اقرا معي مية تمانية وتلاتين وركز بقى صبغة الله ومن احسن من الله صبغة. ونحن له عابدون ايه هي الصبغة؟ الصبغة بنسميها الصبغة الصبغ انك تصبغ يعني بتغير لون القماش بلون اخر مع التشرب للتثبيت. يعني انت مش
بتلون آآ او بتطلي طلاء سطحي لو سطحي واللون يعني لو لو انت لونت قماش لكنه مش صبغ مش عملية صباغة مش هيثبت اللون بالتالي اللون هيتغير بالتالي لما تغسله هيبهت
لكن الصباغة تغيير اللون من الداخل والخارج. اللون بيتغلغل داخل النسيج بتاع القماش طيب ايه هي صبغة الله دي ارجع لورا هتجد الاية مية خمسة وتلاتين بتقول وقالوا كونوا هودا او نصارى تهتدوا. قل بل ملة ابراهيم حنيفا وما كان من المشركين
فلما ربنا يقول صبغة الله يقصد بها ملة ابراهيم. هي دي اللي ذكرت قبلها واتشرحت بالتفصيل اللي هي الايمان بالله وبالرسل كلهم وبالكتب كلها لكن ملة ابراهيم هي دي الصبغة
والصبغة دي اللي ربنا نفسه بيصبغ بها صبغة الله ومن احسن من الله صبغة يبقى ميلة ابراهيم هي الصبغة وتفصيلها في ستة وتلاتين زي ما قلنا الايمان بالله والكتب والرسل
هذا الدين او هذه الملة بتصبغ الانسان بس هي اصلا فين هي ايمان والايمان فين؟ القلب الايمان محله القلب لنا عقيدة والايمان في القلب فالصبغة بتصبغ الانسان من الداخل وتطلع للخارج
مش من الخارج وتدخل على الداخل لأ من الداخل تطلع على الخارج بالتالي هذا الايمان هينعكس في كل حاجة في حياتك. هينعكس على كل حاجة في حياتك هينعكس على طريقتك في ارتداء الملابس. على طريقتك في الكلام. على طريقتك في المشي. على طريقتك في كل حاجة. طريقتك في القلب
اكل مظهرك هيبقى اكثر تواضعا هتهتم انك تظهر تظهر  يعني تظهر بمظهر نظيف ولن تهتم بالمظاهر اللي قبل كده كنت بتهتم بها مظاهر الغنى مظاهر مش هتهتم بهذه الاشياء. بالتالي الصبغة دي كل ما صبغتك من الداخل
وطلعت على الخارج بدأت هي تزهر على مظهرك الخارجي مش هتقاطع الناس وهي بتتكلم بعد كده تبقى متواضع مش هتتكلم عن نفسك كتير وتقعد تتعجب وتتفاخر زي زمان. خلاص الصبغة بتصبغك
هتمشي بتواضع مش زي الاول المهم ان التغير جاي من جوة لبرة مش العكس. ليه بقى بنشوف ناس اول ما بتبقى يعني بتتدين بتتدين تدين سطحي اول حاجة بتعملها تطلق اللحية
تلبس ثوب آآ مش عارف شكله عامل ازاي ويتعلم بقى يربط العمامة بالوصف بالزبط اللي وصلنا عن عمامة رسول الله. كل ده كويس جدا ويحط السواك هنا كده زي القلم كده
كويس لكن المصيبة بتحصل لما التغير يبقى في المزهر الخارجي فقط ولسه الداخل ما اتغيرش. القلب ما اتغيرش. فتلاقي واحدة محجبة بس آآ بتغتاب كتير واحد ملتحي بس نصاب. الله
ليه؟ لان التغير تغير خارجي مش متغلغل في نسيج الانسان. صبغة الله ومن احسن من الله صبغة ما فيش صبغة احسن من صبغة الله لان هي اللي هتطورك للاحسن لانها جاية من جوة و بتطفح على برة بتزهر بعد كده
فالطبيعي ان انت تتغير في داخلك وبعد كده مزاهرك تبدأ تتغير والناس تلاحز عليك. مش العكس. مش الزاهر يبقى الاول وجوة خربانة لسة ما ينفعش
