ذلك ومن يعظم شعائر الله فانها من تقوى القلوب بعد ما ربنا تكلم عن مناسك الحج من طواف وذبح وتحلل من الاحرام ثم ليقضوا تفثهم تحلل من الاحرام وازالة الشعر والكلام ده
قال ذلك اقرا معي اتنين وتلاتين. ذلك ومن يعظم شعائر الله فانها من تقوى القلوب. هذا الكلام له معنى ومعنى خاص. المعنى العام ان كل شعائر ربنا ان الله سبحانه وتعالى يثني على من يعظم شعائر ربنا
ومش بيثني يعني وليس فقط بيثني على اللي بيعمل شعائر ربنا لأ اللي يعظم شعائر ربنا. يعني ربنا ما قالش ذلك ومن اعمل شعائر الله فانها من تقوى القلوب. لأ
الشعائر هي مناسك تؤدى. كالصلاة والصوم والحج عبادات. بنعملها لكن ربنا اثنى على من يعظمها يعني بيعملها بحب وباكبار وبتعظيم في واحد بيصلي بخشوع وواحد واقف بيصلي في اي مكان زحمة ودوشة يخطف الكام ركعة بسرعة اداء واجب
ده بيعمل الصلاة وده بيعظم الصلاة المفروض الواحد يعظم الشعيرة. يروح يصلي في المسجد في بيت ربنا. يلبس لبس محترم وهو رايح يعظم الصلاة. يشعر هو رايح يعمل ايه يتوضأ في بيته انما بقى اللي بيتوضا وهو بيغني وبتفرد السجادة وهي بتغني
ده مش تعظيم لشعائر الله  المعنى الخاص يخص الحج خاصة. الحج خاصة آآ مسموح فيه بالكلام ومدته بتمتد ايام. وفي حركة من مكان لمكان. بنروح حتة اسمها منطقة اسمها منى
ومن منى بيروح يوم الترويش. ومن منى بنطلع على عرفات يوم تسعة ذي الحجة. وفي عرفات بننزل بعد المغرب على مزدلفة. نلم الحصى من هناك وننزل بعد كده نبات في مزدلفة وبعد كده ننزل
تسعة بين الصفا والمروة ونرجم ونطوف كل الحركة دي في وسط الجموع الكبيرة الملايين والتعامل مع الناس حواليك. كل ده بيؤدي ان كثير من الناس ينسوا انهم في شعيرة طب ممكن واحد يبدأ يهزر
واحد يهرج وهو ماشي او واحد يتنرفز او واحد يتخانق على طول لازم يفكر نفسه بالاية الكريمة ذلك ومن يعظم شعائر الله فانها من تقوى القلوب. انت ماشي على نفس الرمل اللي مشي عليه ابراهيم
ومشيت عليه هاجر. ومشي عليه اسماعيل. ومشي عليه سيدنا محمد عليه الصلاة والسلام. ومشي عليه ابو بكر الصديق وعمر بن الخطاب وعلي بن ابي طالب هو ده لازم تستشعر انت فين
ذلك ومن يعظم شعائر الله فانها من تقوى القلوب. هناك معنى اخر وهو ان المقصود بالشعائر هنا هو الانعام التي ستهدى في الحج الهدي بنسميه الهدي وكأنها هدايا انت بتقدمها لربنا
بالتالي تعظيم هذه الشعائر يعني اختيار العظيمة منها. تختار الكبيرة السمينة الغالية. انت رايح تدي هدية لربنا. فلازم تحسن اختيار الهدية. ما  ذلك ومن يعظم عشان تدبح الجمل يرمي لحم كتير ويأكل فقرا كتير
من يعظم شعائر الله فانها من تقوى القلوب
