السلام عليكم ورحمة الله وبركاته. اخواني واخواتي في الله. هنعيش مع اسماء الله الحسنى. مع اجمل معاني بتفرح قلوبنا. بترجع عالضحكة جوة قلوبنا تاني. مرة تانية عايزين معرفة الله مش اللي اتغير اللسان. معرفة الله اللي اتغير نفسيتك. معرفة الله اللي تعالج الفزع والهلع اللي بقى عندك معرفة الله اللي تقضي على القلق والتوتر اللي بقى مالي حياتك. معرفة اللي تديك امل في الحياة. معرفة الله اللي تغير قلبك. معرفة الله بتغير اهدافك في الحياة. معرفة الليل اتغير ليلك ونهارك وعزيمتك معرفة الله. اللي تغير اخلاقك وتعاملاتك مع الخالق ومع المخلوق عايزين معرفة عملية تغير حياتنا بحق وحقيقي. النهاردة مع اسم من اعظم اسماء الله الحسنى اللي العلماء اثبتوه لله سبحانه وتعالى مع اسم هتحتاجيه في اصعب لحزات حياتك. هتحتاجه في اكتر لحزات صعبة في حياتك كلها. مع اسم هيطمن قلبك هيحسسك بقوة كبيرة اوي في مواجهة الحياة. مع اسم هيعالج الضغط النفسي اللي انت عايشة فيه. هيعالج اكبر سبب للازمات النفسية اللي انت عايش فيها مع اسم هيحسسك انك مسنود اوي وان انت لك ضهر اوي وان انت لك حسب ونسب كبير اوي حتى لو فقير. حتى لو غلبان انت لو ما لكش اسم عيلة كبير الناس لما تسمعه كده تحس ان انت لك حسب ونسب. مع اسم هيحسسك انك قوي اوي في الحياة يحسسك بالقوة في مواجهة الحياة. النهاردة مع اسم الله الحسيب اسم الله الحسيب يا جماعة. اسم جميل قوي واسم اوي يعني ايه الحسيب؟ الحسيب معانيه كتير. مش هنقدر ناخدها على حلقة واحدة بازن الله سبحانه وتعالى. النهاردة هناخد معنى واحد. انا جاي لكم حوالي عشر معاني باسم الله الحسيب النهاردة هناخد اول معنى بس. يعني ايه قل حسبي الله. لما تلاقي نفسك لوحدك. لما تلاقي نفسك مهملة. لما تلاقي اصحابك خرجوا وما حدش فكر فيك لما تلاقي الدنيا تجاوزتك لما تلاقي الكرسي اللي كان لامم الناس حواليك راح منك. لما تلاقي خلاص الفلاش اطفى الناس زهقت فيك. لما تلاقي اللي حواليك باعوك سابوك لما تلاقي نفسك لوحدك. لما تلاقي ما حدش اتعاد عارف يعمل لك اي حاجة. حتى من حبايبك قبل اعدائك لما تلاقي نفسك ما عدش لك ضهر اروح فين ؟ اجي منين ؟ لما تلاقي نفسك اتنسيت. الدنيا تجاوزتك لما تلاقي نفسك لوحدك افتكر اوي اوي اسم الله الحسيب. قل حسبي الله. يعني كفاية علي ربنا. يبقى ده اول معنى في اسم الله الحسيب عايز المعنى ده مش حلقة في ودنك في قلبك. في قلبك يتحفر جوة قلبك. الاسم ده الجبار بعد الحلقات دي بازن الله لو احنا فهمناها وربنا وفقنا فما فعلا هيبقى من اعظم الافكار اللي مالية حياتنا قل حسبي الله كفاية علي ان انت معي يا رب حسبي الله يعني ايه الحسيب؟ يعني انت مش لوحدك؟ انت مش لوحدك مش هيسيبك لوحدك ولا سابك قبل كده لوحدك. حتى وانت جنين في بطن الام حتى وانت رضاء مش هيسيبك لوحدك. زي ما هنتكلم النهاردة عن المعنى ده بس. ده لسة فيه معاني كتير قوي لاسم الله الحسيب. الحسيب اللي بيحسب عليك حسنات وسيئاتك. الحسيب اللي حاسب كل حاجة في الكون. الحسيب اللي بيحسب عليك كل شيء في حياتك ومقدرات امورك. الحسيب معاني كتير مش عايز اقولها دلوقتي يعني انا عايز النهاردة اعيش بس مع اول معنى واخطر معنى مقصر في قلبي. كفاية علي ان انت معي يا رب انت مش لوحدك الحسيب. انت مش لوحدك. بس قبل ما اتكلم على الحسيب حسيب صيغة مبالغة فعيل. انا عايز اتكلم على الالف واللام. قبل ما اتكلم الاسم انا عايز اتكلم عن الالف واللام عايز اتكلم على الالف واللام اللي بتفيد القصر ان ما فيش حسيب غيره. ما حدش يقدر يكفيك في حياتك. كتير اوي بتروح اشتغل شغلانة يقول لك هتاخد تلات تلاف جنيه في الشهر. طب دول يأكلوني ولا يدفعوا لي الايجار ولا يجيبوا لعيالي مصاريف المدارس فبتقبل. ولكن وانت عارف انك هتروح شغلانة تانية وتالتة. ما حدش يقدر يكفيك. الشمس بتطلع جميلة. بس بالليل بتسيبك. القمر جميل بالنهار بيسيبك. صاحبك سيبك انتيمك. كل واحد هيدخل كلية غير التاني. او هيشتغل شغلانة غير التاني. او هيجي له عقد عمل ويضطر يسافر. الكل هيسيب. ما فيش حد هيكمل معك الا ربنا ما فيش حد هتلاقيه ليل نهار معك الا ربنا. ما فيش حد لا يغلق بابه الا ربنا. فخد بالك ما حدش يقدر يبقى حسيبك. اوعى وكل على قريبك اللوا ولا قريبك اللي له مركز ولا قريبك اللي عميد كلية ولا اوعى تتوكل على حد من قرايبك لان ما فيش حد هيبقى معك انا بك هيموت يا اما انت هتموت. اي حاجة في الدنيا يا هتسيبك يا هتسيبها. اللي هيكمل معك هو ربنا. سبحانه وتعالى. كان عندنا يعني كبير قوي في الجامعة وانا طالب في الكلية كاملة من عشرين سنة. كان اسم يرعب يا جماعة. اسم يرعب. كان يعني يدخل كده حد من بناته يعني دخل الامتحان في الكلية يدخل يحط لها اللجنة قدام جميع الاساتزة ما فيش حد يقدر ينطق. وعلاقات جبارة في البلد وحاجة يعني ورئاسة القسم وحاجة يعني خطيرة من جميع الاعتبارات. استغربت جدا اما عرفت من فترة بسيطة يعني من شهور ان بناته لسة لحد دلوقتي بناته دول يعني يمكن قدي. يعني ما اتجوزوش لحد ما قلت سبحان الله! المركز راح. ما هو كان الدنيا كلها واقفة له على رجل لما كان المركز موجود لما المركز راح ولما الفلاش اطفى ولما خلاص الهيلمان راح والوضع راح بقى اي شاب كان يتمنى هيتقدم لبنت من بناته. الوقتي مين اللي يفكر انه يتقدم اصلا او يفكر ان هو اصلا خلاص بقت حاجة عادية زيها زي اي حد. كتير اوي من الفنانين اي حد هيروح اللي حواليه حق على الله اذا رفع شيئا ان يضعه. هي دي الدنيا فقر وغنى وصحة ومرض. الفنانين تلاقي الفنان الممسلة الدنيا كلها حواليها والكاميرات تكبر. يعني فيه ممسلة انتحرت لانها ما عادتش قادرة تواجه الناس بشكلها. لما كبرت تكبر وتبقى عد لها شغل ولا هات فلوس ولا هات شهرة ولا هات اضواء ويقول لك جنازة الفنان فلان ما فيش حد حاضرها. ما حدش حاضرها ليه خلاص الفلاش راح الحسيب مين اللي ممكن يبقى معك؟ ايلامان بيروح. اي حسب ونسب بيروح. لا اتفرجت على يعني فيلم كده وصور عن اسرة الخليفة عبدالحميد تاني اخر خليفة عثماني بنته اشتغلت خياطة بعد ما مات واسرة الملك فاروق والخليفة اللي مات في في صندوق قمامة وهو بيدور على اكل من القمام الدنيا قلابة. الدنيا ما بتفضلش فاوعى تتكل على حد. اوعى تقول ان حسبي فلان انا زو حسب ونسب لان حسب يعني ايه الحسب حسب يعني انا لي قرايب او لي نسايب. لو اي حاجة من تقلبات الايام حصلت انا لي حسب ونسب. انا لي ناس يكفوني مش هيكفيك غير ربنا مش هيكفيك غير الله سبحانه وتعالى. المعنى الاولاني في اسم الله الحسيب الكافي. اللي ان هو مش هيسيبك لوحدك ابدا. ولا سابك لوحدك. ولا تحس انك انت لوحدك هتحتاج اسم الله الحسيب في اصعب لحظات في حياتك. اللحظة الاولانية اصعب احساس بيدمر نفسية اي انسان. لحظة الخزلان الخزلان لما الكل يبيعك. لما الكل يسيبك. لما الكل يتخلى عنك. لما يجي لك ازمة وما فيش حد يقف معك. ساعتها هتعرف يعني في قل حسبي الله. عشان كده اصحاب النبي عليه الصلاة والسلام في غزوة بعد غزوة احد في حمراء الاسد. الذين قال لهم الناس ان الناس قد جمعوا اولادكم فاخشوهم ده فيه جيش رهيب جاي عشان يجتحكم. بعد هزيمة احد فزادهم ايمانا. زادهم اللي عارف الحسيب الازمات بتزودوا يقين وفرح وامل وارتباط بالله فزادهم ايمانا وقالوا حسبنا الله ونعم الوكيل. قالوا الحسيب والوكيل ايه الفرق بين حسبنا الله ونعم الوكيل. هم كان عندهم مشكلتين. المشكلة الاولانية انهم اتخزلوا ان المنافقين باعوهم. ان المنافقين لما قالوا لهم تعالوا قاتلوا في سبيل الله ادفعوا قالوا لو نعلم قتالا لاتبعناكم ما فيش اسهل طريقة للهروب من الازمة. انكار ان فيه ازمة انتم اللي عندكم هسهس نزرية المؤامرة. انتم اللي السويسين انما ما فيش معركة اصلا وخلعوا. والصحابة لقوا نفسهم اتباعوا وتخلي عنهم. وطلع المنافقين اتخلوا عنهم او خذلوهم الخزلان والمشكلة التانية ان في جيش جاي بقى جيش ابو سفيان بقى. فقصاد الخزلان قالوا حسبنا الله وقصاد العدو قالوا ونعم الوكيل. عرفت الفرق بين الحسيب والوكيل؟ الحسيب لما يبقى معكش حبيب واقف في ضهرك. الوكيل لما يبقى فيه عدو عايز يطعنك الحسيب لما تلاقي نفسك اتخزلت وبقيت لوحدك. الوكيل لما تلاقي حد هاجم عليك وما انتاش قده. وما انتاش عارف تعمل ايه. عشان كده النبي عليه الصلاة والسلام يقول في البخاري لا تزال من امتي امة قائمة بامر الله رجالة. شايلين دعوة شايلين عبادة اهل صيام وقيام. طلبة علم واهل علم. اهل جهاد في سبيل الله لا يزالوا من امتي امة قائمة بامر الله. رجالة في الدين عندهم جدية في لا يضرهم من خذلهم ولا من خالفهم. يبقى النبي جاب الخزلان قبل المخالفة رغم ان المخالفة ده عدو. جاي يقف في وشي جاب الخزلان اشد احساس في الدنيا انك انت تحسي انك اتبعتي. انك تحس انك انت خلاص كل حبايبك اتخلوا عنك. انك تحس ان اللي حواليك ادي له معك. ما فيش حد عاد واقف معك. كلهم غادروك. وبقيت وحيد ده اول احساس. اول احساس اسم الله الحسيب هتلاقيه معك احساس الخزلان لو حد باعك او اتخلى عنك. الاحساس التاني قل حسبي الله. احساس القفول. وده معنى جبار يا جماعة كلنا بنتعرض للقفول كان في واحد اشهر واحد بيقدم برامج توك شو الوقتي كان اتعمل معه حوار لما اتشهر قوي ببرنامج زمان من حوالي عشر سنين فاتعمل معه واحد بتاعته تاني عمل معه حوار. فبيقول له انت خايف من ايه ؟ قال له انا خايف من لحزة طافية الفلاش. انا خايف من لحزة اما الشهرة تروح هتروح لحزة القفول لحزة ان الكرسي اللي كان كله ملموم حواليك عشانه راح. كنت وزير وطلعت خلاص في حركة تعديل وزاري. كنت رئيس انتخب غيرك. كنت وكيل وزارة وطلعت معاش. كان معك فلوس وراحت. كان لك عزوة وشيعة وناس حواليك وراحوا. كان فيه مركز كان فيه كرسي السبب اللي الدنيا كلها ملمومة حواليك راح منك. خلاص القفول الكاميرا طفت الاضواء راحت. لحزة زهاب دي افول الشهرة. اللحزة دي يا جماعة ما هي دي الحياة صحة ومرض وغنى وفقر هي الحياة كده وعلو وخفض هي دي سنة ربنا في الدنيا اللي هنطمح في الجنة ليه ؟ لحزة القفول دي هتعرف يعني ايه حسبي الله ان انت ما لكش غير ربنا. ومش هتلاقي حد واقف معك في اللحزة دي غير ربنا اللحزة التالتة اللي هتحتاج فيها اسم الله الحسيب زي ما قلنا الاسم ده تحتاجه في اصعب لحزات حياتك. اللحزة التالتة لحزة الوحدة. فيه وزارة في بريطانيا اسمها وزارة الوحدة. اكتشفوا ان الوحدة دي اهم سبب للاكتئاب واهم سبب للانتحار. لما واحد يلاقي نفسه لوحده واحد كبر وخلاص اولاده اتجوزوا لسة يعني ماشي مع زوجتي كده فيعني قابلنا واحدة ويعني جميلة جدا قالت سبحان الله! يعني ولادها كبروا وانفصلت عن زوجها او اللي سافرت برة واللي سافر برة وقعدت له وحدها. بعد ما كانت ملء السمع والبصر الوحدة. اما تلاقي نفسك لوحدك كل الناس ممكن تسيبك بمزاجها او غصب عنها ما يفضلش معك الا ربنا. لحزة الوحدة دي هتعرف يعني ايه ؟ حسبي الله يعني ربنا معي. يعني انا مش لوحدي يعني كفاية علي ربنا ربنا هيعمل لك ايه؟ هنقول الوقتي. ربنا ممكن يعمل لك ايه؟ ربنا يقدر يعمل لك ايه سبحانه وتعالى. اللحزة الرابعة اللي هتحتاج فيها اسم الله الحسيب. ودي ازمة رهيبة في امريكا. يعني اخويا الله يرحمه اما كان آآ في امريكا يعني يعني كان يكلمني عن الموضوع ده وانتشاره في امريكا الازمة دي جبارة قد ايه ازمة السوشيال ريجكشن ؟ ازمة الاهمال. يعني ايه الاهمال النبز الاجتماعي؟ آآ كلنا لما كنا في الفصل زمان في المدرسة اعدادي ولا سانوي كنا نلاقي فيه واحد دايما في الفصل كاريزماتك دايما جزاب اوي. كل الفصل نفسه ياخد رقم تليفونه ونفسه يصاحبه. يلتفوا حواليه في الفسحة. يحبوا او يخرجوا معه لو لعبوا كورة اخر الاسبوع يحبه اوي ييجي معهم. لو ما خرجش يبقى الخارجة ما لهاش معنى. ودايما كنا نلاقي طفل واحد تاني ما حدش عايز يصاحبه. زي ما النبي قال مدفوع بالابواب ما حدش آآ محتفي لو خرج اصحابه ما حدش يفكر فيه. ما حدش لو غاب من المدرسة ما حدش يسأل عنه. ما حدش يفرح ان رقم تليفونه معه لو بعت رسالة واتس لحد ما حدش يرد عليه. ما حدش محتفي به زي ما النبي قال اشعس اغبر مدفوع بالابواب. اذا حضر لم اعرف مش فارقة يعني واذا غاب لم يفتقد. مش فارقة الاحساس ده احساس بيقتل ناس كتير اوي. احساس الاهمال. احساس اصحابي خرجوا ما حدش كلمني هو انا وحيد ليه ؟ هو ما حدش راضي يصاحبني ليه ؟ هو انا ما ليش قيمة في الدنيا؟ هو لأ انت لك قيمة عند الله. عندي الحسيب. الحسيب هنا هتعرف يعني ايه قل حسبي الله. المعنى الخامس. اللحزة الصعبة الخامسة. لحزة ان حواليك يا حبايب كتير اوي. لحزة ان حواليك حبايب ولكن فجأة ناس نسأل الله العافية لنا جميعا. جه مرض ما حدش يملك اي شيء. الدكتور قال الامل في ربنا. الامل في ربنا عند بتوع الدنيا يعني ما عدش فيه امل عند الطب الامل في ربنا خلاص كله قاعد يبص له وقلبه متقطع ولكن ما عدش حد يملك حاجة. ما عدش حد يملك لك اي شيء في الازمة اللي انت فيها. او في الدين اللي عليك او في القضية اللي انت داخلها او في ما عدش حد يملك لحد حاجة. واحد جا له سرطان نسأل الله اليقين والعافية. ما عدش حد يملك له حاجة. ساعتها قل حسبي الله الموقف الموقف السادس. الموقف السادس احساس رهيب يا جماعة. احساس كتير اوي بيوصلوا له بالزات بالزات المرأة احساس اروح فين ؟ اروح لمين ؟ واحدة جوزها طردها. واحدة اتطلقت. واحدة خلاص والدها مات ولا والدتها ماتت اروح فين ؟ اروح لمين ؟ ما عدليش ضهر في الدنيا. ما فيش سند اتسند عليه. طب اروح فين من الازمة اللي انا فيها دي لحزات بتمر بنا بتمر بالدنيا كلها ساعتها قل حسبي الله انت لك حسب ونسب. نسب يا عبادي يا النسب دي مع الله. نسب العبودية اعظم نسب وحسب. لانك عبد الحسيب. عبد الحسيب ده الناس لما يحبوا يقولوا عن واحد له شرف ومجد ومركز وهيلامان وصولجان يقولوا ده حسيب. يا بخط اللي هيناسب الحسيب يبقى صاحب حسب ونسب. انت لك حسب انت مسنود اوي. الموقف السابع اللي هتحتاج فيه يعني ايه كفاية علي ربنا؟ يعني انت مش لوحدك. الموقف السابع لما تتنسي بقى لما تتنسي هي دي بتحصل بتحصل في الدنيا بس في حاجة اشد من الدنيا. ان الانسان يتنسي ويلاقي نفسه لوحده. يعني كتير بيتوهوا على طرق سريعة اصلا ويلاقي نفسه لوحده وناس كتير منهم بيموتوا وناس كتير منهم بينقذوا. بقى لوحده وفي حتة ما فيش حد ما فيش اسباب. ما حدش فيه اسباب ولا عاد فيه اشخاص والعطف زي السيدة هاجر كده لما نيجي نتكلم في الامسلة الواقعية اللي حصلت والامسلة والواحد شاف منها بعينيه والامسلة في القرآن والسنة زي هاجر بتقول ابراهيم اين تتركنا؟ لا يوجد احد ولا يوجد شيء. انت سايبني فين؟ ده ما فيش ماية. ده ما فيش مخلوق هاسكن فين؟ ده ما فيش بيت. ده انت ما ما تاكليش عشة اتزلل بها. طب اروح فين ؟ طب لو جعت انادي على مين ؟ طب اتسند على مين ؟ طب اروح فين هنا الحسيب الحسيب الله قل حسبي الله. ربنا مش هيسيبني ولا هيتخلى عني. ابدا لما تتنسى بعد الف سنة من موتك تحت التراب بعد الف سنة ليه ؟ بعد خمسين سنة. حبايبك نفسهم ماتوا حبايبك نفسهم ماتوا كنت شايف رؤية يعني قريب سبحان الله العزيم شايف ان يعني حد عامل محل كده وفيه صور العيلة بتاعتنا فانا داخل اشوف صور وفيات عيلتنا في الرؤية. في الرؤية داخل اشوف صور الوفيات فمتوقع بقى اشوف صورة والدتي الله يرحمها. صورة خالتي الله يرحمها. صورة آآ كده صورة ستي الله يرحمها متوقع دخلت لقيت نص تانية خالص كانه بيوريني صورة وفيات عيلتي بعد اجيال الاجيال اللي موجودة دي اتنست تماما تماما لما نروح المقابر والاقي قبر مسلا من الف تسعمية وتلاتين. ولا الف تسعمية واربعين. ايه ده! ده ده اتنسى وولاده ماتوا واتناسوا وممكن احفاده دلوقتي ناس كبار اصلا. قل حسبي الله هتحتاج الاسم ده اهو في القبر. هتحتاج الاسم ده يوم القيامة وما حدش بيفكر في حد محتاج الاسم ده اوي اوي اوي اسم الله الحسيب. كل اللي باقوله لكم ده يا جماعة الاحوال السبعة دي في المعنى الاولاني. انا قلت لكم الحسيب انا جايب لكم فيه يعني بالزبط بالزبط تسع معادش. انا ده المعنى الاولاني اللي هو الكافي. اللي كفاية عليك انه يبقى معك. السند الحسيب اللي مش هيسيبك لوحدك ابدا. ربنا الحسيب. اسم الحسيب بيديك قوة في الحياة. بيديك قوة في مواجهة الحياة ليه؟ زي ما ربنا سبحانه وتعالى قال لك الذين يبلغون رسالات الله ويخشون ولا يخشون احدا الا الله. وكفى بالله حسيبا. ياه يا يا اللي شغال في الدعوة الى الله انت مسنود اوي كفى بالله عزيم. اوعى تفتكر لو الناس آآ اتخلت عنك والناس سابتك وجيت تقول كلمة الحق او تشتغل في الدعوة لقيت نفسك لوحدك كفى بالله حسيبا. ربنا هيسندك ربنا مش هيسيبك. ربنا مش هيتخلى عنك. قل حسبي الله في كل المواقف دي. فاسم هتحتاجه في اصعب مواقف حياتك. وكفى شوفوا ربنا بيقول ايه في القرآن اصل اسم الله الحسيب جه في القرآن كتير اوي الدلالات بتاعته والكلام عنه. قل افرأيتم ما تدعون من دون الله اللي قلوبكم متعلقة فيهم واقفين على ابوابهم قل افرأيتم ما تدعون من دون الله ان ارادني الله بضر هل هن كاشفات ضره او ارادني برحمة هل هن ممسكات رحمته قل حسبي الله مواقف كتير اوي هتحس فيها بكلمة حسبي الله دي. وتحس ان ربنا معك. اطمن. ربنا معك. انت مش لوحدك. انت مش لوحدك ده احساس جبار زي ما ربنا قال على سيدنا ابراهيم كده. ولقد اتينا ابراهيم رشده من قبل وكنا به عالمين. كان لوحده. واقف قدام الدنيا كلها لوحده. ربنا بيقول وكنا به عالمين. اوعى تفتكر ان ربنا سايبك. اوعي تفتكري لان الاسباب راحت. وما فيش حد معك. وما فيش سند في حياتك ابواب كلها اتقفلت بالضبة والمفتاح. اوعى تفتكر ان ربنا مش عالم بك. وان ربنا في البشر بيقول لك انا حاسس بك وان ربنا عالم بحالك. وعالم جواك وان ربنا معك. بس ربنا بيختبر حاجة فيك. او بيرتب حاجة لك. وكنا بعالمين. اذ قال شوفوا قلبي بالمفرد لابيه وقومه ما هذه التماثيل؟ قالوا وجدنا اباءنا لها عابدين. قال شف قال قالوا وجدنا اباءنا. قال لقد كنتم انتم واباؤكم في ضلال قالوا اجئتنا بالحق؟ ام انت من اللاعبين؟ قال قالوا فجعلهم جذاذا. قالوا من فعل هذا بالهتنا؟ قالوا سمعنا فتى يذكرهم قالوا فاتوا به على اعين الناس. قالوا اانت فعلت هذا؟ قالوا قالوا قالوا ايه ده! مزاهرات يا جماعة الدنيا كلها اتقلبت على ابراهيم. تفكرك بقول الله اليه يزفون. بيرتعشوا ما لك تزفزفين يا ام السائب. بترتعش من الحمى. الدنيا كلها بترتعش عليك. الدنيا كلها بترتجف من الغضب عليك قال افتعبدون من دون الله ما لا ينفعكم شيئا ولا يضركم اف لكم واقف زي الاسد. قدام الدنيا كلها قالوا حرقوه شف قال قال وقال وقالوا. قال قالوا لحد ما قالوا حرقوه قلنا يا نار كوني بركة قلنا تكلم الله. شفتم بقى لما الرعاية الالهية تتدخل في اللحزة اللي انت محتاج فيها. هو ده الحسيب بقى هو ده الحسيب. الوكيل لما النار لما سيدنا ابراهيم بقى يلقى في النار وربنا ينجيه. هو ده الحسيب بقى انك ما انتاش لوحدك حط في مش في بطنك بطيخة صيفي اتملى بالاطمئنان بالفرح اسم بيقول لك انت قوي انت مسنود انت لك حسب ونسب. قال قال قالوا لحد ما قالوا حرقوه. قلنا يا نار كوني. بردا الله اكبر. السيدة هاجر. السيدة هاجر سيدنا ابراهيم عارف مكان البيت خدها هي والرضيع اللي لسة بيرضع من سديها. نونو صغنن سيدنا اسماعيل عليه الصلاة والسلام. وفضل ماشي وعدى الصحراء هو كده من القدس لحد الجزيرة العربية. تخيلوا مشي بها قد ايه! في الاخر سابها في مكان تمن جبال بيحاوطوا الكعبة. وما كانش فيه كعبة اصلا الكعبة نفسها كانت تل كده. تخيلوا كده وقام حاططها وبنوأم ماشي. يا ابراهيم انت رايح فين يا ابراهيم! ده انت ما بنتليش حتى كوخ اقعد فيه. طب حط لها جراب تمر وجراب ماية كده يعني زي درة ومشي يا ابراهيم انت رايح فين ؟ ده ما فيش مخلوق، ده ما فيش اسباب. طب لو حد فينا عيي. طب اجيب اكل منين ؟ طب لما التمر ده يخلص اروح فين ؟ الحسيب ما سابهاش. ربنا كان معها. ففي الاخر قالت له مشت وراه كزا كيلومتر. طب يعني طب الله امرك بهذا. ما بصلهاش عمل براسه كده ايوة نعم مش عايز ابص لها. عشان قلبه ما يضعفش قدام منزرها ومنزر ابنه. هو عارف ان ده تمن التضحية عشان المكان ده هيبقى مركز نشر الهداية في الارض كلها. سيدنا ابراهيم بيضحي عشان دعوة ربنا. قالت ازا فلن يضيعنا. الحسيب مش هيسيبني. رجعت وفضلت قعدة التمر خلص الماية خلصت. اسماعيل بدأ يجوع. بدأ يتلبط. بدأ خلاص بيضرب في الارض وبيتلوى يمين وشمال. هي خلاص مش عارفة تعمل ايه ؟ قعدت تجري على جبل الصفا وجبل المروة طبعا جبل الصفا والمروة. زمان دول جبلين يا جماعة ومسافة رهيبة بينهم. والدنيا حاجة رهيبة وتطلع واحدة تنادي على الناس ما فيش مخلوق اصلا في المكان ده. بينها وبين اقرب مخلوق مئات الكيلومترات. تنزل تبص على ابنها لحد ما لقته بينشخ بينشخ يعني بيحتضر باللغة الطبية ده يعني بياخد النفس كل خمستاشر سانية مسلا خلاص المريض في في المستشفى فلما يبدأ بالممرضة تقول له الدكتور بيتغاصب يا دكتور معناها خلاص اصلا ولا ينفع يتعمل له حاجة. يعني يعني طبعا كل الاعمار بيد الله سبحانه وتعالى ابنها خلاص بينشخ. يعني بيموت. يعني وصل لمرحلة دي ما عادتش قادرة تبص له تطلع على المروة تصرخ ما فيش تجري تطلع على الصفا ما عادتش بتبص له. وبعد سبع اشواط ترجع تقعد جنبه خلاص ابني كده هيموت وانا هموت جنبه وخلاص هي ما قالتش كده. ولا ده كان زنها في الله. ولكن هتعمل ايه؟ ما فيش اي اسباب كل حاجة هنا الحسيب بقى. هنا الحسيب لما توصلي للحزة دي في حياتك. هنا الحسيب. وهي في اللحزة دي سمعت صوت. فبتقول اغث كان عندك غوائف. مين ؟ فيه ايه ؟ الصوت ده سيدنا جبريل نازل يضرب الارض بجناحه ويتفجر زمزم يتفاقاك سبحان الله! ربنا حاسبها في قعدة تلملم الماية فاخذت تقول له زمزم ولو تركته لفاض ولكان عينا فلما شاف فبدأت تزمزم بدأت تحسبها. النبي عليه الصلاة والسلام قال لو ما كنتش حسبتها وسابت الماية كان بقى فيه بحر كده في الحجاز اسمه بحر زمزم كان بقى فيه بحيرة كبيرة اسمها بحيرة زمزم. سبحان الله! الله الحسيب ما سابهاش! من اخطر يعني اللحزات ومن اخطر القصص اللي زلزلت قلب الواحد. وهو حاسس في اسم الله الحسيب. طفل رضيع. رضيع يا جماعة. يعني فكرت قصة سيدنا موسى عليه الصلاة والسلام طفل رضيع الطفل ده آآ كان في العراق وكان جه وباء الكوليرا في العراق. فلما جه الوباء ده فكان انتم عارفين فين الطاعون الاوبئة ديت يعني موجود في اوروبا لحد دلوقتي صور كتير للمنزر ده. لما كان يجي بيت فيه طاعون في اوروبا كان يقوموا قافلين البيت على اهله ويسيبوهم يموتوا جواه ما خلاص هو واحد مسلا في البيت وجا له طاعون هيموت هيموت. فيقول لك ده لو خرج ولا عمل اي حاجة حتى لو شلناه ندفنه ما احنا هنبتلى وهيجي لنا فكانوا يقوموا قافلين البيت على اهله. فالبيت ده كان في العراق وفي فترة الطاعون كل اللي فيه ماتوا جالهم طاعون وماتوا. ما كانش فيه غير نور رضيع صغير هو اللي مولود فالناس قالوا خلاص هيموت هيموت. يقينا النونو ده هيموت بعمد او من غير عمد قاموا قافلين الباب عليه. قاموا قافلين الباب مسنكرينه وبقى خلاص ما حدش يدفن حد اصلا هدفن مين ؟ اللي هيدفنه وهيتعب زن الناس يعني. وده كلام الطب يعني. فقاموا قافلين البيت وخلاص وكل اللي فيه مات حتى الرضيع ده ما ما حدش هيجرؤ انه يدخل ويطمن عليه ومين اللي هيدخل؟ وكده كده لو فيه رضيع هيموت هيموت بالطاعون هيموت لان ما حدش هيرضعه هيموت لان امه ماتت في الطاعون ده فخلاص وقفلوا البيت. فترة بقى عدت وراح الطاعون ودخل الناس الورسة عشان ياخدوا البيت. داخلين لقوا نونو بيحبي هو ده بصوا يا اخوانا القصة الواقعية دي. تجسيد رهيب لاسم الله الحسيب الحسيب لما تبقى لوحدك. لما كله يتخلى عنك. لما ما عادش حد معك. لما كله يخزلك لما خلاص ما حدش يملك لك اي حد يملك لك اي حاجة. لما كله ينساك. لما خلاص خلصت ملك لو طفل بيحبي طب ده عاش ازاي ده ؟ طب ده رضع ازاي ده ؟ ده لا يعرف ياكل ولا يعرف يشرب ولا فيه اكل اصلا ولا فيه شرب. لقوا كان في البيت وهم قافلين كان في البيت فيه كلبة والدة. والكلبة بترضع اولادها. وفعلا دي معلومة علمية. يعني على النت الحيوانات ممكن رد يا بني ادمين. والبني ادمين ممكن يرضعوا حيوانات. يعني دي معلومة علمية سليمة يعني فالكلبة يعني الولد لما لقى بيرضعوا منها الكلاب الصغننة بدأت ترضع الرضيع ده وسبحان الله! سبحان الله الحسيب النونو ده فضل الايام دهي كلها بيرضع من الكلبة ده ايه لحد ما فتحوا الباب ولقوا حي مين اللي حفزه ومين اللي حرسه؟ ومين اللي رعاه؟ ومين اللي اكله؟ ومين اللي شربه؟ الحسيب سبحانه وتعالى. قصة تفكرك عارفين ان عبد كان سيدنا آآ داوود على طول يهتف بالله. يا من ترزق النعاب في عشبه. يا من ترزق نعابة في عشب ابن عبدة ابن الغراب ابن الغراب بيتولد بريش ابيض. فالغراب امه وابوه بيلفظوه بيحسبوه انه مش ابنهم. مش شبهنا خلاص هيموت اصلا هيتاكل. فربنا عامل له غدد عند منقاره بتفرز ريحة بتجزب الديدان. الديدان تيجي يقوم واكلها. لحد ما يكبر شوية ريشه يسود امه وابوه يعرفوه. وياخدوه يرعوه. مين اللي كان معه في اللحزة دي الحسيب اسم جميل اوي اوي اوي طبعا انا كنت عايز اتكلم في المعنى الاولاني في الحلقة دي ولكن يبدو ان احنا لسة المعنى الاولاني معنا حلقة تانية. هنتكلم فيها عن اسم الله الحسيب. آآ معنى يا جماعة قل حسبي الله لو لقيت نفسك لوحدك اسمها هتحتاجيه في اصعب لحزات حياتك. لو الناس خذلوك لا يضرهم من خذلهم ولا من خالفهم. الخزلان ان ان حبايبك اتخلوا عنك ده حسبي الله. خالفوك بقى ولا من خالفهم دي ونعم الوكيل. ده الفرق بين الحسيب والوكيل. فرق جبار الاتنين الحسيب لما يكون انت لوحدك بقيت لوحدك ما فيش حد معك الوكيل لما يكون في عدو هاجم عليك او مهمة كبيرة وما انتاش قادر عليها هسيب ساعة الوحدة ساعة السوشيال ريجيكشن ساعة الاهمال ساعة اما الناس ينسوك. والدنيا كلها تنساك ساعة لما حبايبك نفسهم ما عادوش يقدروا يعملوا لك اي حاجة ساعة لما الكل يخذلك ويبيعك. ساعة لما الفلاش يطفى. والشورة تروح والكرسي يروح. والمركز يروح. والصحة تروح. والاولاد سيبوك ساعة الوحدة لما الانسان يبقى لوحده في اي موقف من المواقف اسم مش محتاجينه ده احنا محتاجينه اكتر من الهوا اللي احنا اتنفسوا حسبنا الله ونعم الوكيل. اللهم كن حسبنا في كل امر. اللهم كن حسبنا في ليلنا ونهارنا. اللهم كن حسبنا انا في سفرنا وحضرنا. اللهم كن حسبنا في كل احوالنا. حسبنا الله في قلوبنا. حسبنا الله في نفوسنا الله في كل امراضنا. حسبنا الله في كل احوالنا. حسبنا الله في ارزاقنا. حسبنا الله في كل احلامنا ورغباتنا. حسبنا الله حسبنا الله. حسبنا الله عايزين لحد ما نتقابل تاني. نعيش مع كلمة حسبنا الله حسبي الله. اقعدي بقى الوقتي. اقعدي الوقتي قل حسبي الله. حسبي الله حسبي الله. عضة جبارة وهنكمل الحلقة الجاية ان شاء الله الناس اللي بقت لوحدها ربنا وقف معه ازاي ؟ الناس اللي عاشت في الازمات تجارب في حياة الواحد نفسه. تجارب في الدنيا. الواحد عاشها وشافها تجارب حاجات في القرآن والسنة الحسيب بيعمل ايه لك. وبيوصل لك ازاي الف رسالة ان انت مش لوحدك ولا كت في يوم لوحدك ولا في يوم هتبقى لوحدك حسبنا الله ونعم الوكيل. سبحانك اللهم وبحمدك اشهد ان لا اله الا انت