عشان تبقوا عارفين القرآن بيزود الايمان فعلا في القلوب بس قلوب مين ؟ قلوب المؤمنين بس. فربنا بيقول لهم فاما الذين امنوا فزادتهم ايمانا. اه لأ زودت ايمان بس مش عندكم انتم
يعني الايمان لأ بص ركز في دي. فاما الذين امنوا فزادتهم ايمانا. يبقى لازم الايمان يكون موجود الاول عشان القرآن يشتغل ويزود الايمان يعني الايمان بالهية مصدر القرآن. وبان القرآن من عند الله
وبان القرآن آآ شفاء لما في الصدور. هم لو موجود الايمان ده القرآن هيدخل يشتغل ويزود الايمان في قلب الانسان. الايمان بقدرة القرآن على التغيير الايمان بان القرآن آآ شفاء الايمان بان القرآن كلام الله المنزل من فوق سبع سماوات
ثم لما تنزل السورة على محمد فيتم تلقيها على انها وحي وهو ده اللي احنا في التلات سنين اللي فاتوا دول يا جماعة حصل معنا او مع ناس مننا ان حست بانها تغيرت نتيجة ان احنا تعاملنا مع القرآن انه وحي بيوحى من فوق سبع سماوات
احنا تلقيناه عن طريق النبي اه ما بنقولش ان احنا بنتلقى وحي. ولكن لما تتعامل معه كوحي هيغيرك. فلابد من الايمان ده. المهم الموضوع ده الدكتور مجدي الهلالي كتب فيه كتاب اسمه الايمان اولا
ازاي الايمان قبل القرآن يعني واما الذين في قلوبهم مرض فزادتهم رجسا الى رجسهم وماتوا وهم كافرون يبقى اي صورة بتنزل تزود المؤمنين ايمانا وتزود الكافرين كفر. الرجس يعني التلوث الاعتقادي
العقيدة الملوثة. عشان كده احنا ترجمناها في ترجمة جسور يعني العقائد الفاسدة تنزل تزود العقيدة الفاسدة اللي عندهم فساد اكتر. يعني تزود الكافر كفر ايه ده! السور ايوة السورة القرآنية تزود الكافر كفر
انت فاكر ايه ؟ تزود المؤمن ايمانه وتزود الكافر كفر كمان القرآن بيعطيك اللي انت بتطلبه اللي قاعد في مطعم كده. طلبت فراخ هينزل لك فراخ. طلبت هامبرجر هينزل لك هامبرجر. طلبت سلطة هينزل لك سلطة. طلبت حلو هينزل لك حلو. نفس الكلام
انت طالب ايه من القرآن؟ هداية هيهديك طالب ايه؟ ضلال هيضلك. ايه رأيك بقى هتقول لي الكلمة دي كبيرة اوي اه كبيرة وانا عارف انها كبيرة. وارجعوا للحلقة في سورة البقرة
اللي شرحنا فيها الاية ستة وعشرين هنتكلم فيها تاني سريعا كده دلوقتي ووصلنا فيها الى ان القرآن عنده القدرة على الهداية وعلى الاضلال. بنفس القوة بالزبط مين بقى اللي بيحدد انت؟ اللي بيقرا القارئ بتاع القرآن هو اللي بيطلب الهداية هو بيطلب الضلال
