السلام عليكم ورحمة الله وبركاته كل عام وانتم بخير اه اسأل الله ان يتقبل مني ومنكم في شهر رمضان الصيام والقيام وتلاوة القرآن واحب انتهز هزه الفرصة الحقيقة اني اشكر الداعمين
اللي بيدعموا مؤسسة جسور على وقفتهم مع مؤسساتهم مؤسسة جسور اللي بتنتج اعمال ضد الالحاد. لها اعمال كتيرة في مجالات كتيرة لكن خاصة في اعمالنا ضد الالحاد بفضل الله ثم بدعمهم لنا
احنا قدرنا ننتج العام الماضي فقط عدة جيمات للوقاية من الالحاد انا عايز اقول لكم ان في ناس بتثني علي وبتشكرني وكأن الفضل في اعمال مؤسسة جسور لي انا وده مش حقيقي
مؤسسة جسور فيها فريق بيشتغل منهم المتطوع ومنهم الموزف ومنهم المتعاون معنا بفلوس حتى الموظف وحتى اللي بياخد مننا فلوس احب اقول لكم ان هم ما بياخدوش المبلغ الطبيعي اللي بياخدوه من اخرين
الحاجة اللي بتتعمل بعشر قروش بيعملوها لمؤسسة جسور بتلاتة وباربعة لانهم فاتحين بيوت لكن الشاهد هو ان مؤسسة جسور معتمدة في الاساس على آآ آآ مساهمات الناس. عشان تقدر انها تقدم اللي بتقدمه
مؤسسة جسور زي ما انتم عارفين بدأت برنامج لوقاية الاطفال من الوقوع في الالحاد لما يكبروا. عن طريق تربيتهم على مبادئ عقلية معينة تخلي الفكر المادي والفكر الالحادي مش مقنع لهم لما يكبروا
عملنا لحد دلوقتي تلات العاب تلات جيمات جيم بيقي من اكبر اسباب الالحاد وهو معضلة الشر وبعض الاسباب الاخرى الفلسفية وجيم بيزرع فكرة حتمية وجود خالق. ما فيش حاجة اسمها تكون من غير خالق
ده اللي هو جيم اسمه انقز السلاحف حاليا بنبدأ دلوقتي جيم رابع هدفه اثبات صحة دين الاسلام احب اقول لكم ان جيم منهم اللي هو جيم انقز السلاحف كلمنا كلفنا اكتر من خمسة وسبعين الف دولار
واحب اقول لكم ان الخمسة وسبعين الف دول خمسة وسبعين الف علشان الناس اللي اشتغلت اشتغلت يا متطوعين يا اخدوا نص او تلت او ربع الطبيعي الجيمز بتتكلف مئات الالاف من الدولارات وبتوصل ملايين
بتوصل ملايين طيب الخمسة وسبعين الف دول مين اللي دفعهم انا؟ لا مش انا. حضراتكم الناس اللي دعمت المؤسسة الناس يا جماعة ان شاء الله ربنا يتقبل منكم اللي ربنا هيتقبل منه وهييجي يوم القيامة
فيجد كده صحيفة سيئاته بازن الله يا رب كلنا صحيفة سيئاتك اتمحت واتقلبت حسنات وتبقى متعجب ليه ؟ يتضح لك ان دي الخمسين دولار والميت دولار اللي انت اتبرعت بها
ودخلتها في عمل للاطفال انقز انفس من النار النهاردة احنا بنعمل الجيم الرابع اللي هو براهين صحة دين الاسلام وصدق رسالة النبي صلى الله عليه وسلم. وبصراحة ما فيش معي من فلوس وحاجة
مش عاوز الناس طبعا اللي شغالين في الجيم دلوقتي يقلقوا ما تخافوش. اللي بعت فلوس تلات افلام عالمية عن الاسلام اللي بعت فلوس تلات جيمات عملناها قبل كده هيبعت الجيم الرابع فانتم خليكم في شغلكم وما تقلقوش
انا بوجه كلامي النهاردة للناس اللي بتخرج الصداقات والزكوات في رمضان. ما تنسوش مؤسستكم. ما تنسوش مؤسسة جسور طب هل يجوز المساهمة من مال الزكاة؟ نعم لان انا فاتحين خدماتنا مجانا لاطفال اللاجئين ودول طالما يجوز اطعامهم وكسوتهم
من الزكاة فبالتالي يجوز والاولى حفز دينهم باموال الزكاة عايز اقول لكم ان هم لما قبلوهم في اوروبا وفي دول كثيرة غير مسلمة ما كانش لله. مش مش لوجه المسيح لا
ده تم تركيزهم في اماكن معينة وفي مدارس معينة. وهناك عمل مكثف لاخراجهم من دينهم. وفي مآسي كبيرة بنسمع عنها وعارفينها وبنتعامل معها حاليا انا احب اقول حضراتكم ان احنا مش الوحيدين
اللي شغالين على الاطفال لأ الملحدين بيقلدونا دلوقتي. وبيعملوا جيمز للاطفال جيمز بتزرع الفكر المادي الالحادي الطفل عنده اربع خمس سنين وست سنين وسبع سنين انت قاعد مش دريان وابنك او بنتك بيلعبوا لعبة اسمها فاميلي ايلاند. يعني جزيرة الاسرة
لعبة بتزرع الفكر المادي والالحادي بس وبعدين هل احنا هنفضل نمنع العيال من اللعبة دي ومن اللعبة دي ومن اللعبة دي ومن البرنامج ده والفرجة على ده والفرجة على ده من غير ما نقدم لهم البديل
ما ينفعش. اتفضلوا انا انا الحقيقة عايز اوريكم بعض حاجات كده من اللعبة اللي بتخرب عقول الاطفال خلاص خليني اوريكم اتفضلوا دي لعبة اللي اسمها فاميلي ايلاند. لعبة تحس كده من الكاركترز اللي فيها. انها حاجة للاطفال الصغيرين حتى سن اربع او خمس سنين
حاجة حاجة اطفالي خالص وتجد بقى سؤال زي ده مين اللي خلق الشجرة الله ام الطبيعة الام وانت الطفل بيختار فلو الطفل اختار الله او الالهة. ما هو ضد اي اديان بقى حتى الاديان الوضعية والاديان الشركية
اللي فيها عدة الهة حتى دول هو الفكر الالحادي ضد الكل لو حد اختار الله بيطلع له وجه عبوس الراجل اللي هو في في الجيم وبيقول له مم ما حدش
يقدر يتأكد من اللي انت بتقوله ده يعني اجابة غلط لكن لو حد اختار الطبيعة الام هي اللي خلقت الشجرة هي اللي خلقت هي اللي عملت يطلع له اه صح برافو عليك هي اللي عملت كده
السؤال اللي بعده البنت بتسأل امها. طب ومين اللي عمل مين اللي عمل الطبيعة الام وقدامها اختيارين. الله ولا مش مهم نعرف مين لو حد اختار الله هو اللي عمل هو اللي خلق الطبيعة الام يطلع له تاني وجه عبوس يقول له مم ما حدش
مش يقدر يتأكد من اللي انت بتقوله ده. اجابة خاطئة والله هو حد بيشوف الله  لو حد اختار الطبيعة الام او لأ مش مهم نعرف مين يطلع له وجه بيضحك مش عبوس بالزبط كده مش مهم نعرف مين اللي خلق الطبيعة
عالام. المهم نعاملها زي ما نحب اننا نتعامل انت بتحب الناس تعاملك بطريقة كويسة وبطريقة مسالمة وبطريقة طيبة عامل الطبيعة الام بطريقة مسالمة وطيبة ما تخربش في الارض فيخلط الحق بالباطل ويخلط السم بالعسل
السم هنا الفكر المادي الالحادي يخلطه بشوية عسل وكلام جميل عن اهمية العناية بالطبيعة والعناية المخلوقات ما فيش مش مخلوقات بقى العناية بالبيئة والحفاز على البيئة والكلام ده كله. فيخلط ده بده
اطفال صغيرة بتلعب الكلام ده احب اقول لكم بقى الجيم ده معمول له عشرة مليون دولود. في خمستاشر يوم متكلف ملايين. ملايين! ما هو الجيم بيبقى جيم حلو ومسلي والاطفال بتقبل عليه كل ما المستويات
فيه بقت كتير. وده مكلف جدا. سبب تكلفتنا الرهيبة خمسة وسبعين الف دولار بالليفاند ده مبلغ رهيب. ده معناه ان الجمد عشان يتعمل مش اقل من تلتميت ربعميت الف طبيعي من غير ما حد يدينا اي خصومات خالص
ده لانه فيه خمستاشر مستوى الجيمز دي مستويات فيها ما تعدش. مئات المستويات. الجيم ما بيخلصش طب وبعدين ؟ طب واحنا هنقدر على ده كله ازاي ؟ عايز اقول لكم على حاجة
احنا لو ما فقناش وبسرعة وانتبهنا للمخطط اللي معمول على عيالنا انا اسف اني اقول لكم قد يكون هذا الجيل القادم هو اخر اجيال الاسلام الكلمة بتوجع بس لازم حد يقولها
اتفضلوا ادي الواشنطن بوست. الاسبوع اللي فات بتقول ايه ؟ هي ومجلة التايمز. ده اخر احصاء معمول. التايم والواشنطن بوست انه الالحاد لاول مرة في تاريخ امريكا يصبح اكتر من كل الاديان اللي في امريكا مجتمعة مع بعض. الملحدين في امريكا بقوا اكتر من خمسين في المية
امريكا اللي قامت على الفكر الديني اصلا امريكا اللي الاباء المؤسسين بتوعها اسمهم الحجاج. ليه؟ لانهم اعتبروا سفرهم من اوروبا فرارا بدينهم من الاضطهاد الديني اللي كان بيتم للبروتوستانت اعتبروه حج اعتبروه السفر
ديني في سبيل الله امريكا النهاردة بتتهاوى امام الالحاد الاديان كلها اتخسرت امام الالحاد. عشان تبقوا عارفين. يعني المسيحية انهزمت تماما في اوروبا امام الالحاد. وفي امريكا ادي احنا شايفين. بتتهاوى بتتهاوى خلاص. اليهودية ده من زمان عشان تبقوا عارفين
معظم اليهود الموجودين حتى يهود اسرائيل. يهود غير متدينين. سيكالوريست بس هو اليهودية لانها اكتر من مجرد دين. هي عرق اليهودي الملحد بيفضل اسمه يهودي ما حدش بيشعر بزيادة عدد او قلة عدد. لكن المسألة خطيرة جدا جدا جدا
الاسلام هو الدين الوحيد اللي يستطيع هزيمة الالحاد. ازا عرفنا ازاي نقدمه للناس. وازا عرفنا ازاي نقدمه لولادنا. وازا قدرنا نقدم لولادنا البديل انا عايز اقول لكم كل واحد يجي من الرابع عندي خامس وسادس وسابع وتامن وتاسع. انا عندي كم من المسابقات القرآنية اللي اتحبب في القرآن الكريم اللي انا منتزر بس
يخلص برنامج اللي هو البرنامج بتاع الوقاية من الالحاد وبعد كده هنكمل في الرسائل بتاعتنا عن طريق الجيمز للاطفال بازن الله لكن ده كله محتاج تمويل بصراحة في النهاية مش عايز اطول عليكم الفيديو ده. احب اهنئكم مرة اخرى بحلول اه شهر رمضان
شهر القرآن القرآن اللي هو الحبل اللي بيربط الارض بالسماء اللي هيستمسك بالقرآن فهو بيستمسك بحبل الله واسأل الله ان يتقبل مني ومنكم وان يمن علي وعليكم بالهداية والرحمة والمغفرة والرضا. والسلام عليكم ورحمة الله وبركاته. احبكم
ان شاء الله الرابط بتاع المساهمة اللي عايز يساهم مع مؤسسة جسور الرابط في يمين صفحة مؤسسة جسور آآ على يعني على على الصفحة بتاعتنا. جزاكم الله خيرا وبارك الله فيكم
