فلا اقسم بالخنس الجواري الكنس والليل اذا عسعس والصبح اذا تنفس انه لقول رسول كريم الفاء دي اسمها فاء التفريع يعني اللي قبلها تمهيد للي بعدها يبقى الاتناشر شرط بتوع يوم القيامة دول اللي فاتوا دول اللي هو اذا الشمس كورت واذا النجوم انكدرت واذا الجبال سيرت واذا العشار عطلت اللي هم
الجواب بتاعهم علمت نفس ما احضرت. كل ده كان تمهيد للقسم اللي جاي دلوقتي الفاء دي فاء التفريع يعني كل فاء ده تمهيد للي جاي فلا اقسم بالخنس ربنا بيقسم القسم
المنفي وقلنا لا اقسم بكزا بتتقال لما يكون قسم بشيء غريب عن الناس فلا اقسم بالخنس. الخنس هي النجوم التي خنست. يعني اختفت الا اقسم بالخنس الجواري الكنس الجواري يعني النجوم اختفت
وجواري بيجروا عمالين يجروا يكنس الجواري الكنس. الحقيقة المفسرين وقفوا كتير جدا فمعناه مش قادرين يفهموها يعني ازاي النجوم بتختفي ومع زلك موجودة وبتجري وبتكنس مش قادرين يفهموها. بعضهم ابتدى بقى يدور على تفاسير تانية خالص ويقول لك دي حيوانات قاعدة مش عارف
مستخبية ورا الشجر مش قادرين يصدقوا يعني ايه نجوم اختفت ومع زلك موجودة برضو وبتجري وبتكنس. الحاجة التانية كلمة كنز في الوقت ده يعني ازاحة. الواحد بيكنس بمكنسة يدوية كده من بتوع زمان فبيزيح التراب من مكانه ويجمعه في ركن
لكن النهاردة المكنسة بتشفط. مكنسة بقى لنا خمسين سنة اكتشفوا من في السبعينات ان في حاجة اسمها الثقوب سوداء  عبارة عن نجوم اختفت بالفعل بسبب قوة الجاذبية بتاعتها خلتها تاكل نفسها
النجوم النجمة يعني انهارت بسبب الجازبية بتاعتها وتحولت الى ثقب اسود بيجري في الفضاء يبتلع كل ما يقابله بيكنس عارف المكنسة الكهربية النهاردة ما بتلمش على جنب ما بتحطش تحت السجادة لا دي بتشفط
هو ده بالزبط فلا اقسم بالخنس الجواري الكنس انا بعتبر الايتين دول من اكبر الايات اللي فيها اعجاز علمي في القرآن الكريم
