كتير من الستات بتدبر نفسها عشان يفضل بيتها مفتوح والولاد ما يحسوش بحاجة بالله عليكم يبقى مين صاحب الكلمة الاخيرة بقى في طريقة الانفاق؟ اللي بيجيب الفلوس طبيعي. لكن هو قاعد بالفانلة يقلب في الريموت كنترول طول النهار. وهي بتشتغل وفي الاخر لما ترجع يقول لها اديني ميت جنيه نزرعه مع اصحابي على القهوة
لا لو اديته كتر خيرها تفضل منها مش عايزاه يشعر بحاجة مش عايزاه يتضايق ولا كتر خيرها. وستات كتير كده لكن لو ما اديتوش من حقها خلاص هي القوامة هنا
خدمة الانفاق. طب خدمة الحماية والقوة البدنية نفس الكلام راجل اصيب بشلل اصبح عاجز عن الحركة او قوته ضعفت نتيجة مرض مش عيب بس مش من حقه يجبر زوجته ويقول لها سيبي الشباك مفتوح واحنا نايمين لان الدنيا حر وهم ساكنين في الدور الارضي او الاول وهي خايفة ان
ينط من الشباك وفي الاخر هي اللي هتتدبس وتطلع تقف ضد الحرامي وتقاوم الحرامي ويضربها مطوة يموتها هنا القوامة لها هي مش هي دلوقتي هي دلوقتي اللي بتقدم خدمة الحماية يبقى هي اللي هي القوامة يا فندم. خلاص
بما ان الخدمة انتقلت لها السلطة ايضا في المسألة دي انتقلت لها ولما ربنا يشفيه ويعافيه ترجع له القوامة في المسألة دية بما فضل الله به بعضهم على بعض ما فيش مشاكل
يرجع تاني بقى مسؤول وهو اللي يمر على الابواب والشبابيك ويتأكد ان الترباس مقفول ان البيت امن قبل ما يدخلوا يناموا. شغلة الراجل دي ويرجع تاني الكلمة الاخيرة كلمته هو وهو بقى اللي يشوف بقى نسيب الشباك مفتوح ولا لأ ما هو بقى اللي هو بقى اللي هيقف
لما ينط حرامي ولا يحصل حاجة خلاص رجعت السلطة برجوع المسئولية. يعني ايه؟ الغنم بالغرم الغنم بالغرم. لن تغنم السلطة الا لما تغرم المسئولية ازا القوامة لمين وعلى مين له حق بس عليه حق ازا
قام بما عليه ياخد ما له من حق ان الكلمة تبقى كلمته طيب ولو الموضوع ما يخصش الانفاق ولا الحماية. موضوع الموضوعين اللي واضحين في الاية دول اللي فيه له قوامة فيهم علشان هو اللي بيقدمهم
خلاص خرجونا برة بقى الموضوعين دول. مسلا تعليم الاولاد حاجة ما لهاش دعوة بالفلوس وما لهاش دعوة بالقوة ولا ولا الكلام ده خالص ولا لي دعوة بالمصاريف. هاعتبر ان الولاد لو اتعلموا مدارس انجليزي نفس الفلوس اللي هيدفعوها لو اتعلموا في مدارس فرنساوي
بنفس التكاليف فهو هنا مين بقى اللي كلامه هيمشي لو اختلفوا هنا لازم التشاور والتراضي. والدليل الاية متين اربعة وتلاتين ربنا قال فان اراد فصالا عن تراض منهما وتشاور فلا جناح عليهما. ربنا بيتكلم على
فطام الرضيع ازا ارادوا انهم يفطموا الرضيع ويبطل ياكل لبن. يا بطل يرضع ويبدأ ياكل. بدري شوية قرروا ان هم يفطموه لازم يتشاورا ويتراضى دول مين؟ مش الزوج والزوجة لا انتم ناسيين
ده المطلقين المطلق والمطلقة. اللي هو خلاص متجوز واحدة تانية وهي خلاص متجوزة واحد تاني. لازم يتشاوروا ويتراضوا الولد يتفطم ولا ما يتفطمش ؟ ايش حال بقى لو الزوج والزوجة؟
اش حال المتزوجين؟ ازا كان المطلقين لازم يتراضوا ويتشاوروا في الامور دي. امال الزوج والزوجة؟ لازم كل حاجة بالتشاور والتراضي خلاص اختلفنا في حاجة احاول اقنعك تحاولي تقنعيني لكن طب فرضنا ما حدش اقنع حد
ما هو بقى لازم يكون فيه بقى يكون فيه ايه اه هيكل هيكل اداري اي شركة محترمة اي مؤسسة محترمة لازم فيها رئيس مجلس ادارة لو رئيسين مجلس ادارة اسهم الشركة هتنهار تاني يوم في البورصة لانها الشركة خلاص هتبوز. هتدمر ما فيش حاجة اسمها رئيسين لازم يكون فيه رئيس ونائب رئيس
واحدة ورقبة الراس ما تستغناش عن الرقبة بس ما ينفعش يكون فيه رصيد الراجل هو الراس المرأة هي الرقبة رئيس مجلس الادارة نائب رئيس مجلس الادارة من غير ما يتعنت
انت عارف ان زوجتك بتفهم اكتر منك في التعليم. يبقى امش على رأيها يعني قد يكون هو الافضل وانت عارفة ان زوجك بيفهم اكتر منك في الرياضة خلاص هو عايز العيال تلعب سباحة وانت عايزاهم يلعبوا تنس. امش على كلامه هو ما دام ما قدرش يقنعك خلاص. مشوا الدنيا. اسمعي كلامه هنا. اسمع كلام
هنا
