تجلت في الوراء تهتف بها واجعل لقلبي انا فتحنا والفتوح ميسرة اسماؤه الحسنى تجلت في الوراء. السلام عليكم ورحمة الله وبركاته. اخواني واحبابي في الله لا زلنا في ظلال اسم الله الفتاح لا زلنا مع انا فتحنا لك لا زلنا مع هزا الاسم. اللي احنا محتاجينه الايام دي قوي. كل الناس حاسة انها مخنوقة. كل الناس انها مقفولة. كل الناس حاسة انها محتاجة الفرج. محتاجة باب يتفتح لها. محتاجة تحس بالامل ان ربنا يقدر يفتح لها. وان ربنا يقدر يفرجها عليها. ربنا سمى نفسه الفتاح عشان ربنا يطمن قلبك. ان مهما داقت ربنا قادر انه هيفتح عليك. عشان كده اسم الله الفتاح يا شباب باسم الله الفتاح اسم بيطمنك اوي بيطمنك بيطمنك ليه؟ لان تخيل كده لو انت شغال في شركة لها عشر ملاك كل واحد له غير التاني. كل واحد منهم له طلبات غير التاني. كل واحد منهم بيحاسبك على حاجة غير التاني. ده كانوا يجننوك. في الاخر انما ان جميع مفاتيح ابواب السموات الارض ربنا ما حطهاش في ايد حد غيره سبحانه وتعالى. فانت بتتعامل مع الله وحده لان هو الفتاح. ما فيش اي حد تاني غير ربنا في ومفاتيح رزقك ولا مستقبلك ولا في ايده مفاتيح اي مصلحة من مصالحك اسم الله الفتاح اسم بيحببك في ربنا. ان ربنا بيقول لك انا فاتح لك بابي النهار الوحيد اللي فاتح لك بابه ليل نهار. الوحيد اللي بيفرح لما تخبط على بابه. الناس لما تخبط على بابها يقفلوا بابهم في وشك الناس لما تتصل على الموبايل بتاعها كتير ممكن يعملوا خاصية اصلا عدم الازعاج معك. وممكن ما يردوش عليك. كل الناس بتقفل الابواب في وش بعض ربنا بيفتح لك الابواب كلها اللي بينك وبينه. اسم الله الفتاح. اسم الله الفتاح بيطمنك اوي. بيطمنك اوي وبيعلق قلبك بربنا اوي وبيريح ريح قلبك اوي. اسم قمة الراحة النفسية. اسم ضد الاكتئاب. ضد التوتر. ضد الهلع ضد الفزع. ضد كل الامراض فتحه يا رب النبي عليه الصلاة والسلام مع كل طلعة نهار كان بيقول فتحك يا فتاح مع كل دخلة ليل كان بيقول افتحها علينا يا رب. يعني انت محتاج الفتاح كل طلعة نهار وكل دخلة ليل. في كل مرة النبي عليه الصلاة والسلام كان يقول النفسية اسم جميل لما كنت خارج من آآ من المستشفى كنت يعني قلبي تعبان شوية نسأل الله العافية. فخارج من المستشفى فكان عندي بيجي لي نوبات وطوبة في الضغط آآ احس ان انا هقع من طولي من كتر ما الضغط وطى وما اناش عارف في ايه بقى والواحد خارج تعبان اصلا خالص يعني الحمد لله. والشكر لله فكلمت احد يعني الاساتزة فقلت له انا مش عارف ما لي وانا تعبان. فقال لي بص اعمل كزا وخد بالك انا فاتح تليفوني طول الليل اي وقت تتعب فيه اتصل بي على طول. الكلمة دي طمنتني اطمئنان. سبحان الله العزيم كلمة انا فاتح تليفون طول الليل قلت سبحان الله! وفعلا لو اتصلت به في اي وقت الاقيه يرد علي فقلت سبحان الله! سبحان الله الفتاح اللي فاتح بابه ليل نهار. اللي فاتح الصلة بينك وبينه ليل نهار. اطمن اسم الله الفتاح. اسم بيطمعك في ربنا اوي بيطمعك في ربنا. اصل ربنا لما بيفتح بيفتح اصل ربنا لما بيدي بيدي هو الناس كلها طمعانة في الفتح ليه؟ لان الفتح ده نقلة درامية في حياتك بفتح الله سبحانه وتعالى اسم بيحررك من سجن الخوف اللي انت محبوس جواه. بيحررك من سجن الوهم اللي انت محبوسة جواه. ياما ناس يا جماعة محبوسة جوة اوهمة. محبوسة جوة خوفها. محبوسة جوة مرض شلل حياتها وقافل عليها الجدران. حواليها من غير ما يبقى فيه جدران مادية. ولكن جدران معنوية اللي يقدر يفتح لك فرجة ويفتح لك فتح مهما كانت الدنيا مقفلة زي التلاتة والصخرة اتقفل عليهم الصخرة لا فيه بلوتوس ولا فيه موبايل ولا فيه لاسلكي ولا فيه اس ام اس مين اللي خرجه؟ الفتاح. لما توسلوا للفتاح الفتاح فتح الصخرة. كلنا رابعهم. كلنا قدامنا صخور في حياتنا. مين اللي يشيل الصخور ومين اللي يفرج كربنا الفتاح؟ اللي فتح لهم الصخرة هو اللي يفتح لنا الصخرة. لما نقف على بابه على بابك يا رب. على بابك يا افتح افتح لنا يا رب افتح لنا محتاجين الاسم ده قوي. اسم الله الفتاح هتحتاجه في لحظتين. اللحظة الاولانية لو السكك وصلت لاخرها معك لو الطريق اللي انت ماشي فيه جاب اخره خلاص جبت اخر العلاقة بينك وبين مراتك خلاص جوزك انتهت خلاص بيتك بينهاره قدام عينيك. خلاص الديون هتتحبس. هتروح فين؟ خلاص الشغل انهار. انتهت خلاص تدفع ايجار وتدفع رواتب موزفين وخلاص وشهر ورا شهر. انتهت خلاص الدنيا قفلت. لما السكة تجيب اخرها هتحتاج الفتاح عشان يفتح لك في اللحزة دي. واللحزة التانية اللي هتحتاج فيها الفتاح لو داخل بقى سكة جديدة. يعني المعنى الاولاني لو الموضوع وصل للنهاية. المعنى التاني لو الموضوع لسه في البداية مشروع جديد خريج جديد ملتزم جديد داخل في طلب علم جديد بدأه تحفظي قرآن جديد داخل على جواز جديد داخل على فتح باب بيت جديد. داخل في كلية جديدة. داخل في داخل في حاجة جديدة في اي حاجة في حياتك. محتاج الفتاح يسر لك الطريق. يمهد لك الطريق يفتح عليك في الطريق يزلل لك العقبات اللي في الطريق. طب وفي نص الطريق لو حد وقف لك وشه في وشي بقى ما هو دي ربنا افتح بيننا وبين قومنا بالحق. يعني افتح بيننا وبين قومنا. اهل الباطل جم زي عربية جت في وش عربية. يا انا اعدي يا هو يعدي. لازم حد عشان التاني يعدي. يا رب اهل الباطل جايين لنا وش في وش يا رب شلهم من طريقنا. لما اهل الباطن ييجوا في وش اهل الحق مش هتعدوا. اعرف ان ربنا هيزيح الباطل. لانهم حطوا نفسهم في المكان اللي ربنا مش هيسيب الباطل فيه ابدا لما خلاص سدوا عليك الطريق بيشدوك لورا. يبقى انت انت فاهمة معنى الكلام ده ايه معنى الكلام ده انك محتاجة الفتاح من البداية للنهاية من اول خطوة في كل طريق لاخر خطوة في كل طريق. يعني الفتاح معك في بداية كل طريق لنهاية كل طريق. يعني انت محتاج الفتاك من البداية للنهاية محتاجه. محتاجه عشان كده امتى الرسول قال يا فتاح؟ امتى عليه الصلاة والسلام مع كل طلعة نهار ومع كل دخلة ليل؟ كان رسول الله صلى الله عليه وسلم في الحديس الحسن كان يقول اللهم اني قالوا الحديس ده انا باحبه اوي. وباحرص ان انا اقوله في ازكار الصباح والمساء. اللهم اني اسألك خير هذا اليوم فتحه ونصره ونوره وبركته وهداه. واعوذ بك من شر ما فيه وشر ما بعده. اللهم اني اسألك خير هذا اليوم الناس اللي كانت موجودة سبحان الله! ايه اللي حصل؟ الفتاح يا جماعة الفتاح بس ان تصدق الله سبحانه وتعالى. زي ما النبي عليه الصلاة والسلام بيقول وانما لكل امرئ ما نوى. فتش عن الفتاح في ماضيك كل صواحب الحجرات. امهات المؤمنين مازا انزل الليلة من الخزائن الخزائن بتتفتح. الفتاح بيتجلى على عباده. في التلت الاخير من الليل الفتاح بيتجلى على عباده. في النص ساعة اللي قبل الفجر ما تضيعهاش ابدا يا جماعة. عشان كده امتى الرسول عليه الصلاة والسلام كان بيقول يا فتاح مع كل دخلة جامع. هو داخل المسجد كان يقول اللهم اغفر لي ذنوبي وافتح لي ابواب رحمتك افتح لي يا ربي مع كل دخلة جامع افتكر الفتاح مع كل طلعة نهار افتكري الفتاح مع كل دخلة ليل افتكر الفتاح مع كل سحر اعلى ونص ساعة قبل الفجر. افتكر الفتاح النبي عليه الصلاة والسلام علمنا ان اسم الفتاح ده نرتبط به ليل نهار. عشان كده من المعاني الجبارة القرآن الكريم ان اول سورة في القرآن سورة ايه؟ الفاتحة. يعني ايه سورة الفاتحة؟ كان ربنا سبحانه وتعالى من اولها بيقول لك انا اريد ان انا افتح عليك تخيلوا طالب دخل كلية جديدة دخل كلية هندسة واول محاضرة وماسك بقى الايه الورق والقلم بقى ومستني بقى انه يكتب المعلومات البسيطة اللي هيبدأوا يترجموا لنا ترجموا لهم المصطلحات الهندسية لقى آآ استاز بروفيسير داخل بدل ما يكتب معلومات بسيطة بدأ يكلمهم عن جايزة نوبل وازاي تفوز بجايزة نوبل الهندسة وازاي يا دكتور انت حضرتك بتكلمني عن حاجات كبيرة اوي. يا ابني انا لسة ما بدأتش اشرح انا انا عايزك تبقى فتح انا مش عايزك تبقى مهندس عادي. انا عايزك يبقى هدفك من اول محاضرة انك تاخد نوبل. اهو ده سورة الفاتحة. ان ربنا من اولها يطمعك في الفتوحات اللي فتحها على الاولياء الصالحين كأن ربنا من اول خطوة في طريق ربنا. بيقول لك انا اريدك فتح انا اريد ان انا افتح عليك. طيب عشان اخد الفتوحات دي الحل ايه؟ الفاتحة مش الحل لمجهود مش الحل التخطيط مش الحل للدماغ ياما ناس تايهة في حياتها بسبب دماغها اصلا ياما ناس مشكلتها في حياتها هي تخطيطها اذا لم يكن من الله عون للفتى فاول ما يجني عليه اجتهاده. اكتر بيت شعر بيراقبني طول عمري واذا لم يكن من الله عون للفتى فاول ما يجني عليه اجتهاده. من غير الفتح راجل اعمال راجل اعمال غني جدا راجل اعمال عربي قعد يضرب ويقسم ويطرح وحسبها كده. يا عم انا عايش في بلدي قافل في البلد اللي انا عايش فيها. انا عندي مصانع او عندي شركات وعندي اراضي عندي فلوس انا الفلوس دي كلها لو بعتها وسيلتها وحطيتها في بنك في اوروبا. والبنك ده هناك هيديني نسبة قرب العشرين في فوايد ربوية! اه انا لو خدت العشرين في المية دي اللي الناس بتسميها فوايد يعني الا من رحم الله! ده انا عايش ده انا عيش باشا! ده انا اعيش زماني بسمع كل حاجة وطالع على هناك. ولكن المشكلة ان المبلغ كبير اوي اوي اوي اوي. مئات الملايين. طب انا هحط المبلغ ده ازاي فكان لازم يخلص وسيقة معينة. طب اما يخلص الوسيقة لازم الفلوس دي ما تبقاش في حيازته في ملكيته. اما يخلص الوسيقة دي فحد سقة اوي اوي اوي قريب منه انا هاكتب بس الحاجة باسمك لمدة ساعات وبعد كده اخلص الوسيقة وينفع ان انا اقدم للبنك فائتمنه عليها. تاني يوم بيتصل به عشان يغيروا الاسم قال له حضرتك مين ؟ انا ما اعرفكش اصلا. شقى عمره كله راح في لحزة مش في حساباتك ومال ربنا سمى نفسه الحسيب ليه ؟ عشان انت حساباتك غلط اصلا. عشان انت لو حسبتها لنفسك انت هتضيع نفسك هو ربنا حسبها لك سبحانه وتعالى في اول سورة في القرآن اسمها الفاتحة عشان ربنا يقول لك ان نجاحك مرتبط ان ربنا يفتح لك. اوعى قلبك يتعلق ان نجاحك مرتبط بتخطيطك ومجهودك وزكاءك. وعبقريتك وامكانياتك نجاحك مرتبط ان الفتاح يفتح لك الاول. لو فتح لك ساعتها كل الاسباب هتبقى بازن الله سبحانه وتعالى توصلك فتحي الفتاح ان احنا نعرف احنا محتاجين الفتاح قد ايه. انت عارف انت محتاجة الفتاح قد ايه انت عارف انت محتاج الفتاح في ايه ؟ انت محتاج الفتاح في كل لحزة في عمرك. انت محتاج الفتاح اول ما بتموت. ما هو اول ما الانسان روحه بياخدها ملك الموت وتأخذها منه الملائكة ملائكة الرحمة وملائكة العزاب تصعد بها الى السماء. قال الله عز وجل لا تفتح لهم ابواب السماء. يبقى انت محتاج الفتاح يفتح لك ابواب السما عشان تطلع للسماء السابعة واول مرة تسمع كلام الله سبحانه وتعالى ايتها الروح الطيبة تخيل انت محتاج الفتاح في اللحزة دي. انه يفتح لك ابواب السماء. طب روحك نزلت القبر بقى. وهتبدأ بقى تتسأل سؤال الملكين. فيقال افتحوا له باب الى الجنة. محتاج الفتاح في القبر يفتح لك باب للجنة. يفتح لك باب سبحانه وتعالى باب تشوف فيه النعيم بتاعك في الجنة وخد بالك ومحتاج الفتاح في القبر يقفل باب النار اللي بيتفتح عليك. هذا كان مقامك في النار لو كنت عصيت الله. طب هو الفتاح اللي بيفتح هو الفتاح اللي بيقفل يا جماعة ما اي باب عشان يتفتح. او يتقفل محتاج مفتاح. هو الباب بيتفتح بالمفتاح وبيتقفل بالمفتاح. فالفتاح اللي بيفتح لك ابواب الخير اللي بيقفل عنك ابواب الشر. فانت محتاج الفتاح في القبر محتاج الفتاح يوم القيامة ربنا سبحانه وتعالى يفتح لك ابواب الجنة التمانية. الفتاح لو تجلى عليك وانت واقف على باب الجنة. وفتح لك باب بفتح وبكرم وابواب الجنة التمانية وفتحت ابوابها. وفي قراءة عشرية وفتحت ابوابها. ابواب الجنة التمانية تتفتح لك. انت محتاج الفتاح يوم القيامة. محتاج الفتاح في القبر. محتاج الفتاح بعد موتك. محتاج انت محتاج الفتاح فيك كل لحزة في حياتك. محتاج الفتاح في رزقك عشان يفتح لك ابواب الرزق. محتاج الفتاح في دعوتك لو انت شغال في الدعوة او انت شغالة في الدعوة. وانت مسلم. ازا انت داعية عشان يفتح كلماتك القلوب وابواب القلوب محتاج الفتاح. محتاج الفتاح في كل مشكلة وازمة عشان يفتح عليك بالحل قال الله عز وجل ما يفتح الله للناس من رحمة فلا ممسك لها. الفتاح لما بيفتح يقدر يقفلها عليك الفتاح فتح لك ابواب الدعوة. خل اللي عايز يوقفك يوقفك الفتاح فتح لك ابواب الرزق خلي اللي عايز يحاربك يحاربك. الفتاح فتح لك ابواب القلوب خلي اللي عايز يشوه سمعتك يشوهها. الفتاح الفتاح قلب زوجتك خلي اللي عايز يقلبها عليك يقلبها. الفتاح فاتح لك قلب زوجك زوجك. خلي ملكات جمال العالم يراودوه عن نفسه. يا يا جماعة لو الفتاح فتحها لك ما حدش هيقدر يقفلها عليك هو اللي لك سبحانه وتعالى اجر على الفتاح اجري يا عبدالفتاح لما تضيق بك اجري على الفتاح لما السكك تتسد. اجري على الفتاح. لما تحس انك ما انتش عارف تعمل ايه. ونفسك في الفرج. رح للفتاح يا اللي قلبكم حزين على مشكلة فلسطين. وحاسين انها كل يوم بتتقفل اكتر واكتر وبتبعد عن الفرج اكتر واكتر الفتاح. اللي فتح للامة الاسلامية زمان الفتوحات الاسلامية. وفتح عليها بالاكتشافات العلمية وفتح ابواب مليارات البشر لدخول الاسلام في كل لغات العالم. الفتاح هو اللي يقدر يفتح لنا تاني. روحوا للفتاح يا امة محمد. يا اللي ابنك عنده سرطان الدكاترة قالوا لك ما فيش خلاص ده اخر الطب جلسات الاشعاع وجلسات الكيماوي ما عدش عندنا حاجة تانية رح للفتاح. هو اللي يقدر يفتح لك باب فرج يا اللي ابنك مريض يا اللي ابنك تعبك. يا اللي عندك مرض وما عدتش عارف تعمل ايه. يا اللي ديون الدنيا اثقلتك رح للفتاح. هو يقدر يديك فرج رح للفتاح. هو اللي يقدر يفتحها عليك وهو اللي يقدر يفرجي عليك. انت محتاج الفتاح في كل لحظة في حياتك انت محتاج الفتاح وانت بتطلب علم يفتح عليك بالفهم محتاج الفتاح وانت بتحفزي القرآن يفتح عليك بالزاكرة. محتاج الفتاح. نفسيتك محتاجة الفتاح. يفتح عليها بالسكينة والاطمئنان. بصيرتك محتاجة الفتاح يفتح عليها بنور من عنده. قلبك محتاج الفتاح يفتح عليه بحب الله وخشية الله. انت انت محتاجه في كل حاجة. محتاجه افتح لك في العلم وفي الدعوة وفي الايمان وفي اليقين وفي السكينة محتاجه يفتح عليك في الرزق وفي التوفيق محتاج يفتح لك قلوب ولادك وقلوب زوجتك وقلوب جيرانك وقلوب الناس اللي انت بتحبهم انت محتاجه اوي اوي اوي. لو عرفت انت محتاج الفتاح قد ايه هتقول على بابك يا رب على بابك ومش ايأس من ان انا اطرق بابك ده انا ده انا لو محتاج دكتور وفي ازمة هتصل به الف مرة لحد ما يرد علي. واحد مغمى عليه انا مغمى علي وبيتصلوا بالدكتور الحقنا هو لو ما ردش الف مرة هنخبط على بابه. خبط على بابه الف مرة خبط على بابه خبط على بابه الف ليلة قيام. انت زهقان ليه ؟ هيفتح هيفتح. الفتح جاي جاي امال سمى نفسه الفتاح. ليه ؟ سبحانه وتعالى فتش عن الفتاح في الماضي بتاعك فتشي عن الفتاح تاريخ حياتك فتش هتزهل ان حياتك من غير الفتاح كان زمانها ضايعة وتتخيل ساعتها من غير الفتاح كانت الدنيا هتمشي ازاي ؟ ما انساش يا جماعة مواقف كتير اوي مرت في حياة الواحد الواحد حس فيها باسم الفتاح اوي اوي سبحان الله! وانا بامتحن ماجستير امراض الكلى وكان فيه لجنة هي اللجنة صعبة جدا جدا يعني ومليانة حاجات بقى وامتحان في الاشعة الموجات اللي هي السونار وامتحان في اكيد حاجات معينة في اجهزة كده في رقبة العيان وامتحان. حاجات كتير ومعلومات طبية. المهم ساعات الواحد بيغلق على زهنه كانك نسيت كل حاجة كانك يا جماعة سبحان الله الحاجات دي الواحد عملها قبل كده والحاجات دي الواحد فيها حاجات يعني الواحد حس بالاغلاق مش عارف اعمل ايه زمايلي بيدخلوا قدامي واحد ورا واحد بقى كده زي كل واحد يدخل ياخد اللي في النصيف ويخرج تاني. وعرفت ان انا داخل يعني سبحان الله يعني كل الناس حلوة لاصعب حد في الدراسات العليا كلها. الاصعب حد في الدراسات العليا واقفين في المستشفى بقى والمستشفى يعني طبعا الدنيا كانت مقلوبة بقى والكورونا وايام كورونا رحت الواحدة نرس ممرضة قلت لها هاتي لي جاون كده يعني مفرش آآ من اللي بيلبسوه جراحين في في اوضة العمليات بيبقى متعقم. ودخلت في اوضة المستشفى ما فيش حد فيها وزبطتها على القبلة ووقفت اعيط للفتاح ووقفت اعيط له ما انا هروح فين! ما انا انا انا حسيت ان انا نسيت من الارهاق ومش عارفين ننام. وطبعا في امتحانات الدراسات العليا بقى انت بتبقى اصل انت ممكن تقعد بالتلاتين ساعة اصلا ما تنامش دقيقة. من كتر الضغط ومن كتر المسئوليات ومن كتر واقف اصلي واعيط اصلي وابكي اصلي واستفتح والله العزيم يا جماعة انا دخلت اللجنة وييجوا يخبطوا علي الممرضات هيحسوا ان انا في الاوضة خلاص انت المفروض تدخل خلصت ودخلت والله كان الاجهزة بتتحرك لوحدها. امسك جهاز السونار. سبحان الله! من اول مرة يتحط على نقطة الخلل! بالزبط اللي عند العيان القسطرة العنقية من اول مرة تقوم داخلة في اللي هي بتاعة العيان. من اول مرة كان الاجهزة شغالة معك. كاني ربنا سبحانه وتعالى مسخر لك كل حاجة الفتاح سبحانه وتعالى الفتاح لما يفتح لك ما انساش مرة ومواقف موقفنا كلنا. المفروض انا الوقتي لو اديتك ورقة وقلم قلت لك اكتب اللي في قلبك لربنا. المفروض ان انت جوة قلبك كتير اوي لربنا. لو قلت لك ايه تجارب معاملتك لله المفروض انك امال انت بتعامل مين ؟ اومال انت بتقف على باب مين ؟ ما انت لو وقفت على بابه هتشوف تشوف الفتاح ممكن يعمل لك ايه. كنت مرة مديون في دين كبير وكان بقى يعني عايز ابقى في شقة مش ايجار مؤقت وكل شوية ننقل من مكان لمكان فشقة بقى وايه وقعدت سبع سنين يعني الجنيه على الجنيه عشان ندفع تمنها. جيت في الاخر مش قادر لازم مبلغ كبير. كبير مش صغير الواحد يصرف استلفت مبلغ من حوالي ستة. ست افراد عشان اوزعه كل واحد سالف منه مبلغ يعني جيم عادل السادات طب انا هعمل ايه؟ بعت العربية سديت واحد بس واحد بس مات على راسي اديت واحد. طب اعمل ايه في الخمسة الباقيين وخلاص بدأت بقى انزل وادور على مكان تاني يعني اقل من المكان اللي انا ساكن فيه عشان ابيع الشقة ديت واسد الدين وانا ما اناش هسيب نفسي عندي حاجة وانا مديون لحد فسبحان الله! فجيت يعني وقت العصر كده قلت سبحان الله! طب ما تلجأ للفتاح طب ما تتوضأ وتقوم تصلي ركعتين نقف بين ايدين الفتاح هو اللي يقدر يفرجها عليك وقفت اصلي ركعتين يا جماعة وقعدت ادعي ربنا سبحانه وتعالى والله العزيم انا ما نمت ليلتها وعلي شلن. الخمسة اللي كنت مديون لهم كل واحد قصة عشان ربنا يؤدي عني. وعشان ربنا يسد عني. سبحان الله العظيم انا وانا نايم ساعتها ايه ده! يا رب ركعتين! هو الفتاح ممكن يفتح عليك ويغير لك حياتك. ويغير لك واقعك بركعتين! جربت ولا لأ ؟ جربت ركعتين دول ؟ كم مرة جربتهم؟ كم مرة؟ كم مرة جربت انك انت تبقى جاي ترفع ايدك وانت زهقان وتعبان ومأزوم تلاقي فجأة الفتاح فتح على قلبك وتلاقي الدعاء هو فتح عليا في الاسقاط على معاصي الشباب وفتح علي والله يا شباب والله يا جماعة الكلمة دي انا عرفت بعد كده ان الداعية اللي كان جاي المرور قفل عليه على لسانك وتلاقي الدموع عبدالفتاح فتح عينيك للدموع. والفتاح فتح صدرك كل الهم اللي جواه طلع. وكل الكلام اللي محبوس في لسانك ولت نفسك بتدعي وتدعي. والفتاح فتح على قلبك وحاسة بجلاله. تبقى انت بعد ما دعيت والله العزيم خلصانة. اقسم بالله الدعاء ده ما فتح علي به الفتاح غير لانه يريد انه يفتح لي ابواب الرزق. مش هو ده الحديس المروي عن النبي عليه الصلاة والسلام من فتح له باب الدعاء هو الدعاء فتح فقد فتحت له ابواب الرحمة. كلمة يا رب دي فتح لما الفتاح يفتح بكلمة يا رب. خلاص يبقى ابواب الخزانة تتفتح. يبقى ابواب كل حاجة هتتفتح من الفتاح. سبحانه وتعالى الواحد جربت كم مرة؟ كم مرة جربت انك تبقى داخل مسلا تقنع حد الموضوع؟ ولا تقنع والدك بانه يجوزك ولا تقنعي والدتك بلبس النقاب وتقومي مصلية ركعتين او ربنا يفتح على لسانك بكلمة تدخل في قلبهم على طول تلاقي الموضوع خلص. والناس اقتنعت والدنيا مشيت زي ما انت عايز. كم مرة كم مرة كانت هتضيع والفتاح نجدك؟ كم مرة نسيت اوعى تنسى اوعى تنسى اوعى تنسى لما كانت ديونك هتضيعك والفتاح نجدك اوعى تنسى لما كان خلاص ولادك بيضيعوا والعلاقة بينك وبينهم بتتدمر. اوعى تنسى لما كان والدك خلاص غضبان عليك والفتاح نجدك. اوعى تنسى لما بك. اوعى تنسى لما كان علاقتك بمراتك هتنتهي اوعى تنسى لما كان بيتك هيخرب. اوعى تنسى لما كان شغلك هيضيع. اوعى تنسى. لما الدكاترة قالوا لك اخر الطب اوعى تنسى اتحلت ازاي اتفرجت ازاي؟ حلها ازاي؟ رحمك ازاي؟ اوعى تنسى اوعى تنسى الفتاح عمل لك ايه لانك لو نسيت فعلا هتبقى خسران كتير اوي خلصانة مع الفتاح خلصانة. بس لو انت عرفت تقف على باب الفتاح سبحانه وتعالى. وعرفت فتش عن الفتاح في بتاعك افتكري بس كده. افتكري الفتاح عمل لك ايه. افتكري كل مرة داقت والفتاح فتحها عليك. افتكري كل مرة نفسيتك اتقفلت والمرض النفسي والفتاح فتحها. فتح لك نفسيتك تاني. افتكر كل فتحة على قلبك. كل معنى فتح به على قلبك. كل فكرة فتح بها على زهنك حلت مشكلة كانت رهيبة في في الواقع اللي انت فيه فتش عن الفتاح الماضي بتاعك وافتكر كويس اوي. يعني موقف لا انساه ابدا يا جماعة. كان في اول ايام لي في الدعوة الى الله في حياتي في اول ايام واختم بالموقف ده في اول ايام لي في الدعوة الى الله في حياتي. وكان في مسجد في المنصورة عندنا. مسجد كبير كده على المشاية. اسمه مسجد السلام. وكان في اول ايام في حياتي في الدعوة الى الله وكت شاب بقى لسة متخرج كده ويعني ويعني يعني يعني انا ما حدش عارفني اصلا ولا اعرف حد وجت ليلة سبعة وعشرين رمضان وكان بيصلي حوالي تلاتين الف شاب وناس من المجتمع كله في التراويح المسجد وانا قاعد كده سبحان الله قلت كزا مرة كلمة في المسجد بسيطة بس عادي بقى لا حد عارف يعني قاعد في حالي كده وكان فيه داعية كبير المفروض هييجي يقول كلمة وانا قلبي متقطع على الشباب الموجودين. الشاب اللي جاي هو والبنت اللي بيحبها وهي تطلع فوق وبعد كده يتقابلوا يخرجوا مع بعض بعد الصلاة. خلاص بقى يعني كانهم خارجين في يعني والبنت اللي جاية بشعرها وتقوم حاطة الطرحة على البنطلون الجينز وتقومي داخلة مصلية وبعد كده شايلة الطرحة وحطاها في شنطتها تاني الشاب اللي داخل وعلبة السجاير في جيبه. فانا يا رب يا رب انا نفسي اكلمهم يا رب. يا رب افتح لي باب يا رب. يا رب افتح لي باب يا رب. ربنا الفتاح اللي بايده والله يا جماعة قاعد سبحان الله! عدى الاربع ركعات مستني ان الشيخ الكبير يطلع. الشيخ ما جاش طب وبعدين انا مش هينفع اطلع كده بقى وايه يعني قعدت بعد ست ركعات الشيخ ما جاش تمن ركعات الشيخ ما جاش خلاص هيوتره. قمت طالع للامام. قلت له ممكن اقول كلمة قل لي اتفضل قل كلمة. يعني ما فيش مسكت الميكروفون ربنا فتح علي بكلمة كان اسمها لو النبي زارك في بيتك كلمة لو النبي زارك في بيتك ولو انت كنت مع التلاتة والصخرة لما اتقفل عليهم الصخرة ايه العمل اللي انت تخرج به من اللي انا ما اعرفش ربنا فتح علي في الاسلوب سبحان الله! ربنا بيقفل عشان يفتح ربنا عشان يفتح لك ممكن حاجة تتقفل عشان انت ربنا يفتح لك. بعد الكلمة دي فوجئت ان شباب المنصورة كلهم بقوا عارفيني. وان الناس كلها بقت عارفاني وكل واحد من فتش عن فتح الله عليك في ماضيك. انت محتاج الفتاح بحتاجه اوي اسم الله الفتاح اسم بيطمن قلبي يفرح قلبك وبيعلق قلبك بالله وحده وبيوقفك على باب ربنا بس وبيريحك وبيطمعك في ربنا. وفي فتوحات ربنا اللي لو فتح يفتح سبحانه وتعالى ان شاء الله بازن الله نكمل الحلقة الجاية مع اسم الله الفتاح مع سلسلة انا فتحنا لك عشانك انت من اجلك انت. عشان خاطرك. هو ربنا ممكن يفتح عشانك! هو ربنا ممكن يغير الدنيا عشانك! ايوة ممكن! امال ربنا قال دي ليه! امال كلمة لك دي اللي كلها حنان من الله. كلها تحنن من الله الحنان المنان. سبحانه وتعالى. اللهم افتح لنا ابواب رحمتك. اللهم افتح لنا ابواب فضلك اللهم انا نسألك خير هذا اليوم وخير هذه الليلة فتحها ونصرها ونورها وبركتها وهداها ونعوذ بك من شر ما فيها وشر ما بعدها. اللهم انا نتوسل اليك باسمك الفتاح ان تفتح على قلوبنا بالايمان واليقين اللهم انا نتوجه اليك باسمك الفتاح ان تفتح علينا من ابواب الرزق الحلال الطيب. اللهم انا نتوسل اليك باسمك ان تفتح لنا من ابواب الدعوة اليك ما ترضى به عنا. اللهم اشرح لنا صدورنا ويسر لنا امورنا. اللهم امين. اخواني احبابي في الله نلتقي بازن الله في الحلقة القادمة. سبحانك اللهم وبحمدك اشهد ان لا اله الا انت استغفرك واتوب اليك اسماؤه الحسنى تجلت في الورى. فاهتف بها واجعل لقلبك من انا فتحنا والفتوح فتحا مبينا ليس فيه تعسرا انا فتحنا والفتوح ميسرة. ميسرة اسماؤه