ده يقودنا للكلام عن شبهة من اكبر الشبهات ليه واحد يعمل معاصي سبعين سنة ويدخل النار خالدا فيها ابدا هو ده عدل ده طيب الاية اللي بعدها بتقول ايه؟ الاية مية وتمانية
واما الذين سعدوا. سعداء بقى ان ربنا هيسعدهم ففي الجنة خالدين فيها ما دامت السماوات والارض برضو ما ضايقتكش ليه بقى دي طب ما انت عملت حسنات سبعين سنة برضو. تخش للجنة خالدين فيها ابدا برضو
ما اعترضتش ليه حضرتك؟ ازا هي فرصة متكافئة يا جماعة طبيعي جدا ان المخالفة لما بتحصل او الجريمة بتحصل في ثانية. والعقوبة بتبقى خمسة وعشرين سنة سجن واحد قتل انسان بريء في اقل من دقيقة. هل ندخله السجن اقل من دقيقة؟ عشان يبقى ده عدل. ايه الكلام ده؟ الاصل في العقوبات في اي قانون في الدنيا
هو الردع لازم العقوبة المنصوص عليها تكون عقوبة قاسية عشان تردع عشان الناس ما تعملش الجريمة اصلا المهم ان العقوبة ما تبقاش ظالمة يعني ايه بقى  افترضوا انه انت عايش في بلد
بتقول انه عقوبة كسر الاشارة الحمراء وانت سايق انك تدفع عشر تلاف دولار اظن يعني مبلغ فظيع جبار جدا يعني عقوبة قاسية جدا في منتهى القسوة. صح وبعدين كسرت الاشارة
الضابط وقفك يدفعك عشر تلاف دولار يطبق عليك عقوبة قاسية لكن هنقدر نقول انه زالم لأ مش زالم. ليه ؟ لان منصوص عليها في القانون. انت عارف من الاول هي مش زالمة
تخيل معي العكس ان في قانون في احدى الدول لا يمنع كسر الاشارة الحمراء. قانون كده بيقول لك في حالة الاشارة الحمراء يجوز للسائق ان يمر خلاص مش غلط اصلا ما فيش عقاب عليها. كسرت الاشارة الحمرا راح موقفك الزابط واخد منك مخالفة ربع جنيه
ربع جنيه ده انت هتدي له جنيه وتقول له خلي الباقي ربع هو في حاجة بيتعامل بالاربع دلوقتي! خد يا عم خمسة جنيه خليهم لكم. صح؟ عقوبة تافهة جدا بسيطة
جدا مش قاسية خالص. لكنها زالمة. ليه؟ لانها مش منصوص عليها في القانون ازا لما ربنا يقول لنا على عقوبات في الاخرة تكون عقوبات قاسية جدا لكنها عادلة. ليه؟ لانها
منصوص عليها واحنا عارفينها من الاول وعشان كده سبحان الله ربنا بيقول وما كنا معذبين حتى نبعث رسولا لابد انك تعلم بالقانون قبل ما يطبق عليك  لكن في نفس الوقت
العقوبات كل ما كانت قاسية وشديدة جدا كل ما كان المجتمع اكثر امنا فمش عيب ابدا في العقوبة انها تبقى قاسية ابدا
