الحمد لله والصلاة والسلام على رسول الله وبعد موسى عليه السلام لما طلع في رحلة مع الخضر عليه السلام كان الخضر طلب منه ان هو يعني ما يسألش عن شيء لغاية ما الخضر نفسه
يقول له على اللي بيحصل قدامه. لكن موسى عليه السلام لم يحتمل. خصوصا في اول مرة لما كسر السفينة قال قال آآ اخرقتها لتغرق اهلها لقد جئت شيئا امرأة. قال الم اقل
انك لن تستطيع معي الصبر. فقال موسى لا تؤاخذني بما نسيت ولا ترهقني من امر عسرا. وهي دي اهم اهم وقفة عايز اقف معها ان موسى عليه السلام وهو من هو موسى افضل من خضر يا جماعة؟ موسى اعتزر للخضر بكل بساطة بكل بساطة اعتزر له
ما قالش انا اكبر منه ما قالش انا انا افضل منه ما قالش ازاي انا اعتزر ما قالش لأ انا ما عملتش حاجة غلط ما قالش لأ انا المفروض انكر بكل بساطة
موسى عليه السلام. السقافة الغائبة ان احنا نتحمل ان احنا نعتزر خلت اعتزر الموضوع مش بيقلل منك. الموضوع مش بيهينك لا تؤاخذني ان احنا بالبلدي بنقول لا مؤاخزة. كلمة لا مؤاخزة دي بتحل مشاكل كتير جدا. ممكن انت تغلط في واحد فعلا وانت غلطان ومن حقه يتنرفز عليك
قل له كلمة لا مؤاخزة يقول لك لا ما فيش حاجة انا اللي غلطان. وممكن انت تكسل تقولها تقلب بمشكلة كبيرة جدا على الفاضي لان هو اتضايق ان انت حتى ما عبرتوش
لا مؤاخزة انك انت سايق عربيتك وغلطت في واحد مجرد ما تطلع ايدك من العربية وتشاور له الموضوع ده بيريحه جدا. لو ما طلعتلوش بس ايدك وشاورت له الموضوع ده بينرفزه جدا وممكن
الموضوع يقلب بمشكلة كبيرة. حاجات سهلة جدا ما بتاخدش وقت. في كم مشكلة في البيت ممكن تتحل بكلمة لا مؤاخزة. في كم حالة طلاق ممكن يعني نترحم منها بكلمة لا مؤاخزة ما بين الزوج والزوجة اعتزار بسيط سقافة غائبة. الجميل في الموضوع ان القادر عليه السلام ما ردش خالص. قال لا تؤاخذني بما نسيت
لا ترهقني من امري عسرا. قال تعالى فانطلقا يعني ما لوش اي حاجة. ودي السقافة التانية الغائبة ان احنا لما حد يعتزر لنا نقبل بكل بساطة من غير عتاب من غير تقطيم من غير بقى استغلال للموقف ايه اللي بيخليني احيانا مش عايز اعتزر ان انا عارف اللي قدامي هيرد علي يقول لي اعمل ايه بالاعتزار بتاعك دوت
اصرفها منين اسف ديت ؟ انت بعد ايه جاي تعتزر ؟ فمن الاول اقول انا ليه اهين نفسي مش هعتزر. محتاجين السقافتين يبقوا موجودين سقافة سهولة الاعتزار وسقافة قبول الاعتزار بدون عتاب بدون تقطيم بدون تأنيب ارفع الشعار لا تسريب عليكم اليوم يغفر الله لكم وهو ارحم الراحمين
يا ريت نقتدي بهؤلاء الكرام موسى عليه السلام والخضر. بارك الله فيكم. جزاكم الله خيرا. السلام عليكم ورحمة الله
