اذا ذكر الله وجلت قلوبهم الوجل والخوف مع الفزع انسان وجل يعني خايف خاف فطلع يجري وعمال بقى يتحرك رايح جاي رايح جاي خايف وجل فلما يقولوا وجلت قلوبهم يعني بتتحرك بتدق من شدة الخوف. معنى وجلت قلوبهم يعني من الخوف قلوبهم بتدق بتتحرك
لمجرد ذكر الله بيخافوا لدرجة ان قلوبهم تبدأ تدق جامد بس في حاجة ازاي نوفق بين الاية دي والاية الكريمة في سورة الرعد اللي هي بتدي معنى عكس ده تماما
الذين امنوا وتطمئن قلوبهم بذكر الله. الا بذكر الله تطمئن القلوب الله! هي القلوب هتوجل ولا هتطمئن ؟ دول عكس بعض ما حدش يقول لي هم هم. لأ مش هم هم. الاتنين مع بعض. ما فيش حاجة اسمها الاتنين مع بعض
ما يا اما هتوجر وتدق وتتحرك يا اما تطمئن هل في تضارب في ايات القرآن؟ لأ دي مراحل يا استاز مراحل ما فيش تضارب بين المراحل. لما اقول انسان خلق من تراب. وبعدين في اية تانية ان الانسان خلق من طين. واية تالتة الانسان خلق من ماء
ما فيش تضارب بين الماء والطين والتراب هي مراحل ما هو الماء والتراب بيعمله طين وصلصال كالفخار برضه دي مراحل هي هي التضارب كان يبقى لو نقول دهب وترين مسلا
لكن لا هي مراحل القلوب بتمر بمراحل عند ذكر الله قلنا القلوب هي المشاعر اللي داخل الانسان في حالة الانسان المسلم المؤمن عندما يسمع اسم الله يذكر يتذكر انه لا يستطيع ان يشكر الله على نعمه
ويتذكر ان الله مطلع عليه في السر والعلن. وان الله يراه في كل وقت فيشعر بالوجل نتيجة اسماء الجلال العظيم القوي الجبار البصير شديد العقاب ذي الطول كل دي اسماء
الجلال خوف واحد بيشعر بالوجع ده هيجعله يعمل ايه بقى؟ يستكثر من الخير يستكثر من العبادات والاعمال الصالحة. ليه؟ لان الخشية في الاسلام خشية ايجابية تجعل الانسان اتحرك الطبيعي ان الخشية والخوف يخلوا الانسان يتسمر في مكانه مش عارف يعمل ايه. يتلبخ. انما لأ خشية الله تخلي الانسان يتحرك
ربنا قال في سورة عبس واما من جاءك يسعى وهو يخشى. الخشية خلته يسعى. يسعى لطلب العلم فجاء للنبي يطلب العلم  يبقى وخلي بالك وده اللي مطلوب من الانسان الانسان يخشى يخشى الله فيسعى في طلب العلم ويعمل الصالحات ليه؟ عشان يتغير
قالوا ان الله لا يغير ما بقوم حتى يغيروا ما بانفسهم. هيتغير الحال الى ايه بقى الى طمأنينة بعد كده. ليه بتذكر اسماء الجمال الغفور الرحيم الغفار الرحمن الرؤوف الشكور
وتعطيه الامل فيهدأ قلبه ويطمئن الشعورين دول موجودين بالترتيب ده في سورة الزمر ربنا بيقول في سورة الزمر الاية تلاتة وعشرين الله نزل احسن الحديث كتابا متشابها مثاني يقشعر منه جلود الذين يخشون ربهم
ايخشوا ربهم فجلودهم هتقشعر ثم تلين جلودهم وقلوبهم الى ذكر الله. ثم هترجع تلين تاني بعد ما كانت مقشعرة هترجع تلين تاني ذلك هدى الله يهدي به من يشاء. فالقشعريرة بتحدث نتيجة الخشية والوجل
ثم بعد ذلك اللين اللين نتيجة ايه؟ نتيجة الاطمئنان ازا القلب يتذكر اسماء الجلال يخاف ويخشى ويوجل. وتقشعر الجلود ثم يتذكر اسماء الجمال يطمئن ويهدأ وتلين الجلود
