يعني ايه تبارك اسمك؟ كلمة جبارة ان كل اسم من اسماء ربنا هيملى حياتك بركة. هيملى حياتك البركة لخير البارك الخير اللي ما بيتحركش ما بيتشلش هيملى حياتك خير ممتد ومستمر يملى قلبك وقلبك بالامان والسلام. والاحساس بالسكينة والاطمئنان. تبارك اسم كل اسم من
اسماء الله الحسنى ان ربنا يعلمك اسم من اسمائه اغلى من ان ربنا يديك ملايين الدنيا. ان ربنا يعلمك اسم من اسماءه تدعوه به ساعة الزنقة. اغلى من انه ربنا يديك رقم تليفون اغنى ملياردير في الدنيا او اعلى مسؤول او اعلى ملك في الدنيا. لان ربنا مش اداك رقم تليفون بقى. ده ربنا اداك
وسيلة اتصال مباشرة تدق بها ابواب السماء وابواب خزائن الله سبحانه وتعالى. اسماء الله الحسنى هي اعلى ثروة في الدنيا. معي النهاردة خمس اسماء يا جماعة كل اسم منهم كافي انه يغير حياتك. الاسم الاولاني اسم الاكرم. اسم الله الاكرم. يعني ايه الاكرم يا جماعة؟ الاكرم يعني افعل تفضيل يعني اكرم من غيره
الناس كلها وربنا اكرم من الجميع مش بس كده يا جماعة. صيغة افعل اللي هي اكرم بتيجي لما يكون في صفة ملازمة لا تغادر الانسان ابدا. يقول لك فلان اهتم يعني ما بيعرفش يتكلم كل كلامه فيها تم. فلان احدب يعني ما يعرفش يبقى مفرود. آآ فلان اعور يعني على طول هو رايح صفة
ملازمة لا تنفك عنه يبقى يعني ايه الاكرم؟ اللي كل افعاله فيها كرم، اللي صفة الكرم لا تنفك عن كل فعل من افعاله. كل افعال الله مليانة كرم كل حاجة حتى الابتلاءات. كل حاجة ربنا بيعملها معك فيها كرم. كل حاجة كريم يا جماعة. وده الاسم التاني بقى بعد الاكرم. الاكرم اللي كل
افعاله فيها كرم. ازاي تحبه؟ الاسم التاني الكريم على بابك يا كريم. اه لو نعرف كرم الله. اه لو تتشوف قلوبنا ونفوسنا وتتلهف على باب كرم الله. ربنا كريم قوي. يعني ايه الكريم؟ الكريم عكس اللئيم. اللئيم من الاكتئاب. لما اجيب معدنين والئمهم ببعض. يبقى اللئيم مخلط
فان معدنهم الصافي. اللئيم اللي ممكن ساعة زنقة تروح له يبيعك ويتخلى عنك. يبقى اللئيم ما تضمنش رد فعله. ممكن يعمل لك اللي انت عايزه وممكن ممكن يبقى طيب ساعات وممكن اصله الوحش يطلع عليه ويقلب عليك. ولله المسل الاعلى ده البشر. امال الكريم الكريم بقى في البشر اللي بعدنه صافي
يبقى يبقى لما ربنا يسمي نفسه الكريم. الكريم ولله المثل الاعلى. الكريم اللي ما فيش حاجة اسمها ما تضمنش رد فعل. ما تضمنش ربنا يعمل معه ايه في الازمة دي هيقف معي ولا
معي. اللي مستحيل هتروح له وهيبيعك. مستحيل هيتخلى عنك. مستحيل مستحيل اللئيم ما تضمنش رد فعله ساعة الزنقة. الكريم مستحيل مين يبيعك ولا يتخلى عنك ولا ولا تبقى انت مزنوق وبتخبط على بابه ويعمل مش سامعك ولا تبقى انت ملهوف عليه ويعمل مش واخد باله منك. لو واحد كريم وسائل
في الحر وانت واقف في محطة الميكروباص عرقان وهو الازاز مشبر من التكييف ما يعملش انه مش عارفك ولا شايفك. ويعمل انه مشغول في الطريق. الكريم اللي لا يمكن يبيعك ولا يتخلك
عنك الكريم والكريم اللي بيدي بكرم. اللي بيدي بكرم سبحانه وتعالى. هم سموا العنب زمان كرم ليه؟ لان العنب بيتعصر بيطلع خمر. والعنب نفسه جميله والعنب ما فيش فيه بزر تاكله ما يتعبكش لا بزر ولا قشر ولا تقشير ولا بهدلة والعنب بيطلع عناقيد يعني مش بيطلع بالحباية بالمية حباية بالمتين حباية بالتلتمية حباية
والعنب شكله جميل والعنب لونه جميل والعنب ريحته جميلة. فسموه في الاخر الكرم. ليه؟ هو ده الكرب. فالنبي عليه الصلاة والسلام قال انما الكرب قلب المؤمن. قلب المؤمن العنب لما يتعصر يطلع خمر فسموه كرم. قلب المؤمن كل ما تعصره الابتلاءات يطلع خير. ويطلع يقين ويطلع توسل بالله. فقلب المؤمن هو الكرم الحقيقي. يبقى
الكريم اللي بيدي اللي بيدي كل حاجة بيدي كل حاجة مع بعضها زي ما العينة بتسمى كرب لان العنب بيدي كل حاجة مع بعضها. ربنا الكريم ربنا بيدي كل كل حاجة الاسم التالت الحليم. الحليم ده اسم جميل اوي يا جماعة. في كلية طب يعني شفنا الاساتزة لما استاز كبير يتعين نايب جديد في القسم
والاستاز مسلا يحتاج مسلا كوباية شاي ونام ما يعملها لوش. يحتاج كوباية قهوة والنائم ما يعملهالوش. يحتاج مشوار النايب ينزل الساعة اتنين بالليل في المستشفى يطمن على حالة تبع الاستاز الكبير
والنبي ما يعملهاش. يقوم الاستاز يستفز. يقوم يقرر ينتقم منه في الدكتوراه. يقوم يطلع عينيه في الدكتوراه ويخليه يسقط تلات مرات. ليه اصل انت اليوم الفلاني طلبت منك طلب وما عملتيش. اصلك ما بتعمليش شاي. اصل يبقى الحليم عكس الحلم ايه ؟ عكس الحلم الانسان اللي هو يقول لك هتعورني
هعورك واشلفط لك منزرك. كان اغنية شعبية زمان كده تعورني اعورك. هتستفزني هاستفز هتزعلني هاغضب. اومال الحليم الحليم هتستفزني مش هزعل. هحلم عليك. هتعمل الغلط مش هغضب. مش هغضب عليك لما هتغلط. مش هسخط عليك لما هتجرم. مش مش هغضب
منك لما تديني ضهرك ده الحليم. الحليم اللي لو انت غلطت مهما غلطت برضه حلمه هو الغالب سبحانه وتعالى. واللي هيحلم هيحلم عليك مهما كانت اخطاءك ومهما كانت سزاجتك في معاملته ومهما كان اعراضك ومهما وبرضه يحلم. فيه ناس تابت في حجرة الزنا. ربنا بعت لها ليدعوها الى الله
حجرة الزنا حليم. حليم سبحانه وتعالى. الاسم الرابع. الاسم الرابع اسم الوهاب. الله! الوهاب دا يا جماعة. يقول لك آآ يعني مسلا امريكا بتدي معونات مسلا اتنين مليار لمصر سنويا هبة هبة ليه لا هي مش هبة ولا حاجة ده مقابل حاجات والبضاضة يقولوها اتنقل هبة
ان انا اديك بدون مقابل وبدون سبب. عشان كده سيدنا زكريا بيقول يا رب هب لي من لدنك وليا. انا يا رب لا انا بخلف ولا مراتي بتخلف ولا ينفع نخلف. هبها من عندك يا رب
الوهاب اللي يديك وانت لا تملك اي سبب انك تاخد. ما عندكش اسباب. هتحتاج الوهاب لما يكون معكش اسباب. هتحتاج الوهاب لما يكون في حاجة نفسك فيها اوي ومتعلق بها اوي وما فيش فيها اي اسباب في ايديك. عشان كده يهب لمن يشاء اناثا ويهب لمن يشاء الذكور. يهب هو انت فكرك ان جماعك
مراتك ده سبب انك تطلع عيل! هو انا لو جبت عربية مرسيدس جنب عربية يا اما هيطلعوا لي عربية جاكوار! هو يا جماعة سبحان الله العظيم ده معجزة من ربنا! يهب
في الوهب لما تكون انت لا تملك الاسباب بس نفسك في الحاجة. نفسك في الحاجة ومتعلق بها اوي الوهاب. عشان كده يقول لك آآ آآ الشخص ده موهوب يعني ايه موهوب
المواهب الزكاء موهبة الابداع موهبة الفن موهبة القدرة على التخطيط موهبة فيه حاجات مواهب كتير اوي تلاقي وعي الشخصية شخصية موهبة الكاريزما موهبة الشعر موهبة الادب موهبة حتى لعب كورة ورياضة واحد ربنا خلى بس رجله بتعرف تلعب كورة
بسرعة بياخد مليارات عشان ايه موهبة. مواهب ربنا هي اللي مخلياك عايش. موهبة زكاء ربنا اللي اداه لك موهبة الزكاء هي اللي خلاك تدخل كلية طب موهبة الجمال هي اللي خلتك تتجوز بازن الله سبحانه وتعالى. موهبة الشخصية الحلوة هي اللي هي خلت الناس تحبك. كل سبب خير في حياتك بسبب الوهاب. ان الوهاب
وهبك. الوهاب لما كانش وهبك كنت زمانتك غلبان محروم. ما انتش للسائل والمحروم. كل زمانك محروم. مستني الصدقة من اي حد او حد يساعدك. اللي رفض المواهب اللي الوهاب ادها لك اوعى تستكبر. لانك انت صنعت الوهاب. انت صنعت ربنا. انت يقول لك فلان صناعة امريكية. انت صناعة ربانية. اللي رفعك ربنا واللي كرمك ربنا
اللي حبب الناس فيك ربنا بسبب مواهب ربنا ادا لك حتى اكل عيشك. حتى الشغل اللي انت بتشتغله ده بسبب ان ربنا اداك موهبة انك بتعرف تعمل حاجة. فالحاجة دي طلعت بتجيب فلوس ربنا
الوهاب اسم جبار يا جماعة. الاسم الخامس من الاسماء اللي ممكن تغير حياتك المعطي. المعطي المعطي ده بقى بيقول لك يعطي بالسبب ويعطي بدون سبب. لو بدون السبب يبقى الوهاب. المعطي ده بقى عارفين موقف حاتم الاصم لما راح يحج وساب مراته وولاده تعبانين وفقراء وهو نفسه فقير وتعبان وجعان يعني. وساب مراته
تعبانين فجه امير فرمى لهم كيس دنانير دهب اغتنوا في لحزة. اهو ده المعطي بقى يا جماعة. كيف لو نزر لنا الله؟ المعطي اللي عطية واحدة منه تنقلك نقلة من استاندرد لستاندرد ليفل تاني. المعطي اللي ينقلك في لحزة. المعطي اللي ينقلك من مستوى لمستوى تاني خالص. عارفين
لما بيقول في مسل شعبي كده يقول لك فلان آآ ربنا حوش له رزقه. فجأة فتحت عليه من وسع. يا عم ده كان فقير وكان غلبان. لي واحد قريبي يعني
كان يعني بسيط جدا ماديا يعني نزل تركيا مع واحد صاحبه لقى حتت حديد كده مرمية مترمية خردة روبابيكيا يعني. فبيقول لهم ايه ده! آآ قالوا له ده حاجة مرمية
يعني زيادة التصنيع عندنا وبتترمى. فبيقول لي انا ساعتها قلت يا نهار ابيض دي بتتباع بعشر تلاف جنيه عندنا في القرى في قرى الفلاحين عشان بيتحرت بها الارض اشطبوا على اهالي. يا عم خدها برخصة تراب. جه هنا استوردها باع بقى مليونير. بقى مليونير بايديه عطية من ربنا. ربنا عطية بس كده عطية
المعطي المعطي ربك لما يريد بقى. ربك لما بيعطي بقى. في مستواك الاجتماعي يتغير. مستواك الاقتصادي يتغير. مستواك العلمي يتغير. ربك لما يديك دكتوراه هو ربك لما يديك جايزة نوبل ربنا يدي وربنا ما بيديش ربنا بيعطي. سبحانه وتعالى ربك لما يديك زوجة جميلة طيبة تصونك ربك لما يديك بقى زوج
يفرح قلبك دنيا واخرة. ربك لما يديك عربية. ربك لما يديك. ربك لما يديك ثغر من صغور الدعوة يستعملك فيه. ربك ربك لما يعطيك العزة في الاسماء الحسنى او في القرآن ربك لما بيعطي ربك كريم كريم كريم. خمس اسماء سريعا كده احنا على محطة قطر. فكرتنا بمحطة القطر بالدنيا. دنيا
الدنيا عاملة زي محطة القطر كده القطر بيعدي في لحزة واللي على المحطة بتتغير وشوشهم على طول واللي بيركب واللي بينزل دنيا محطة القطر دي يفكرك بالدنيا محتاجين نعرف ربنا. هو ده السبات والاستقرار اللي في حياتنا. كلمني عن خمس اسماء ها الاكرم الكريم الحليم
الوهاب المعطي اللهم احي قلوبنا بمعرفتك تبارك اسمك. وتعالى جدك عز جارك ربي. اللهم احي قلوبنا بمعرفتك. اللهم احي قلوبنا بمعرفتك سبحانك اللهم وبحمدك اشهد ان لا اله الا انت استغفرك واتوب اليك