اقرا بقى معي التمانية وتلاتين تاني وركز قلنا اهبطوا منها جميعا. فاما يأتينكم مني هدى فمن تبع هداي فلا خوف بالضم فلا خوف عليهم ولا هم يحزنون. لها قراءة اخرى اسمها قراءة
يعقوب الحضرمي فلا خوف عليهم مش عليهم. ضم الهاء بتاع عليهم ده اختلاف لهجة ما يؤثرش في المعنى نهائيا. لكن فتح خوف ده مش لهجة. ده هيفرق في المعنى جدا
فلا خوف بدل فلا خوف تفرق في المعنى. لما حد يقول لي تشتري الشقة بتاعتي اقول له بكام ؟ يقول لي بربعمية الف. فاقول له لا مال عندي يعني ما عنديش ربعميت الف
يعني ما عنديش فلوس كفاية لكن لو قلت له لا مال بالفتح لا مال عندي. يعني انا بانفي ان عندي جنس المال. اكني باطلع جيوبي الاتنين وباقلبهم له الاقيهم ابيض. ابيض وما عيش مليم احمر. ده لا مال عندي. يبقى قراءة يعقوب فلا خوف
عليهم يعني ما فيش خوف اطلاقا جنس الخوف مش موجود عليهم. وقلنا ان الخوف بيكون من حدوث شر في المستقبل اذا قراءة بتقول ان اللي يتبع هدى الله مش هيحصل له شر. وقراءة بتؤكد ان مش هيحصل له اي شر نهائيا
والحزن بيبقى على فقد اشياء سارة عند الانسان. يبقى مش هيفقد حاجة؟ لأ. بصوا بقى احنا بنشوف ناس بتتبع الهدى وبيصيبها شرور وبتفقد اشياء سارة صح ولا لا احنا بنشوف ناس بتبتلى ابتلاءات شديدة جدا. واكيد دي ناس متبعة على الهدى. يعني يعني هو ما فيش حد اتبع الهدى اكتر من النبي عليه الصلاة والسلام
ابتلي ابتلاءات شديد ده مات ستة من عياله هنا التدبر بقى ازاي نجمع بين فلا خوف عليهم او فلا خوف عليهم ولا هم يحزنون واحنا بنشوف اللي بيتبع الهدى بيحصل لهم مصائب كبيرة
فكروا كده ربنا ما قالش من اتبع هداي لا تحدث له مصائب. لأ ان لا خوف ولا حزن الخوف والحزن مش هم المصائب. الخوف والحزن هم الطريقة اللي بيتعامل بها الانسان مع المصائب
حياة بدون مصائب في الدنيا مش هيحصل دي الحياة في الجنة. لكن مش في الدنيا. اللي يتبع هدى الله سيعيش في حالة من الرضا تجعل يشعر بحالة من السلام الداخلي. وفي سلام مع الله. في سلام مع الطبيعة. في سلام
مع الكون في سلام مع الناس. وكأنه يملك الدنيا وما فيها. فاذا اصابه شر هو في سلام مع الله ويعلم انه ما كان ليصيبه الا ما كتبه الله عليه فلا يخاف من المصائب في المستقبل ولا يحزن على مصائب الحاضر والماضي
ركز بقى يبقى معنى من اتبع هداي فلا خوف عليهم ولا هم يحزنون. مش يعني مش هيحصل لهم حاجة وحشة. معناها ان هم سيستقبلوا المصائب بطريقة مختلفة تماما عن استقبال
الاخرين اللي ما بيتبعوش الهدى اللي ما بيتبعوش الهدى هيجزعوا هيبقى عنده حالة من الجزع في مواجهة المشاكل وفي مواجهة المصائب عشان بس الناس افهم المقصود من الكلام ايه فلا خوف عليهم ولا هم يحزنون مش يعني حياة آآ بقى خلاص ما فيش عندنا مشاكل لا ابدا المشاكل موجودة
بس استقبال الناس مختلفة اقرا معي بقى تسعة وتلاتين والذين كفروا وكذبوا باياتنا اولئك اصحاب النار هم فيها خالدون خلي بالك القرآن في الايتين دول تمانية واتنين تسعة وتلاتين جاب لك فئتين عكس بعض
اللي اتبعوا الهدى في الاية تمانية وتلاتين واللي كفروا وكذبوا بايات الله في الاية تسعة وتلاتين الاية تمانية وتلاتين قال لك لا خوف عليهم ولا هم يحزنون. واضح من ظاهر الكلام ده وضعهم في الدنيا
الاية تسعة وتلاتين قال لك اللي كفروا وكذبوا ها اولئك اصحاب النار هم فيها خالدون. ده وضعهم فين؟ في الاخرة يبقى اللي اتبعوا الهدى بمفهوم المخالفة يعني هات الكلام واعكسه
اللي كفروا وكذبوا اصحاب النار هم فيها خالدون. يبقى وانت مغمض اللي اتبعوا الهدى اصحاب الجنة هم فيها خالدون. مفهومة بمفهوم والمخالفة مش محتاج ان ربنا يذكرها هي مفهومة انت بتستنتجها من الكلام
وكذلك برضو اللي كفروا وكذبوا في الدنيا عليهم خوف ويحزنون عند تعاملهم مع المصائب برضه مفهومة بمفهوم المخالفة. مش محتاج يزكرها فشوف المعنى كبير ازاي لكن القرآن قدر يشطب عدة جمل ويشيلها من مكتوب وانت
بيصل اليها بالتدبر فيحتفظ القرآن بصفة الايجاز. القرآن موجز. او موجز. مختصر جدا قلنا اهبطوا منها جميعا. فاما يأتينكم مني هدى فمن تبع هداي فلا خوف عليه ولا هم يحزنون
بين السطور. بينما الذين لم يتبعوا هداي سيخافون ويحزنون كثيرا. دي شالها. لانها مفهومة بمفهوم المخالفة كمل معي. والذين كفروا وكذبوا باياتنا اولئك اصحاب النار هم فيها خالدون. بين السطور بينما الذين
امنوا واتبعوا الهدى اولئك اصحاب الجنة هم فيها خالدون. برضه شالها لانها مفهومة بمفهوم المخالفة. فجاب لك اية عن الوضع في الدنيا واية عن الوضع في الاخرة. بس جاب لك اية الوضع في الدنيا بالنسبة للفئة وسابك تستنتج الوضع في الدنيا
التانية وجاب لك اية تانية بالنسبة للوضع في الاخرة بالنسبة لفئة اخرى وسابك تستنتج الوضع في الاخرة للفئة اللي ما زكرتش افضل القرآن محتفظ بصفة الايجاز موجز مختصر جدا المعنى اللي ينفع يوصل في تلات كلمات
