اقرا الاية ستة يا ايها الانسان ما غرك بربك الكريم انسان انت يا بني ادم. ايه اللي غرك بربك الكريم كده يعني انت سقطت في الامتحان بالرغم من انه ربك اللي بيربيك وبيعتني بك كلمة ربك مش الهك. ربك من التربية والعناية وبيعلمك وبيرحمك
بربك الكريم كريم لن يظلمك لن يعذبك بدون ما تكون فعلا مستحق ما غرك بربك الكريم ايه اللي جرأك الجرأة دي اللي خلتك تسقط في الامتحان ايه اللي خدعك فيما يخص ربك ما غرك ايه اللي خدعك
افتكرته مش هيقدر يبعثك ليه افتكرت لو بعثك مش هيعذبك ليه على راسك ريشة ما غرك بربك الكريم في سورة لقمان ولا يغرنكم بالله الغرور ما تخلوش الشيطان الغرور يعني المخادع يغرنكم يعني يخدعكم فيما يخص الله
اكتر حاجة تخدع الانسان في الله الجهل يروى ان النبي صلى الله عليه وسلم لما قرأ هذه الاية يا ايها الانسان ما غرك بربك الكريم. توقف ثم قال غره جهله
جهل الانسان بالله هو اللي بيخدعه انسان يعصي الله او لا يصلي مش شايف ان ربنا بيعطيه اموال وسلطة وقوة وصحة ويظن ان الله راضي عنه كده وان معاصيه مش بتضره. وعدم صلاته مش بيضره
ده كده بيخدع نفسه ما هو ارتكب كل ده وربنا لم يعاقبه في الدنيا لسة. ما شفش عقاب. فيتمادى بدلا من ان يتوب. غره جهل وجهله بالله. لو كان يعلم ان الله يمهل
ولا يهمل بيمهله عشان يتوب. وبعد كده اذا تمادى يستدرجه لو كان يعلم مش يجهل ما كانش تمادى او انسان شايف العصاة بيشربه وبيرقصوا في الحفلات الماجنة بتاعتهم دي. وبيضحكوا وبتاع فبيفتكروهم سعداء
يبدأ يشرب هو كمان ويروح يرقص في الحفلات الماجنة دي ويتنازل عن دينه غره جهله مش فاهم ان الناس دي مش بتقدر تضحك الا لما بتشرب واول ما يفوقوا من الخمرة الكآبة بتاكلهم اكل
الانسان المغرور بالله ده المخدوع ده لا يخشى الله الانسان المخدوع يظن ان الله لن يبعثه فما عندوش خشية من الله او ان الله اذا بعثه سيسامحه. ليه؟ لان الله غفور رحيم
الشبهة دي خطيرة جدا هنا. ارجو تركزوا معي يا جماعة طب ما هو فعلا الله غفور رحيم يعني ممكن حد يدخل النار عشان فكر في نفسه ان ربنا غفور رحيم؟ اه ايه رأيك بقى ازاي؟ لما تفكر
وتستحضر ان ربنا غفور رحيم. قبل ان تفعل المعصية فتقدم على المعصية وتتجرأ عليها وتقول ربنا غفور رحيم. ده يدخلك النار لكن لما تتذكر ان الله غفور رحيم بعد المعصية
فتستغفر وتندم وتتوب. دي تدخلك الجنة فهمتوا بقى لازم قبل المعصية تذكر نفسك ان الله شاهد عليك. ان الله يراك في كل حين. ان الله مطلع عليك. ان الله شديد العقاب هي دي الخشية
وده اللي انت محتاجه وانت بتفكر او الشهوات بتحضك على معصية تخشى الله يبقى الخشية عدم وجود الخشية هو اللي بيخدع الانسان وبيغرر به في سورة النبأ ربنا امر سيدنا موسى
انه يذهب الى فرعون ويقول له ايه يقول له ان الخشية هي طريق التزكية يعني الطهارة ربنا قال له اذهب الى فرعون انه طغى. فقل هل لك الى ان تزكى
واهديك الى ربك فتخشى. انا هاقف معك وهوريك الطريق لربك فتخشى. خشيت اتتذكر
