ومن يعمل مثقال ذرة خيرا يره ومن يعمل مثقال ذرة شرا يره في اعمال خير انت ناسيها صغيرة قوي ومن يعمل مثقال ذرة خيرا يره تبسمك في وجه اخيك صدقة. هل انت فاكر كل ابتسامة ابتسمتها في وش حد؟ لأ
انت ناسي انا مش ناسي  ابتسامة من ابتساماتك ممكن تكون غيرت التاريخ كله. ايه رأيك بقى؟ ازاي واحد مسيحي نازل من بيته مكتئب والدنيا ضاقت به جدا لدرجة انه كان رايح يرمي نفسه من فوق برج القاهرة
وهو ماشي انت كنت جاي في وشه وشفته مكشر او عينه بتدمع. فافتكرت الحديث ده تبسمك في وجه اخيك صدقة. فتبسمت في وجهه ورحت بيتكم ما تعرفش مين الشخص ده ولا كان رايح يعمل ايه. هو بقى كان رايح يرمي نفسه من فوق برج القاهرة. شاف ابتسامتك
شعر ان الدنيا ممكن يكون لسة فيها خير قدر يتماسك ويتغلب على الافكار دي ولف ورجع وما راحش البرج وما قطعش تزكرة وما طلعش وما رماش نفسه وهو ماشي لقى مسجد لاول مرة في حياته
راح داخل بقى المسلمين بيصلوا داخل يصلي معهم من غير وضوء ومن غير حاجة وراح ساجد معهم وبكى في السجود وجلس يقرأ القرآن ويبكي تغيرت حياته من بعدها وانشرح صدره للاسلام واسلم واتجوز وخلف واصبح انسان تاني خالص وخلف ولد رباه كويس واهتم
تعليمه واصبح الولد ده احد علماء الاسلام. واتعلم على ايده الاف مؤلفة. وكتب مئات الكتب كل ده حضرتك عملته بالابتسامة بتاعتك اللي انت اصلا مش عارف عنها حاجة تعرف امتى بقى ابتسامتك دي غيرت حياة الالاف يومها
فمن يعمل مثقال ذرة خيرا يره الذرة يعني اصغر حاجة وقتها كانت تطلق على نوع من النمل صغير جدا جدا جدا لدرجة انك تبص كده في تبص كده على النملة ما انت شايف رجليها
يعني نوع من نمل صغير اوي فسموه الذر واطلق ايضا الذرة على ذرة الرمل او التراب الان اصبح عندنا ما هو اصغر منها فسميناها الاتم الذرة المقصود دايما هو انه مهما كان عملك صغير جدا
وانت نسيته وما حدش فاكره لأ هو مدون ومسجل عند الله. فين يا عليين التناسي المطففين كلا ان كتاب الابرار لفي عليين. وما ادراك ما عليون كتاب مرقوم يشهده المقربون
نستفيد من الاية دي ايه ما نستصغرش اي عمل صالح ابدا في صحيح مسلم عن ابي ذر رضي الله عنه قال قال لي رسول الله صلى الله عليه وسلم لا تحقرن من المعروف شيئا
ولو ان تلقى اخاك بوجه طلق اوعى تستصغر اي عمل صالح ولو كان صغير ولو مجرد ابتسامة في وش حد وقال ايضا في الحديث المتفق عليه. متفق عليه يعني البخاري ومسلم اتفقوا عليه
قال رسول الله صلى الله عليه وسلم اتقوا النار ولو بشق تمرة. حتة من من تمرة فمن لم يجد فبكلمة طيبة
