عشرة في بيوت الاغنياء. في بيوت المليارديرات. مراتك دي بتتفك في عشرة. الغسالة غير الطباخة غير الخدامة غير السواق بتاع مشاوير غير مراتك في عشرة انت انت غير اللي بيزاكروا للعيال غير غير انك عايز ترجع بقى تلاقيها
ان الحمد لله نحمده ونستعين به ونستهديه ونستغفره ونعوذ بالله من شرور انفسنا ومن سيئات اعمالنا انه من يهده الله فلا مضل له. ومن يضلل فلن تجد له هاديا مرشدا. يا ايها الذين امنوا
اتقوا الله حق تقاته. ولا تموتن الا وانتم مسلمون. يا ايها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء اتقوا الله الذي تساءلون به والارحام. ان الله كان عليكم رقيبا. يا ايها الذين امنوا اتقوا
اتقوا الله وقولوا قولا سديدا. يصلح لكم اعمالكم. ويغفر لكم ذنوبكم لكم ومن يطع الله ورسوله. فقد فاز فوزا عظيما. اللهم صلي على الحبيب محمد اللهم صل وسلم وزد وبارك على محمد. اللهم صل على الحبيب محمد. صلاة تنفرج بها الكرب
وتنفك بها العقد وتكشف بها الغموم والهموم. اللهم صل على الحبيب محمد صلاة توسع بها ارزاقنا وتصلح بها بالنا وتنور بها بصائرنا وتزكي بها نفوسنا وتشرح بها صدورنا وتيسر بها
وتضيء بها صدورنا وتطهر بها قلوبنا. اللهم صل على الحبيب محمد صلاة تغفر بها ذنوبنا وتكفر عنا بها سيئاتنا وتسكننا بها في جواره في الفردوس الاعلى. اللهم صل على الحبيب محمد صلاة
تقوي بها في رضاك عزمنا وتسدد بها خطانا وتصلح بها حالنا. اللهم صل وسلم وزد وبارك على الحبيب محمد محمد وعلى ازواجه امهات المؤمنين وعلى ذرية وال بيته انك حميد مجيد. اما بعد اخواني واحبابي في الله رسول الله صلى الله
وسلم في اخر ثواني له في هزه الدنيا. وهو يموت عليه الصلاة والسلام. تقول السيدة عائشة فثقل في حجر يعني النبي عليه الصلاة والسلام حاطط راسه على صدرها وجسد النبي عليه الصلاة والسلام يعني على السيدة عائشة بتقول النبي بدأ يتقل فنظرت اليه فاذا هو شاخص
وهو يقول بل الرفيق الاعلى بل الرفيق الاعلى. تقول السيدة عائشة فعلمت انه لا يختارنا مستحيل هيختار انه هيكمل معنا. هو واحد بيخير ما بين الرفيق اللي الضعف. اللي بيرحم الضعف. وبين اللي ما بيرحموش وبين الدنيا صعبة. واحد بيثار بيخير ما بين الاعلى وما بين الادنى
واحد يعيش مع قادة الملوك وقال ولا يعيش مع العساكر واحد يعيش في القصور ولا يعيش في الكهوف ان يعيش واحد بقى يعيش مع الله في ملكوت السماوات مع الله الاعلى ولا واحد يعيش مع البشر قالت عائشة
قلت له ساعتين في آآ تلات مرتين في الاسبوع. كل تلات تيام ساعتين. ازاي؟ يا حبيبي ما يعني انت لو قعدت كده تلات اربع سنين هتلاقي نفسك لو في حفظ القرآن
علمت انه لا يختارنا. مستحيل اذا خير النبي بين البشر وبين الرفيق الاعلى سيختار الا الله سبحانه وتعالى. الرفيق الاعلى على قول طائفة من اهل العلم هو الله. وعلى قول طائفة اخرى من اهل العلم صحبة الفردوس الاعلى. وعلى قفاه القول الذي
يعني نختاره الان انه الله الله الرفيق اسم من اسماء الله الرفيق. والاعلى اسم من اسماء الله سبحانه وتعالى. النبي عليه الصلاة والسلام وهو بيموت عايش مع اسم الله الرفيق. نقطة يا اخوانا ازاي النبي وهو بيموت عايش مع الاسم ده ؟ اشمعنى ؟ اشمعنى وانت بتموت محتاج تعيش
اسم الله الرفيق. اسم الله الرفيق من اخطر اسماء الله الحسنى. الاسم ده يعني يعني اعتقد انه اكتر اسم احنا محتاجين ان احنا نعيش معه دلوقتي ومحتاجين ان احنا نتخلق به الوقتي بهزه الصفة. النبي عليه الصلاة والسلام مات على هزا الاسم. احنا عايزين نعيش عليه. زي ان النبي عليه الصلاة والسلام لولا
لانه عاش عليه ما مات عليه. عليه الصلاة والسلام. عايزين نعيش على الاسم ده ونموت عليه. اسم الله الرفيق. يعني ايه يا اخوانا؟ الرفيق احنا محتاجينه دلوقتي ليه؟ في الزمن اللي انتشر فيه التوحش. وانتشر فيه العنف. ما هو الرفق ضد العنف. انتشر فيه التوحش. واحدة اتقتلت يوم فرحها
وتقرأ الخبر تفاجأ بعد يومين ان اللي قتل عريسها. وهو اللي اتصل بها وليه اصل ما كنتش عايز اتجوزها. اصل انا كنت تقتلها واحدة واول واحد جاري عليها ومصرخ وسط الناس ومراتي ماتت في يوم الفرح. واحد آآ واحدة رايحة ترمي مية نار على واحدة. اخوها نازل يدافع عنها
ام الخير رامية عليه المادة المشتعلة ومولعة فيه واحد يغتصب بنته هو ايه التوحش اللي احنا بقينا فيه ده ايه العنف في زمن العنف اللي احنا عدنا عايشين فيه ده فاحنا محتاجين الوقتي ان احنا نفهم يعني ايه الرفق ونفهم يعني ايه اسم الله الرفيق في زمن العنف والعياذ بالله بقى
اي حد دلوقتي عايز اي حاجة بيلجأ الى العنف. الاب عايز يسكت البيت عنف مع ولاده. الاب عايز يقهر الزوجة على عنف. الست عنف الناس بقت بتتعامل مع بعض بعنف. شف اتنين عربيتين خبطوا في بعض. شف بيعملوا في بعض ايه. عنف ما عدش حد عنده طريقة انه يوصل بها
حقه او انه يغير بها وضع شايف ان هو غلط او انه يوصل بها للي هو عايزه غير طريقة العنف فرض الارادة. قهر ارادة الاخرين غير طريقة العنف فاحنا محتاجين اسم الله الرفيق في الزمن برضه اللي انتشرت فيه الكراهية. بل الكراهية جوة البيوت بقت كتير جدا. يعني رعبت
لما دخلت على الهاشتاج اسمه انا بكره تكة مفتاحه. الاسم شدني. يعني ايه انا بكره تكة مفتاحه؟ فوجئت بقى بان الهاشتاج ده كله اولاد قاعدين يقولوا قد ايه بيكرهوا لحزة دخول ابوهم البيت. انت كسبت ايه؟ كسبت ايه لما اتعاملت مع ولادك كده
كسبت ايه اما اتعاملت مع مراتك كده ؟ كسبت ايه لما بقت اصعب لحزة في حياة اولادك يا اللي انت تعلق عليك في هزا الهاشتاج ؟ اصعب لحزة وانت بتفتح
افتح الباب وداخل ولا وانت بتفتح مفتاح اوضتك وخارج للشقة خارج لهم وزوجات قاعدين يعلقوا على العذاب والمعاناة والرعب كتير مننا يا جماعة وهو طفل كان ممكن اصلا يفتكر بعض مواقف من دي كتير من الناس. لما تقعد معهم تلاقيه الكلمة دي اصلا عنده لحزة
فتح الراجل للباب. فيه ناس تجري على ابوها. بابا جه. بابا جه وفيه ناس تعمل ان هي نايمة ومرعوبة ومفزوعة. اقرأ بقى التعليقات واتصدق الانهيار الاسري الداخلي اللي بقى منتشر والكراهية كسب ايه الاب اللي اتعامل مع اولاده بعنف؟ كسب ايه الاب اللي اهمل اولاده؟ كسب ايه
الاب اللي انشغل بكل حاجة في الدنيا غير اولاده وزوجته. كسب ايه الاب اللي دخل لولاده من دماغه مش من دماغهم هم. مش من دماغهم هم. كسب ايه الاب اللي بقى ولاده بالنسبة له حمولة. هو عايز يديهم
المطلوب او يوديهم المكان المطلوب وبعد كده كسب ايه؟ لما الرفق بينزع من الحياة كما يقول النبي صلى الله عليه وسلم ما نزع الرفق من شيء الا شانه بقى حاجة لا تطاق ولا تحتمل لما نزع الرفق من من اب بقى مش ما حدش طايقه في بيته. لما ينزع الرفق من اي
انسان يبقى ما حدش طايقه في هزا المكان في زمن في زمن انتشار رهاب الموت والخوف من الموت والرعب من الموت. النبي عليه الصلاة والسلام وهو بيموت اسم من اسماء ربنا
حول الموت من رعب الى لزة. بل الرفيق اهانها. انا هسيب مين وافضل مع مين؟ انا عايز الرفيق. انا عايز اروح لله الرفيق الاعلى سبحانه وتعالى ما هو اشمعنى الرفيق والاعلى؟ الاعلى ده واحد عايش مع العساكر وبيتعرض عليه يعيش بقى مع قيادة الدولة
قصور والحيا والقوة والغنى. مين اللي هيختار الادنى؟ واحد عايش مع اه اه يعني اه عايش مع حشرات. لا تعيش مع حيوانات طب تعلى تعيش مع بني ادمين طب تعلى تعيش مع ملايكة طب تعلى واحد قال اعلى انا هعلى الاعلى اعلى ان النبي عليه الصلاة والسلام يقول اسم الله الاعلى عندنا
ان النبي يرى ان المدة ترقية. المدة انت اترقيت خلاص. انت خلاص خلصت مرحلة دنيئة. الحياة الدنيا من الدناءة وخلاص هتترقى بقى. هتطلع لافق تاني من النعيم والسعادة والقوة والقدرة. والروحانية افق تاني في كل حاجة. الرفيق طب اشمعنى
انا بقى النقطة بتاعتنا هنا اسم الله الرفيق. الاسم اللي حول الموت للذة وفرحة عند النبي عليه الصلاة والسلام. الاسم اللي بيعالج قضية وحوش المنتشر في هزه الايام. الاسم اللي هيقضي على قضية الكراهية. ناس كتير مننا هو بيتعاملوا معه كده ليه؟ يا عم ما انت ما انتش رفيق اصلا. ما
فكر في نفسك ما تشوف نفسك انت الاول كيف تتعامل مع الناس؟ يعني ايه رفق يا جماعة؟ تعالوا نتكلم كده يعني ايه رفق؟ ايه كلمة رفق؟ عارف المرفق بتاعك ده الكوع ده اتسمى مرفق ليه؟ لان الكوع ده لو مش موجود ها انت مستحيل تاكل يعني انت دلوقتي الكوع
ده هو السبب انك بتمسك بايدك المعلقة وتقول لك طب المرفق ده اللي مش موجود؟ انت مش هتاكل غير زي الانعام. هتوطي هيبقى الاكل مشقة رهيبة. يبقى الرزق ان الحياة ما يبقاش فيها صعوبة. انك ما تصعبش الدنيا على غيرك. الرفق عكس الشدة والتشديد
وعرض الدين بشدة وانك تبقى انسان شديد وفاكر ان هو ده هو ده بقى ايه الهيبة بتاعتك في الدنيا او في بيتك او مع مراتك وتبقى انسان شديد الرفق الرسول عليه الصلاة والسلام يقول اربع من السعادة والدار تكون كثيرة واسعة كثيرة المرافق. يعني ايه كثيرة
المرافق قبل الاجهزة الكهربائية ما دي مرافق. كانت الحياة شكلها ايه ؟ يا عم قبل آآ ما يعملوا البامبرز كانت الستات لما بتخلف عيل بيعملوا ايه ؟ بيقعدوا سنتين طالع روحهم ولا ولا اكتر طالع روحهم ليل نهار عشان بس موضوع نقطة زي ده ايه؟ الرفق ان الصعوبة تتشال. ان المشقة تتشال
ان العدد يتشال. الرزق الله سبحانه وتعالى لما وصف الجنة وحببنا في الجنة قال الجنة فيها رفق. وحسنت مرتفقا. الجنة مليانة الجنة مليانة تسهيلات. على الله التساهيل. الجنة مليانة مليانة مرافق. طب لما ربنا رعبنا من النار؟ قال النار ما فيهاش رفق. وساعة
مرتفقة. النار كل حاجة فيها صعبة. النار كل التعامل فيها بعنف. النار ارض الصعوبة والمشقة والعنت والعياذ بالله. يعني ربنا بيطبعك في الجنة بالرفق. وربنا بيخوفك من النار بانه مكان ما فيش فيه رفقة اصلا. اهل الكهف لما اول الكهف قالوا
ويهيئ لكم من امركم مرفقا مرفقة يعني ايه؟ مرافق الحياة. يعني ايه مرافق الحياة؟ يعني انت قاعد في شقة فيها مية وفيها نور وفيها آآ آآ وفيها غاز مسلا في اماكن
اه وفيها تكييف وفيها حمام. ما هو زمان ما كانش فيه حمامات في البيوت. تخيل بقى انت قاعد في مكان ما فيش في الكلام ده. انت قاعد في في قبر ما انتش قاعد في مكان. انت عشان
تجيب مية بتطلع روحك. ده عشان تولع لمبة ولا تجيب آآ وقود يولع ولا لو خلص فلوسه ليه؟ انت انت طالع عينك في كل حاجة. انت عشان تروح الدنيا كلها سبحان الله! نسأل الله ان يرفق بنا الرفق ان الحياة ما تبقاش صعبة. ان الحياة ما تبقاش شديدة. عشان كده حتى في اللغة العربية المخدة اسمها
المرفق لانك انت من غير مش عارف تنام. الطبيب الرسول سماه رفيق. انت رفيق والله الطبيب. ربنا اللي بيداوي. امال انا بعمل ايه؟ انت دي وسائل تسهل على المريض الشفاء ولكن في النهاية ربنا هو اللي بيشفي. سبحانه وتعالى قضية خطيرة قوي يا جماعة. قضية الرفق يعني ايه الرفق؟ الرفق
كتير ولكن الرفق له خمس اركان. ما يتسماش انسان رفيق غير لو عنده خمس حاجات. رقم واحد رحمة الرحمة بالضعف. انت لو انت بصيت لابنك لما غلط انت مش مقدر ضعفه. انت مش مقدر انه جاهل. انت مش مقدر قمت فجأة متعامل بالزعيق والفظاظة والقسوة شيء انت انسان مش رفيع
لو شفت الرسول لما دخل عليه الراجل ائذن له في الزنا. ائذن له في الزنا. بص الاول ان ده بني ادم ضعيف. بص للعاصي. بص للي بتفعل المعاصي بص للي قبل ما تبص انه اجرم بص الاول ان في ضعف جواه ان هو بيدور على السعادة وما هوش عارف هي فين انه جاهل
ان ما حدش علمه انه ما لقاش حد يقول له اتق الله زي ما انت لقيت حد يعرفك الف طريق لتقوى الله. ان هو ان هو الشيطان بتاعه غلبه. ان شهوته
قهرته وغلبته ان هو طب ده معناه انه مش مجرم لا هو مجرم. او هو اجرم ولكن ده معناه انك هتتعامل معه وانت راحم الضعف بتاعه اتعامل مع ابنك مش بدماغك انت بقى. مش بمقاييسك انت بقى. هتتعامل مع ابنك وانت فاكر كويس اوي الضعف بتاعه. هتتعامل مع زوجتك التلات شكاوى بتوع
كل الرجالة من كل الستات مش مهتمة بنفسها. يا مولانا وولاة الاحمال. دي واحدة شايلة كمية حمولات لا تتخلى. مش واخدة بالها من كل شغل البيت في حاجات بتقع منها. يا مولانا ما جعل الرفق في شيء الا زانه. ان الله اذا اراد باهل بيت خيرا ادخل عليهم الرفق. خليك
رفيق بمراتك وخليك رفيق آآ طلبات البيت كتير يعني آآ ارفق ارفق على قدر ما اعطاك الله وقدر ما الله لك حتى كلمة لأ ساعات بتتقال برفق. ممكن تتقال برفق انما قصة انك انت شديد ومشدد الدنيا ومعنا في اول حاجة في الرفق
الرحمة بالضعف. انك انت تحط نفسك مكان اللي قدامك. او بمعنى ادق تحترم ضعف اللي قدامك. وتقدره فلما تيجي تغيره ولما تيجي تصلحه صلحه انت عارف انه ضعيف وعارف انه غلبان. يا عم انت ربنا ساعدك وربنا اعانك ما يعني انت كان ممكن انت
انت اللي تبقى مبتلى باللي انت قاعد تبص له دلوقتي. الحاجة التانية في الرفق. الركن التاني والمعنى التاني في الرفق. عدم العنف. عدم العنف. انك انت لما تيجي تتعب في ناس كده النبي عليه الصلاة والسلام لما حاطب النبي بلتعة سرب لمكة ان النبي رايح يفتح مكة انتم متخيلين يا جماعة انتم متخيلين هو عمل ايه؟ انتم ده ده
هيدمر خط سير الاسلام في الكرة الارضية. بالحركة اللي عملها دي. انتم متخيلين اي قائد تاني كان عمل فيه ايه؟ آآ اي قائد كان قتله فورا يعني بلا تردد وبلا طب آآ لو ما قتلوش بقى انت ضيعتنا انت الرسول عليه الصلاة والسلام قال له يا حطب ما حملك على ما صنعت
ده ايه اللي خلاك تعمل؟ افهم بس الاول. افهم ايه نقطة الضعف اللي خلاتك تعمل دي. انت كنت هتدمر مسيرة الاسلام في الارض كلها. كمكة كانت هتقوم عارفة تقوم على طول متصلة بهوازن وسقيف والطائف والحقوا والبؤر الشركية اللي لسة كانت مالية الجزيرة العربية
النبي كان يروح مكة يلاقي خمسين الف مشرك ليه واقفين في وشه. كان كل حاجة راحت. انت ما حملك على لما رماة احد ومات احد يعني احب اصحاب النبي الى النبي عليه الصلاة والسلام ماتوا اتقتلوا. اتقتلوا في احد يعني ايه؟ الموضوع يعني لو قائد تاني كان عمل ايه مع الرومان؟ كان عمل
طب كان التعنيف شكله ضيعتونا. الدم اللي سال بسببكم. الغنائم اللي راحت بسببكم. الهزيمة اللي التزمناها بسببكم. الاسلام مناكسة الراية في ميزانكم. تقطيع مصعب ابن عمير اشلاء في ميزانكم. التمسيل بجسد حمزة واكل كبده من هند بنت عقبة في
النبي عليه الصلاة والسلام خالص. الله! طب ده معناه ان هو لأ كل غلط بيتغير. بس ايه طريقة التغيير؟ عشان كده ده من اخطر من اخطر عن اسم الله الرفيق. انه بيقول لك ازاي تصلح الاوضاع الغلط؟ الاسم ده اكتر اسم. لو داعية خده. لو حاكم خده. لو اب عايز يصلح
راح زوجته واولاده وبيته وخده. لو اي واحد عايز يصلح عاصي ويدعوه خاله. لو خد الاسم ده هيعمل تأسير جبار في الحياة. بس لو تخلق الاسم دهو صح يبقى المعنى الاول الرحمة بالضعف. ارحم ضعف الناس. طب هي وقعت في الزنا. طب هي متبرجة. طب هو يا مولانا انا مش
ان هو ما عملش غلط وما اقولكش ان هو ما عملش جريمة انما انت لما هتتعامل مع اللي قدامك وانت راحم ضعفه لما هتتعامل مع ولادك وهم بيغلطوا وانت رايح
ضعفهم لما هتتعامل مع زوجتك وانت فاهم ان ربنا سماها في القرآن اولاة الاحمال شايلة مية حمولة ربنا بيقول سورة النساء اتوهن اجورهن مش اجرهن لو كانت القصة قصة استمتاع جسدي. كانت تبقى اجورها انت ده بتعمل لك الف حاجة. ده انت مراتك دي تتفك في
بقى مستنياك ومتوضبة لك انت يعني انت بتتكلم في خيال علمي. في ظروف المجتمع المصري اللي احنا عايشين فيه. انت مش اطلب منها ان هي تبقى انت بتطلب منها انها تبقى جريندايزر. انت عايزها تبقى مازنجر. هتقدر ازاي انها تجمع بين كل ده وده؟ طب انا اعمل ايه؟ يا عم ارفق
تعطي على الرفق ما لا يعطي على العنف. وما لا يعطي على ما سواه. بالرفق بالراحة كده بالواحدة واحدة ديت لتسهيل الامور كده وتبسيط الدنيا كده بالمساعدة ومد ايدك للي قدامك عشان يعرف يقوم تمد له ايدك تاخد بايديه كده وتقومه
مش تشتغلي يا عم الوعظ والناصح في كل مكان توعظ ولادك وهم غلابة يا عيني مش عارفين طب يعملوا ايه؟ مد لهم ايدك. آآ ما انا مش فاضي خلاص يا عم اسكت
انت ما هو ما يعني ده ركن من اركان الرفق. مدي له ايدك. هو مش عارف يعمل ايه هو هو بيسمع كلامك طب اعمل ايه يعني؟ يا ابني سيب الزفت اللي انت ماسكه ده طب امسك ايه بقى
ما هو امسك ايه ديت معناها انك انت بقى هتحاول تفتح له حياة بديلة. طب تفتح له حياة بديلة ده معناه ان حضرتك مطلوب منك وقت عشان اصلا تبدأ تبتدأ لا لا لا
انا ما عنديش وقت طب انت انت ما انتاش رفيق اصلا. ما انتاش رفيق. طب النتيجة هتبقى ايه؟ النتيجة هتبقى يعني النتيجة هتبقى معروفة. اول حاجة احترام الضعف والرحمة رحمة الضعف. ده ضعيف. ده ده ده انسان ضعيف. ارحم نقطة الضعف اللي عنده. رقم اتنين
آآ عدم العنف بلاش تعامل بعنف. بلاش الهبات. بالراحة بس. بالراحة. ادي لنفسك فرصة كده. رقم تلاتة التغيير التدريبي اللي هو بيسموها ايه؟ الواحدة واحدة. واحدة واحدة. الدنيا ما بتتغيرش مرة واحدة. انت مش هتتغير مرة واحدة. مش هتبقى مؤمن مرة واحدة. مش هيتحصل اليقين مرة واحدة
اضطرابات الشخصية اللي عندك وتعديل السلوك اللي انت محتاجه مش هيحصل مرة واحدة. اولادك مش هيبقوا آآ حاجة خاطرة مرة واحدة. آآ مراتك مش هتبقى اه اه يعني زي زوجته يعني زوجة عمر ابن عبدالعزيز بعد موته يعني بالرفق كده واحدة واحدة. عمر ابن عبدالعزيز
ابنه بيقول له يا ابي انت بقيت الخليفة خلاص بقى افرض جميع قواعد الشريعة. آآ آآ اقطع ايدين كل المرتشين في المصالح الحكومية. آآ غير كل الاسرة الحاكمة اللي قاعدين ياكلوا ملايين دول اقف معهم وشد الناس. اقفل بقى كل الاماكن اللي
فيها منكرات في الشوارع قال له يا بني اني اخشى ان احمل الناس على الدين مرة واحدة فيتركوه مرة واحدة. الدنيا بتتغير واحدة واحدة واحدة واحدة احنا متأثرين كلنا الوقتي. كلنا بقينا رأس ماليين من غير ما نحس. رأس ماليين جيوبنا فاضية. بس رأس ماليين زهنيا
الغربية والتفكير الغربي الكاسح ده اللي حول الانسان لالة وحول الانسان لمكنة. اكبر مصيبة في الرأسمالية اللي هو فكر المصلحة. اللي هو فكر ايه فكر المصلحة ده وفكر ازا كنا نستطيع فلما لا نفعل شعار امريكا اللي حطمت به العالم؟ وحطمت به نفسها. ازا كنا نستطيع فلما لا نفعل
القصة عندي ايه الانجاز وايه انت قاعد تجري يا عيني تجري تجري الرأسمالية ديت حولتك لانسان بتخير ما بين انك تبقى ناجح وانك تبقى بني ادم هو انا عشان ابقى ناجح هو انا عشان ابقى حاكم ناجح هو انا عشان ابقى آآ ملتزم ناجح؟ هو انا عشان ابقى تاجر ناجح؟ هو انا عشان ابقى
انسان ناجح في الدراسة. هو انا مطالب ان انا احطم ادميتي؟ واحطم علاقاتي بالناس اللي بيحبوني ومستنيين مني؟ قاعدة ساعة اتطمن عليهم فيها وان انا احطم رغبتي ان انا ابقى بني ادم عندي يعني وقت ان انا افضل باتحياه. ما فيش وقت غير انك مكنة واشتغل لدرجة انهم برة
فكروا انهم يركبوا مولدات في اجسام البشر وهم ماشيين. عشان البشر وهم بيتحركوا يولدوا طاقة. الدينامو ده بقى يتاخد يشغل اجهزة كهربائية هو فيه ايه ؟ هو ايه الجنان اللي احنا بقينا عايشين فيه! احنا بقينا عقلياتنا مخيرة ما بين النجاح وما بين الادمية
يقول لك ما انا باشقى عشان اجيب لهم ياكلوا. يا عم ماشي ما في الاخر يعني في الاخر المشهد النهائي انت هتعض على ايدك. اما تشوف عيالك نمازج في المجتمع مين اللي هيفهمهم؟ يا ابني ما فيش حد راحم حد. الرسول بيموت بيقول بل الرفيق. بل الرفيق ما حدش بيرحم حد الا من رحم الله
سبحانه وتعالى. يا اخي عشان كده النبي بيقول انا رايح للي بيرحم الضعف. انا رايح للي هيرحم ضعفي في القبر واللي هيرحم ضعفي يوم القيامة. واللي هيرحم اقفي عند الموت انا رايح للي انا ما الدنيا كانت هتبقى عنت ومشقة وصعوبة لولا هو رحمني. وسهلها لي على الله
هو اللي سهل لي الدنيا ويسرها لي. فانت لو ما رحمتش ابنك هو انت رحمتك بابنك انك تجيب له شوية اكل ياكله! هو انت رحمتك بابنك انك انت تدي له حتة لحمة
يعني هذا جنون. رحمتك بابنك انك تفهمه الدنيا انك تمسك بايدك ايده الضعيفة دي وتقومه وتنزل معه وتفهمه الحياة يعني ايه نجاح ويعني سعادة ويعني عبادة ومن هو ربنا انك تفهم
انك انت ما تسيبوش زيك كده او زينا نتوه سنين. اما نفهم وندفع عمرنا تمن ان احنا نفهم. الرحمة بالناس يبقى الرحمة رقم اتنين عدم العنف. رقم تلاتة التغيير التدريجي. واحدة واحدة. واحدة واحدة. الدنيا بتتغير ربنا خلق الدنيا في سبع تيام. ما كان ممكن
لقى في لحظة ربنا بيعلمك سبحانه وتعالى. وربنا بيقيم الحياة بسنن. رقم اربعة التسهيل. الرفق الركن الرابع له التسهيل. يعني لو انت انسان رفيق معناه انك ما انتاش عنيف ما عندكش عنف
حتى مع العاصي حتى في الدعوة الى الله حتى في في بيتك حتى اخواننا الرفيق حتى مع نفسك في ناس يا عيني بتدبح نفسها انا مش ماسك يا عيني فاس وقاعد يموت في نفسه لحد ما بيمرض نفسيا في الاخر انا فاشل. انا ما بقومش الليل انا يا حبيبي والله لو قعدت لبعد خمس اعمار
بعد عمرك ما هتتغير بالطريقة اللي انت بتعملها مع نفسك دي. العنف ما بيجيبش. واول حاجة العنف ما بيجبش معنا نفسيتك. انا وحش. انا عاصي اصل انا باقع في معصية
السر. اصل انا يا عم انت يعني انت بني ادم شديد وبتدين شدتك. يعني انت بتحول شدتك لدين لانك انت شديد فعايز كل حاجة تبقى شديدة. زي ما بيبقى حد من الدعاة او حد مسلا طالب علم شديد فبيدي احكام شديدة. حبيبي الدين مش شديد. يسرا ولا تعسرا. فهموا الناس ان الدين سهل وبسيط
انتم مطالب ربنا بسيطة. الجنة والله العظيم سهلة قوي. رضا ربنا حتة خشبة تحطها في بقك كده. السواك مرضاة للرب. الله يرضى عنك. مغفرة ربنا من زنوبك يا عم اتوضأ وصل ركعتين الله اكبر. واستغفر ربنا في السجود تخرج كيوم ولدتك امك. الدنيا بسيطة. يسرا ولا تعسرا. وبشرا ولا
اللي لو عمل حاجة حلوة حتى لو فيه الف حاجة وحشة في حياته والف معصية حسسوه انه عمل حاجة كبيرة قوي شجعوه. شجعوا الناس. لما تلاقوا حلوة او عمل صالح او حد طلع صدقة او حاجة شجعوا الناس. حببوا الناس في الدين. وفرحنا النبي عليه الصلاة والسلام باعت ناس لدولة كافرة ولسه بدأه تدخل
الاسلام بيقولوه ميسرا يسرا فهموا الناس ان الدنيا سهلة هو ده الرفق. هو ده التسهيل. ان الدنيا تبقى سهلة. وانك تفهم الناس ازاي النجاح سهل. السعادة سهلة. الدنيا سهلة. انك انت تسهل الدنيا. رقم خمسة في الرفق. المساعدة والاعانة. هي دي بقى قصة اللي هي مرافق البيت. يعني ايه مرافق
الكهربا والمية والنور من غير المرافق دي انت عايش في قبر انت هتموت عشان تشرب وهتموت عشان تنور وتموت عشان تدخل خلاء وهتموت ولو الساعة اتنين بالليل فجأة عايز تدخل الخلاء شف بقى هتنزل تروح فين زي زمان كده زي الحياة بتاعة زمان كده. حياة عمت رهيب ومن غير اجهزة كهربائية. ومن غير ومن غير بقى دوريات حياة
خلاص المرافق دي بقت حاجة الحياة من غيرها صعبة. من غيرها يقول لك آآ عشان كده في السفر يقول لك ايه آآ صاحب السفر الصاحب في اي مكان اسمه صديق اسمه صاحب. في السفر اسمه رفيق. لان السفر كله مشقة. لان السفر كله بهدلة. والانسان ضعيف. فاللي بيصاحبك
يساعدك في السفر على ان الدنيا تبقى سهلة بالنسبة لك ويقدم لك مرافق السفر آآ ده اسمه رفيق بيرفض في وقت الصعوبة. في وقت الشدة وفي وقت العنت. هو ده اللي اسمه رفيق. يبقى هي ديت هي ديت الاركان الخمسة. لان
انت تبقى رفيق انك انت ما عندكش عنف انك بترحم ضعف اللي قدامك. قبل ما بتعالج الخطأ فهمت ضعفه الاول. ورحمته وبتتعامل معه بقى وانت راحم ضعف وانت بتصلح الغضب بتاعه
هتلاقي نفسك ختمت. لو في طلب علم لو في مزاكرة تفسير هتلاقي نفسك آآ ليه متخيل دايما ان السكة صعبة وان الدنيا شديدة وان الموضوع عايز بقى سيب كل حاجة واتفرج
رقم تلاتة التغيير التدريجي واحدة واحدة. رقم اربعة التسهيل والتبسيط للامور. ما تعقدش على الناس عيشتها وتعقد على ولادك عيشتهم وتعقد عقلية الايزو تسعة الاف واتنين دي. اللي هو المحطم للحياة. ما تدفعش سعادتك تمن انك تبقى انسان ناجح. وما تعلمش
في ناس دلوقتي مع ولادهم كده اللي هم بقى عندهم وعي بقى انا هبني ابني. الواد يروح تلات تمارين رياضية. ويروح ست دروس دراسية. ويروح اربع اه حاجات مش عارف تنبه عنده موهبة ايه. والولا هو عايز يطلع افلاطون ومش بيربي هو بيربي صورة اه الصورة الخيالية اللي في دماغه
هو فشل ان هو يبقى هي. حبيبي انت بتحطم ابنك. انت بتطلعه مكنة انت مش مطلقة بني ادم خليه جد وخليه ناجح انما انت بتطلعه مكنة. الرفق الرفق يا اخواني في الله اه اه انواع الرفق انواع كتير قوي
والنبي عليه الصلاة والسلام يعني يعني جسدها في حاجات كتير قوي في حياة النبي عليه الصلاة والسلام. من ضمن انواع الرفق الرفق مع الاعداء مع اللي كارهينك مع اللي بيخططوا ضدك. ازاي يا عم اللي يهود راحوا للنبي عليه الصلاة والسلام؟ فبيقول له السلام عليك يا محمد. يعني عليهم لعنة الله
فالسيدة عائشة جاءت عليكم السام وعليكم لعنة الله يا مجرمين يا كفرة يا ضلالية يا يا فالنبي عليه الصلاة والسلام اهلا يا عائشة. مهلا يا عائشة. عليك بالرفق واياك والعنف. الرفق ده يعني ايه؟ الرفق ده فيه رحمة ضعف اللي قدامك يا عائشة. دول ناس
كانوا هم بقى المستخلفين في الارض وكانوا هم بقى الرسالة وفجأة نزل القرآن واتى النبي ونزع الاستخلاف منهم وذهب الى من العرب واخدها كل حاجة راحت منه. وبقى بسبب بقى العند قرون طويلة مع الله بين اليهود وبين الله سبحانه وتعالى. فعليك
واياك والعنف. حتى هنا يا رسول الله في الرفق بالمنسيين. زي النبي كده هل تفقدون من احد رسول الله؟ لا ابو بكر اهو وعمر اهو والمالط باليونير عبدالرحمن بن عوف اهو والملط باليونير عثمان بن عفان اهو الدنيا زي الفل يا رسول الله. قال ولكني افقد جليبيبا. مين جليبيب ده؟ ساعات تلاقي كده
غلبان ومسكين في المسجد ولا حد داري به اصلا. ولا والكل مستتقله. وهو يعني وكل بسيط يعني هيعمل لك ايه او واحد كبير في السن ومحتاج حد يتكلم معه ويضحك معه ما حدش فاهم واحد مسكين واحد فقير واحد
الرفق فيه ناس منسية. فيه واحد تاني هيلامان والدنيا كلها حواليه. فلوسه بقى شخصيته ربنا ادى له شخصية كده اداله مركز ربنا ادى له ادى له اللي اداه له ايا ما كان. ربنا ادى له علم شرعي. لافف الناس ايا ما كان في حد وهو ما عندوش حاجة من الكلام ده. ما فيش حد
بتقول ايه خالص؟ هو عايش وحيد الرفق بده. يعني ايه الرفق؟ انك تحس بضعفه. ما هو ربنا علمنا كده في الشريعة. شوفوا رفق ربنا بالحامل والمرضع ما فيش صيام. لو انت مش قادر رفق ربنا بالمريض ما فيش آآ صيام تصلي رزق ربنا بالمسافر نص الصلاة وقعت من عليك. الجمع والقصر
الصيام كمان حتى لو في رمضان تفطر. رفق ربنا بالطفل ما فيش تكليف اصلا. رفق ربنا حتى بالراجل القوي الشديد العضلات في الشتا والباب ما فيش صلاة جماعة. رفع آآ الرزق الدنيا سهلة. ربنا بيسهل لك الشرع. وبيسهل للناس الشرع. فانت اتعلم انت كمان
انك انت ترحم ضعف اللي قدامك. الرفق بالمنسيين. فيه الرفق بالاهل. الرفق بزوجتك واولادك. الرسول عليه الصلاة والسلام يقول ان الله اذا اراد باهل بيت خير ادخل عليهم الرفق. الرفق بقى انك انت تبدأ تفهم ابدأ شوف ايه نقطة الاشتراك اللي بينك وبين عيالك. بدل ما الصراعات الصراعات
قاعات اللي عاملة زي الحروب الاهلية في وسط افريقيا كده. داخل البيوت ما بين الاباء اللي رافضين حياة عيالهم. في اب قتل بنته. يعني في في عيال في بنات انتحرت بسبب اهليها. في البنت اللي رمت نفسها من المول الاخراني ده يعني هي مش قصة ان
مين صح؟ ومين غلط؟ هي القصة قصة ان طب ما ندخل الرفق يا جماعة ونجني السمار اللي النبي عليه الصلاة والسلام وعدنا بها. النبي عليه الصلاة والسلام يقول ان الله اذا اراد باهل بيت خيرا ادخل عليهم الرفق. الراجل كده يبقى مقدر تعب مراته. مقدر بهدلتها. طب انا يا عم آآ انا زنبي
وداخل البيت ومراتي مش آآ متزينة لي ولا دخلت لقيت العيال مش عارف ايه وما فيش ام يا عم في البيت يا عم يا عم حرام عليك بقى كفاية عنف
خدت حاجة يعني انت عايز تبقى آآ تدخل في هاشتاج انا بكره تكة مفتاحه يا عم ارفق الرفق هو اللي هيغيرها الرزق هو اللي هيطلع الطاقة اللي جواها. الرزق هو اللي هيخليك مبسوط وسعيد. وفي نفس الوقت هي شايلة حمولة. ارفق اما بتكلم اللي قدامك وانت مقدره
ومقدر انفعالاته بقى بالدنيا. يعني النبي غير الدنيا كلها بالحب. الرفق بالاسرة. فيه عليه الصلاة والسلام صلوا على النبي محمد. الرفق بالنفس. النبي عليه الصلاة والسلام يقول ان هذا الدين متين. فاوغل فيه برفق. اوغل. فيه واحد تاني بقى انا عايز اقوم الليل كله. انا
عايز مش عارف ايه انا محبط انا ما صليتش كويس انا يا حبيبي اوغل فيه برفق برفق يعني واحدة واحدة. واحدة واحدة يعني حتى قيل يعني قول يعني منسوب للنبي
ولكن اه يعني اه ان الرفق هو طفل اه اه الايمان. يعني لو انت عايز تحصل الايمان اقرا صفحتين قرآن في اليوم. شف طاقتك اهي في الورد اليومي بتاعك. شف انت احفظ صفحة قرآن في الاسبوع. اللي اللي عايز يشجع الناس احيانا يقعد يعلي يعلي يعلي. لحد ما
ما حدش قد هزا. انت عارف طاقتك النفسية. احترم طاقتك النفسية. ما تحملش نفسك ما لا تطيق. فانت عارف كويس. انا تقت يا عم ان انا اقرا صفحتين قرآن في اليوم. لو عايزين
كمل انا تقت يا عم ان انا اقرأ ربع في اليوم. انا طقت يا عم ان انا احفظ صفحة في الاسبوع. انا طاقتي ان انا اسمع مقطع ديني عشر دقايق كل تلات اربع تيام. هي دي طاقتي خالص
خلاص الزم نفسك بطاقتك بقى. انا طاقتي ان انا اصلي الفريضة في الجمع وتبقى كده حلوة قوي. افلح ان صدقت. لا ازيد على هزا ولا انقص. ده ده قمة الاتباع. انا لا هزود
وانا هقلل يا رسول الله. انا وراك كده اهو. قال رسول الله صلى الله عليه وسلم افلح ان صدق الرفق معناه. الرفق مع العاصي. النبي عليه الصلاة والسلام دخل عليه شاب بيقول له ائذن
ليه في الزنا؟ انت مجرم يا جدع انت؟ انت ما انت شايف الصحابة والمتمثلين والدموع خاشعة والقلوب في السما وده داخل. اديني رخصة ان انا ما هو اصل انا مش هدخل الجنة غير لو يعني انا لو الزنا شرط لعدم دخول الجنة انا مش داخلها
انا هزني يعني هزني فالحل الوحيد ان انا ادخل الجنة ان الزنا يبقى حلال. ممكن واحد بقى يبص للوضع ده وكلام الصحابة قالوا ما ما امشي اطلع برة. انت مجنون يا جدع انت
امش يا فاجر قال له اتنه. قرب. كله بيقول له ابعد. انما بيقول له قرب. زي اللي كان راح يقتل النبي بعد بدر كده عمير ابن وهب. النبي قال له ادنوا يا عمير
تعال ارقد له قرب الناس. قال له صاحبه وهو ايه وهو يحاوره قبل يحاوره قبل العلاقة الدعوية في صاحبه الاول العلاقة الاجتماعية. مش هتغير الناس قفش. مش هتغير الناس وش كده
مش هتغير بدرس ولو موت نفسك. ما حدش ما حدش هيتغير بكلمتين. ما تعتقدش انك انت هتقول كلمتين لولادك هيبقوا الصديقين او واحد صاحبك عصى تقوم خابطه كلمتين بس يعني العنف ده رغبة في التغيير القهري للمجتمع
الكلام ده مش هيحصل الدنيا طويلة. مستحيل انت نفسك مش ساعات واحد ملتزم يخرج بعد الاعتكاف. انا محبط. انا كنت خارج بعد اعتكاف سمحت فيه في الملكوت بقلبي واعيش لي فيها كنت خارج انا قلت هقوم الليل ساعتين كل ليلة واختم القرآن اسبوع ما انا في رمضان كنت كده يا ابني ده تصور وهمي
مدمر. ده مسالية مدمرة. ده شدة واستعجال محطمين. حبيبي ما فيش حد هيتغير كده ده سنين. ربنا بيقول فلبست سنين سنين عمالة تتغير وسنين عما الدنيا هتتغير وسنين ربنا بيقول آآ بالغدو والاصال على اللي بيسبحوا ربنا وبيعبدوا ربنا بالغدو غدو جمع الغداة جمع
جلسة الضحى والاصال جمع الاصيل اللي هو من العصر للمغرب. مش مرة مش من جلسة ضحى حلوة هتبقى مؤمن. مش قيام ليلة زبطت هتبقى خلاص يا عم بقى تطلع الافاتار والعضلات الايمانية هتقوى وهتبقى حاجة ما فيش الكلام ده. كل ده وهم
النجاح في اي حاجة بييجي بالبساطة مع الجدية. انك انت جد وبسيط ومكمل ومستمر. واخر اليوم بوس ايدك وش وضهرك مرضي يا رب. انا مرضي باللي انت عملته لي النهاردة. انا مرضي انا ما لعبتش وانا انسان جد بس بسيط الدنيا بسيطة. حد بيقول لي انا عايز
قبل هزا الشيء ببساطة هتصلح بيتك. ببساطة هتغير ولادك. ببساطة الايمان هيزيد في قلبك. ببساطة باوراد بسيطة الايمان يزيد في قلبك بمراعاة بسيطة لولادك وايجاد منطقة مشتركة انت وهمك مارسوها مع بعض. حتى لو فسحة حتى يا عم لو فيلم كرتون حلال بيحبوه وتقعد تتفرج معهم عليه
حتى لو اه لو تنزل يعني شف منطقة مشتركة بينك وبينها ببساطة بموعزة بسيطة المجتمع يتغير الناس مش ربنا ولا كارهة الدين. ولا كارهة انها تبقى حلوة. ولكن الناس مش لاقية ايد تتمد لها. وده معنى الرفق. الرفق انك تمد ايدك للي قدامك. عشان يتغير
اقول قولي هذا واستغفر الله لي ولكم الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله. وبيدك الخير كله واليك يرجع الامر كله
اللهم صل وسلم على عبدك نبيك محمد صلى الله عليه وسلم. اللهم صل على الحبيب محمد وعلى ازواجه وامهات المؤمنين. اللهم صل وسلم زد وبارك على الحبيب محمد. عدد قطر الامطار وعدد ورق الاشجار. وعدد مكاييل البحار. وعدد ما اظلم عليه الليل واضاء عليه النهار
اللهم صل وسلم وزد وبارك على الحبيب محمد. عدد خلقك ورضا نفسك. وزنة عرشك ومداد كلماتك. عليه افضل الصلوات من رب عالمينا الى يوم الدين. عشان كده يا جماعة اسم الله الرفيق اسم محتاجينه. محتاجين ان هو يدخل في حياتنا لان المعاني الخمسة دي
فقه التغيير. فيه ناس اصطدامية فيه ناس عنيفة. فيه ناس عايزة تغير المجتمع غصب عن ارادته. ما ينفعش لو مش بارادته مش هيتغير ربنا سبحانه وتعالى. يعني وده فارق ما بين اسم الله السيد واسم الله الكبير. ربنا بيقول على امرأة العزيز وقال فيا سيدها
لدى الباب سيدة اللي هو لما بيأمر الاوردر اتكسرت. خلاص هي تحت الامر. سيدة ومع زلك يعني كانت بتسعى انها تخونه وكانت بتسعى ان هي يعني تقع في الزنا مع واحد غير زوجها وهو سيدها
انما الكبير ده حاجة تانية بقى فلما رأيناه ايه اكبرنه في نفس السورة. لقى الاكبار حاجة والسيادة حاجة. انت ممكن تكون لك سيادة علي انا بسمع كلامك ومش طايقك. انما الاكبار انت في جلال جوة قلبي لك. زي مرات آآ زوجة عمر ابن عبدالعزيز بعد موته. لما خد
كل دهبة ما بنت خليفة واخت خليفة ومرات خليفة. فدي واحدة اصلا يعني يعني مش عندها دهب ده بقى دهب الدهب. فعمر عبدالعزيز خد كل دهبها ووداه وزارة المالية وداه بيت المال. دا فلوس الدولة العامة دي مش فلوسنا اصلا ولا يحل ان احنا ناخدها. فالفلوس الدهب اللي انت خدتها وابوك خليفة واخوك خليفة دي مش
فرجعت الدهب كله. طبعا بقى آآ يعني دهب دهب بقى دهب آآ آآ ملكة. يعني سيدة الخلافة الاولى يعني. فبعد ما مات وزير المالية رايح بقى ايه قال لها ايه قال لها هزا الذهب يعني انا كنت مدخر وانا لا خدته ولا دخلته في الخزانة العامة والميزانية العامة خديه بقى انت ايه؟ فقال
قالت ما كنت لاعصي لاطيع زوجي حيا واعصيه ميتا. انا مش آآ انا ده مش قصة بس انها مستحرمة ولا مستحلية؟ انا مش هطيعه حي واعصيه ميت انا وهو ميت له اكبار في صدري زي وهو حي ده الكبير بقى
ده الكبير بقى الهيبة حتى وهو مش موجود كلامه سيف على الرقبة. انما السيد ده ده حاجة تانية فداه. يعني يعني فرق ما بين فالرفق انك انت تغير الناس بارادة الناس مش بارادتك انت. بارادتهم فانت بتاخد الموضوع واحدة واحدة لحد ما هم بيقبلوا التغيير
فالموضوع بياخد تدريجي. انما العنف انك بتغير الناس غصب عن ارادتهم. بارادتي انا بارادتي انا هاغير المجتمع بارادتي انا هاغير ولادي يا حبيبي ما هو ده هيبقى قدام عينك. اول ما انت تغيب من المشهد ها الدنيا هتنقلب
بشع والعياذ بالله واول ما تغيب ما تعرفش بنتك لما تنزل ما تعرفش ابنك. لو انت آآ توفاك الله ما تعرفش زوجتك من وراك انت ما انتاش عارف الدنيا هتمشي ازاي
فلازم تبقى انت واخد بالك من قضية آآ الرفق كما قال النبي صلى الله عليه وسلم من يحرم الرفق يحرم الخير كله. وكما قال النبي صلى الله عليه وسلم ان الله يعطي على الرفق ما لا يعطي على العنف. وما لا يعطي على ما سواهم ولا بالاغراءات ولا بالفلوس. عايز تاخد عينين اللي قدامك
وكما قال النبي صلى الله عليه وسلم ان الله رفيق. يحب الرفق في الامر كله. في كل حاجة. ربنا سبحانه وتعالى يحب الرفق. صحابي اسمه آآ عبادة ابن آآ شرحبيل. آآ يعني واحد بسيط وجه المدينة بقى وفاكر بقى ان ايه انت عارف مسلا لما بيبقى مسجد ده مليان ايه
ناس متدينة بقى ومسجد حلو كده. فواحد داخل من برة مديها له بس بقى المشايخ بقى. ها ده انا لو جعان هياكلوني ولو عطشانة يشربوني ولو بردان هيدفوني لو ما عنديش مكان هيئوني ولو مش شغال هيشغلوني داخل بقى عايش يا عيني في الايه؟ جاي من مريخ بقى هو مش هو مش عارف الدنيا شكلها
في الواقع ان يعني ناس كتير من برة بتبقى شكل حلو ومن جوة مش آآ نفس الموضوع يعني. فدخل فلقى حديقة وهو جعان قوي وجاي بقى معدم حديقة بقى وفيها اكل فقعد ياكل بقى ما هو بتوع المدينة بقى. عادي بقى اكل اللي انا عايزه والدنيا قاعد ياكل ياكل وقام كمان معين في هدومه. وماشي
صاحب الحديقة مسكه ضربه علقة. وقام واخد التوب بتاعه اللي خبى فيه الاكل. ايه الراجل راح بلا ثوب على النبي عليه الصلاة والسلام بنقول الرداء بتاعه جري على النبي عليه الصلاة والسلام بيعيط اه ويشتكي للنبي عليه الصلاة والسلام اللي حصل انتم بتعملوا فيها كده ليه؟ هو مش فاهم حاجة. هو اللي عارف ان فيه قانون ولا عارف ان فيه حلال
اعرف ان انا داخل وسط الملايكة يا عم. انتم بتعملوا في كده ليه؟ النبي عليه الصلاة والسلام جاب الصحابي صاحب الحديقة. قال له ما علمته از كان جاهلا ولا اطعمته اذ كان جائعا. انت انت بتعمل ايه
انت لا اكلته وهو جعان. ولا علمته وهو جاي انت لنفعته لا في دين ولا في دنيا. انت عنف وخلاص. شدة وخلاص قسوة وخلاص. انت انت بتعمل ايه ؟ النبي عليه الصلاة والسلام سم امر له وامر ان يرد له ثيابه. وبعد كده مش عايزين من حضرتك حاجة بقى
وامر له بوسط من تمر. يعني ايه وسط من تمر؟ اتنين تلاتة كيلو كده. الزكاة الزروع ما بتجبش غير لو الزرع وصل آآ خمس اوسط ستميت كيلو. الخمس اوسق ستميت كيلو. يعني لو القمح بقى ستميت كيلو تطلع الزكاة بقى. لو الشعير بقى ستمية كيلو تطلع الزكاة. ستمية الخمس
يعني الوسط مية وعشرين كيلو. يعني النبي عليه الصلاة والسلام جاب الراجل ده ادى له مية وعشرين كيلو تمر. خد مية وعشرين جنيه الرفق ده بيغير الناس وده بيغير واحد داخل المسجد كده تخيل احنا قاعدين خطبة جمعة وواحد داخل على جنب كده وقام متبول. يا عم انت ما فيش افق اصلا
لا تزرموه في بولته. سيبوه. سيبوه يا رسول الله يا جماعة ما هي شوية ميه هينضفوها. ما الدنيا مش هتضيع. بلاش اللي عندنا بلاش التفكير الكارثي. تبقى مصيبة. طلع حتة كلكعة اه بالتأكيد سرطان. قلبي دي زبحة. اه يحسبون كل صيحة عليهم
الهلع كل حاجة هتبقى مصيبة وكل حاجة هتبقى كارسة يا عم والله ما يحصل اي حاجة. نامت عيون وباتت عيون في امور تكون او لا تكون. ان ربا كفاك بالامس ما كان سيكفيك في غد ما يكون. هات كمل ما تخافش لا لا الماية هتروح ولا النيل هيخلص ولا ولا هيبقى
في خمسة مليار واحد سنة الفين وخمسين آآ عايشين من غير مية على وجه الارض وبيتخانقوا على الماية. كل ده كل ده كلام يا مولانا. سيبك من هزه الصيحات عش حياتك مع اسم الله المؤمن ومع اسم الله السلام فهو مصدر الامن ومصدر السلام كنا مع بعض معاني بسيطة
اسم الله الرفيق. اسم جميل. الواحد كان فيه حاجات كتير عايز يقولها. انما الاسم بيخليك تهدى اصلا. يعني الاسم تحس انك انت ايه واخد حقنة مهدد كده وطلعت ايه؟ وطالع تتكلم يعني اسم جميل. اسم بيقول لك بلاش عنف. عمر العنف ما يجيب حاجة في بيتك ولا برة بيتك. اسم بيقول لك خد
الدنيا واحدة واحدة مع نفسك ومع غيرك. مش انت راجل جد. مش لعبي. اه والله. مش انت مكمل ومستمر مش سطر وسطر. اي والله خلاص يا عم الدنيا بسيطة هتبقى ناجح والدنيا كلها تتغير. بركعتين الدنيا بتتغير الدنيا بسيطة. وخز من الاعمال الصالحة ما تطيق. اسم بيقول لك
ان في حقائق بتحكم الحياة. سهل الامور على نفسك. تسعين في المية من فشلك مش بسبب ان زروفك صعبة. تسعين في المية من فشلك في اهدافك والحاجات اللي انت كان نفسك فيها. بسبب انك عقدتها على نفسك. فحولتها لوحش فهربت منها. احيانا المزاكرة حلها يعني
يعني مرة احد اخواني كده واحد يعني يعني كنت رايح معه هو رايح لدكتور نفسي فرحت معه اسانده يعني. فالدكتور يعني فاكر الكلمة اللي قالها له قال له يا ابني انت معقد الدنيا على نفسك. خلي دايما اول خطوة في اي حاجة في اي طريق. خطوة بسيطة. لحد ما تندمج وتسخن
وتلقط انت لوحدك هتنطلق بعد كده سهل الدنيا على نفسك سهلها. الاسم بيقول لك ان آآ مد ايد المساعدة ما تقعدش توعظ ولادك وانت في دنيا وهم في دنيا. ما تقعدش توعظ في الناس وانت ما بتمدش ايدك لشاب تدخل معه الجامع. آآ او ما تقعدش الدنيا
ما بتتغيرش كده ولا حد هيتغير كده. حدش هيتغير غير لو سمعته. وفهمته له اصحاب يدعونه الى الهدى. مش له دعاة يدعونه الى الهدى له اصحاب. الاول صحبة. المجتمع ده هيتغير لو صاحبناه. الناس هتتغير لو لو بقينا اصحاب. الناس هتتغير لو
في جسر علاقة اجتماعية الكلام الدعوي يعدي عليه وبعد كده يدعونه الى الهدى. برضو ما هواش حق ولا صحوبية فارغة. فيه يدعونه الى الهدى. بس بعد له اصحاب بعد الاول ما انت حاسس باللي قدامك. لقد جاءكم رسول من انفسكم حتة منك. فهو فاهم آلامك وامالك. مش واحد خارج من مكتبة
قعد سبعين ساعة وما لوش دعوة بك اصلا وما هوش فاهم انت بتطفح الدم عشان تجيب جنيه ازاي وقاعد يقول لك بقى في لأ ده واحد عايش زيك واشتغل في
زيك واتيتم واتنقل ما بين ست بيوت في طفولته وسافر يشتغل ويراعى غنم واتجوز وعنده عيال وعنده مسئوليات شهرية. وشغال موظف في شركة تجارية واحد زيه زيك. عايش حياتك. فانت لما لما تحس
الناس وترفق بهم الله سبحانه وتعالى سيأتي بالتغيير على يديك. نسأل الله سبحانه وتعالى اللهم اهد قلوبنا. اللهم اهد قلوبنا. اللهم اشرح لنا صدورنا اللهم يسر لنا امورنا. اللهم زدنا ولا تنقصنا. واكرمنا ولا تهنا. واعطنا ولا تحرمنا. واثرنا ولا تؤثر علينا وارضنا
عنا. اللهم انا نعوذ بك من زوال نعمتك. وتحول عافيتك وفجاءة نقمتك وجميع سخطك. اللهم انا نعوذ بك من جهد البلاء ودرك الشقاء وسوء القضاء وشماتة الاعداء. اللهم انا نعوذ بك من ضيق الدنيا وضيق يوم القيامة. اللهم اكفنا بحلالك
عن حرامك واغننا بفضلك عمن سواك. اللهم انا نسألك العفو والعافية. ربنا اتنا في الدنيا حسنة وفي الاخرة حسنة وقنا عذاب النار. نعوذ بكلمات الله التامات التي لا يجاوزهن بر ولا فاجر. من شر ما خلق وذرأ وبرأ ومن شر
ما ينزل من السماء ومن شر ما يعرج فيها. ومن شر ما ذرأ في الارض ومن شر ما يخرج منها. ومن شر فتن الليل والنهار. ومن شر طوارق الليل والنهار الا طارقا يطرق بخير يا رحمن. اللهم الهمنا رشدنا واعذنا من شر انفسنا. اللهم
اصلح لنا اسرنا وبيوتنا واولادنا. اللهم اصلح لنا في ذرياتنا. ربنا هب لنا من ازواجنا وذرياتنا قرة اعين. واجعلنا المتقين اماما. اللهم ايدنا بروح منك. اللهم انا نسألك الهدى والسداد. والحكمة والرشاد. والتوفيق والمدد. اللهم
اجعل لنا ودا. اللهم اعف اللهم اعف عنا. اللهم عافنا واعف عنا. اللهم انا نسألك الفردوس الاعلى ونستجير بك من النار. يا رفيق. يا يا رفيق ارفق بنا. ارفق بنا يا رب. ارفق بنا يا رب. يسر لنا يا رب. سهل لنا يا رب. اصلح عيوبنا يا رب
ارفق بنا في ديننا ودنيانا واخرتنا يا رب ارفق بنا في كل احوالنا يا رفيق. سبحانك اللهم وبحمدك اشهد ان لا الا انت استغفرك واتوب اليك