هل اكيد كل الناس هتحاسب وتؤجر يوم القيامة؟ ايوة ليه ؟ لان كله نفس ذائقة الموت وبعد كده وانما توفون اجوركم يوم القيامة طب وهل الكل هيبتلى في الدنيا؟ ايوة ليه؟ عشان ربنا قال لا تبلون اللاند اسمها لام القسم. يعني ربنا بيقسم ان الناس كلها هتبتلى
ما فيش حد مش قلتها لك ما فيش ربنا بيقول وما اصابكم يوم التقى الجمعان فباذن الله وليعلم المؤمنين وليعلم الذين نافقوا. عشان كده الايتين دول مية خمسة وتمانين ومية ستة وتمانين جم بعد ايات غزوة احد. ليه؟ علشان يردوا على
السؤال اللي كان عند كتير من حضراتكم وكتبتوه في التعليقات وارسلته لي على مدار عشرين يوم فاتت. ناس كتير منكم هيتجننوا ايه زنب الصحابة اللي ثبتوا مع النبي صلى الله عليه وسلم؟ ليه يعاقبوا بذنب تلاتين صحابي فقط من الرماة عصوا اوامر النبي
ليه؟ ايه زنب ربعميت واحد ثبتوا في ميدان القتال انهم يدفعوا تمن عدم ثبات متين واحد تولوا يوم التقى الجمعان وانسحبوا من الميدان ليه يعاقبوا وليه يقتل منهم سبعين ويمثل بجثثهم ويجرح الباقي
الاجابة ما لهمش زنب ولا حاجة المشكلة في تفكيرك انت اللي شايف ان اللي حصل في احد عقاب لأ مش عقاب امال ده ايه ده ابتلاء نفس الحدث بيبقى عقاب لواحد وابتلاء لواحد تاني
يعني لو هننظر على الابتلاءات انها عقوبات ده معناه ان اشد الناس عقابا الانبياء ثم الصالحون ثم الامثل فالامثل. طبعا مش معقول. ربنا هيعاقب الانبياء ليه ربنا هيعاقب الصالحين ليه ؟ النبي قال اشد الناس بلاء يعني امتحانا الانبياء ثم الصالحون ثم الامثل فالامثل
ازا ربنا وجد في دين الانسان صلابة يزيد له في بلاء يعني يصعب له الامتحان اكتر عشان يطلع كل الخير اللي عنده كل الصبر اللي عنده وكل الحاجات الحلوة اللي عنده تطلع مع الامتحان لما يبقى صعب
مش عقاب الابتلاءات ليست عقوبات معقول ننزر لفقد النبي عليه الصلاة والسلام لستة من عياله على ان ده مقابل ربنا! ده كلام ايه ده ده ابتلاء لان في دينه صلابة
اصلب دين دين محمد عليه الصلاة والسلام اصعب امتحان مر به انسان كان امتحان النبي عليه الصلاة والسلام ونجح في الابتلاء بالصبر لانه فاهم هو جاي الدنيا اللي هي دار ابتلاء
دعاؤه كان اللهم ارزقني من اليقين ما تهون به علي مصائب الدنيا. ولم يدعو الله انه يرزقه حياة في الدنيا بدون مصائب. ليه لان ما فيش حاجة اسمها حياة بدون مصائب
هي الحياة مكان المصائب اصلا. المصائب دي عبارة عن ابتلاءات وليست عقوبات. خد على سبيل المسال حمزة ابن عبد المطلب ومصعب ابن عمير والسبعين صحابي اللي قتلوا وفاتهم والتمثيل البشع اللي حدث لجثثهم. قلت لكم قطعوا اذانهم وانوفهم واصابعهم وحتى اعضاء تناسلية بتاعة بعضهم
لدرجة جعلت ابو سفيان قائد جيش قريش يتبرأ من هذه الفعلة البشعة ويقول لم امر بها انا ما امرتش بكده انا ما ليش دعوة اللي حصل للسبعين صحابي دول اللي قتلوا شهداء احد. ده كان عقاب واجر وابتلاء في نفس الوقت. عقاب لمين
انت متخيل شعور اللي عاش من الصحابة الرماة اللي عصوا امر النبي عليه الصلاة والسلام ونزلوا من على الجبل وتسببوا في الهزيمة انت متخيل شعورهم وهم بيشوفوا جثث اصحابهم اللي قتلوا بسببهم
ده عقاب لهم قعدوا طول عمرهم يلوموا نفسهم كل ما واحد منهم يشوف ابن من ابناء شهداء احد بيشعر بالالم جواه صح؟ يبقى ده عقاب للي غلط. في نفس الوقت ده اجر ومكافأة لمين؟ للشهداء انفسهم
المسلم المؤمن اللي فاهم دينه ويعلم اجر الشهيد يتمنى ان ينال الشهادة في نفس الوقت ده ابتلاء ابتلاء لمين؟ لاحبابهم واقاربهم وللنبي عليه الصلاة والسلام ابتلاء لصفية بنت عبدالمطلب اللي هاجرت مع ابنها الزبير واخوها حمزة. التلاتة كانوا مهاجرين مع بعض
لما يقتل اخوها يعني النبي لما رأى جثة حمزة ممثل بها شهق شهق وقال لولا ان تجد صفية تجد يعني تزعل لتركته حتى يحشر من بطون الطير والسباع. لولا ان عمتي صفية هتزعل كنت تركته. متقطع كده عشان تاكله السباع
والطيور يعني النسور الجوارح ياكلوه والسباع اللي هم الضباع والسباع عشان ده اكرم للشهيد. ان ربنا يجمعه يوم القيامة من بطون السباع لكن بس عمتي هتزعل هادفنه وقال لابنه ابنه يعني اسف لابنها لسيدنا الزبير
حواري رسول الله من الاربعتاشر فدائي اللي ثبتوا على الجبل الحق امسك امك. قبل ما تشوف اخوها. عشان ممكن ما تستحملش قال له القها فارجعها لا ترى ما باخيها. ما تخليهاش تشوفه
فقال لها سيدنا الزبير بيقول لامه صفية بنت عبدالمطلب يا اماه يا ماما ان النبي رسول الله صلى الله عليه وسلم يأمرك ان ترجعي قالت ولما؟ ليه؟ وقد بلغني ان قد مثل باخي
انا عارفة وبلغني وعرفت ان تم التمثيل باخويا. وذلك في الله فما ارضانا بما كان من ذلك. ما فيش حد يرضى باللي حصل اكتر مننا. ده احنا راضيين جدا لاحتسبن ولاصبرن ان
ان شاء الله ما تخافوش هاصبر بس سيبوني اشوفه. الله لما جاء الزبير الى الرسول صلى الله عليه وسلم اخبره بذلك قال خلي سبيلا. خلاص سبها فاتت فنظرت الى اخيها
فصلت عليه واسترجعت واستغفرت له. صلت عليه يعني دعت له يبقى نفس الحدث ابتلاء لاخته ابتلاء لابن اخته. ابتلاء للنبي عليه الصلاة والسلام. مكافأة لحمزة نفسه انه نال الشهادة. عقاب للرماة اللي بقوا على قيد الحياة. ان في منهم ناس كتبوا طبعا
هيفضلوا يؤنبوا ضميرهم هيفضل يؤنبهم وان كان ربنا عفا عنهم طبعا ازا الايتين دول بيردوا على الكلام اللي كان بيدور عننا عندنا عندنا عن احد الاجر يوم القيامة والدنيا ابتلاء فلازم يحصل فيها ابتلاءات ما تبصوش على كل ابتلاء انه عقاب مش حقيقي. مش بالضرورة
