كلمتني من حوالي سنة احدى المهتديات البريطانيات الى الاسلام. وهي سيدة آآ نحسبها على خير. وبتدي دروس للمهتديات الجداد وقالت لي انا عندي اية في القرآن يعني بصراحة تعباني مش قادر افهمها خالص. ايه
هي مفهومة هي مش مش مفهومة. الاية مفهومة لكن مش قادر افهم ليه ربنا قالها وهي الاية رقم واحد وستين في سورة النور اللي بتقول ليس على الاعمى حرج ولا على الاعرج حرج ولا على المريض حرج ولا على انفسكم. ان تأكلوا من بيوتكم او بيوت ابائكم او بيوتكم
امهاتكم او بيوت اخوانكم او بيوت اخواتكم او بيوت اعمامكم او بيوت عماتكم او بيوت اخوالكم او بيوت خالاتكم او ما ملكتم مفاتحه او صديقكم ليس عليكم جناح ان تأكلوا جميعا او اشتاتا. فاذا دخلتم بيوتا فسلموا على انفسكم تحية من عند الله مباركة طيبة
طيبة. كذلك يبين الله لكم الايات لعلكم تعقلون انت انا مش محتاجة اية من فوق سبع سماوات تنزل تقول لي اني اقدر اكل في بيت ابويا وامي وخالي وخالتي وعمي وعمتي. دي حاجة مش محتاجة يعني مش محتاجة كلام. ليه ربنا بيقول لك
الحقيقة افتح التفاسير مش لاقي مش لاقي اجابة على كده. ده محتاج تدبر ليه ربنا بيقول كده والاية معنى متكاملة دي جملة قرآنية اقراها ما فيش فايدة مش فاهم قلت طب تعال نبص على العلاقة بين الاية والمقطع اللي وردت فيه
رجعت تلات ايات لورا دي الاية واحد وستين ارجع هات لي الاية تمانية وخمسين وتسعة وخمسين وستين الاية تمانية وخمسين بتقول ايه يا ايها الذين امنوا ليستأذنكم الذين ملكت ايمانكم والذين لم يبلغوا الحلم منكم ثلاث مرات من قبل صلاة الفجر
وحين تضعون ثيابكم من الظهيرة ومن بعد صلاة العشاء ثلاث عورات لكم. ليس عليكم ولا عليهم جناح بعدهن طوافون عليكم بعض على بعض. كذلك يبين الله لكم الايات والله عليم حكيم. الاية دي بتقول لنا ان لازم تعودوا الناس اللي بتشتغل في البيت
والاطفال اللي لسة ما بلغوش الحلم يستأزنوا وهم داخلين عليكم اوضكم تلات مرات قبل صلاة الفجر ولما تقلعوا هدومكم عشان تريحوا قبل ايه وقت الظهيرة. ومن بعد صلاة العشاء. دول تلات عورات لكم من بعد العشاء
لغاية الفجر الفترة دية ما حدش يخش عليكم الا لازم يستأزن الاول طيب الاية تسعة وخمسين. واذا بلغ الاطفال منكم الحلم. لكن الاطفال بقى لو بلغوا الحلم خلاص بلغوا فليستأذنوا كما استأذن الذين من قبلهم. يفضلوا
باستمرار ما فيش بقى تلات تلات اوقات هيستأزنوا دايما وهم داخلين يخبطوا يستأزنوا قبل ما يدخلوا. ماشي كذلك يبين الله لكم اياته والله عليم حكيم اسمع الاية اللي بعدها والقواعد من النساء اللاتي لا يرجون نكاحا. الستات لما تكبر في السن
اللي خلاص مش هينفع يعني مش مش ما بيرضوش ان هم يتجوزوا تاني. فليس عليهن جناح ان يضعن ثيابهن غير متبرجات بزينة وان يستعففن خير لهن والله سميع عليم. ممكن يتخففوا شوية من الحجاب بانه يعني ايه
شوية كده تبين رقبتها. تشمر شوية. الست خلاص كبرت في السن ومش متوقع انها تتجوز تاني. وما بقاش في مسألة يعني مسألة الجنس عندها ما بقتش مطلوبة. ازا في الحالة دي ممكن تتخفف لكن
بالتلات ايات دول بيتكلموا عن ايه عن الحياء وتعليم الناس الحياء بيعلموا الاطفال والناس اللي بتشتغل في البيت الحياء. بيعلموا الاطفال لما تكبر الحياء. بيعلموا الناس لما تكبر في السن الحياء
السقاية عمالة تكلمنا ايه الصورة عمالة تكلمنا عن الحياء حياء حياء. الخوف الناس ناخد موضوع الحياء ده وتتمادى فيه وتبدأ بسبب الحياء تنعزل عن المجتمع احنا مش عايزين الناس تنعزل عن المجتمع
تيجي اية الاية واحد وستين تقول لي ما فيش حرج عليكم ولا على الاعمى ولا على اي حد انه ياكل في بيته او بيت ابائه او امهاته هاتهم او اعمامهم او اخوالهم او خالتهم او آآ
او الصديقكم او ما ملكتم مفاتحه. وتاكلوا جميعا او اشتات مع بعض تاكلوا او تاكلوا لوحدكم. لكن المهم بقى فاذا دخلتم بيوتا فسلموا على انفسكم تحية من عند الله مباركة طيبة
ما تيجي الاية بتقول لي لا انا عايزك تبقى مجتمعي وتبقى متعامل مع الناس وما تنعزلش عن الناس ايوة اتعلم الحياء لكن تيجي في الاية تمانية وخمسين تسعة وخمسين ستين لكن واحد وتسعين تيجي
واحد وستين تيجي وتعملي عملية تعملي عملية ميزان وازنة لكن ما تنعزلش. اتعلم الحياء لكن لا تنعزل واقبل الدعوات عشان تروح تاكل عند الناس. وكل مع الناس وكل وحدك وسلم على الناس
وخليك راجل اجتماعي
