السلام عليكم ورحمة الله. الحمد لله اشهد ان لا اله الا الله وحده لا شريك له. واشهد ان محمدا عبده ورسوله صلى الله عليه وسلم ما بعده مرحبا بكم في هذا اللقاء الطيب نسأل الله سبحانه وتعالى ان يجمعنا دائما على الخير وان لا يحرمنا من هذه المجالس الطيبة المباركة
اللهم توفنا مسلمين والحقنا بالصالحين. ربنا هب لنا حكما والحقنا بالصالحين. واجعل لنا لسان صدق في متأخرين وجعلنا من ورثة جنة النعيم ولا تخزنا يوم يبعثون. يوم لا ينفع مال ولا بنون. اللهم امين
اللهم امين ثم اما بعد. اه النهاردة موضوعنا موضوع اه شبابي قوي من اخطر المواضيع اللي بتهم الشباب. هو الكلام على الفتن الفتن اللي بتواجههم عموما وازاي الانسان يواجه الفتن ديت ويتعامل معها
اه اي موضوع بنتناوله في العادة يبقى لك فيه سلف من احوال الانبياء من احوال الصحابة فهي المواضيع خلصت خلاص بس هي الفكرة ان انت ايه بتقعد تدور وتركز كويس هي مشيت ازاي مع اللي قبلنا. ونعمل زيهم فبتمشي معنا بس هو الموضوع بسيط خالص
فاحنا مش بنخترع حاجة جديدة. ولا في حاجة جديدة. يعني بعض الناس بيعتقد ان هي شيخنا الحقنا عايزين بقى اختراع. ما فيش اختراع. هي هي. فده اصلا شيء مريح. ان انت
بنخترع جديد. احنا بس بنجدد القديم بس نوصلوها بشكل كويس. هو افهمك انت ليه مش بتطبقه صح؟ وازاي تعمل زي زي اللي فات علشان توصل لنفس النتيجة. تمام؟ فلو اتكلمنا مسال مسلا يعني دلوقتي هنتكلم على فتنة الشهوات. او فتنة النساء عموما او
الرجال بالنساء والنساء بالرجال لان هو موضوع مشترك. هي الموضوع متبادل. نفس الكلام اللي هيتقال؟ اه ممكن اغلب الخطاب هيبقى رجالي شوية على اعتبار ان انتم اللي قاعدين قدامي. لكن
هو نفس الكلام اللي بيتقال هنا هو اللي بيتقال هنا ونفس الضوابط اللي هنا هتبقى هنا ونفس القواعد اللي هنقولها هنا هي اللي هنا. سواء امرأة مفتونة برجل او رجل مفتون بامرأة
ده وقع ودي وقعت هو نفس الكلام هيتقال للاخر. لا شك ان الايه القصة المثالية في الموضوع دوت النموزج الاعلى في الموضوع دوت هو دايما بيبقى قصة يوسف عليه السلام في بيت امرأة العزيز. ده دي بتوع القصة المسالية لان دي قصة وصلت للحالة الاكستريم زي ما بيقولوا. تمام
ان المرأة داعية وهي اللي بتقول له بتاع وهيت لك والموضوع ايه عدى بسلام ونجا بكل بساطة فدي بالنسبة لنا حالة مثالية جدا رائعة جدا تحليل بقى الحالة ديت هو ده التحدي اللي احنا جايين نعمله. النهاردة ازاي نحلل الحالة ديت؟ يعني ازاي يعني كيف نجى يوسف من هذه الفتنة الرهيبة
الفتنة ليست بالامر اليسير ابدا. لكن في الاول لازم ان احنا نتأكد اكد عليك حاجتين قبل ما ابدأ الموضوع دوت لازم في كده نثبتهم عندك. ان عادة عادة اللي بيبقى داخل كده على قصص لما اجي اقول لك مسلا النهاردة هتكلم في قصة سيدنا يوسف
او قصة اي قصة خاصة الانبياء. وبتكلم عن عن حاجة من احوالهم اه في التقوى او في الورع او او او فبيبقى عندك اول مبدأ كده في حاجز نفسي حاجز نفسي من انت مستجيب او ان انت مستعد ان انت تقلد هزه الحالة. ايه هو الحاجز النفسي؟ الحاجز النفسي ان ده نبي
الموضوع بالنسبة لي خلاص الموضوع منتهي. الموضوع بالنسبة لي واقف. ده نبي. فاحنا ازاي حنبقى ايه؟ زي الانبياء. هم كده كده معصومين فاحنا مش ممكن نبقى زيهم. وبالتالي انت بيحصل لك صدة كده في اول الدرس. طالما انا بقول لك نموزج نبي. فانت بالنسبة لها ايه؟ يحصل لك صدة كده. دولا انبياء
احنا مش ممكن نبقى زي الانبياء وبالتالي قل اللي تقوله في الاخر انا مش نبي فانا مش هعمل زيه. تمام؟ دي دي مسألة ومرتبطة بالمسألة التانية اللي هقولها ان ربنا سبحانه وتعالى آآ عادة بيربط الامور اللي هي مشتركة بين الانبياء وغيرهم
القرآن بحاجات غير النبوة بمعنى اولا خلينا نقول واحدة واحدة. ربنا قال لنا في سورة الانعام اولئك الذين هدى الله فبهداهم ايه؟ اقتدوا صح؟ اكيد ربنا مش بيحيلنا على المستحيل. يعني مش بيودينا حاجة مستحيلة
طالما قال لنا بهداه مقتضي يبقى ازا احنا يمكن ان احنا نفعل اه مسل ما فعلوا تبقى بنفس الاداء والمستوى مش هتوصل لدرجتهم. بس اللي فعله دوت لا يمكن النبي كان بيصلي صلوا كما رأيتموني اصلي ما دام ممكن ولا مش ممكن؟ ممكن خذوا عني مناسككم. حجوا زيي ممكن ولا مش ممكن ولا هو ليه حج لوحده عليه الصلاة
سلام. فانت في الاخر نبي وبتقلده وبتقتدي به. في اعماله وهذا قابل للتقليد. تمام؟ طيب. الاهم بالنسبة لي ان ربنا قال تعالى دايما لما بيربط افعال الانبياء او الحاجات العزيمة اللي عملها الانبياء بيربطها ما بيربطهاش بالنبوة. يعني مسلا هنلاقي
صورة يوسف مسلا صورة يوسف من اولها لاخرها لم يذكر بصفة النبوة ولا الرسالة قط ان ولا الاخرة تمام كيوسف عليه السلام وانما ايمن كان بيوصف اوصاف اخرى غير النبوة والرسالة. وكذلك نجزي الايه؟ المحسنين مسلا. انه من يتق ويصبر. فان الله لا يضيع اجر
المحسنين تمام؟ آآ وقال سبحانه وتعالى وكذلك مكنا ليوسف في الارض يتبوأ منها حيث يشاء نصيب برحمتنا من نشاء ولا نضيع اجر. المحسنين والاجر الاخرة خير الذين امنوا وكانوا يتقون. هتلاقي كل الربطات في كل
كل ما سيدنا يوسف يحصل له حاجة ربنا يربطها بحاجة ما بيربطهاش ابدا لا بالنبوة ولا بالايه؟ ولا بالرسالة. انما بيربطها بالتقوى بالاحسان بالصلاح بالايمان اللي هي الحاجة اللي كده كده مشتركة بيننا وبين الانبياء. لو ربنا قال مسلا وكذلك نجزي النبيين كانت وقفت
خلصت كده انا كده بره بره الموضوع. كذلك نجزي المرسلين. انا كده بره الموضوع خلاص. لكن ما فيش مش هتلاقي الكلام دوت. حتى في قصة الانبياء عموما. مسلا آآ كما قال سبحانه وتعالى وزكريا ويحيى وعيسى والياس. كل من الصالحين واسماعيل وليسع يونس ولوط وكل فايه؟ هتلاقي رابطها
احسان يربطها بالصلاح يربطها بالتقوى. فده عادي تلاقيه في القرآن كتير. لكن مش بيربطها بالنبوة. هو لو ربطها بالنبوة انت كده اتجمدت خلاص لو روتها بالاحسان الاحسان متاح لك ولهم. التقوى هي متاحة لك ولهم. الصلاح متاح لك ولهم الايمان الصبر. كلها اعمال
مشتركة بين الانبياء وبين اتباع الانبياء. هو ده اللي احنا جايين نهدمه في دماغك ان انت مش معنى ان هي قصة نبي. ان ده نبي فانا ما ليش دعوة. تمام؟ وهو كده كده
معصوم فانا مالي بالقصة ديت ماشي يا شيخ كلام جميل وروعة بس ده مسالي انا ما ليش دعوة بالمثالية ديت لا هذه القصة قابلة للمحاكاة وقابلة للتكرار وقابلة للتطبيق تمام؟ لان اللي عملها ما عملهاش بصفته نبي. انما اللي عملها عملها بصفته رجل صالح. يعني سيدنا يوسف في القصة دي هو في القصة دي كلها طالع
بدور رجل صالح. صح مش طالع بدور النبي. يعني مش هتحس مش هتحسوا بالقصة ان هو ايه ان هو طالع بدور نبي او رسول او كده. هتحسوا في كل قصة ان هو رجل صالح. اه هو نبي اوتي النبوة في مرحلة من
بس هو بيمسل رجل صالح من اول القصة ايه؟ لاخرها وكأن القصة نموزج لاي رجل صالح. بل وغالبا اصلا سيدنا يوسف في اللقطة دي بتاعة امرأة العزيز ما كنش اصلا
ان هو كان لسه كان لسه فتى يعني ما كانش لسه ايه يعني بلغ السن اللي بيوصله الانبياء. الله تعالى اعلم امتى اتته النبوة بس الظاهر ان هو في اللحزة
ما كانش لسه لسه وصل لمنزلة ايه؟ منزلة النبوة. لم يؤتى لم يوحى اليه لم يعطى النبوة بعد. هو اصلا هو كان لسه في المرحلة ما قبل النبوة مرحلة زي النبي عليه الصلاة والسلام كده قبل النبوة رجل صالح. تمام؟ بالتالي حتى وهو في اللقطة دي ما كنش لسه ايه؟ ما كنش لسه اوتي النبوة. وبالتالي القصة قابلة تماما
اللي ليه للمحاكاة وفعل يوسف عليه السلام في المشهد دوت انما فعلوا من باب انه رجل صالح. فديت بتهدم عندك الحتة ديت لان الصدة دي بنلاقيها في كل حاجة المشكلة بقى ان بعض الشباب عنده استعداد يصد اي قصة. يقول لك طب احكي لك قصة حاجة. يقول لك اعمل الصحابة. انا هبقى زي الصحابة ازاي؟ ده النبي اثنى عليهم وبتاع ودول جامدين جدا ولو بلغ مد احد
احدكم اه انفق احدكم جبل احد ما بلغ مد احدهما طب التابعين الان خير الناس قرني ثم ايه؟ الذين تمالي بالقصة دي. طب انت عايز ايه انت جاي تعمل ايه؟ يعني فخد بالك مش معنى ان الناس دي حصل عليهم كده ان انت برة اللعبة. ما انت في الاخر على فكرة انت والصحابة والتابعين وتابعي التابعين
داخل بتتنافسوا فعلا الانبياء والمرسلين خلاص وصلوا للحتة ما حدش بيوصل لها. لكن ما عدا ذلك انت في تنافس بين بينك وبينهم. الشاهد يعني ان انت اول حاجة اطلع من الحتة ديت هذه قصة قابلة للتقليد وقابلة للتكرار والمحاكاة. الحاجة المهمة في قصة سيدنا يوسف عليه السلام مع امرأة العزيز ان عادة اللي بيجي يشرح القصة دية
بيبدأ من من اول قوله تعالى ولما بلغ اشده اتيناه حكما وعلما وكزلك نجزي المحسنين وراودته التي هو في عن نفسي وغلقت الابواب بيبدأ يحكي بقى ايه القصة من هنا ان هو كان هنا وحصل وحصل وبتاع وبتبدأ القصة من هنا. وهذه بداية خاطئة تماما. يعني اللي يبدأ القصة من هنا
افقد القصة اهم محور فيها. اهم محور فيها. لان القصة لو بدأت من هنا انت كده اه اه عامل زي واحد بايه؟ جاب لك المنتج النهائي في الاخر. اه طب انت عملته ازاي؟ ما هو ما هو اللي حصل دي نتيجة. معلش هو واحد في موقف زي ده قال معاذ الله انه ربي دي طلعت ازاي؟ ما هي ما هي
هي دي طلعت ازاي؟ ماشي ما تمام الكلام ده حلو. بس هو طالع ازاي ازاي هو قدر يعمل كده في اللحزة ديت؟ انت بتقول لي هو عمل كده. هيعملها ازاي
بجيب لي المنتج النهائي. تقول لي خد اهو اعمل زيه. ما انا ما اعرفش اعمل زيه. ما انت قلت عمل ازاي عشان اعمل زيه. هات لي بقى قصته. وهات لي المانيوال بتاعه. وهات لي
يعني اشرح لي اتعمل ازاي. فاللي بيبدأ من هنا بدأ بالنتيجة. عشان كده دايما انت بتيأس. فتيجي هنا تتصدم وتيجي يقول لك يلا اعمل زي سيدنا يوسف. اعملها ازاي؟ ما هو مش عارف
انا ما عنديش المقومات اللي عند سيدنا يوسف اللي خلته اصلا يعمل كده. يبقى لازم نرجع وراء شوية. الحقيقة ان القصة كلها مبنية على مشهد واحد بس. القصة كلها من اولها لاخرها. هو المشهد الملفت اللي بتبدأ به القصة نفسها
بتبدأ في الصورة نفسها. انت تلاحظ ان الصورة ايه القصة الحقيقة بتبدأ من ايه؟ لقد كان في يوسف واخوته ايات ايه؟ للسائلين. يلا بسم الله الرحمن الرحيم واتحكت الايه؟ القصة
اللي قبل كده بقى في ايه؟ في كم كم اية كده؟ بيحكوا مشهد واحد بس. اختار ربنا من كل قصة سيدنا يوسف قبل ما اخواته يرموه في الجب. مشهد واحد بس حكاه
مشهد واحد بس. هو المشهد ده هو ده القصة كلها. هو ده مربط الفرس في القصة كلها. اللي هي القعدة اللي قعدها سيدنا يعقوب مع سيدنا القاعدة دي هي خلاصة الدنيا. هي دي اهم حاجة في القصة
كل ما جاء بعد ذلك هو فرع عن هذه الجلسة لان سيدنا يوسف الحقيقة هو بيصرف من الجلسة ديت من ساعتها. هو مين رباه بعد كده؟ ولا مين ادبه؟ ولا قعد تلقى تربية فين بعد كده؟ فهو بيطلع كل ده منين
من المخزون ده بقى. مخزون جلساته مع يعقوب عليه السلام. فربنا شرح لنا الاول هو يوسف اتصنع ازاي. وبعد كده بقى كل اللي احنا بنشوفه بعد كده وهو بيصرف بس. بس هو جاب الفلوس منين؟ اللي بيصرفها دي كلها. ازاي كان في الملك كده وفي السجن كده؟ وبقت امرأة عبدالعزيز كده. ما هو حد ما تلقاش اي تربية بعد كده
من من ما شفش صالحين بعديها اصلا. تمام؟ الدنيا ضلمة بعد كده. ازاي هو بيطلع الحاجات دي؟ في السجن تمام وفي الملك تمام وفي وفي وافتخر بقى قال واتبعت ملة ابائي ابراهيم واسحاق ويعقوب. ايوة هي دي. يبقى انت بتصرف تصرف من ايه بقى؟ تصرف من القعدات ديت. خد بالك الجلسات دي
كان هو صغير بقى صغير صغير بقى مش مش زي سنه في بيت امرأة العزيز كان عنده اتناشر وتلاتاشر سنة في الوقت دوت لما كان بيجلس مع يعقوب وطبعا واضح ان هو بيجلس معه من زمان قوي وبيجلس معه كثير
هي اللقطة دي هي دي خلاصة القصة. وبتفسر لك كل حاجة بتحصل في القصة. ايه هي بقى القصة؟ هي المجلس الخاص مع يعقوب عليه السلام واضح جدا ان يوسف عليه السلام اكيد هم هم اخواته قال ليوسف واخوه احب الى ابينا منا هو ليه احب الى ابيه يعني ليه يعقوب غصب
عنه بيحب يوسف اكتر من باقي الابناء وده شيء لا يلام عليه الانسان انما المطلوب انسان يعدل بين ابناؤه في العطايا والهدايا والانفاق والكلام دوت. اما غصب عن الواحد يعني ده شيء لا يملكه الانسان. فلو عندك ابن مؤدب وابن مش مؤدب غصب عني ما اكيد احب المؤدب اكتر. واحد بيصلي وواحد ما بيصليش واحد بيسمع كلامك
واحد بيشتمك طب انت عايز ايه؟ تمام؟ ناس بيقولوا ان ابانا لفي ضلال مبين. والتاني يوسف عليه السلام ازاي احبكم زي بعض يعني؟ حاجة غصب عنك. فلزلك كده ما بيلومش على الحتة ديت. هو كده كده هيكون ما اخطأش لما حب يوسف اكتر من اخواته. فواضح ان يوسف عليه السلام معدن عالي جدا. عالي خالص. وفرق ضخم
مهم جدا بينه وبين اخواته وواضح ان هو كمان حتى لما بيجي يكلمهم او بيدعوهم هو اللي بيستجيب دايما. فلزلك يعقوب عليه السلام خصه بمجالس بعد كده لان هو اللي مقبل
زي ما بيقولوا كده مقبل هو بيطلب. هو عايز عايز يقعد معه. اي حاجة بيستشير فيها والده. لدرجة ان هو بيشوف من ام يروح يقول له. وده يدل على قوة العلاقة. علاقة قوية جدا
مين يوسف عليه السلام ويعقوب معلش المنام ده من اخص خصائص الانسان. هو انت لو شفت منام هتحكيه لمين؟ هتحكيه لاقرب حد لك صح؟ تحكيه لصاحبك المقرب جدا هتحكيه يعني اقرب حد لك. مش ممكن تحكيه لابوك الا لو ابوك صاحبك. صح؟ مش ممكن تحكيه لامك الا لو امك صاحبتك فعلا
ده من ام. يعني انا مستني تفسيره بتاعه. فممكن يعني ابويا لو مش صاحبي ممكن يسخر من من ام زي اشوفه مسلا. هيسخر ممكن يستهزأ بي. فانا مش هحط نفسي في موقف
محرج زي دوت الا اما واحد يقدرني ويتفاعل معي بجد وفعلا عايز ينصحني. فمش هيحصل كده الا لو واحد حبيبك قوي. او صاحبك او يحب لك الخير جدا. فكون يوسف عليه السلام اول ما يشوف المنام اول حد يفكر يقول له ابوه فده يدل على قوة الرابطة اللي بين يعقوب ويوسف عليه السلام
تمام؟ اه دي بقى النقطة الاولى اللي انا عايز اقولها. ان يوسف عليه السلام لما عرف طبعا اكيد عرف قدر يعقوب عليه السلام وكان سيدي يعقوب كان نبي في الوقت دوت. تمام؟ ولقى ابوه بهذا العلم. وبهذه التقوى والنبوة والكلام دوت يوسف عليه السلام استثمر
هزا الامر استسمار خطير. وكان بيتعمد ان هو يروح له ويقعد معه ويقعد معه بالساعات ياخد من علمه. وياخد من الادب تاخد من الايه؟ من التقوى وياخد من الورع وياخد النصايح ويستنصحه. ازا كان بيقول له المنام اومال بقى غير المنام هيعمل فيه ايه؟ بيقول لك المنام اللي هو اخص خصائص الاسرار
بالنسبة لك ما تقولهاش لاي حد. فلما انا اقول لك منامي يبقى انا بقول لك كل حاجة. يعني لو انا فضفضت لك في المنامات يبقى انا بافضفض لك في كل حاجة. يبقى هو لو حصل له حاجة في الشارع هيجي يقول
لو هو حصل له مشكلة اول واحد هيستشير ابوه لو هو عايز يتعلم اي اي مصلحة اي حاجة يعملها هيسأله عاملها ازاي؟ يبقى ازا هو واضح ان هو يقعد معه كتير يعني دي القعدة دي هو ربنا حكى لنا القعدة اللي حكى فيها المنام عشان تفهم ان هو بيقعد معه كتير
ما هو مش ممكن اوصل ان انا اقول لك المنام الا وانا اصلا بقعد معك في كل حاجة. انت خلاص بقيت اقرب واحد لي انا بقول لك اللي بشوفه في الحلم مش هقول لك لا اشوف الواقع
اكيد بقول لك اللي بقوله في الواقع كله. يبقى ده صاحبه. مصاحب يعقوب عليه السلام. ويوسف عليه السلام كان يعني نبيه وزكي من من من صغره زي ما بيقولوا كده
استطاع ان يستثمر هذه الفرصة الهائلة. ابويا نبي يعني حاجة خطيرة جدا. استثمروا اشبع منه. خذ اللي تقدر عليه تمام؟ هو يوسف كان يعرف ان هيحصل فيه كده؟ ما كانش يعرف. طب تخيل بقى لو كان قال ابويا نبي كده كده هي ادينا قاعدين مع بعض وعلى مهلك وفين وفين
علمي اهو ادي العلم قاعد كده كده ومش هنخسر حاجة. كان حصل ايه؟ حصل كارسة. كان مرة واحدة يفقد يعقوب عليه السلام وبالتالي فقد مصدر التلقي ومصدر التربية والعلم وبالتالي هيبقى مفلس مش هيعرف يواجه الحياة ازاي بعد كده
ده بقى الفكرة اللي انا عايز اقولها لك اول فكرة النهاردة قبل ما نبدأ المشهد اللي هو المشهور وده خلي بالك المشهد ده خليه في الاخر. ده ده مش شاغلني ده نتيجة. انا
مين اللي حوله؟ الاهم من كده هقول الاسباب. السبب الاول اللي خلى يوسف عليه السلام بهزه القوى في مواجهة الفتن انه لما وجد محضن تربوي تشبث ونهل منه قدر ما يستطيع. وهو في سن صغير. قبل ما يبقى السن اللي هو بيواجه فتن ونساء والكلام دوت
ما اجد الفرصة دي تشبث بها. دي الرسالة اللي عايز اقولها لك. ان انت لو ربنا اكرمك باي محضن تربوي. خد بالك المحضن التربوي ده ممكن يتنوع. مش لازم يبقى ابوك. ممكن يبقى ابوك. ممكن يبقى اخوك الكبير. ممكن واحد صاحبك سبقك في الطريق الى الله. ممكن
مسجد في المنطقة عندك مسجد سنة ومسجد فيه اخوة صالحين. بيعملوا حلقات بيعملوا بيعملوا دروس بيطلعوا رحلات بتاع وجنب البيت. وانت عارف ان هو موجود تمام؟ شيخ في منطقتك اه محفظ قرآن معه اجازة اه عنده علم شاب دعوي بتعرف ان انت توصل له تاخد منه دروس بتاع. تمام
اه اه اه دار قرآن الاخت بتروح فيها بتلاقي اخوات صالحات بيت اخ بيودينا بيت وبيدينا حلقة هناك بيدعونا هناك. اخت بتجمع الاخوات في في في بيتها بتدي دروس هناك كل ده متاح مش هتلاقي حاجة من دول جنبك
ولو حتى يعني ضعفت خالص الاونلاين دلوقتي بقى فيه كتير وفيه تواصل اونلاين كمان وفيه حلقات اونلاين لايف يعني بتبقى لايف. مش بس انت بتتعامل كده. ففي الاخوات بيعملوا حاجات
مجالس قرآن بقت على زوم. هو بس هم بيكلموا بعض. ممكن يكونوا شايفين بعض كمان. تمام؟ فالدنيا مش مش موقفة على مكان دلوقتي. لا مسجد ولا دار ولا الدنيا ديت
بس انت مجرد ما بتلاقي المحضن التربوي دوت هنا تبدأ قصتك. هل استسمرت ولا لا هل نهلت منه ولا لا؟ هل خلصت اللي فيه ولا لا؟ لو لقيت حاجة زي كده وما نكبتش عليها وحاولت تنهل منها بسرعة انا ما اضمنلكش
بكرة ما اضمنلكش بكرة. كتير من الشباب جنبه جنبه المسجد جنبه في حلقة وفيه تحفيز والشيخ قاعد او او في مجالس علم او الاخت عارفة الدار وقريبة منها وعارفة تروح فين وعلى مهلنا بقى ونزهد وبتاع ونفس طويل بقى في كل حاجة. يعني ما بينهلش تلاقيه بقاله سنين في الالتزام
وعارف المكان خلصت كتاب فقه ما خلصت عقيدة خلصت حفظت قرآن ما خدتش التربية الكافية ما بيقعدش كده ويصبر ويقعد بالساعات يتعلم اسمع والكلام دوت هو بيمني نفسه بطول الامل مش مشكلة على مهنة مش مشكلة ايه على مهنة بيقعد بقى صاحبنا على مهلة على مهنة دي كتير لغاية ما تحصل مشكلة ان هو يتفاجئ
مرة واحدة ان هو اتسحب من ليه المحضن ده لسبب ما. تمام؟ سبب ما زي ايه؟ زي مسلا ايه؟ خلص الكلية لقى نفسه لبس جيش تلات سنين يلا اختفى من المنطقة ايه؟ لمدة تلات سنين وفي مكان مش هيلاقي فيه طبعا ايه لحد يعلمه ولا حد يحفظه ولا حد يوجهه. تمام؟ وضع صعب معاملة هتبقى صعبة هيزبط
وازاي على على الجودة لتلات سنين. هل هيرجع سليم؟ ولا هيبقى خلاص وطبعا حلق لحيته وبتاع لو بيصلي يبقى كويس جدا. بيبتدي فيه خساير. طب انت ما يكفي ان انت تخسر وترجع سليم ولا هو الدنيا كانت بالزبط فمجرد اول خساير انت وقعت فعلا
او خلص من هنا ما لقاش شغل في منطقته ولا في محافظته كان بيمني نفسه بكده اضطر يسافر اضطر يسافر لقى نفسه في دولة عربية ولا بتاع ولوحده لا لقى مساجد ولا دعوة وهو غريب وما لوش حد ولا صحبة ولا اخوة ولا نشاط والدنيا
الناس هنا يا دوبك بيصلوا بالعافية وخلاص ودوام الصبح ودوام بالليل والدخل دخل في المدعكة دي او اتجوز وعزم. اجوز واضطر يعزم ما قدرش يجيب شقة في منطقته اللي هو اتربى فيها وفيها كل حاجة. عزل راح عزل المنطقة بعيدة شوية عشان يلاقي حاجات ارخص
شوية طلعت منطقة ما فيهاش شغل. ولا دعوة ولا اخوة ولا اي حاجة ساعتها بقى هيندم على كل لحظة ضيعها لما كان المحضن الكروي ده في ايده هو ضيعه. هيندم. واسأل اي اخ يعني مر بالمرحلة دي
الاخوة على انواع على فكرة في ناس اللهم بارك يعني من صغره اول ما لقى الفرصة دي نهل منها بكل يعني طحنها زي ما بيقولوا كده. خلص كان بينجز بينجز بينجز. شف ده بعد ما اتجوز ولا اي حاجة حصلت. دخل الجيش ولا اي حاجة حصلت. وطالعة زي ما هو واحسن. تمام
يسافر يرجع هو هو. يروح هناك يعمل دعوة. يرجع يكمل في دعوته. يرجع يروح يعمل دعوة. يرجع يكمل في دعوته. ما بيتهزش ما بيقلش هو بيزيد بس. ليه؟ لان هو جاب السرعة اللي تكمله خلاص. ما حدش هيعرف يوقفه بقى بعد كده. وعرف يستفيد جدا من من السنوات اللي هو كان قاعد فيها
سرايق ومستقر خاصة انا بكلم بكلم مين بقى خاصة في الموضوع ده؟ الشباب اللي في اعدادي في سانوي في كلية السن ده السن ده انت هتعمل جريمة في نفسك لو
الكلية خلصت وما خلصتش انت كل احلامك في المحضن التربوي المتاح لك صدقني صدقني اللي بعد الكلية مش احسن خالص خالص الحقيقة بعد كده هتبقى مدعكة. مدعكة حقيقية. انت الان لغاية دلوقتي بيتصرف عليك. وعارف مواعيدك. وعارف راسك من رجليك. تروح تنام في بيتك وابوك شايل همك وامك شايلة هم
تمام وعارف دروسك امتى وفي صيف؟ في حاجة اسمها صيف. احنا ما نعرفش الصيف يا باشا. احنا بنعرفه من مدارس العيال بس الصيف شبه الشتاء. وكل الاوقات بقت شبه بعض. انت مطحون كل يوم. انت ما ينفعش تاخد راحة. وراك لحم. تمام؟ ما ينفعش تبطل شغل. ما ينفعش
تصيف. انت بتصيف تاخد تلت تيام مصيف بالعافية عشان الولاد برضو لو عليك عايز توفر ايام الاجازة دي تعمل بيها اي مصلحة تانية تمام انت الحياة بتطحنك بعد كده انت بتتلقى
مش طول حياتك بقى وبتتدارك بالكاد بتتدارك اورادك وعلى حاجة في الدعوة بسيطة بتعملها انك انت مسحول فعلا. تمام السحلة دي ما لهاش نهاية وانت مش عارف لها نهاية. وهي بتكبر مع الحياة. كل ما تبقى في ولاد اكتر بتضطر تشتغل اكتر. كل ما يبقى في مهام اكتر وبعد كده تلاقي ابوك كبر امك
كبرت بالمهام اكتر الموضوع بيبقى صعب والامراض تبدأ وزوجتك تعيا وفي افلام انت مش انت مش متخيل انت مش متخيل يعني الوضع بعد الكلية صعب. احلى ايام حياتك هي ايام الدراسة. صدق او لا تصدق
احلى ايام حياتك هي اعدادي وسانوي وكلية. دي اسعد ايام حياتك. الايام اللي انت عارف فيها راسك من رجليك ديت. الايام اللي هي بتروح الكلية تلات ايام وترجع اربع تيام تقعد في البيت
تمام؟ السانوي اللي انت اصلا ما بتروحش المدرسة يا دوبك الدروس وبتلم في الاخر وخلاص. الحياة اللي فيها صيف دي. فيها صيف دي. اسأل اي اخ مسلا عمل شغل آآ
عامل شغل كويس او طالب علم مجتهد او او ما شاء الله معدي في القرآن قل له انت عملت الكلام ده فين؟ هيقول لك في الكلية وبعد الكلية يقول لك ايه يا دوبك يعني يعني ايه بالعافية بزود كده بصعوبة. لكن انا كل اللي عملته اغلبه كان في الكلية
خلصت الكتب دي كلها في الكلية. حفزت القرآن في الكلية وهكزا. هتلاقي الكلية ديت كانت دايما هي ايه؟ احلى ايام حياة الانسان. واكتر فترة كان فيها طلب علم. خاصة المكنة شغالة. كده كده مكنة الحفظ اهي شغالة في سانوي او في كلية. حط فيها اي حاجة هي بتهرس اي حاجة. انا كده كده عشان مديها كيمياء وفيزياء وبتاع. اسهل من كده القرآن
اسهل من كده الفقه يعني الموضوع سهل. فانت بتحفظ الصفحة في ربع ساعة. تعال لي بقى بعد ما عديت التلاتين ولا او كده وانت ما كنتش بتطلب علم. يلا ابدأ
الصفحة بتخلص في ساعة انا عايز اقول انت في ايام جميلة. فالشباب يا جماعة والبنات اللي في السن ده وخصوصا او عموما بقى اللي عدى السن ده بس ما زال هناك فرصة او محضن تربوي يحتويه
انت بتعمل جريمة في نفسك لو فاتتك الفرصة ديت. مش هتعرف امتى الا لما تشوف بقى النموزج التاني. اللي هو الاخوة اللي ممكن قعدوا الفترة دي كانت متاح بالنسبة لهم ان هو
يتربى ويتعلم ويتأسس والكلام ده وقعد ايه يضيع في وقت لغاية ما الكلية خلصت وبعد كده مرة واحدة لقى نفسه ادعك في الحياة دايما بقى بيستغيس يعني طول حياته بيستغيس الحقني يا شيخ انا بضيع انا بقع انا انتكست انا الحقوني ويسافر يقع يخش الجيش يقع يتجوز الدنيا ريحت خالص بقى انسان عادي خالص بقى انسان
عادي زيه زي اي حد. لا همة دعوية ولا منشغل بدعوة ولا طلب علم. خلاص هو الدنيا سقطت منه وخلاص راضي بالوضع الحالي والدنيا كده تمام. فاللي عايز اقوله ان الحقيقة هي
قصة يعقوب يوسف عليه السلام هي في مدى ما نهل من يعقوب. نهل منه فعلا. ويعني بص خد كل حاجة يقدر ياخدها من سيدنا يعقوب عليه سلام. لدرجة ان هو بيفتخر بالموضوع ده وهو في السجن. قال واتبعت ملة ابائي. ابراهيم واسحاق ويعقوب ما كان لنا ان نشرك بالله من شيء. ذلك من فضل
هو خد ايه عشان يقول من فضل الله دي؟ علينا وعلى الناس ولكن اكثر الناس لا يشكرون ايه اللي اتعلمه من يعقوب لدرجة ان هو جوة السجن بيشكر ربنا وبيقول بفضل الله بفضل الله وهو في السجن
وهو في السجن بيقول فضل الله علينا. ازاي ايه التربية دي؟ ايه الادب ده؟ ايه الصلابة النفسية دي؟ ايه الثقة في الله ديت؟ حاجة عجيبة حاجة عجيبة ده ده وضع
ملزم ان انت بقى في السجن وتبقى بالعقيدة ديت كتير دي دي الحقيقة. الحاجة التانية بقى اللي احنا قلنا ايه؟ طلعنا بالليل بالفايدة الاولى ديت. الفايدة التانية. هو بقى يعقوب عليه السلام طبعا يعقوب عليه السلام شايف ابني بيبقى عايز ينهب
وعايز يتربى هو رباه على ايه ده بقى الايه؟ ده السؤال التاني. هو ازاي يعقوب عليه السلام؟ قدر في السن دوت. طبعا في السن ده ممكن مش هيستوعب كل حاجة. ايه اللي اسسه فيه؟ او ايه اللي
فيه خلاه بعد كده بالصلابة ديت طول الحياة. تعال نركز كده. هو يوسف عليه السلام طبعا حكى له المنام بدأ وحكى له المنام. وقال له مش عارف ايه احد عشر
كوكبا والشمس والقمر والكلام دوت. رأيتم لي ساجدين. اول حاجة قال له لا تقصد سرؤياك على اخوتك. خاف عليه. عشان ما يحسدوش عشان ما يأزيهوش. هم اصلا بيكرهوه وعشان موضوع الحب والكلام دوت. فدي نصيحة عموما لا تقصص رأيك على اخوتك فيكيدوا لك كذب. اهم بقى اللي جاي. قال ان الشيطان للانسان ايه عدو
ده اول تأصيل بيأصله يعقوب عليه السلام يوسف عليه السلام. ان عدوك الحقيقي هو الشيطان. وهو ده سبب المشاكل كلها واخواتك وصلوا لكده بسببه. والعلاقة بينكم متوترة بسببه. هم بيحسدوك بسببه. فصرف طاقة
عليه السلام في العداوة لمين؟ للشيطان وبدأت عداوته مع اخواته ما بقتش قوية. كان من ناحيته هو ان هو طلع كل المشكلة في الشيطان في الاخر كده كان من السهل عليه انه يسامحهم في الاخر
عمر هو يعقوب عليه السلام حط في دماغه ان مشكلتك مش مع اخواتك واخواتك ممكن يتوبوا يعني مين اللي مش ممكن يتوب؟ الشيطان ده اللي مش ممكن يتوب ولا ينصلح حالا. لكن لو الشيطان بعد عن اخواتك شوية ربنا هيهديهم
وهيبقوا كويسين. وساعتها خلاص هتبقى زي هتبقوا زي بعض وخلاص. فمجرد هم فعلا ما عملوا كده قالوا يعني تالله لقد اثارك الله علينا وان كنا لخاطئين اول ما في دي قال لهم خلاص الموضوع ما كنش معكم اصلا
لا تسريب عليكم اليوم يغفر الله لكم وارحم الراحمين. فاتأسس عنده عداوة شديدة جدا للشيطان انا لما اسس عند نفسي الموضوع ده. على فكرة الموضوع ده من الحاجات اللي ممكن تخليك تترك المعصية. عند في الشيطان بس
واحيانا على فكرة الدافع لترك المعصية احيانا بيتنوع. ممكن واحد يترك المعصية خوفا من الله ممكن واحد يترك المعصية رجاء رحمة الله. ممكن واحد يترك المعصية حياء من الله بس عشان ربنا عمل معي حاجات كتير يعني ما يصحش ان انا ايه
بعد كل ده اعمل في واحد بيترك المعصية عند مع الشيطان هو مش جاي في باله لا الخوف ولا الرجاء ولا الحاجات دي. هي جامعة كده ايه مش هيشمت في
ملاياتي كنا نفسرها في بعض الدروس سورة النحل. قال ايه؟ قال اسجد لمن خلقت طينا؟ قال ارأيتك هذا الذي كرمت علي لان اخرتني الى يوم القيامة ايه؟ لاحدن يكن ذريته الا قليلا. لاحتن كن دي لي كزا كزا معنى. من معانيها لاستأصلن لاضلن. بس احد المعاني اللي ذكرهم
لاحتنكن من الحنك الحمار لا مؤاخزة اما يحبوا يسوقوه بيعملوا ايه؟ حطوا ايده في حنكه ايه؟ لجام. دي معنى الاحتنكان. يعني هركب لهم لجانب واركبهم واسوق. اصلا اللي احتنكانة دي لوحدها خليك ما تعملش معصية تاني
عشان انت بتحس ان انت بتنهق وانت بتعمل معصية. ده احساس مقرف قوي. ومين اللي راكب؟ يعني مين اللي سايق؟ هي يعني اصلا مقرفة لوحدها  لما تيجي تعمل معصية تتخيل بس التخيل دوت ان انا لو عملت المعصية ديت هبقى انا كده هه في واحد كده سايق وجابني وداني وشيل
وانا مشيت عادي يعني ايه هر وانا كملت عادي. دي اصلا احساس مقرف. ده لوحده ممكن يخليك ما تعملش المعصية. عند في الشيطان. عشان ما احسش احساس الوقح ده ان انا اتركبت شيطان ركبني وسايقني ومدلدل رجليه وانا عامل زي اللي بينهق ده. ورحت
وقال لي شمال رحت شمال. شمال كملت شمال رحت انا معه شمال. وعملت اللي هو عايزه. وهو دلوقتي بيضحك وشمتان في احساس قزر جدا. ده ده لوحده ممكن يوقفني يهنجك. خليك ما تعملش المعصية اصلا
عند في الشيطان انا مش مش هيزفر مني دي وانت بقى فاكر اصلا كمان لسه هيقول لنا يوم القيامة قال ايه؟ ان الله وعدكم وعد الحق ووعدتكم فاخلفتم كان لي عليكم من سلطان الا ان دعوتكم فاستجبتم لي فلا تلوموني. ولوموا الفصول. اصلا الاية دي لما تقراه بتقرف من اي معصية في حياتك
وممكن يكون الدافع لترك المعصية عند مع الشيطان وخلاص. احساسك ان هو يريد بك كل شر. ان الشيطان للانسان ايه؟ عدو مبين. عمره ما هيجي منه خير اي محاولة لتبرير المعصية بيوصلها لك ما تصدقوش. ما تصدقوش. لا هيقول لك مسلا العادة السرية هتريحك. ما تصدقوش
لو يمشي مع بنت عشان تتعرف عليها عشان يعني تبقى انت عرفتها وتجوزها ما تصدقوش تمام؟ يا عم ما فيش حاجة يعني انت هتعمل ايه يعني؟ ما هو في اسوأ منك ما تصدقهوش هتبقى اسوأ من اللي اسوأ منك قريب
تمام ما تصدقوش. طب امشي معها شوية عشان تعرف مؤدبة ولا مش قدامها هنا. لو مشيت معك تبقى مش مؤدبة. ما خلاص ما تصدقوش. تمام؟ ما عرفنا خلاص. ما هي انت عشان تروح
حاجة مؤدبة لازم ما تمشيش معك. يعني يعني فاهم ازاي؟ طب عشان نعرف اخلاقها. ما انا عرفت اخلاقها خلاص ما هي وافقت تمشي معي يا باشا. اقعد بقى العادة السرية بيقول لك ما طب ما انت ناس كتير بيعملوها ركبهم حديدة وعادي يعني. هي مش مشكلة ركب يا باشا يعني الموضوع اكبر من كده. الموضوع موضوع حرام موضوع
دي دي ابعاد خطيرة جدا ممكن نتكلم مرة في الاباحية. والعادة السرية مخاطرها اللي هي بعيدة تماما عن مخاطر الجسمانية اللي دايما في دماغ الشباب نزرك يضعف ركبك تخوخ والكلام ده سيبك الكلام دوت. الموضوع اكبر من كده بكتير. موضوع افساد تام للكيميا اللي في دماغك. ادمان الاباحية وادمان العادة السريعة
هي زي ادمان المخدرات والكحوليات بيعمل بيعمل بيأسر في الكيميا بتاعت الدماغ وتوصلك لدرجة ان انت تزهد في النساء اصلا كمان يبقى ارتباطك بقى بالايه؟ بالمنتج الاباحي تمام زي الفرق بين الكحول والعصير. الكحول هو ده اللي بيعمل دماغ. العصير ما بيعملش دماغ. بس هيبقى الفرق بين الاباحية والزوجة زي الفرق بين الكحول والعصير. تبقى
اتجوز وزايد في زوجتك. لان هي ما بتعملش اللي بتعمله لك ليه؟ الاباحية اللي هي فيها مأفورة في كل حاجة. ده موضوع تاني. بس عايز اقول يعني ان الشيطان ممكن يسهل لك
كتير اوعى تصدقه. اي ما يبرر لك حاجة حط العنوان ده ان الشيطان للانسان ايه؟ عدو مبين. يبقى دي اول حاجة اصلها يوسف يعقوب عليه السلام دماغ يوسف عليه السلام
الحاجة التانية اللي اصالها في دماغه هو بقى على فكرة هو هو ما لغاية دلوقتي ما جاوبوش. هو مستغل الحدس وبيدي له رسايل ان الشيطان الانسان يعود مبين. وكذلك يجتبيك ربك
ويعلمك من تأويل الاحاديث. ويتم نعمته عليك وعلى ال يعقوب. كما اتمها على ابويك من قبل ابراهيم واسحاق ان ربك عليم حكيم. وبعد كده لقد كان في يوسف. ايه بقى اللي عمله يعقوب هنا بقى؟ عليه السلام. اللي عمله هنا ان هو زي ما بغض
آآ خلى الشيطان ابغض شيء ليوسف عليه السلام انتقل الى الله سبحانه وتعالى. وجعل الله احب شيء الى يوسف عليه السلام. عملها ازاي؟ عملها بطريقتين الطريقة الاولى او خلينا احنا نسأل سؤال. هو لما انا اكون عايز احب حاجة. ايه الحاجة اللي تحببني في اي حاجة؟ حاجة من الاتنين
عشان احب حاجة اي حاجة حاجات بتحب الحاجة من الاتنين. اما لصفاتها الذاتية ان هو في ذاته كويس او للنفع المتعدي اللي بيعود علي مني ملهاش حل تالت اما حاجة صفة زاتية فيه حتى لو مبتعدش عليا بحاجة او لنفع متعدد
منه بيعود ايه؟ علي. هنضرب مثال. انت دلوقتي شايف آآ وردة جميلة حبيتها ولا ما حبتهاش؟ حبيتها استفدت منها حاجة؟ ما استفدتش منها حاجة بس هي جميلة فهي تتحب عشان هي جميلة وخلاص. طفل صغير لقيته قدامك كده شكله حلو
خدوده كبيرة وبتاع وضحكته لطيفة. حبيته انا ما حبيتوش. اول ما الصوص كده حبيته. استفدت منه حاجة؟ ما استفادش منه حاجة. بس هو اتحب عشان جميل. آآ شفت يا ولد
في اليوتيوب بيسمع قرآن وحافظ جامد وبتاع حبيته. ما استفدش حاجة. تمام؟ وما عدش علي بحاجة. بس هو في كمال شخصي معين خلاني احبه. هو شاطر في الحتة ديت مميز في القرآن
فالحاجة لو هي فيها صفة زاتية فيها هي حلوة. هي تتحب حتى لو انا ما استفدتش حاجة. طب لو انا بقى استفدت منها حاجة؟ الحب بيزيد اكتر. يعني تخيل انت بس الطفل
الجميل دوت تمام؟ بقى زكي احبه اكتر بار بوالديه انا ما استفدتش حاجة لغاية دلوقتي باحبه اكتر سمعت ان هو طالع الاول على المدرسة. احبه اكتر. تمام؟ طالع الاول على الجمهورية بحبه اكتر
اه مؤدب ولبق في كلامه وبيحفظ قرآن في المسجد دلوقتي. بيحبه اكتر. ختم قرآن. احبه بموت فيه. مش معقول ما دام ان هو عيل صغير كنت بحبه  كبر واشتغل وبقى ناجح في شغله. بيحبه اكتر واكتر. عنده شركة كبيرة دلوقتي. يصرف على الفقراء. يا سلام! ربنا يكرمه! ده حبيبي! انت اتزنقت
مرة راح راح ادى لك فلوس. اوف. هتموت فيه بعد كده. وبقى على طول عرف ان انت مزنوق فكل ما يقابلك يدي لك فلوس تمام؟ وبيجي لك جنازة وحضر معك وجاء لك فرحك ونقطك وعمل لك وسوى لك ووقف لك في حوار واستعمل واجهته وطلعك من مشكلة
عدى لك ورق. ايه ده! تحب قد ايه ده! تقول لي ده انا ده انا اموت فيه دوت. تمام؟ ليه؟ لان هو تقول لي لو ما عملش معي حاجة انا اصلا كنت باحبه من غير حاجة. امال بقى لو
احسن الي. هي دي الفكرة بقى. ان يعقوب عليه السلام عمل الحاجتين دول مع يوسف عليه السلام. ان هو باين له مين ربنا بقى؟ سواء في صفاته الزاتية او صفاته الايه
المتعدية. صفاته الذاتية قال ان ربك عليم حكيم. وطبعا اكيد في مجالس تانية بيقول له اسماء تانية بس ان ده اللي وصل لك. عليم حكيم. علم وحكمة فدي صفة زاتية في الله. هو يتحب لانه عليم حكيم
وبعد كده ادى له بقى وبدأ له بالاعلى لان الانسان عادة بيتأثر بالنفع المتعدي اكتر من الصفة ليه؟ الشخصية فبدأ من النفع المتعدد. قال كزلك يجتبيك ربك خد بالك من ربك
ما قالوش ربنا ما لوش ربي ما لوش الله ربك كأنه بيأسس العلاقة الشخصية دي بين يوسف عليه السلام وبين الله ربك ويعلمك من تأويل الاحاديث ويتم نعمته عليك. وبعد كده جاب له ايه؟ وعلى ال يعقوب. ده ابوك وجدك
وابو جدك كله غرقان في فضل ربنا كما اتمها على ابويك من قبل. ابراهيم وايه؟ واسحاق. ان ربك عليم حكيم. يطلع لو تخيل بقى لو كل مجلس هو بيقول له كلمتين زي دول يطلع عامل ازاي
لما انا اربي نفسي على المعاني ديت على عداوة الشيطان فربي نفسي التربية التانية على النظر ان انا اتأمل دايما في الله سبحانه وتعالى سفاء سواء في صفاته الزاتية الجمال والقدرة والعلم والحكمة والعلو والكلام دوت او صفاته المتعدية الكرم
والخير والرزق والكلام دوت. واشوف في نفسي كل نعمة وما بكم من نعمة فمن الله. خدها دي. اوعى كده وان تعدوا نعمة الله لا خصومة يبقى النعم لا تحصى وكل نعمة هي من الله سبحانه وتعالى. غير صفاته الذاتية الجميلة. وبالتالي انا لو ركزت في الباب ده شوية
واستفدت فيه عشان كده مهم جدا لما احنا نربي الشباب نركز على الحاجات دي. نديهم الاسماء والصفات. دي مهمة جدا. مش من باب العقيدة والاثبات والتنزيه والكلام دوت والرد على اهل البدع مش دي مسألة في العقيدة. المفروض يضاف اليها المسألة التربوية معاني الاسماء
الاسماء في النفس والكون والكلام دوت. تعبد بالاسماء والصفات. نقعد نقعد في الحتة دي كتير. ممكن نقعد طول حياتنا في الحتة دي. ونقعد نعيد ونزيد فيها. وبعد كده بنتكلم على انعام الله على خلقه. فسر سورة النحل بس. سورة النعم. واقعد بقى شف انعام ربنا على العباد عامل ازاي. شف نعمه عليك عاملة ازاي. واقعد بقى في الموضوع ده غير ان انت
نظري لازم تفكر فيه كتير كلي. كل يوم تفكر فيه. علشان يحصل لك الحتة بتاعة الايه؟ الحب. عشان كده بيقول لك الحب ينبت على حافات المنن زي زي النبتة كده. مش النبتة كده بتطلع على حافة النهر. فبيقول لك الحب ينبت على حافات المنن. فكل ما انت مركز في المنن ينبت الايه؟ ينبت
طول ما انت بتقول انا عملت وانا سويت عمرك ما عمرك ما هتحب ربنا. لكن لو قلت ذلك من فضل الله علينا وعلى الناس. هتحب هذا من فضل ربي آآ
اخواني اشكر ام اكفر هتحبوا. الانبياء كانوا دايما ينسبوا لفضل ايه؟ لله سبحانه وتعالى. عشان يتجدد في قلوبهم مسألة الايه؟ الحب. فلو انا اجتمع في قلبي الموضوع دوت  ان انا باحب ربنا جدا جدا
ابو بكر شيطان جدا جدا وانا ركزت في الموضوع ده كتير. فحاولت ان انا اعود نفسي على الموضوع ده واربي نفسي عليه كل حاجة سهلة بعد كده كل حاجة سهلة بعد كده
مش هتبتدي بقى نطول كتير في كل معصية. شيوخنا عايزين خطة لغض البصر وخطة للاباحية. وخطة عشان اقوم اصلي الفجر. وعايزك بقى تقول لي حلول عملية مش مستاهلة كل ده. اسس الحب كل ده يخلص. ان المحب لمن يحب ايه؟ مطيع. معلش انت بتحبني قوي. انا قلت لك تعال
هتيجي دلوقتي قلت لك انزل لي الساعة تلاتة بالليل عايزك في مصلحة هتنزل. تمام؟ قلت لك شل البتاعة دي انا مش قادر اشيلها هتشيل. مش هيفرق معك انا بقول ايه
بتحبني وخلاص اي حاجة هقولها لك هتعملها مش هتركز في خطة بقى للشيل الخطة تصحى لك ازاي تلاتة الفجر خلاص هي الحب هيخليك تعمل اي حاجة صح حتى اللي بيحب يعني حد بيحب واحدة مسلا خلينا نتخيل ان هو بيحبها في الحلال سيبك من الحرام. تمام؟ واحد عاقد على واحدة وبيحبها قوي. تمام؟ مهما تعب ما فاهم؟ لو
حد نزل اتمشى معها. تمام؟ خد كورنيش اسكندرية كله. مش هيتعب ليه؟ لانه بيحب لو قعدوا ماشيين بعد تلات ساعات كلام وحب وبتاع. فيجي ده احنا ده احنا ماشيين من آآ من المندرة وصلنا القلعة. ازاي؟ رجلينا خدت
ازاي هنا؟ تمام؟ ما حسيناش بالوقت. انا اللي ماشي معك مع ايه؟ مع ان ماما بتقول لك انزل هات عيش من تحت. اه اه انت عارفة عرق النسا بيضرب وانا نازل اجيب العيش. طب ما انت ماشي مع مع الامورة بقى لك تلات اربع ساعات ما حصلش حاجة ليه؟ الحب بقى فاهم ازاي
انت مش بتحب الراجل بتاع العيش تتخنق منه. فاللي عايز اقوله ان الحب بيعمل كده. تمام؟ لو قعدت هي تكلمك في التليفون بالساعات مش هاتمنى تمام لكن في في حد كده لو اتصل بك دقيقة بتبقى انت بص مش طايق نفسك مش عايز ترد تقول له ابعت لي فويس فويس عشان مش عايز اكلمك اصلا. يعني ازا
الحب بيلغي حاجات كتير. يوسف عليه السلام خد الترسين دول شربهم ما هي الفكرة مش دخلت الدرس بس خدته وشربته فعلا وحولته لواقع عملي واتأثرت به جدا وبدأت تطبقه ما في بقى في فرق بين العلم وتطبيق العلم. فممكن تحضر دروس كتير بس انت بتحضر مسميع وخلاص. في واحد بيحضرها بيفعلها على طول في يومها. هو
عليه السلام كان بيفعل على طول. هم. لدرجة ان الدروس دي مأسرة فيه طول فترة بقاؤه في الحياة لغاية ما اقابل يعقوب تاني في الاخر. وده باين جدا في السجن عمل ايه؟ في الملك عمل ايه؟ كل حاجة كل كلمة بيقولها تحس ان هي اثر من اثره
يعقوب عليه السلام لما قال زلك من فضل الله علينا وعلى الناس جابها منين دي؟ فضل الله دي جايبها منين؟ من الحب اللي هو بيحبه لربنا ولما ربنا قال له كزلك يجتبيك ربك
ويعلمك فهل ذلك من فضل الله علينا وعلى الناس وهو في السجن؟ تخيل تأثره بحب ربنا لدرجة ان حب ربنا ما تأثرش بعد ما دخل السجن في واحد ممكن يقول لك هو ربنا عمل معي كده ليه؟ ده انا ده انا الكريم ابن الكريم ابن الكريم ابن الكريم. تمام؟ طب ازاي انا يحصل في كده؟ ما فيش الكلام ده مش موجود. واحد بيحب ربنا. تمام؟ يعني
يعني يعني ربنا لو دخلني السجن احبه برضو. لان انا ان ربك عليم ايه؟ خلاص بقى ما هو تعلمها حكيم. ما هو اصلا هو ليه قال له عليم حكيم اصلا. خد بالك
لان يوسف عليه السلام لما هو قال له يجتديك ربك ممكن شاب زي ده صغير ييجي في باله اشمعنى انا اشمعنى انا مش اخواتي؟ قال له ان ربك عليم ايه؟ حكيم. نفس نفس اجابة السؤال دوت هي اجابة السؤال ليه انا اخش السجن
ان ربك عليم حكيم. فدي خلته دايما راضي عن الله. انا قصرت في حاجة ما قصرتش في حاجة. انا عامل جريمة مش عامل جريمة. ما خلاص كل ده الدنيا ماشية في في
دار الحكمة ولا عتاب ولا لوم ولا اي حاجة ولا الوم ولا الوم نفسي حتى. اصل هو اكيد فيه خير احنا مش عارفينه. احنا عشان عارفين اخر القصة ومش صعبانة علينا وهو في السجن
هو حاله ايه هو لما هو دخل السجن ومش عارف اخرتها ايه لو حد تاني كان هيبقى حاله صعب. بس يوسف عليه السلام كان عادي جدا وكان بيكمل في عبادته وبيحسن الى المساجين. تمام؟ قالوا له ان اراك من المحسنين. ايه النفسية الايجابية؟ اللي تخلي واحد في السجن مظلوم وبيحسن الى
وعنده نفسية يدعو الى الله ويدعو الى التوحيد والكلام الكبير اللي هو قاله دوت. نفسية خارقة تحب ربنا قوي. الدار ان هي ما بتتكسرش ليه ؟ هو حب ربنا جوة السجن زي برة السجن؟ اه
انا لو دخلت سجن اخسر ربنا لأ يبقى من وجد الله فمازا؟ فقد من فقد الله فمازا ايه؟ وجد. انا ما خسرتش حاجة. طالما ما خسرتش ربنا يبقى ما خسرتش حاجة
لم يكن بك غضب علي فلا ابالي ولكن عافيتك هي اوسع لي. ولست ابالي حين اقتل مسلما على اي جنب كان في الله مصرعي. وذاك في الاله وان يشأ يبارك على اوصال شلو ممزع. فالانسان خلاص طالما ما خسرتش ايه اللي يزعل؟ ده انت لو انت في قصر وخسرت ربنا يبقى خسرت كل حاجة
لو ما صلتش يبقى خسرت كل حاجة لو لو آآ بعت دينك يبقى خسرت كل حاجة مهما كان مكانك ولو انت دينك تمام مهما كان مكانك ما خسرتش اي حاجة
المهم ان التأسير ده واضح ان هو مشى مع حتى في الملك الامانة والصدق اني حفيز عليم. تمام؟ واخواتهم نفسهم لما شافوه هم مش عارفينه. قالوا ان نراك ان المحسنين انت ازاي مكمل في الاحسان في كل احوالك كده؟ تمام؟ انه من يتق ويصبر فان الله لا يضيع اجر المحسنين تقوى وصبر واحسان كل ده جابه منين
المجالس ديت. تمام؟ لدرجة ان التأسير بتاع يعقوب عليه السلام لاخر لحظة موجود معه. ولما يعقوب عليه السلام جه مصر اصلا. وهو يوسف عليه قبله بقى تخيل اللقاء كان عامل ازاي والبكاء والدموع والاحضان وخروا له سجادا. قال يا ابتي
هذا تأويل رؤياي. من قبل قد جعلها ربي حقا. ما قالش تحققت. متربي بقى. تربية عالية قوي. اي حاجة بنسيبها لربنا. قد جعلها ربي ربي. شفت ربي؟ وكذلك يشتكي ايه؟ ربنا. فما قالش قد جعلها الله. وما قلش قد جعلها الرحمن
قد جعلها ربي. ما قالش ربنا. طب ما هو ربنا. لأ ربي ما علش. يعني في علاقة خاصة بيني وبينه كده اه قد جعلها ربي حقا. وقد احسن بي اذ اخرجني من السجن. طب ما هو اللي دخلك السجن. لأ ما اقولش دي عيب. انا اقول خرجني ما اقولش دخلني
تمام عشان دخلني دي ممكن شكلها شر فما نسيبش الشر لربنا. نسيب له الخير. تأدبا بس مش اكتر. والا فهو هو كل حاجة بايده الخير والشر اخرجني من السجن وجاء بكم من البدو. بعد كده بقى ايه؟ ما قالش اخواتي وحشين وبتاع من بعد ان نزغ الشيطان بين ايه
خلاصة الكلام قال ان ربي لطيف لما يشاء انه هو الايه؟ العليم الحكيم. نفس الاسمين اللي خدهم من اربعين سنة من اربعين سنة عارف الفرق بين المجلس ده وما بين اللقاء اربعين سنة
اربعين سنة بعد اربعين سنة بيقول ان ان ربي عليم. ان ربي لطيف لو شاء انه هو العليم الحكيم ربي قد اتيتني من الملك وعلمتني من تأويل الاحاديس فاطر السماوات والارض انت وليي في الدنيا والاخرة
توفني مسلما الحقني بالصالحين. هي دي قصة يوسف. اي حاجة بعد كده سهلة قوي خلاص. انت عرفت تطلع بدي ومسكت دي انت كده سر يوسف عليه السلام. تعال بقى نخش في الموقف. هنا ساعتها نقدر نخش في الموقف بقى. ايه الموقف بقى
الموقف ان هو كما تعلمون اسر وبيع وبتاع والان عبد في بيت امرأة العزيز تمام؟ يوسف عليه السلام طبعا بلغ اشده بقى. تخيل الجمال عامل ازاي؟ نص جمال الدنيا في يوسف عليه السلام. اوتي شطر الحسن
شاب صغير وقوي مش متجوز بعيد عن اهله بعيد عن بلده عبد القصر تمام؟ يعني مش هينحشى. والمرأة جميلة وداعية وجوزها يعني خفيف. تمام؟ ما فيش ضرر منه تقريبا وغلقت الابواب كل حاجة. باول رسالة بتوصلك من يوسف عليه السلام
لا تبرر بالزروف فما فيش ظروف هتبقى زي الظروف اللي عدى عليها يوسف عليه السلام الشاب مسلا الدنيا واقعة بايزة معه يقول لك مع شيخنا وانت انت مش عارف اللي فيها. معلش. هو انا هو انا عارف اللي فيها. ده مبدأيا. سانيا مش فيش حد هيبقى عنده زرف زي اللي حصل يوسف عليه السلام
ده زي ما قلت كده كده الحالة اللي بيسموها الحالة القصوى اقصى حاجة ما فيش كده. يعني ما فيش فتنة كده. شاب قوي شديد الجمال. بعيد عن اهله. بعيد عن دياره. بعيد عن ابيه. تمام؟ وعبد في بيته
امرأة العزيز تحت سلطانها وملكها والمرأة جميلة وممكنة وزات سلطة وداعية وسلمت نفسها تماما وغلقت الابواب وفي امان من زوجها  والمجتمع كله بايز وما حدش كده كده هيتكلم معك عادي. ما فيش حد هيقول عمل حاجة وحشة. هو كلهم اصلا بايزين. وقالت النسوة في المدينة امرأة العزيز كلهم بتوعنا
كده فعادي يعني مش مش هتحس انك غريب في المجتمع لو حتى عملت اللي عملته انت هنا حتى مهما كان في بلدك انت بتعمل الشمال وانت برضو متوتر شوية مش مش. فاهم ازاي؟ ما فيش ما فيش كل دوت لا انت في جمال يوسف عليه السلام
ولا انت فتنة جامدة يعني للنساء ولا اي حاجة ولا حد معبرك اصلا مش عارف الفتنة جالك منين مفيش واحدة معبراك اصلا انت مخترع فتنة بس هو ما فيش اي حاجة يعني ما فيش حد بيتكراش عليك حتى يعني انت الدنيا بايه ناشفة اوي. فما اعرفش انت مفتون بايه يعني يعني هيت لك دي يعني بالنسبة لك
يعني مش هتحصل ابدا يعني حضرتك مش مش المستوى ده خالص يعني. انت ايه عملت لك لايك على البوست بتاعك وقعت؟ يعني انت ليه كده خفيف اوي يعني. فيه هيئة لك وفيه قصر وفيه غلقت الابواب. انت انت هتهر لو حصل معك الكلام ده. ده انت لايك وقعتك. غير ما ردت عليك في الرسالة بتاعتك
بتحبك ده انتم خفاف قوي شكلكم كده يعني. ما في علاقات وهمية كده بتبدأ فاهم ازاي؟ شفت بقى عملت شافت الاستيتاز بتاعتي. عارف انت الجو ده متابعة الحالات اللي بنزلها
ازا بتحبني اومال لو انت بقى في هيتقال لك كنت هتعمل ايه يا يا خفيف فعايز اقول لك الزروف يعني الزرف اقصى ظرف زي ده وعدى منه. ما انت ما بتقوليش الفتن جامدة اصل انت مش عارف البنات في الكلية بيلبسوا ايه مهما حصل. ما فيش كده ما فيش اللي حصل ده مش ما بتتكررش دي بتتكرر مرة كل قرن
الحالة زي كده. تمام؟ وعدى. ازا اي حاجة ما ينفعش تقول الزروف نفس الزرف ده فيه يوسف وفيه امرأة العزيز هو نفس الزرف انت تقدر تبقى يا دادا نفس السجن فيه يوسف وفيه قتالين قتلى قاعدين في نفس المكان
وقاعدين مع بعض سنين. هو طالعة زي ما هو وهم طلعوا زي ما هم اللي بيشرب خمر طالع بيشرب خمر قتال القتلة اتعدم في الاخر تمام؟ وهو طلع احسن من الاول. الملك يوسف عليه السلام مش بيطلع احسن. بيطلع مش بيطلع زي نفسه. بيطلع اعلى
اعلى دليل انه في اول السجن قال لصاحبه يذكرني عند ربك في اخر السجن قال ارجع الى ربك فاسأله ما بال النسوة التي قطعن علي علي. علي لدرجة ان خلاص بقى يستوي عنده السجن وخارج السجن. متخيل ان هو بيعلى
اللي بيعلى في الفتن. يعني في الفتن بيعلى. في بيت امرأة العزيز كان بيعلى في الايمان. في في السجن كان بيعلى في الايمان ما تقوليش بقى اصل الظروف اصل انت ما تعرفش اللي فيها واحد يلتزم ازاي في الزمن دوت ما فيش اسوء من الزروف اللي عدى عليه يوسف عليه السلام. وفي نفس الوقت التزامه بيزيد ايمانه بيزيد تقواه بتزيد
اللهم بارك وبيطلع من كل مشكلة عادي. فدي الغي دي خلاص تمام؟ طيب. السؤال بقى اللي بعد كده هو مين يعني نظريا السؤال هو مين المفروض يتفتن بمين المرأة تتفتن بالراجل ولا الراجل هو اللي يتفتن بالمرأة؟ مم شايفين؟ اغلبكم هيقولوا الراجل المفروض هو اللي ايه؟ الاجابة دي
ايوة بالظبط على حسب. هو دايما في ايه اي حد بياخد تنمية بشرية بيقول على حسب دي كتير على طول. دي الاجابة الفورية في اي آآ كورسات كورسات التنموية. اي سؤال قولي تقول ديمنز وخلاص هتيجي معك. على حسب. هو فعلا والاجابة على حسب يعني. يعني ايه على حسب؟ يعني مين
المفروض يقع في مين؟ ما فيش مفروض اللي فاتح الابواب هو اللي هيقع في التاني واللي قافل مش هيقع. بس مين؟ مش مهم مين؟ يعني ولد جميل في الدفعة زي القمر وشعره حلو وابن ناس وغني وعربية وموبايلات وبتاع. بس
ده بيبص البنات ولا بيكلم بنات وقافل على نفسه خالص. كل بنات الدفعة بتكراش عليه مين اللي هيقع في مين؟ هم اللي هيقعوا فيه. هو عمره ما هيتأسر باي حاجة. انما ما بيبصلهمش ولا بيكلمهم. تمام؟ العكس. العكس طبعا هو المفهوم يعني
بنت ما شاء الله محترمة تقية نقية وشكلها كويس لبسها كويس بس ما لهاش ما لهاش في الشمال خالص. في ولاد كتير بيبصوا لها كلهم هيبنوا قصص في دماغهم عليها ويعملوا
حاسة باي حاجة من الكلام دوت. تمام؟ فالفكرة مين فتح الباب؟ لا تفتحه انك ان تفتحه ايه؟ تلجهم. تلجهم. فاللي حصل هنا هو الطبيعي اللي يحصل. لان احنا عندنا نموزجين. يوسف عليه السلام اه امرأة العزيز خد بالك ما ديبي وهو بيتعامل معها لازم غصب عنه. وما عندوش مفر. ما ينفعش يقول للناس طب ايه اللي مخليه قاعد هنا؟ هو
حضرتك عبد الخصر لو طلع يتعاقب هو مضطر يفضل هنا. طب ايه الحل بالنسبة له؟ الحل بالنسبة له ان هو يقفل على نفسه. ما خلاص انا مضطر اخش كلية. الكلية فيها بنات. هعمل ايه
قفل على نفسك تمام انا مضطر اشتغل في مستشفى مستشفى فيها ممرضات ودكاترة اعمل ايه؟ اقفل على نفسي خلاص طالما ما فيش حل غير ان انا اشتغل في حتة ممكن فيها نوع من الاختلاط او كده بس هو يعني ما فيش حاجة هو كل النمازج كده وده شغلي ومش هقدر اعمل غير كده يبقى لازم يكون التقوى تعلى اوي اوي تعوض بها
التسيب الموجود شوية في المكان اللي انت فيه. فهو عارف ان بيت امرأة العزيز الدنيا بايظة هنا قفل على نفسه جامد جامد ما تبصولاش خالص اتكلم معه بحساب يعني لما بيتعامل معي بيتعامل معه عند الضرورة. فاهم؟ وبالتالي ما حصلش قبل كده ان هو اتأثر بهية جميلة
وطبعا غير جمالها جمال المال وجمال السلطة السلطة والمال ليها جمال من غير جمال غير جمال الشكل كل دون ما فيش خالص. قافل على نفسه قفلة صعبة جامدة هي بقى هو في الرايحة وفي الجامعة دي قاعدة ايه تتفرج علينا
وتقارن شكله بشكل جزئي طبعا واحلى بكتير. وشبابه وقوته وبتاع. وهو طبعا اكيد يوسف عليه السلام يعني حاجة رائعة الجمال يعني. تمام هي بقى باصة وفي الرايحة وفي الجاية. وقاعد بيقعد معها كتير في البيت. ما هي بتضطر اتعامل معه كتير. وزوجها بيمشي يعني ايه؟ هي اللي فتحت الايه؟ الباب. هو قافل
هي فتحت مين اللي هيقع في مين؟ اللي فتح هيقع في الايه؟ في القفل. واللي قفل ولا يتأسر باي حاجة تمام؟ عشان كده ربنا قال وروضته التي هو في بيتها عن نفسه وغلقت الابواب وقالت هيت لك
فاللي عايز اقوله ان انت ما ينفعش تبقى انت فاتح الابواب وبعد كده تيجي تشتكي. قلت له يا شيخنا اعمل ايه وبتاع. طب ما في واحد جنبك ما بيشتكيش هي المشكلة مش في كتر الابواب المشكلة انت فتحتها. النبي عليه الصلاة والسلام قال ضرب الله مثلا صراطا مستقيما
تمام على جنبتي الصراط سوران في الاسوار دي ابواب والابواب دي عليها سطور مرخاة على اول الصراط داعي يدعو يقول يا ايها الناس ادخلوا الصراط ولا تعوجوا وفي بقى على الصراط ماشي معك داعي تاني. ماشي معك
فكلما هم ان يفتح بابا من هزه الابواب قال لا تفتحه انك ان تفتحه تلجه قال فالصلاة الاسلام. تمام؟ والابواب حدود الله. والسطور المرخاة محارم الله. والواعظ الذي على رأس الصراط القرآن
هو بيقول لك خش بس مش هيتابعك. في بقى واحد بيتابعك طول السكة. قال والداعي على الصراط واعز الله في قلب كل مسلم. هو ده اللي بيفكرك ما ما تفتحش الباب. ما انت ما تجيش تقول لي ان انا مسلا آآ باكلم بنات في الكلية. تمام؟ آآ ومعي على الواتس على طول وبنسأل على بعض وبنشد
بيستشيروني في مشاكلهم. وبنبص طبعا اكيد مش بتبص لها وانت بتغض بصرك. فبتبص لها وهي لابسة وميك اب وحاطة برفان وانت بعد كده في الفراغ قاعد انت على التيك توك تقلب في مقاطع شمال في شمال في شمال وبتعدي على حاجات اباحية سواء اباحية كاملة او اباحية متوسطة او اباحية خفيفة
الحقيقة ممكن تبدأ بعورات يعني جزء من العورة ده اسمه اباحية في المصطلح. في عرف الاباحية يعني. تمام؟ آآ احيانا بتتفرج على تحية اصلا بالفعل تقعد مع اصحابك اصحابك مصاحبين وبيتكلموا على بنات وبيتكلموا على وصاحبك بيتفرج على افلام شمال وبيقعد يحكي لك ويحاول وبيبعت لك حاجات
على الواتس تمام وانت مش بتعمل له بلوك ولا قافل معه ومرة تتفرج مرة ما تتفرجش. تتفرج على افلام تتفرج على مسلسلات كده تقول لي يا شيخ نعم ان الدنيا بايظة معي
طب هعملك ايه يا باشا ده انت مش فاتح الابواب ده انت صانع ده انت انت فاهم شايل الابواب انت نازع الابواب مش ما فتحتوش اه انت رميت الباب كله تمام؟ فانت ازاي يعني عايز تعمل كل ده؟ وبعد كده تقول لي معلش يا شيخنا اصل الدنيا بايزة معي. تمام؟ اه
اه اه زلك هي بتجيب بعض. تمام؟ النزرات تجيب خواطر. الخواطر تجيب ارادة وعزيمة. الارادة والعزيمة تتحول لافعال وبعد كده يبدأ سلسال الندم تمام فدايما الموضوع بيبدأ بنظرة بعد كده يقول لك انهي اول انهي الاول الخاطرة ولا النظرة؟ النظرة اكيد الاول. لان النظرة هي اللي بتدي زي ما بيقولوا كده الداتا اللي هتشتغل عليها مخك. ما فيش نظرات
ما فيش حاجة هشتغل عليها. واحد ما فيش في دماغه صور بنات خالص لاعب اكتشاف في الشارع ولا بيشوف على النت ولا اي حاجة. هيقعد بالليل على السرير يشغل دماغه. هيلاقي حاجة يعملها
فاضي ما فيش صور بالتالي لا هيعرف يخترع افلام ولا يعرف يحب ولا يعرف يتعلق ولا مش هيلاقي حاجة يشتغل عليها. فهي دماغه تبقى فاضية فيبقى انا رايق يعني عادي زي الناس لا هيفكر شمال ولا يبني قصص وهمية والكلام دوت. لكن واحد طول النهار قاعد يحصل في الداتا ديت وهو ماشي بقى بنات في بنات في الكلية في ناس يعرفهم
على النت يقلب اللي يقابل بقى زي ما بيقابل يقف على مقطع في رأس يقف على مقطع في بنت بتعمل حاجة مش تمام. فهيجمع صور بالهبل. ييجي بقى قاعد في
اعمل ايه ؟ اوه اوه ستميت فيلم بقى عملهم في دماغه دلوقتي حب على اباحية على شمال بص انت عارف دماغ الشباب  انت اللي فتحت الباب. وبعد كده طب انت قاعد لوحدك في البيت. هتبقى صراع رهيب. اعمل العادة السرية ولا لا؟ ولا حتى مش قاعد لوحدك
تمام؟ فاتح موبايلك في دكة واحدة تعرف تجيب الاباحية بسهولة. صراع رهيب. ازاي ما اعملش كده؟ طب انا ايه اللي وصلني للنقطة دي اصلا؟ انا ايه اللي جابني هنا انت انت جاي بعد ما جبت تلات اربع السكة تقول رجعوني
هرجعك ازاي؟ انت ايه اللي جابك هنا واحد سايق عربية على مية وعشرين طالع قدامه توكتوك على بعد تلاتة متر. هيخبط فينا شوربة. مهما فرمل هيخبط فيه. مهما فرمل. لكن هو ماشي على سرعة اربعين خمسين
هيلم نفسه في التلاتة متر ما تنفعش تبقى انت جايب مية وعشرين وطبعا كل ده انت مش بتبالي. انت فاكر ان المشكلة كلها في الزنا بس. او ان انا بقى اقعد مع واحدة واعمل مسلا ما دون الزنا مسلا. هي دي من المصيبة تبدأ من هنا. لأ هي المصيبة مش هتبدأ من هنا دي. دي اخر
مصيبة خلاص. كل اللي انت بتعمله من الاول ما هو مصايب. ما هو النزر هو النزر للبنات المحجبة الحلوة. مم. ما هي دي نزرة بتأسر اللي مش محجبة بس شعر بس ما هي دي نزرة وانت خلاص حاجات احنا اعتبرناها خلاص دي ايه؟ دي خلاص دي عدينا المرحلة دي. احنا بنتكلم من اول ايه؟ النصف عارية وانت طالع. يمكن قبل كده ده عادي
شيخنا الحقيقة دي حاجات بسيطة. لا يا باشا مش حاجات بسيطة. خد بالك الناس تأثرها بالحاجات دي بيتفاوت. يعني يعني الملتزم ممكن يتأثر بمحجبة جدا ان هو هو مش في اصلا مسألة الاباحية دي مش هيوصل لها اصلا
هو مش مش في باله الحتة دي. هو ممكن فتنته في المحجبة فتنته في المنقبة اللي بتعمل فيديوهات بعنيها الحلوة دي هي دي فتنته. وهي فتنة ممكن تكون فتنة الاخت في اخ وسيم وجميل وبيعمل فيديوهات لطيفة وحركات وبتاع
هو مش شمال بس هي ممكن تتأسر بحاجة زي كده. يعني عايز اقول ان ايه ان كل واحد له له فتنته حسب انت فين انت لو ملتزم لك فتنة بالنسبة لواحد مش ملتزم دي مش فتنة خالص. هي انتم بتبصوا الحاجات دي ازاي يا جماعة؟ اي ما هو اصلا عايش في حتة تانية. عايز اقول ان انت ما فيش حاجة اسمها دي مش فتنة. هي هي
كل حاجة فتنة بس فتنة ليه؟ لفئة معينة ما ينفعش تفتح كل الابواب دي. بعد كده تقول لي انا مش عارف ارجع. قفل قفل قفل. عارف لو قفلت باب النزر؟ يبقى انت قفلت كل الابواب
ده اول باب. ده الباب اللي لو قدرت تقفله خلاص. ما فيش ابواب بعد كله مقفول بعد كده. ده اول باب. نظرة فسلام فكلام القصة دي معروفة لو قفلت باب نزرة ده قفلت جميع الابواب. فاللي اغلق باب العين اغلق على نفسي كل الابواب
اجيب لكم دليل من نفس القصة. هو دلوقتي بعد هو ايه اللي وقع امرأة العزيز في يوسف؟ قلنا النظر. صح؟ هي عملت حاجة غير النظر. هي كانت تقدر تعمل معه حاجة غير النظر
هي بس كل قصتها مع يوسف نزر ولا كلام حلو بينهم ولا لمس ولا مواعيد ولا وقفات ولا اي حاجة هي بتبقى شغالة سولو من اتجاه واحد بس. وما تملكش غير الايه؟ النزر. والنزر بس وصلها لطلب الزنا
بس ده بعد نظر كتير بقى وافلام تخيل بقى دماغها يعني بقالها قد ايه بتبص له ودماغها راحت في كم فيلم في دماغها عشان تقدر تتجرأ وتقول له يلا بنا في حاجة زي كده
بس كل ده جه بالنزر بس هي عارفة هي وقعت ازاي كده لما النسوة قلسوا عليها هم طبعا بيسمعوا امرأة العزيز بنت الناس اللي جوزها وزير بتراود عبد عندها ايه ده ايه
ده اللي وصلت له دوت. طب ما تصاحب حد زيها يعني هم مش فكرة العفة عندهم يعني. هم اصلا كلهم مصاحبين. بس عايز تقول يعني مش مستواك يعني. فاهمة ازاي؟ انت بتمشي
ابن وزير تمشي مع يعني حد من فاهم؟ ما ينفعش ليه؟ فشايفين ده ازاي نزلت للمستوى دوت؟ فيا اما هم عايزة تقول هم مش ما انتم مش فاهمين ما انت لو عرفتم
تمام؟ كنتم فهمتم؟ اه. عملت ايه بقى؟ جمعتهم. هم طبعا هم عاملين العفة خد بالك. هم اصلا حتى كلامهم عشان عايزين يشوفوه. وقالت امرأة العزيز قال نسوة امرأة العزيز تراود فتاها عن نفسه قد شرفها حبا انا لنراها في ضلال مبين. خد بالك هو مش قصدهم خالص ان انا رافض
هو كل ده قاعدين يرموا عليها كلام مش عايزين يشوفوه مين ده اللي قدر يعني يخلي امرأة العزيز تعمل كده. عشان كده النبي عليه الصلاة والسلام في حديث عائشة المشهور لما قالت لما قال مروا ابا بكر فليصلي بالناس
اخر حياته عليه الصلاة والسلام. قالت يا رسول الله ان ابا بكر رجل اسيف. يعني شديد البكاء ازا قرأ لا يفهم قال ان كنا صواحب يوسف مروا ابا بكر فليصلي بالناس. يعني ايه انا كنا صاحب يوسف؟ يعني انت شبههم في الحتة دي. في ايه؟ بتقولي كلام بقصدك حاجة تانية
بتقولي كلام والحقيقة حاجة تانية. انت بتقولي ما تخليش ابو بكر يصلي من الناس عشان هو بيبكي وما حدش بيفهم منه. انت مش قصدك كده. انت مش عايزاه يصلي ناس عشان الناس ما تتشائمش به. عشان ما يقولوش صلى ابو بكر فمات رسول الله. صلى الله عليه وسلم. فيتشاءموا به. خليه يصلي. مش هيحصل. هم. فعلا ما حدش
بابي بكر الصديق ان هو ما هو فعلا صلى كم يوم النبي مات عليه الصلاة والسلام. فعايز اقول لها بلاش بلاش كده. انا عارف قصدك ايه خليه يصلي بالناس. عشان انا بحضره للخلافة. لو حد تاني صلى هيحصل منازعة
نفس الفكرة صواحب يوسف يشبهك صاحب يوسف في ايه؟ مش في الاخلاق ولا الكلام ده مش قصدي مش المقصد كده طبعا. شبههم في الحتة دي. هم قالوا لامرأة العزيز اني آآ انا لنراها في
في ضلال مبين هم مش قصدهم كده. هم بيستفزوها عشان ايه؟ عشان يشوفوه في الاخر. عايزين مين مين الجميل ده اللي وصل لدرجة ان فتن امرأة العزيز. خاف وهي عرفت هتجيبهم ازاي
جمعتهم قالت اخرج عليهم. فلما ايه؟ رأيناهم. انتهى الكلام. قد طعن اياديهن انا قلنا حاشا لله ما هزا بشر الله الكلام اتغير ليه؟ عشان رأيناه. طول ما انت قافل مدخل العين ما فيش حاجة. اول ما تفتح مدخل العين توقع اقصى حاجة
توقعي اقصى حاجة ممكنة. لان هم كلهم بقوا بيراودوه. قال والا تصرف عني ايه؟ كيدهن. الله! مش كده بس كله بقى شغال على من ورا بعض بقى كلهم عايزين يوصلوا له. انت متخيل وصلوا لايه النساء! هو اصلا النسوة دول مش دي مش بدايتهم وعلى طول بيتكلموا في موضوع الموضوع ده ما هي قعدتهم ايه؟ هم قاعدين مع بعض
بيتكلموا في ايه دي فركشت ودي صاحبة ودي زنت ودي سابت ودي عملت الله ده دي المواضيع اللي بتتكلموا فيها طب ما طبيعي بقى واحدة ممكن تطلع من المواضيع دي اول ما تشوف ولد
هتعمل اي حاجة بقى. خلاص؟ انت دلوقتي قاعد مع اصحابك طول النهار يتكلموا صاحبتي صاحبتي صاحبتي. فانت حاسس ناقصك حاجة فين صاحبتي فين صاحبتي يا جدعان؟ انا هقعد من غير صاحبة كده كتير. شوفوا لي اي حد في الشارع. اول واحدة هتقابلها في الشارع تصاحبيني فاهم؟ خلاص بقى يعني
واقع واقع انت اللي عملت في نفسك كده. انت لو قاعد مع ناس خاتمين قرآن وانت حافظ تلات اربع القرآن او تطلع تقول الخيبة ايه ده انا ضايع احنا نحافز تلت اربع القرآن بس انا امتى هبقى بني ادم فاهم نفس الفكرة امتى
حطيت نفسك في ايه؟ هتبقى شبههم. وهم قاعدين طول النهار يتكلموا على الرجالة. ما طبيعي قوي الراجل هيشوفوه هيحبوه. امال بقى لو شافوا يوسف عليه السلام؟ طبيعي هينهاروا قطعن ايديهن قلنا حاشا لله ما هزا بشرا هزا الا ايه؟ ملك كريم. فشمت الداية في مقالة فذلك ان الذي يمتنني. شفتم بقى انتم نفسكم وقعتوا فيه لما
شوفتوه مرة ده انا عايشه ده انا قاعدة معه في البيت طول النهار. وبتفرج عليه في رايحة وفي الجاية ده انا كده كويسة. يعني يعني عايز اقول لهم يعني انتم بتلوموني في ايه؟ تمام؟ هي غلطانة برده
مش كويسة ولا حاجة. ما انت اللي عملت في نفسك كده. طب ما هو قاعد معك في نفس البيت. ما حصلش منه كده. ما تضرريش بالظروف. وما تضرريش ان هو قاعد معك. لو قفلت على نفسك ما كانش حصل
هو قفل على نفسه ما حصلوش حاجة. يبقى اول حاجة اللي فاتح الباب هو اللي هيقع الاول طيب عمل ايه به يوسف عليه السلام؟ اول ما حصل كده قال اول ما قالت له هيت لك قفلت الابواب خلاص مش قلت له هيت لك
مسلا هي تلاك زنا يعني. تخيل انت واصل مرحلة مستعدة لاي حاجة. حاجة صعبة يعني فتنة جامدة جدا عن اي رجل. تمام؟ هيت لك. فورا بلا تردد قال معاذ الله
انه ربي احسن مثواي. انه لا يفلح الزالمون. حتى الموضوع اللي عدى عليه خاطر بس ولقد همت به وايه؟ وهم بها. هم بها يعني جا له خاطر خاطر كده خاطر ذقية خاطر ممكن يعدي على واحد خاطر المعصية يروح يدفعه. يدفعه. لولا ان رأى برهان ربه يعني الايمان قوة الايمان دفع بها الايه؟ الخاطر دوت
ثبت على موقفه. قال اول حاجة قال معاذ الله اويس عليه السلام عمل خمس حاجات قال معاذ الله ادي اول حاجة. اتنين انه ربي احسن مثواي. تلاتة انه ليفلح الزالمون. رابع حاجة عملها انه من عبادنا المخلصين
دي هنشوفها كمان شوية. خامس حاجة عملها طبق الباب. عمل خمس حاجات دي اللي طالعة بها. بس طبعا كل اللي بنقوله ده هو نتيجة بقى. هو ده الفكر اللي عايز اقولها لك النهاردة. هو نتيجة
لحاجة بقى له سنين بيعملها وبيربي نفسه عليها. دي اللي خلته بسرعة يقول معاذ الله. اول حاجة لجأ الى الله الموضوع كبير كبير والا تصرف عني كيدهن ايه؟ انا مع نفسي اصب اليهن. واكن من الجاهلين. عادي. وهي قالت كده قالت
ولقد راودته عن نفسي فايه؟ استعصم. انا ما شفتش كده في حياتي. جاب سيرة ربنا جبل ما اتهزش. اول ما لجأ الى الله ما اتهزش  استعصم. شف استعصم مش اعتصم. استعصم. يعني لجأ الى الله لجوء قوي. الموضوع كبير كبير. فدي الفكرة بقى. ان انت اول
حاجة اي خطة في الخروج من الفتن ديت سواء صحوبية سواء بنات سواء اباحية سواء اي حاجة في السكة الشمال دي لم تبدأ باللجوء الى الله فهي خطة فاشلة اي هو طبعا هيبقى بعد كده عايز طبق الباب عادي طب ما كان يستبق الدم الاول وخلاص. لا لازم يبقى لازم تمشي ممكن ما ما يجيش في بالي يستبق الباب. ممكن استبق الباب شوية وارجع تاني
لو لم يثبتني الله والله ما اعدي منها لازم اي خطة تبدأها في موضوع الفتن دوت ليس فيها في اولها الله ربنا هو الاول. لازم تبدأ به هو الاول. هو الاخر. يعني هو تبدأ به هيتكمل معه كده كده. يعني مش هتبدأ به وتسيبه
اوعى تبدأ به وتكمل معه بس لازم تبدأ به تبدأ باولا تبرأ من حولك وقوتك  الى حول الله وقوته وتفتقر الى الله افتخار تام. انا ما اعرفش يا رب. يا رب انا ما اعرفش ابطل اباحية
انت تقدر انا ما اقدرش يا رب انا مش قادر اطلع من العلاقة ديت. انت تقدر تطلعني انا مش عارف اطلع منه يا رب انا مبتلى بالنزر. انت اللي تقدر تطلعني منه. انا مش عارف اطلع. انا تعبت. انا حاولت كتير. ايوة عشان حاولت لوحدك. ما لجأتش لي. ولما لجأت ليه ما لجأتش
صحيح لجأت الجوء ضعيف لم تفتقر بالحد الكافي. برضو كنت بتلجأ ليه وانت تشعر بشيء من استغناء وده ما ينفعش مع ربنا لازم تسلم تماما. وتعلن افتقارك التام وعجزك التام ساعتها يجي لك العون التام من الله سبحانه وتعالى
قال معاذ الله الجأ الى الله واحتمله ليس لي الا هو سبحانه وتعالى. النبي عليه الصلاة والسلام جاله الشاب المشهور دوت قال ائذن لي في الزنا. قال خلني في الزنا. انت متخيل وصل لدرجة ايه؟ يعني الدنيا بايظة خالص. متخيل عنده جرأة يقول للنبي نفسه
عليه الصلاة والسلام انت ما تعرفش بقى لواحد صاحبك ولا للنبي صعب اوي يعني يعني ازاي ازاي جا له الجرأة يقول حاجة زي كده يعني! فيعني اكيد وصل لمرحلة من الشهوة كانه عايز يقول للنبي عليه الصلاة والسلام ائذن لي
اعمل لي ازن خاص انا يعني اكيد اكيد انا معزور مش ممكن يتقفل علي بالشريعة للدرجادي انا مش قادر. طب ايه الحل؟ عارف اتجوز طب ائذن لي في الزنا اه ولو حتى فاهم
طلع ان في حل بس هو ما ما استعملوش. طبعا هو الاول اقنعه بالاقناع العقلي اللي هو معروف اترضاه لامك هترضاه لاختك هترضاه لعمتك؟ هترضاه لخالتك؟ واقنعه ما ينفعش لو ازنت لك لو ازنت لغيرك طب ما غيرك هيزني في عمتك ترضى بها
ما يرضاش طب ما انت امازنك تزني في حد. ما هو الحد ده اخت اه اخت حد. بنت حد. عمة حد. خالت حد. انت ما تقدرش لعمتك وخالتك واختك انت هتزني في مين؟ هتزني في واحدة مقطوعة من شجرة؟ ما هي لها رأي. ما حدش يرضاها لا بنت ولا لاخته ولا عمته ولا الكلام ده. زي ما ما ترضيهاش لاختك وعمتك وبنتك واختك وخالتك
ما ترضاش لبنات الناس. ده اول اقناع عقلي بس الاخطر من كده بقى اللي هو عمله النبي عليه الصلاة والسلام هو واقتنع عقليا بس لسة مش مش قادر برضه معلش انا مصدق بس مش قادر. فالنبي عليه الصلاة والسلام وضع يده على صدره
وقال اللهم حصن فرجه. فطهر قلبه وكفر ذنبه. قالوا فما عاد هذا الفتى يلتفت الى شيء. طالعة من عنده خلص الموضوع. ازاي؟ تعرف تحل دنيتك بدعوة دعوة خلص بها الدنيا دي كلها
اللهم حصن فرجه وكفر زنبه وطهر قلبه. انتهت قصة الشاب ده مع الفتنة من بعديها وزبطت الدنيا معه بعد كده. سبحان الله انت مش عارف تدعي ربنا. تقول لي طب ما انا بدعي كتير. حاجة من في احتمال من الاحتمالات. الاحتمال الاول ان انت مش بتدعي كويس
او بتدعي دعاء باهت. والله لا يقبل دعاء غافل لاهي او بتدعي الدعاء مش فقير قوي يعني الى الله. برضه دعاء واحد معتمد على نفسه امكانياته والكلام دوت. او بتدعي وعندك موانع من موانع الاجابة
زي الزلم زي العقوق زي اكل الحرام خلص الاول الموانع. وبعد كده ادعي تاني. يمكن المانع عندك انت بتاكل حرام. تمام او يكون ربنا بقى طب ممكن تكون انت بتعامل كل حاجة صح
كل حاجة هعملها صح زي ما سيدنا موسى عمل حاجة غلط؟ لا قال لربنا ايه؟ قال آآ ربنا انك اتيت فرعون وملأه زينة وما في الحياة الدنيا ربنا لا يضله عن سبيلك. ربنا اطمس على اموالهم واجدد على قلوبهم. ربنا استجاب له فورا
لأ قال قد اجيبت دعوتكما فاستقيما لسه شوية اه كمل في الايه؟ في الاستقامة وساعة ما ما تيجي هنفز بس هو خلاص انا استجبت. يبقى ازا ممكن يكون هو استجاب لك فعلا. بس التنفيز هيتأخر شوية. طب يتأخر ليه بقى؟ هو ده السؤال
هو استجاب لك بس انت مش واخد بالك بس فاضل شوية وقت. ده لو انت عامل اللي عليك زي ما قلت لك حاجة من اتنين. اما انت مش عامل عليك فما فيش استجابة اصلا. او انت عامل اللي عليك ومسلك يجاب. واتأخرت بقى الاجابة شوية. طب اتأخرت ليه
لازم يكون فيه ممكن يكون فيه حكم بقى. هنا تيجي الحكمة بقى. او هنا تظهر الحكمة. ممكن يكون الحكمة ان ربنا يريد ان يسمع نداءك. انت اصلا دعائك جميل. ربنا
بدعائك. فيؤخر الاجابة عشان يسمعك اكتر كده ايه تاني؟ تالت ورابع. تمام؟ ربنا بيحب يسمعك او يكون من الاسباب ان ربنا لا يريد ان يعجل لك ما تطلب حتى تعرف قيمته اذا حصل
لو انت قلت دلوقتي في اعجابك دلوقتي مش هتعرف قيمته. كان ما تتزل وتتمرمط وتبل الارض ببكا يوم ما تجيلك هتمسك فيها مش هتسيبها تاني اما تجيلك الهداية بعد دعاء طويل وشهور بتدعي عشان ربنا يهديك هداك مش هتنتكر
لكن لو انت النهاردة ادعيت ربنا يهديك هداك بالليل ممكن تاني يوم تنتكس تقول مش مشكلة ابقى ادعي تاني وايه؟ هي كده كده ايه بتيجي بسرعة. مش هتعرف قيمتها فممكن يأخروا عليك عشان لما تجيلك تمسك فيها كويس تعرف قيمتها
احيانا بيأخر عليك علشان يربيك بالكامل او يتوبك من حاجات تانية بمعنى واحد مسلا بيدعي دلوقتي الحقيقة احيانا الناس بتدي بحاجات كتير. ايه رأي ان ربنا يعافيهم من الاباحية؟ ربنا يرزقه ولد يرزقه زوجة صالحة. ما فيش اجابة
طيب بعد مدة يوم ما فيش اجابة ليه؟ يمكن انا مش كويس يدور على حاجة غلط بيعملها. طب انا بشرب سيارتي وابطل سجاير. طب آآ ويدعي برضو ما فيش. طب انا بعمل ايه تاني
ما بنصليش الفجر صح؟ اما اصلي الفجر وصلي الفجر ويدعي ما فيش. طب انا ما بقومش الليل طب اقوم الليل وادعي ويدعي ما فيش طب اعمل عمرة. اعمل عمرة. طب ابقى كويس طب انا امي مش هصالح امي. صالح امي. طب جيراني طب وصاحبي اللي انا زلمته. طب ارجع المزالم اللي علي
انت فهمت؟ وربنا بيأخر علينا الاجابة ليه بعد كده يجيبه. اكتشف ان هو بقى انسان صالح اصلا فبقت دي اسهل حاجة ده هو اكتشف ان اللي خده اكتر من الكريم اللي طلبه. يعني هو لو ربنا ما اجابوش اصلا فعلا بعد كده هيقول ده كده كفاية اوي. يعني بعض السلف كان بيقول يعني اني لادعو الله بالحاجة
يفتح الله علي من العبادة ومن القرب منه ما اخشى معه ان يجيب دعائه فاهمني حاجة؟ بيقول بوصل لمرحلة بتزل في الدعاء. لدرجة ان انا بوصل لمرحلة من العبودية لله ومن التقوى
بقول يا يا رب ما يستجبش. حلو ما انا خليني كده طول ما انا مزلول كده بحيل ببقى حلو. عارف انت اللي هو عايز من ربنا حاجة؟ يتزبط صح؟ اول ما ربنا يجيبه خلاص
طبعا كلكم عارفينهم انتم طبعا. بتوع السانوية بالزات. بتوع الكلية بالزات. صف اول فجر اخر شهر في الدراسة. معروفين ترشيح نقشبندي بدل آآ حمو بيكا. تمام؟ عبدالباسط آآ عبدالصمد بدل عبدالباسط حمودة. تمام
الدنيا ايه؟ مولاي مولاي اني ببابك الكلام ايه؟ تمام. صلاة فجر صف اول دعاء ابوك يا باشا شيخنا ادعي لنا انا شيخ نفسي احفز قرآن شهر على كده. خلاص؟ اخر يوم في امتحان
سينما سجاير فاضية وسجاير مش فاضية تمام والدنيا بازت يا باشا فين بقى الناس في صلاة الفجر؟ اختفوا من صلاة الفجر خلاص. خلصت المصلحة. لكن بقى لو ربنا مسلا حاجة انت تريدها من ربنا جدا. اتأخرت
اوي ممكن انت من كتر ما انت طلبت وصلت لمرحلة ان انت حتى لو اجابني انا مش هسيب الحاجة دي خلاص. انا حبيتها. انا اتعلقت بها. انا حبيت الدعاء نفسه. انا حبيت الصلاة نفسها. انا حبيت التوبة
انا مش هرجع تاني حتى لو اجاب دعائي. ده لو ما استجابش ده كده حلو خالص. ده انا خدت اكتر من اللي انا طلبته وانا مش واخد بالي. ده لو قعدت طول حياتي عشان اوصل للمرحلة دي ما كنتش هوصل لها الا
ذل اللي انا اتزليته ده. فهمت الفكرة؟ حلو. حلو. تمام لتألف العمل الصالح. فحل مشكلتك. قال معاذ الله. ادي اول حاجة. حل مشكلتك مع ربنا. حلها بدعوة. نمرة اتنين قال انه ربي
في احسن مثواي. انه ربي احسن مثواي. ربي اما يقصد بها ربي اللي هو سيدي. الراجل اللي احسن الي ده. يعني راجل رباني وفي احسن الي اخونه في مراته دي بتفكرك اي حاجة تروح فيها شمال مع بنت ولا حاجة. افتكر بقى القصة ديت
افتكر ان البنت دي في وراها حقوق مخلوقين هتقابلها يوم القيامة. تفتكر البنت اللي انت خدعتها ولا انت لمستها ولا انت وسطها هي مشيت معك وبتاع. الموضوع عدى كده. لا في يوم القيامة اخ واب وعم وخال
عيلة هتقابلها ان كل ده ما كانوش راضيين به. كل دي كانت خيانة في ضهرهم. كل ده كان بيسوق سمعتهم. كل ده كان بيجرح فيهم حتى وهم مش عارفين. هيعرفوا يوم القيامة
وشوف بقى اللي يراضيهم اما يعرف ان الموضوع جه في شرف ولا جه في بنته ولا جه في اخته ايه اللي هيراضيه يوم القيامة؟ ممكن ما يرضيهوش حسناتك كلها ايه رأيك؟ عندك استعداد؟ ما تعملهاش بقى مع حد. افتكر حقوق المخلوقين. خاصة لو المخلوق بقى اللي انت بتخونه ده
اصل اليد عليك جار او قريب او صديق او او او مصيبة بتكبر. عشان كده اعظم الزنب عند الله الشرك بالله. قال ان تشرك بالله. نمرة اتنين ان تقتل ولدك خشية ان يقع معك. نمرة تلاتة ان تزني بحليلة جارك
الزنا بمرات جارك من اكبر الكبائر عند الله سبحانه وتعالى بسبب حق الجار الرهيب. انه ربي احسن مثواي. او يكون المعنى انه ربي ان هو ربنا يعني. احسن ما سواه. دي
رجعنا للحب ربنا اللي اجتباني واصطفاني وعلمني وابويا وجدي وعيلتي كلها اعمل كده؟ لا ما اعملش كده ابدا طبعا. حب ربنا اغلى عندي من اي حب ان الانسان دايما في المعصية الصراع في عقله مش بيبقى اعمل معصية ولا ما بعملهاش. الصراع في عقله يعني صراع محبوبات
انا بحب الحاجة دي وربنا ما بيحبهاش ها ملغي نفسي بتقول لي روح وربنا بيقول لي ما تروحش ها مين اللي هيغلب انا بحب انام وربنا بيحبني بيحب ان انا اصلي الفجر. ها مين اللي هيغلب؟ دايما الصراع محبوبات
فلو روح حب ربنا غلب قوي كل المحبوبات الدنيا هتتزبط على طول وعلى كده كان مدار شرحنا طبعا كتاب الدواء والدواء قبل كده. كتاب الدواء والدواء هم داروا على الفكرة ديت
وانا هنصح الشباب طبعا يسمعوا شرح كتاب الدواء والدواء وتسمعوه كزا مرة يعني. اه كتاب خطير جدا جدا وهينقلك نقلة تانية خالص في الباب دوت. فخدوه واجب يعني تمام؟ ستاشر محاضرة بس
عشان كده ربنا قال ايه؟ قل ان كان اباؤكم وابناؤكم واخوانكم وازواجكم وعشيرتكم اموال واقترفتموها تجارة تخشون كسدها وتجارة احب اليكم من الله ورسوله وجله في سبيله فتربصوا. لان انت لو اي حاجة بتحبها اكتر من ربنا اكيد هتغلط. لما الفلوس تقول لك شمال هتروح شمال. لما
يقولوا لك شمال هتروح شمال. لما مراتك تقول لك آآ عايزين حاجة حرام هتقول لها هتقول لها حاضر. ما انت بتحبها اكتر من ربنا. طول ما ربنا قال احب عمرك ما هتغلط
انه ربي احسن مثواي. يبقى دي نمرة اتنين. نمرة تلاتة انه لا يفلح الظالمون. ودي بقى اسمها ايه؟ اسمها النزر للعاقبة دي مسألة مهمة الحاجات اللي تطلعك من السكة الشمال دي. سؤال بسيط جدا. مازا بعد
انت اتفرجت على اباحية واخرتها ايه؟ هتعمل عادة سرية اخرتها ايه؟ ماشي مع بنات اخرتها ايه؟ دايما لما تفكر العاقبة هتقفل الموضوع على طول انه لا يفلح لا يفلح الدين اللي هي القادم بقى. اخرتها يا باشا انا زنيت معك زي ما انت عايزة. وبعدين؟ بعد ما نخلص زنا قرفان من
نفسي مش طايق نفسي كاره لنفسي اللزة راحت بقي الندم بقيت الحسرة خسرت ربنا خلاص انا دلوقتي مهدد باي شيء من ربنا بعدم التوفيق بقلة الرزق. طب انا كل ده على ايه؟ الشهوة راحت في الاخر
طب انا استفدت ايه كده؟ تمام؟ وهي مرة وعدت حتى لو مش زوجة تمام؟ طب انا استفدت ايه؟ دايما ازاي فكر في كده؟ وده بيحصل تفكير دايما قبل قبل ما حد يعمل حاجة يقول لك طب انا بعد ما اعمل الموضوع ده ببقى قرفان من نفسي قوي. عايز اتف على نفسي. انا مش طايق نفسي. بيبقى الحالة السلبية اللي حصلت لك اكتر
من الحالة الايجابية اللي كانت انت متوهم بها في ساعتها. يعني الشهوة قعدت تهديها مسلا وتقعد انت بقى كاره نفسك ايام طب على ايه؟ طب ما انت كل مرة تفتكر بقى المشهد ده عشان ما تعملش كده تاني. كل ما تبص بتندم. كل ما تعمل العادة بتندم. بتكره نفسك. طب ما خلاص بقى
الظالمون. تمام؟ وفي بقى في حاجات انه يوفي الزالمون حط تحتيها حاجات كتير. ان انت سوء الخاتمة وارد في اي لحظة اخلاص على كده تمام سوء التوفيق في الحياة تمام؟ ان ربنا يبعدك عنه
ان ربنا يطمث على قلبك. ان ربنا يعني ايه آآ يفضحك انك انت تبقى مستور مستور مستور مرة واحدة شال الستر اتفضحت. تعرف كل حاجة انت بتعملها. انه لا يفلح الايه؟ الزالمون. وحشة
احصل بينك وبين الله سبحانه وتعالى. آآ آآ هزيمتك قدام نفسك بشكل مستمر انه ليفلح الايه؟ الزالمون. فساد تصورك عن العملية العلاقة بين الرجل والمرأة. الانسان على فكرة المدمن اباحية او مدمن عادة والكلام ده بيشوف
الافلام اللي هي الافلام الاوفر ديت الكلام دوت يحصل له فساد في التصور تفتكر ان ده الطبيعي بين الرجل والمرأة يتزوج لا يهنأ بالزواج فاهمين فكرة؟ هيكون الزواج بالنسبة له مش بديل
للاباحية ان اللي بيشوفه ده ما بيحصلش الواقع. هم اللي بيعملوا الافلام دي وهم بيقولوا كده. بيقولوا احنا بنمسل اصلا دي حاجات ما بتحصلش. ما بنعملهاش مع في بيوتنا نفسها. دي حاجات تمثيل لازم
نعمل كده ونبقى في حالة الاوفر دوت علشان يبقى في مشاهد انت طبعا تفتكر ان ده الطبيعي. ما انت لسه ده اول حاجة لك. دي السقافة يقول لك ثقافة دي مش ثقافة. ده تدمير للثقافة. يعني الافلام الاباحية بعض السوائل
على مهدي عريس بيهزروا معه يقول لك طب اتفرج لك على افلام بس خد لك سقافة. دي تدمير للسقافة الجنسية. تدمير اندمش واقعي بيشوف فيلم خيالي وبينزل على الواقع. موجود الكلام دوت
تمام؟ بيحصل لك فساد في التصور تمام؟ فضلا ان انت يحصل لك ارتباط كمان ادماني بالشاشة الطبيعي انت عايز الشاشة. لان الشاشة بتوفر لك حاجات مش بتوفر لك الطبيعة. اللي هي ليه؟ التنوع
الاوفر التشويق تمام المبالغة الحاجات دي مش هتبقى في الواقع وبالتالي بعد تبقى انت عايز تبقى كويس يقول لك اجوز عشان يبقى كويس بعد ما تتجوز برضو مش كويس عشان كده بيقول المدمن الاباحية لازم يتم من الاباحية الاول قبل ما يتزوج
ان احتمال كبير الزواج ما يكونش علاج لك متخيل ممكن نوصل ان انت سديت على نفسك كمان باب الحلال يبقى انه لا يفلح الايه؟ الظالمون. كل ما تفكر في الحاجات دي
مشيت مع بنات اخرتها ايه؟ هتتجوز كم واحدة في الاخر؟ ما انت هتجوز واحدة. مشيت مع عشرة ليه؟ وعشرين ليه؟ تلاتين ليه؟ سيبك بقى من الاباحية. طب انت مشيت مع بنات
بنات اسكندرية كلهم. في الاخر هتتجوز واحدة طب انت هتيجي ساعة الجواز هتقول ايه ؟ عايز اتجوز واحدة محترمة هتدور على واحدة ما بتمشيش مع حد. عشان انت عارف وانت اللي مجرب بنفسك. وعارف اخلاقهم. فانت فانت شاكك في كل واحدة دلوقتي. يبقى عندك شك في كل البنات
انا اعرف واحد كان زمان يعني اه اخو صديق لي يعني. اللهم بارك كان زي القمر يعني. مشوا على حاجات كتيرة جدا لدرجة ان هو وجد صعوبة شديدة ان هو يقتنع بواحدة في الزواج
كان دايما يقول لي اقول لهم هتتجوز امتى؟ قال لي مش هتجوز. ليه؟ يقول لي ما فيش واحدة محترمة. هو ده اللي بيشوفه. حتى هو طبعا بيمشي مع محجبات كمان اللي هم محجبات اللي هم ايه مشي حالك يعني. وجوة اخلاق آآ اسوأ من المتبرجات. هو مش مقتنع حتى بالمحجبة
لا كلهم كلهم شمال. هو ما بيشوفش غير كده. تخيل تخيل بقى دماغه بقت عاملة ازاي! الحمد لله هو ربنا هداه واتجوز والكلام دوت يعني. بس عايز اقول لك ان ممكن موضوع
يبوظ لك دماغك نفسها. تبقى شاكك في كل واحدة شاكك في مراتك. من كتر اللي انت عملته مش مصدق حد لان انت مشيت مع مع مرات واحد قبل كده. انا مش ضمني انا بيتي سليم. انت متخيل ممكن يحصل في حياتك ايه؟ طب يا سيدي لا اتجوزت واحدة
محترمة وتمام وما بتغلطش خالص برضو يحصل لك مشكلة. ايه هي المشكلة؟ المقارنات بين اللي معك وبين اللي انت شفته طبعا اللي انت شفته شفت حاجات كثير بقى وفي حاجات احلى اكيد. يحصل لك مقارنة
بيحصل حالة من عدم الرضا في الاخر انت بتتخيل كمية الدمار اللي انا كنت دمره لنفسك وعلى ايه كل ده؟ على شهوات قعدت سواني. وفي الاخر انت بتعاني سنين بعديها
بما انه لا يفلح الزالمون دي مهمة ثلاث حاجات معاذ الله انه ربي احسن فاضل لنا حاجتين قال تعالى كزلك نصرف عنه السوء والفحشاء. ليه؟ انه من عبادنا الايه؟ المخلصين. يعني معنى الكلام. الحاجة الرابعة اللي عملها يوسف بس
بلاش ساعتها في حاجة اسمها حل استباقي. ايه الحل الاستباقي ده؟ حل بتعمله قبل ما تحصل الفتنة. هو ان انت بتعمل بينك وبين ربنا عمار. تعرف الى رب في الرخاء يا ريتك فين؟ في الشدة. فطول ما انت في الرايق وفي الرخاء ما فيش فتن زود على قد ما تقدر. صلاة وعبادة وصوم وبتاع
ما حدش عارف فتنة تيجي امتى. اول ما تيجي الفتنة تلاقي كل الناس وقعت وانت ما وقعتش. ليه؟ لك سواب بقى عند ربنا حلوة. لك لك لك خير عند ربنا. افتكره لك دلوقتي. هو يعني قصدي
دلوقتي. تعرف الى ربك في الرخاء يعرفك في الايه؟ في الشدة. فلولا انه كان من المسبحين. للبس في بطنه الى يوم يبعثون. ففي الرخاء كده طول ما انت رايق زود في العبادة زود في العلم زود زود زود. يوم ما تيجي الفتنة قدامك هتلاقي نفسك عديت. طلعت منها. طلعت ازاي؟ اشمعنا انا اللي ما وقعتش
في بينك وبين ربنا يا عمار اخر حاجة عملها يوسف عليه السلام استبق الباب رغم كل اللي عمله دوت مش كفاية. لازم اعمل بقى جري والله تقول لي ما هو حلو ملجأ لربنا وبتاع ماشي في طالما في ايدي حاجة اعملها اعملها. جري جري استبق الباب جري
والجرية دي فرقت معي. هي جرت وراه على ما جابته وشدته وبتاع. كان الراجل السيد وصل. او كان هو واقف في مكانه كان ممكن عرفت تلمسه ولا حاجة وتبقى مشكلة كبيرة
بس هو شوية الجري دول فرقوا في سواني. كان الفاي سيدة ايه؟ لدى الباب ففلت. بعد ما قميصه اتقطع. امال هو لو كان واقف قدامك كان حصل ايه؟ كان السواني دي هتفرق
فممكن تفرق معك في سواني اجري يعني ايه اجري بقى هنا؟ اجري يعني اهرب من اي حاجة تحطك قدام الفتن. تقدر تبعد ابعد ما تقفش مع اصحابك اللي بيتكلموا في البنات
ما تقعدش في الكلية في الحتة اللي فيها الكابلز بيقعدوا ما تطولش في الكلية سيكشنك وتروح. ما تقعدش الغي التيك توك امسحه امسح الانستا ما تستعملش الابليكيشن اللي انت عايزها بس
ما تخشش على الابليكيشن الا انت عارف انت عايز ايه واطلع تاني. استبق الابلكيه. اجري فابق الابليكيشن فعلا اجري منه. داخل تعمل ايه ده خلاص شف حاجة شفها اطلع اجر. ما تقلبش. ما تعملش اسكرول. اوعى تعمل اسكرول
اي حاجة دي من اكبر مصايب المصايب اللي بهدلت دوت. انت داخل فرع ليه؟ عملت سكرول ليه؟ خلصتها اطلع اعمل فيه اعملوا عاوز زرارك على باك باك باك اوت اطلع عشان اطلع منه. تمام؟ عود نفسك على الباك انسكرول بدل ما تعمل كده اعمل كده. على جنب كده طلعني برة خلاص انا
شفتها برة انا عملت كده ليه؟ كده دي بتخلص بعد ساعة او ساعتين. يكون دينك اتدمر بقى في الساعتين دول طرق الباب. تمام؟ استبق الباب نزل برامج حق تحجب الاباحية عن موبايلك خالص. دي من الطبقة الباب برضو. تمام؟ حاجات كتير ممكن اجراءات تعملها تحت ايه؟ تحت عنوان استبق الباب
نمسح الافلام كلها للعالم. امسح الامهرجانات لل على اللي على على على جهازك. كل دوت ايه؟ قفله خالص تماما. واخيرا يوسف عليه السلام في اخر قصة احيانا بيقول لك من الحاجات البرامج اللي بتعالج الاباحية بيقول لك كافئ نفسك في الاخر. اعمل نفسك مكافأة كل ما تنجح. في الموضوع ده عشان نفسك تتعود على المكافأة. فالمكافأة دي بتشجعك. الحاجات اللي بنشوفها في قيس يوسف
المكافأة في النهاية في الاخر قال انه من يلتقي ويصبر. فان الله لا يضيع اجر المحسنين. سؤال يوسف خصري عليه السلام. ما خسرش اي حاجة خالص. كسل بس كسل كتير قوي التقوى والصبر وديته فين
وديته تمام. ما خسرش حاجة. هم. بقى يوسف عليه السلام بنتفاخر وبنحكي قصته بقى لنا. تمام؟ مئات السنين قصة يوسف عليه السلام وفي النهاية يوسف عليه السلام لم يخسر اي شيء بل هو كسب فقط. فتذكر عاقبة التقوى. عاقبة ان انا سبت الحرام وتفتكرها في حاجات
تانية لما انت سبت الحرم كده ندمت عمرك ما سبت الحرام وندمت. انا بندم لما بعمله بس. طب ما تفتكر كل ما يجي حرام قدامك عاقبة ان انا بسيبه. دايما
بشكر نفسي بشكر ربنا دايما بفرح دايما بحس ببقى مبسوط قوي ان انا تغلبت طب ما هي دي كل ما يجي حرام قدامك مش بس افتكر العاقبة السيئة للفعل افتكر العاقبة الحسنة للايه؟ للترك قد ايه كل مرة كنت بتفرح لما تنتصر على نفسك وتعدي ديت وافتكر يوسف عليه السلام ما خسرش حاجة في اخر القصة انه من
ويصبر فان الله لا يضيع اجر المحسنين. كده تقريبا احنا كملنا قصة يوسف عليه السلام عرفنا سببها ومقدمتها وعرفنا الخمس اشياء سيدنا النبي عليه السلام نسأل الله ان يحفظ آآ بنات وشباب المسلمين. جزاكم الله خيرا سبحانك اللهم ربنا وبحمدك اشهد ان لا اله الا انت
