بسم الله الرحمن الرحيم الحمد لله رب العالمين والصلاة والسلام على نبينا محمد وعلى اله وصحبه ومن اتبع هداه الى يوم الدين قال رسول الله صلى الله عليه وسلم ومن سلك طريقا يلتمس فيه علما سهل الله له به طريقا الى الجنة فنسأل الله سبحانه وتعالى ان ييسر لنا طريق الجنة ونسأل الله سبحانه وتعالى ان ينصر اخواننا المستضعفين في كل مكان وان ينصر اخواننا في غزة وان يسدد رمي المجاهدين نسأل الله سبحانه وتعالى ان يكتب لهم النصر اللهم اعنهم ولا تعن عليهم وانصرهم ولا تنصر عليهم وانكر لهم ولا تمكر عليهم وانصرهم على من بغى عليهم اللهم احفظهم من بين ايديهم ومن خلفهم وعن ايمانهم وعن شمائلهم ومن فوقهم ونعوذ بعظمتك ان يغتالوا من تحتهم اللهم قاتل الكفرة الذين يصدون عن سبيلك ويكزبون رسلك ويقتلون اوليائك اله الحق في مجلس اليوم بازن الله نستكمل الكلام عن اسماء الله الحسنى اه كنا المجلس اللي فات اتكلمنا عن اسم الله الرب سبحانه وتعالى كنا في المقدمة بنتكلم آآ يعني بنقول كلام اهل العلم في فضل التعرف على الله سبحانه وتعالى. وده ده يا شباب اعظم غاية واعظم هدف واعظم نعمة ان الانسان يكون فيه آآ في حياته منشغل بالتعرف على ربه سبحانه وتعالى يعني احسن حاجة انت تعملها ان انت ان انت تستعد بالنظر في كتاب الله سبحانه وتعالى وفهم الاسماء والصفات وتشوف ثمرات ده على على حياتك نجيب كتاب من كتب اسماء الله الحسنى ويبقى ليك ورد ورد ثابت في القراءة فيه الاسماء والصفات زي ورد القرآن زي ورد السنة يبقى انا انا لي حال في الباب ده. انا بجتهد فيه بقرأ فيه اسماء الله الحسنى مش بس مكتفي ان ان يكون لي مسلا مجلس بسمعه في الاسبوع وده شيء جميل لكن انا محتاج ان انا اشتغل يعني مين من من المجلس من بداية المجالس قرر ان هو يبدأ مسلا يقرأ كتاب اه زي كتاب هنيئا لمن عرف ربه مثلا من جزئين لدكتور خالد ابو شادي ربنا سبحانه وتعالى يفك اسره آآ في كتاب جميل للشيخ عبدالرزاق البدر اسمه فقه تقرأ الاسماء الحسنى اه وكتاب ولله الاسماء الحسنى وسلاسل اللي موجودة في سلسلة جميلة شرح الاسماء والصفات للشيخ خالد السبت ربنا يحفظه ويبارك فيه سلسلة جميلة فمين اللي بدأ؟ يعني مين اللي قال ايه؟ انا انا مش هكتفي بس بمجلس واحد في الاسبوع ان انا اسمع عن ربنا سبحانه وتعالى لا انا عايز يبقى بشكل مستمر يومي وده ده الهدف يعني ده الهدف الاعظم في المجالس لان في الاخر مهما كان مهما كان الانسان مسلا بيجتهد ان هو يحضر ومهما كان في الاخر مش هيقدر ده كلام عن ربنا سبحانه وتعالى فمش هيقدر ان هو آآ يوصل المعاني كلها فلازم انت تسعى ان انت تتأمل في ايات الله سبحانه وتعالى ويكون لك انت مجهود شخصي ان انت دينك ودي اعظم غاية واعظم هدف الانسان يعيش عشانه كانوا كانوا العلماء يقولون ان معرفة اسماء الله تعالى وصفاته تلم شعث القلب وتفتح العبد افاقا واسعة للتلذذ بالطاعة والعبادة وترفع حجب الغفلة والشك والاعراض فمن كان بالله اعرف كان منه اخوف والى حبه اقرب وعن معصيته ابعد وفي رجاء رحمته اطلب ومجلس اليوم ان شاء الله نتكلم فيه عن اسم من اسماء الله واسمه يعني محبب اليه اه سبحان الله اه الاسم ده اثره عليك اللي انت عايز مسلا توصل له اللي احنا عايزين هدفنا يعني في المجلس ده والمجلس اللي جاي ان شاء الله ان اثر الاسم ده عليك ان انت تحب ربنا والمعنى التاني ان انت تجتهد في العمل الصالح والمعنى التالت ان انت تتعلم اه مفهوم الشكر هنتكلم ان شاء الله في مجلس اليوم عن اسم الله الشكور سبحانه وتعالى والشكر اصل اصل الكلمة في اللغة اللي هو الشكر الثناء على المحسن بما اولاكه من المعروف. يعني العلماء بيعرفوا الشكر كده الثناء على المحسن بما اولاكه من المعروف يعني انسان احسن اليك عمل لك معروف فانت تقابل هذا الاحسان بالشكر ثناء واحد مسلا آآ عمل معك موقف كويس قدمك اسدى اليك معروفا فانت تقابل هذا الاحسان بالثناء بالشكر. وده الشكر قال اه شكره وشكر له يقول شكر فلان وشكر لفلان فده المعنى اه معنى الكلمة في اللغوي والعلماء يقولون مثلا اه ان معنى الشكر ده معنى الزيادة في معنى الزيادة والنماء يقولون دابة شكور ارض شكور دابة شكور او شكرت الدابة يعني ايه شكرت يعني اكلت اخدت مسلا علف قليل وآآ يعني بقى سمنة بقى وبدأت تطلع انتاج لحم ولبن وكزا على العلف القليل ده يعني الدابة لما تقابل العلف القليل ده بالشكر ان هي بقى بدأت تبقى سمينة وكزا ده معنى ايه؟ ده معنى الشكر فهتلاقي دايما كلمة الشكر دي ييجي معها الزيادة يعني اربط كده الشكر في دماغك ان هي حاجة بتزيد مقابلة الاحسان بالثناء فلما مسلا ربنا سبحانه وتعالى يقول ذرية من حملنا مع نوح انه كان عبدا شكورا يعني يعني هنا دي صورة مبالغة. كثير الشكر سيدنا نوح عليه السلام يشكر ربنا كتير انه كان عبدا شكورا طيب ده مفهوم في حق الله سبحانه وتعالى يعني مفهوم ان انت تشكر ربنا سبحانه وتعالى انسان شكور ربنا سبحانه وتعالى احسن الي فانا اقابل هذا الاحسان بالشكر والثناء على الله سبحانه وتعالى واستعمال النعمة في طاعته. وده شكر زي ما هيجي معنا ان شاء الله يعني انا فاهم يعني ايه عبد شكور صح؟ يعني ربنا بينعم على الانسان هو المنعم سبحانه وتعالى احسن الي فانا اقابل هذا الاحسان بالشكر تناهى على الله سبحانه وتعالى والحمد واستعمال النعمة في طاعة الله سبحانه وتعالى وتحديث الناس واما بنعمة ربك فحدث وهكذا فده مفهوم يعني شكر العبد لربه سبحانه وتعالى. طيب العكس بقى يعني ايه الرب شكور يعني ايه الرب الشاكر سبحانه وتعالى مش احنا قلنا ان الشكر ده هو الثناء على المحسن طيب لما احنا نقول ربنا سبحانه وتعالى هو الشكور الشاكر سبحانه وتعالى طب نفهم دي ازاي يعني هل الانسان لما بيعمل عمل صالح هو كده بيحسن لربنا سبحانه وتعالى لا طبعا ربنا سبحانه وتعالى قال ان احسنتم احسنتم لانفسكم يعني انت لما بتصلي لما بتحفظ قرآن لما بتلبسي الحجاب لما بتبر اهلك لما بتعمل عمل صالح اي عمل من اعمال خير لما بتخرج زكاة المال اما ربنا سبحانه وتعالى ييسر لك العمرة وتنفق المال في الحج وفي العمرة انت هنا احسنت الى الله سبحانه وتعالى لما تذبح الهدي ولا الاضحية ربنا سبحانه وتعالى قال لن ينال الله لحومها ولا دماؤها ولكن يناله التقوى منكم والله الغني وانتم الفقراء وان تتولوا يستبدل قوما غيركم ثم لا يكونوا امثالكم فهنا هنا احنا فاهمين ان الانسان لما بيعمل العبادة هو لا يحسن الى ربه سبحانه وتعالى. فهنا وجه الشكر ايه ربنا سبحانه وتعالى قال في حديث يا عبادي لو ان اولكم واخركم وانسكم وجنكم كانوا على اتقى قلب رجل واحد منكم ما زاد ذلك في ملكي شيء يعني لو كل الناس لو لو الكرة الارضية دلوقتي المليارات كلها على اعلى مستوى من مستويات التقوى كله بيعبد ربنا هل ده هيزود في ملك ربنا حاجة لا قال ولو ان اولكم واخركم وانسكم وجنكم كانوا على افجر قلب رجل واحد منكم ما نقص ذلك من ملكي شيء يعني لو كل لو كل الارض كفروا بالله لو اهل الارض كلهم كفروا بالله هل ده ينقص من ملك الله شيئا لا في الاخر قال انما هي اعمالكم احصيها لكم ثم نوفيكم اياه فمن وجد خيرا فليحمد الله ومن وجد غير ذلك فلا يلومن الا نفسه. ففي المعنى اللي احنا عايزين نقوله ايه ان ربنا سبحانه وتعالى هو الغني وقلنا ان معنى الشكر هو مقابلة ايه مقابلة الاحسان بالثناء فيعني ايه ربنا سبحانه وتعالى هو الشكور؟ هو الانسان لما بيعمل عبادة ويحسن الى الله سبحانه وتعالى قلنا لأ. طب يعني ايه بقى ربنا هنا بيشكر الانسان على ايه يعني ايه ومن تطوع خيرا فان الله شاكر عليم طب ما هو تطوع خيرا ده انا المستفيد بالخير يعني انا لما اتطوع صيام تطوع ولا صدقة ولا صلاة في صلاة الضحى ولا بالليل اي عمل من اعمال التطوع ومن تطوع خيرا مين المستفيد انا اللي هستفيد. طب ربنا يشكرني قال تعالى ومن يقترف حسنة نزد له فيها حسنى ان الله غفور شكور وفاهمين انا عايز اقول ايه فحقيقة الشكر بحق الله سبحانه وتعالى هو يشكرك على احسانك لنفسك يعني اي انسان يا جماعة اي انسان هيشكرك امتى انا امتى اقول لك شكرا؟ لما انت تعمل معي حاجة كويسة تقول لي كلام طيب تجيب لي مسلا هدية هقول لك شكرا جزاك الله خيرا تدعي لي دعوة حلوة اقول لك شكرا فانا اشكر مقابل ايه اي انسان كده مقابل فعل مقابل احسان صح ربنا سبحانه وتعالى يشكرك على احسانك لنفسك سبحان الله وده معنى يخليك تحب ربنا جدا يعني ركزوا مين اللي اعطى الانسان المال هو ربنا سبحانه وتعالى وانفقوا من مال الله الذي اتاكم مما جعلكم مستخلفين فيه ربنا سبحانه وتعالى هو الذي اعطى الانسان وانه هو اغنى واغنى صح هو الرزاق سبحانه وتعالى لا رازق آآ غيره سبحانه وتعالى على الحقيقة واي حاجة تانية هي اسباب فمين اللي ادى لك الفلوس دي؟ هو ربنا سبحانه وتعالى. اعطاك المال طيب ومين اللي نزل الكتب وارسل الرسل هو ربنا سبحانه وتعالى. ومين اللي شرع في شرعه في كتابه وفي سنة نبيه صلى الله عليه وسلم ان الانسان الغني يتصدق بماله فرض على الغني صدقة تؤخذ من الاغنياء فترد على الفقراء ربنا سبحانه وتعالى الزكاة فرض الزكاة وفرض الصدقة طيب لما تيجي انت بقى توفق ليه الاداء ان انت تخرج الزكاة وتتصدق مين اللي اعانك؟ مين اللي يسر لك العبادة دي مين اللي حبب لك الطاعة وسهلها عليك هو ربنا سبحانه وتعالى فهو اللي اعطاك المال وهو اللي امرك بالامر وهو اللي يسر لك الامر واعانك عليه وبعد لما تتصدق ربنا سبحانه وتعالى يشكر هذه العبادة فيعطيك مقابل الصدقة دي اضعاف مضاعفة ويخلف عليك في الدنيا والاخرة قال تعالى وما انفقتم من شيء فهو يخلفه وقال صلى الله عليه وسلم ما نقصت صدقة من مال شايفين المعنى ده يعني انا اعمل عمل يسير عمل يسير. وربنا هو اللي اعني عليه وهو اللي يسر لي العمل ده وهداني اليه وارسل الي الرسول عليه الصلاة والسلام وانزل الكتاب ولما اعمل العمل ده ربنا يشكرني عليه العلماء قالوا معنى الشكور في حق الله سبحانه وتعالى قال قتادة عند قوله تعالى انه غفور شكور قال انه غفور لذنوبهم شكور لحسناته وقال ان الله غفور للذنوب شكور للحسنات يضاعفها قال الخطابي رحمه الله ركزوا بقى في التعريف ده قال الخطابي رحمه الله الشكور هو الذي يشكر اليسير من الطاعة فيثيب عليه الكثير من الثواب. يبقى ده اول معنى يشكر اليسير من الطاعة تعمل عمل قليل ابتسامة في وجه اخيك صدقة نصف تمرة تخيل كده المرأة اللي دخلت على عائشة ومعها البنتين وآآ استطعمت قالت عائشة جائتني مسكينة فاستطعمتني فاطعمتها ثلاثة تمرات. اديت لها ثلاث تمرات فاكلت اعطت لكل واحدة من ابنتيها تمرة واتبقى معها تمرة ورفعت التمرة عشان تاكلها قالت عائشة فاستطعمتها ابنتها عايزين التمرة التالتة فقسمت التمرة ايه؟ نصين كده قالت عائشة فاعجبني شأنها يعني لما قالت للنبي عليه الصلاة والسلام رضي الله عنها قال صلى الله عليه وسلم ان الله قد اوجب لها بها الجنة او حرمها بها عن النار تخيل تمرة وام وهي اصلا جبلت على الرحمة والشفقة وبنتها اللي هي عايزة تاكل التمرة دي فقسمت التمرة اه بين ابنتيها فربنا سبحانه وتعالى يشكرها على هذا الفعل على هذه الرحمة ان الله قد اوجب لها بها الجنة او حرمها بها عن النار او على النار تمرة من تصدق بعدل تمرة من كسب طيب فان الله عز وجل يتقبلها بيمينه ثم يربيها لصاحبه هو شكور سبحانه وتعالى فهنا المعنى الاول يشكر اليسير من العمل من الطاعة تعمل عمل قليل يسير تذكر ربنا سبحانه وتعالى وهيجي معنا دلوقتي صور ده تبتسم في وجه اخيك تتكلم بكلمة اه حق آآ تنصح انسان تنظر الى الى عاصي بعين الرحمة وآآ شف تبقى ماشي مسلا في الشارع تشوف ولد مسلا آآ حاله صعب مسلا او بعيد عن ربنا سبحانه وتعالى. فبينك وبين نفسك كده ترحمه وتدعي له يا رب اهديه يا رب اصلحه تبقى الاخت معدية كده وتشوف بنت مسلا واقفة مع ولد ولا بتضحك بصوت عالي ولا حجابها مش كويس لا تدعي لا يا رب اهديها يا رب يا رباه تب عليها يا رب اغفر لها عمل صالح بينك وبين الله عمل يسير ربنا سبحانه وتعالى يشكرك على هذا الاحسان على هذه العبادة يشكر اليسير من الطاعة فيثيب عليه الكثير من الثواب ان تقرضوا الله قرضا حسنا يضاعف لكم ويغفر لكم والله شكور حليم ماشي قال المعنى بقى التاني ويعطي الجزيل من النعمة فيرضى باليسير من الشكر يا سلام يعطي الجزيل من النعمة ربنا سبحانه وتعالى انعم على الانسان واتاكم من كل ما سألتموه وان تعدوا نعمة الله لا تحصوها وما بكم من نعمة فمن الله سخر لكم سخر لكم تأمل اقرأ سورة النحل ابدأ سورة النحل كده واقرأ وهو الذي سخر البحر لتأكلوا منه لحما طري وتستخرج منه حلية تلبسونه وترى الفلك مواخر فيه ولتبتغوا من فضله ولعلكم تشكرون والقى في الارض رواسيا تميد بكم وانهارا وسبلا لعلكم تهتدون وعلامات وبالنجم هم يهتدون افمن يخلقك من لا يخلق اقرأ سورة النحل شف النعم دي كلها. نعم جزيلة واتاكم من كل ما سألتموه وان تعدوا يعني مستمر تقعد تعد نعم ربنا وان تعدوا نعمة الله لا تحصوها. طيب هذه النعم الجزيلة انت بقى ايه يطمني بقى ايه الاخبار؟ اخبار الشكر ايه كيف تقابل هذه النعم انت بتشكر نعمة النظر ان ربنا سبحانه وتعالى الم يقل الله عز وجل؟ الم نجعل له عينين ولسانا وشفتين وهديناه النجدين فين بقى شكر النعم دي ؟ شكرت نعمة العين والعين اللي احنا بنستعملها في النظر للحرام بص على البنات اللي ماشية في الشارع وعلى والمقاطع اللي بتظهر قدامك ما شكرتش نعمة العين طيب نعم الصحة والعافية والامن وآآ ان انت تأكل آآ وتشرب والحمد لله الاكل والشرب عادي يعني فكرة ان انت تشرب ميه وتنزل ميه عادي كده ما فيش اي مشكلة ما فيش اي مانع. الحمد لله انت في صحة وعافية فالانسان يقابل هذه النعم العظيمة بشكر ايه؟ يسير وقليل من عبادي الشكور يعني هو الشكر اصلا ضعيف قليل واللي بيشكر قليل فاهمين ومع زلك تلاقي حديث النبي عليه الصلاة والسلام يقول ان الله ليرضى عن العبد ان يأكل الاكل فيحمده عليه او يشرب الشربة فيحمده عليه ياه شوف انت بقى ايه تخيل كده وانت تجيب مسلا كوباية ميه كده وتشرب وتقول الحمد لله تستحضر ان ربنا سبحانه وتعالى يشكر هذا الحمد يتقبل منك الشكر اليسير ده في مقابل ايه انت عشان تشرب دي نعم نعم لا تعد فالامام الخطابي رحمه الله بيقول ويعطي الجزيل من النعمة فيرضى باليسير من الشكر سبحانه وتعالى قال ومعنى الشكر المضاف اليه الرضا بيسير الطاعة من العبد والقبول له واعظام الثواب عليه يرضى باليسير ويقبل هذا اليسير وآآ يعطي ثوابا عظيما على هذا العمل اليسير وبعدين الامام الخطابي قال معنى جميل قوي قال وقد يحتمل ان يكون معنى الثناء على الله بالشكور ترغيب الخلق في الطاعة يعني هو عايز يقول لك ايه ان اثر اثر معنى الشكور ده ايه على قلبك؟ على سلوكك على طاعتك اسره عليك ايه يعني انت تعمل ايه لما تعرف ان الرب شكور سبحانه وتعالى هو بيقول ان ده فيه ترغيب للخلق في الطاعة قلت او كثرت ما هو انت عارف انت ممكن تقول ايه؟ لا لا انا لازم اعمل حاجة كبيرة قوي علشان فلان يشكرني علشان زوجتي تقول لي شكرا مسلا وتشوف ان انا عملت حاجة لازم لأ لازم تعمل حاجة كبيرة قوي. لكن لو عملت حاجة وممكن الشخص مش شايف اصلا ان ده انت عملت ايه يعني مش شايف ان ده حاجة كبيرة يعني شايف ان ده عمل ضخم يعني عشان اشكرك عليه فيقول خلاص انا لازم اعمل حاجة كبيرة لا ربنا سبحانه وتعالى الشكور يشكر الانسان على العمل اليسير على الابتسامة على الصدقة على الدرهم على اماطة الاذى عن الطريق عمل يسير فقال قلت او كثرت لئلا يستقلوا القليل من العمل انت تشوف العمل خلاص يعني ده هتيجي يعني هي يعني سبحان الله وبحمده هي دي اللي هتفرق يعني فعمل قليل فيقول لأ لا تستقل القليل من العمل فلا يترك اليسير من جملته اللي هو لا يترك اليسير من العمل اذا اعوزهم الكثير منه يعني ايه كلام الخطابي رحمه الله اذا اعوزهم الكثير منه يعني ايه اعوز؟ يقول لك اعوز الشيء فلانا يعني قل عنده مع احتياجه اليه يعني ممكن واحد يقعد يقول ايه انا مش قادر احج ومش قادر اجاهد في سبيل الله ومش قادر اكون من اهل العلم قادر احفظ القرآن الاعمال الكبيرة دي مش قادر اعملها. قعد يسمع عن بطولات ويشوف الناس حواليه ده بيطلب علم وده بيعمل كزا وانا مش عارف فالانسان يصاب بالاحباط يقول خلاص يعني هو الاعمال اليسيرة بتاعتي انا بعمل اعمال صغيرة على قدي هي الاعمال دي يعني ربنا هيكافئني عليها انا هاجي ايه في الناس دي فالامام الخطاب يقول ايه بيقول لئلا يستقلوا القليل من العمل فلا يتركوا اليسير من جملته يعني لا لا يحمله استقلال اليسير من العمل ان هو يتركه يقول ده عمل قليل فانا هسيبه اذا اعوزهم الكثير منه اعوزهم يعني قل عنده. هو ما عندوش اعمال كبيرة ما عندوش اعمال كتيرة مش عندي مع احتياجه اليه نفسي يكون عندي اعمال كده بس ما عنديش فخلاص لا هعمل كبير ولا هعمل ايه؟ صغير يقول له لأ ربنا سبحانه وتعالى شكور رب درهم سبق ايه؟ الف درهم فاهمين المعنى ده قال ابن كثير رحمه الله وقوله فان الله شاكر عليم ان يثيبوا على القليل بالكثير وقال الحليمي رحمه الله الشاكر معناه المادح لمن يطيعه والمثني عليه والمثيب له بطاعته فضلا من نعمته. يا سلام بيقول الشاكر في حق الله معناه المادح لمن يطيعه والمثني عليه والمثيب له بطاعته فبمعنى الشكر ان ربنا يمدحك على فعل الطاعة ويثني عليك في الملأ الاعلى وبين ملائكته ويثيبك على الطاعة وقال طبعا ده فضلا من ده فضلا من الله. من نعمته من رحمته سبحانه وتعالى قالت والشكور هو الذي يدوم شكره ويعم كل مطيع وكل صغير من الطاعة او الكبير يعني الشكور ده مبالغة فيعم كل كل مطيع يعني مش هيشكر فلان وبعدين الشكر يخلص خلاص ما فيش والله الانسان عمل عمل صالح انت صليت ولا ذكرت ربنا ولا فلانة لبست الحجاب فربنا يشكرها عليها وبعدين فلانة تانية تيجي تلبس الحجاب مسلا فخلاص بقى الشكر خلص لأ هو شكور سبحانه وتعالى فالشكور هو الذي يدوم شكره. هو دائم مستمر يعم كل مطيع. يعني كل واحد هيأخذ باسباب الطاعة ربنا سبحانه وتعالى يتعامل معه بنفس التعامل. شكر وكمان يعم ايه؟ كل صغير وكبير. هو يشكر هو شكور سبحانه وتعالى. فمش هتفرق بقى انت عملت عمل قليل ولا عمل ولا عمل كثير هو يشكرك على القليل ويشكرك على الكثير سبحانه وتعالى. قال الشيخ السعدي رحمه الله هو الذي يشكر القليل من العمل الخالص النقي النافع في اي عمل لازم يكون خالص وعلى السنة نقي ونافع قال ويعفو عن الكثير من الزلل ولا يضيع اجر من احسن عملا بل يضاعفه اضعافا مضاعفة بغير عد ولا حساب وده الفرق بين ربنا سبحانه وتعالى وبين بين الناس بين الرب وبين الخلق بين الخالق وبين المخلوق بين الرب وبين المربوب ان انت ممكن تعمل تحسن لانسان روح روح اشتغل عند حده واجتهدوا وفعلوا كزا وبعدين في الاخر جحده ومنع المال قال له ما لكش حاجة عندي او احسن الى فلان وقف معه وخدمه وعمل له معروف قال له يعني ايه اللي انت عملته يعني؟ انت ما عملتش حاجة. يقول له يا اخي ده انا عملت كزا وعملت كزا وفي اليوم الفلاني جبت لك وكنت واقف معك يقول لأ يعني انت ما عملتش حاجة يعني. فيجحد المعروف الشيخ سعد يقول لأ ربنا سبحانه وتعالى لا يضيع اجر من احسن عملا يعني يعني انت تتيقن ان ربنا يشكرك على اي على اي عمل هتعمله؟ ما دام عملت العمل واخلصت النية لله وكان عمل صالح على سنة النبي عليه الصلاة والسلام ونافع خلاص هو شكور سبحانه وتعالى. مهما كان العمل ده قليل لا يضيع اجر من احسن عملا بل يضاعفه مش بس ان هو العمل لا يضيع وان هو الانسان يثاب عليه ويمدح. لا لا لأ يضاعف العمل سبحانه وتعالى اضعافا مضاعفة بغير عد ولا حساب. ولذلك قال ابن القيم رحمه الله في نونيته وهو الشكور فلن يضيع سعيهم لكن يضاعفه بلا حسبان ما للعباد عليه حق واجب هو اوجب الاجر العظيم الشاني هذا هذه المضاعفة وهذا الشكر هو منة من الله تفضل من الله ما للعباد عليه حق واجب يعني مش واجب يعني ان ان انت تعمل عمل في ربنا يشكرك. لا ده تفضل من ربنا سبحانه وتعالى انه ينعم على الانسان ابتداء ويوفقه للعبادة ويثيبه عليها يعني ترتيب الثواب على الطاعة ده فضل من ربنا ورحمة والا في النهاية انت عبد وانا عبد والعبد اه اه لا يناقش قال تعالى لا يسأل عما يفعل وهم يسألون وما كان لمؤمن ولا مؤمنة اذا قضى الله ورسوله امرا ان يكون لهم الخيرة من امرهم يعني ربنا قال افعل وانت عبد تسمع وتطيع لكن يعني ترتيب السواب على العبادة ترطيب الثواب على العبادة ده فضل من ربنا سبحانه وتعالى. فلذلك ابن القيم بيقول رحمه الله وهو الشكور فلن يضيع سعيهم لكن يضاعفه بلا حسبان وما تفهمش بقى ان المضاعفة دي حق لأ. يقول ما للعبادي عليه حق واجب هو اوجب الاجر العظيم الشاني. اوجبه على نفسه برحمته وكرمه وفضله كلا ولا عمل لديه ضائع ان كان بالاخلاص والاحسان يعني العمل لا يضيع كلا ولا عمل لديه ضائع ان كان بالاخلاص والاحسان. لو في الشروط الاخلاص والاتباع ان عذبوا فبعدله او نعموا فبفضله والحمد للمنان ان عزبوا فبعدله وما ربك بظلام للعبيد ان الله لا يظلم الناس شيء من وجد خيرا فليحمد الله. ومن وجد غير ذلك فلا يلومن الا نفسه ان عذبوا فبعدله او نعموا فبفضله او نعموا فبفضله والحمد للمنان وهو الشكور فلن يضيع سعيه. لكن يضاعفه بلا حسبان. ما للعباد عليه حق واجب هو اوجب الاجر العظيم كلا ولا عمل لديه ضائع ان كان بالاخلاص والاحسان ان عذبوا فبعدله او نعموا فبفضله والحمد للمنان والحمد لله رب العالمين طيب ان شاء الله نكتفي بهذا القدر ونكمل ان شاء الله في المجلس القادم هذا وصلى الله على نبينا محمد وعلى اله وصحبه والحمد لله رب العالمين وجزاكم الله خيرا