبر. انما يصل الشرك الاكبر في حالة ان يكون الريادة في كلمة طيب انزل بقى معي. انا دلوقتي اريد الدنيا بعملي. بصلي عشان المدير يشوفني ويشغلني. بصلي عشان انا اتجوز بنت الرجل اللي بصلي جنبه. اي حاجة. حجيت عشان يقولوا علي عم الحاج بس مش عايز حاجة تانية. رحت عمرة عشان آآ يقولوا علي راجل صالح بصلي بالناس عشان يقولوا علي قارئ هي واحد. سواء بتريد الثناء سواء بتريد الدنيا سواء بتريد مصلحة. خلاص احنا قلنا ايه الكلام واحد. احنا اسألني عن كلمة التوحيد خلاص احنا فهمنا كلمة التوحيد دي مع السلامة. بعد كلمة التوحيد الحكم ايه الحكم بقى هيبقى عندنا درجات فيه. كلمني عن المسألة دي قبل كده. لو فاكرين هو الرياء دوت حكمه ايه؟ بنقول اولا في حاجات متفق عليها. ازا كان الرياء ازا كان الدافع للعمل فقط فقط هو ارادة الدنيا وارادة وجه الناس فهذا العمل حابط. يبقى ده ايه؟ ده اللي ما فيهوش كلام. نمرة اتنين ازا كان بصوا انا هافرق دلوقتي بين حاجتين عشان يفرقوا معي. افرق بين ارادة وجه الناس وارادة بعض المصالح الدنيوية خلاص؟ لكن انا في الحالة الاولانية دي كله سواء عندي. ازا كان الدافع الوحيد الوحيد لانك تعمل العمل دوت هو ارادة وجه الناس او ارادة شيء من الدنيا فالعمل ده ايه؟ حائط. قال تعالى من كان يريد الحياة الدنيا وزينتها نوفي اليهم اعمالهم فيها. وهم فيها لا يبخسون. اولئك الذين ليس لهم في الاخرة الا النار. وحبط ما صنعوا فيها وباطل ما كانوا يعملون تمام؟ نخش بقى على التانية. ان هو اراد بالعمل ده اصل العمل اصل العمل اراد وجه الله ووجه الناس داخل يصلي لله وللناس. لو كان الموضوع ده من اول العمل يبقى العمل دوت حائض. لانه في اصل العمل من ساعة ما دخل وهو يريد وجه الله ووجه الناس قال النبي عليه الصلاة والسلام عن الله قال انا اغنى الشركاء عن الشرك. من عمل عملا اشرك في معي غيري تركته وشركه. خليه ينفعك تمام؟ يبقى لو كان في اصل العمل. ننزل حتة. خلينا في الرياء ها؟ ابعدني عن موضوع الدنيا وعشان الدنيا ارجع لها تاني رياء انزل معي في الرياء. لأ الرياء ما كنش في اصل العمل هو دخل اصلا يريد وجه الله. ثم طرأ عليه الرياء. راح يعتمر لله. وبعد كده لقى ايه؟ لقى خاطر الرياء بيجي دخل يصلي لله وبعد كده جا له بيحفز قرآن لله وبعد كده جا له خواطر رياء بيصلي للناس بالله صوته حلو شوية جا له خاطر الرياء دوت هيتفرع عندي في قسمين. القسم الاول جاله الرياء واستحلاه وكمل معه بنسميها القسم التاني جاله الرياء دفعه. وكل ما يجي له يدفعه. طبعا طبعا التاني ده عمله مقبول بل يؤجر على مدافعة الرياء ومجاهدة نفسه في دفع الرياء. يبقى ياخد اجره مرتين. يبقى ده اللي متفق ان عمله ايه مقبول بل يزيد اجره بمدافعة الايه؟ الرياء قلنا في اتنين متفق عليهم اللي هو اصلا اراضي الناس بس او هو بادئ اراد الناس ولاه. فاضل لنا بقى الايه؟ الغلبان اللي في الاخر ده. اللي هو دخل يريد الله وبعد كده طرأ عليه الايه؟ الرياء وكمل معه استحلاها. ده بقى فيه خلاف بين اهل العلم. بعض اهل العلم يقولوا عمل وحبط لان هو كمل والبعض التاني يقول لأ الراجل ده كان اصل نيته سليمة فيأخذ اجر على اصل النية ولكن يعني ينقص اجره جدا لان هو ايه؟ لان هو دخل عليه الرياء. لكن هياخد حتة كده علشان اصل الموضوع. اصل نيته كان لله هيؤجر على اصل النية بس. لكن عمله ادمر خالص لما مع الرياء. فيبقى صاحبنا الاخراني دوت فيه خلاف من اهل العلم. نطلع بقى سمنة من الايه؟ من الرياء. نرجع للدنيا لان احنا قلنا الرياء هو ارادة الثناء من الناس. خش لي بقى على ارادة الدنيا. معلش هفصل لك عشان الدنيا توضح عندك ان في حاجات بتلتبس على بعض الناس واحد يريد بعمله الدنيا فقط. احنا اتفقنا على ان ده عمله ايه؟ حابط واحد بيصلي ليه؟ بصلي عشان آآ علشان عشان ربنا يكرمني في شغلي بس بس لا يريد وجه الله لا يريد حسنات لا يريد الدار الاخرة انما عايز بس ان ربنا يكرمه في شغله. فده عمله حابط. ربنا يكرمه في شغله بس عملوا ده مش هياخد عليه اجر يوم القيامة. ان الدافع الوحيد له للايه؟ للعمل ده هو ارادة الايه؟ الدنيا. لا تعال ننزل شوية. انا عايز الصراحة عايز لله وعايز منافع دنيوية. اه هنا بقى دي غير الرياء على فكرة. اصل الرياء ارادة ايه؟ المديح من الناس في الحاجات ديت. والنبي سماها رياء وسماها لكن التانية دي لها وجه في الشرع معتبر ان ربنا سبحانه وتعالى حببنا في حاجات من الدنيا اسناء العمل الصالح. قال وامر اهلك بالصلاة واصطبر عليها لا نسألك ايه؟ رزقا نحن نرزقه قال فقلت استغفروا ربكم انه كان غفارا يرسل السماء عليكم مدرارا. قال العمرة قال الحج والعمرة ينفيان الفقر ذنوب كمان في الكير خبث الحديد. قال من اراد ان يبسط له في رزقه وينسأ له في اسره فليصل رحمه. ازا الشرع اصلا حببنا ببعض المنافع الدنيوية في الاعمال الايه؟ الصالحة يبقى ازا ده يدل على جواز ارادة شيء من المصالح الدنيوية بالعمل الصالح. ده غير الرياء ان رياء ارادة وجه الناس والمديح ده ما لوش لازمة وده مش منفعة. لكن ان انا اريد بعملي اصل رحمي واريد مع زلك ان يبسط لي في رزقي هنحط صغير لها هيخلص لنا المسألة. نقول يجوز زلك ازا لم يكن هو اصل النية يجوز زلك ازا كان تابع لارادة وجه الله. بس خلص المسألة كده. سهلة؟ يجوز ان تنطوي بعملك الصالح. شيء من المنافع الدنيوية ازا غلب عليك ارادة وجه الله. فازا كانت المنفعة الدنيوية بس هي الدافع العمل حائض. ازا كان الدنيوي هو الغالب عليك ففيها خلاف بين اهل العلم لكن الراجح ان هو برضو حامض. ازا كان الدافع الدنيوي اقل من الدافع اللي هو ارادة وجه الله والدار الاخرة. فالعمل ده صحيح ويجوز ولا بأس. لكن كلما صفت النية كلما كان عملك ايه؟ افضل لكن لو اردت بعملك ده شيء من المصالح الدنيوية لا بأس على الاطلاق لان ربنا نفسه هو حببنا في ايه؟ في زلك. النبي عليه الصلاة والسلام في الغزوات يقول من قتل قتيلا فله سلبه. السلب اللي هو الايه الهدوم اللي عليه والفلوس اللي معه اي حاجة معه ياخدها. فكان الناس بايه؟ بيشدوا حلو قوي لما يقول لهم كده يبقى ده هيخليني ايه افهم بعض الحاجات. احنا دلوقتي عاملين مسابقة قرآن. وعاملين لها فايز يجي اخ مسلا يقول لك لا انا مش هخش المسابقة دي. ليه؟ يقول لك ده حرام. ليه حرام؟ يقول لك احنا داخلين المسابقة دي علشان الجايزة ومش داخلين لله. نقول له والله حسب النوايا. لو ان واحد فعلا كان ناوي يخش المسابقة دي لله. والجايزة حمسته بس يدخل عادي مش حرام ولو اراد بالمسابقة دي وجه الله طبعا واراد الجايزة تبع لا بأس بأس مش حرام. لكن لو هو فعلا لم يحمله اصلا. يعني ما كان ابدا. هيفكر يعمل العمل ده الا فقط من اجل الايه؟ الجائزة. هي دي اللي ممكن يكون فيها ازا حسب النية نقول اللي داخل فعلا يجدد نيته ويصحح نيته ويجعلها لله ويخلي الجايزة دي بس مجرد دافع له ان هو يشد حيله اكتر فده لا بأس به. لا بأس به. تمام؟ واحد رايح يحج عشان هو بيحب الحج برضو مصلحة كل ما يسافر السعودية بيعمل ايه؟ بيعمل من شغله قال ليس عليكم جناح ان تبتغوا فضلا من ربكم. يبقى هو من احد دوافع ان هو بيحب يروح يحج كل سنة ان هو بياكل عيش. طيب نقول حامض نقول لا لو كان فعلا ارادة وجه الله هي الاصل عنده في الحج ده او في العمرة دي. وتابع زلك بيتاجر بيسترزق بتاع لا بأس ما فيهاش مشكلة. واحد رايح يحج يا عمالة قال لك ادينا بنحج وبرضو بناخد لنا ايه قرشين حسب نيتك لو نيتك وجه الله ابتداء يبقى عملك مقبول والايه؟ والدافع دوت هيبقى يعني يجوز لا بأس. فهمناها كده؟ سهلة؟ احنا قلنا ايه؟ قلنا الشرك في الايه؟ الرياء في التوحيد مع السلامة. الرياء في اي عمل تاني؟ الرياء اللي هو ارادة وجه الناس. لو كان في اصل العمل مع السلامة. لو كان جه طرأ عليك اسناء العمل. استرسلت معه يبقى فيها خلاف ما استرسلتش معه هيبقى فيها اجر. ارادة بقى ارادة الدنيا نفسها ازا كانت الدافع الوحيد يبقى العمل حافظ او غلبت عليك برضو العمل والله اعلم يكون حاضر. لكن لو كان وجه الله هو الاصل والمنافع الدنيا دي سبعة فلا بأس والعمل جائز ولك اجر فيه بازن الله تعالى. بعد كده بيقول لنا الشرك شرك الطاعة. ايه شركة طاعة دوت انك انت تسوي بين الله وبين احد من خلقه في الطاعة. بمعنى او تخليه اعلى كمان ان ربنا يقول على ده حرام انت مفروض تطيعه. فيجي واحد حاكم امير شيخ. يقول لك لا مش حرام هنخليها حلال فتطيعه وتترك طاعة الله. ده شرك. ده بيسموه شرك الايه؟ الطاعة. ان واحد يجعل هناك حكم موازي لحكم الله. ويأمرك به تروح انت تطيعه وتترك حكم الله تعتقد ان هو برضو ينفع نطيعه. زيه زي ربنا. يبقى ده شرك الطاعة الشرك ده هو اللي اللي نزل فيه الاية اتخذه احبارهم ورهبانهم اربابا من دون الله والمسيح ابن مريم. عدي بن حاتم كان نصراني دخل على النبي عليه الصلاة والسلام وهو بيقرا الاية دي. قال ما اتخذناهم اربابا الكلام ده مش صح. عايز يقول له ايه؟ احنا لا كنا بنركع ولا بنسجد لهم. فهم النصارى مش بيركعوا ويسجدوا للاحبار والرهبان. فالنبي عليه الصلاة والسلام قال له لا مش مقصود كده. قال له لم يحلوا لكم الحرام فاحللتموه خمر الخنزير؟ قال له صح. وحرم عليكم الحلال حرمتموه التعدد وزواج الخساوسة وزواج الراهبات. حرموا عليهم كل دوت. حرمتموه؟ قال له صح. قال فتلك عبادتك وفي رواية فتلك عبادتكم اياهم. انتم كده عبدتوهم. امال هي ايه العبادة غير كده؟ واخد بالك فلزلك من اطاع بهزه الطريقة او اعتقد ان يجوز للناس ان هي تعمل كده فهو مشرك بالله مسال بقى معاصر وهي مسلا المجالس التشريعية او او الديموقراطية احنا قلنا الديموقراطية دي بتنقسم قسمين في قسم اعتقادي وقسم عملي. القسم العملي اللي هي الايه؟ انتخابات. شوية ايه؟ شوية الاليات اللي بيعملوها ديت. دي مش موضوعنا لكن انا موضوعي في الفكرة الفلسفية للايه؟ الديموقراطية. الفكرة الفلسفية. يعني انا ممكن اوافق على الاليات. لكن الفكرة الفلسفية هي المشكلة عندي فيها وين الديموقراطية عند اللي عملوها معناها حكم الشعب للشعب. بمعنى ان الشعب يختار نواب وهم اللي ما يشاؤون. ثم يفرضوا على الناس هزه الاحكام هي دي المشكلة ان احنا المفترض حتى لو خدنا شيء من اليات الديموقراطية ما ناخدش ليه؟ الفكرة. الفكرة الفلسفية دي عندنا شرك ان احنا نخلي الناس نجمع نواب نحطهم في مجلس يلا يا اخوانا اللي ايه؟ احكموا بما تريدون. ها ايه الاخبار؟ الشباب تعبان اليومين دول الزنا ايه رأيكم نخليه حلال؟ موافق يا موافقين يا ريس. تمام تمام يلا ها ادي له. طب ايه رأيكم زواج متعة؟ يلا بنا. يلا يا ريس موافقين. طب الشباب خربان نقنن الخمرة موافقين يا ريس. طب التعدد مزعل الستات؟ تعالوا نحرمه. يا موافقين يا ريس. كل ده؟ لو حصل يبقى كفر بالله سبحانه وتعالى ان هم اعتقدوا ان لهم الحق ان يعملوا كده. ولا تقولوا لما تصف السنتكم الكذب؟ هذا حلال وهذا حرام لتفتروا على الله الكذب ام لهم شركاء شركاء شرعوا لهم من الدين ما لم يأذن به الله. يبقى لازم ربنا اللي مين؟ ربنا هو اللي ايه يأذن مش كده؟ الم تر الى الذين يزعمون يزعمون انهم امنوا بما انزل اليك وانزل من قبلك يريدون ان يتحاكموا الى الطاغوت وقد امروا ان يكفروا به. ويريد الشيطان ان يضلهم ضلالا بعيدا. يبقى انا ينبغي ان ان ان الناس ديت لو زنوا في نفسهم ان هم لهم الموضوع دوت يبقى يبقى هم مشركين. مش مشكلة فيهم بقى المشكلة في الشعب نفسه. لو حد من الشعب اعتقد فقد اعتقد ان يوجد ناس من حقهم يبقى لهم الصالحية دي فهو برضو يبقى مشرك زيهم. لان هو اعتقد حاجة في الايه؟ في الربوبية بقى مش احنا قلنا فاكرين الربوبية من معناها ان الله له الحكم؟ طيب واحد بقى اعتقد ان غير الله له الحكم. يبقى جعله شريك لربنا في ايه؟ في يبقى مشرك ولا مش مشرك؟ مشرك. لكن المجالس اللي فيها بقى ايه دساتير بتنص على ان المادة ان الشريعة الاسلامية هي المصدر الرئيسي للتشريع بتمنع من تكفير المجلس ان هي بتخلي له سقف مش هيقدر يعديه. فما يقدروش ان هم يشرعوا شرع مخالف لشرع الله. لان المادة دي بتمنعهم. هم بقى كافراد بيعتقدوا ايه ده مش موضوعي. بس انا فبقول ان المادة بتمنعه. ممكن يكون فيهم علمانيين ده مش موضوعي. لكن موضعي ان المجلس نفسه فيه قانون يمنعني من تكفيره واضحة دي لكن لو كان الدستور بينص على ان ما فيش اصلا شريعة وان الحكم اللي ليه للعقول والاهواء والدساتير الغربية يبقى هذا المجلس مجلس كفري يشرك بي فيه بالله سبحانه وتعالى. يبقى انا عندي شرك للحكم دوت شرك خطير جدا. ومن خطورته ان ان بعض الناس كمان بيعتقد ان الحكم ده افضل من حكم الله وانسب للعصر الحديس في القرن الواحد والعشرين من احكام الله سبحانه وتعالى. فدي كوارس طوام كبرى. يبقى لازم الانسان ينزه نفسه عن الاعتقاد دوت يعتقد ان الحكم الا لله. هيبقى انا دوري ايه؟ دوري انفز حكم ربنا. اجتهد فيه. هتقول لي طب ما احنا بنسمع كلام العلماء والعلماء بيقولوا لنا ده حلال وده حرام وبنطيعهم. نقول هناك فرق. العالم لما بيقول لك هو بيقول لك حكم نفسه ولا بيقول لك انا اعتقد يغلب على زني ان ده حكم ايه؟ حكم الله بينظر في الدليل ويجيب الكتاب والسنة ويجتهد. يقول لك والله انا ارى ان المسألة دي حلال. مش ارى يعني انا رأيي الشخصي ارى من خلال اجتهادي ونزري في الادلة الشرعية يبقى هو مرجعه هواه ولا مرجعه الادلة؟ مرجعه الادلة. يبقى انا لما بسأل عالم بسأله لان هو بيدلني على حكم فربنا مش بسأله عشان يقول لي حكم نفسه. مش زي الاحبار والرهبان. الشيوخ غير الاحبار والرهبان والرهبان كان بيقول من دماغه. النهاردة حلال بكرة حرام عادي عشان كده كانوا شركاء. لكن الشيوخ والعلماء مش كده. هو ربنا اللي قال لنا قال لنا فاسألوا اهل الذكر ان كنتم لا تعلمون. فاهل الزكر بيقول بحكم ربنا ايه في المسألة؟ لكن انا لو اعرف ان هو هيقول لي هيقول لي من دماغه ما كنتش سألته. مش كده؟ دي في فرق كبير. بعد كده بيقول لنا شرك المحبة شرك المحبة. والمراد محبة العبودية المستلزمة للاجلال والتعظيم والذل والخضوع التي لا تنبغي الا لله وحده لا شريك له. متى صرف العبد هزه المحبة لغير الله؟ فقد اشرك به الشرك الاكبر. فاكرين التفصيل في حبة اقولها تاني بسرعة. المحبة اربع انواع. اول محبة هي محبة الله ودي المحبة اللي لو حد صرفها لغير الله فقد اشرك. وهي المحبة التي معها كمال الطاعة. كمال الذل كمال الخضوع. كمال التعظيم. كمال الانقياد. اللي هو الحب اللي ما لوش مسيل. يعني ما ينفعش تحب حد زي الحب ده ابدا ابدا ما ينفعش. ما ينفعش ده اسمه حب عبادة لكن ما عدا ذلك ما يتسماش حب عبادة. ده الحب التعبدي. فهو لانه عبادة لا يصرف الا لمين؟ لله. ممكن تقول لي انا مش مستوعبة قوي بس انت كل واحد فينا فاهمها. يعني انا قلت لك دلوقتي انت بتحب ربنا زي ما بتحب مراتك؟ تقول لي لأ بس دي حاجة ودي حاجة. ايوة هي دي هي دي. انت فهمت كده تقول لي دي حاجة ودي حاجة. يعني ايه ما دي ما لهاش دعوة بدي حب ربنا حاجة حب مراتي حاجة تانية هي دي. عارف حب ربنا بقى اللي انت فاهمه ده؟ النوع ده من الحب ما يصرفش الا لله سبحانه وتعالى. اللي هو كمال الحب اللي هو ما فيهوش خالص ما فيهوش مجادلة. كله ذل وانقياد وخضوع وتعظيم. ده ما ينفعش يصرف لعبد ابدا يبقى ده النوع الاول اللي انا لو صرفته لغير الله يبقى انا مشرك. وهو ده اللي كان بيصرفه المشركين لاندادهم. ومن الناس من ومن الناس من يتخذ من دون الله اندادا يحبونهم كحب الله. هي دي المشكلة. ان هو كان بيحبهم زي النوع بتاع حب ايه؟ بتاع حب ربنا. طب الحب التاني حب الحب ده سميه حب الله. الحب اللي هو اللي هو بقى الشرك بنسميه حب مع الله حب ايه؟ مع الله. انك تحب حد زي حب ربنا دوت. الحب التالت حب في الله وده جميل وده مطلوب لان هو اصلا جاي بسبب حب الله نفسه. فانا لما باحب ربنا باحب اي حاجة بيحبها ربنا مش كده ربنا بيحب النبي عليه الصلاة والسلام اكتر حاجة يبقى انا لازم احب النبي عليه الصلاة والسلام اكتر حاجة احب الانبياء احب الانبياء يحب الصحابة حب اصحابه حب العمل الصالح حب العمل الصالح يكره السيئات بيكره تحب مكة بحب مكة. حب المدينة حب المدينة. انا ورا حب ربنا في اي حاجة. فده بيسموه حبي في الله. وده عمل صالح. وبيزود حبك لربنا وبيدل على حبك لربنا ما ينفعش انا احب ربنا وباكره حاجة بيحبها ربنا. يبقى انت ايه تضحك على نفسك. فاضل اخر حاجة اللي هي الحب الفطري الطبيعي اللي هو حب الزوجة. حب الاولاد. حب الام حب الاب. حب القريب. حب من احسن اليك. ده حب فطري طبيعي حب المال حب الديار حب المساكن حب الانهار البحار الحدائق الحاجات دي اي حد بيفطر على ايه؟ على حب الاشياء ديت. هذه الاشياء لا بأس ان تحب بشرط الا تتسبب محبتها في معصية الله فازا تسببت محبتها في معصية الله يبقى الجزء ده الزيادة حرام ما هو يا اما هو الجزء ده زيادة او ان جزء او حب ربنا نفسه اللي ايه؟ اللي قليل. ما هو انا دلوقتي بحب اولادي واحب ربنا. طب ولادي عمروني بمعصية فعشان ما ازعلهمش انا عارف ان هي حرام عملتها عشان خاطرهم. يبقى انت كده في حتة حرام عندك. ان هي حب الاولاد ادى بك الى معصية الله. هو ده مش شرك لان ده حب غير هو غيره. بس لان الحب ده ادى الى معصية فصار الحب ده نفسه معصية قل ان كان اباؤكم وابناؤكم واخوانكم وازواجكم وعشيرتكم اموال اقترفتموها تجارة تخشونها ومسكت ترضونها احب اليكم من الله ورسوله والجنة في سبيله فتربصوا ما ينفعش تحب حد اكتر من حب ربنا. حتى نفسك لان انت لو حبيت حد اكتر ما تحب ربنا يوم ما هيأمر هو ويأمر ربنا هتطيع مين؟ هتطيعه هو وبالتالي ما ينفعش. لازم يفضل حب ربنا هو الاعلى دايما. هتقول لي ما انت قلت لي ده حب وده حب. اه وده نوع وده نوع. بس الكمية لازم تبقى دايما حب ربنا كميته على نوعه اكتر من كمية التاني على نوعه هم نوعين مختلفين اه. بس الكمية بتاعة حب ربنا لازم دايما تبقى ايه؟ اكتر. عشان لما يتعارض امرين امر من المحبوب ده وامر من المحبوب ده دايما تقدم طاعة ربنا. فلو قدمت طاعة المحبوب التاني ده سواء كان مال او زوجة او اولاد يبقى اكيد عندك مشكلة اكيد عندك مشكلة في حب ربنا او انت بتحب الحاجة التانية دي بقى حب بزيادة قوي زي واحد بيعشق واحدة واللي تجيبه يمين تجيبه شمال صل ما تصليش احلق دقنك رب دقنك. هو معه في اي حاجة هذا حب محرم. لانه ادى الى نسيان طاعة ربنا سبحانه وتعالى. العكس الحب الفطري ده ادى الى طاعة. واحد بيحب زوجته وزوجته ست صالحة. فان هو بيحبها بقى بيصلي وبقى بيصوم وبقى كويس ما بيشتمش وبيبطل السجاير. فده الحب ده تحول الى عبادة. طاعة. واحد بيحب آآ والدته قوي. والدته ست صالحة وطيبة وقالت له يا ابني لازم تبقى كويس تلتزم. فادى حبه لها ان هو التزم. يبقى الحب ده بقى طاعة. يحب اولاده جدا. فابنه حفز قرآن ولا بابا وديني المسجد ورجعني واديني اصلي في المسجد فعشان ابنه راح المسجد ورجع وبدأ يصلي في الجماعة. فالحب ده بقى ايه؟ بقى طاعة. فممكن الحب الفطري ده يبقى لا اجر ولا وزر اللي هو ما بيعملش معك اي حاجة. وممكن يبقى معصية وممكن يبقى ايه؟ طاعة. فهمنا انواع الحب حب الله حب مع الله حب في الله حب فطري. فطري ممكن ما تاخدش عليه لا اجر ولا وزر. ممكن تاخد عليه اجر. ممكن تاخد عليه وزر زي ما قلنا اخر حاجة هنقولها النهاردة بسرعة وهي الشرك الاصغر. الشرك الاصغر. الشرك الاصغر ده هنقوله بسرعة ليه؟ لان احنا فصلنا فيه حاجات كتيرة قبل كده. الشرك الاصغر زي ما هو اسمه كده اصغر يعني لا يخرج من الملة طب حكمه ايه؟ حكمه حكم الكبائر خد بالك من حاجة. اشمعنى ان انا بقول شرك اصغر ان هو صغائر. فيه ناس بتربط بين كلمة اصغر وبين الايه؟ الصغائر. لا. هو شرك اصغر يبقى لما ياخد حكم هياخد حكم الايه؟ الكبيرة. مش الصغيرة ده شرك اصغر. واخد بالك؟ عامل ازاي اقول لك ايه؟ يقول لها يعني فيل صغير. جه في بالك ايه؟ فيل يعني برضو فيل يعني هو فيل صغير بس فيل. فايه شرك اصغر مش معنى كده ان هو ايه؟ ان هو صغير. لا ده شرك. شرك بس اصغر شوية. فهو كبير برضو ما تستهترش به. واحد يقول لك ده عم ده اصغر. فاكرة اصغر دي يعني ايه صغائر. لأ. الشرك اصغر يعني هو من الكبائر. انتبه انك تقع في الشرك الاصغر بيقول حكم حكم الكبيرة عادية ما هو احنا قلنا من الكبائر. ايه حكم الكبائر؟ الكبائر؟ من يفعل الكبيرة؟ ليس بكافر. خلاف بقى لاعتقاد الخوارج اللي بيكفروا بالكبيرة. اما اهل السنة فلا يكفرون احدا بالكبائر. لان الله تعالى قال ان الله لا يغفر ان يشترك بي ويغفر. ما دون ذلك طالما بيتغفر يبقى هو مش ايه؟ مش شرك اكبر والنبي عليه الصلاة والسلام اخبر ان الناس هيطلعوا من النار بعد ما يدخلوا فيها. وان ربنا ينزل لهم يقول اخرجوا من كان في قلبه مثقال ذرة من ايمان. نصف ذرة من ايمان فيخرجون خلقا كثيرا. فالناس هتطلع وهم اصلا عاملين كبائر. والنبي عليه الصلاة والسلام قال من قال لا اله الا الله دخل الجنة. فقال قال ابو ذر يا رسول الله وان زنا وان سرق قال وان زنا وان سرق. فقال ابو زر وان زنا وان سرق؟ قال وان زنا وان سرق فقال ابو ذر وان زنى وان سرق؟ قال وان زنى وان سرق رغم انف ابي زر. فكان ابو ذر ازا حدس بالحديس قال دخل جنة وان زنى وان سرق رغم انف ابي ذر. قاله رسول الله. فكان يقولها زي ما هي كده وخلاص عشان انا اللي ايه كنت قعدت ايه اقاوح شوية. فانا استاهل ان انا اتقال هي كده فكان بين الحديث بالايه؟ بالنص دوت يقول رغم انف ابي ذر فده دل ان لو مات المسلم وهو مصر على الزنا مصر على السرقة لكن موحد ممكن يتعذب طبعا في النار ولا يستهين بهزا الامر لكن مآله الى الجنة. فلو كانت مكفرة ما كانش طالع ابدا من الايه؟ من النار. مش كده؟ يبقى اعتقاد اهل السنة ان الكبائر لا تخرج صاحبها من الاسلام. طيب بيقول من امسلة زلك يسير الرياء. خد بالك بقى دقة الكلام. يسير الايه؟ الرياء. عايز يخرج به من اللي هو الرياء الايه كبير قوي ده اللي هو في التوحيد نفسه. في التوحيد نفسه. لكن يسير الرياء هو من الشرك الاصغر اللي احنا قلنا عليه وفصلناه انها اخوف ما اخاف عليكم الشرك الاصغر. قالوا الشرق الازهر قرار الرياء يقول الله تعالى يوم القيامة ازا جاز الناس باعمالهم اذهبوا الى الذين كنتم ترءون في الدنيا فانزروا هل تجدون عندهم جزاء كل الانسان ما شاء الله وشئت هذا من الشرك الاصغر. لكن الذي يصح ان يقول الانسان ما شاء الله ثم شئت. ما شاء الله وفلان غلط. ما شاء الله ثم شاء فلان. او يقول الانسان لولا الله وفلان. فضلا ان يقول لولا فلان فقط. كان يقول مثلا لولا الكلب لدخل اللص لولا آآ الانزار لسرقت السيارة. هذا الكلام خطأ او يقول لولا الله والانزار لولا الله والايه وصياح نباح الكلاب مسلا هذا ايضا الشرك الاصغر لابد ان يفرق لان الواو توحي بالايه؟ بالتسوية فلابد ان ان يكون هناك كلمة توحي بعدم تسوية وهي ايه؟ ثم التي تدل على الترتيب ده ثم ده يبقى ده اقل من ده. نقول لولا الله ثم الانزار ما شاء الله ثم شئت واضح؟ الكلام ده يا اخواننا كلام دقيق. لكن النبي عليه الصلاة والسلام بيراعي ان هو يؤدب الامة على التوحيد طبعا في انواع تانية من شركة الازهر ما زكرهاش على اعتبار ان هو يا اما زكرها يا اما هيزكرها. يعني ايه من الحاجات اللي زكرها وشرحناها قبل كده؟ الحلف بغير الله. ده نوع بس اتزكر قبل كده عشان كده ما قالوش تاني. تعليق التمائم تعليق الحظاظات الحدوة آآ الحلق. التطير كل ده هو قاله فمش هيعيده تاني. في حاجات من الشرك الاصغر ما قالهاش برضو بس حيقولها. وهي الكهانة والتنجيم. دي في منها ما هو شرك ازهر ومنها ما هو شركة اكبر. لكن هو عشان لسة حيقولها بعدين ما قلهاش هنا. فهو قال هنا الحاجات اللي مش هتتكرر. لكن اللي قاله قبل كده ما قالوش واللي حيقوله بعد كده ما قالوش. زي الحلف وتعليق التمام والتطاير والكهانة والتنجيم. كل ده من الشرك الاصغر. لكن هو ما قالوش على اعتبار ان هو فيه اجزاء منها قالها قبل كده. وفيه حاجات لسه ما جاش دورها. هيقولها بعد كده فما يلتمسش عليك ده الشرك الاصغر بس لا انواعه كتير بس هو اقتصر على الحاجات اللي هو ما قالهاش ولا هيقولها. بيقول الفرق بين الشرك الاكبر والاصغر مفهوم ان اللي مات على الشرك الاكبر لا يغفر له والشرك الاكبر لابد له من توبة. اما ازا مات الانسان على الشرك الازهر فامر الى الله ان شاء عزبه وان شاء غفر له. الشرك الاكبر محبط الاعمال الاصغر لا يحبط الاعمال الشرك الاكبر مخرج لصحيح الملة. الشرك الاصغر لا يخرج صاحبه من الملة. الشرك الاكبر صاحبه مخلد في النار ازا مات يعني عليه طبعا تحرم عليه الجنة اما الشرك الاصغر فكغيره من الذنوب يعني هو في مشيئة الله ان شاء الله عذب فاعله وان شاء غفر له. طيب احنا كده ايه فصلنا آآ مسائل كتير. علشان كده انتم دماغكم خلاص هتضرب. جزاكم الله خيرا. سبحانك اللهم ربنا وبحمدك. اشهد ان لا انت استغفرك واتوب اليك