السلام عليكم ورحمة الله وبركاته. بسم الله والحمد لله والصلاة والسلام على رسول الله صلى الله عليه وسلم الحديس التاني عن جند بن عبدالله قال قال النبي صلى الله عليه وسلم من سمع سمع الله به ومن يرائي يرائي الله به
تمنع يعني ايه تمنع يعني كاتب تحت هنا من اظهر عمله للناس رياء تكون العقوبة اظهر الله نيته الفاسدة في عمله يوم القيامة وفضحه على رؤوس الاشاد يعني هو ازهر العمل ده للناس
علشان ايه يرائي الناس فتكون عقوبة العبد ده ربنا سبحانه وتعالى يظهر نيته الفاسدة للناس يوم القيامة فيتفضح على رؤوس الاشهاد قال رسول الله صلى الله عليه وسلم من سمع سمع الله به ومن يرائي يرائي الله به
طيب هل معنى كده ان الانسان ما ينفعش يظهر اي عمل اه من الاعمال قال تعالى ان تبدوا الصدقات فنعما هي ممكن انسان يظهر بعض الاعمال لكن هو يعلم من نفسه ان انا مش بعمل كده عشان الناس
يعني انا اظهرت العمل ده مسلا صدقة او حد مسلا آآ سألني انت مسلا كزا وقلت له لا ده انا صايم انا ما كانش نيتي في في اللحزة دي ان انا آآ عايز ايه آآ اعرف اللي قدامي ان انا صايم فيقول والله ده فلان ده كويس لأ انا عملت كده علشان
والله ازكر الناس بصيام الاتنين والخميس عشان الناس تقتدي بيا في الحتة دي فانا ازهرت بعض العمل وانا لي برضو اعمال في السر كتير. مش مش بزهر كل الاعمال بتاعتي لأ. انا اظهرت بعض العمل بس
ان تبدوا الصدقة فنعما هي. لان ممكن واحد يتصدق بيشجع الناس ان هي ايه؟ تتصدق زي ما سيدنا عثمان رضي الله عنه فعل في غزوة العسرة غزوة تبوك لما تصدق قدام الناس
فالناس تحمست ان هي ايه؟ هي كمان تتصدق. فما فيش مشكلة ان الواحد يظهر بعض العمل ده مش رياء. ما دام بيظهر العمل علشان الناس تقتدي به العمل علشان آآ هو يعلم من نفسه ان انا مش بعمل كده للناس. انا بعمل كده لله لكن اظهرت بعض العمل ده والله اعلم ما فيش فيه مشكلة
ده المقصود هنا بالحديس هنا المقصود ان الانسان بيعمل ده للناس. يعني واحد دخل المسجد فلقى ايه زي ما النبي عليه الصلاة والسلام يقول اه في حديس يا ايها الناس اياكم
والشرك السرائر قالوا يا رسول الله وما شرك السرائر؟ قال يقوم الرجل فيصلي فيزين صلاته جاهدا لما يرى من نظر الناس اليه. فذلك شرك السرائر واحد كده قام يصلي صلي كده صلاة النافلة وقعد بقى ايه عامل نفسه خشوع ومش عارف ايه وبتاع
فلان هو ايه حاسس ان الناس بتبص عليه فبدأ بقى يطول ويطول في السجود ويقرأ بالراحة فده لما يرى من نظر الناس اليه يعني هو بيعمل كده مش لله هو مع نفسه بايه؟ بيكلفت الصلاة بسرعة. لكن قدام الناس ايه؟ يطول ويخشع في الصلاة ويعمل كده
ويجي له واحد كده بعد الصلاة يقول له ما شاء الله صلاتك جميلة وكده وبتاع يقوم قايل له لا ده انا صايم كمان فده ده ايه؟ بيظهر العمل لا لا ما تجيبليش ماية عشان انا صايم. ايوا انت ما حدش سألك. ما حدش سألك. فهو هنا بيظهر العمل بتاعه رياء للناس في دارية
واضح ده المقصود هنا في الحديس ربنا يا رب يرزقنا الاخلاص ويصلح فساد قلوبنا وينجينا من الرياء اللهم امين كده احنا انتهينا خلصنا الحمد لله باب ترهيب من الرياء وكده خلصنا كتاب الاخلاص. جزاكم الله خيرا. سبحانك اللهم وبحمدك اشهد ان لا اله الا انت. استغفرك واتوب اليك. والسلام عليكم ورحمة الله وبركاته