قبل ما نقفل النهاردة عاوز اوضح حاجة في الاية تسعة وستين. عشان بس الناس ما تفهمش ايه غلط وما علمناه الشعر وما ينبغي له في ناس اخدت التعبير ده على ان القرآن بيذم الشعر
مع ان النبي صلى الله عليه وسلم كان عنده شعراؤه في في سورة اسمها سورة الشعراء سورة الشعراء دي انا ارى انها لو كانت نزلت في القرن العشرين والقرن الواحد والعشرين كان ممكن يكون اسمها صورة الصحفيين
ان الشعراء في الوقت ده كانوا هم الصحفيين بتوع الوقت ده النبي صلى الله عليه وسلم كان عنده شعراؤه اللي بيدافعوا عن الاسلام بشعرهم في مواجهة الشعر الكافر كان في صحافة كافرة وصحافة مؤمنة بتدافع عن الاسلام
فالشعر حلاله حلال وحرامه حرام بل ممكن واحد يقول شعر يدخل بسببه النار. وواحد يقول شعر يدخل بسببه الجنة النبي صلى الله عليه وسلم كان عنده الشعراء كان عنده حسان ابن ثابت
اللي هو بيسمى شاعر الرسول كان عنده عبدالله بن رواحة كان عنده كعب بن مالك. كل دول شعراء من كانوا شعراء النبي وكانوا بيواجهوا الهجوم بتاع الشعراء النبي قال لحسان ابن ثابت اهجهم وروح القدس معك. يعني انت مؤيد من الله. قل اعمل اعمل شعر وقل شعر فيهم
طيب السؤال بقى امال ليه نبرة الفخر دي ان النبي ما كانش بيعرف شعر لو الشعر حاجة كويسة ليه ربنا يقول وما علمناه الشعر وما ينبغي له بتقولي لي دلوقتي ان الشعر ممكن يكون حاجة كويسة
طب احنا حاسين بنبرة وكأن دي فيها ادانة للشعر لأ بصوا يا جماعة زي بالزبط ان احنا بنفخر بان النبي صلى الله عليه وسلم كان اميا لا يقرأ ولا يكتب. هي دي حاجة الواحد يفخر بها
الامية تعتبر منقصة نقص في اي انسان الا رسول الله صلى الله عليه وسلم النبي بالزات الامية دليل انه صادق. وان القرآن من عند الله وانه لا يمكن يكون علمه
وبشر ما بيقراش ويكتب اصلا هنتعلم من بشر ازاي؟ ما هوش البشر مش هيدي له كتاب ولا يتكتب له في كراسة؟ لأ. ازا الامية كمال في حق النبي صلى الله عليه وسلم فقط
لكن هي في حد زاتها ما هياش كمال. هي هي منقصة. عشان كده النبي عليه الصلاة والسلام كان كان جايب مدرسة خصوصية آآ بعض امهات المؤمنين من القراءة والكتابة للي مش متعلمة القراءة والكتابة
عشان يزيل الامية منهم. انما في حالته هو هي دليل ان الذي يوحى اليه ويوحى من الله وليس من نفسه. كذلك نفس الكلام هو ما يعرفش شعره وما قالش شعر فده دليل على الهية المصدر بتاع القرآن الكريم. لان القرآن مصدره الهي وليس بشري ولا هو
هو الشعر اصلا. كونه ما يعرفش الشعر
