عمر بعتهم لعمرو بن العاص في فتح مصر قال له دول اربعة لواحد بالف. ولا تساوي عشرة زي اللي ربنا اتكلم عنهم في سورة الانفال. ان يكن منكم عشرون صابرون السلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وبيدك الخير كله واليك يرجع الامر كله لبيك وسعديك والخير كله في يديك والشر ليس اليك انا بك واليك تباركت وتعاليت استغفرك واتوب اليك. اللهم صل على محمد وعلى ال محمد كما صليت على ابراهيم وعلى ال ابراهيم انك حميد مجيد ثم اما بعد منا يوصل لك. لسة دا الشعار بتاعنا. لسة دا الشعار بتاع حياتنا لسه ده المعنى اللي احنا عايزينه يدخل في قلب كل واحد وكل واحدة مننا. لسة ده الشعور اللي احنا عايزين كل زرة في قلب كل واحد مننا تعيش معه وتحس به منى يوصل لك منزر سلمان يا جماعة. واحد من اللي رفعه في حياتهم شعار منى يوصل لك. سلمان الفارسي هو سايب بلده وسايب سروة ابوه. وسايب امه وسايب احبابه وسايب الله بيقول لك انا قدرتي فوق الاسباب. اه يا امة محمد لو نرجع زي زمان لو نرجع زي ايام الصحابة مصدقين ربنا. موقنين في الا ربنا. عمارة جنبنا وبلاش عمارة جنبنا. اللي بيسرق بيموت باتفه سبب. والموت بيجي اهله وسايب وطنه. رايح فين يا سلمان؟ رايح فين؟ عايز اوصل لربنا. يا سلمان وبلدك ربنا اغلى عندي. وابوك ربنا اغلى عندي. والسروة بتاعتك ربنا اغلى عندي وشبابك. ربنا اغلى عندي. منزر سلمان وهو بيلف في الارض قاعد يضرب مشارقها ومغاربها. وشمال وجنوب الارض بيدور على حد يوصله لربنا يا سلمان طب اتجوز لأ لما اوصل لربنا. بولاق يوصل لك يا رب. طب اعمل حاجة لمستقبلك مناية وصل لك يا رب. منزر سلمان بعد ما اليهود اسروه. وراح المدينة المنورة وهو واقف على نخلة من النخلات بتاعة سيده اللي بيملكه وسمع ان النبي عليه الصلاة والسلام بعث وجيه المدينة وكل زرة في كيانه بترتجي انه اخيرا لقى اللي هيوصله لربنا منا هيوصل لك يا رب. مناية يوصل لك. الشعار بتاعنا في السلسلة بتاعتنا اللي احنا بنتكلم فيها عن اكبر عواطف تغييرية ممكن تقلب حياتنا. انا كلمتكم عن عاطفتين لغاية دلوقتي الثقة في الله وخشية الله. انا باكلمكم في السياسة دي عن كل عاطفة باكلمكم عنها في حلقة ممكن تقلب حياة اللسان دي مش عواطف تغييرية دي عواصف تغييرية يا جماعة. دي العواطف دي هتخلي عبادتك ثوابها عند ربنا الف مرة اكتر عبادة غيرك اللي ما عندوش المشاعر دي. هي دي اللي هتخلي لك قيمة عند ربنا في الدنيا والاخرة. العواطف دي النهاردة الروشتة التالتة او الدواء التالت في الروشتة الربانية الافتقار الى الله. قد ايه يا جماعة احنا محتاجين ربنا. درس النهاردة هدفه كده. هدفه ان انا اقنعك واقنع نفسي واقنعك احنا محتاجين ربنا قد ايه ؟ هدف الليلة ان احنا نخرج من الدرس ده باذن الله. واحنا حاسين ان قلوبنا هتتشاق من كتر الافتقار من كتر ما احنا محتاجين ربنا خلاص ما عادش لنا مكان غير بابك يا رب. ما عادش لنا مكان تاني. قد ايه محتاجين ربنا. واحد صاحبنا مرة بيسأل فلاح بيقول له انت لو زي زمان الارض بتتركب بالمطر كنت تسيب الفجر في الجامع يوم قال له لا يمكن كنت اسيبه يوم. ليه ؟ لانه حاسس انه محتاج ربنا. لو حسيت انك انت محتاجاه حياتك هتتقلب لو البنات عرفوا انهم محتاجين ربنا عشان يتجوزوا. واللي اخطر من الجواز عشان يوفقوا في حياتهم. ما هو ياما بنات اتجوزوا واتطلقوا واتبهدلوا. انما عشان توفق في حياتها الزوجية لو حست بكده ما فيش بنت هتحط مكياج في الشارع. ما فيش بنت هتنزل حاطة برفان في الشارع وهي عارفة انها بتطرد من رحمة الله. وبتلعن عند الله بسبب هزا الامر لانها محتاجاه. لو الشباب حسوا انهم محتاجين ربنا اكتر ما محتاجين الهوا اللي بيتنفسوه. ما فيش شاب هيطلق بصره في الشارع اللي رايحة واللي جاية. يا جماعة زي ايام الامتحانات المساجد مليانة شباب ليه؟ محتاجينك يا رب. زي لما واحد في البيت ربنا يعافيني وابتلى بمرض شديد جدا. الام تصلي والاخت تتحجب ليه؟ محتاجين ربنا سبحانه وتعالى الليلة عايزين نحس ان احنا محتاجينك يا رب محتاجين ربنا سبحانه وتعالى ان ربنا كل شيء في كل شيء. وانك مش هتاخد اي شيء غير من خزاين الملك الجليل. سبحانه وتعالى. انا عايز يا اخوانا نبدأ ننتبه لقضية قلوبنا. قلوبنا قلبك وقلبك عايزين ننتبه لقضية قلوبنا. لو طالب دخل امتحان فجاوب بس حس ان اجابته ضعيفة اول ما يخرج اول حاجة ايه يفتح الكتاب على طول ويقلب ها يشوف السؤال ده يا نهار ابيض طلع غلط. طب والسؤال ده يا خراشي ده انا حطيت انا لله وانا اليه راجعون ده انا حطيت الكلمة دي مكان الكلمة دي. طب وبعدين هو صاحبنا عرف الصح ولا ما عرفوش عرفه. بس بعد ما فات الاوان. ايه قيمة انك انت تعرف الصح بعد ما قيمة انك انت تقول عايز اعمل الصح بعد ما تموت. الفرصة لسة قدامنا نصلح قلوبنا. ونغير قلوبنا يا جماعة. بعد ستين سبعين سنة اللي انا هابقى عايش على الدنيا ولا انتم عايشين على الدنيا ولا حد فينا موجود كلنا نبقى تحت التراب. فينا اللي قبره روضة من رياض الجنة وفينا اللي قبره والعياز بالله ربنا يعافينا جميعا. حفرة من حفر النار. ومن ستين سبعين سنة كان في ناس غابة خالص حد بيتكلم وحد بيسمع الوقت كلهم تحت التراب. روضة او حفرة والعياذ بالله. عايزين نفوق يا شباب. انت تساوي قد ايه عند ربنا؟ انت تساوي ايه كم واحد منك لو موجود في الامة الاسلام يقوم في الامة؟ كم تساوي ايه تساوي امة زي ابراهيم كان امة؟ ولا تساوي الف زي الاربعة اللي سيدنا يغلبوا مائتين ولا تساوي ايه ولا غثاء كغثاء السيل فقاقيع. الفقاعة تلاقيها منفوخة على الفاضي زي نفخة المسلمين الوقتي. النفخة الكدابة او من جوة الفقاعة لما تفرقع ما تعمل صوت بس صوت من غير حقيقة. الفقاعات متناثرة متفرقة. امة ممزقة. شباب ممزق. امة متفرقة متباعدة عن بعضها فقاعات كلمة من كلمات النبي جمعت حال الام دهو كله عليه الصلاة والسلام. تساوي ايه؟ توزن عند ربنا ايه؟ قلبك هو الطريق انك انت يبقى لك قيمة عند ربنا. عايزين ندخل في درس الليلة يا جماعة. لان موضوع الليلة موضوع خطير جدا. موضوع احنا محتاجين لك يا رب. موضوع بيتعلق بمعنى لو دخل قلبك حياتك هتتغير والله العظيم. ربنا هيغير لك كل حاجة في حياتك. لو دخل قلبك حياتك هتبقى لها طعم تاني ومعنى تاني وشكل تاني تاني لو دخل قلوبنا احنا محتاجين ربنا قد ايه ؟ معي يا شباب معي اباء معي يا جماعة كلكم هنبدأ الانطلاق بتاعنا الليلة رقم واحد من الشعارات القرآنية القرآنية بتاعتنا الليلة ليس لها من دون الله كاشفة. انسى انسى الاسباب دي خالص ما لكش غير ربنا ما لكش غيره ما لكيش غيره انسوا الاسباب دي يا جماعة الاسباب سددنا لايه ؟ البنت لو بنت من زوات الاربع كم واحدة عندها المال والجمال والحسب والنسب. واتأخرت في جوازها وكم واحدة منهم اتجوزت وفشلت في الجوازة للاسف كم شاب وسيم وجميل كم واحد دكتور اتعين في الجامعة وخد ماجستير ودكتوراه وفتح العيادة ما حدش عبره ولا حد جا له. وواحد فتح واحدة في واحدة تحية في قرية مش عارف يروح بيته. كم يا جماعة؟ كم برج مرة كنت في درس في منطقة كلها ابراج؟ ما فيش فيها حاجة اقل من عشر تدوار في فبقول لهم يا اخواننا سكان وراك دول اللي حوالينا دول نسبة السعادة فيهم قد ايه ونسبة السعادة في اي عزبة او قرية او او اي منطقة سكنية الناس اللي فيها فقراء والله هتلاقي المنطقة الفقيرة نسبة السعادة فيها اعلى. يبقى يا جماعة مش عايزين نتضر في الاسباب. الزكاء ما بيديش نسبة احتمال واحد في المية سعادة زيادة. جمال مش هيديكي نسبة احتمال في السعادة واحد في المية زيادة. زكاءك مالك مركزك مش هيديك نسبة احتمال. واحد في المية في السعادة زيادة. السعادة دي حاجة على حسب علاقتك بالله رضي عنك ولا لأ ؟ معك ولا لأ ؟ الاسباب مش هتديك نسبة سعادة زيادة. احد الناس كان مرة راجع من السعودية في الطيارة جايب اجهزة كهربائية وجايب في واحد بيقول له ايه ده انت اديت حد من كل ده من جمرك ازاي ؟ قال له لأ ده انا لي قريبي في المطار. قال له طب قل توكلت على الله. حسبي الله ونعم الوكيل اتوكل على ربنا. نزل لقى قريبه مات. سبحان الله! لما بشوفه دلوقتي الشباب اللي يعلقوا علامة النسر على العربيات بتاعتهم. ومفتونين هم لا زباط ولا حاجة بس هيموتوا على الاسباب. هيموتوا يا جماعة احنا بنضحك على جحا ليه؟ احنا كلنا عملنا زي جحا. احنا ايه اللي بيخلينا نضحك عليه؟ عارفين جحا لما كان حاطط الفلوس في جيبه ورايح واحد بيقول له انت رايح فين يا جحا؟ قال له رايح اشتري حمار. قال له طب ما تقول ان شاء الله. قال له قل ان شاء الله ليه؟ الفلوس في جيبي والحمار في السوق. راح الفلوس اتسرقت منه. راجع بيقول له ايه يا جحا ما جبتش الحمار ليه ؟ قال له الفلوس اتسرقت ان شاء الله. الفلوس في جيبه الحمار في السوق. كلنا بنبقى جحا يا جماعة لما بنملك الاسباب لما جبنا بيتملى اسباب كلنا بنتحول لجحا يا جماعة. كلنا بنقول نقول ان شاء الله ليه؟ نتوكل على الله ليه؟ نقف على بابه ليه؟ ما الاسباب في جيبي اهو. اتوكل ليه عايزين يا اخواننا سلوكنا يتغير في علاقتنا بالله اعظم الاسباب ممكن ما يجيبش اي نتيجة. ليه ؟ مرة يعني طيارة كانت طايرة فوق جبال وغابات القلب بارتفاع تلاتة واربعين الف قدم. والغابات بيغطيها الجليد خمس امتار فوق. الطيارة اتحرقت وانفجرت. الشق كله مات. الشق بتاع الطيارة اللي انفجرت من عنده. الشق ده كان واحد راكب فوق بالظبط وقع منه. ده الوحيد اللي نجا. نزل على جليد خمس تمتار وقع واقف. ما وقعش قاعد ولا وقع نايم. ولا وقع متكسر ولا ما اخدوش حد. واحد هيقول ازاي؟ الله قادر يعني ربنا بيربينا يا اخوانا ان اعظم سبب ممكن ما يجيبش نتيجة. واتفه سبب ممكن يجيب نتيجة كبيرة جدا. وضخمة جدا. لما بادخل صيدلية تجيب دوا برد ولا حاجة تلاقي الصيدلي واقف عينيه حمرا ومناخيره بترشح وماسك المنديل ووراه ميت دواء لعلاج البرد. تقول سبحان الله! اية يا رب! ليه دايما الطبيب اللي بيتخصص في حاجة بيموت بها. طبيب جراح اللي جراح الغدة الكظرية يموت بالغدة الكظرية. اللي استاز القلب يموت بالقلب. دكتور الكبد يموت بسرطان في الكبد. دكتور جراحة الجهاز الهضمي يموت بالسرطان في المعدة. ربنا يعافي المسلمين. ليه يا جماعة؟ عشان ربنا يقول لك انا تحديات المال ان مش هو ده الاستاز في المرض ده هيموت به. ليه؟ سبحان الله! طبعا مش قاعدة. ولكن كثير ما نراه. كثير ما رأيناها. كثير ما رأيناه جدا ليه عشان ربنا يقول لك انا قادر والانسان مهما اوتي من اسباب. ما هوش قادر على اي حاجة. فقير واقف على باب فقير. هياخد منه ايه؟ هارون الرشيد كان فيه واحد شاعر اسمه منصور رايح يمدحه. فبيقول له ايه بيقول له ان اخلف الغيث لم تخلف انامله لو السما ما مطرتش ايديها تمطر يا سيدي هارون رشيد هيمطر او جاء او ضاق امر ذكرناه فيتسع. اول ما نقول بس هارون الرشيد الدنيا تفرج كلها على طول. فمرة احد السلف فلقى الشاعر منصور قاعد ومهموم ومكتئب وحزين. فبيقول له مالك يا منصور؟ قال له امرأتي تطلق منذ ثلاث. وقد ايسنا منها مراتي بقى لها تلات ايام بتولد وهتموت خلاص زمان ما كانش فيه ولادات قيصرية. وتموت ومش عارفين نعمل ايه. فقال له ان الفرج اقرب اليك من وجهها. ده الفرج قريب قوي. قال له وما قال قل هارون الرشيد يخرج الولد. قال له اتسخر مني؟ قال الم تقل او ضاق امر ذكرناه فيتسع ربنا سبحانه وتعالى بيربيه. ربنا بيأدبه يا جماعة. يا جماعة احنا عايزين نفهم. عايزين نفهم ان مهما اوتينا من اسباب ربنا بيدي للامة اسباب ورا اسباب. والام ما بتنتفعش بها ليه؟ لان ربنا بيربينا اهو خدوا بترول واقتصاد والفقر هيزيد. خدوا الشهادات والهم هيزيد. خدي جمال زيادة والعنوسة هتزيد. خدوا كل اللي انتم عايزينه كل مشاكل هتزيد ليه؟ لانكم بعاد عني. تعالوا لي ليس لها من دوني كاشفة. انا بس اللي اقدر افرج الكرب. انما الاسباب ما تقدرش تعمل حاجة. الامهات في امتحانات السانوية العامة عملوا عمايل غريبة جدا. وليه ابتليت في السانوية العامة؟ لدرجة ان العيال اللي جا له جلطة واللي جا له شلل واللي انتحرت. ليه؟ كل ده ليه؟ عشان سبب. السانوية العامة سبب الف طالب جاب مجموع كبير في السانوية العامة وعاش تعيس. الف طالب عقد جاب مجموع كبير في السانوية العامة وعاش مريض. الف طالب جاب مجموع كبير في السانوية العامة وعاش فاشل. ما تعلموهمش يا جماعة ما تعلموهمش ان النص درجة في السانوية العامة تحدد مستقبله. علمي ولادك علمي بنتك علمي ابنك. ان علاقته بالله هي اللي بتحدد مستقبله ما تعلموش انه محتاج لسبب حتى لو السانوية العامة. علميه انه محتاج لربنا. لان لو ربنا ما رضاش عنه عمره ما هيعيش سعيد. ولو طلع الاول على الجمهورية في السانوية العامة ربنا يسعد ولادنا كلهم يا رب. ليس لها من دون الله كاشفة. يا جماعة الاسباب عاملة زي اصفار صفر صفر. ومعية الله عاملة زي واحد لو الاصفار موجودة مليون صفر من غير معية الله ما لهاش قيمة. انما الواحد جه كل صفر بعد كده بقى له قيمة. الاسباب بقى لها قيمة لما ربنا كان معنا. انما بدون كده ولا كان لها اي قيمة. الاسباب اللي ضيعنا عمرنا وراها. اللي فاننا اعمارنا فيها واتخدعنا فيها. ويقعد يجري يجري يجري. ويمسك السبب في ايديه. ايه ده ده طلع سراب. سراب. طب ارجع بقى لا انا هجيب السبب اللي بعده. ما انت عرفت انها سراب لأ. انا لازم اجيب كل الاسباب في حياتي ليس لها من دون الله كاشفة. اتنين لان لم يهدني ربي لاكونن من القوم الضالين. ما فيش امل غير في الله اول عنصر قلت لك فيه اعرف الاسباب. دلوقتي باقول لك اعرف نفسك انت من غير ربنا ايه. انت من غير ربنا عاجز. عاجز ازاي ؟ لما واحد بيعطس بيقولوا له ايه شمته شمته يعني ايه ؟ قل له يرحمك الله. ما حدش فكر قبل كده يعني ايه شمته؟ شماتة الدابة اللي هي قوائم الدابة زي رجلين الدابة اللي قوم الدابة على طولها يبقى شمته يعني لما تقول له يرحمك الله كلمة يرحمك الله دي هي اللي هتقيم حياته. يعني انت من غير رحمة ربنا عاجز ما تعرفش تعمل حاجة. انت من غير ربنا فاشل انت من غير ربنا مش بس فاشل من غير ربنا مشلول. سيدنا موسى بيقول ربياني لما انزلت الي من خير فقير. عارفين يعني ايه فقير؟ جاي من الفقر اللي هو واخد خبطة في العمود الفقري بتشل جسم الانسان شلل كامل. يبقى ازا انت من غير ربنا مشلول. من غير امريكا لما البترول اتمنع عنها في تلاتة وسبعين اتشلت هي واوروبا. امال لو ربنا منع يحصل لك ايه سبحانه وتعالى. انت من غير ربنا هالك هالك. زي الجنين في بطن امه اللي اتقطع عنه الحبل السري بالزبط انت من غير ربنا ما فيش حاجة هتيجي فيها سمرة في حياتك. ولا حاجة تفلح في حياتك. وهو ده معنى النداء اللي بنسمعه خمس مرات في اليوم. حي على الفلاح على الفلاح يعني ايه ؟ لما اقول لك انت عايز التفاح؟ اه التفاح في السوق ما تروحش النادي تجيبه. حي على الفلاح عايز الفلاح الفلاح هنا. مع ربنا ما تروحش تدور عليه في مكان تاني حي على الفلاح يا امة محمد. الفلاح زي الفلاحة. لما يزرع وتطلع الثمرة. الفلاح ان كل حاجة في حياتنا يبقى لها ثمرة. انما احنا حياتنا ما عادش سمرة ليه ؟ فين الفلاح؟ لما نبقى مع ربنا سبحانه وتعالى. لو سابك عشان تنجح لازم ربنا يبقى معك. انما عشان تضيع لأ مجرد انه يسيبك انت ضعت انا ده انا معي ده انا شاب وسيم وموديل عربيتي ومركز ابويا وشهادتي ومرتبي اقعد لغاية اربعين سنة تدور على روسيا ومش هتتجوز. ده انا مركز بابا وامكانياتي وجمالي وشهادتي وهتجوز احسن شاب انا عايزاه. حتى لو اتجوزتي شوفي الفشل اللي انت هتعيشيه في حياتك جميلة واتأخرت في الجواز بتتصل باحد الدعاة. بتقول له شوفوا الكلمة انا باقولها بتعبيرها. بتقول له هو الشباب امتصه في نزرهم! شف الكلمة بتقول ايه! والله واخوأ واخرج من بين البيوت لعلني احدث عنك النفس في السر خالية. قلت ياه. الانسان جواه شوق رهيب لربنا. شوق رهيب ما يسدوش غير الخلوة مع الله. ان يبقى هو وربنا بس يا اختي اصل هو نزرهم مش في ايدهم. نزرهم في ايد ربنا سبحانه وتعالى. البنت جميلة ومتأخرة في الجواز ومش عارفة ليه. ليه؟ ليس لها من دون الله كاشفة لئن لم يهدني ربي لئن لم يجبرني ربي لئن لم يحفظني ربي لئن لم ينصرني ربي لئن لم يعطني ربي لئن لم يعني ربي لئن لم يسددني ربي خلاص ضاعت كل حاجة ضاعت. يا جماعة بيقول لك ان الذرة اكتشفوا ان الذرة من جوة كلها هواء اصلا. لو الذرة اتشفطت يقول لك ان لو الذرات اللي بتكون الكرة القضية اتصفطت الارض تبقى قد البيضة. يعني انت لو النفخة الكدابة اللي انت فيها دي اتصفطت هتبقى قد ايه. ازا كانت الكرة الارضية هتبقى قد البيض النفخة دي لو راحت هنبقى قد ايه يا جماعة؟ لئن لم يهدني ربي لاكونن من القوم الضالين. تلاتة الشعار التالت وان من شيء الا عندنا خزائنه خزائنه عند ربنا. فوق الموضوع بيتقسم وينزل يتسلم تحت. خدوا بالكم يا امة محمد. علقوا قلوبكم بمنابع التقسيم مش بمراكز التسليم فوق منابع التقسيم. وفي الارض بلاك لمراكز التسليم. يا امة محمد وان من شيء الا عند عند ربنا. عند ربنا. يا اللي بتضحكوا على اللي باع الترماي ولا اشترى التروماي. بتضحكوا على اللي اشترى الترماية! ليه ما كلكم اشتريتم الترماي! كلنا اشتريناه يا جماعة هو احنا بنضحك على اللي اشترى التروماي ليه ؟ عارفين ليه ؟ عارفين ليه ؟ لان هو فيه حد يملك التروماي ؟ اهو بالزبط كده ، هو فيه حد يملك رزق! اجلك! جوازك نفعك ضرك وقفني على باب المخلوق ليه؟ اتزلينا للناس ليه؟ افتقرنا الى الفقراء ليه؟ يا اخوانا ده احنا البشر دول عاملين زي مجموعة من الشحاتين جروا على باب واحد غني. فمجموعة سبقت الاول فاداهم فلوس كتير. فرجعوا في ايديهم فلوس كتير. فالشحاتين المتأخرين جايين فلقوا ناس في ايديها فلوس حسبوهم هم اغنيا بدأوا يشحتوا منهم. والاتنين شحاتين واخدين من ربنا سبحانه وتعالى. ولله المثل الاعلى. زي صراف بنك قاعد معه مليون جنيه وقاعد يدي فلوس وياخد فلوس ويدي فلوس وهو مرتبه متين تلتميت جنيه. ما عندوش حاجة اصلا. كل الكلام ده مش في امكانيات ولا ملكه اصلا. يا امة محمد يا امة محمد عايزين نعرف ربنا مش اكبر جريمة لا تغتفر لبني ادم. ممكن الزنا يغتفر. ممكن الكبائر تغتفر. انما الجريمة ديت الجريمة دي من افظع الكبائر. انك تعتقد انك ما انتش محتاجه. انك تستغنى عنه. انك تعيش الدنيا مستغني عن كلمة يا رب. اوعوا يا جماعة انتم الفقراء عايزين نشتري الترماي للاسف احنا لما بنفتقر بنشتري الترماي. بنروح لمن لا يملك ونتذلل له عشان يدينا اسباب. ولما بنغتنى بنبقى زي جحا بنروح نقول ان شاء الله ليه؟ الاسباب في جيبنا والحمار في السوق. نقولها ليه؟ يا امة محمد. يا امة محمد وان من شيء كل حاجة بتدوروا عليها فوق مش تحت ما تدوريش على حاجة تحت ما تدورش على حاجة تحت كله فوق. كله في الخزاين فوق. زي واحد اشترى عربية جديدة ما لوش خبرة في العربيات. فلما جه يطلع بها فلقى لمبة حمرا نورت قدامه. هو طالع مسافر على الطريق الصحراوي اللمبة الحمرا دي ايه ؟ فبيسأل واحد جاهل زيه. بيقول له اللمبة الحمرا دي ايه ؟ قال له ده بينوم كده يعني ايه بيزينوها وبيسلوك ؟ وعايزين يسلوك وانت ماشي في الطريق الراجل صدقه وطلع. وهي اللمبة بتقول له ان ما فيش بنزين. الراجل ده لو كمل السفر على الطريق الصحراوي مصيبة. كارسة. ليه؟ ما هواش فاهم. وهو عنده تصور عن اللمبة الحمرا بس تصور خاطئ. ممكن التصور الخاطئ يضيع الانسان. طب ما بالك بتصور خاطئ عن قدرة الله وعظمة الله. وغنى الله. ما بالك بقى بانسان عنده جهل بالله عايزين نعرف ربنا يا جماعة. عايزين نعرفه. لما نعرف ربنا قادر قد ايه سبحانه وتعالى افتكر البنت بنت اختي بنت بنت اختي كانت طفلة صغننة كده دلوقتي بقت مزيل في رابعة ابتدائي ما شاء الله. كانت بنت صغننة كده فمرة بتجري اخوها سرق منها اللعبة بتاعتها وبيجري فانا عايز اشيلها فبقول لها تعالي وانا هقوم اجيب لك اللعبة بتاعتك. طبعا انا في سانية بازن الله طبعا يعني. هاقوم اجيب لها اللعبة وخلاص فالبنت قعدت تبص لي كده وقفت عايزة تحسبها انا فعلا هاقدر ولا مش هاقدر انا صادق ولا مش صادق وبعد كده حسبتها غلط. سابتني وطلعت تجري وتعيط وطبعا ما خدتش اللعبة بتاعتها. قلت سبحان الله! قلت يا رب انت ورتني المنزر اهو عشان افهم فعلا البني ادمين عاملوك ازاي. ربنا بيقول لك تعال وانا احل لك كل مشاكل حياتك. تقف تفكر كده يا ترى ولا مش يا ترى يا ترى ايه يا ابني! احنا بنحسب ايه! احنا احنا بنتكلم! انا باكلمكم في ايه يا جماعة! انا باكلمكم في بديهيات يا اخوانا! دي ما كانتش قضايا يا اخوانا انا باكلمكم في حاجات المفروض نكون ده نهى وانطلقنا الى الله سبحانه وتعالى. انا باكلمكم ان احنا محتاجينه ان ما لناش غيره ان ما فيش غيره ان ما فيش باب غير بابه. ان لا شيء بعده. لو فاتك ربنا سبحانه وتعالى ضاع منك كل شيء. ان قبل قبل ما ربنا ينجدك ويغيثك ما حدش هيقدر يعمل لك كل حاجة. انا باكلمك في ايه ؟ باكلمك ان هو الاول والاخر. ما فيش قبله ولا بعده. هو الاول والاخر في حياتك ما حدش هينجدك قبله ولا حد هيعمل لك حاجة. لو هو سابك سبحانه وتعالى بعده. يا اخواننا يا اخوانا وان من شيء الا عندنا خزائنه. كان معنا في الحج السنة اللي قبل واحد جا له سرطان ربنا يعافينا يا رب في العمود الفقري كان معنا بيحج وراح الروضة المشرفة بات ليلة كاملة يدعي ربنا وشفي. وبعدها جه يحج معنا في الحج. الله قادر يا جماعة. الحج ياما بنشوف فيه معجزات ياما والله شاب مرة في السانوية العامة كان خارج من سنوات طويلة يعني. كان خارج من بيته رايح الامتحان ومجاوب في الامتحانات كويس جدا. رايح الامتحان. فوهو رايح امتحان مرة لقى مجموعة من الشباب وللاسف المنزر ده قاعد بيتشاف. مجموعة من الشباب بيتحرشوا بفتاة في الشارع. وبيعاكسوها وبيحاولوا يعتدوا عليها. فالولد اتجنن. هجم عليهم وهو بيتشاكل معهم البنت كانت هربت وهربت بسرعة. قعدوا يضربوا فيه مجموعة كبيرة لغاية ما اغمى عليه تماما. اغمى عليه عما فاق راح الامتحان خلاص الامتحان عليه يعمل ايه خلاص بقى اما يعني عدل منزره وشال اسار الضرب وبعد كده روح بيته ولا كأن فيه حاجة وكمل الامتحانات عادي خالص. يوم النتيجة اهله بيقولوا له مش هتنزل تشوف النتيجة. قال لهم انزلوا انتم. وهو ممكن انه ساقط ممكن انه ساقط. الراجل ده بعت مشكلته بعد كده. بوكر انه ساقط تماما. بيقول فوجئ ان هم جايب مجموع يدخله كلية من كليات القمة. دخلها وما قلش لحد حاجة. بعد سنين لما خد الكلية ولما اشتغل ولما كسب باعت بيقول انا ضميري بيانبني. انا اللي انا عملته ده حرام ولا حلال؟ انا اللي انا قابلته. قبلت مين ؟ سبحان الله قادر يا جماعة. مش هتقبل عليه وهيسيبك. مش هيتخلى عنك ابدا طول ما انت مع ربنا ربنا مش هيسيبك سبحانه وتعالى. عايزين مريم لما اتهموها بشرفها مريم. ده لو بنت بتقع في الزنا والعياز بالله واتهموها في شرفها. جهرا ممكن تموت فيها. امال مريم تعمل ايه؟ ينطق لها غلام معجزة ما حصلتش في التاريخ. غير تلات اربع مرات عشانها. يوسف يتهم في شرفه اللي يبرأه اخر واحدة في الدنيا ممكن تنطق بالباطل. امرأة العزيز اللي تبرئتها له معناها اتهام لشرفها هي. سيدة عائشة اتهمت في شرفها من المنافقين اتبرأت ازاي ؟ جبريل من فوق سبع سماوات ينزل يبرأها. الله قادر مش هيسيبك. لما باسمع قول الله سبحانه وتعالى الله يتوفى الانفس حين موتها والتي لم تمت في منامها. اقول يا رب يا رب يعني كلنا نفوسنا بتطلع بين ايديك بالليل. يعني يا رب بوش نفسه بتطلع بين ايديك وبتسيبها ترجع تاني. وترد له روحه تاني ازاي يا رب! ايه يا رب الهيمنة دي! ايه يا رب الحلم ده! ايه ده! يا اخوانا احنا اتعلمنا من قصة سيدنا ابراهيم. ان السكينة ما بتدبحش! وان النار ما بتحرقش! ان ربنا هو اللي قادر انه يعمل كل حاجة. يعطل الاسباب وقت ما شاء. وينفز فيها ما شاء وقت ما شاء. وان من شيء الا عندنا خزائنه عرفنا الاسباب في قول الله ليس لها من دون الله كاشفة. وعرفنا نفسنا في قول الله لان لم يهدني ربي لاكونن من القوم الضالين. وعرفنا ربنا في قول الله وان من شيء الا عندنا خزائنه. السمرة ايه! الكلمة اللي كان رسول الله عليه الصلاة والسلام بيقف في جوف الليل في قيام الصلاة. في الحديس اللي رواه سيدنا علي في صحيح مسلم في مناجاة رسول الله لربنا اول الصلاة. وهو بيقول لربنا انا بك واليك. انا بك انا ما اقدرش اعمل اي حاجة من غيرك. انا عايش بك. انا درجة حرارتي سبعة وتلاتين. لو رحت وسط افريقيا هتفضل سبعة وتلاتين. لو رحت القطب الشمالي هتفضل سبعة وتلاتين ازاي الاكسجين واحد وعشرين في المية نسبته. ايام ما كان البشر اتنين ادم وحواء كان نسبته واحد وعشرين في المية. لما بقينا ستة مليار نسبته واحد وعشرين في المية ازاي والله احنا عايشين بالله يا جماعة. احنا عزيز بالله. انت عزيز بالله يا حبيبي. يوسف كان كان امرأة العزيز بتحاربه. يبقى فيه واحد عزيز وفيه يوسف العزيز عزيز بالناس عزيز بالمركز وامرأته عزيزة بجوزها. لكن يوسف عزيز بالله. العزيز بالمركز حصل له اتزل. وراح منه المركز ومراته حصل لهم كل حاجة. انما العزيز بالله بقى ملك. بقى ملك. كل الناس خضعت له ودانت له. عزيز بالله. سيدنا محمد كل بيعلمنا كل طلعة نهار وكل دخلة ليل ان احنا نعمل ايه ؟ ان احنا نشهر افلاسنا لله. يا حي يا قيوم برحمتك نستغيث اصلح لنا شأننا كله. كله يا رب انا ما اعرفش اعمل اي حاجة. انا باشهر افلاسي لك. مع كل طلعة شمس وكل غربة شمس الرسول عليه الصلاة والسلام بعد كل صلاة يقول لربنا ومنك السلام. منك السلام اللهم انت السلام ومنك السلام. منك السلام يعني ايه؟ الف خطر بيهددك في وفي قبرك وفي القيامة وفي النار. الرسول بيقول يا رب سلمني من كل ده. ما حدش هيسلمني غيرك يا رب. لما باقرأ قصة سيدنا يوسف اكتر حاجة بتشق قلبي؟ عارفين بحس ان سورة يوسف عاملة زي ايه ؟ عارفين بحس ولله المسل الاعلى. اللي اخترع عربية موديل مزهل ما حدش قدر يعمل زيه. وبعد كده جه عرضها قدام قال لهم شوفوا العربية دي انا بس اللي اعرف اعملها في الدنيا لو عايزين زيها ادفعوا لي التمن وانا اديكم زيها. ولله المسل الاعلى ربنا بيقول لنا شوفوا. اهو ده واحد انا اللي رتبت له. انا اللي رتبت له ووصلته قمة في الدنيا اتيتني من الملك. للقمة في الدين نبوة. للقمة في الاخرة انت ولي في الدنيا والاخرة. وصلته للقمم لان انا اللي رتبت له ازا رتب لك ادفع التمن اللي هو دافعه. عايزين ارتب لكم احنا مفتقرين لترتيب الله يا جماعة. سيدنا نوح وهي تجري بهم في موج كالجبال سفينة تخيلوا جبال الهيمالايا وجبال سلاسل البحر الاحمر. تخيلوا جبل وسفينة ماشية في الموج قد الجبل هتمشي ازاي؟ طب ازاي مشت عارفين مشط ليه ؟ لانه في الاول قال بسم الله مجريها. قال بسم الله في الاول. فلما قال بسم الله في الاول مش هتستفينا يا جماعة. انطلق السفينة يا اخوانا بسم الله. عشان كده ربنا بيقول في سورة القمر وحملناه على ذات الواح ودسر. الواح يعني خشب ودسر يعني مسامير يا رب يعني يعني انا مسافر مسلا من المنصورة ولا من القاهرة لدبي بعربية. ده انا سافرت على شوية كاوتش وصفيح. الله! هو انا كده باعزم في العربية ولا باحقق فبحقر فيها. طب يا رب انت بتحقر في السفينة ليه ؟ وانتم كنتم فكركم ان سفينة هتنجي ناس من طوفان رؤوس الجبال غرقت به. غير في انا عشان كده سيدنا نوح لما شاف السفينة قال بسم الله يعني باستعين بك يا رب. السفينة مش هتقدر تغني عني حاجة. بك انت يا رب. فربنا بيؤكد سيدنا نوح خشب ومسامير ايه؟ اللي كانوا هيشيلوك يا نوح. خشب مسامير ايه اللي هيشيلوكم يا جماعة؟ يا جماعة ورقة ايه اللي احنا معلقينها على الحيطة؟ شهادة ايه هتسعدنا وهتغنينا هتجوزنا يا اخوانا عايزين نعرف مين ربنا ومين الاسباب عايزين نعرف احنا محتاجين لربنا قد ايه انا بك واليك انا بك يا رب كلكم يا ابن ادم قل له يا عبادي كلكم ضال الا من هديته. يا رب طب الشيخ آآ الشيخ فلان والعالم فلان كلكم. الله! يا رب طب اللي بيكلموا الناس في الدين كلكم من هديت فاستهدوني اهدكم يا عبادي كلكم جائع. يا رب ده انا التلاجة اتملت لحمة وفراخ وجبت ديب فريزر. واتملى يا رب وما عدش مكفي كلكم جائع الا من اطعمتم. فاستطعموني اطعمكم فالدكاترة قالوا له ايه يعني وكيل الوزارة قال له انت هتروح آآ مركز بعيد جدا يعني بينا وبينه ساعة ونص ساعتين كده. فقال له ازاي! ده انا خدت اخصائي وما ينفعش. قال له يا عبادي كلكم كلكم عاري الا من يا رب عاري ده انا يا رب عندي عشرين بدلة وانا يا رب عندي الدولاب بتاعي ملايين الهدوم كلكم كلكم محتاجين ربنا سبحانه وتعالى كلنا يا جماعة. الايات اللي بتأسر في قلبي اوي. ايات لولا الايات اللي فيها كلمة لولا لولاك يا رب مع سيدنا محمد لولا ان ثبتناك لقد كدت تركا. لولاي كنت زمانتك فين ؟ مع سيدنا يونس لولا ان تداركه نعمة من ربه لنبذ بالعراء كان ضاع من غيري سيدنا يوسف لولا ان رأى برهان ربه. لولا ان هو انا انقزته بالبرهان كان حصل له ايه؟ مع المؤمنين ولولا فضل الله عليكم ورحمته. ما زكى منكم من احد ابدا. كنت ضعته. مع اهل الجنة. الحمد لله الذي هدانا لهذا. وما كنا لنهتدي لولا ان هدانا الله. لولاك يا رب بيقول لك كنا لان لم يهدني ربي لاكونن من القوم الضالين. لان لم يغفر لان والا تغفر لي وترحمني لاكونن من الخاسرين. انا من غيرك يا رب ليس لها من دون الله كاشفة. شعارات قرآن نور. قلبك لازم يسكن فيه الانوار ده. قلبك لازم يعمر بالانوار دهي. لازم يا جماعة يا جماعة القرآن ده يدخل في قلوبنا. انا بك واليك. عارفين العقيدة الطحاوية اللي كتبها ابن ابي العز الحنفي رحمه الله من السلف. علمائنا يا جماعة علمائنا في الزمن بتاع الجرايد العلمانية اللي بيشتموا في العلماء بتوعنا. وفي الزمن بتاع المنصرين اللي نزلوا المصايف وزعوا كتب تنصير على الشباب بتوعنا. علمائنا يا جماعة اللي صوروا لنا طريقنا وبيشرحوا لنا كتبنا ان ابو العز الحنفي في العقيدة الطحاوية بيقول ذلك بان الله على كل شيء قدير. وان كل شيء ان اليه فقير. وان كل امر اليه يصير لا يفنى ولا يبيت. ولا يكون الا ما يريد. كلام علماءنا الجميل. وهم بيتكلموا عن ربنا سبحانه وتعالى انا بك واليك انا بك واليك يا رب الشعار الخامس الشعار القرآني الخامس معنا الليلة. الشعار الخامس يا اخوانا رب اني لما انزلت الي من خير فقير انا فقير اليك يا رب انا مشلول من غيرك يا رب. سيدنا موسى قال الكلمة دي امتى ؟ رايح مدين. مشي مئات الكيلو مترات. بطنه دخلت في ضهره ما كلش حاجة فراح يدور على مكان فيه ناس لقى الناس ملمومة على الماية فلقى الناس من ندلتهم ما رضوش يغيثوا الفتاتين. سيدنا موسى عمل ايه؟ ثم تولى الى الله يعني ايه ؟ يعني لأ ان الناس دي ما تنفعش اصلا. ما ضيعش وقته. ما ضيعش عمره. فهم من اولها ان المخلوق مش هيعمل له حاجة. راح لتحت الشجرة وقال يا رب انا عايزك ما تضيعش الى الى الله كل اللي انتم عايزين عنده. ما هوش عند حد تاني. يا ترى انت محتاجة الرزاق قد ايه؟ يا ترى انت محتاج العظيم قد ايه؟ يا ترى انت محتاج الودود قد ايه؟ يا ترى يا ترى يا جماعة احنا محتاجين ربنا قد ايه عمرك انا عايزك ما تضيعيش نفسك لن ينجيك مما انت فيه الا الله. لن ينجيكم مما انتم فيه الا الله فتوجهوا. اوعوا تضيعوا عمركم يا جماعة ربي اني لما انزلت الي من خير فقير. انا فقير يا رب. انا فقير. بصوا يا جماعة انا عايزكم تراقبوا في القرآن. كل ما كلمة فقر هتيجي في اي مكان بصوا بعدها هتلاقوا الفرج على طول. كل ما كلمة محتاج لك يا رب هتيجي الفرج بعدها. كل ما الاحساس بالافتقار الى الله هييجي الفرج العظيم بعدها. سيدنا نوح اول ما قال بسم الله مجريها ومرساها. قيل يا نوح اهبط بسلام منا وبركات. سيدنا موسى اول ما قال ربياني لما نزلت الي من خير فقير. فجاءته احداهما تمشي على استحياء. قالت ان ابي يدعوك ليجزيك اجر ما سقيت لنا. تعال يا موسى هتاكل. تعال يا موسى فيه عروسة مستنياك. تعال يا موسى فيه سكن شقة وعروسة. تعال يا موسى فيه شغلانة تمان سنين باجر سابت ودخل سابت. تعالى يا موسى فيه مأمن من من الفزع اللي فرعون اعمله لك. تعال يا موسى كل حاجة مفتوحة لك. وكل الخزاين مفتوحة لك. لانك قلت انا فقير. لانك اعترفت بفقرك لان الاحساس بالافتقار شق قلبك. لانك فهمت انت محتاج لربنا قد ايه يا موسى لانك عرفت ان ما لكش غيره. لانك عرفت ان ما لكش في الدنيا ده غير ربنا سبحانه وتعالى وغير بابه. تعال يا موسى خد كل اللي انت عايزه. اول ما سيدنا ابراهيم قال لان لم يهدني ربي لاكونن من القوم الضالين فتح على قلبه باعظم مقام. لو الامة وصلت اليه الوقتي حالها كله هيتغير وجهت وجهي للذي فطر السماوات خلاص توحيد الوجه على الله. سبحانه وتعالى. يا اخوانا لو احتجنا ربنا. لو افتقرنا الى ربنا ربنا هيدينا ايه؟ لو ربنا فتح على قلبك بالاحساس بالاحتياج له يبقى ربنا يريد بك فتح عظيم. مرة كنا قاعدين في قعدة قعدة ايمانية فبنتكلم. فكل واحد بينصح اخوانه بحاجة فواحد قال لنا نصيحة جميلة اوي. قال بصوا يا جماعة احنا اتسابقنا في كل حاجة. ما تحاولوش. عايزين تسمعوا في الدعوة في اللي قتلوا نفسهم في عمرهم في الدعوة. عايزين تسبقوا في العلم السلف قفلوا المنطقة. عايزين تسبقوا في الجهاد في اللي حطوا السيف على عاتقهم لغاية ما استشهدوا بعد سبعين تمانين سنة جاي. ما عدش غير باب واحد بس. نسبق به غيرنا قلنا له ايه ؟ قال الافتقار الى الله الفقر انك تحس انك فقير اليه. عشان كده ابن القيم بيقول اعظم ده بيدخل منه على الله الافلاس. انك مفلس يا جماعة يا امة محمد انما الصدقات للفقراء لو ملك واحد رايح يمد له ايده ويتمسكن ويقول له اديني ادي له. انما واحد رايح منش كده وبيبص له اديني بقى من غير ما امد ايدي انما الصدقات للفقراء ربنا هيديك على قد افتقارك ربنا هيديك على قد افتقارك ربنا هيديك على قد ما انت حاسس انك محتاج له. ربنا هيدي لك على قد ما سجدت وبكيت بين ايديه. وقلت له محتاجة لك يا رب الليلة. تقفي من اي وتبكي محتاجة عيل يا رب. اقف بين ايديه وابكي محتاج شغلانة يا رب. اقف بين ايديه وابكي محتاج اتجوز يا رب. اقفي من ايديه وابكي محتاج يا رب محتاجة يا رب امور حياتي متقفلة. صلح لي جوزي يا رب. اهد لي ولادي يا رب. قولوا يا رب يا جماعة. بلاش جري ورا الاسباب. يا جماعة يا جماعة انتم الفقراء الى الله. يا جماعة الاسباب عامل لنا ايه ؟ خلاص كرمنا الاسباب بقى لنا سنين. وكل يوم بنزداد فقر على فقر. وبنزداد زل على زل. وبنزداد بهدلة على بهدلة عايزين بقى نقف على باب ربنا. عايزين نفهم الدنيا ما نضيعش عمرنا اكتر من كده. خلاص كفاية. شوفوا ربنا هيرفعكم المقام الى والافتقار جه. ها عبدي استطعمتك فلم تطعمني يا رب كيف اطعمك وانت رب العالمين؟ ده وقت بيعرض على الله؟ اما استطعمك عبدي فلان؟ اما علمت انك لو اطعمته لوجدت ذلك عندي؟ اخر الحديث عن مرضت فلم تعدني يا رب انت مرضت ازاي يا رب؟ يا رب كيف اعودك وانت رب العالمين؟ اما علمت ان عبدي فلان مرض؟ اما علمت انك لو عدته عنده انت مش لو شدتني هندة يعني ايه ؟ كنت مرة بزور مع احد الاخوة احد المرضى. فقلت له يلا نمشي مشينا. بعد ما مشينا بيقول لي جا لك قلب. ربنا يبقى معنا يا ترى يا اخوانا انت محتاج المجيب قد ايه ؟ يا ترى احنا محتاجين الرزاق محتاجين الغفار التواب قد ايه ؟ يا ترى يا اخوانا ربنا بيقول اليس الله بكاف عبده وتمشي لوجدتني عند باب الاجابة مفتوح عنده. باب الاعمال الصالحة مفتوح عنده ليه؟ لانه حاسس انه محتاج لانه حاسس انه محتاج ربنا. شوفوا ربنا رفعه لمقام ايه. لمقام المعية. لانه حس انه محتاج ربنا سبحانه وتعالى. على قد ما احنا حاسين. ادي اتنين طلبات. اتنين طلبة. طالب واقف قدام المدرسة في جيبه جنيه. بس يتيم. لو صرفه ما حدش تاني يدي له غيره. وطالب واقف جيبه فاضي. ولكن له مليونير لو طلب الف جنيه يديها له. اهو ده المفتقر الى الله. ممكن يكون ماشي جيبه فاضي. بس كل اللي في الخزاين كانه في جيبه. مالي جيوبه ومن فضل ربنا سبحانه وتعالى حاطط في بطنه لأ بطنه مين ده ؟ ده واسق سقة رهيبة. لانه مفتقر الى الله. فماشي غنى خزائن الملك ده كلها عارف ان ربنا ينزلها عليه في لحظة سبحانه وتعالى اني لما انزلت الي من خير فقير. هي اسرائيل متنططة علينا بايه ؟ بالفيتو بتاع امريكا في الامم المتحدة. اي قرار الفيتو بتاع امريكا هيوقفه. مسنودة انت لو مسنود من الله سبحانه وتعالى اعمل ايه هتعيش حياتك زي ما انت عايز. على مراد ربنا سبحانه وتعالى طبعا. لما ربنا نصر الصحابة في بدر قال لهم ولقد نصركم الله ببدر وانتم اذلة الفقر مالي قلوبكم الافتقار والانكسار مالي قلوبكم. مشهد فظيع. ان جيش كامل قبل المعركة بتلات ساعات كله نايم. دا معركة ايه دي! معركة ايه دي يا رب دي اللي الناس ديت سبحان الله وانتم ازلة ربنا نصرهم بالذل. نزرهم نصرهم بالافتقار والانكسار. مش نصرهم بالعدة والعتاد يا امة محمد بص هو المكان ده ما فيش فيه ولا دكتور والمحافظ والدنيا مقلوبة ولازم تنفذ. فبيقول لي انا رحت على اساس ان انا هروح هناك بس هقول سلام عليكم وعليكم السلام واكتب اسم الشعار السادس. افتكروا معي يا جماعة. افتكروا معي ليس لها من دون الله كاشفة. اوعى قلبك يتعلق بسبب اصفار. كلها اصفار. سراب. افتكروا يا جماعة لان لم يهدني ربي لاكونن من القوم الضالين. انا ما ليش غيرك يا رب. انا من غيرك ضايع. مشلول عاجز. ما فيش ثمرة لاي حاجة في حياتي. هالك هالك ضايع منتهي. افتكروا وان من شيء الا عندنا خزائنه اوعوا تشتروا التروماي. اوعي تشتري الترماي. اوعي تطلبي اي حاجة من اللي ما يملكهاش. احسن هتبقي مضحكة يوم القيامة. شوفوا الضحك اللي احنا ضحكناه اللي اشتروا الترماية في الدنيا. هيدبحك علينا يوم القيامة لو ما فوقناش لو ما تبناش. لو بطلناش ان احنا نقف على باب من لا يملك شيء. ووقفنا على باب اللي بيملك كل شيء. عرفنا ربنا. بعد كده انا بك واليك خلاص انا بك واليك انا انت هدفي في الحياة. وانت وسيلتي للوصول لاي حاجة يا رب. بعد كده يا رب اني لما انزلت الي من خير فقير. ربنا هيديكي ايه وهيديك ايه. لو الاحساس بالاحتياج ايه؟ ملا قلوبكم. ستة. يا ايها انتم الفقراء الى الله. والله هو الغني. يا ايها الناس ربنا بيكلم مين؟ ازكى واحدة في العالم. واجمل واحدة في العالم. واغنى واحد في العالم واعزم حاكم في العالم بيقول لهم ايه ساعة ما هينزل شيء من امري عليكم ما فيش حاجة هتنفعكم مني ابدا ملك الاردن الله يرحمه الله يرحم كل مسلم. لما مات حصل ايه ؟ كان فيه ايه ؟ خلية واحدة في جسمه بس يعني بالمصطلح الطبي اتجننت. بالمصطلح الطبي فقدت الصواب بتاعها. بس. دكاترة العالم كله ما عرفوش يعملوا له حاجة. الموضوع انتهى. القضية انتهت يا جماعة. ليه؟ كل ده ليه؟ خلاص يا ايها الناس انتم فقراء مش انتم فقراء. انتم ال انتم اللي فقراء. انتم بتتعاملوا كده ليه؟ انتم بتتعاملوا كانكم مستغنيين؟ بتتعاملوا كانكم انتم الاغنياء وانا اللي محترم لكم. انتم اللي فقرا فوقوا انتم اللي فقرا. الطالب ايام الامتحانات اللي مش راضي ينزل يصلي في الجامع وبيزاكر. ده مستغني. مستغني؟ لأ مش مستغني. لأ يا حبيبي. انت ما انت مصدق ان مزاكرتك بس ما انتاش معتقد ان نزلتك الجبل هتنجحك. ولا ايه! اللي اول ما ابنه بيسخن ولا بنته بتسخن يجري على الدكتور قبل ما يقول يا رب! ده مستني! اللي اول ما بيبتلى بيجري على الاسباب ويجزع ويبعد عن ربنا ده مستغني. بيستغني عن ربنا. ما ينفعش يا جماعة انتم الفقراء لازم نفوق. اكبر جريمة ممكن انسان يعملها في حياته انه يفتكر انه ممكن يعيش الحياة دي من غير ربنا. انه يفتكر انه ممكن ينجح ويوصل للي هو عايزه من غير ربنا. اكبر جريمة ربنا ما قلناش ساعة الاجابة يوم الجمعة امتى؟ ليه ربنا ما قلناش ليلة القدر في العشر الاواخر امتى؟ عشان نفضل رافعين الذكر اهو. نفضل رافعين له ايدينا. ليه رفعة ايدينا بالمنزر ده كافي ولا مش كافي كافي! امال رايح لغيره ليه! وازا مرضته فهو هو اللي بيشفيني! رايح لغيره ليه! واقف على باب غيره ليه! احنا محتاجين ربنا في كل حاجة تاجره في الدنيا وفي الدين وفي الاخرة محتاجينه في الدنيا احد الناس في امريكا حاول ينتحر ستاشر مرة. لم انقز من ستاشر مرة. شاف مرة من المرات واحد من من الموزفين اللي عنده بيتوضى وبيصلي فبيقول له انا عمري ما شفتك في حياتي غير سعيد. وبتضحك. وعمري ما شفتك تشرب خمرة ازاي ؟ فبيقول له ده يعني يعني انا المسلم والسعادة بيقولوا اصل بصوا يا جماعة الفشل الكلوي بيعمل الم قد ايه رهيب. والفشل الكبدي رهيب. اومال الفشل الروحي يعمل الام قد ايه؟ متعزب متبهدل. قال له انا عايز ابقى سعيد. قال له تسلم. بس تبقى صادق اسلامك. اول ما قال لا اله الا الله بيقول ارتجف وبكى. اول مرة يحس بالسعادة في حياته ليه ؟ لان السعادة من عند ربنا. السعادة مش بفلوس. السعادة مش السعادة انت محتاج له انك ان هو يخليك سعيد. والا مش هتبقى سعيد من غيره. ما حدش مرة حس بفاقة جواه. ما حدش منكم مرة حس بحزن او خوف او قلق او رعب او وهم او اكتئاب ما حدش حس ان في القلب فاقة لا يسدها ولا يصرفها الا الافتقار الى الله ولو اجتمعت اسباب الارض كلها لم تغني عنك ان في القلب خوف لا يزيله الا تعلق القلب بالله. ان في القلب حزن لا يزيله الا حسن الظن بالله. ان في القلب والله كنت النهاردة واقف في الشارع. قاعد ابص عايز ابص على السماء. بيوت يا اخي في كل حتة. عايز ابص على السما. افتكرت ان تيمية لما كان بيسيب البيوت ويخرج في الصحرا ويقول انت محتاج له محتاج له عشان تعيش سعيد. عشان تطمن. انت محتاجة له. لو ربنا شال نعمة واحدة من نعمه عنك. هيحصل ايه؟ نعمة واحدة في الكلى لما الواحد نشوف مريض الكلى تلاقيه مريض يا عيني همدان وبيموت ايه ده! البوتاسيوم قل. مريض تاني متشنج والام وايه ده الكالسيوم نسبته باظت. نسبته اتغيرت الموريتاني التعبان ايه ده! الكلى بس قلبت عليه شوية! ايه كل ده! عشان نعمة واحدة! عضو واحد بس! بس! لو شريان واحد من شرايين الجسم اتسد! نقطة دم واحدة اتسدت شريان في المخ جلطة في المخ. شريان في القلب موت في عضلة القلب. شريان في الرجل بتر والعياز بالله نعمة واحدة نقطة دم واحدة. واحدة لو عضلة واحدة مش ستميت عضلة اللي في جسمك ربنا يعافينا ويعافيكم. جميعا من ستميت عضلة اللي في جسم اي واحد اتشال له. يحصل ايه لو مركز واحد من مئات المراكز في المخ باز. يحصل ايه يا جماعة؟ يا اخوانا احنا عايزين غمض عينك خمس دقايق. لأ النهاردة بكرة غمض عينيك عينك واوعى تفتحها واتعامل في الحياة كأن ما لكش عينين. اقفل ودانك وانزل الدنيا كأن ما لكش ودان اقعد على الكرسي وعيش اربعة وعشرين ساعة على الكرسي كأن ما لكش رجلين. وشف نعم ربنا. لو نعمة واحدة اتاخدت بس هيحصل ايه؟ لو نعمة واحدة اتسابت لك. من اعجب ما قرأت ان الشبكية بتاعة العين لو الانسان تركت له ان هو اللي يديرها محتاج كمبيوتر بيعمل ميت مليار عملية في حسابية في الثانية عشان يدير الشبكية بتاعة العين يا الهي! يا ربي! يا اخوانا ده! ايه يا اخوانا من غير ربنا هنعمل ايه! من غير ربنا هنعمل ايه! هنروح فين من غير الملك الجليل! من غير ربنا العظيم سبحانه وتعالى اذا يا اخوانا محتاجين ربنا محتاجين ربنا في الاخرة. محتاجينه في مواقف هتعدي عليك. حدش هينفعك فيها غير ربنا. عارفين حديس الشفاعة بتاع صحيح مسلم. رواية في رواية ابو هريرة لسة هاكلمكم عن رواية انس. رواية ابو هريرة لما الناس بيقولوا اما تروا ما قد بلغنا اما تروا ما نحن فيه. هلم بنا ليشفع لنا احد تروحوا لادم يا ادم ده انتبهوا الانبياء وانت ابونا وانت فيقول لهم ايه اما ترى ما نحن فيه اما ترى ما قد بلغنا فيقول ان الله قد غضب غضبا لم يغضب قط ولم يغضب مثله قط ولكن اذهبوا الى غيري نروح لمين؟ نروح لنوح. نوح على ابراهيم ابراهيم على موسى. موسى على عيسى. يعني ايه؟ ما حدش هينفعك حتى سيدنا محمد في رواية انس بقى في صحيح مسلم. سيدنا محمد بيقول كلمة عجيبة اوي. بيقول فيحد لي حدا فاخرجهم من النار يعني في حدود يعني حتى شفاعة النبي عليه الصلاة والسلام. اومال مين اللي هينفعني يوميها؟ لو انا برة الحدود دي والعياذ بالله مين اللي هينفعني؟ الله. الله في مواقف مش هينفعك فيها غير الله. يوم لا ظل الا ظله. يا يوقفك يا يسيبك في الحر. حتى على حوض الرسول عليه الصلاة والسلام. الناس رايحة للنبي عليه الصلاة والسلام يحصل وهي رايحة للنبي ها يصل ايه؟ الملايكة تطردها بامر من الله. النبي ما يقدرش ان هو يجيب عليه الصلاة والسلام. ربنا هنا يا جماعة. ربنا العظيم الجليل سبحانه هتعمل ايه في الدنيا؟ انت محتاج القبول يا ابني. انت ضمنت ان زنوبك قبل الحجاب واللبس اللي لبستيه اتغفر لك؟ انت ضمنت ان توبتك اتقبلت بعد الزنوب اللي عملتها؟ انت ضامن ان قعدتك الوقتي اتقبلت عند ربنا. انا ضامن الوقت ان كلامي ده اتقبل. يا اخوانا العصمة من الانتكاس. الشاب الخليجي اللي سافر اوروبا وقال هاعمل كل حاجة نفسي فيها اما اسافر جا له في العمود الفقري ورم ووجع راح يكشف عمل اشعة قالوا له انت عندك ورم وهتموت وروح بلدك تموت فيها. روح قعد يعبد ربنا وتاب. ما فيش حاجة رايح يكشف قالوا له يا ابني انت ما عندكش حاجة اصلا. مين اللي قال لك الكلام ده ؟ سبحان الله! شوفوا ربنا عصمه بدكتور رغم مهارته العالية شخص غلط. عشان ربنا يعصمه من انت محتاج انه يعصمك. ولولا ان سبتناك ده النبي. امال انا وانت محتاجين ايه؟ محتاجين ربنا قد ايه عشان نثبت يا اخوانا ويرزقه من حيث لا يحتسب. اخر عنصر معنا ويرزقه من حيث لا يحتسب. ليه يا رب؟ ما تعرفني مصدر الرزق؟ لا عشان قلبك ما يتعلقش بمصدر رزق يتعلق بي انا بس لوحدي. ويرزقه من حيث حيث لا يحتسب. اه يا اخواننا لو احنا فهمنا دي احد اطباء اعرفه ربنا يبارك فيه يعني دكتور فاضل بيقول يعني هو تخصصه رمد. بيقول لما خد درجة اخصائي واروح. بيقول اول ما رحت دخلت على مدير المستشفى قال لي اهلا ازيك يا دكتور تعال مفتاح العيادة يا ابني قال له عيادة ايه ؟ قال له الدكتور اللي قبلك كان فاتح عيادة تعال انت المفتاح اهو. قال له بس العيادة دي تمنها قال له اربع تلاف جنيه ومقدم. قال له انا معييش حاجة. قال له ده الفين جنيه سلف اهو والله هو اللي بيحكيها لي الفين جنيه سلف اهو والفين جنيه اتصرف فيها. بيقول واحنا بنركب اللمط بتاعة العيادة. العيانين كانوا قاعدين على السلم. هو كان وقتها ظروفه الاقتصادية يعني ايه؟ يعني ظروفه الاقتصادية دكتور يعني ايه ؟ دكتور لسة بقى له خمسة وتلاتين سنة ولا ولا تلاتين سنة بادئ حاجة يا جماعة يعني انتم عارفين مرتبات الدكاترة ولا ايه ؟ المقصد يعني بلاش فضايح على الشاشة. المهم بيقول له يعني فبيقول العيانين على السلم. بيقول لي انا فتحت العيادة كنت باكسب ايام هذا. الكلام ده من سنين. الف جنيه في اليوم لدرجة مراته شكت في خانة العيال وركبت مواصلات لغاية ما وصلت له عشان تتأكد بعينيها ان هو بيكسب حلال. وعسى ان تكرهوا شيئا وهو خير لكم. هو ما يعرفش يا اخوانا ما حدش يعرف فين الرزق. واحد هيقول لك الدكاترة بقى يا عم ومش الدكاترة من كزا يوم كنت راكب التاكسي فراكب معي واحد ايه يعني ربنا يبارك فيه اللي هو العتال اللي هو الحاجات بتاعة البنا والمونة. فقعد يتكلم عن الدنيا والعيشة كان جنبي اخ طبيب فبقول له يا حبيب قلبي يا دكترة بيقول لي ايه ؟ باقول له انت بتاخد كم في الشهر؟ انا عايز اسمعه فبيقول لي باخد متين ستة وتمانين جنيه في الشهر. فقلت له يا عم الحاج احمد ربنا ابوس ايدك وش وضهر انك ما طلعتش دكتور. ويرزقه من حيث لا يحتسب. ليه ربنا كان دايما ما بيقولش لموسى ان العصايا هي اللي هتحل المشكلة؟ ما يقولوش ان هي البحر ما يقولوش ان هي اللي هتضرب العصاية تفجر اتناشر عين. ما يقولوش ان هي اللي هتترمى طلقة في ما يأفق السحرة. ليه؟ عشان قلب موسى ما يتعلقش غير بالله. سبحانه وتعالى. ليه منزر اللي بيشحت. بس من ربنا بقى بنسأل ربنا سبحانه وتعالى. يتزلل له عشان نستعز عن البشر كلهم. ليه يا اخوانا؟ ده اول سورة بنقراها في القرآن سبعتاشر مرة في اليوم في الصلاة. الفاتحة من اولها افتقار. بسم الله الرحمن بي. باقي الاستعانة. انا من غيرك لا هعرف انطق حرف ولا افهم حرف اطبق حرفيا رب بعد كده اياك نعبد واياك نستعين. انا يا ربي على قد ما هعبدك على قد ما هتعني. على قد ما هتعني على قد ما اعبدك ولا مش هقدر اهدنا الصراط انا يا رب عايزك توصلني ولا مش هعرف اوصل يا رب. صراط الذين انعمت عليهم. من صراط الذين صلوا وصاموا وقاموا لا. اصل كل ده كان محض نعمة منك انت يا رب وفي الاخر امين استجيب يا رب يعني يا اخوانا كلها فقر. كلها افتقار لله سبحانه وتعالى. عايزين نتعلم بقى. عايزين نتعلم بقى منزر كلمة يا رب. لما القناع بيسقط بقى تلاقي واحد لوا ولا وكيل وزارة ولا ملياردير ولا صاحب مجموعة شركات ولا وزير ولا ورافع ايده كدهوت وقاعد اتزل لربنا سبحانه وتعالى تحس ان القناع قناع الكبر اللي احنا بنلبسه في الدنيا والكبر بالاسباب بيسقط. يا جماعة يا اخوانا عايزين نفوق بقى عايزين نرجع لربنا بقى. عايزين نحس ان احنا محتاجين له بقى. احنا كده في نهاية الحلقة احنا كده معنا سبع جواهر قرآنية لازم تشق قلوبنا. معنا جوهرة ليس لها من دون الله كاشفة. انا عايزك تكتبي الكلام ده في ورقة وتعلقي معنا جوهرة لان لم يهدني ربي لاكونن من القوم الضالين. معنا جوهرة وان من شيء الا عندنا خزائنه. بعد كل ده قلبك ما لانش بعد كل ده قلبك لسة ما نامش بعد كل ده عايزين ايه ؟ معنا جوهرة انا بك واليك. معنا جوهرة ربي اني لما انزلت الي من خير فقير. معنا جوهرة يا ايها الناس انتم الفقراء الى الله والله هو الغني الحميد. معنا جوهرة ويرزقه من حيث لا يحتسب ما نعرفش الخير هييجي منين. يا جماعة. يا جماعة انا عايزك انا عايزك تبكي وانت بتقول وتولني فيمن توليت انا عايزك تبكي وتقول انا الفقير الذي اغنيته فلك الحمد انا الضعيف الذي قويته فلك الحمد الضال الذي هديته فلك الحمد انا التائه الذي ارشدته فلك الحمد انا المسكين الذي اطعمته. انا الجائع الذي اطعمته. انا العاري الذي كسوته. انا الظامئ الذي رويته فلك الحمد انا انا انا يا رب ما كنتش حاجة من غيرك يا رب. الف حمد وشكر لك يا رب اقصد درس الليلة ان احنا نحس ان احنا محتاجين ربنا قد ايه. الماء بيفتقر الى الله في الرواء. والدواء بيفتقر الى الله في الشفاء. وانت مفتقر الى الله في كل لحظة في حياتك انا مش عايز الكلام ده يبقى شوية مشاعر حركت قلبك وخلاص. انا عايز الكلام تعاصفة تغييرية تقلب حياتك تغير حياتك. عايزك تتعلم ان كلمة يا رب تبقى منهج حياتك رافع ايدك وماشي به. عايز يبقى لازمة على لسانك في القعاد والقيام والدخلة والخارجة والركوب والنزول كلمة يا رب لعلي تصادف ساعة اجابة يستجاب لك. يا طلاب الدنيا. يا طلاب الدنيا ما لكوش غير ربنا سبحانه وتعالى. انطلقوا اليه. يا طلاب الدين. الدعوة داعيا الى الله باذنه مش هتدعو غير لو فتح عليك في الدعوة. العلم لا علم لنا الا ما علمتنا مش هتطلب علم غير لو فتح عليك في العلم. الجهاد ولكن ولكن كره الله انبعثهم فثبطهم. مش هيقومك في الجهاد غير لو فتح عليك. العبادة اياك نعبد واياك نستعين. لو عينك هتعبد والا من تشاء ضابط. الهداية الحمد لله الذي هدانا لهذا. وما كنا لنهتدي لولا ان هدانا الله. مش هتلتزمي غير به. مش هتقدر تتوب غير به. مش هتقدري تسيبي المعصية يا اللي انت مش قادرة تسيبيها غير به. مش هتقدر تسيبي المعصية اللي انت بترجع لها كل شوية غير به. نفوق بقى يا جماعة. اصلاح القلوب ولولا فضل الله عليكم ورحمته. مازا كان منكم من احد ابدا ولكن الله يزكي من يشاء. يا طلاب الاخرة اول كلمة اهل الجنة بيقولوها اول ما يدخلوا الحمد لله الذي هدانا. الحمد لله لولاك يا رب ما كناش دخلناها. لولاك يا رب لولاك يا رب ما كناش وصلنا لاي حاجة. يا ترى يا اخواننا حسينا احنا محتاجين قد ايه حسينا بفقرنا حسينا قد ايه احنا فقراء. حسينا قد ايه احنا ازلة ومساكين وغلابة. حسينا قد ايه احنا محتاجين له في كل لحزة في عمرنا. اكتر من نفس اتنفزوا التوصيات بتاعتنا. التوصيات بتاعتنا يا شباب. بكرة السبت بكرة واحد شعبان يا جماعة. انا بقى لي تلات اسابيع ولا اربع اسابيع. اربع اسابيع قلت لكم من شهر يا جماعة هنبدأ السلسلة دي عشان رمضان. عشان نوصل لربنا سبحانه وتعالى في رمضان. صح ولا لأ؟ فاكرين الموضوع ده ولا لأ؟ اهو يا اخوانا شعبان اهو وشوية وهقول لكم رمضان بكرة. يا جماعة عايزين نفوق. يا جماعة احنا بدأنا في واحد شعبان. الليلة دي من اول المغرب ليلة واحد شعبان بدأت خلاص. طب انت بتقول الكلام ده ليه عشان حاجتين. الحاجة الاولانية اخطر ايام في عمرك كله هي الايام دي. ايه يا عم؟ مش الايام دي استعداد لرمضان. رمضان اخطر؟ لأ. الايام الجاية دي اخطر. الله ايه الكلام الايام الجاية دي اخطر من احتلال فلسطين والعراق! الله! انت بتقول ايه! انت عارف اخطر ليه! لان الايام الجاية دي هيرفع عمل السنة كله الله سبحانه وتعالى. فيه حاجة اخطر من كده جنتك ونارك. يا جنة يا جهنم والعياذ بالله. فيه حاجة اخطر من كده؟ يا اخواننا اخطر ايام في حياتنا الايام الجاية دي. طب نعمل ايه صحيفتك هتعرض يا بنتي. صحيفة السنة اللي فاتت. طب اعمل ايه ؟ ما فيش فيها زنوب يا نهار ابيض! ده فعل! ده فيها حاجات رهيبة! توبي! ايه الحي جدد لي التوبة! ما فيش فيها حسنات ناقصة ده فيه شعب ايمان كتير اوي ما عملتهاش. واعمال كتير اوي ما عملتهاش. الحقي يا بنتي عوضي اللي انت ما عملتيهوش. طوبى لمن وجد في صحيفته استغفارا كثيرا. انا ما استغفرتش الحق كتر في الاستغفار في الايام الجاية دي. الحقوا يا جماعة. الحقوا صوموا. النبي كان بيصوم. طول شعبان عليه الصلاة والسلام الا قليلا ليه؟ مش زي ما احنا بنقول قل عشان استعداد لرمضان لأ. ده النبي في النسائي في صحيح النسائي بيقول عليه الصلاة والسلام. واحب ان يرفع عملي وانا صائم. ده لان الاعمال بتترفع في شعبان. نلحق يا اخوانا الصيام نلحق يا اخوانا نعمل حاجة كبيرة ترفع بها صحيفتنا في عليين. نلحق يا جماعة نبتدئ. يا جماعة ما تيأسوش. مش معنى انها هتطلع مليار وربعميت مليون صحيفة الايام الجاية دي لربنا وصحيفتك وسطهم هزيلة انك تيأس لأ لسة عندك فرصة ازاي انما الاعمال بالخواتيم يلا الايام الجاية بيموت نفسك في الشغل الايام الجاية ديت هات اخرك في الشغل يتكتب لك ان شاء الله كأنك طول السنة قيام وطول السنة صيام. ليه؟ لان الاعمال بالخواتيم. عايزين خاتمتها هتبقى مسك كتروا من الاستغفار من الصيام. حاولوا تختموا القرآن. حاولوا تجيبوا على قد ما تقدروا يا جماعة الاسبوعين الجايين دول بالزات في اثر وان يعني كان التحقيق بتاعه يعني اثر ان الرفع ممكن بيبقى في ليلة النص من شعبان اثر. يعني يعني بيعبر عن قول من اقوال السلف يعني على الاقل حتى الخمستاشر يوم الجايين دول. الخمستاشر يوم الجايين دول نجتهد يا شباب. ونقتل نفسنا على قد ما نقدر. يلا يا رجالة. يلا يا جماعة هنبدأ من اول ليلة الليلة ليلة خلاص ليلة واحد شعبان بدأت. خلاص الخمستاشر يوم بتوع شعبان او الشعبان بدأ. خلاص رفع الاعمال الى الله. الشهر بتاعه خلاص انا مش متخيل ان فيه حد الليلة قلبه هيجي له ما يقومش ليه! انا مش متخيل! صحيفتك هترفع. يلا حس بالخطر. اخطر ايام في السنة كلها الايام الجاية دي صلحي كل اللي فات. عدي لكل اللي فات. يلا زود يلا الهمة يا رجالة. يلا يا جماعة دي صحيفة السنة كلها. ده احنا ممكن نكسب رمضان فتح واول ثمرة لقبول ربنا لصحيفتك اللي اترفعت في شعبان هو فتحه عليك في رمضان. عشان كده على قد قبول ربنا لصحيفة شعبان على قد فتحه عليك في رمضان. يلا يا رجالة. يلا يا جماعة عايزين ننطلق الى الله. الملك الجليل خلاص كلها حاجة بسيطة وندخل في التلت الاخير من الليل والملك هيتنزل واحنا ناس اهل سنة. اهل سنة ولا مش اهل سنة؟ اهل سنة طبعا. واهل السنة بيثبتوا لله صفة التنزل. مش زي المبتدعة اللي بيكيفوا او بيعطلوا او بيأوله او بيشبهه في صفات الله. احنا ناس اهل سنة. اهل علم. ماشيين وراء علماء السنة. عشان كده يا جماعة الملك بيتنازل بيتنازل ازاي؟ يعني بيتنازل ولا كلام مجازي لأ مالك بيتنازل حقيقة لا تؤول في صفات الله. طيب بيتنزل ازاي ؟ لا تكيف ولا تعطل ولا تشبه. الله اعلم بفضل الله سبحانه وتعالى. الله اعلم بصفات الله سبحانه وتعالى. امال نعمل ايه؟ نؤمن بان الملك بيتنزل بلا تكييف ولا تعطيل ولا تشبيه ولا تأويل. يعني ايه ايه الكلام اللي انت قاعد تقوله الغريب ده ؟ يعني قومي بقى يعني قوم يعني خلاص التلت الاخير من الليل لسة عليه حاجة بسيطة خالص نتجهز للوقوف بين ايدين الملك الجليل العظيم. نقول له محتاجين لك يا رب محتاجين لك قوي يا رب محتاجين لك وهنفضل حاسين باحتياجنا لك لاخر لحزة في عمرنا. وما عادش لنا باب غير بابك يا رب. وعرفنا ان لا شيء قبلك ولا شيء بعدك. انت الاول والاخر في حياتنا انت يا رب ما لناش غيرك وما فيش في قلوبنا غيرك. ويا رب سبتنا على الاحساس ده. يا رب افتح على قلوبنا بالايمان. يا رب يا رب يا رب. كل حاجة نفسكوا فيها تطلبوها من الملك الجليل وان من شيء الا عندنا خزائنه. اللهم تب علينا لنتوب. اللهم اغننا بالافتقار اليك. اللهم اعزنا انكسار بين يديك. اللهم احي قلوبنا بحبك. اللهم احي قلوبنا بالثقة فيك وحسن الظن فيك يا رب العالمين. ربي اجعلنا لك صوامين لك قوامين لك ذكارين لك شكارين. اللهم تقبل اعمالنا. اللهم تجاوز عن سيئاتنا. اللهم ما رأيت من اعمالنا صالحا فتقبله وزد لنا فيه. اللهم ما رأيته من اعمالنا سيئا فتجاوز عنه واعف عنه. اللهم ارفع اعمالنا في عليين اللهم تقبل منا. اللهم افتح علينا. اللهم يا ربنا وقفنا على بابك اذلاء منكسرين. متذللين ليس لنا لا نبتغي سواك. نحن بك واليك. نحن بك واليك. ليس لها من دونك كاشفة. فرج كرباتنا امراضنا. اقض ديوننا. اغفر ذنوبنا. اقم قلوبنا على مرادك يا رب يا رب مهما سألناك فلن تكفي اسئلتنا حاجتنا منك يا رب العالمين. فلن تكفي اسئلتنا حاجتنا منك يا رب العالمين. يا يا رب يا رب نسألك كل ما في خزائنك من خير يا رب اصرف عنا كل سوء وشر. اللهم فرج كرب كل مكروب مسلم اقضي الدين عن كل مدين مسلم. اشف كل مريض مسلم. اغفر لكل مؤمن ومؤمنة يا رب العالمين. اعط كل محروم من الذرية. الذرية الصالحة يا رب العالمين يا رب يا رب ارض عن امة محمد وارض امة محمد واهد غير المسلمين يا ارحم الراحمين. كما المسلمين. سبحانك اللهم وبحمدك اشهد ان لا اله الا انت استغفرك واتوب اليك. وجزاكم الله خيرا