السلام عليكم ورحمة الله وبركاته الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وبيدك الخير كله كله اليك يرجع الامر كله. لبيك يا ربنا وسعديك والخير كل الخير في يديك. والشر ليس اليك. نحن بك تباركت وتعاليت نستغفرك ونتوب اليك. اللهم صلي على النبي محمد وعلى ازواجه امهات المؤمنين وعلى وال بيته انك حميد مجيد. اما بعد يعني اخواني في الله تقاربوا كده. يعني تقاربوا كده وتضموا. يعني كان صحابة رسول الله صلى الله عليه وسلم هربوا كمان حزب البشوات اللي قاعدين على الكراسي يتقاربوا كان اصحاب رسول الله صلى الله عليه وسلم يعني اذا جلسوا لو بسط عليهم ثوب لوسعهم يعني المفروض ان احنا نبقى اقرب لهدي النبي عليه الصلاة والسلام. طبعا اللي تعبان وعايز يعني ضهره تعبان. وعايز يسند على عمود لا حرج ولكن يعني نقترب من السنة قدر الوزع. لما كان احد السلف جالس وحده يذكر الله سبحانه وتعالى. فجا له الناس يعني لاقوه بقى. يعني فبدأ يسألوه فقال لهم اذكروا الله. فقعدوا يسألوا تاني فقال لهم اذكروا الله دقيقتين ومش عارفين يسكتوا يسألوا تالت. قال لهم اذكروا الله بيسألوا رابع قام وهو يضرب كفا بكف ويقول كل الناس زاهدون فيك يا رب. كل الناس زاهدون فيك يا رب الان يا اخواني في الله يعني للاسف الشديد الواحد بيستشعر هذه الكلمة وهو ماشي في الشوارع وهو يعني في كل مكان للاسف الشديد بيستشعر الزهد في الله. الزهد في الله في هذه الفترة اللي احنا فيها. احنا محتاجين الوقتي جهاد لايقاظ القلوب من اجل عودة الاقبال على الله سبحانه وتعالى تعالى يعني الواحد وهو جاي في العربية يمكن في العربية يعني لسة من دقايق مش فاكر فين بالزبط سمعت قول الله له مقاليد السماوات الارض سمعتها فين دي يا ترى سمعتها فين؟ واحنا بنصلي يا اخواني سبحان الله العظيم! واحنا بنصلي! سمعت له مقالي! قلت سبحان الله! اللي جه في صدري يا اخواني! هو لسة في حد بيفكر بالطريقة ديت ؟ هو لسة فيه حد بيتعامل فعلا ان الله؟ يعني طبعا يعني ان شاء الله الايمان في القلوب ولكن الناس الوقت الغافل يعني ان الله له مقاليد السماوات والارض ان كرسي الوزارة بايد ربنا ان كرسي رئاسة الجمهورية بايد ربنا ان احداس المعجزات اللي شفناها في العشر شهور اللي فاتوا من ترتيب عجيب لله سبحانه وتعالى. مين اللي كان يصدق ان الثورة بتحصل بالمنظر ده؟ من اول ما بدأت تطلع شبكات اعلامية غريبة جدا شبكة يعني مش عايز اقول اسماء مسلا يعني وقنوات ومتابعات وبعد كده سبحان الله الواحد لما بيقعد يتدبر الثورة دي قامت ازاي ديت ربنا بيرتب لها من سنين وسنين عشان تحصل في الوقت ده ازاي؟ يقول سبحان الله يقينا دلوقتي ربنا بيرتب دينه يقينا بيحصل الواقع ده هيتمخض عنه احداث لصالح الاسلام ما كانش حد يتوقعها. فين اليقين يا اخوانا؟ فين اليقين يعني سبحان الله انها مع احد اخواني رايح في مكان من اماكن التدبر في في الطبيعة كده من يومين فداخلين فلقينا شجرة جميز كبيرة جدا جميز قد ساحة المسجد اهو كده. شجرة جميز كبيرة قد القلب بتاع المسجد ده. والسمر بتاعها يعني ايه صغنن خالص خالص كده فيعني صاحبي بص كده قال سبحان الله! يعني الشجرة الكبيرة ده ايه! وفي الاخر السمر بتاعها صغير كده! فقلت له طب بص على شجرة الموز بقى صغيرة خالص يعني ممكن تبقى طولك والسباطة طالعة منها هتوقعها من كتر التقل بتاعها. فقلت سبحان الله! ممكن يعني واحد عارف كويس جدا وعنده معلومات كتير جدا ولكن في الاخر جهده بسيط جدا للدين. وواحد تاني معلوماته اقل وطاقته اقل ولكن جايب اخره لنصرة دين ربنا. حسيت البشر زي الشجر كده. كل الشجرة نوع من انواع البشر. حسيت ان يعني يعني فيه شجرة شجرة الموز دي سبحان الله! تحس ان الخير ده كله جاي من بتاع قد كدهوت فيعني يا اخواني في الله يعني الايجابية في الاقبال على الله. والايجابية مع دين الله الوقتي. واحد كان بيفكر منذ قليل في قول النبي عليه الصلاة والسلام للصحابة على جبل احد بعد غزوة احد. الا تجيبوه؟ النبي عليه الصلاة والسلام بيستنكر انهم ساكتين. انتم ازاي ساكتين الواحد الوقتي احيانا كتير يشوف بعض شيوخ مسلا بيتكلم عليها. انا عايزه يقول الا تجيبوه ما فيش حد بيرد يا اخواننا ساعات الواحد يبقى نازل مسلا جولة في الشارع ولا حاجة فيبقى فيه مجموعة من الشباب فشاب يلقي شبهة انا عايز ارد بس انا نفسي اللي يرد واحد من اللي واقفين انا عايز اقول لهم الا تجيبوه. يا اخوانا فين الايجابية مع دين ربنا سبحانه وتعالى؟ فين الايجابية ما يحدث الان مما يظنه الملتزمون التزام يا اخوانا ده مش الالتزام بتاع ابو بكر وعمر. دين ابو بكر وعمر ما كانش كده. فين الايجابية؟ النبي عليه الصلاة والسلام طلب منهم انهم يتكلموا في وقت الكلمة معناها الكلمة معناها دم ولكن الا تجيبوه مين اللي عنده ايجابية مع الدين في هذا الوقت؟ مين اللي يرد عن الدين في هذا الوقت حقيقة انا كنت جاي يعني عشان يعني اعطي آآ يعني درس بمعنى كده الواحد حس به افيكم ابو بكر فيكم ابو بكر احنا لسة فينا حملة رسالة ولا لأ ؟ احنا لسة فينا ناس شايلين الدين ولا لأ ؟ احنا لسة فينا ناس عايزة تضحي عشان الدين ولا لأ ؟ ولكن سبحان الله يعني قبل الدرس يعني بحاجة بسيطة كده ساعة ولا حاجة يعني يعني فكرت كده احنا الوقتي يا اخوانا خلاص بكرة واحد محرم يعني احنا الوقتي ده هو من الف وربعمية وتلاتة وتلاتين سنة تقريبا. النبي عليه الصلاة والسلام كان بيهاجر من مكة الى المدينة في رحلة من اخطر رحلات اللي تبين لك لما تشوف موقف زي موقف ابو بكر الصديق رضي الله عنه الايجابية في نصرة دين ربنا. لما بنقول لما بنقول دين ابو بكر وعمر ابو بكر رفيق النبي عليه الصلاة والسلام في هذه الرحلة. الواحد حس ان رحلة الهجرة ديت يعني محتاجين ان احنا نقف في الوقت ونقول اين الى الله. في الوقت الذي يهاجر فيه الناس عن الله. ويهاجر فيه الناس عن نصرة دين الله. حزب الكنبة الاسلامي. عايزين نعمل حاجة جديدة كده اسمها حزب الكنبة الاسلامي الذين قيل عنهم في كتاب الله ما دون في الاعراب يسألون عن ايه؟ عن انبائكم يعني هو دلوقتي في درس اديني لأ. طب هو في ميدان التحرير؟ لأ. طب هو فين قاعد قدام القنوات الاخبارية؟ وقدام الشبكات الاخبارية على النت. يسألون عن انبائكم قاعد على الكنبة ومأنتخ كده وقاعد ايه يتابع اللي حصل واللي ما حصلشي سبحان الله! يود لو انهم بادون في امام القنوات يسألون عن انبائكم ما فيش ايجابية حقيقية ولا تواجد ولا تواجد حقيقي. اخواني في الله قضية الهجرة اللحظة اللي تاريخ الاسلام في البشرية بدأ بها. اللي لما الصحابة رضوان الله عليهم ارخوا لتاريخ الاسلام. بدأت من الهجرة دي. يعني كان دي كانت ولادة الاسلام. الهجرة دي كانت ولادة الدولة الاسلامية. لما وجد رجال يعملوا اللي عمله الصحابة في الهجرة قامت لنا دولة يا اخواني بعد تمانين سنة من الصحوة الاسلامية الواحد بيقول ان التمكين اسهل ما يكون. قيام دولة اسلامية اسهل ما يكون بس لو مشينا صح. لو مشينا على خط الرجالة رجالة الصحابة رضوان الله عليهم. اللي عملوه في الهجرة ده لما هيطلع منا ناس هتقدم التضحيات دي النصر قادم قادم النصر جاي جاي لا محالة. معلش يا شيخ ابراهيم معلش حضرتك علي سنة بس عشان صوتي تعبان النصر قادم قادم لا محالة. لما يطلع ناس يعني يضحوا نفس التضحيات دي لدين ربنا. انا باكلمكم دلوقتي عن اللحظة اللي بدأ فيها تاريخ الاسلام يا اخوانا الناس اللي هاجروا دول مش شباب رايحة عقد عمل في الخليج خمس سنين وراجع. ده ناس رايحين للابد خلاص ما هماش راجعين البلد دي تاني. ما هماش راجعين تاني خلاص الموضوع انتهى. لما النبي عليه الصلاة والسلام كان بيطوف حوالين الكعبة. الضهر في اليوم اللي قرروا قتله فيه. لما نزل ليه الامر من الله بالهجرة وهو بيطوف حوالين الكعبة يمكن لاخر مرة في حياته. رغم ان النبي عليه الصلاة والسلام عشان الكعبة دا هي استحمل اللي ما ما حدش يتخيله. النبي عشان يسجد عند الكعبة ابو جهل هدده بالقتل عشان يفضل يسجد عند الكعبة. عقبة ابن ابي معيط خنقه وكاد يقتله عند الكعبة عشان يسجد عند الكعبة كان لما يطوف يسبوه ويشتموه ويستهزئوا به وممكن يعتدوا عليه بالايدي عشان يفضل ويسجد عند الكعبة. ولكن النبي عليه الصلاة والسلام ضحى باحب مكان له على وجه الارض. واكتر مكان هو مرتبط به قلبيا على وجه الارض. عشان النهاردة ملايين يطوفوا حوالين الكعبة. عشان النهاردة وانت بتطوف حوالين الكعبة تفتكر ان النبي عليه الصلاة والسلام ضحى بالمقام ده هو عشان دين ربنا. عشان ينصر دين دين الملك سبحانه وتعالى دين الملك عز وجل. اخواني في الله ان احنا بنتكلم عن هجرة مش بنتكلم عن عقد عمل خمس سنين ولا عشر سنين عن عقد عمل خلاص مدى الحياة. قال تعالى واذ اخذنا من النبيين ميثاقهم. الميثاق هنا يعني ايه؟ زي عقد العمل كده. بس عمل مفتوح بقى سيدنا نوح قعد فيه تسعمية وخمسين سنة. قضية في غاية الخطورة. الموضوع بتاع الهجرة بيذكرنا بسورة الكهف فيها قصة اهل الكهف اللي سابوا بلدهم وطلعوا وعاشوا في الكهف فيها قصة صاحب صاحب الجنتين اللي اخذ يدعوه. فيها قصة موسى والخضر وطلب العلم وسفر موسى عشان تلت مسائل في طلب العلم. فيها قصة ذو القرنين اللي لف الارض في الجهاد في سبيل الله. طب ربنا ليه ما سماش سورة زو القرنين؟ ربنا ليه ما سمهاش سورة الخضر ربنا ليه ما سمهاش صورة صاحب الجنتين او او ربنا ليه سماها باسم قصة اصحاب الكهف لان يا اخوانا صاحب صاحب الجنتين خارج يدعو وراجع تاني. حتى في قصة سيدنا موسى يعني اللي بيطلب العلم ممكن يسافر في الارض بس راجع تاني. حتى في قصة زو القرنين اللي خارج يجاهد لف الارض ورجع تاني. انما دول سابوا بلدهم الى غير عودة. دول ضحوا اعلى تضحية موجودة في الصورة. انه هيسيب للابد خلاص بدون اي ارتباط في لحظة بيصدر الامر للصحابة ترك المال ترك الاهل ترك الولد ترك الاملاك. طب الوقتي انا عندي حتة ارض فين في مكة؟ طب مكة ديت الوقتي اغلى متر ارض سعر متر ارض في العالم. اغلى سعر بيت في العالم. اغلى سعر اراضي في العالم الم. يبقى انا الوقت لما اسيب بيتي ده ثروة. ده الصحابة لو كانوا باعوا بيوتهم وادوها للنبي عليه الصلاة والسلام ينفق الفلوس دي على الدعوة. كانوا ده الصحابة لو كانوا باعوا بيوتهم. كانوا ويبنوا بها مدينة منورة جديدة. لو كانوا طب ما باعوهاش ليه ؟ حد يعرف ما باعوهاش ليه ؟ لان كان مجرد العلم ان ده مهاجر معناه انه هيتقتل فكان ما ينفعش انهم يعلنوا انهم مهاجرين. يعني زي الوقت مسلا احنا عايزين نهاجر. مسلا من المنصورة. لو حد عرف هيتقتل. اللي هيجري. انت لو بعت بيتك يبقى معروف انك انت يا تاجر يبقى ما كانش قدامهم بديل ولا اختيار ان هم يخرجوا ويسيبوها. والمشركين هم اللي ياخدوا هذه الابواب. منظر ابواب بيوت الصحابة وهي بتصفق مع الرياح بدون ان يكون لها اي سكان. منزر يهز القلوب بالتضحية. الناس دي سابت ايه الناس دي سابت اغلى املاك في الدنيا كلها وسابت ثرواتها وتجارتها ومصالحها وعمرها واهلها ووطنها عشان دين ربنا سبحانه وتعالى. المشركين طبعا كان بالنسبة لهم الهجرة دي مسألة حياة او موت. لا يمكن خباب بعد ما كونا ضهره بالنار هيسيبنا. لا يمكن عمار بعد ما قتلنا سمية ويبقى يعني يعرف ان الملك يتنزل وقلبك فيه ايه ؟ ده دينك بقى اللي في قلبك ساعتها ده دينك. كل واحد فينا واقف في الصلاة مشاعرك ايه وانت بين ايدين ربنا يا ام وبعد ما بعد ما عذبنا ابوه وبعد ما مات في التعزيب لا يمكن هيسيبنا. لا يمكن ابدا بعد ما عملنا في الصحابة وكواناهم باذرع الحديد ايه ده يسيبونا لا يمكن محمد ابن عبدالله بعد ما حاولنا نقتله هيسيبنا لا يمكن هيسيبونا. يبقى معنى ان دول يروحوا مكان تاني شوية وهيرجعوا فكانت مسألة الهجرة بالنسبة للمشركين مسألة حياة او موت. حصار رهيب على كل مداخل ومخارج مكة. عشان ما فيش حد اي حد يقدر انه يخرج من هذا المكان لان الصحابة لو خرجوا ولقوا مكان اواهم خلاص هي سنة ولا اتنين وهيرجعوا من اجل فهم بقى ايه كل صوت وكل جلد وكل حاجة اتاخدت منهم ده ده في فكر المشركين انهم سينتقمون لانفسهم. فكان المشركين عاملين حرب رهيبة على ان اي حد. اي حد يهاجر. عشان كده البطولات اللي حصلت في الهجرة يا اخواني. قلت لكم ان لما يبقى في اي صف هيضحي التضحيات دي لازم ربنا ينصره. ما دام التضحية زهرت في صف يبقى النصر جاي. عشان كده ما نقص صف من شهداء. حتى لو الصف ضحى بقتل لما الصف ضحى بمصعب واتقتل مصعب ربنا بعت خالد ابن الوليد. اللي فتح العالم للاسلام. لما الصف بعث لو ضحينا باي حد ده هيجي اللي هينصر دين ربنا اكتر منه. لان ربنا لما بتضحي لله بشيء بيعوضك اضعاف اضعافه في الدنيا قبل ان تلقى الله سبحانه وتعالى الصف المضحي ده هو الصف اللي ربنا بينصره. الصف اللي بيقدم المال والنفس والوقت والعمر لاجل الله هو الصف اللي ربنا بينصره رجال الصحابة وتضحيتهم في الهجرة ابو سلمة. لما خدوا منه مراته وابنه كمل. الواحد يقول ايه ده! وهو خارج وهو خارج واهله واقفين لا بياخدوا مراته واهله واقفين بياخدوا ابنه وهو ماشي بقول الدين ده مش رخيص. الدين ده مش هيقوم غير لما ناس تضحي كده. اننا مش هيقوم غير لما يكون مشاعرك تجاهه اعلى من اي مشاعر في الوجود. لما بنسمع كدب ابو بكر الصديق وهو بيقول اينقص الدين وانا حي؟ انا باحس ان زي واحد ملياردير وجمع مليارات فبدأ يحس انه ممكن يخسر فيقول لك اتنقص الصبر وانا حي لا يمكن الفلوس تنقص ابدا. ليه كل عاطفته تجاه هزا المال؟ ابو بكر كل عاطفته تجاه هذا الدين. افيكم ابو بكر افيكم اصحاب الرسالة دول؟ افيكم يا اخواني ويا اخواتنا اللي بيضحوا عشان الدين بالمنظر ده؟ افيكم اللي مستعدين يقدموا حياتهم عشان الدين بهزا المنزر حتى نساء الصحابيات رضي الله عنهن زينب بنت النبي عليه الصلاة والسلام. وهي بتهاجر لما يطلع المشركين واحد من المشركين يضرب الحصان بتاعها برمح وكانت حامل وتسقط من على الحصان ويكسر لها ضلع وتجهض رضي الله عنها لما تاجر المدينة بعد كده يعني تظل مريضة ست سنين تظل مريضة ست سنين لحد ما تموت متأثرة بما حدث لها في الهجرة اسماء هجرت وعندها وهي حامل في تسع شهور ابوها كان هاجر مع النبي عليه الصلاة والسلام ابو بكر. جوزها كان في الشام بيتاجر وطلع على المدينة ما جاش على ما جاش على مكة طلع المدينة يعني انا عايزك تتخيل الزروف اللي تمت فيها اللي تمت فيها الهجرة الى الله ام سلمة اللي هاجرت لوحدها خمسمية كيلو لولا من ابن طلحة وكان مشرك وقتها قادها في الطريق لما صعبت عليه من باب المروءة والشهامة اللي اصبحت للاسف عندنا كملتزمين يعني ايه محتاجين ان احنا نتعلمها تاني لولا المروءة والشهامة سافر خمسميت كيلو متر. لحد ما وصلها للمدينة المنورة ورجع تاني وحده في هذا الطريق حتى الاطفال خال سلمة ام سلمة وابو سلمة انا عايزك تتخيل ابنك او بنتك الطفل الصغير وهو بيتخلع ايده قدام عينك. والطفل نفسه بيتحمل هزا في ذات الله سبحانه وتعالى. اخوانا يعني النبي عليه الصلاة والسلام قبل ما يهاجر بسنة بعت الصحابة خلى الصحابة يروحوا يقعدوا سنة وسط الايه الانصار بعتهم بسنة ليه ؟ يعني المدينة اتفتحت اتناشر مكية مش تلتاشر. النبي سافر تلتاشر. امال المدينة اتفتحت اتناشر. طب ده بيساب الصحابة المهاجرين يسافروا سنة عارفين ليه؟ عشان نمازج مزهلة. ناس عبادتها مبهرة. ناس قوتها في الحق مبهرة. ناس قنا مبهر ناس رجالة ساب سنة الانصار يشوفوهم عشان الانصار يتخرطوا عليهم. زي واحد صاحب مصنع عمل موديل وبعد كده خلاص مكنة بتخرط على الموديل خلاص. الموديل اللي النبي عليه الصلاة والسلام اتناشر سنة بيعمله في مكة. بعده المدينة عشان الانصار يتخرطوا عليه. انا عايز اسأل حضراتكم فضيلتكم سؤال في يعني هذا في هذا الوقت وهو لو النبي كان بعتنا احنا للمدينة المنورة سنة قبل ما يحصل كان راح لها الانصار شيخ ايه ؟ كان لها راح لها الانصار اتعلموا ايه ؟ اتعلموا ايه من كان راح لها الانصار آآ كم ضهر بيروح عليهم وكام فجر بيروح عليهم كان راح لقى الانصار صوامين قوامين. كان راح لقى الانصار يفدوا دين ربنا بدمهم. لو النبي عليه الصلاة والسلام كان بعتنا احنا. كان راح لقى الانصار يبيعوا اي دنيا عشان دين ربنا ينتصر. احنا بنبيع الدنيا عشان الدين! احنا بنضحي بالدنيا عشان الدين! احنا اللي يحتك بنا التضحية اللي يحتك بنا يتعلم الصيام والقيام. اللي يعيش وسطنا يتعلم القوة في الحق. اللي يعيش وسطنا يتعلم انهيأر بكلمة الحق وفي وجه الظالمين اللي يقعد وسطنا يتعلم الاخوة والحب والتواصل والشهامة والرجولة. اللي يقعد وسطنا يتعلم اخلاق الدين. اللي يقعد وسطنا يحبه ربنا من حبنا لربنا ربنا اللي يقعد وسطنا يوصل لايه يا اخوانا؟ لو النبي عليه الصلاة والسلام كان هو احنا اللي بعتنا المدينة. كنا عملنا ايه الوقتي؟ احنا ما بنقصرش في بس ليه؟ لان فين مواقف الدين في حياتنا؟ الناس لو شافت الدين بتتأثر وبتذوب قلوبها. يبقى احنا لسه الدين ما ظهرش علينا لحد اخوتي يعني احنا يعني لازم نقلة اخواني. زي ما العربية بتنقل كده الفتيس بينقل لازم نقلة. لازم كل واحد منكم وكل اخت من اخواتنا لازم يعرفوا ان لازم نقلة في علاقتنا بربنا سبحانه وتعالى. لازم ننتقل لدين ربنا اللي بحق وحقيقي بقى. مش الدين اللي يعني بيداهن لأ الدين الحقيقي اديني ابو بكر وعمر اللي اتفتح به العالم. ان كل واحد منكم يبقى راجل. ان الدين قبل اي دنيا. ان الدين فوق اي شهوة. ان الدين فوق اي حاجة في الحياة واي اعتبار في الوجود. ان الدين لا ينقص ونحن احياء. هذه النمازج لما توجد وتضحي ويبقى لها مواقف عملية ساعتها طب بركة التضحيات ديت وببركة الاقبال على ربنا وببركة صيامنا وقيامنا او محرم هيبدأ بكرة اهو اكثر شهر كان النبي عليه الصلاة والسلام يكون فيه بعد بعد رمضان عليه الصلاة والسلام يعني يعني احنا دلوقتي في هزا الشهر هل هنقدر نبقى زي النبي عليه الصلاة والسلام؟ يعني قلت لكم المرة اللي فاتت النبي لما ربط ثمامة ابن اثال في عمود المسجد ويعني يعني يعني لما شاف الصحابة تلت تيام وراجل ايه راجل اعمال كبير قوي في الجزيرة العربية يعني مش اي كلام يعني. يعني تخيل لو النبي ربط مسلا مين رجل الاعمال الكبيرة اوي دلوقتي في مصر اللي مش مسلم مسلا ؟ فلان الفلاني مسلا ربطه في المسجد كده تلات تيام حضراتنا وشاف اللي بيتاوب في الصلاة وشاف ساعتها يعني هيدخل في الاسلام زي سمامة شاف الصحابة دخل في الاسلام. طب احنا يا اخوانا يا جماعة مع لو انت مكان الرماة على احد وشفت غنايم تلات الاف مشرك بيجروا وسايبينها. هتجري وتقول الغنيمة الغنيمة ولا كنت هتقف لازم تسأل نفسك لو انت مكان حبيب ابن زيد. لما النبي عليه الصلاة والسلام بعته لمسلمة كذاب. ومسيلمة قطع جسمه حتت. قطعوا حتت كده تقطع الاغنام بعد ان تذبح وبعد ان تسلق. وهو بيقول له اتشهد ان رسول الله يقول له لا اسمع. لو انت مكان حبيب ابن زيد كنت اتكلمت ولا كنت سكت كنت صبرت ولا ما كنتش صبرت؟ لو انت مكان الناس دي كنت عملت ايه؟ لو انت مكان عبد الله ابن رواحة في مؤتة لما لقى جعفر اتقتل مطعون ان طعن في صحيح البخاري كلها من قبله كلها في وجهه. رضي الله عنه. كنت هتتقدم وتمسك الراية ولا يا عم وانا ما لي! طب ما انا على الاقل حتى في الجيش كنت هتدخل مظن الموت لو انت مكان انس ابن النضر وهو داخل في احد ولقى الصحابة بيقولوا النبي عليه الصلاة والسلام مات. كنت هتدخل ولا كت هتخرج مع الخارجين؟ احنا عايزين نسأل نفسنا هزه الاسئلة يا اخوانا احنا فعلا زي صحابة النبي عليه الصلاة والسلام مشاهد ومشاهد موضوع مشاهد ومشاهد ده لو قعدنا فيه النهاردة وبكرة وبعده وبعده. الموضوع ما بيخلصش. مشاهد من ايامنا ومشاهد من ايام الصحابة. لما فالواحد بيدخل في اي جامعة من جامعات من جامعات مصر الواحد قلبه بيتمزق على وضع الشباب. كنت لسة في جامعة كده امبارح ولا اول امبارح. حاجة يعني قريبة جدا يعني. سبحان الله! انا يعني حفلة الاغاني يعني ايه اللي الواحد حاول يدخلها كده من عدة ايام. لو شلنا المسرح بتاعها الجامعة دي قبل افسد. المناظر دي افسد. المساجد اصغر من الكافيتريات. يعني لو عشرين واحد دخلوا مسجد هيقفلوه. ولا تلاتين واحد مسجد هيقفلوه. مساجد بتخدم امم من الشباب. امم من الشباب. سبحان الله العظيم. يعني دا مشهد من حياتنا ومشهد من واقعنا تعالوا نشوف مشاهد من حياة الصحابة. لما المشاهد دي تبقى موجودة في حياتنا بقى. يعني شف فتح ربنا سبحانه وتعالى علينا. مشهد آآ مشهد ابو طلحة وهو على رجل ام سليم وبيقول لها وان منكم الا واردها كان على ربك حتما مقضيا. اخبرنا ربنا انا واردون ولم يخبرنا انا صابرون. مرعوب من على الصراط. انا عايز واحد اننا بس بكى الشهر اللي فات دهوت من الصراط لما افتكر الصراط يرفع ايده كده واحد بس اي واحد مننا كده افتكر الصراط يرفع ايده كده ويقول انا بكيت لما افتكرت مشهد عثمان ابن عفان واقف على القبر وبيقول ان امرا هذا اوله لحري بان يستعد له. لو دي بداية الاخرة يبقى الاخرة دي شكلها ايه منظره لما كان يبكي تلات تيام بعد ما يرى منظر القبر رضي الله عنه. المشاهد دي والمشاهد دي المناظر دي والمناظر دي الفجوة الهائلة يا اخواننا يعني محتاجين الطريق الى الله سبحانه وتعالى مش طريق صعب. ولا طريق معقد ولا طريق مكلكع. هو طريق عايز صدق. هو الطريق عايز واحد قلبه صادق. عايز واحد قلبه مليان بالصدق الهجرة اللي بنتكلم عنها ديت الهجرة معنى الهجر معنى الترك معنى انك تسيب المعنى اللي كل ما بتكلم شاب من الشباب وتكلمه طبعا الالتزام السؤال اللي دايما بيوقفه بيبقى سد بينه وبين الالتزام يقول لك طب بعد ما التزم هاعمل ايه ؟ هو قصده بعد ما يسيب اللي انا باعمله هاعمل ايه ؟ ايه البديل انك هتبقى صاحب رسالة لا لا لا لا انا ما بسألكش عن كده خالص. هو انا الوقتي انت فكرك ان انا هاسيب ده عشان ابقى صاحب رسالة واتشغل بها بقى وما لاقيش وقت انام زي انا دلوقتي مش لاقي وقت انام في المعصية. لا ده انا بسألك ايه المتع البديلة. انا بسألك دلوقتي ان انا دلوقتي بتمتع ايه بقى متع البديلة اديني متعة بديلة. انا باقول لك تعال شل دين. انا باقول لك تعال شل رسالة. انا باقول لك تعال خلي حياتك لها قيمة. المتعة لسة مش وقتها الوقتي النوال ده كله لسة مش وقته الوقتي. لسة ياما هتاخد بس الوقتي بقول لك تعالى خليك صاحب رسالة. خليك صاحب قضية الهجرة يا اخواني والنبي عليه الصلاة والسلام بيهاجر وربنا سبحانه وتعالى ينزل قول الله ان الذي فرض عليك القرآن مش القرآن هو اللي انت بسببه خرجت الوقتي. القرآن هو اللي هيرجعك تاني. لرادك الى معاد. هترجع تاني يا محمد بن عبدالله وهتفتح مكة مكرمة تاني ربنا بيبشره. لان لحزة الترك دي لحزة صعبة اوي على النفوس. لحزة وانت بتسيب لحزة وانت بتضحي. لحزة وانت يعني سبحان الله العظيم في كل مرحلة يا اخواني كل شوية هيعرض عليك تضحية. لو قبلتها لصالح دين ربنا هتلاقي نفسك كل شوية بتقرب بتقرب بتقرب من نموزج يعني انت بعد كده سبحان الله العظيم يا اخواني لحزة وانت بتسيب ديت لا تعلم فرح ربنا بك ساعتها. مش وانت بتسيب المباح مش وانت بتسيب اه يعني انا قصدي وانت بتسيب اللي هيشغلك عن ربنا. وانت بتضحي باللي هيعطلك عن رسالتك وعن وعن قضيتك تمرة بن جندب. تمرة بن جندب من الصحابة اللي ما هاجروش ومرض. وهو في مرض يعني زي مرض موت. يعني بعد ما الصحابة هاجروا. يقول احملوني هاجر محمول واحد مهاجر على السرير واحد مهاجر وهو متشال يموت اول ما يعدي من مكة فيتريق عليه المشركين ويقولوا يعني لو هو قاعد في مكة ومات فيها ولا هو وصل للنبي. ربنا ما سابوش انزل قرآن. لمن يخرج من بيته مهاجرا ومن يخرج من بيته مهاجرا ثم يدركه الموت فقد وقع اجره على الله. ربنا ينصره حتى بعد ما مات. من اخرج من بيت اللي قاعدين في بيوتهم قاعدين ليه؟ اللي قاعدين قدام قنوات اخبارية قاعدين ما تنزل يا ابني اعمل حاجة لدينك. انزل اتعلم دينك انزل اقعد في جماعة اعبد ربنا انزل صل رحمك انا يعني يعني الدين واسع والدين كبير انزل اعبد ربنا انزل ما تضيعش عمرك. ومن يخرج من بيته مش قاعد في بيته. قاعد بيعمل ايه في بيته عشان كده ربنا سبحانه وتعالى يعني قال البعض في قول الله في سورة الصف ومساكن طيبة في جنات عدن. قال لك طب ربنا ما قالش حور ليه؟ ربنا ما قالش انهار ليه؟ ربنا ما قالش طعام ليه؟ قال لك لان الناس ديت بتوع الصف دول رجالة الصف الاسلامي دول اللي في صورة الصف دول. دول من كتر انشغالهم بالعمل لدين الله. ما كانش عنده وقت يروح بيته زي غيره ما كانش عنده وقت ينام على السرير زي غيره. يبقى فربنا بيقول لهم يعني انت عارف هم اما اقول لك هيبقى لك بيت وهتدخل فيه ريح فيه هو المعنى ده نفسه نفسه فيه. ولكن لانه منتمي للصف. اوعوا تفتكروا يا اخواننا ان كل واحد ربى دقنه ضمن الصف الاسلامي. اوعوا افتكروا ده وهم يا اخوانا. اوعوا تفتكروا ان كل واحدة غطت وشها ضمن الصف الاسلامي. والله يا اخوانا ده انا انا اقول لكم يعني وعندي الف بينة من كتاب بسم الله والف شاهد من سنة رسول الله صلى الله عليه وسلم. اوعوا تفتكروا ان هي باللحية ولا بالنقاب ولا يا اخوانا الصف الاسلامي ده معناه انك انك طوبة في جدار لو اتشلت الجدار اتفتح حتة. اللي فيك ولو مات الوقتي الجدار بتاع الصف الاسلامي ما اتفتحش حتة ما هوش من الصف. ما يوهمش نفسه هو طوبة مرمية جنب جنب الجدار يعني يرجى لها انها تتضاف له. في موقع من المواقع انما او انها تسد اي فتحة فيه في يوم من الايام انما يا اخوانا اللي لو مات الوقتي ما فيش مكان طوبة اتشال من الجدار ما يوهمش نفسه ان هو ضمن الجدار. ما يوهمش نفسه ان هو يضاف يعني سنة او سنتين او امر او امرين من الدين. ان هو انضاف للصف الاسلامي اللي ربنا وصفه في سورة الصف. ان الله يحب الذين يقاتلون في سبيله ايه؟ صف آآ قال لك صفا هنا حال قال لك يعني مش اي يقاتلون لا صف آآ لازم تبقى جزء في منظومة العاملين لدين الله سبحانه وتعالى. انما يعني هل نحن كذلك في هذا الوقت حقا؟ احنا كده في الوقت ده بحق وحقيقي. يعني ضمرة من جندب لما مات ربنا قال ومن يخرج من بيته. مهاجرا الى الله ثم يدركه الموت فقد وقع اجره على الله. مش القضية انت من وراك سمر ولا لأ ؟ انما القضية كلها انت هجرت. انت هاجرت من المهاجرين الى الله ولا لأ ؟ انت من المهاجرين الهجرة تحية للدين دي حب للدين. اللي في قلبه عمرك ما هتفهم ابو بكر عمل كده ليه ؟ ابو بكر ايه اللي يدخله في مكان تابوت تلات تيام من من جوة حقارب هعارب وحياة ومن برة المشركين محاوطين به. لو اي ريح حركت اي حاجة ممكن قلب الواحد يقف اصلا. حرب اعصاب والنصرة دي اعمال لا تنتهي الى يوم القيامة. هيفضل يوم القيامة لازم ناس تهجر وتشيل الدين ودول يبقوا الابطال والقمم. وناس تنصر اللي هاجرم تساعدهم وتعينهم وتلتف حواليهم وتقيدهم وتأزرهم وتشد ضهرهم وتنفق على نشاط الدعوة لازم يا اخوانا الدين هيقوم على الهجرة والنصرة انت دلوقتي تبع الهجرة ولا تبع النصرة؟ تبع اعمال المهاجرين؟ ولا تبع اعمال الانصار؟ الاتنين مع بعض خلاص. كملوا بعض. انت في انهي جزء من هذه المنظومة؟ لما صهيب الرومي رضي الله عنه هاجر وساب ثروته ربنا انزل في كتابه قول الله سبحانه وتعالى ايه؟ ها ومن الناس من يشري نفسه ابتغاء مرضات الله. يشري دي لما تيجي في القرآن اعرف ان يعني ايه الحاجة بضاعة يعني المذكورة ما لهاش قيمة. يعني ايه ما لهاش قيمة؟ يعني شراؤه بثمن بخس عايزين يخلصوا منه. اللي شافوه في الطريق بقى من ايات ربنا عايزين منه يجري نفسه دي يعني شايف ان نفسه دي ما لهاش قيمة. انا قيمتي ايه يا رب؟ انا يا رب ما ليش قيمة اديناك هو اللي له قيمة. دينك هو اللي عظيم عراية الاسلام هي العظيمة انا روحي دي ما لهاش قيمة. الواحد بيتعجب من ان يحيى ابن زكريا يحيى ابن زكريا قتل عشان جوازة حرام. جوازة يا عم ما يزنوا ولا يخبطوا راسهم في الحيطة ده انت نبي. ما فيش الكلام ده يا اخواننا. كل حياة في سبيل الله فهي عظيمة. وكل موتى في سبيل الله فهي عظيمة. واحد بيستعجب من آآ سمية رضي الله عنها. اما بصقت في وش ابو جهل قام قاتلها. الله! طب يعني ما حدش قال تهور ليه بيشتم النبي ما عرفتش تمسك مشاعرها بصقت في وشه اتجنن ازاي تبصق في وشي انا! قام طاعنها قاتلها. كان ممكن يتقال ايه ده! وكانت تمسك وكان معلش يا اخوانا الدين ده مشاعر. اللي ما عندوش مشاعر ده حظه ايه من الدين. الدين ده كمية من العواطف. كل واحد فينا حزه من الدين على قد كمية العواطف اللي في قلبه تجاه ربنا. لما بتخرج في الشارع وتشوف ربنا بيعصى. اللي في قلبك ايه؟ ده دينك. كل واحد فينا لما التلت الاخير بيقرب مشاعرك دي دي دينك. الدين بتاعنا ده دين مشاعر. دين عواطف. دين عواطف. دين انك انت يبقى قلبك مليان انفعال في صالح دين ربنا مشاعر تجاه الله. مشاعر تجاه الناس. مشاعر تجاه اخوانك اللي حواليك. مشاعر تجاه قضايا الامة. مشاعر تجاه ايات القرآن مشاعر تجاه النبي عليه الصلاة والسلام والصحابة. مشاعر كل واحد فينا بقى حظه من المشاعر ايه؟ يعني دي قضية من اخطر القضايا ان قلبك يتدفق بمشاعر القرآن والسنة. وانت بتقرا القرآن كده كل اية بتضيف في قلبك معنى ايماني جديد. لحد ما قلبك تبقى بركان المشاعر بيغلي من جوة يعني ده دين ربنا فسوماها لما بصقت على ابو جهل. ما حدش قال متهورة. ده قالوا اول شهيدة في الاسلام ليه ؟ مشاعر. مش قادرة تسكت. مش قادرة تسمع النبي عليه الصلاة والسلام بيشتم وتسكت. ما يقدرش انه يشوف ربنا بيعصى ويسكت. ما يقدرش انه يشوف حدود ربنا بتنتهي ويسكت ما يقدرش انه يشوف دين ربنا بيظلم ويسكت على هذه المشاعر قامت الهجرة. اللي عنده المشاعر دي هو اللي هاجر. طب اللي ما رضاش يهاجر نزل فيه برضو قرآن. يعني هجرة النبي نزل فيها قرآن! النبي عليه الصلاة والسلام اه ان الذي فرض عليك القرآن لردك الى ميعاد. وهجرة صهيب نزل فيها القرآن اه ومن الناس من يشري نفسه ابتغاء مرضات الله. اي انا يا رب ادفع اي تمن بس ترضى يا رب. وهجرة ضبرة ابن جندب اللي مات في الطريق نزل فيها قرآن اه فقد وقع اجره على الله. واللي ما هاجرش نزل فيه قرآن اه الله! هي الهجرة مهمة للدرجة دي! هي الهجرة حدث عظيم للدرجة دي! لدرجة ان كل الايات دي تنزل فيها اه ان الذين توفاهم الملائكة ظالمي انفسهم قالوا فيما كنتم ايه اللي جابكم هنا؟ انت عارف لو النبي دلوقتي عليه الصلاة والسلام فنزل فلقى ناس في ميدان التحرير. قاعدة بتجهر بالحق في وجه الظالمين. وكل واحد له نيته. انما بتكلم على الصالحين اللي نازل بنية انه يهجر الحق في وجه الظالمين. ونزل لقى انس قاعدة في درس ديني. يعني ايه؟ لعل ربنا يرزقها كلمة تنتفع بها في دينها. فتقبل على الله اكتر واكتر. ونزل ونزل شوية ناس قاعدين قدام قناة الجزيرة قاعدين يتفرجوا هيقول لهم ايه ؟ فيما كنتم ايه اللي انتم فيه ده! الله! يا تنزلوا يا ابني تعبدوا ربنا يا تنزلوا تدعوا الى ربنا يا تنزلوا انما فيما كنتم فيما كنتم دي كلمة استنكار ايه اللي انتم فيه ده! اللي ما بيشتغلش لدين ربنا الوقتي اللي مش واقف على ثغر النبي عليه الصلاة والسلام قال اول من يدخل الجنة من خلق الله فبيجيب وهو بيقول شروطهم عليه الصلاة والسلام قال الذين تسد بهم الثغور. النبي ما قالش في ثغرة اعظم من ثغر. ما قالش في حاجة اعظم من حاجة. انا الوقتي بدي الدرس. ده صغر ولا لأ؟ طيب واخونا اللي بيصور الدرس ده صغر ولا لا طب لو ما كانش صوره؟ ممكن اصلا معزم اللي هيسمع الدرس ده هم اللي ما حضروهوش. هيسمعوه بسبب التصوير بتاعه. احيانا دعوة الداعية بتبدأ بعد موته اصلا ممكن درس انت اديته اسره بعد ما انت تموت بقى الناس تبدأ تسمع لك. والاسر يبدأ ييجي. طيب ايه اللي يبقى كل واحد كل واحد له فقر يا اخوانا. ما فيش حد ثغره هم من حد. الذين تسد بهم الثغور زي ما باقول لكم يا شباب. كل حياة في سبيل الله عظيمة. اللي يحرس اعتكاف سغرة عظيم. اللي بيجيب الطعام والشراب لناس معتكفة صغر عظيم. اي حاجة بقى اللي بيحفظ اطفال. اللي بيحفظ قرآن. اللي المهم ان انت يبقى لك ثغر في دين ربنا سبحانه وتعالى. طيب واللي اتأخره في الهجرة؟ اتأخروا وهاجروا ووصلوا المدينة. عارفين دول لما هاجروا بعد سنة سنتين بقى بعد سنة سنتين لما هاجروا فلقوا الصحابة بقوا علماء اصل في مكة. السور كلها بتتكلم عن الجنة والنار والقيامة. والجنة والنار وعظمة ربنا ربنا ما فيش احكام. المدينة بقى احكام وراء بعض وراء بعض وراء بعض وراء بعض. نزلوا لقوا البقرة نزلت ولقوا لقوا. فبدأوا. فلو الصحابة بقوا علماء وهم يا عيني غلابة. اتأخروا سنة سنتين يخلصوا اوضاعهم المالية. والدنيوية فلما راحوا لقوا الصحابة بقوا علماء. اتسبقوا وفي زمان عارف لما واحد صاحبك يكسل مسلا ولا يقول لك انا مسافر عقد مسلا تمان سنين يرجع يلاقيك بقيت داعية ويرجع يلاقيك ما شاء الله قولوا انا ما كنتش اعرف ان في حد ممكن يعيط من الفرحة. ابو بكر فرحان ليه يا اخوانا ويا اخواتنا؟ ابو بكر عارفين فرحان ليه؟ دي اللحزة اللي من تلاتاشر سنة ورقة ابن نوفل قبل ان يموت تمناها. لما قال يا ليتني كنت فيها جذعا اذ ايه التزموا على ايدك فهو بيبص كده فيقول يا ندمي! ده احنا كنا على طريق ده انا كنت احسن منه اصلا. ده انا كنت اكثر تأثيرا منه في الدين. فلما عملوا جراحهم ولقوا كده فكادوا ان يفتكوا بازواجهم واولادهم. لان هم اللي عطلوهم. اه هم اللي مسكوا فيهم قالوا لهم لأ. الدنيا لو المصالح فانزل الله سبحانه وتعالى في اخر سورة التغابن. اللي هي فيها الناس اللي غبنوا بقى في الصفقات. الناس اللي ما حسبوهاش صح. فانزل الله يا ايها الذين الذين امنوا ان من ازواجكم واولادكم ها عدوا لكم فاحذروهم. مش عداء يعني عايزين يقتلوك. لأه ده حبهم للدنيا ممكن يشد بعيد عن الدين ويفتنك عن دين ربنا وان تعفو وتصفحوا وتغفروا بقى فان الله غفور رحيم. انتم اللي انتم انتم اللي اصلا ما رضيتوش انكم ضحوا جاي الوقت تمسك في مراتك وولادك ليه ؟ انت اللي عملت كده خلاص بقى ان تعفو وتصفحوا. فالهجرة كان حدث خطير جدا. ربنا انزل قرآن في اللي سافر انزل قرآن في اللي ما يسافرش. وانزل قرآن في اللي سافر ومات. وانزل قرآن في اللي اتأخر. عشان الحدس ده القرآن يغطيه اعظم. اعظم تغطية وتبدأ لحظات الهجرة. ويكون اول من يصرخ بها ابو سلمة. بعد كده صهيب. بعد كده عمر. ويتوالى الامر صحابي ورا صحابي وكانت الهجرة فردية لان خطر انه يتشاف ناس مع بعضهم اصلا خطر ويعلم المشركين ان النبي عليه الصلاة والسلام لو يخرج لهم خلاص بقت مصيبة. خلاص كده اتلموا مع بعض. ما عدناش هنعرف نوقف الزحف الاسلامي. الزحف الاسلامي لازم يقف. خدوا بالكم يا اخواني الحرب على الصف الاسلامي كله كوم والحرب على قادة الصف الاسلامي كوم. خدوا بالكم يا اخواني. الحرب على الصف كله حرب مهولة وان كان مكرهم لتزول منه الجبال. والحرب على قادة الصف الاسلامي حرب تانية ليه؟ لانهم عارفين ان صف مستعد يضحي عشان الدين مع مستعدية تضحي عشان الدين الاتنين مع بعض بقت ايه ؟ بقت كارثة. عشان كده يعني الواحد الوقتي لما تشوف مسلا احد مسلا الشيوخ مسلا زي الشيخ حازم صلاح ابو اسماعيل مسلا. خد موقف مسلا في موضوع التحرير. ممكن يكون البعض مختلف معه. حتى لو مختلفين معه نبقى حواليه برضو. حتى لو مش موافق عليه ما انساه حد فينا ابدا. ما نسيبش حد فينا لاهل الباطل يبقى واقف لوحده ابدا. كلنا في ضهره. حتى لو مش موافق على اللي هو عمله. ما نسبش حد فينا ابدا. لانه هيلاقي واحد لوحده هيستفرد به بقى. هتبقى مصيبة. يبقى ازا يا اخواني لازم كلنا نبقى مع بعض لازم كلنا ننصر بعض. لازم كلنا يبقى عندنا ايجابية في نصرة دين ربنا سبحانه وتعالى. وتأتي يعني يعني عند المشركين يعني لحظات سوداء. طب هنعمل ايه قرروا في هذا الوقت انهم يعملوا اجتماع طارئ. الاجتماع كان قبل الضهر. قبل الضهر يعملوا اجتماع طارئ ويجتمعوا هنعمل ايه مع محمد ابن عبدالله؟ لو لحق باصحابه خلاص بقت كارثة. القرار هيتقتل امتى الليلة ما ينفعش نستنى يوم واحد. الموضوع ما فيش فيه انتظار. ازاي بسيطة زي شتيمة حكم النبي عليه الصلاة والسلام في الدنمارك. لما صحف اوروبا كلها في يوم واحد قامت ناشرة الرسوم المسيئة للنبي. اخبطوا راسكم في الحيطة بقى يا مسلمين. هتشتموا في جرايد فرنسا ولا جرايد الدنمارك ولا جرايد ايه ولا قرارات الاتحاد الاوروبي اخبطوا راسكم بقى. اهو ده الفكر بتاع اهل الباطل. نوقف راجل من كل قبيلة يضرب محمد ابن عبدالله عليه الصلاة والسلام ضربة واحدة يتفرق دمه بين القبائل هيعملوا ايه بقى ؟ خلاص هيحاربوا جزيرة العرب لا يمكن خطة شيطانية وينزل جبريل الى رسول الله صلى الله عليه وسلم لازم يهاجر حالا. لازم حالا محمد في جزيرة العرب مطلوب حيا او ميتا. لازم يهاجر حالا لان خلاص انا عايزك تتخيل بس الموقف العجيب جدا اللي الواحد يعني سبحان الله يعني فعلا يأسر في اي قلب حي لما النبي عليه الصلاة والسلام فجأة راح لابو بكر يلا يا ابو بكر. طالعين على الهجرة. انا عايزك تتخيل. يعني مش يلا مسلا رايحين ايه ؟ تعال ننزل مسلا مشوار ندعو الناس مسلا شوية كل حاجة. تعالى نروح ندوة دينية ونرجع. تعالى ياللا هتسيب الدنيا كلها. يعني ملك الموت يا اخوانا ممكن يعني اي حد مننا ينزل الموت يللا هتسيب الدنيا كلها بس غصب عنك هتلبي. انما انك باختيارك فجأة تسيب كل حاجة. ابو بكر لما النبي عليه الصلاة والسلام راح له. عليه الصلاة والسلام وقال له يعني ان هو ان هو سيهاجر فابو بكر بكى. السيدة عائشة بتقول ما كنت اعلم ان احدا يبكي من الفرح قبل اليوم اذ يخرجك قومك. لحظة الاخراج ده ايه! اللحظة اللي ورق ابن نوفل تمناها تمنى انه يبقى موجود في اللحظة دي بالذات. دي التضحية دي بقى يعني ورقة ابن نوفل ما قلتش يا ليتني كنت معك استنصر اذ يفتح الله عليك. اذ يخرجك قومك اشمعنى يا اخواننا اذ يخرجك قومك؟ يا اخوانا اللي بيحب الدين ما بيفكرش انا هاخد ايه. ما بيفكرش. مين؟ مين يعني هو ممكن الواحد يمشي في الطريق ده ويفكر انا في يوم من الايام هاخد ايه كل تفكير اللي بيحب الدين ده انا هادي ايه. انا هاعمل ايه ؟ هو الاب وهو بيجري عشان يأكل ابنه. والام بقى بتجري عشان ترعى ابنها. هم فكروا هيدينا ايه ؟ هم كل تفكيرهم يكبر ازاي ؟ ويوصل لايه ؟ ويقف على رجليه ازاي ؟ مع كل لحظة نمو قلبهم بيرقص من اللحظة اللي بدأ ينطق فيها. اللحظة اللي بدأ يمشي فيها. اللحظة اللي راح الحضانة فيها. اللحظة اللي راح المدرسة فيها. اللحظة اللي طلع الاول فيها اللحزة اللي دخل الجامعة فيها. اللحزة اللي خد الشهادة فيها. اللحزة اللي اشتغل فيها. اللحزة اللي اتجوز فيها. اللحزة اللي خلف فيها. مشاعر قهرية اي تجاه ابنهم بتخلي قلبهم يرقص مع كل لحزة نمو في حياة ابنهم. انت الوقتي المشاعر دي في قلبك تجاه دينك كان زمان الواحد يقول للناس لازم نضحي عشان دين ربنا. لحد ما الواحد اكتشف ان التضحية دي حاجة لا يدعى اليها. دي حب اللي بيحبه هو اللي عارف يعني ايه تضحية؟ اللي ما بيحبش ده لو انت ادنت قدامه ما هوش فاهم انت بتقول ايه اصلا. زي بالزبط اما واحد يعدي كده في الجامعة يلاقي واحد واقف ست ساعات على رجليه وقعد يكلم واحدة. وكل العيال قاعدين يتريقوا عليه. والبنات يتريقوا عليها. هو بيحب حب حرام بس هو بيحب هو ما حدش هيفهم التضحية اللي هو مضحي بها ديت. والست ساعات اللي واقفة من غير دهب غير اللي هيحس باللي هو فيه. يبقى الوقت يا اخواننا يعني انا عايز اقول لك ان مهولة. حرب اعصاب رهيبة. تخيل انك في المكان بتاع صدام حسين دهوت اللي اتقبض عليه فيه تلات تيام. والناس حواليك وانت مع اي حركة تريح قلبك بتتخلع ده اصلا لو هم مشوا وما لقوكش انت هتموت بسكتة قلبية بعدها. ايه ايه اللي خلاهم يستحملوا ده؟ ايه اللي خلى علي ابن ابي طالب الموقف البطولي الغريب علي ابن ابي طالب ما كانش مهمته في الهجرة ان هو ينام مكان النبي كده وخلاص يعني ايه ينام مكان النبي؟ هو ايه قصة ينام مكان النبي عليه الصلاة والسلام. هي مش قضية ان واحد ينام. قضية ان هم لما يحاصروا بيت النبي عليه الصلاة والسلام لازم يتهيأ لهم ان النبي نايم جوة. هيبصوا يلاقوا النبي عليه الصلاة والسلام نام جوة مش هيهجموا على البيت ليه ؟ لان مروءة العرب ان ما ينفعش بيت فيه نساء يهجم عليه. يبقى ما ينفعش هم هيستنوا ، هم احنا واقفين مستنيين اهو سيدنا علي بن ابي طالب نايم في السرير ما هو النبي عليه الصلاة والسلام لازم يخرج وما حدش يعرف انه خرج عليه الصلاة والسلام. لازم يكون بعد اكبر مسافة فممكنة قبل ما يكتشفوا انه خرج والا هيلحقوه. فكان لازم حد يأخر معرفتهم ان النبي عليه الصلاة والسلام خرج. الخطة ايه ان حد ينام مكان النبي غطى تماما. فهم يبصوا والنبي نايم. النبي نايم. النبي نايم اربعة وعشرين ساعة يتأخر معرفتهم ان النبي عليه الصلاة والسلام خرج من مكة. عشان كده النبي خرج معهوش اكل ليه؟ ليه اسماء كانت بتروح بتهدي لهم الاكل؟ ما هو ما ينفعش تسق في اي حد. سر من اخطر اسرار الامة اؤتمن عليه بنت عندها سبعتاشر سنة في امرأة عندها سبعتاشر سنة. سر من اخطر اسار الامة. مين مننا الوقتي ان الرجالة يؤتمن على هزا السر؟ تخيل! النبي ما كانش ينفع ياخد معه اكل ليه ؟ ما هو السبب اللي الصحابة ما قدروش يبيعوا بيوتهم عشانه. هيعرفوا انه خارج. واحد هيقول لهم ده انا شفت محمد ابن عبدالله وشايل شنطة اكل معه يبقى خارج. النبي ما خدش معه دب لما النبي ادى الدواب لعبدالله ابن اريقط كان بعد تلات تيام هيقابلهم بها. طب هيفضل تلات تيام على رجليه ليه؟ يا اما مختبئ في الغار يا اما على رجليه لانه لو خرج على راحلة هيعرفوا انه خارج. طب خرج معهوش سيف ليه ؟ ما هو شوية وسراقة ابن ما لك هيطلع عليهم بسيف. لانه لو بجنونية مكافأة ميت ناقة للي يجيب محمد ابن عبد الله حيا او ميتا. ثروة كده زي ما امريكا دلوقتي تقول لك خمسين مليون دولار للي هيدل على فلان ولا مية وخرج بصفة يعرفوا انه مستحيل. النبي عليه الصلاة والسلام كان خارج مع ابو بكر كأن اتنين بيتمشوا كده. كأن اتنين رايحين مشوار بس. منزر ليس فيه اي ريبة طب النبي خلى ابن قريب كنت يجيب جملين ليه؟ ما خلاهوش يجيب حصانين ليه؟ حصانين بدل ما النبي كان يقعد خمستاشر يوم في الطريق. كان النبي عليه الصلاة والسلام خلاص الطريق نجس في يومين وخلصت لان النبي عارف انه هيفضل مهدد طول الطريق. منزر احصنة معناها ناس بتهرب وبتجري من حاجة. لازم يبقى منظر جمال المشية بالراحة خالص عشان ما فيش اي حد في العرب يشك ان دول محمد وابو بكر. قضية كبيرة جدا رحلة خطيرة جدا. رحلة من اخطر ما يكون. علي ابن ابي طالب رضي الله عنه. يعني نقول يعني الامة الوقتي مجتمعة ما تقدرش حصل عمل صحابي واحد من صحابة النبي عليه الصلاة والسلام. هاتوا لي عملنا كلنا وحطه في الكفة التانية في الميزان نومة سيدنا علي مكان النبي عليه الصلاة والسلام. هاتوا لي شغلنا كلنا وحطوا في الكفة التانية مسكة خالد ابن الوليد تسع سيوف يوم مؤتة. هاتوا لي شغلنا كلنا وهاتوا لي عمل طلعت اسماء الجبل وهي حامل في الشهر التاسع. وهجرتها بعد كده الخمسميت كيلو ديت وتلت سيدنا عبدالله ابن الزبير على ابواب المدينة المنورة هاتوا الاعمال دي كلها قصاد عمل واحد. شوفوا الاعمال بتاعتنا تجيب عمل واحد ولا ما تجيبش عمل واحد. سيدنا علي بن ابي طالب كانت مهمته مش انه ينام بس. مهمته يحسبوه النبي. خدوا بالكم يا اخواني. فيه فرق بين ان مهمتي ان انا انام. ومهمتي ان لازم يحسبوني النبي. طب عشان يحسبوني النبي لازم ايه؟ لازم لو ضربوني حجارة ما تتحركش. لازم لو ضربوني بالسهام ما اتحركش. ليه ؟ لان لو اتحركت وسمعوا صوتي ولا شافوا شكلي عرفوا ان انا مش النبي. لازم يفضل صابر. ولازم يفضل صامد رضي الله عنه وسلاما على عباده الذين اصطفى. اما بعد فنسأل الله ان يشفي مشايخنا وعلماءنا. يعني فضيلة الشيخ ابو اسحاق وفضيلة الشيخ محمد حسان. يعني الواحد بيستشعر يعني لو الناس دي حصل لها حاجة قول الله واني خفت الموالي من ورائي. يعني مين اللي هيشيل بعد كده؟ مين اللي هيشيل؟ مين اللي هيشيل الدعوة بعد كده؟ سبحان الله حسبنا الله ونعم الوكيل. يعني كنا بنتحدث اخواني في الله في مسألة الهجرة الهجرة الى الله. الهجرة الى الله باب الهجرة الذي لم يغلق. الهجرة الى الله والنبي عليه الصلاة والسلام علي ابن ابي طالب ينام مكانه كانت مهمة علي ابن مهمة علي ابن ابي طالب انه لو قذف بالحجارة والسهام ما يتحركش. لازم يفضلوا بيحسبوه سيدنا محمد لحد الصبح ما يطلع. ابو بكر الصديق خد كل المال بتاعه. كل المال بتاعه وطلع مع النبي عليه الصلاة والسلام. طب ماذا تركت لاهلك تركت لهم الله. تركت لهم الله اموال الصديقين واموال القارونيين. سيدنا آآ سيدنا ابو بكر الصديق يا اخوانا طلع ما له كله لله قارون يا اخواننا هل فيه اية او حديس بتقول ان قارون كان ما له حرام؟ جه من حرام؟ لأ. طب هل فيه اية او حديس بتقول ان قارون كان بيصرف ما له حرام لأ الله! امال قار ما له ودخله جهنم ليه ؟ لان يا اخوانا قضية ان ما لك ده نعمة لمن اوتي المال لو ما منه في الدعوة الى الله. دي في حد زاتها عايز تحشر مع ابو بكر الصديق ولا مع قارون. قضية ان المال ده من اخطر الحاجات اللي ممكن ربنا ينصر بها الدعوة الى الله. ابو بكر الصديق طلع ما له كله في الدعوة الى الله. وهو مهاجر مع النبي عليه الصلاة والسلام. النبي كان جنبه الكعبة اللي الصلاة فيها بميت الف الف صلاة ومع زلك راح المدينة المنورة اتحرك عشان الدين يبقى معنى كده ان الحركة لنصرة الدين اعلى من ثواب الصلاة عند الكعبة لان الموضوع لو مجرد صلاة بالسواب يبقى سواب الصلاة عند الكعبة بميت الف. طب النبي هيسيب ميت الف صلاة غير عشان الاعلى يبقى الحركة للدين اعلى ثوابا من الصلاة بميت الف صلاة. الحركة لدين الله سبحانه وتعالى. بعد كده النبي عليه الصلاة والسلام اول ما قريش تكتشف انه مش موجود ياخده سيدنا علي يجرجروه لحد الكعبة. ويعذبوه عشان يدل على النبي عليه الصلاة والسلام. طبعا سيدنا علي لا يتكلم تبدأ مليون دولار للي هيدل على فلان. ورصد اعظم محترفي قص الاثار في العرب عشان يرصدوا خطوات النبي. والنبي عليه الصلاة والسلام وهو في الغار التابوت الصغير ده اللي قعد فيه تلات تيام ما يخرجش ما تخيلوا في لحظة يلاقي فاصل اثار المحترفين عند المكان دهو. ابو بكر الصديق بيقول له يا رسول الله لو نظر ده بصة واحدة بس احدهم مش كلهم واحد منهم بس يبص تحت الذكر اهو لرآنا. يعني عارف يعني انا عايزك تجيب المنظر ده كده يعني ايه لو نظر احدهم تحت قدميه لرآنا؟ يعني الرجل الطيب ده تعال اقعد عندي قدام هنا اهو ها لأ انت اقعد كده اهو وانا واقف اهو لأ اقعد تحت كمان شوية انت ما شاء الله انت انت نزلت تنفعل بقوة دي. لأ لو لو هنا يعني مسلا فانا لو بصيت كده هشوفه. تخيل المنزر شكله لو نظر اخطر موقف مر بالدعوة الاسلامية في تاريخها. اخطر موقف مر بالدعوة الاسلامية كلها. وقصاص الاثار المحترفين محاوطين بالغار بكر بيقول للنبي عليه الصلاة والسلام لو نظر احدهم تحت قدميه لرآنا والنبي عليه الصلاة والسلام بيقول له اسكت ابا بكر اسكت ابا بكر ما ظنك باثنين الله ثالثهما. ده احنا معنا ربنا ليه؟ انا اللي جابني المكان ده ربنا. اللي حطني في الحتة دهيت هي دين ربنا سبحانه وتعالى. ربنا يسيبني! انا بانصره وربنا ما ينصرنيش! مش ممكن يا اخواننا! مش ممكن! لما تشتغل في الدعوة الى الله وتشوف النصرة اللي بيعمل لدين ربنا سبحانه وتعالى تقول سبحان الله! ما هو اللي هينصر دين ربنا ربنا. ربنا سبحانه وتعالى هينصره. انا عايزك تتخيل الوقتي بقى بعد الموقف بتاع ابو بكر ده والشيعة يشتموا في سيدنا ابو بكر. اما سيدنا ابو بكر ينصر النبي ويفضل مع النبي عليه الصلاة والسلام في موقف زي ده هو ها انا عايزك تتخيل الشيعة دول عقولهم فين ؟ اما يشتمهم في اللي استحمل عشان دين ربنا؟ هذا التحمل رضي الله عنه وعن الصحابة اجمعين ان انا عايزك تتخيل يقين ابو بكر وهو خارج من الغار. يعني اللي بيعيش عشان الدين يا اخوانا ويدخل الازمات عشان الدعوة. لان طريق الدعوة فيها ازمات كتير. ساعة ما ييجي الفرج وهو خارج يقينه وشكله ايه. ساعة ما بينزل النصر والفتح يقين وشكله ايه. اليقين ده ما بيتحصلش غير كده. غير انك انت انصر دين ربنا ودعوة ربنا النبي عليه الصلاة والسلام تلات تيام يعدوا وهو لسة على حدود مكة وما حدش عارف. ما حدش عارف انه لسة لحدود مكة. يأسوا انهم يدوروا ايه بقى كل الحرب دلوقتي على الخمسمية كيلو اللي ما بين مكة والمدينة عيون في كل مكان مستنية اي اثر لاتنين طالعين في هذا الطريق. انا انت عايزك تتخيل والنبي عليه الصلاة والسلام بقى لما ينطلق وهو في الطريق والنبي سلك طريق عكس الطريق اصلا اللي موجود الطريق المأهول يعني. عليه الصلاة والسلام والنبي منطلق في الطريق ويلاقي سراقة ابن ما لك وراه. وهو منطلق بالسيف. النبي كل اللي في قلب النبي عليه الصلاة والسلام طول الطريق ان الله معنا ان الله معنا جوة الغار ان الله معنا في الطريق ان الله معنا. هو ده طريق الدعوة. قال لا تخفا. قال كلا ان معكم مستمعون معكم انا معك طول ما انت مع ربنا سبحانه وتعالى. ربنا بيقول لك انا معك طول ما انت مع الدعوة الى الله. النبي عليه الصلاة والسلام لما ييجي موقف سراقة ابن ما لك وهو في وسط في الصحراء وفي وسط المطاردة وسراقة ييجي يهجم على النبي تسيخ اقدام الفرس يعني سبحان الله! يعني يرجع تاني وبعد كده تسير اقدم الفرس فسراقة! طب انا كانوا هيدوني ميت ناقة! انت هتديني ايه! يعني انا عايزك تتخيل والنبي عليه الصلاة والسلام بيعدوا بسواري كسرى! النبي وعد ابو جهل وابو لهب بكنوز وعروش قصر كسرى وقيصر ما صدقوهوش خلاص اترموا في القليب. خلاص ما عدش لهم اي قيمة. الراجل الاعرابي البسيط ده بدأ النبي عليه الصلاة والسلام وبعد سنوات وهو بيلبس ورا الكسرة لما صدق النبي خد الوعد بتاع النبي عليه الصلاة والسلام ولكن هؤلاء الجهلاء ما صدقوش ما تصدقوش رسول الله صلى الله عليه وسلم. يعني اللي كان في قلب سراقة والنبي في وسط المطاردة دي كلها وفي وسط طلبه دي كلها. وبيقول له هديك سوارة كسرى يعني يعني ازاي؟ يا اخوانا لازم يبقى عندنا يقين في وعود الدين الدين ده هينتصر. الدين ده هيقوم. الدين ده الركن التاني من الدعوة دعوة غير الراغبين. اللي عنده دور برد عارف ييجي للدكتور يقول له عالجني. انما اللي عنده سرطان ده لازم الدكتور هو اللي ينزل له. لازم الدكتور هو اللي ينزل لحد ما كل مساجد مصر داهيت مش هيبقى فيها مكان في درس ولا في صلاة. لحد ما الناس هتقبل الناس هتملى الشوارع اضعاف مساحات المساجد. ومش هيبقى لسة فيه مكان. وهتشوفم لان طالت بنا حالة نرى هذا. دين ربنا قادم قادم. ودين ربنا منتصر منتصر وربنا سيد كل مرة بعد الادان بنقول اللهم رب هذه الدعوة التامة. الدعوة دي هتتم هتتم. ونصرها يتم هيتم بازن الله سبحانه وتعالى ولازم يبقى عندنا هذا اليقين. الصحابة رضوان الله عليهم وهم قاعدين في المدينة مستنيين النبي عليه الصلاة والسلام خمستاشر يوم من خروج النبي ولسه علي بن ابي طالب اللي نام مكان النبي وصل وهو لسة ما وصلش. عليه الصلاة والسلام. انا عايزك تتخيل لحظة ما النبي يدخل المدينة. اللحظة الاخيرة سلمان بعد ما لف في الارض هيلاقي هيلاقي اللي هيوصله لربنا. اللحظة اللي عبد الله ابن سلام اخيرا حبر اليهود هيلاقي حد يوصله لربنا. اللحظة اللي بقى لنا فيها دولة اللي اخيرا بقى الاسلام له دولة اللحزة اللي احنا لحد دلوقتي بعد تمانين سنة لسة بنحلم بها. ان فيه دولة تقوم على شرع الله. ودولة تنصر دين الله. ودولة رسالتها نشر شريعة الله في الارض. اللحزة ديت خديجة ماتت بعد اكل الورق الشجر تلات سنين وما عاشتهاش اللحظة ديت سمية طعنت قبلها بعشر سنين وما شافتهاش. اللحظة ديت صحابة كتير اتقتلوا قبل ما يشوفوها. وضحوا كلها عشان اللحظة دي تيجي. ما شفوهاش. اللحظة ديت خباب يوم ما دخل على النبي عليه الصلاة والسلام في الكعبة. وهو يقول له الا تدعو لنا الا تستنصر لنا والنبي قال له ليتمن الله هذا الامر ولكنكم قوم تستعجلون. استعجال اللحظة دي يا اخوانا عشان نوصل لها وعايزين وحياة اللي الصحابة ضحوها في هذا الطريق وضحوها في هذه الرحلة. يوم ما يبقى ان في الناس اللي هتضحي عشان دين ربنا كده دين ربنا هيقوم. لان دين ربنا ده وشرع ربنا ده كنز غالي جدا. ربنا مش هيديه لاي حد. ربنا مش هيمكن لاي حد. التمكين امانة عظيمة. ربنا هيمكن اللي عاشه عشان الاسلام. ومستعدين يموتوا عشان الاسلام وصول النبي عليه الصلاة والسلام للمدينة المنورة. بعد رحلة الهجرة الخطيرة اللي فضل خمسميت كيلو مطارد فيها هذه المطاردة الرهيبة. النبي عليه الصلاة والسلام للمدينة المنورة كان انقاذ للعالم كله. الناس مستنية ناس مستنية كل واحد يخرج يدعو الى الله. الناس مستنية خمسة ونص مليار كافر على وجه الكرة الارضية. كل سانية بيموت اتنين. كل بيموت اتنين على غير لا اله الا الله. الى اين يذهبون اللي مات وهو بيقول لا اله الحياة مادة. اللي مات وهو بيسجد لفار. اللي مات وهو بيتبرك ببول بقرة. اللي مات وهو بيسجد في صليب اللي مات وهو بيعادي الله وبيقول ربنا ما له امال الناس دي متى سيصل لها الدين؟ وعلى يد من سيصل لها الدين اخواني في الله الدعوة الى الله. لو اتحولت الى دعوة الراغبين بس ما هيش اسمها دعوة. الدعوة الى الله لو بقت دعوة مساجد وقنوات فضائية اسلامية ومواقع نت اسلامية دي مش اسمها دعوة ولا تنفع دعوة. الدعوة لو ما نزلتش لغير الراغبين للي ما سمعوش اصلا عن الدين في المجتمع يبقى اسمها دعوة. قال تعالى يا ايها الرسول بلغ ما انزل اليك من ربك. ايه البلاغ ده؟ انك تبلغه لحد عنده زي ما باقول لك بلغ الجواب فلان يبقى روح له لحد عنده. مش استنى وهو يجي لك. هو ده يبقى بلاغ! بلغ ما انزل اليك من ربك. طب البلاغ ده عبارة عن ايه؟ الايات نوعين. ايات بتخاطب الراغبين يعني سب كي نسبحك كثيرا ونذكرك كثيرا. وايات بتخاطب غير الراغبين. بتعرفهم. بتعرفهم انهم لازم يفوقوا ويستيقظوا. لو انت دعوتك بس ان كلمة في مسجد ان آآ ان خلاص يبقى الدعوة كده ماتت يا اخوانا. الدعوة لازم تنزل للي ما سمعش عن الدعوة لازم تنزل في كل النوادي والاصوات والشوارع وكل مكان ربنا بيعصى فيه ولا يذكر الله سبحانه وتعالى فيه. عشان كده ربنا بيقول له وان لم تفعل فما بلغت تلاتة لو ما نزلتش للناس يبقى دي مش اسمها دعوة. لو الدعوة بقت بس دعوة ميكروفون والكاميرا يبقى دي مش اسمها دعوة. دي دي دعوة الراغبين جزء من الدعوة. ولكن الركن لازم هو اللي يصلي وان لم تفعل فما بلغت رسالته. طب يا رب لو نزلت للناس ده ممكن يقول لي كلمة وحشة وده ممكن يعني يعني يكسفني والله يعصمك من الناس بقى ما لكش دعوة. ما لكش دعوة ربنا ينصرك وربنا يحفظك وربنا هيرفعك اخواني في الله. يعني الدين ده في رقبتنا الهجرة اللي احنا معاها هزه الايام اللي احنا في اللحزة ده يمكن من الف ربعمية تلاتة وتلاتين سنة كان حبيب الله محمد صلى الله عليه وسلم يعني في الموقف اللي احنا قاعدين عنه بقى لنا ساعة ده كان في هزه الاحداث عشان دين ربنا يوصل وعشان دين ربنا ينصر. لو ما قامتش النمازج دي تاني الدين ده مش هيقوم تاني على ايديه ربنا هيبعس ناس تجدد البطولات دي تاني ويفتح على ايديها تاني. انما لو انتم ما عملتوش كده يبقى انتم مش اهل النصرة اللي ربنا سبحانه وتعالى وعد بها من يضحي لاجل دين الله سبحانه وتعالى. يعني القضية آآ يعني القضية قضية كبيرة والموضوع كبير. واللي يقرأ القرآن المدني يعرف ان معظمنا للاسف دين ابو بكر وعمر بالنسبة له يعني معظمه هو ما هوش عارفه. ما هوش عارف قد ايه التضحيات اللي ربنا فرضها علينا عشان الدين يقوم كما قال قال تعالى الا تنفروا ايه ؟ ها يعذبكم. القضية مش الا تنفروا يسيبكم بقى وخلاص ويجيب غيركم. يعذبكم العمل لنصرة دين الله فرض وليس فضل. الشيخ حازم صلاح ابو اسماعيل في خطبة الجمعة الجاية في الجمعية الشرعية. يعني زي ما قلت لكم يا اخواني هذا الرجل يحتاج الى نصرة. يعني ممكن واحد يتفق معه في موقف واحد يختلف موقف انما اوعى اوعى تخذل اخوك. اوعى تخذل واحد بينصر شرع ربنا حتى لو مختلف معه. انا برضو معك. انت اخويا صابعي لو طلع فيه دم مش رقبتي لو اتلوحت مش هدبحها. كل واحد بينصر شرع ربنا ده حتة منك. ده جزء منك. عشان كده يعني خطبة الشيخ حازم صلاح ابو اسماعيل في الجماعة الشرعية ان شاء الله الجمعة الجاية جاية آآ يعني كما وصلني الخبر يعني. يعني لازم نحسس الراجل ان احنا في استقباله بجد. لازم نحسس الراجل ان البلد دي كلها فرحانة يعني لازم نحسن زلك الرجل على الاقل ان احنا يعني ايه يعني بازن الله مقدرين مقدرين قيمة يعني واحد من شيوخنا وواحد من اخواننا وواحد من احبابنا اللي بينصر شرع الله ولو مش حازم صلاح ابو اسماعيل لو اخ صغير بس بيقول انا بانصر شرع ربنا نفديه بروحنا. الموضوع مش فلان وفلان موضوع ان كونوا انصار الله. الموضوع ان احنا انصار كل من ينصر شرع الله. لا عندنا فرق بين حزب وحزب. ولا عندنا فرق بين مرشح ومرشح كل اللي بينصر شرع ربنا بننصره. وكل اللي بيرفع راية الاسلام بنحط جزمته فوق راسنا. وكل اللي بيؤيد دين ربنا احنا خدم عنده لقضية اشخاص ولا قضية اسماء ولا قضية احزاب خالص. بعضهم من بعض كل اللي بينصروا شرع ربنا ده عنيا اليمين ودعناها الشمال لا ينفع استغنى عنها ولا ينفع استغنى عن دي. زي واحد يقول له تاكل ولا تشرب ما ينفعش لازم اكل واشرب. واحد منهم الاكل وواحد ما تقدرش تستغنى. دول تور عنينا سواء من نصر او سواء من لم يمكن له. سواء من انتخبوه او من لم ينتخبوه. القضية مش دي خالص. القضية ان انا اقابل ربنا اقول له يا رب يا رب انا اللي نصر شرعك انا نصرته. اللي نصر شرعك انا نصرت اخوة في الله. عشان كده اللي يقدر يعني ايه يعمل اعلانات يعني يعرف اخوانه في كل مكان بازن الله سبحانه وتعالى آآ اقول قولي هذا واستغفر الله لي ولكم. اللهم استعملنا ولا تستبدلنا. اللهم استعملنا ولا تستبدلنا. اللهم استخدمنا لنصرة في الارض اللهم استعملنا في اي ثغر شئت. اللهم انصر بنا الاسلام في الارض. اللهم لا تستبدلنا يا رب العالمين. اللهم تب علينا توبة لا نرد على اعقابنا بعدها ابدا. اللهم اجعلنا لك صوامين لك قوامين لك ذكارين لك بكارين. اللهم تب علينا توبة ترضى بها عنا. تب علينا توبة ترضيك يا رب العالمين. اللهم قوي في رضاك عزمنا. لا نهلك انت رجاؤنا لا نضيع وانت مولانا. لا نضل وانت هادينا. اللهم انت حسبنا ونعم الوكيل. اللهم اشف عبدك محمد حسان اللهم اشفه شفاء لا يغادر سقما. اللهم عافه في قلبه. اللهم عافه في بدنه. اللهم يا ربنا امتعنا بدعوته سنينا وسنين يا رب العالمين. اللهم اشف عبدك ابي اسحاق الحويني. اللهم اشفه شفاء لا يغادر سقما. اللهم يا ربنا اللهم انا نسألك ونتوسل اليك ان تشفي مشايخنا وعلمائنا شفاء لا يغادر سقما يا رب العالمين يا ارحم الراحمين اللهم وابتعث منا دعاة وداعيات. وعباد وعابدات ومجاهدين ومجاهدات. وعلماء وعالمات. اللهم انصر دينك واعز اوليائك. اللهم انصر دينك واعز اوليائك. اللهم اذن لدينك ان يسود. واذن لشرعك ان يحكم واذن لشرعك ان يحكم. واذن لكتابك ان ينتصر. يا ربنا يا ربنا استعملنا لنصرة شرعك ولنصرة دينك في الارض انك ولي ذلك والقادر عليه. ما تنسوش يا اخواني شهر محرم اللي هيبدأ بكرة اكتر شهر كان النبي عليه الصلاة والسلام بيصوم فيه بعد رمضان اكثر شهر كان يصوم فيه المصطفى عليه الصلاة والسلام بعد رمضان لمن اراد ان يستن بالنبي عليه الصلاة والسلام