الامر الاخر والخطير جدا ايضا القرآن ذكر الحالة الصحية بتاعة ام مكتوم ان جاءه الاعمى كان مقصودة دي مقصودة لما ربنا يقول ان جاءه الاعمى لا هي مش جاية صدفة
ده معناه ان ذوي الاحتياجات الخاصة يجب يكون لهم معاملة خاصة واهتمام خاص في المجتمع صحيح انه اعمى. فلم يرى ان النبي صلى الله عليه وسلم عبس ولكن الله رأى
وغار على عبده لانه جاء يسعى وهو يخشى فعاتب فيه نبيه خدت بالك بقى يعني النبي صحيح كشر والراجل ما شفش بس ربنا شاف لا ما تكشرش ما تكشرش لو واحد جاءك يسعى وهو يخشى
شوف بقى الفرق بينه وبين التاني اللي خدناه لسه اول امبارح ملك اقوى ملوك الدنيا في الوقت ده عارفين مين فرعون عرض عليه سيدنا موسى انه يوصله لغاية الخشية. قال له ايه؟ فقل هل لك الى ان تزكى واهديك
الى ربك فتخشى سورة النازعات فرفض رفض كانت النتيجة ايه فاخذه الله نكال الاخرة والاولى لان ما عندوش خشية ربنا اخزه النكال الاخرة والاولى. ربنا نكل به في الاخرة والاولى. وغرقه وزله قدام الناس كلها عشان ما عندوش خشية. ورفض العرض بتاع
ان سيدنا موسى وصله للخشية. انما العبد الفقير الاعمى عشان عنده خشية ربنا عاتب فيه خير خلق محمد بن عبدالله شفتوا بقى التقييم الحقيقي بقى على اساس مش على اساس الغنى ولا على اساس القوة على اساس القرب من الله
على فكرة دي مش المرة الوحيدة للقرآن الكريم اتكلم فيها عن اهمية الاهتمام بذوي الاحتياجات الخاصة. لا. مرتين ييجي في سورة النور وسورة الفتح ليس على الاعمى حرج ولا على الاعرج حرج ولا على المريض حرج
اذا المجتمع المسلم يجب يعطي الدعم لاصحاب الاحتياجات الخاصة. وعلى رأي اخويا النهاردة طارق ابو زهرة باتكلم معه في الموضوع ده قال ليه ما بنقولش عليهم معاقين والاصحاب احتياجات خاصة انما المجتمع الذي لا يدعمهم هو المجتمع المعاق
احنا كثير مننا مجتمعات معاقة حقيقة. هنا يعني في بريطانيا هنا اهو بينزل الانسان اللي ما بيمشيش اصلا بيخرج من بيته بالعجلة بتاعته الكهربائية اللي مسلمينها له يطلع بها كل الارصفة يخش بها كل الاماكن اي متحف اي مكان لابد يكون معد لاصحاب الاحتياجات الخاصة
ولو مش معدل لاصحاب الاحتياجات الخاصة يغلق فورا. ليه عشان كرامة الانسان ما يضطرش صاحب الاحتياجات الخاصة انه يطلب من حد في الشارع يزقه. لأ كل الارصفة معدة كل المباني في الدولة كلها معدل استقباله
كرامة الانسان
