والله العظيم يا اخوانا والله العظيم لا اخفيكم سرا. لو الواحد منكم اجتهد في الدعاء وهو ساجد بين يدي الله عز وجل لرأى عجب العجاب ولما يرى عجب العجاب ده بعد كده والله هيكون احب لحظات حياته كلها اللحظات اللي هو بيكون فيها ايه
ساجد بين ايدين ربنا سبحانه وتعالى. قل بقى اللي في نفسك. يا سيدي الناس اللي زلمتك وافترت عليك بالكذب وانت ساجد قل يا رب اكفنيهم بما شئت الناس اللي بتحاول ان هي تعمل لك مشاكل قل يا رب اكفنيهم بما شئت وكيف شئت
وتشوف سبحان الله ازاي ربنا بيردهم عنك وهم صغار ويحقرهم ويذلهم. يا سلام! يا سلام لما نكون كريم للمعاني دي. هتبقى متضايق ان الامام يقول الله اكبر زعلان ليه ؟ لان قلبك هنا استشعر القرب
