اعددت نفسي للحياة وركبت في ركبي الصلاة بهمتي وبعزتي وسماحتي واعطيت. السلام عليكم ورحمة الله وبركاته. بسم لا والحمد لله والصلاة والسلام على رسول الله رب اشرح لي صدري ويسر لي امري واحلل عقدة من لساني يفقهوا قولي
في يوم من الايام النبي عليه الصلاة والسلام كان معتكف في المسجد السيدة صفية زوج النبي عليه الصلاة والسلام راحت عشان تتكلم معه. في ليلة من الليالي بعد لما اخلص كلام مع السيدة صفية صلى الله عليه وسلم
قال لها ان هو هيوصلها هيرجعها البيت. فالنبي عليه الصلاة والسلام ماشي مع زوجته في شوارع المدينة فعدى اتنين من الصحابة. فلما شافوا النبي عليه الصلاة والسلام ماشي جنب واحدة
آآ اسرعوا. قال صلى الله عليه وسلم او قيل في الحديث السيدة صفية قالت فلما رأيا رسول الله صلى الله عليه وسلم اسرعا فقال صلى الله عليه وسلم على رسلكما. على رسلكما انها صفية
فقال سبحان الله سبحان الله يا رسول الله. يعني هم بيقولوا يا رسول الله يعني احنا هنظن فيك شر؟ فقال صلى الله عليه وسلم ان الشيطان يجري من ابن ادم مجرى الدم. واني خشيت ان يقذف في قلوبكما شرا او قال سوءا او قال شيئا
صلى الله عليه وسلم ان الشيطان يجري من ابن ادم مجرى الدم من اعظم حيل الشيطان ومداخل الشيطان للعبد اللي منها بيتوصل زي ما قلنا في الحلقة اللي فاتت للفساد بين الناس هي سوء الظن. كم بيت هدم بسبب سوء الزن؟ كم واحدة اتطلقت
تاب ان جوزها بيسيء الظن فيها. كم واحدة قررت ان هي تفسد بيتها بسبب ان هي بتسيء الظن بجوزها؟ كم علاقة بين اتنين اصدقاء؟ كان بينهم الحب والمودة عادة وكل روابط الاخوة وفسدت العلاقة دي وانتهت العلاقة دي بسبب سوء الزن. سوء الظن الارض الواسعة والحلبة اللي الشيطان
اه بيجول فيها زي ما هو عايز. وربنا سبحانه وتعالى حذرنا. حذرنا من سوء الظن. لان سوء الظن بيبقى بعده هي بس مش مجرد خطورة الانسان يسيء الظن لا هي بيبقى بعدها آآ ذنوب هتتبع سوء الظن. قال تعالى يا ايها الذين امنوا اجتنبوا
كثيرا من الظن ان بعض الظن اثم ولا تجسسوا ولا يغتب بعضكم بعضا. ايحب احدكم ان يأكل لحم اخيه ميتا فكرهتموه؟ واتقوا الله ان الله تواب رحيم اجتنبوا كثيرا من الزن. لما انا في يوم من الايام اظن ظن سيء في اخويا المسلم علشان اتأكد من الظن ده. اكيد هوصل للمرحلة اللي بعدها ان انا عايز اتجسس. عايز
اشوف هو الكلام ده صح ولا غلط؟ طيب لو تجسست ووصلت لخبر وفعلا طلع فلان ييجي بقى بعدها يقول ايه؟ شفت يا عم فلان طلع كزا شفتي فلانة طلعت كذا ليه؟ هو بدأ الاول بسوء الظن وبعدين تجسس وبعدين وقع في الغيبة في كبيرة من اعظم الكبائر. عشان كده ربنا
تعالى حذرنا من ده وقال ايحب احدكم ان يأكل لحم اخيه ميتا فكرهتموه؟ يعني كأن الانسان المغتاب ده بياكل لحم اخوه المسلم وهو ميت. فامر قبيح جدا الانسان الطبيعي الفطرة السليمة تنفر منه. عشان كده النبي عليه الصلاة والسلام حذرنا من الظن. وقال صلى الله عليه وسلم
اياكم والظن فان الظن اكذب الحديث. فعشان كده فهمنا ان من احداث الشيطان الخبيثة ان هو دايما حابب يوقعنا في سوء الظن الظن ده اما ان انت تسيء الظن بالله سبحانه وتعالى. واما ان انت تسيء الظن بالناس. وسوء الظن بالله ده يعني مصيبة. ان الانسان يسيء الظن في ربنا سبحانه وتعالى. وده
الشيطان كان بيحاول يعمله مع سيدنا ادم زي ما اتكلمنا قبل كده. لما الشيطان وسوس لسيدنا ادم في الجنة. قال قال تعالى فوسوس لهما الشيطان ليبدي لهما ما ووري عنهما من سوءاتهما وقال
ما نهاكما ربكما عن هذه الشجرة الا ان تكونا ملكين او تكونا من الخالدين على فكرة ربنا نهاك عن الشجرة دي لان ربنا يكره ان انت تكون ملك ربنا يكره ان انت تكون سعيد
الا كراهة ان تكونا ملكين او تكونا من الخالدين. وقاسمهما اني لك ما لمن الناصحين الوسوسة دي كان الهدف منها ايه؟ الهدف منها ان سيدنا ادم عليه السلام يظن بربنا ظن سوء ان هو يقول ايه ده؟ هو ربنا فعلا لا يريد ان انا
اكون سعيد وده اللي الشيطان بيعمله معنا احيانا انسان يبتلى ابتلاء ممكن الابتلاء ده يكون عقوبة على ذنب فالاصل ان الانسان لما يبتلى يراجع نفسه. ممكن يكون الابتلاء ده لحكمة من ربنا سبحانه وتعالى ربنا بيرديك على معنى معين. او الابتلاء ده علشان ترفع في درجات
تاخد حسنات وانت ما كنتش هتوصل للدرجة دي في الجنة الا بالبلاء ده وصبرك عليه. فالانسان بيعمل ايه؟ اول لما الانسان ربنا سبحانه وتعالى يبتليه ابتلاء الشيطان يخليه يسيء الظن بربنا سبحانه وتعالى يقول لك ليه ربنا عمل معي كده؟ ليه ربنا ابتلاني الابتلاء ده؟ اشمعنى انا يا رب ويتكلم بكلام فيه اعتراض وفيه
في كلام ما ينفعش يتقال لربنا سبحانه وتعالى. فالاصل ان الانسان يحسن الظن بالله. الاصل ان الانسان يحسن الظن بالله وده من كمال الايمان. عشان كده ربنا سبحانه وتعالى قال في الحديس انا عند ظن عبدي بي انا عند ظن عبدي بي وانا معه اذا ذكرني. يعني لما انت تظن بربنا ظن خير
ان شاء الله. ان شاء الله ربنا سبحانه وتعالى يديك على قد زنك. وده حال الانسان المؤمن. كل ما كان الانسان يعرف ربنا سبحانه وتعالى وبيحب ربنا سبحانه وتعالى مش هيلتفت
وسوسة الشيطان. الشيطان مش هيأثر عليه. هيجي يقول له لا ربنا عمل معك كده يقول له لا لا. ربنا سبحانه وتعالى كريم. ربنا سبحانه وتعالى رحيم. ربنا سبحانه وتعالى حكيم. اكيد
قدر علي البلاء ده لحكمة فمش هيفتح باب للشيطان ان هو اللي يدخل له منه يخليه يسيء الظن بالله سبحانه وتعالى. وتاني مدخل من مداخل الشيطان في سوق الزن ان هو يخليك تسيء الظن بالناس
وخير الناس النبي عليه الصلاة والسلام وده اللي حصل في قصص كتير في السنة من احاديس السيدة عائشة رضي الله عنها ام المؤمنين ان كانت ام المؤمنين عائشة لها فضل عظيم. وعلم وعبادة. ولكن هي بشر. كان لها قصص كده جميلة في السنة. منها ان النبي عليه الصلاة والسلام
كان في ليلة من الليالي اتأخر على السيدة عائشة. السيدة عائشة يعني هي غارت جدا وظنت ان النبي عليه الصلاة والسلام راح لزوجة من زوجاته فاول لما النبي دخل عليها في رواية من الروايات ان السيدة عائشة حطت ايديها علشان تشوف راس النبي مبلولة ولا لا؟ يعني عايزة تشوف هو في اثار غسل او لا
النبي عليه الصلاة والسلام قال لها قال اوجاءك شيطانك يا عائشة اوجاءك شيطانك يا عائشة؟ يعني اللي خلاها تظن الظن ده الشيطان. ان الشيطان ييجي لزوجة يقول لها هو جوزك بيكلم مين؟ هو ماسك الموبايل بيعمل ايه؟ يخليها
عايزة تشك فيه عايزة تدور وراه وتمسك موبايله وتقلب وراه. شف الظن السيء اللي الشيطان رماه في قلبها وهي فتحت له الباب خلاها بعد كده عايز تتجسس وتدور عليه وتقول له انت قافل موبايلك بباسوورد ليه؟ وتفتش وتدخل عنده على الرسايل وتشوف بيكلم مين؟ شف سوء الظن ممكن يوصلها في
اخر ممكن يكون ما فيش حاجة. يعني مش بنقول اه في في رجالة بتخون مش بنقول ده. لكن احيانا بيبقى الراجل فعلا ما عملش حاجة. والشيطان فعلا بيقدر يقنع زوجة ان زوجها بيخونها وممكن تخرب بيتها على مجرد بس اوهام وظنون ما فيش حقايق
فالسيدة عائشة لما النبي عليه الصلاة والسلام قال لها كده قال قال صلى الله عليه وسلم او جاءك شيطانك يا عائشة؟ قالت يا رسول الله او معي شيطان قال نعم. قالت ومع كل الناس؟ قال نعم. قالت ومعك يا رسول الله؟ قال نعم غير ان الله اعانني عليه فاسلم. غير ان الله اعانني
فاسلم. حديس تاني ان السيدة عائشة لما بتقول انا ان هي التمست النبي عليه الصلاة والسلام تبحس عنه كده فمش لقياه. فظنت على طول شف الشيطان. فظنت ان النبي عليه الصلاة والسلام ذهب لبعض نسائه
هي بتدور كده على النبي عليه الصلاة والسلام فايديها وقعت على رجلين النبي عليه الصلاة والسلام وهو واقف بيصلي في المسجد وهو يقول اللهم اني اعوذ برضاك من سخطك وبمعافاتك من عقوبتك واعوذ بك منك لا احصي ثناء عليك انت كما اثنيت
على نفسك. فقالت بابي انت وامي يا رسول الله انت في شأن وانا في شأن. شف سوء الزن ممكن يوصل لفين؟ النبي عليه الصلاة والسلام واقف بيصلي وبيدعي ربنا ويجي الشيطان
يخلي السيدة عائشة تظن ظن بالنبي عليه الصلاة والسلام في الحديس السيدة عائشة في ليلة من ليالي النبي عليه الصلاة والسلام دخل عليها واحدة واحدة كده بالراحة. واول لما حط دماغه ونام جنبها
وبعدين فجأة قام وخد النعل بتاعه كده رويدا رويدا وخرج وقفل الباب رويدا رويدا فراحت السيدة عائشة قامت على طول ولبست اللبس بتاعها وخرجت النبي عليه الصلاة والسلام مشيت وراه. النبي عليه الصلاة والسلام وصل عند البقيع وبدأ يرفع ايده ويدعي. يرفع يدعي يرفع ويدعي تلات مرات. وبعدين التفت فالسيدة عائشة
قالت ثم التفت فالتفت تماشى فمشيته فاسرع فاسرعت فاحضر فاحضرته ثم سبقته فدخلت البيت وبعدين بتنهج من الجري فالنبي عليه الصلاة والسلام دخل وراها فلقاها كده ايه مش عارفة تاخد نفسها بتنهج. فقال ما لك يا عائش؟ حاشية راضية؟ فقالت لا شيء
وقال صلى الله عليه وسلم لتخبريني او ليخبرني اللطيف الخبير هنا النبي عليه الصلاة والسلام سألها فقالت يا رسول الله مهما يكتم الناس يعلمه الله وبعدين حكت له القصة فقال صلى الله عليه وسلم اذا فانت السواد الذي كان امامك
قالت فلهذني في صدري لهزة اوجعتني وقال اظننت ان يحيف الله عليك ورسوله ظننت ان النبي عليه الصلاة والسلام يزلمك في يوم من الايام. هشوف ممكن سوء الظن يوصل لحد فين. وطبعا كل الاحاديث اللي احنا قلناها دي ده لا ينقص من قدر السيدة عائشة. السيدة
عائشة صاحبة العلم والعبادة والنبي عليه الصلاة والسلام كان بيقول ان هي من احب الناس اليه. لكن الشيطان دخل من مدخل الغيرة يعني هي كانت بتحب النبي عليه الصلاة والسلام
الحب شديد فالشيطان بيدخل من المداخل دي طيب خلينا ندخل لمرحلة العلاج ازاي نعالج نفسنا من سوء الظن اول حاجة ان احنا نحاول نحمل الكلام على احسن محمل يعني لما انت تسمع كلمة من اخوك المسلم وهي لها محمل في الخير احمل الكلام عليه. لان اصلا سوء الزن ده علامة سوء العمل
كان اه شاعر يقول اذا ساء فعل المرء ساءت ظنونه. يعني لما الانسان يبقى هو اصلا خاين هو اصلا غشاش هو اصلا مغتاب. هو اصلا بيكزب على طول فبالتالي عشان هو افعاله كلها سيئة. فهو بيتعامل ان كل الناس بتغش. كل الناس بتكزب. كل الناس بتخون. كل الناس بتغتاب زيه. هو بيتعامل كده لان هو اصلا
اصلا افعاله سيئة لكن الانسان المؤمن اللي عمله صالح دايما بيحمل الكلام على احسن محمل. وده اللي كان ظاهر في سنة النبي عليه الصلاة والسلام. كلنا عارفين حديس الراجل اللي كان في الصحرا
وضاعت منه الناقة بتاعته كان عليها الطعام والشراب. والراجل ده لما لقاها بعد ما كان يائس جدا وكان هيموت قال ايه؟ قال اللهم انت عبدي وانا ربك الكلمة دي كلمة كفر
لكن النبي عليه الصلاة والسلام حمل الكلمة ان الراجل ده كانت نيته خير. هو من شدة الفرح قالها. فالنبي عليه الصلاة والسلام قال اخطأ من شدة الفرح وده منهج في التعامل ان انت تاخد الكلام على احسن محمل. كان سيدنا عمر ابن عبدالعزيز في يوم من الايام ماشي مع الحارس بتاعه وداخلين المسجد. فكان في واحد نايم فسيدنا عمر مش
شايفه فتكعبل فيه فالراجل اللي نايم ده قال اعمى انت؟ سيدنا عمر امير المؤمنين. قال اعمى انت؟ قال لا فالحارس ايه يعني اتغاظ وكان يعني هيدخل على الراجل ده فسيدنا عمر قال ما
انما سألني فاجبته. هو سألني سؤال وانا جاوبته خلاص حمل الكلام على احسن محمل. وكان سيدنا عمر بن الخطاب رضي الله عنه يقول لا تظنن بكلمة خرجت من اخيك شرا وانت تجد لها في الخير محملا. يبقى اول حاجة ان انت تحمل الكلام على احسن محمل. تاني حاجة ان انت دايما ما تحطش نفسك في مواضع الشبهات
يعني النبي عليه الصلاة والسلام لما كان في موضع كان ممكن الصحابة يظنوا ظن الشيطان يقذف في قلوب الصحابة ظن سيء. لكن النبي عليه الصلاة والسلام في اللحظة دي قرر ان هو ما يحطش نفسه في موضع شبهة. فقال على رسلكما انها صفية. فيتعلم ان احنا ما نحطش نفسنا في موضع. الناس تسيء فينا الظن
تالت حاجة ان احنا نتعلم ان احنا نصارح الناس وان احنا نواجه. يعني لو حد قال لك كلمة انت فهمتها غلط لو انت فهمت الكلمة غلط رح اسأله. يا فلان انت كان قصدك ايه؟ احيانا والله بيبقى مواقف كتير بتحصل معنا واحنا بنتعامل بسوء الظن. والاصل ان احنا اي فعل بيحصل
بنفسره تفسير سيء جدا وبيبقى الشخص فعلا مش قصده. ممكن ما كانش واخد باله. ممكن فعلا لما تيجي تقول له يقول لك والله انا ما كانش قصدي. انا ما كانش قصدي كده خالص. حقك علي انا اسف
فبيبقى كتير من المشاكل بتتحل لما انت تروح تواجه وتصارح الشخص اللي قدامك. اخر حاجة ان انت تحسن الظن في ربنا سبحانه وتعالى من خلال ان انت تعرف اسماء الله
حسنى نتعرف على اسماء ربنا وصفاته. وتحسن الظن في الناس لان زي ما انت تحب ان الناس تتعامل معك بحسن الزن تعامل مع الناس بحسن الزن. ان شاء الله مكمل في
الحلقة الجاية مع حيلة جديدة من حيل الشيطان اشوفكم بكرة بازن الله والسلام عليكم ورحمة الله وبركاته ركبت في ركبي الصلاة بهمتي وبعزتي وسماحاتي ايوا عقيدتي سصير حتما للنجاة. نفسي
وركبت في ركبي الصلاة فبهمتي وبعزتي سماحتي وعقيدتي