بعد اعوذ بالله من الشيطان الرجيم يا ايها الذين امنوا اذكروا الله ذكرا كثيرا. وسبحوه بكرة واصيلا  اللي يطلب منك انك تفتكره باستمرار وما تنساهوش ابدا يبقى ايه يبقى بيحبك
انا مسلا لما بسافر اسرتي علشان بيحبوني بيقولوا لي كلمنا كل يوم ولما بسافر بلد فيها معدلات الجريمة كبيرة شوية يطلبوا اكلمهم مرتين مش مرة واحدة من امبارح  اه بيطلبوا اكلمهم مرتين مش مرة واحدة
واكيد ما ينفعش اكلمهم مرتين ورا بعض الصبح المقصود اني اكلمهم مرة الصبح ومرة بالليل عشان يطمنوا علي لانهم بيحبوني  واللي قال لك تكلمه خمس مرات على الاقل كل يوم
اكيد مش كولومرا بعد الصبح. واكيد مش كلهم ورا بعض بالليل لما ترجع على البيت. لأ مواعيد تكلمه فيها من الساعة كذا للساعة كذا اعمل اتصال في الوقت ده. وبعدين من الساعة كذا للساعة كذا
نعمل كمان مكالمة في الوقت ده من الساعة مسلا اتناشر الضهر لتلاتة دي الفترة اللي هتعمل فيها مكالمة من تلاتة لغاية خمسة ونص او ستة مكالمة وهكزا. طيب قال لك كلمني خمس مرات على الاقل. وتقدر تكلمني اي
عدد من المكالمات خلال اليوم والليلة مفتوح زي ما انت عايز. المهم ما يقلش عدد المكالمات عن خمسة لان ربنا عارفك مشغول. وعندك شغل وعندك اكل عيش وعندك عمل وعندك
وعايز تنام فقال لك ما يقلش عدد مكالماتك عن خمسة المكالمات دي قال لك احكي لي حالك ايه. واشك لي كل مشاكلك واطلب اي شيء تحتاجه وادى لك رقم وقال لك اتصل بالرقم ده كل يوم
اتنين اربعة اربعة تلاتة اربعة واحفز الرقم كويس عشان اي رقم في دول غلط مش انا اللي هرد عليك اتنين اربعة اربعة تلاتة اربعة اتنين الصبح اربعة الضهر اربعة العصر تلاتة المغرب اربعة العشا. ده الرقم اللي لازم تطلبه كل يوم
اللي بيطلب منك كده وبيؤكد عليك تتصل به وتشكي له حالك وتحكي له كل حاجة وتطلب اي حاجة بيحبك بيحبك ولا مش بيحبك بيحبك الله يا جماعة هو الملك هل في ملك واحد في الدنيا كده
بيسمح للناس تتصل به اي وقت واي عدد من المرات بدون استئذان عرفت الفرق بينه وبين ملوك الارض ملوك الارض هم اللي بيستفيدوا منك بينما هو اللي بينما هو اللي انت بتستفيد منه
ملوك الارض بيستخدموك لحماية نفسهم انما هو اللي بيحميك انت عرفت بقى مين الملك الحقيقي اللي بيحبك كمان ؟ ربنا انعم علينا بكل النعم ولم يطلب مننا الا اننا نبقى فاكرينه باستمرار
ونحسن الظن بي باستمرار. نذكره في كل وقت عن النبي صلى الله عليه وسلم قال اذا ايقظ الرجل امرأته من الليل فصليا ركعتين كان تلك الليلة من الذاكرين الله كثيرا والذاكرات
راجل يصحي مراته او واحدة تصحي جوزها ويصلوا مع بعض ركعتين  قيام ليل ركعتين مش لازم يكونوا طوال يعتبر من الذاكرين الله كثيرا والذاكرات. طب احنا قلنا قبل كده ان قيام الليل يستحسن الواحد يكون لوحده من وراء الناس لكن احيانا
والزوج ما يعرفوش يخبوا على بعض. خلاص قوموا صلوا مع بعض. شجعوا بعض. المهم الواحد ما يطلعش يتمنظر قدام الناس
