ربنا بيقول ولقد اخذنا ال فرعون السنين ونقص من الثمرات. السنين يعني المواسم التي لا يوجد فيها ماء والظروف فيها بتسوء جدا وبيقل الطعام الموسم اللي يبقى فيه مية وزرع ورخاء بيسمى عام
الموسم اللي بيبقى فيه جدب وبيبقى فيه شدة بيسمى سنة شوفوا في صورة آآ يوسف ربنا بيقول سيدنا يوسف بيقول يعني ايه؟ قال تزرعون سبع سنين دأبا هيكون فيه سنين انتم بتزرعوا فيها
فما حصدتم فذروه في سنبله الا قليلا مما تأكلون. ثم يأتي من بعد ذلك سبع شداد. سبع تانيين شداد. يأكلن ما قدمتم لهن الا قليلا مما تحسنون. ثم يأتي من بعد ذلك عام
فيه يغاث الناس وفيه يعصرون. السنة اللي هيكون فيها اه فلوس واكل وشرب وزراعة وثمرات ده اسمها عام. غير كده السنة الشديدة او الجدباء خالص اسمها سما سنين لزلك كلمة سنة وركزوا معي اوي
بتختلف مدتها حسب الثقافة احنا عندنا سنة اتناشر شهر صح من الحاجات اللي عاملة قلق عند ناس كتير اوي هو عمر سيدنا نوح في سورة العنكبوت ربنا سبحانه وتعالى قال ولقد ارسلنا نوحا الى قومه فلبث فيهم الف سنة الا خمسين
يعني الف موسم وحش  في مشاكل الا خمسين سنة كان فيها رخاء وظروف جيدة  هل ده معناه ان سيدنا آآ آآ نوح عاش حوالي تسعمية وخمسين او الف سنة من بتوعنا من اللي احنا بنعيشهم دول مش مش مش كتير يعني عاش عشر قرون بالتوقيت بتاعنا
ده سؤال مهم جدا   تاريخيا في دولة كانت في منطقة العراق وايران اسمها الدولة السومارية لو بحثتم عنها في كتب التاريخ ومخطوطات التاريخ بعيدا تماما عن اي عن اي كلام ديني تماما
ولا في الاسلام ولا عند بني اسرائيل ولا عند حاجة خالص. المخطوطات الموجودة والكلام الموجود في جميع المعاهد التاريخية ان الدولة السومارية كان في تلاتة من ملوكها كل ملك فيهم حكم تمانية واربعين الف سنة
وفي كزا ملك حكموا في حدود تمانية وعشرين الف وخمسة وتلاتين الف سنة. كل واحد وملك فيهم حكم تمنتاشر الف سنة. ده ما لحقش. ده غالبا اتعمل عليه انقلاب. ما لحقش
هل معقول ان البشر في الوقت ده كانوا بيعيشوا المدد الطويلة دي علميا علميا وتاريخيا لأ بالعكس البشر كان اعمارهم قصيرة زمان لان الطب كان مش متقدم خالص والناس كانت بتموت من امراض
النهاردة بتتعالج بقرص بانادول لكن من الواضح ان مقاييس الوقت كانت مختلفة ممكن يكون اللي يوم بيطلق عليه سنة في تلك الفترات. وممكن الشهر كان يطلق عليه سنة في فترات اخرى
يعني فترة سيدنا نوح لو الف لو الف سنة هي الف شهر يعني حوالي خمسة وتمانين سنة. اه ده كلام طبيعي ومعقول ووارد. اللي انا بقوله ده ليه؟ بقوله لان القرآن
الكريم لا يخالف حقائق ابدا. لا حقائق علمية ولا حقائق تاريخية  اللي عايز يتأكد يروح يبحث في الدولة السومارية في المخطوطات التاريخية. هيجد ان الناس في الوقت ده كانوا بيعيشوا بالخمسين
الستين الف سنة وده شيء غير معقول الا ان تكون السنة في هذا الوقت مقياسها غير مقياسنا احنا تمام
