واذ قال موسى لفتاه لا ادرح حتى ابلغ مجمع البحرين او امضي حقبا واذ معناها افتكر افتكر لما تذكر الموضوع ده مهم لك في حياتك. واذ قال موسى افتكر لما موسى قال
واذ قال موسى لفتاه. مش معروف من هو الفتى. مساعد سيدنا موسى. خادم لسيدنا موسى. ولكن التفاسير والادلة كلها تشير ليوشع ابن نون  اللي اصبح نبي بني اسرائيل بعد سيدنا موسى وسيدنا هارون
ويقال انه ذكر في القرآن الكريم باسم اليسع ويقال هو ذا الكذب. المهم القرآن سكت عن اسمه في القصة وظهر فقط كخادم لسيدنا موسى يتعلم منه ومن مرافقة سيدنا موسى
واذ قال موسى لفتاه لا ابرح حتى ابلغ مجمع البحرين او امضي حقوبا افتكر لما موسى قال لفتاة انا لن اتوقف عن المشي لغاية ما ابلغ مجمع البحرين. ان شالله امشي حقبا. يعني قرون طويلة
الحقب الواحد طبقا للزمخشري وده من علماء اللغة له تفسير رائع اسمه الكشاف الحقب تمانين سنة حقباء يعني قرون بقى سؤال معلش ايه الاصرار ده يعني ايه للدرجة دي مهمة اوي يا سيدنا موسى انك يخليك توصل لمجمع البحرين يعني
اسمع بقى حديث امية ابن كعب. لا يمكن فعلا القرآن بدون السنة خلوا بالكم. السنة مهمة جدا لفهم القرآن وفهم حياتنا وفهم كيف نعبد الله. واوعوا تصدقوا حد يخدعكم يقولوا لكم السنة مش مهم والقرآن يكفي. الكلام ده غير صحيح. السنة مذكرة تفسيرية بتفسر القرآن
حديث ابي ابن كعب رضي الله عنه ده من اعظم علماء الصحابة في القرآن الكريم مشهور بعلمه في القرآن الكريم وقف موسى خطيبا في بني اسرائيل. موسى وقف يخطب في بني اسرائيل
بني اسرائيل سألوه من اعلم الناس مين اكتر واحد عنده علم؟ سيدنا موسى قال الموضوع مش مستاهل يعني اني انتظر وحي. انا نبي هذا الزمان. انا كليم الله. ربنا اختارني لقيادة الامة المسلمة في هذه المرحلة الحساسة جدا من تاريخ العالم
اخترني للوقوف امام اكبر طاغية. هيكون مين يعني اعلم الناس؟ فقال لهم انا من اعلم الناس يا موسى؟ قال انا انا اعلم الناس هيكون مين يعني اسمع الرسول صلى الله عليه وسلم قال ايه
الحديث بقى كتب الله عليه ان لم يرد العلم اليه سيدنا موسى طلب يقابل العبد الصالح ده خلي بالك ان هو هنا ربنا عاتب سيدنا موسى انت ازاي ما تقول الله اعلم
ازاي كده هل هناك من هو اعلم مني؟ قال نعم عبد من عبادي عند مجمع البحرين. فسيدنا موسى طلب يقابل العبد الصالح ده وربنا قال له تذهب لمجمع البحرين وده مكان بعيد جدا
وتاخد حوت يعني سمكة وضعه في مقتل يعني حاجة جردل صغير حاجة كده واللي هيحصل للسمكة هيكون هو العلامة المهم ربنا عاتبه. ازاي كان في لازم يقول الله اعلم مش عارف تقول الله اعلم
مش عارف ما تقولش آآ حاجة من دماغك. تقول الله اعلم. لكن لا تتطوع باعطاء معلومة لا دليل عليها شوف بقى انت لما تقرا الاية دي بتدبر بتربيك على ايه
انت بتتدبر هذه الاية فبتربيك على الموضوعية. عدم الكلام الا اذا كنت واثق من كلامك وعندك دليل حطها مع اية قصة الكهف. اصحاب الكهف هؤلاء قوم اتخذوا من دونه الهة. لولا يأتون عليهم بسلطان بين. لو كان بس عندهم دليل
الله! يعني العبادة بدليل يبقى انت تعطي معلومة بدون دليل؟ ثانيا ادي اول مشكلة. يعني ادي اول حاجة بتربيك عليها الاية. لا تتكلم الا اذا كنت متأكد جدا من كلامك
ولا تعطي معلومة بدون دليل. اتنين لا يليق بالمسلم انه يزكي نفسه. في سورة النجم ربنا بيقول فلا تزكوا انفسكم. هو اعلم بمن اتقى. انت متخيل ان اما ربنا صحح لسيدنا موسى المعلومة
وان هو مش اعلم الناس ان سيدنا موسى سكت واخفى ذلك عن بني اسرائيل اكيد صححها. واكيد راح قال لهم على فكرة يا جماعة انتم سألتوني من اعلم الناس وانا قلت انا
مش انا اعلم الناس طلع فيه شخص اخر السلام عليكم. انا رايح مسافر ادور عليه وابحث عنه عشان اتعلم فاكيد سيدنا موسى صححها وهذا درس تربوي لان مش سهل ان انسان. بعد ما يزكي نفسه يتراجع امام الناس يقول لهم بصراحة مش انا احسن واحدة. مش انا اعلم واحد. مش سهلة
طبعا ده درس تربوي عشان تاني مرة ما يبقاش يزكي نفسه. ما حدش يزكي نفسه جرب كده اقعد مع اربعة خمسة كده من اصحابك مسلمين وسجل القعدة. وارجع اسمعها هتلاقي كل واحد فيهم بيتكلم عن نفسه. بما فيهم انت بتتكلم عن نفسك
كل واحد بيتكلم عن انجازاته عن زكاؤه عن خبرته وعن املاكه وعن جماله وعن شياكته وعن حلاوته. لو حد من الصحابة سمع حوار من حواراتنا هيقول دول اكيد مرضى نفسيين
طول النهار بنزكي انفسنا يبقى ده اول درس. اول درس لا تتكلم بدون دليل وخليك موضوعي. نمرة اتنين لا تزكي نفسك الدرس بقى عاوز تقابله علشان تتعلم مش هجيبه لك في درس خصوصي في تربيزة عند ترابيزة السفرة. لا لا لا
اتعب وامش وسافر واجتهد في عبادة اسمها عبادة طلب العلم بس انت مسافر في عبادة اخلاقك وانت مسافر تطلب العلم تكون اخلاق المتعبد طلب العلم من اجل العبادات. قال النبي صلى الله عليه وسلم اذا مررتم برياض الجنة فارتعوا
قيل وما يا رسول الله وما رياض الجنة؟ رياض الجنة ايه في الدنيا؟ قال مجالس العلم. مجالس العلم دي كل مدرس او مدرسة قاعد حواليه طلاب بيتعلموا اي علم مفيد
في حلقة من حلقات الجنة. دي روضة من رياض الجنة على الارض. هذا تشبيه النبي صلى الله عليه وسلم وقال ايضا ما من خارج يخرج من بيته يطلب العلم الا وضعت له الملائكة اجنحتها رضا بما يصنع
يعني واحد خرج من بيته ورايح يطلب العلم طول ما هو ماشي الملايكة واقفين على الجانبين حرس شرف حرس شرف من الملايكة مش عساكر امن مركزي. لا ملايكة. وايه بقى؟ كل ما يعدي من عند ملائكة يقوموا فارشين الاجنحة بتاعتهم كده. تحية بيحيوه رضا بما يصنع
استشعر ده وانت رايح تطلب العلم وقال ايضا صلى الله عليه وسلم طلب العلم فريضة على كل مسلم. وان طالب العلم يستغفر له كل شيء كل حاجة بتستغفر لك. تطلب من ربنا انه يغفر لك طول ما انت بتطلب العلم. حتى الحيتان في البحر
حتى السمك في الماية بيطلب لك المغفرة الكون كله بيطلب لك المغفرة ان الكون كله سجد لك عشان تؤدي مهمتك. فازا كنت بتؤدي مهمتك تكون كله بيدعي لك لما تخرج من بلدك تطلب العلم ما تروحش تصيع بقى
علشان ما تضيعش ثوابك العظيم ده ناس كتير بتطلع عشان تطلب العلم بس بتصيع للاسف بتنسى نفسها قلنا الاية دي فيها كم من الدروس رهيب. واحد بتصحح منهج الفكر عند القارئ المتدبر فتخليه ما يتكلمش الا لو متأكد وعنده دليل. لا تزكوا انفسكم تخليه يتواضع وما يزكيش نفسك
يتعلم انه لازم يتعب عشان يتعلم انا الشيخ بتاعي علمني يعطالب العلوم بغير كد ستدركها اذا شاب الغراب يا طالب العلوم بغير كاد
