انا عارف طبعا انكم متوقعين بقى لما نبدأ بقى نشرح بقى آآ معاني الحروف المقطعة ان انا هاقول نفس اللي باقوله في كل سورة بتبدأ بالحروف المقطعة بس لأ النهاردة انا جايب لكم برأي جديد
معنى الحروف المقطعة. انا اعتبره افضل ما قرأت حتى الان واكتر شيء مقنع بالنسبة لي وده رأي الدكتور محمد محمد ابو موسى الحروف المقطعة تأتي في بداية بعض السور واحنا عارفين كده تسعة وعشرين سورة
تعتبر من الغيبيات التي لا يعلم تفسيرها الا احد الا الله الله فقط هو اعلم بمراده منها. لان لكن احنا بنحاول نشوف افضل الاراء اللي بتحاول تؤول او تفسر آآ
آآ الهدف من هذه الحروف المقطعة من افضل الاراء انها تحدي لاساطين اللغة العربية. انهم يأتوا بمثل هذا القرآن المؤلف من نفس حروف لغتهم اللي بيكتبوا بها قصائد الشعر بتاعتهم
الخطب النثرية الرنانة القوية بتاعتهم الخطبة كانت بتحرك جيوش فيها الاف القرآن بيتحداهم انهم يأتوا بمثل هذا القرآن او حتى عشر سور او حتى سورة واحدة منه بالرغم ان هو
مؤلف من نفس الحروف اللي بيستخدموها في كلامهم. نفس المعدن اللي منهم خطبهم واشعارهم هو نفس المعدن بتاع القرآن اللي هو في اللغة العربية والدليل اللي بيقوي هذا الرأي ان دايما بعد الاحرف المقطعة تجد كلام عن القرآن الكريم زي مسلا سورة البقرة الف لام ميم
ذلك الكتاب لا ريب فيه. الكلام عن الكتاب ال عمران الف لام ميم. الله لا اله الا هو الحي القيوم نزل عليك الكتاب بالحق. كلام عن الكتاب. سورة يونس الف
لام راء. تلك ايات الكتاب الحكيم. صاد والقرآن للذكر. غافر. حميم. تنزيل الكتاب من الله فصلت حا ميم تنزيل من الرحمن الرحيم. بس فيه تلات سور تلات صور من التسعة وعشرين صورة تبدأ بالاحرف المقطعة ولا يتبعها الكلام عن القرآن الكريم. مريم والعنكبوت والروم
وهنا ده اللي اضعف الدليل بتاع الناس اللي بتقول ان الهدف من الحروف دي هو تحدي اساطير اللغة العربية صورة مريم كاف ها يا عين صاد ذكر رحمة ربك عبده زكريا
الروم الف لام ميم غلبت الروم في ادنى الارض وهم من بعد غلبهم سيغلبون وقلنا ان علشان كده ما حدش يقدر يجزم ان الحكمة من الاحرف المقاطعة هو تحدي القرآن للشعراء المتمكنين من اللغة العربية. عشان التلات صور اللي ما جاش فيهم
دول بس فيه حاجة بقى ودي النزرة بتاعة الدكتور محمد محمد ابو موسى ايه الشيء المشترك بين البدايات بتاعة التلات صور دول وبين الستة وعشرين صورة التانيين اللي فيهم كلام عن القرآن الكريم
القرآن الكريم ايه؟ معجز طب ما نبص نشوف ايه اللي ذكر بعد الاحرف المقاطعة في التلات سور دول هتلاقيه برضه اعجاز تعبتوا مريم كاف ها يا عين صاد ما فيش كلام عن القرآن بعدها. لكن في كلام عن ايه؟ عن معجزة. ذكر رحمة ربك عبده زكريا. قصة زكريا وزوجته الياصابات اللي كانت عاقر واراد الله
انها تحمل وجابت سيدنا يحيى هو بلغ من الكبر عتيا وهي الست عقر عمرها ما حملت وحملت. ازا هناك اعجاز وده شيء مشترك مع اعجاز القرآن الكريم فيه اعجاز هنا واعجاز هنا في سورة الروم الف لام ميم غلبت الروم في ادنى الارض وهم
من بعد غلبهم سيغلبون. التنبؤ بانتصار الروم آآ في بضع سنين. يعني ان الروم خلال سنوات قليلة هيرجعوا ينتصروا على الفرس. ده كان امر مستحيل حد يتخيله. الروم دولتهم كانت بتنهار في كل مكان. والفرصة عمالين يستولوا على اراضيهم في كل مكان
فعشان حد يطلع يقول ان في خلال سنوات قليلة دي مجازفة شديدة جدا. فالاحرف المقطعة مرتبطة بقدرة الله واعجاز سواء بقى في انزال القرآن او انه يجعل العقيم العجوز قادرة على الحمل والولادة
او معرفة الغيب كانتصار الروم. الصورة التالتة العنكبوت الف لام ميم احسب الناس ان يتركوا ان يقولوا امنا وهم لا يفتنون. ولقد ان الذين من قبلهم فليعلمن الله الذين صدقوا ولا يعلمن الكاذبين. لو فكرنا في قدرة الله على اختبار كل انسان على وجه
الارض من اول ادم لاخر انسان على وجه الارض هتزهر وعشان تزهر نتيجة هو الصادق ولا كازب هذه هي ايضا معجزة. هذه ايضا معجزة هذا امر خارق خارق. اذا الاحرف المقطعة
الموجودة في بداية الصور مرتبطة بالخوارق ومرتبطة بالايات الدالة على قدرة الله. وده يشمل القرآن الكريم في ستة وعشرين سورة من تسعة وعشرين ده الرأي الحقيقة اللي قريته آآ اليومين اللي فاتوا دول وعجبني جدا جدا جدا الحقيقة وقررت ان انا
آآ اوصله لكم
