السلام عليكم ورحمة الله وبركاته الحمد لله رب العالمين. له الحمد الحسن والثناء الجميل. واشهد ان لا اله الا الله وحده لا شريك له. واشهد ان محمدا عبده ورسوله. وبعد كان في شاب الشاب ده كان في يوم من الايام مع مجموعة من اصحابه وهم من الناس اللي ممكن نقول عليهم يعني كانوا تايهين تايهين اعني في طريقهم الى الله سبحانه وتعالى. فكانوا في اجواء زي اللي احنا فيها دي كللت سبعة وعشرين وهما ماشيين فعدوا وكل شوية عدوا على مساجد كتير. المساجد دي ناس بتصلي الناس فارشة في الشوارع وآآ شايف شباب رايحين والنساء ماشية واسر وبتاع كل شوية النظر دي قاعدة تضغط عليهم وتضغط عليهم. ففي واحد منهم قال وما الذي راحة فين؟ فالتاني قال له ايه؟ اصل دي ليلة سبعة وعشرين اللي هي سبعة وعشرين دي ممكن تبقى ليلة القدر وممكن مش عارف ايه وبتاع تيجي نصلي. قالوا خلاص نصلي واتفقوا ايه ان هم هيتسحروا فين بعد ما يصلوا معه الناس دي. فهو المجموعة دخلت وربنا كأن ارزقهم واحد بيطول. بالنسبة لهم طبعا هو كان بيقرأ جزء. النمط ده بيبقى بالنسبة له جزء ده يعني ايه احنا مسافرين النرويج لان آآ الواحد سبحان الله المفترض في الاوقات اللي زي دي يبقى شعاره ايهم اقرب شوف المساجد اللي ايه تسمعوا كلام الله. خلاص انت طول السنة بعيد عن الوحي. لكن دلوقتي لأ في عروض يقول لك بفضل الله بفضل الله عندنا مسجد بيخلص التراويح كله كله تمانية وسبع دقايق وعروض والتاني بيقول له لأ احنا عندنا بنخلص ايه؟ تمانية وخمسة. وتلاقيهم ايه؟ كله بيروح والكلام ده كله مرة في امام في هو امام اكبر مسجد عندنا مشهور في اللي هو ايه؟ التراويح الاتكاوية دي فبيقول لي آآ بقول له انت ليه ما بتسجلش؟ هو صوته طيب قال لي اسجل ايه؟ هو انا بلحق اقرأ ده انا بقرأ صفحتين ولو زودت مسلا عشان اقفل قصة ولا حاجة الاقي الناس قاعدة تبص لي كده من فوق لتحت وبتاع وايه بقى والمسجد بتاعه ايه ما شاء الله لا قوة الا بالله يعني قد المسجد ده عشرين مرة. سبحان الله الناس دي فيهم خير ان هم ايه؟ بيروحوا كده. بس هم عاوزين ياخدوا الاخرة كده ديليفري. على السريع. هو وفطرته قعدت تنقح عليه ازاي؟ لازم تصلي رمضان وكده. بس هو عاوز يلحق بقى ايه برضه ايه يعرفون كلا بسيماهم. هو عاوز ايه برضو شوية مسلسلات وشوية افلام وشوية حاجات وبتاع في عمل ايه؟ يقول له ده عامل العرض. المهم الشباب دول واخدين على الجماعة دي العروض دول. بس هو ربنا رزقهم بقى صوت طيب جميل قوي مسجد كويس. فسبحان الله دخل المسجد. فصاحبنا اللي بيحكي القصة دي بيقول ايه بقى دخلنا المسجد من هنا وبقينا نصلي. الكل بيعيط من جمال الراجل وبتاع وانا باعيط ده هو مطوع يا عم رجلي انت بتعمل ايه وهو مكمل وانا مكمل. وقولوا سبحان الله وانا مستني اي سغرة عشان فبيقول خلصنا اول ركعتين عاوز امشي ابص لزمايلي اختفوا. ما هو الدنيا زحمة موت. قلت طب انا هطلع اعمل ايه احنا متفقين انك في وقت كزا هنطلع نتصحح. طب انا هطلع يبقى فاقد دنيا واخرة. فقالوا خلاص خلينا في الايه؟ في اللي احنا فيه قل كنت استنى كده ايه اول ما يخلص الركعة الاولى وييجي يركع اروح انا ايه قايم. قولوا الموضوع ده دن وايه لغاية ما اخلص الوتر. ولما جينا في الوتر لقيته قاعد برضه ايه يدعي ويطول في الدعاء وكله يعيط برضو ايه اعيط وكل واحد الدافع بتاعه مختلف. سبحان الله! خلص وروح البيت كان مرتبط ببنت فافتقدته الليلة دي. انت عارف آآ في ليالي البدر ده بيفتقد فيها الانس فهي افتقدته ليلة القدر ما تطمنش علي. مش يمكن ما فاتتني الصلاة فالمهم فهو قال لها ده النهاردة حصل موقف رهيب. الموقف ده باختصار ده حصل واحد اتنين تلاتة واحنا في الجامع هات له جامع جامعية. لأ ما عاهدتك على هزا انا مش اتبعتك ومشيت معاك انك بتاع جوامع قال لا لا لا ده ليلة القدر وكده يعني الجماعة اللي هم ايه ؟ فهي شايفاه ان هو متغير. فهو بيقول طول مكالمة تقول لي بس انت متغير. انا من الزهق رحت قافل معه بقول بقى دخلت انام مش عارف انام فمش عارف ينام ليه بقى؟ بيقول هجم على دماغي سؤال. هي الناس دي كلها فاهمة صح وانا اللي فاهم غلط ولا العكس؟ هي الناس ديت عاملة عاملة وبيعيطوا عليها وانا الحمد لله سالك ولا انا اللي عامل عملة ما عنتش شايف. وباقول بقى وطول اللي مش جاي لي نوم. والاقي ايه ازان الفجر. وده كان اجمل ازان سمعه في حياته ان اول مرة يسمع ودنه متسلكة. فبيقول سبحان الله رحت اصلي الفجر كان ربنا رزقه برضو امام صوته طيب وبيدي كلمة. الكلمة دي بقى كانت بعنوان ايه؟ عائد الى الله وبدأ يتكلم على ايه؟ عائد الى الله. وانت هترجع امتى ومش هترجع امتى وبتاع. ومن يومها الشخص ده هو بقى المشاهير مواقع التواصل ومن الدعاة لمشاهير جدا. بس مش هنقول اسبوع. بس تقريبا تسعة وتسعين في المية من اللي قاعدين بيسمعونا ده كانت ايه؟ كانت بدايته. تستفيدي من البداية دي؟ حاجات كتيرة انا هعلق على حاجتين الحاجة الاولى انك اوعى تقول انا ما استفدتش حاجة من صلاة التراويح بتاعة امبارح. ده انا كنت بعيط على رجلي. لأ احيانا بتكون استفادات كتير جدا زي شحن الموبايل. انت ممكن تحط الموبايل في الشاحن وتشحن رصيد فمعاك رصيد المال يعني رصيد معنوي والرصيد الحسي الكهربا معك صح؟ ولا رنيت ولا ترن عليك فالموبايل عمليا انت ما استعملتوش صح؟ بس ايه فيه ايه؟ فيه آآ رصيد هتخرج برة هتحتاج المكالمة حد يكلمك هتتزنق هتلاقي الموبايل ده بيجي هو كده برضه. اللي انت بتعمله دلوقتي في رمضان هو كل ده الشحن ده مش شرط انك آآ اصل انا عياط اصل انا بكيت ما لقتش قلبي لأ انت بتصلي تراويح تقبل على القرآن لان الله بيحب العبادة دي في الاوقات دي. بس حبيبي حبيبي. طالما ربنا بيحبك انا موجود حتة بقى السمرة ما تعرفش السمرة دي ممكن تيجي لك فين ممكن تيجي لك في فتح في يوم من الايام ممكن تيجي لك رزق ممكن تكون ركز معنا يا عم كمال. ممكن تكون زوجة تخبأ لك في خدرها دلوقتي بسبب ايه؟ الركعتين اللي طولنا بك بهم دول فكل واحد ممكن يكون فيه خير هيصرف عنك مرض هيصرف عنك بسبب ايه؟ الحاجة اللي انت عملتها دي الحاجة التانية ودي بقى يعني هو خاطرة اللقاء يعني الفايدة التانية احيانا طب تزبط الموبايل بتاعك على الفجر على على وقت الدوام على اي حاجة. فيرن. المفترض على ما يرن تعمل ايه؟ تتجاوب معه. صح؟ فيه ناس تقوم وتقفل الموبايل. وتكمل ايه؟ نوم. انت رمضان مليان رنة التراويح بترن على قلبك. سماع له القرآن بيديك رنة. انك تشوف الناس في المسجد في وقت زي ده ما فيش مكان جيرانا تدخل تصلي العصر انا كنت باصلي امبارح العصر في ابو احمد حاجة كده يعني الناس دي كلها ما شاء الله لا قوة الا بالله بيصلوا الناس دي جم منين؟ تحس يعني اكبر من صلاة الجمعة يوم ما يجي يقول لك مسلا ده في حد مشهور جاي يصلي فدي كلها رنات بترن على قلبك. واحدة بترن على قلبك هنا وانت واحدة يعني عبادة يعني. فالصلاة دي بترن ودي والصاروخ اللي اتضرب ده بيرن خلاص؟ فكل دي رنات. انت هتعمل معها ايه؟ عشان تيجي يوم القيامة خلاص انت اقيمت عليك الحجج. الفكرة بقى فين؟ انك ما تطفيش الرنة دي. وانك ما ما تحاولش ايه تموتها. واعظ الله في قلبك اول ما يجي لك تجاوب معه. اول ما تلاقي المعنى ده على طول فتلاقي نفسك بتحفزك انك تعمل طاعة. على طول استجيب. مرة في التانية في التالتة هتلاقي نفسك ايه؟ بقى في خير كبير جدا. اتكلمنا عن اللي بيكون ماشي مكبا على وجهه. واللي ماشي سويا على الصراط المستقيم. العرب كانت لهم مسل جميل يقول لك فلان لا يعرف الجمرة من التمرة. التمرة ديت حاجة مصمطة كده انت تشوفها كده عادي الجمرة فيها ايه؟ فيها اثارة في نور. مين اللي يقبل على الجمرة ويسيب التمرة ويلعب فيها ويمسكها؟ الطفل صح؟ يقول ليه؟ يقول لك جاهد. مش عارف. اهو يمسك فيها. يروح ماسك في الايه؟ في الجمرة. فعم يمسك الجمرة. هيعمل ايه؟ هيعمل حازم لما يمسك الجمرة هيعيط صح؟ ويصرخ. انت عارف يعني ايه جمرة؟ يعني ولعة. حجر خلاص اشتد حرارة فاشتد الوهج بتاعه فقام ولع. فالطفل شايفه لمبة وبتنور وبتاع فيروح ايه؟ مقبل عليه. الشيطان احيانا بيوصلك الدرجة دي. بيديك يريك الاشياء على غير يسول لك ويمسكك السلك العريان. عشان اول ما تمسكه خلاص تحس بالكهربا راحت كل حاجة. وكل اما تشوف حد بيتكهرب قدامك ويموت يقول لك ايه؟ شايف؟ شايف اللزة اول ما مسكه ده انه يهتز كده صح؟ دي من نشوة الفرحة فيبقى انت شايف كل اللي بيشرب بيروح فين وكل اللي بيمشي مشي غلط بيروح فين بس الشيطان ايه يظل يسول ويزين. لو جبنا واحد زي الحاج محمود كده وهو غمنا. وخليناه يلف في المسجد كده ويلف في اوضته دقيقة كده وبعد كده نقعد نتحرك. هو دي اوضته وعارفها كويس قوي. هيعرف يهتدي في في الاوضة ويعرف فين المكتب وفين الكرسي وفين الكلام ده كله؟ مش هيعرف ليه؟ احنا غميناه دقيقة واحدة. فما عرفش صح؟ فيه ناس بقى كده بس فين ؟ في طريق ربنا. لان اه كل واحد منا له عين دورها البصر في عين في القلب دوره دورها البصيرة. احيانا بقى الشيطان بيعمل ايه بقى؟ يفقد لك البصيرة دي. يخليك ما تشوفش الحاجة وما تبقاش شايف الحاجة على حقيقتها. ودي من اخطر بقى الحاجات. ليه؟ لان اللي بيبقى ضرير اه بيتدرب والناس اتدربوا ازاي يقضي حاجته وازاي ياكل وازاي يشرب وبالتدريب هو عارف ان هو ضرير فبيتدرب. مشكلة اللي عنده عمل قلب ده ده عمى خفي. بيبقى عارف. بل احيانا بيبقى شايف نفسه ايه؟ مبصر. شايف نفسه ان هو صح. وان هو اللي فاهم كويس والناس كلها مش فاهمة حاجة. اخطر ما في هؤلاء انه يلقوا الله وهو اعمى. لانه اعمى كده حتى يلقى الله سبحانه وتعالى. فيحشر اعمى. زي ما كان اعمى في الدنيا. اعمى بصيرة. مش عارف. عشان كده دايما القرآن يأكد لك على مجموعة من الحقائق منها حقيقة الدنيا. حقيقة الدنيا. اعلموا انما الحياة الدنيا اه لعب ده لعب ولهو فخلي بالك وافهمها كويس قوي لان الشيطان هيلعب لك في الحاجة دي فالقرآن دايما بيديك عدسة مكبرة على امور كتير جدا في حياتك عشان تشوفها صح. يديك الدنيا ويقول لك الدنيا دي في الاخر انت تتعامل معها ان هي جسر يعديك لمكان تاني. الدنيا دي زي الحزاء بتلبسه عشان هتمشي في الطريق ده انا قرأت النهاردة علمت نفس ما احضرت. علمت نفس ما قدمت واخرت. صح؟ انت تعبي في جيبك. وتعبي في الشنطة بتاعتك. فانت تلقى الله تفتح افتح بقى اللي انت جاي به. فيه ناس هتيجي تفتح تلاقي مخدرات فيه مخدرات في الشنطة بتاعتك. كلام ليلي مع علاقات محرمة آآ رشوة آآ رضا آآ قطع ارحام عقوق والدين ازية جار خد بقى كل واحد ايه وهو داخل وقد خاض من حمل زلمة كل واحد على حسب هو شايل ايه الشيلة بتاعته سواء زالم نفسه ظالم غيره كله مقبل. والشيطان احد ادواره المركزية ان دايما يوصلك ان العمى ده هو ده نعم النور. لغاية ما يخطب الخطبة اللي ربنا قالها لنا لما قضي الامر لما كل حاجة انتهت واهل الجنة عرفوا مكانهم واهل النار عرفوا مكانهم. الشيطان هيقول ايه بقى؟ اه وعدتكم ده ايه؟ الحق لا اطاعه. امال لو وعدتكم بوعد ايه؟ اه باطل. رب العالمين وعدك وعدك حق. وعدتكم فاخلفتكم وما كان لي عليكم من سلطان. انا مش دمرتكم. الخطبة ديت احنا سمعناها؟ سمعناها في الدنيا ولا مش سمعناها؟ اه اسمعك في الدنيا الخطبة دي. في سورة ابراهيم ربنا زكر لنا ان الشيطان هيكون له منبر هينصب له منبر ويخطب خطبة. مين هيحضرها اتباعه اللي هيكونوا من اهل النار عافانا الله واياكم. هيخطبهم الخطبة ديت يقول لهم فيها ايه بعود الايام كل سنة وانتم طيبين وربنا يعيد عليكم الصلي. لأ امال هيقول لهم ايه ؟ وعدتكم فاخلفتكم وما كان وعدتك. قلت لك انت لو كلمتها كل حاجة هتهون وهتلاقي نفسك ارتحت. تقول لك انت مع اول سيجارة هتكح. بعد كده هتلاقي الراحة عارف شيخ الجمل بيدي الدرس ده؟ كان زيك برضه في البداية. سيجارة كح وبتاع وبعد كده بقى الدنيا وبقى بيدي دروس واخ فده انه يسول له يسول لك يسول لك حتى في الصدقات. يعدكم الفقر. فهو يقول لهم بصوا وعدتكم فاخلفتكم وما كان لي عليكم من سلطان. انا لا كنت انا شفته في يوم من الايام الشيطان ماسك مطوة كده ومسبت اتنين على القهوة يقول له يمين بالله قومت لاجيب لك الطحال شفت الشيطان عامل كده قبل كده؟ حد شاف شيطان ماسك حد كده؟ هو بيقول لهم لا لا ما انت انت هتعمل لي فيها ان انا بقى انا الشريف يعني الخسيس؟ لأ. انا بس دعيتك انت جيت. فلا تلوموني. طب ده انا بقى تقول الشيطان الشيطان وانت فين كان نفسك الامارة بالسوء؟ ما انت كان لك اخوك توأم وما استجابش لي. انت كان لك اخت توأم مستجابتيش فسبحان الله! فيخطب الخطبة الشديدة دي. فساعتها بقى الناس يعرفوا كويس قوي ايه الخداع اللي حصل. احنا قدامنا طريين لو قلت لك انت قدامك طريقين واختار طريق ما له الطريق مليان شلالات وجبال عليها ازهار وطريق كله وجميل وروائح الياسمين في كل مكان. والشمس ما شاء الله اشعتها كده يعني يكاد تخترق الغابة انت ماشي كده اشجار الغابة دي. والطريق التاني واعر. يمين وشوك. ومطبات ومنحنيات تمشي في الطريق لورا. الاول ولا التاني؟ ما فيش حد عاقل هيقول التاني صح؟ طيب بس فيه جزء انا ما كملتلوش. الطريق الاولاني ده بقى اصلا الكلام اللي انا قلته لك ده الحقيقة بتاعته بس الشلالات دي والكلام ده كله ده دي خدعة. ده فيه واحد بيلعب بالليزر فانت شايف ان فيه مية وبتاع والكلام ده كله. ودي اصلا حقيقة لا ليزر لا شلالات ولا حاجة. واخر الطريق ده مجموعة من البلطجية. وجمبهم بير فيه ولعة بعد ما بياخدوا منك كل حاجة بيرموك في البير. الطريق التاني ده بقى اللي انت شايفه شوك ده هو مش شوك ولا حاجة. ده ده نوع من انواع النباتات النادرة جدا جدا. وهو ده اللي ايه؟ اللي حوالين الطريق. الاحجار اللي انت شايفها دي ده احجار كريمة حاجة غالية جدا واخر الطريق ده قصور وانهار. اول ما تعدي المنحنى ده تمشوا في الطريق الهودي. هتختار التاني صح؟ طب ليه في الاولاني اخترت الاول؟ لانه كان مزين. هو ده اللي بيحصل في الدنيا. النبي صلى الله عليه وسلم قال لنا ايه؟ حفت الجنة بالايه؟ يعني ايه بحفت؟ يعني حوالينها. عارف كده ان الملائكة بتجلس على حافة المجلس حوالين المجلس كده فحفت الجنة. يعني الجنة دي النبي صلى الله عليه وسلم بيقول لنا زي القصر كده. حواليه ايه؟ مكاره. فتيجي تبص بص على الجنة انت مش شايف شايف ايه صلاة التراويح طويلة شايف مش عارف سماع كلام والدين شايف انك تسيب اللي في ايدك تقوم تصلي شايف انك مش تهز بشهواتك مكاره مكاره انت مش شايف الجنة. وحفت النار بايه؟ بالشهوات. النار الولعة البركان ده محاط بايه؟ بشهوات. فانت مش شايف اللي ايه؟ فيه بنت جميلة قاعدة تقول لك وبعدين معك انت سبني كمان في رمضان طب انت شيطانك مربوط وكنت دايما في شعبان تقول لي انا مش فاطر دلوقتي شيطانك خلاص بقى ساعدني طيب عشان احنا كلنا احنا الاتنين نطيع ربنا مع بعض فتلاقي الطريق ده ظاهرا مليان بس انت مش شايف النار. هو الشيطان بيعمل كده. هو ربنا سبحانه وتعالى لو كانت اوامره ونواهيه آآ يعني تنسجم جدا وتقبلها الفطرة اقبلها النفس هي تنسجم مع الفطرة لكن النفس النفس امارة. فلو النواهي كالاتي يعني لو في واحد كده قال لك ايه؟ هل انت ان والدتك بتتعب معك عشان تقول لك يا ابني ما تشربش من مية المجاري. يا ابني ما تاكلش من اللحمة المعفن يعني انت ممكن حد يتعب معك ان يقول لك كده! ولو حد تعب معك يبقى انت فيه مشكلة معك. يعني لو انت فعلا مستني حد يقول لك الكلام ده فسل الله الطهر. هل في حد ممكن نتعب معه؟ نقول له ما تاكلش لحمة معفن ما تشربش ماية المجاري الكلام ده كله لا صح؟ اه. طب ايه اللي يحصل؟ لو هي مية مجاري فعلا احيانا يعمل فيها ايه؟ يحطها لك في علبة كنز ماشي؟ ويحطوا لك مكسبات كده فيها مغيرات للرائحة ويعمل لك اول ما تيجي تفتح برضه فانت تحس الدشة ديت مع الريحة برضه وتقول ايه لأ بس فعلا احسن من الميرندا. خلاص تيجي ودتها تقول لها ايه ؟ تاني تاني ما جري برضه تقول لها يا امي والله ما مجاري. طب بصي شمي يا ابني ديت دي حاجات مضحوك عليك بها. هو ده اللي بيحصل. ان الشيطان بيعمل كده معنا. ييجي على باب المكاره يعظمه لك. يقول لك انت خلي بالك ده الصلاة دي صعبة انا مش شايف الناس اللي بتصلي دي بتصلي ازاي وبعدين اهم حاجة ايه قلبك طالما قلبك جواه ابيض وبتحب ربنا مش شرط تصلي. ولا ولا شورت الجموس في مصر طالما جواك ابيض والشيطان يبدأ يقنعه ان هو ما بيصليش. ولا بيعظم دين ولا بيقرأ وحي ولا اي حاجة وقلبه ابيض شف الشيطان ممكن يوصله لدرجة ايه ؟ فنسأل الله العفو والعافية. فايه اللي بيحصل بقى ؟ اللي بيحصل ان الشيطان يمسك لك باب الشهوات دي ويبدأ يطليها. ايه ده انه ايه؟ يجملها ويدهنها لك كده ويديك لون جميل فانت تشوف كده القصر ده جميل وحقيقة ده باب الشهوات. كل باب من ده تيجي تفتحه وراه ولعة. وانا قلت المسل ده قبل كده لو في واحد قال لك البنت الجميلة دي اللي انت حاببها اوي دي. براحتك اقعد معها اسبوع. خد راحتك خالص. بس بعد ما تخلص اه بص كده على الفرن ده فبصيت كده لقيت فرن زي فرن الحديد والصلب. قال لك شايف الفرن ده انتم عارفين الفرن ده جه في يوم من الايام كده في واحد عامل وقع فيه ربنا عافيه. قفلوا على طول وقفوا الايه؟ الفرن. دوروا عليه مش لاقوه داب عارف كان فيه وخلص داب بقى. قام ده دي نار. امال بقى لو سبعين ضعف النار دي يبقى ايه؟ هي دي نار الدنيا. نار الايه؟ نار الدنيا جزء من سبعين جزء من نار الاخرة. فاستشعر بقى راح قال لك بعد ما هتخلص مع البنت دي انت هتقعد هنا بشهرين. في الفرن ده تخش وتغامر لانك عرفت الحقيقة المرة. وعرفت فعلا الحاجة الصعيبة. عشان كده تصبر. عشان كده الحل الوحيد مع الشهوات هو الصبر. الصبر ده هنتكلم فيه المرة الجاية ان شاء الله مع العدو التاني. والصبر الاساسي هو صبر على الطاعة وعن المعصية. اما الصبر على الاقدار انت مضطر له. واحد ابنه مات هيعمل ايه يعني؟ عشان كده صبر يوسف العالي لما صبر على امرأة العزيز ولا لما صبر على اخواته؟ اترمى في البير وآآ اتباع ده بايده مش بايده من غصب عنه. لكن امرأة العزيز شاب جميل. وفي الاصل وهي اللي بتدعوه وبترغبه هنا الصبر بتاعه كان اعلى بكتير. صح؟ ولذلك ابرزه الله سبحانه وتعالى فالحل مع العدو ده اللي هيضيع لك الحياة الطيبة هو عدو. الشهوات دي انك العدو العمى القلبي ده اللي الشيطان بيشتغل عليه انه يريك الاشياء على غير ما هي عليه. ابن عقيل له كلمة جميلة جدا. يقول لك ان الشيطان يري الانسان الامر الذي لا يقدر عليه على غير ما هو عليه. هو شايف بنت في الشارع. لا تحل لا يقدر عليها فيريه بقى يقول بص دي سر سعادتك. هي دي اللي فيها الشفا. هي دي اللي بتبحس وهي دي وهي دي وهي دي. يريه ما لا يقدر عليه على غير ما هو عليه. ييجي واحد يقول له والله خلص لي المصلحة ديت وبتاع وهو في مصلحة حكومية. وهديك كزا فيريه الامر ده على غير ما هو عليه. مش يوريه له ربا. يقول له بس. هو ده القسط بتاع نانسي. اللي مزنوقين فيه خش السجن بسببه. وهو ده اللي ان شاء الله بسببه محمود هيتجوز. وهو ده اللي هنجيب به مش عارف ايه. وهو ويا اخي ربك عارف حالك. عارف خلاص وصلت تمانية وعشرين سنة والله عارف اللي جواك وجوة قلبك جواك نار. خلاص؟ فيريد الشيطان يقول لك ايه؟ ده رزق طيب. ونعمة المال ده للراجل الصالح. وانت هتاخده هتعمل به ايه؟ امبارح بعد صلاة التراويح حد سؤال بيقول لي اعمل ايه مع اهله؟ بيتاجروا بعرضهم بحجة عشان الفلوس يقول لي اعمل ايه؟ والناس يقولوا ايه ما تخربش بيتك. قلت له يا ابني ده اتخرب. هو لسة ها! سبحان الله! فديت ايه اللي وصلها؟ شف الشيطان وصل لها ايه؟ اكل عيش. هنعمل ايه؟ فنسأل الله العفو والعافية. فالشيطان دوره انه يوصل الناس الكتير على قد ما يقدر ان يكون فيه عمى في الداخل. والعمى ده يكون مخفي تظل هكذا حتى تلقى الله بدون بصيرة. وتيجي لك رنات كتير انها تصحيك وانت اللي بتقفل الموبايل. فاستسمر رمضان ان شيطانك مصفد صفدت الشياطين والرنات شغالة منبهات شغالة سواء في التراويح سواء في القرآن سواء في الطاعة تفطير صائم صلاة مغرب مش عارف ايه استثمر وادعي ربنا واكثر من الحوقلة لا حول ولا قوة الا بالله والصلاة على النبي صلى الله عليه وسلم. وادعي ربنا. قل له يا رب انا عاوز الحياة الطيبة يا رب انا عاوز يتقال لي طبتم فادخلوها خالدين. انا مش عاوز الحياة اللي مليئة ايه بالايه؟ بالبعد عنك. الله سبحانه وتعالى اذا فيما وراء منك الصدق لا يردك ابدا. فنسأل الله ان يرزقني واياكم الصدق وحسن العمل وحسن الخلق وحسن الختام. اقول قولي هذا واستغفر الله لي ولكم